رواية كسرة قلب الفصل الرابع 4 - بقلم نور الشمس

شوفوو المقطع حسيته يمثل حالتها 😓

.....

خلاني بحصرتي وطلع تمنيته يطلع من گلبي مثل ماطلع من غرفتي

رجعت بذاكرتي القبل عشر ايام مو اكثر اجه الضهر
چان مهموم على مرض صديقه الي حاول يساعده بكل طريقه ماگدر وده اوراقه وتحاليله للهند والأيران وبلغوه ماكو فايده من العلاج لأن الورم منتشر اكثر من قبل والعمليه الثانيه مافادته

مثل كل مره من اشوفه ضايج گلبي يحتصر واتعب
هيج اشوفه مايستاهل الضوجه وجهه يلوگله الفرح اكثر
رغم مايتغيير ولايعكس ضوجته علينه بس مبيين علي القهر
تمكيجت وحليت شعري الي يحبه وگعدت يمه

..ها يالحبيب شنهي الشاغل بالك ادريك ضايج على عادل خلها على الله هوه ارحم بحاله

..الله كريم مو بيدي شيخه.. گلبي مالوم علي مابيدي شي لو اكو امل اربعين بالميه مااتردد اسفره الأي دوله ..عادل صاحب اكثر من اخوو ونوبتين طلعني من الموت فده روحه الي نوبتين  تصده الرصاصه عني الكاتلني مامتزوج ولاعنده ولد يشيل اسمه شگد لحيت عليه يتزوج وگتله انه اتكفل بكلشي بس مارضا

..والله انه اعزه عادل اخو والنعم منه وادريك لو بيدك ماتگصر بس هاي رادت الله لا اعتراض على حكمه

تمدد ع الچربايه واجاه سبع هذا ابنه المدلل عمره خمس اسنين ازغر واحد واعزهم عنده
توسد ذراع ابوو ويلعب بلحيته  حظنه ابوو يبووس بي حاچيتهم بضحك انتوو الأثنين لو اجتمعتوو تنسوني ومن تتفارگون كل واحد منكم يچلب بيه واصير انه وبس بالنسبه اله ..
وصرت اغار من جمعتكم هاي

.. انتي الأصل هذا الحلوو من هالكيك هوه غير نسخه منچ وزايده محبته عندي الهذا السبب

..هالله هالله ..اخذني بحجاياتك ذني تريد ادوخني بس ماتمشي علي هوه الي يريد؟ يعوف الاصل ويدور نسخه منه
ضحك ضحكته الي احبها صوت كهكهته الي يريح روحي
..بهاي طلبتي حگچ ضربت چتفه ..سبع گوم بويه روح يم اخيوانك خلني وي امك  بساميرها ادگ بالعظم
طلع سبع دارلي

..تعاي شيخه.. شيخة گلبي انتي شماصعدوو ونزلوو كلهم دونچ عندي

..وگفت اعدل مكياجي ع المرايه

..تعاي هنا شتعدلين انتي؟ هوه يكشخ بيج مو انتي التكشخين تعاي اسألچ سؤال ابالي من زمان

..درت عليه عاگده حاجبي شنهي سؤالك

..تعاي يمي وانه اگلچ

..تقربت عليه سوالي مجال واشرلي اتمدد يمه
توسدت ذارعه ورفع راسي بيده خلي وجهي گبال وجهه وعينه  بعيني
عيونه الي اسرح بيهن اروح الغير عالم
همسلي بصوت ناعم ماتعرفين سؤالي شنهو
..اشرتله شنهو وانه ابلعم من نظراته الهسه اتيه حروفي بنظراته وصوته من يهمس ويتغزل خمس اولاد خلفت ومستحاي وعگدة الساني مافكت مني

..سؤالي يگول.عود انتي  شوكت تكبرين  العمر يمشي وياچ عكس يمكن

..ضحكت ولا انت تكبر

..انه الشيب بيين براسي انتي الماتكبرين كل ماالج تحلين اكثر محظوظ انه بيج حظي وبختي كله بيچ

..الشيب زايدك حلاه بعدين مو هواي هنه شويه مطشرات منا ومنا

..مثل حالي المطشر هسه وانتي بين ادي
   ......
گام يسبح ويبدل ويطلع نهضت من فراشي اكعد وياه
احضرله هدومه

...اخذهن وحبني براسي وطلع
وانه هم  غسلت نزلت اشوف الولد صگر طالع وي فيصل اخوو بمكتبهم بالولايه
كرم گاعد وي ابو بالديوان
كرار وعلي يقرون
ضرغام وسبع يلعبون ويمهم بنت عمهم مريم عمرها ١٥ تلعبهم وهمه يحبونها

..ها عمه مريوم انتي يمهم

..اي عمه هسه من اشوي اجيت امي ودتني گالت شوفي عمتج خاف معتازه شي

..حبيبه امچ  عبن بنت عمي صدگ لو گالوو الحبايب يسوون للكرعه گصايب
ماعندي شي عمه گعدي تونسي علما تجي امج ولو اجن نسوان علي بس ضيفيهن

..صار عمه

..اباوعلها مريوم فدوه حليوه شهله بسمار بيها عيونها ملونه وشعرها اشگر بس هيه سمره
والله لو تصير نصيب كرم اتمنى بس كرم بعده توه ١٦سنه والبنيه تكبر كبل الولد خاف تتزوج گبله
رديت على روحي لو تزوجت الله يسعدها البنات هواي
گطعت صفنتي صوت حماتي رباب جايه تلكيتها

..حي الله ام عليوو كل الهلا نورتي

..انتي النور ام الغالي ومرت الأغلى شو ماكو الحبايب

..گعدي كعدي شويه ويجن

..عمتي ام شيخه وين

..امي اليوم سيرت على اخوانها تريد تشوفهم مشت الخوالي اجه ريسان اخذها

..خليها تتونس تغير جوو الگعده تكسرها

..اي والله تطلع احسن

التمن الحبايب كلهن ابيتنه الديوان معزول عن البيت وبابه وحد الزلم يجون ويطلعون محد يشوفهم ولا النسوان من يجن ينشافن
نسوان حماي تلاثه فيصل ماخذ اثنين ام حوراء مخلفه خمس بنات حوراءوزهراء وكوثر الكبار والاخيرات توم سموهن بيداء واكتفاء
والثانيه ام عمار مخلفه ولد اثنين عمار وفقار

فيصل نسوانه وحده بت خالي ووحده غريبه ام حوراء بت خالي بس هنه اثنينهن طيبات

حماي محمد مرته بنت عمي مخلفه مريم ونبراس وفرقد
مريم ابنيه ونبراس وفرقد ولد

ولأن انه ماعندي لا اخ ولا اخت اعتبرهم كلهم اخواني وهنه خواتي والكل يقدرني ويحترمني

ماعندي اليكرهني كره بس اكو يغارن غيره
حماتي رباب وسعاد يحبني حيل وماينطن بيه ابد
بس حماتي الزغيره وفاء ماادري ليش ماتحبني هيج من الله ماغاثتها يوم بشي رغم اعرفها ماتحبني وتغار بس ولايوم اقلل من قيمتها من تجي احترمها واقدرها الخاطر فهد
اخوهن يحبهن هواي
خلصنه يومنه مثل كل يوم نجتمع عصريات سوالف ونقل اخبار وونسه ونوبات يجن نسوان يردن حل المشاكلهن لو انه ادخل لو اطلب من الشيخ يساعدهن
مااتردد بالمساعده اذا ماديه او معنويه
صار المغرب وكلمن راحت البيتها وظلن بس خواته هيفاء ورباب
اجه ورحب بيهن وسألهن على حالهن وجهالهن يسولف وياهن بس اشوفه مهموم ومو على بعضه
عيني عليه وانه افكر شبي اليوم فهد
گطع انتباهي صگر من فات يسلم شافنه خواته فرحانات بي بس مو مثل فرحتي فدوه الطوله ابني هذا صار عمره ١٨  أطول مني صار وهوه چان على ايدي سهرت ليالي وايام وانه اداري هسه حسيت بطعمهن ويروح كل تعبي من اشوفه
ابتسمتله هلا بسورها ونورها هلا بالغالي
هلا بصگر امه

..هلا بيج زهرة البيت انتي

ابتسمت لحچايته فرحانه ضاعت ابتسامتي بحچاية وفاء
..والله خوش بعدج ناويه تنسينه امه الله يرحمها عمت عيني يمه خلته مايذكرچ

..سكتت ماهمني حجيها اكثر وحده انه اسولفله على خالتي واطلعله صورها حته حفظ اطباعها مني
جاوبها هوه
..وفاء اطلعي منها انتي ولاتحاجين امي هيچ لاتنسين هيه مرت الشيخ واحترامج الها يعكس احترامج الشيخج واخوج
وبعدين انه ماارضا عليها امي من وعيت ع الدنيا وهيه امي واذا على امنه الله يرحمها اعرف كلشي عنها كلش كافي هيه امنتني عدها ليش ماكالت بناتي يربنه

..انه اگلك ليش ياصگر جانت تريدك تربه بين اخوتك واحنه متزوجات جنه تونه متزوجات وببيوت رجولتنه صعبه نهتم بيك

..هذا هوو  بعد لاتدخلين
ضاجت هيه طلعت انه وصگر لحگني

..يمه جوعان فدوه اريد غداي امبقيلي موو

..يخسه الجوع بعد امك تدلل اذا الك ماابقي المن ابقي بعد

كرم..انه اكلت حصته بعنادج

..لا ماتسويها باوعت الصگر جذاب والله هوه گال لاتنسونه مايحب الأكل بره صگر وطرفتلك من راس الجدر

..ضحكت فدوه الأيدج يمه ..درت على كرم  وحاجيته  حته لو اكلتها الف عافيه انه وانت واحد

باوعتلم ودعيت الله يديمهم

خلص العشه وراحن البنات لبيوتهن كملت شغلي وبعد ماحضرت الكل واحد اهدومه وراجعتلهم واجباتهم
صعدت الغرفتي اسبح وبدل واعزل الغرفه گبل لايجي الشيخ من ديوانه

صعد هالمره من وكت چنت اراسل مرت ريسان ابن خالي.. ورود بنت عمي تصير اسألها على امي كالت زينه وكلشي تمام وشربت علاجها ونامت
ارتاحيت الحمدلله
اجه الشيخ سلم وگعد
طوول وهوه صافن علي ماشال عينه مني بس نظراته مامفهومه
اشرتله شتفكر

..شيخه تقبلين اتزوج

..ضحكت اكيد يشاقه گتله ماامنعك ولا اقبلك

..يعني ماتمانعين

..ماامانع حلال الله بس تنساني بعد للدوم تتزوج غيري تنساني

..تدرين مااگدر انساج غير انتي الهوه

..جالاتزوج مامجبور اضحك واسولف كل وبالي شقه

..والله بنيه فقيره تكسر الخاطر ماالها احد

..شو چنك تحچي صدگ

..اي احچي صدگ جااجذب عليچ

..يعني حجييك صدگ

..اي صدگ كالها بنبرة واحد مهموم جنه على ظهره حمل وزاحه

..دسويها وتحلم تجيس اضفري بعد

..والله مو قصور بيج ولا رايد عليج الله يشهد وراس سبع وروح امي مجبور ورايدج تعينيني

..انت صدگ تحچي كمت من مكاني وردت اطلع

..اوگفي وين زنودچ كلها طالعه صگر بره وولدچ هم مايصير هيج اطلعين

..انت خليتلي عقل افكر بي اريد اطلع اختنكت

..مادام حچينه خل اشرحلچ

..مااريد كل شرح ولا اريد اسمع هيه حجايه وحده تتزوج غيري تنساني

..گلبج ماينطيج

..مثل ماگلبك ينطيك.تكسرني

..ماعاش اليكسرج والله طلبها مني طلبه عادل هاي اخر ايامه واخته وحيده طلب مني بلسانه اخذها عروس الي كدام العرب كلها حته يأمن عليها
ولج والله مااگدر ارفضله اخر طلب وهوه عمره كله ينفذ طلباتي ومايوم راد شي مني بس هاليوم وهوه بأخر انفاسه

..نزلت دموعي ماترفضله طلب وتكسرني انه؟
تجيبلي ضره ليش مو حلوه.. مامدللتك ماجايبتلك ولد ..خمس ولد واخوك السادس ربيته وغليته اغلى من ولدي ليش فهد ليش وين حبك وين وعدك

..وروح امي ماكو بغلاتج ونفسي ماتدنه الغيرج ولامخلي هاليوم ابالي بس طلب مني بلسانه ودموعه تصب شگله شلون گلبي ينطيني ارفض

..بس ينطيك تكسر گلبي

..مااكسره انتي ام البيت وانتي الاصل

..يابيت صحت يابيت الي يحله بعين مره بعد راعيها هاي السوالف ماتهمني
ومن اليوم فراشي يتعذرك

..اطرديني شيخه

..ظل انت انه اطلع يم ولدي

..تعاي گعدي انه طالع

..يعني راح تسويها

..ماعندي حل

..وانه

..انتي ارضيچ

..ماكو شي يرضيني وخليها ابالك زين مثل ماكتلك تنساني

طبگ الباب وطلع بچيت بصوت احس گلبي مفطور
ابجي ومامصدگه

گطع صفنتي صوت الرمي العالي حسيت حرورة دمع على خدي مسحته بطرف ايدي وانه اعدل كحل عيني 
فتحت البرده وباوعت
..ابتسمت رغم الوجع البيه فدوه هذا صگر يرمي وعينه على شباچي يحس بوجع امه

اشوف كرم گلبه گوي هذا ابن ابوو واگف على يمين ابوو كرار وعلي يم عمامهم واگفين يتلگون الناس بعرس ابوهم
سبع وضرغام يلعبون بس فاهمين اليوم ابوهم عريس
اباوع ودموعي تنزل بدون وعي
شفته رفع راسه وعينه على شباچي رغم ادري ماابين ولا انشاف بس رجعت وخفت لايشوفني ويحس بعدني احبه وكاتله روحي عليه كشخة اهله وعمامه چان الي وحدي وهسه صرت مشركه وانه ماينشرك وياي اخلي الها من رضاتي احسن

اندگ الباب باوعت للبرده خفت هوه من شفته بوكفته ارتاحيت جريت نفس وگلت ياهوو تعاي

..انه خيه انه رباب

..هلا بأم علي هلا داده تعاي نسيت اتباركلج اليوم حنة اخوج وباجر زفته

..سوده عليه مابيدي شي عليج البيدي سويته مارحت وياهن لابخطبه وحته كطع مهرهم ماحظرته

..ليش مارحتي تدرين بيه ماازعل عليج ادري بيجن ماترفضن لخوجن طلب هسه يزعل عليج ليش مارحتي

..والله هالمره كلت حته  وان زعل بس هوه كيف جي مارحت ووصاني عليج مااتيهج هالايام

..ضحكت بأستهزاء يخاف عليه خاف اموت وراه كلشي مابيه واذا صدك تحبيني لاتكليلي وصاني عليج واجيتج اذا ماجايه من كيفج علمودي لاتجين بوصيه منه انه وياه حد الله مابيني وبينه

..لطمت صدري فلك طرني تردين تطلگين

..لوو بيدي اطلگ والله بس ادري بي مايخليني لو اموت وانه هم مااريد اجيبله العيبه تالي عمره ولا اريد ولدي يتيهون بينه مااريد كل هذا تدريني

الكاتلني مامگصره وياه بشي  احلى لبس البسله اتعنه احسن مناطق واشتري مو انه الادور المضاهر ولا انه الي تتنومس بلبسه بس نيتي دوم ارضي ومااريده يشوف غيري وتالي شصار عمري مامتوقعه يتزوج علي

..الله كريم صيري سباعيه ولاتخلينها تاخذه الها

..اته المتنازله خلي الها مااريده بعد

..ولج تجذبين بعدج ضايجه بس ماتنسينه انتم مضرب مثل للكل تالي تكولين متنازله

..كسر گلبي وكسره ماله جبر

..الج الله خيه

عافتني وطلعت عدلت روحي وحسيت شويه ارتاحيت نزلت يم النسوان ماراحوو حنوو كالو مايحتاج هيه ماعدها احد
الهسه مسألت عليها شكد حعمرها حلوه لو لا
انه اعرف عادل ازغر من الشيخ بهواي
ماادري عنده اخت ماطالعه ابد بس ادري بي وحيد وعدهم ثار بديرتهم وجاي شارد محد يدري بي من ديرته هوه عدنه
مر اليوم ومانمت للصبح اتگلب
مااخذت عيني نوم
طلعت اتوضه اريد اصلي واشكي همي الربي
واكفه ع المغسله ارفع ردن ثوبي
رفعت راسي ع المرايه شفته وراي واگف
لو بس اسيطر على كلبي ودگاته وابيين مامهتمه بس ماكو طاقه لاحكم بيها بگلبي بكد ماكارهته بعدني احبه اكثر هوه لو مااحبه ماوجعني گلبي هيج
نزلت عيني اكمل وضوئي
حاجاني

..شهامه ورب الكون وحگ خالق السماوات البگلبج اضعافه بگلبي شگد مهمومه انه اكثر وشگد ماكارههتني كاره روحي وكاره الأنه بي اكثر منچ ماچنت يوم اتخيل يصير وياي الصار اليوم ..
ومااعرف باجر شيصير

..نزلت مني دمعه هاي الدمعه الفاضحتني اريد احجي بس صوتي يخوني سكتت
كملت وضوئي ورجعت وهوه باقي على وگفته

ثاني يوم الكل مخبوصه والكل مشغول وعيونهم علي تصنعت القوه بس انه امشي جسد بدون روح
صگر وكرم هالمره اجوني اثنينهم وشجعوني بحجيهم يمدحوم بجمالي وبقوتي اعرفهم حاسين بيه بس مثلي مقنعين

امي لأن عدها فهد حاسبته ابنها وهوه حاسبها ام اله ابد مايصيحها غير يمه ومن تزوجت هيه وياي وكبل زواجي هم جنه سوه مو بعيدين
مازعلت عليه ولاعارضت بس گالتله مااكدر بنتي غاليه عليه ماازعل عليك ولااضوج منك بس لاتطاب مني انه اخطبلك
گلها لا انتي ولا شيخه الاثنين مااجبرجن على روحه الخطبه شي رسمي واليرحن خواتي بس حته كدام الناس انطيها تقديرها الخاطر اخوها وحته العرس سويته حته افرحه باخر ايامه ومايظل قلق عليها
امي فهمته وعذرته وانه لا عذرته ولاعذرت امي
تجاهلت الكل وامشيبالي يريده عقلي انه شيخه بنت شيوخ مو انه الأضعف من ضره ولا انه الاگطع روحي على رجال برضاته وكامل قناعته تزوج غيري
اعيش حياتي مثل مااريد شيحه بنت شيوخ وام شيوخ مااريد اولادي يشوفوني ضعيفه
صارت الزفه وطبت العروس
وانه واكفه ارحب بيهن
اول مره اتمنى البشر يگدر يشوف روحه بدون مرايه مااريد مرايه اريد انه اشوف روحي شلون امثل شلون واكفه هيج معقوله ماكو نقطه تبيين ضعفي
شفت العروسه طبت وصلها للباب وطلع ماطب وياها
عباله تفرق عندي
شفت العروس وياها امها وبس امها اعرفها مره طيبه من تلكيتها ورحبت المريه استحت دنگت ماحطت عينها بعيني اباوع للعروس جبيره مو زغيره
ماركزت بملامحها بس سالت رباب

..شو جبيره هيه شكد عمرها

..يا جاماتدرين اكبر منچ بهواي يمكن بعمر الشيخ

يا وهاي الخسه مامتزوجه مضمومه الي

حسيت روحي اختنكت من نظراتهن العروس وامها مدنكات شويه وصبوو العشه
اجت حوراء كالت عمه عمي محمد يريدج لبست عباتي وشالي وطلعت اله

..شلونج ام كرم خويه هيج اريدج سباعيه گدها شيخه ونعم من سماج

..الله يسلمك ابو نبراس امر

..ماوصيج مثل كل مره مانعتمد على غيرج انريد عدد مضبوط ومانريد نقص

..سهله خلي كرم هنا حته انه اكله بالعدد

كملوو صب

وصعدت الغرفتي مااريد احظر الزفه
سديت الغرفه وبدت دموعي تنزل شلال والحروره بصدري صعدت الراسي
سمعت الصوت والهوسات اجه اي اجه

حسيت بابي انفتح

يتبع ...