رواية قصص رومانسيه الفصل التاسع عشر 19 - بقلم الحساب مغلق

ماما حبيبي سويلنه قيسية مشتهيتها
الام/حاضر بنتي باجر اروح للسوك واجيبها
اني/اروحلج فدوة ماما 😘 لو كل المامايات مثلج جان العراق بخير 😍
الام/ههههه والله عليج سوالف شنو مامايات كولي الامهات 😌
اني/ماشي ماشي 😒 بس لضحكين عليه 😔
مرحبا اعرفكم ع نفسي اني ايفان مسيحيه وعايشه بالموصل ويه ماما وبابا واخوية موسئ عيشتنه حلوة ومتفاهمين ونحب بعض عمري 14سنة اني صوتي كولش ناعم بحيث اذا اسولف يضحكون عليه يكلولي تنعوصين بس صوتي عبالك وصواصه 😁 نازكة كولش احب عائلتي واحنه مدللين تعرفون المسيح ميخلفون هواي اكثر شي 3اطفال يخلفون اكو يمنه مسلمين سنة وشيعه عايشين اهل واخوان منفرق بيناتهم ولا يفرقون احنه اهل الموصل كلوبنا طيبه صف ثالث متوسط اني مرة رجعت من الامتحانات مال ثالث اخر سنة رجعت ممجاوبه زين بكلوريا واسئله جدا صعبه فرجعت الطريق كوله ابجي وعبالك وصواصه وتنعوص جانو اكو شباب ثنين واكفين بالفرع مالتنه اني فتت من يمهم انعوص وابجي ومن القهر منتبهت ع الطريق جان اكو حفرة بيها مي خفيف دامشي واكنكن جان اوكع بيها 😢 وضليت بيها كاعده والطم وابجي شافوني الشباب اجه واحد منهم كلي يمه فدوة لله شنو من بنيه تنعوص اشبيج كومي كومي لتبجين كافي بطلي بجي عاد ياعيني واني اتنعوص كلي اشبيج كتله ممجاوبه بلامتحان كال ع هاي ذبحتي نفسج دمشي اوديج وين بيتكم كتله دروح اشبيك لطشت عوفني ترا عصبيه كلي فدووة للمعصبه ديلا هاج كتبج وروحي سبحي من الوسخ هذا !!!
اني رحت وصلت للبيت وكلبت الدنيا بجي واستحيت من الولد 😅
سبحت وبدلت واتغديت ونمت كعدت العصر كعدت اقرة. اذكرت الموقف وضحكت ثاني يوم رحت للدوام شفت الولد واكف بالشارع استحيت دنكت راسي وضحكت ومشيت ضل يمشي ورايه بس محجه ويايه ابد وبالرجعه هم لكيته واكف بباب المدرسه واخر امتحان اليه اجه انطاني رقمه اني هفت من خوفتي لالحد يشوفني اخذت الرقم وكتله روح عفيه لتسؤيلي مشكله غمزلي وراح كلي انتضر اتصالج 😉

اني ترددت كولش خفت اتصل وضليت شاتلته نجحت للرابع اعدادي وشديت حيلي بلش دوامي ورجعت الولد يوكفلي ومن امشي يمشي ورايه روحه ورجعه صرت اخاف لا يشوفني احد اني لبسي صدريه قصيرة وقميص ابيض بالمدرسه وبلايام العاديه بنطلونات وبديات عادي احنه منتقيد بلبس وجسمي وشكلي مرتبات وصلت النهاية السنه جان اول امتحان اليه والولد شفته اتقرب زايد وكف كلبي كلي ليمتة اضل انتضر مو موتيني كتله عيني ترا اني مو من نوع البنات اليذبن روحهن ع الولد ترا اني متربيه واهلي واثقين مني وماخونهم ابد كلي اشبيج ترا غرضي شريف كتله شنو شنو 😒 خوش نكته 😏 كولكم هيج تحجون وتخلون البنت تركض وراكم وتالي تاخذون التردو وتنهزمون 😠 ضحك 😂 كال يمعودة اكلتيني لحم وذبيتيني عضم ترا اني احبج من اول وكعه 😂😜 اني خجلت 😳 كتله كبر لساعك تذكر روح لا ابتلي بيك مو صوجك صوجي اني واكفه احجي وياك ومرتبكه 😠😥 وعفته ورحت بس سمعته ايكلي ماعوفج اله ننجمع بغرفه 😉
تعالو اعرفكم بيه صارلكم ساعه تقرون محد كال هذا الصاك منو ومنين بس ضليتو ع ايفان مكيفات بيها موو 😠😠😡
اني علي من الموصل عمري 19سنه عايش وي اهلي ماعددلكم اهلي لان خير من الله امي مسويتها مدرسه 😂😂😂 يوميه الكيها مخلفه واحد اخر شي ختمتها بتؤم والله سكتها بعد مخلفت بعد مجابت 12نفر 6ولد و6بنات وابوي وامي عايشين والحمدلله اني مرحله اولئ اداب وتارك العيشه اتريد وصرت اشتغل بمعمل سيراميك وخير من الله فلوسهم مرة اجاني صديقي طلعتله وكفت بالباب وجان اشوف بزونه تبجي وتمشي 😂😂 عرفتوها اكيد ايفان 😁 جان توكع الثولة بالنكرة 😂
لتكول ثولة ولك 😠
لتقاطعيني صار ساعه تلغين محجبت اني ولي عني يلا 😒😜 دشوف منو تحبك لعد يلا شطب القصه وروح للسيراميك يلا 😡
خايبه متنجبين ماريد احرك القصه عليهم خل احجي اسكتي
يلا احجي عيني اني لازمتك 😅😅
ونرجع اكمللكم
وكعت بالنگرة وجان تصير تنعوص بالكاع اني ضحكت وكلت خل اساعدها ويبوووي كبل دخلت كلبي كومتها وراحت للبيت وضلت بعقلي وخلصت الدراسه ونطيتها رقمي وماتصلت ابد ضليت ع امل ومثل مقريتو ماعيد كلامها بعد مابيه حيل اكتب روحولها خل تحجيلكم الباقي اني اروح انام تعبان من الشغل 😁😂😂
رجعلي حبيباتي الزلم مامنهم فايده حته بقصة حياتهم يتعاجزون يحجونها 😒
اني سمعته ايكول ماعوفج اله ننجمع بغرفه ضحكت ورحت كلت هذا اشبي مخبل 😌 المهم راحت ايام واجت ايام مااتغير شي ضل يمشي ورايه اني صرت احب وجودة يمي واكيف من يمشي ورايه نجحت لخامس اعدادي وبداية دوامي دامشي واسمع واحد يعاكسني بس مو صوت علي ضليت امشي وخايفه مشيت سريع وضل الولدلاحكني واتقرب مني ولزم ايدي وكلي حني علينه ياحلوة اشبيج هاج رقمي وخابريني ضل لازم ايدي ايريد اخذ رقمه واني تجر بايدي واكوله حل ايدي عوفني ماريد مو كوة ومااحس اله علي اجاه من ورة وشبعه كتل وعاط بيه كلي روحي ع مدرستج يلا 😠 اني من الخوف رحت اركض للمدرسه بس ضليت خايفه ردت اعرف شصار بعلي ورايه خفت لا ياذي هذاك
علي/اليوم اتاخرت بالكعده وكعدت ركض بدلت وتعطرت ورحت كلت بسلا الكي ايفان واصله بدون ماشوفها وضليت اركض وماشوف اله ايفان لازم ايدها ولد وهي تعيط رحت جريته وكتلته كتله غسل ولبس وصرت عصبي اشلون هيج يلمسها وانداريت بيها وعطت عليها كتلها روحي وراحت تركض خطيه بعدها طفله خايفه والولد شرد مني ملحكت عليه وماعرفه منو مشايفه قبل

ايفان/رحت للمدرسه وبالي كله يم علي اخاف سواله شي الولد ورجعت للبيت ماشفته يمشي ورايه ياربي خاف بي شي كلت باجر يجي واشوف ومرت يومين و3و4ايام وعلي مابين خفت كولش عليه كلت خاف غادرين بي رجعت للبيت وكلت لازم اوصله بس اشلون واذكرت من انطاني رقمه ضليت ضامته كلت خل اتصل عليه
علي/بعد العركة رجعت رحت للمعمل وهناك صار علبنه لو وصرت اشتغل من الصبح لليل لمدة 4ايام مجرد اسبح واكل وانام واكعد من الفجر اروح للمعمل وخلصنه ورجعت استلم شفتين باليوم ورجعت الضهر خليت راسي ع المخدة واذكرت ايفان كلت اشلونها اني اشتاقيتلها هي هم مشتاقتلي معقولة مفارقه عدها واشويه جان يدك الارضي جاوبت صوت وحده متوترة وتنعوص 😁 كلت الو
ايفان/ااااالو
علي/الو منو
ايفان/ااااني 😢
علي/اني اهلا وسهلا اني اشلونج 😒 شنو اني دكولي منو 😅
ايفان /اني ايفان يعني معرفتني 😒
علي/ اها ايفان هلا بروحي هلا بكلبي شلونج مشتاقلج والله هستوج جيتي ابالي
ايفان / اشلونك ليش صارلك كم يوم ماكو ضل بالي يمك 😠
علي / اها ليش لازم الكلب مينبض بدوني 😉
ايفان / اااااا انت صدوك متستحي مو صوجك صوجي اني التصلت يلا روح 😠😓وبعدين شنو هلغزل من اول اتصال هيج اتغزلت بيه كم وحده هيج متغزل بيها
علي/اممممممم يمكن 10 😃
ايفان /شنووو 😱😰
علي/بس يشهد الله انتي اول وحده اكولها الها من كل كلبي
ايفان / عود صدكتك 😏
علي / ووجع اشبيج ممصدكة
ايفان/ لا اشبيج اصلا كلي قناعه انت صادق بكلامك 😏😕
علي /اكلج فدوة انطيني رقمج حتة من اشتاقلج اتصل بيج
ايفان /شنو ؟؟!!! لا عيني لا اصلا هاي اول واخر مرة اتصل بيك بس حبيت اطمن عليك وهاذ هوة
علي/ فديت لتحبني 😘
بس ليش اذا اشتاقلج اشلون اتواصل وياج
ايفان / علي اني مو من ذني البنات الي ينضحك عليهن ولا ذني المو زينات الي يصادقن ويحبن
علي/الله يشهد ع كول حرف راح اكوله الج اني احبج وجايج من الباب بس اكون نفسي وان شالله تخلصين سادس واخطبج 😍
ايفان / صدووك 😍
علي / اي والله
سلمت عليه وكالتلي راح اروح اجوي اهلي وراحت واخذت كلبي وياها

فرحت من خابرته وصح توترت بس مادري كلبي طار من الفرحه يمكن حبيته نجحت للسادس اعدادي وصارت ابيناتنه علاقه اني وعلي واطورت وصرت اخابرة بالعطله من الصبح لليل ولحد الان ميدري بيه اني مسيحيه وبس اني ادري مسلم لان اكثر حلفانه ومحمد وعلي والحسين يعني احنه نحلف والعذرا ومريم وهلحلفان واصلا منحلف هواي هههههه ومرة دنتخابر اني وعلي وكلي حبيبي انتي ليش متتحجبين مو عيب لبسج وشعرج واله اخاف واغار عليج كتله علي كال عيون علي كتله اني مسيحيه هو خنس كتله ها اشبيك كال هاا شنو مفتهمت شنو مسيحيه كتله يعني مسيحيه يعني شنو قابل كال ماصدك ياربي ليش مكتيلي من البدايه كتله وليش يعني شكو بيها كال باعي اضاهر راح اصير اشكالات بعلاقتنه الئ ان نزوج كتله ليش حبيبي كالت باعي اهلي صعبين ماعدهم نزوج مسيحيه وانتي لبسج واضح كتله ها علاوي شكلك اتندمت لان حبيتني كال والله والخلقني مامتندم كد شعرة بس الكاتبه الله يصير
هنا بدت حرب بوش وصارت الدنيا ناس تكتل بناس وصارت سنه وشيعه وطائفيه قويه وانكتلو هواي ناس مسيحيين اتضررنه هواي احنه المسيح محد رحمة وبابا كال لازم نسافر ضليت ابجي ورحت خابرت علي وكلي لا تسافرون اني راح اجيب اهلي الاسبوع الجاي واخطبج فرحت حيل راح علي كايل لهله واهله مقبلو كالوله ذولي مسيح مو من مذهبنا وعلي ضال يعيط كاللهم احبها كالوله منزوجك ياها هاي المسيحيه ماعدهم عيب وحرام وماخذين نضرة ع المسيح مو شلون مجان احنه منستحي وعلي كايللهم يعني اذا مو من مذهبنه شنو منحيب اني شعليه بالمسيح والسنه والشيعه اني احبها واريد اكمل عمري وياها وهي بعد اسبوع تسافر وضال يبجي واهله كايليله ماكو منخطبها كلي وضلينه نبجي للصبح نسولف ونبجي وتالي سافرت ويه اهلي للاردن ووراها ب6شهور سافرت التركيا واني من بعدها ابد مشفت علي وضليت احبه واتمرض لان اشتاقله سوي ياعذراء ساعديني ماكدر انساه
علي/ بعد مسافرت ايفان واني ماكو شي يثبت بطني اتمرضت هواي وضليت ابحوش وبمعارف واصدقاء كدرت اعرف هي بتركيا بعد فراق دام سنتين رحت سويت جواز سفر وتعاركت ويه اهلي وغادرت واهلي كلولي نتبرة منك اذا تزوجها كتلهم شتسوون سووو اني احبها وابقه احبهة حسو بيه شويه وعفتهم وسافرت لتركيا كبل وكدرت اجيب عنوانها ورحت قريب ع بيتهم ضليت واكف وابجي معقولة راح اشوفها بعد هاي السنين واشوف الباب انفتحت وطلعت روحي منه ايفان ياربي اشكد مشتاقلها بس طلعو اهلها ومكدرت اتقرب منها طلع اخوها وامها وابوها وياها وخرت ع صفحه مخليتها تشوفني ابد كلت اروح كبل اخطبها
بليل دكيت الباب طلعتلي ايفان انصدمت من شافتني كبل حضنتني وضلت تبجي حبيبي علاوي مشتاقتلك ليش هيج نسيتني كتلها لو ناسيج مجان شفتيني هنا هسه بس ضليت ادور عليج وابجي وتبجي وانتبهنة ع روحنه وخرنخ خفنه ليجون اهلها ومسحنه دموعنه دخلتني طلع ابوها من المكتب وكعدت ويه ابوها واخوها كتلهم اني جاي اطلب ايدها هي كيفت وابوها سالني انت شنو ديانتك كتلهم مسلم بس ثقو اني ماجبر ايفان ع شي خل تضل ع ديانتها مادخل بيها لكم دينكم ولي ديني ابوها رفض وكلي مالك قسمه يمنا اني خنكتني العبرة كتله ليش عمي كال احنه المسيح اتاذينه من المسلمين وشردونه من بيوتنه واتريدني ازوجك بنتي لو تنكلب السما ع الارض اني انقهرت وطلعت
ايفان / ليش بابا ليش رفضته كلي مانطيج المسلم ع جثتي وكافي لتلحين كتله بابا اني احبه ضربني راشدي كلي شنو تحبي ومن شوكت كتله صارلي خمس سنوات وياه ولما الحرب جان خطبني منكم بس صارت الحرب وسافرنه ومكدر بعد بابا غضب مني وضربني كال صح مسيح احنه بس عدنه شرف وانتي نزلتي راسي بلارض وضربني واخويه هم كتلني وامي تفك بيهم عني بالكوة وخرو وكالو تنحبس بالغرفه الئ ان اتكول ماريده وهذا الولد وين ماشوفه اكتله
علي/طلعت من بيت ايفان ومخنوك رحت ع البحر ضليت ابجي واعيط ليش ربي ليحب يتعذب ربي اجمعني بيها والله اكتل روحي اذا مازوجها اجمعني بيها ربي اترجاك وضليت ابجي واصرخ 😭😭
ضليت اسبوع اراقب بيت ايفان ومتطلع منه ضليت خايف عليها خاف بيها شي شفت امها رحتلها كتلها خاله اترجاج شبيها ايفان امها خافت وكالتلي ارجوك عوف بنتي لان ابوها حبسها بالغرفه وكال اله تنساه يلا تطلع عوفها راح تموت من وراك وكامت تبجي اني انقهرت كتلها والله خاله ماعوفها وبنتج ازوجها ازوجها لو اخر نفس بيه

ضليت اراقب بيتهم ومرة طلعو كلهم ماعدا ايفان وقفلو الباب راحو واني اتقربت من الشباك اتسلقت الشجرة وطبيت ع بلكونة غرفتها وفتحت الشباك لان حته باب البلكونة قافلينه عليها دكيت الشباك وفتحته كتلها هلاو حبيبتي شلونج كالت علاوي مشتاقتلك شفت اعلي اشلون اذوني لان كتلهم احبك وضلت تبجي كتلها ماكو بس حل واحد كالت شنو كتلها ننهزم هي خاف وترددت كالت ليش ننهزم اني اخاف كتلها انتي تحبيني كالت اي احبك كتلها لعد بس هيج نكدر نزوج ونخليهم امام الامر الواقع هي بعد تفكير كالت مدام وياك اروح وموافقه وهم جابوها الروحهم او موافقين جان مانهزمت يلا بس اشلون الباب مال بلكونةمقفول رحت جبت شيش وضليت افتح بالباب الئ ان انكسر القفل وفتحت الباب وحضنتها وحضنتني وضلينه نبجي وانهزمنه
اهل ايفان رجعو لكو الباب مكسور وايفان عايفتلهم رساله (جبرتوني ع هذا القرار باي اشوفكم واني ع ذمة رجال) اهلها اتخبلو وكالو لازم نكتلهم ثنينهم ووصل الخبر لهلي بالعراق واهلي هدرو دمي ودم ايفان وضلو يدورون علينه اني وايفان شفنه غرفة ابيت يردون ياجرو مجموعه واخذنالنه غرفه لان مكدرنه نروح فندق خاف يلكفونة وعشنه اني وافونتي بمكان واحد وحضن ومدري شنو بس مانمت وياها مقبلت كالت بالحلال 😉 كتلها فدوة 😉 المهم ومنسمع اله البيت جرة واسمع صوت اخو وابو ايفان كبل انهزمنه من البلكونة البلكونة لخد مانزلنه بالكاع وانهزمنه صارلنه اسبوعين ننهزم تعبنه ناكل من الشارع كول مناجر مكان يلكفونة نشرو صورة ايفان وصورتي ومكافاة لمن يعقر علينه وصرنه معروفين شكولنه اهلي شفتهم بالشارع دامشي ويه ايفان ونهزمنه وضلو يلحكونة اجرنه تكسي ولحكونة وطلبت من ابو التكسي يتيهم وتيهناهم وايفان صارت تبجي كامت تخاف خليت ايدي ع خدودها وبستها من كصتها كتلها حبيبي لتخافين اني وياج ماعوفج اله اموت هي شويه هدأت

ضلينه من مكان المكان الكنائس صارت مراقبه يعني زواج ع طريقه المسيحيه ماكو ردنه نزوج ع طريقة الاسلام سئلنه ع اقرب ماذون دلونة رحنه لكينه ناس جاي تزوج هواي الله يسعدهم ايفان حضنتني كالت مامصدكة راح نزوج كتلها واني هم حبيبتي كالت اتمنيت اهلي ويايه جبنه سيرة القط كام ينط 😒 لكيناهم واكفين ورانه رحنه نركض طلعنه نركض وهم ورانه تيهناهم فحطنه رحت اشتريت مي اليه ولايفان كامت تبجي اتكول ليش هيج اشوكت نرتاح ونفرح كتلها حبيبي لتنقهرين احنه نحب بعض معليج اله ما يجي يوم وينسون السالفه ونرجعلهم وبدينه طفل المهم سئلنه ناس دلونة ع ماذون ابيته رحناله وكطعنه معهر سيد ع كولة العراقيين وفرحنه رحت اجرت غرفه وصارت ليله تجنن ماذكر تفاصيل 😌 لتحسدونه عيونجن تخوف بنات الكروب 😒😂 كملت وحضنت ايفان وحضنتني وكالتلي اول مزة احس بروحي فرحانه ومامنه وان شالله نخلف ولد يشبهك اني كتلها اريد بنوته مثلج وضلينه متناكرين اني اريد ولد وهو يريد بنت ونمنه للصبح واحس اديه تلامس وجهي فتحت عيوني كلي اكعدي ياملاكي الحلوة 😍😍😘😘😘😘 بسته وكعدنه رحنه اتريكنه بمطعم وكوله غزل وعيشتنه ننحسد عليها. اكولك علاوي
ياعيون علاوي
اتحبني 😍
دنجبي 😒
ليش 😔
هو هذا سؤال 😠
شنو لعد 😌
لج بابا انتي نفسي وعشقي وغرامي لعيونج اموت روحي يلا نحضر نفسنه نروح البرلين هناك نستقر
يلا حبيبي موافقه
😍😍😍😍😍😍😍😍
وصلنه للمطار نطينه جوازاتنه دنسافر هناك وصاح ابويه عليه لك علييييييييي 😡
باوعت واشوف ابويه عيونه تجدح نار شايل مسدس ختلت ايفان ورايه حضنتيني من ورة من الخوف كالت علاوي لتعوفني حبيبي كتلها ماعوفج وابتسمتلها كتلها حبيبي كالت ها كتلها احبج وحته اذا متت احبج بهل اثناء اجوي اهل ايفان وهم شايلين رشاشات بالمطار والشرطه اجمعو وايفان ورايه كالولها اهلها تعالي ومناذيج ماقبلت كالت اني اجي ويه زوجي هم تخبلو شنو ازوجتو وضلو يعيطون وثارت عركه بين اهلي واهلها

اخذونة اني وايفان واهلها ع المخفر وطلعونة كفاله عبالهم ارهابيين بعدين شرحولهم الوضع وطلعنه ابو ايفان اخذن ايفان وراحو ضلت تعيط ماعوفك علاوي ماريد اروح وياكم اريد علاوي وتبجي واني هم ضليت اعيط لازميني اهلي وعمامي واخويه وراحت ايفان ويه اهلها وراحت روحي وياها اني انجبرت ارجع للعراق بعد خمس شهور محاولات ردت اعرف ايفان وين واجاني خبر ايفان ماتت اهلها قتلوها واني اتخبلت كطعت الاكل والشرب ردت اموت وراها واعيط وابجي جيبولي ايفان ليش اخذتوها مني الله لا يوفقكم وايفان ماكو روحي ماكو وكلبي اتعلك بيها هاي عمري اشلون تموت مو جانت مواعدتني نموت سوة ليش عافتني وراحت وحياتي صارت مئساة فاة خمس سنوات ع وفاة ايفان اني لحيتي علة دلوني ع قبرها بتركيا رحت زرته وضليت احضن وابوس بترابها لج كومي يانضر عيني والله مشتاق الشمتج والنفسج كومي حبيبي مو اتفقنه نخلف بنوته تشبهج ليش عفتيني ياروحي اجه اخوية عليه كلي يلا كوم الحي ابقه من الميت رجعنه للعراق وعفت كلبي بالمقبرة مامصدك ايفان ماتت ربي اخذ روحي مشتاقه الحبيبتي ايفان ربي لتعوفني بهاي الدنيا المابيها احد يرحم حته اهلي باعوني لان حبيت مسيحيه شنو هلطائفه اشوكت نصحه ونعقل اني مو اول واحد يتضرر لان حب من غير ديانه هواي ناس الشيعي حب سنيه مااخذها والسني حب شيعيه مازوجها والمسلم حب مسيحيه مازوجها اشوكت نكبر عقولنه اشوكت نحب بعض ونعوف شغله الدين الربنه هدرو حياة ايفان لان حبتني الله لا يوفقهم من رجعنه للعراق اهلي كالو لازم تزوج صارلك خمس سنوات شنو منسيتها كتلهم نفسي اليصعد وينزل هذي ماانساها واذا فتحتو موضوع الزواج هسه اكتل روحي عوفوني من وراكم انحرمت من حبيبتي ومرتي جاين تزوجوني هسه متخافون الله عوفوني اعتقوني رحمه للعباس وبجيت وعفتهم ورحت الغرفتي

سائت حالتي كولش بعد ايفان وضلو اخوتي يحجون ويايه وانت معذب نفسك وانت بعدك بالعشرينات بس شكلك مال اربعيني كافي انساها واطلع من هلحزن لو جانت عايشه جان كالتلك نفس كلامنة واقتنعت قررت اطله من حزني الخاطرها ورجعت اشتغل بمعمل سيراميك وكاشي وضليت يوميه افوت من يم بيتهم وابجي وارجع للبيت ليش مو مرة رحت البيت واشوف اخو ايفان طلع ووياه طفل يطلع عمرة 4سنوات يمكن اواقل بس حلو عنده خديدات يشبه ايفان رف كلبي عليه بس وخرت ماخليته يشوفني بس اذكرن ايفان كعدت بالكاع خليت راسي بين رجليه وضليت ابجي بحسرة وخنكه اشتاقيتلج يانبض كلبي تعاي حني لو مرة واخذيني وياج حبيبتي 😭😭😭

رجعت للبيت منهار مااكلت دخلت الغرفتي بجيت لحد ماتعبت ونمت كعدت الصبح رحت للمعمل وكلت خل امر من بابهم اشم ريحتها مريت لكيت الطفل يلعب بالباب كتله تعال حبيبي ليش تلعب الضهريه متخاف ع نفسك ابوك ميخاف عليك امك شلون تنام الضهر وانت مو يمها كلي ابويه مسافر وامي بالبيت كاعد تسؤي غده كتله شنو اشوكت سافر كال من اجيت للدنيا سافر هو ولحد الان مشايفه كتله لعد البارحه منو طلع وياك كال هذا ........ بعد ممكمل سمعت صوت وحده اتكوله حسين حبيبي تعال نتغده طلعت وهنا نصعقت ضليت اباوع وتباوعلي هذي ايفان اي والله ايفان حبيبتي
ايفان /شفت علي ضليت بس اباوع فاكة عيني وخليت ايدي ع حلكي وبجيت وكعدت بالكاع هذا علاوي روحي وكلبي صار خمس سنوات مشايفته وشفته علاوي هو اجه حضني وكام يبجي كلي كللولي متي وزرت قبرج مشتاقلج ياروحي تحاضنه وصرنه نبجي بجي مصاير طلع اخوها موسئ شافنه نبجي وكام يبجي ودخلوني للبيت وسؤلفولي شصار من راحت وياهم ايفان قررو يطلعون خبر موتتها حته بعد ماجيهم وهيج كدرو يخلصون مني بس طلعت حامل ايفان وخلصت حبالتها بتركيا وورة سنتين ابوها انضرب جلطه وقبل ليموت موصي موسئ يرجعون للعراق واذا اني عايش يزوجونه ويرجعونه البعض وكايل خل علي يسامحني خليت ابنه يجي ع الدنيا وميشوفه حرمتهم من بعض وصار عمر ابني 4سنوات ورجعو بس جان واصللهم حجي احنه شلنه من المنطقه وهم صارلهم يومين من رجعو للموصل ورجعنه البعض وسوينه عرس وابني حسين كاعد بحضني واهلي اتقبلوها كما هي مسيحيه لان شافوني اشلون تعذبت وراها ودرو اني احبها الشخصها مو الديانتها بس ايفان بعد زواجنة ب3سنوات وبعد مصار عدنه بنوته حلوة سميناها اميرة حته تعيش اميرة بين امها وابوها استسلمت ايفان واعتنقت الاسلام واتحجبت ولبسها مستور كالت اهلك يصلون وابوك يجود بالقران واني كلبي خشع واني ماعارضتها كتلها بارادتج ماغصبج وعشنه عيشه يحلم بيها العراق كوله
لهنا خلصت قصتنا حبايب بس نصيحه صغيرة مو كول مسلم يعرف ربه ولا كول طائفه بيها بس زين اكو زين واكو شين واكو ليخاف من ربه واكو الي ميذكر ربه مثقال ذرة عوفو الطائفه وفكرو كبشر ترا الدنيا زائله ومنحصل بس اعمالنه منها عوفو الناس تزوج وتعيش لتفكرون بغير شي لتحرمون ثنين من حبهم البعض وتخلون الدين عارض الهم حبو بعض واتكاتفو ترا العراق مناقص عقول صغيرة

دمتم سالمين

تمت