رواية قصص رومانسيه الفصل الثامن والثلاثون 38 - بقلم الحساب مغلق

بلبدايه احب اعرفكم عن نفسي اني زهراء عمري 19 سنة اشتغل ممرضه من ثلاث سنوات لان والدي متوفي والدتي تعبت من فترة ومكدرت تكمل واحنا اثنين بناة بركبتها كبرتنا وتعبت علينا اني الصغيرة واختي الكبيرة حوراء ايدي منها للكاع متفكر غير بنفسها متهتم غير بمظهرها ولبسها حوراء جدا جميله اني حلوة بس مو مثلها اني بيضه قصيرة ناعمه ملامحي كلها ناعمه بس عيوني كبار شعري لحد خصري ممهتمتله اسود فاحم جديه بتصرفاتي مو طبعي لكن وضعي حتم عليه اكون هيح لان شغلي وطبيعته الضعيف ينداس بلرجلين الله سخرلي دكتور يعاملني مثل بنته ميخليني الزم خفارات واعوضهن بشفتين شغل واشتغل عندة بلعيادة بعد الدوام يحبني واني احبه مثل والدي امي اني ملتزمتها بكلشي لان حوراء متتدخل
زهراء .. صباح الخير ماما
الام صباح النور
زهراء... يله حبي خلي اغسلج وافطرج حتى اروح للدوام الام ... اي حبيبتي الله يرضه عليج لان لو ابقى على حوراء ترحين وتجين وهي نايمه
زهراء .... شسويلها ياماما عجزت وياها اتركيها غسلت لماما وفطرتها ونطيتها علاجها وطلعت مثل كل يوم ورحت لشغلي
صباح الخير بناة اشلونكم
الممرضات ...هلو زوزة اشلونج
البنات كلهم احبهم وصديقاتي ومقربات من بعضنا اشلونها الوالدة اليوم
زهراء ... الحمد لله على وضعها
بعدين اتجهنا لشغلنا وفترة الضهر صارت رجه وهوسه بلمستشفى اني بغرفة الممرضات اجتي نور وحدة من البنات
زهراء ....دكتور احمد يريدج
زهراء ثواني رايحتله دكتور احمد الدكتور الي ملتزمني
تفضل دكتور
دكتور احمد هلو باباتي تعالي زهورة
اكو مريض جابو هسا بردهة الطورائ اريدج ترحين تجهزي واني جاي ترى ابن صديقيي ديري بالج علي اسمه مروان روحي بابا
رحت لكيت الدنيا مكلوبه ومالي محط رجل ادخل كلتلهم هاي شكو انطونا مجال اسمع واحد يعيط دخلت لكيته شاب يتألم ويصيح من دخلتةسكت وباوع عليه
كتلهم شكو هالتجمع بله برة كال وين دكتور احمد
زهراء هسا جاي عاط بيه امشي ولي صيحي لاتمدين ايدج عليه شنو دازج عليه امشي صيحي وجان شايل ايدة ويأشر
زهراء ... اولآ نزل ايدك ونصي صوتك واتركني اشوف شغلي
كال انتي اشلون تتجرأين تحاجيني هلشكل انتي متعرفين اني منو
زهراء باوعتله وطلعت .لكيت برة مصورين وصحفين وناس مسلحه دخلت لدكتور احمد جهزته دكتور كال تعالي وياي
زهراء ... هذا منين المريض دكتور اشو المستشفى انكلبت علي دكتور احمد ههههههه يلومني من احبج واخاف عليج باباتي هذا مروان لاعب مشهور شنو متعرفي البناة كاتلين نفسهم علي
زهراء ...اني وين وهلسوالف وين فدوة دكتور اني لاشايفه تلفزيون ولا شي حتى موبايلي صرصور
الدكتور ههههههه ليش الجهاز مال بنتي نطيتجيا وين لازم استلمته حوراء
زهراء باوعتله وابتسمت اكييييد
رجعنا لمروان اني نطيته مسكن وجان هادئ نوعا ما فحصه الدكتور ...وين وكعت بلتدريب لو عندك مباراة
مروان ....بلمباراة عندك تمزق وكسر ولازمك عمليه زهراء... جهزي وروحي جهزيلي غرفة العمليات ...صار دكتور مروان...اني هاي ماريدها شوفلي غيرها
دكتور احمد ...زهراء مساعدتي خلي جهزك وبدون كلام جهزته للعمليه وطلعت وكملت عمليته واني انتهى دوامي رجعت للبيت كلعادة مفكرت انو هذا اليوم راح يكون نقطت تحول بحياتي

استمريت ايام واني متحمله هذا الغبي لخاطر الدكتور وعائلته اسواء منه بس والدة جان انسان محترم وبنات وناس داخله وناس طالعه وبيوم الدكتور بلغه انو لازم يظل فترة طويله يتعالج بعدها يكدر يستخدم ايدة ورجله شفت نظرة بعينه خلتني اتعاطف ويا
مروان ....شنو يعني ماكدر العب بعد
الدكتور ...لاابني هي فترة وبعدها ترجع بس ينراد متابعه وعلاج طبيعي تبقى يمنى كم يوم وبعدها نتابعك من بيتك اني راح اخلي زهراء تابعك بلبيت
زهراء 😮😮😮ليش اني دكتور انت تعرف وضعي
دكتور احمد ...بعدين زهراء
ظليت حايرة اني اعرف وضعه لازم متابعه دائمه ومبيت يمه اشراف على اكله وشربه وعلاج طبيعي اشلون وماما منو الها
دكتور احمد تعالي زهراء
زهراء نعم ....
دكتور احمد ...اني ماثق بغيرج وهو وضعه حساس مشهور وبقية الممرضات ماامنهن
زهراء شوفله ممرض
الدكتور ..اني ماريد غيرج اعرف انتي لخاطر والدتج بس انتي عرفتي حالته ومحد يكدرله غيرج مروان عنودي وممكن يرجع يلعب او يتصرف بكيفه وتتأزم حالتهه وبعدين هم راح ينطوج مبلغ محترم تكدرين تسوين عملية والدتج بي .
زهراء ...ماعرف شكلك دكتور
رجعت للبيت حوراء نايمه شلون اعتمد عليها بماما غسلت لها واكلتها ونطيتها علاجها
الام شبيج اليوم تتصفنين
زهراء .. حجيت لماما
الام وافقي واذا علي خلي جيرانه ام سلام تمرلي تساعد حوراء
زهراء رحت لحوراء اني جايني شغل لازم ابقى فترة برى البيت اريد ديرين بالج على ماما
حوراء ماكدر
زهراء شنو متكدرين تحملي مسؤليه ويايه وعموما الي راح ينطونيا الج نصه
حوراء ...انتبهت جذب كولي والله
زهراء والله
حوراء تمام اتفقنا بس تجيبلي جهاز فون جديد واكو فستان عاجبني اريد فلوس اجيبه زهراء تمام
بلغت دكتور احمد موافقتي ورحت لام سلام وصيتها على ماما وطلعت اجى الوقت نتعرف على مروان ... لاعب مشهور ومحترف وسيم جدا طويل صاحب عظلات شعرة طويل يشيله قرديله اصدقائه والمعارف يسمو مروان قرديله عيونه متثبت على لون كل يوم تشوفهم شكل حنطي مائل للبياض مغرور جدآ
مروان تعرضت لاأصابه بلمباراة وجنت اتالم بلمستشفى دخلت وحدة ناعمه اول مدخلت كالت شنو هذا التجمع كانو متعرفي لااول مرة بنيه تتجاهلني وهذا الشي نرفزني وطردتها بس مهتمت وبقت فترة تعتني بي ويا الدكتور احمد كلش انعجبت بشخصيتها ثكيله ومتهتم باحد وحتى بعد معرفت وضعي بقت تعاملني برود دخلت للغرفه كالت محتاج شي .
مروان ...لا شكرا انتي شسمج
زهراء .....مروان عاشت الاسامي .
زهراء شكرا .
مروان ...انتي عرفتي اني منو
زهراء ..شوف اني عرفت انت منو بس تبقى بلنسبه الي مريض لاتتوقع اعاملك معامله خاصه
ودك تلفوني طلعت اجاوب حوراء اشو هذا خرب ضحك يضحك ويسكت ويرجع يضحك
ههههههاي هههه هههاي هههههه
عيونه دمعت وميسيطر على نفسه
زهراء مجاوبت حوراء اخاف هذا تخبل شبي
شبيك تخبلت .
مروان ههههههاي صرصور اكو بعد منه ههه عبالي انقرض لج اني الريمونت مالتي مخليله كلاكسي هههه
زهراء حسيت بلا أهانه بس شحاجي اكيد يضحك عليه رجعت حوراء تتصل كتله اش خلي اجاوب
نعم حوراء
وين دوا امج مخليته .
زهراء بلمجر يم السرير غسلتيلها واكلتيها لاتخليلها ملح بلاكل ولاتوابل اني مليتلج البراد
حوراء ...مبيه حيل اغسللها بليل فدنوب شنو كلساع
زهراء ... ليش حوراء موتضوج تعرفيها متحب الوصخ يله عيني عندي شغل ديري بالج عليها
باوعتله حاط اايدة على حلكه وساكت كتله لاليش حابسها كرها للضحكه رجع يضحك وضحكت ويا كال لاوالله ليش صرصور .زهراء هاي امكانيتي
كال على كيفج هو الجهاز بيش
كتله حقك اني ماناقشك بس اكو اشياء اوجب من المضاهر تسمحلي
مروان ..لحضه على منو جنتي توصين بلتلفون .
زهراء ...شي ميخصك طلعت من يمه وخليت ايدي على كلبي يمه شلونةضحكه انوب الرصعه تك خد وايلي قلبي الصغير لايتحمل

مروان ..بقيت افكر اخاف جرحتها بتصرفي بس مبين عليها ماتأثرت اويلي شكد شايف بناة بس شخصيه مثلها مستحيل زهراء .... بالي يم امي هاي حوراء مدبرها بس لازم اتحمل علمود الفلوس ادبرهن للعمليه صار موعد تخريج مروان من المستشفى ورحت ويا لبيتهم دخلت قصر مو بيت وبي مسبح وحديقه جبيرة والخدم اكثر من سكان البيت خصصولي غرفه قريبه علي رتبت وضعي اجت والدته انتي زهراء دكتور احمد وصا بيج واني اريدج تعرفين قوانين هذا البيت بما انو راح تبقين عندة فترة اي شي تشوفي او تسمعي ميطلع اكلج شربج ويا الخدم او بغرفتج براحتج اهتمامج بمروان فقط
زهراء اعرف تسمحيلي سويت عصير فريش وخلطت ويا مقويات ووديته اله انتبهتله جان يحجي بلفون شكله وسيم ومرتب يضحك ضحكته حلوة ورصعته دمرتني مميزة بشكل
مروان ....زهراء زهراء شبيج صافنه .....زهراء نعم لا جبتلك عصير
مروان ماحب العصير
زهراء ...شلون رياضي لعد متشرب عصير يله بدون عناد اشربه لان بي علاجك
مروان اشربه بشرط
زهراء تفضل ....مروان نصير اصدقاء وتكوليلي كلشي عنج ومنو الي حاجيتيها بلفون
زهراء اوكي اتفقنا اشرب
الي اتصلت اختي الجبيرة
مروان لا بربج عبالي انت الجبيرة من طريقة كلامج زهراء ....لا والي جنت اوصي عليها امي مريضه مقعدة وتحتاج عنايه خاصه
مروان ... واختج موضفه
زهراء ...لا بس اني جنت مهتمه بيها ماحب احد يساعدني ولمن التزمت حالتك تركتها لحوراء
مروان ...حوراء اسمها اختج ...نعم طيب
تكدرين بليوم ترحين ساعتين تشوفيها وتجين لان مبين اختج مدبرها
زهراء اشكرك
جان الفون ميهداء والبناة كومه واصدقائه ميتركو واني جنت بمساعدته اروح لماما وارجع بلى محد يحس صارت علاقتنا حلوة اصدقاء بس جنت اتحرج من يدخل للحمام او للمسبح احس بنظرات غريبه منه وملابسي جانت تتبلل حسيت نفسي كمت اتعلق بي خارج نطاق واجبي بديت اراقبه وعرفت اني كاعد اوكع بلمحضور شاب بملابسه الداخليه احيانا واحيانا اسهر ويا بلغرفه وحدنا للصبح فقررت اتصل بلدكتور وأبلغه
اني ماكدر اكمل
الكتور ليش
زهراء ...هو شاب واني بنيه ودابدله وادخله للحمام وهذا كله حرام وعلاجه الطبيعي بلمسبح وانت مثل ابويه تقبلها واني انحرج واستحرم
دكتور احمد طيب بابا فهمتج اني احلها حجيب شاب بمكانج جهزي نفسج
زهراء ... شكرا ان شاء الله
اجه دكتور احمد ويا ممرض شاب لكن مروان رفض
اني ماريد غير زهراء هي عرفت وضعي وتفهمني
دكتور احمد ..زهراء تتحرج منك وهي متكدر من ناحية الحلال والحرام البنيه متريد ترتكب ذنب
هذا شاب متدرب ويفيدك بلحركه ...كال خلي يبقه وياها يعاونها بس هي متروح
زهراء ...اعتذر وجودي ماله معنى اذا بقى الولد واني ماكدر نويت اطلع ويا دكتور احمد ...
مروان انتي مشكلتج بس الحلال والحرام اعقد عليج شكلي وبعد ماتعالج نترك شكلتي ..😲😲😲😲الكل نصدم من قراره
زهراء طبعا ماوافق
مروان احنا اصدقاء والعقد شكلي
دكتور احمد زهراء بنتي مو ممرضه عندي اني لايمكن اوافق على كلامك ....
ام مروان ....انت اكيد انجنيت اني لايمكن اوافقك على كلامك
الاب ...بنتي اذا وافقتي راح اخليلج مبلغ باسمج يضمنلج تعيشين مرتاحه
الام انت شدتحجي يتزوج ممرضه مفكرت اذا الناس عرفت شلون احنا النه وضعنا
زهراء ... فكرت ... اني بلحلم مفكرت بهلشي معقوله زين ليش مااوافق واخلي يحبني .لالا عيني هو وين يفكر بيه يا زهراء باعي شلون يتوسلون بيج محد يكرصني يعضني
دكتور احمد ... يله بابا شنو قرارج
مروان ...وافقي وبعد فترة تكدرين تطلكين مني اني ماثق بغيرج يدخل لهنا واي شي تطلبي اني جاهز شكلتي ....
زهراء موافقه ..... بس لازم اسئل والدتي واريد تتكفلون بعمليتها
رحت لماما وبلغتها رفضت
الام لابنتي شلون يصير
زهراء ... ماما زواج شكلي عقد حتى ماوكع بلحرام هو شاب واني دا ابداله و انكشف علي وينكشف عليه
الام .. انتي تحبي وهاي حجج مو ولج
زهراء لا ماما بس هم راح يتكفلون بعمليتج
الام هم علمودي خلصتي عمرج تضحين
زهراء تستاهلين ..ست الحبايب ها شكلتي
الام موافقه كيفج يوم
بلغتهم الموافقه .وتم العقد

مروان .... لمن الدكتور احمد راد ياخذها حسيت حياخذ شي عزيز تعودت عليها محسيت الى عرضت اعقد عليها حتى اضمن تبقى .زهراء .... يله مروان موعد العلاج الطبيعي اخذته للمسبح وبمساعدة الحرس نزلته وبديت التمارين مروان.. شخبار ماما .
زهراء .... الحمد لله
مروان التفت للحرس وطلب منه يبتعد
مروان ..... زهراء اكو احد بحياتج يعني عندج علاقه
زهراء ... لا يمعود اني وين الي خلك هاي السوالف اني مشايفه طريقي ليش تسئل
كال ... هيج كلت اخاف يسمع بلعقد ويضوج
زهراء ...ههههه لا عيني اطمئن بس انت معجباتك اذا سمعن يكطعني هههه تاليتك مزوج وحدة فونها صرصور هههه
مروان ..ههههههه شكد اضوج من العلاج بس انتي تهوني عليه بس داحس ماكو فرق اخاف بعد ماكدر العب
زهراء تحب اللعب ...
مروان ... هو كل حياتي اموت اذا ماكو مباريات ولعب وتمارين احس نفسي انسان ناقص مو كامل حجابها انرفع ونزل شعر على وجها مد ايدي وبعدته شالت راسها وظلينه نباوع بعيون بعض حسيت نفسي اسير الهم شفافها رجفت خليت اصابيعي عليهم غمضت وتحسرت بعدين دفعتني
زهراء ... شدسوي رجاء ابتعدت وتركت واني ارجف حسيت روحي انسحبت مني مردت ابتعد ردت ابقى يمه واشعر بلمساته .... وناديت الحرس يساعدو غيرتله
مروان ...اني اسف
زهراء ... مصار شي بس لاتكررها
مروان ... صار د.كتور احمد اليوم متصل النتائج والتحاليل تطلع اليوم .زهراء .. اتصلت بي كال جايبهم وجاي بعد الدوام
اجاني اتصال من حوراء
الو حوراء
شوكت تجين عيني
زهراء اليوم ماكدر تعرفين علاج واليوم شغل
حوراء حبيبتي اكو ولد تقدملي وامج رفضته
واني ماتحمل اضل اخدم بعد تعاي شوفيلح صرفه
زهراء .... تحملي كم يوم حبيبتي مبقى شي
حوراء الج 3ايام اذا مجيتي اتصرف وامج حاجيها توافق احسن
زهراء ان شاء الله يصير خير
يله اجه دكتور احمد حروح ماوصيج حبابه
ديري بالج على ماما
حوراء ... ديله يله
دكتور ....احمد .. زهراء اشلونج .
زهراء اهلا دكتور اشلونك
الدكتور .. موزين .. مروان ميستجيب للعلاج ويحتاج عمليه ثانيه .
زهراء ... والعمل
الدكتور ..اريدج تكونين موجودة من ابلغه واكيد راح ينزعج ويرفض ساعدينا
بلغه دكتور احمد
مروان شنو يعني كول سكطت وفضها لاتظل تسوي علي تجارب
الدكتور ... هي عمليه بسيطه وصدكني ترجع احسن من قبل
مروان ... ماسوي بعد عمليات ومن باجر راجع للتمرين
الدكتور ..اذا رجعت تجني على نفسك
مروان . اطلعو برة لاحد يبقى يمي الكل برة
بقى مروان حابس نفسه وبس اسمعةاشياء تتكسر
تقريبا زيارة الكل بدت تخف والناس ابتعدة عنه لان فترة علاجه طولت الصحافة بدت تكتب اشياء تجرحه تقريبا كل الظروف تحولت ضدة والدته متهتم بي همها كعدات وشوبنك وسفرات والدة مسافر صح يهتم بي ويتصل يسئلني لكن ممتواجد رحت دكيت علي باب غرفته ..مروان افتح الباب لاتصير ضعيف وانهزامي .. ✊✊✊افتح نحجي ونتناقش كال ... روحي منا زهراء تعرف شكد نصدمت بيك جنت متوقعتك قوي بس طلعت هش وميعتمد عليك من اول ضربه استسلمت
فتح الباب وسحبني قوي كال .. وانتي شتعرفين عن القوة وشتعرفين اني شداواجه
زهراء ..تحسرت وكتله . أعرف واعرف اكثر منك لازم تصير قوي وتجري العمليه وترجع وتواجه كلمن راهن على فشلك لاتصير ضعيف
مروان .. رجعت تكول ضعيف
زهراء ... اي ضعيف ..شسويت لعد سديت باب غرفتك وتكسر مثل البنات هاي مو تصرفات رجال اطلعو برة ويصيح المدلل كادر عليه وعلى الخدم انت شنو الي حققته بحياتك لو ما انت وسيم وغني ومشهور البنات ميركضون وراك تفضل وكعت بقن وياك لو كامو ينسحبون من حياتك
مروان .. وانتي منو حتى تقيميني خلك ممرضه فكر حتى فلوس تلفون ماعندج ولبس مثل البشر متعرفين تلبسين .. زهراء حاولت اتصنع القوة لان كلامه طحني غمضت وجاوبته اي اني ممرضه بس اكدر اشتري تلفون اخر ماركه واكدر البس مثل باقي البناة بس هذا راح يكون على حساب علاج امي ومتطلبات البيت احنا عايشين اجار ولازم افكر باجار تعرف شكد جان عمري من اشتغلت 17 الي مثلي بلمدارس واني بلمستشفيات افتر لوما رب العالمين دز دكتور احمد بطريقي وساعدني جان الله اعلم بحالي فباوع لحالك ولحالي وفكر من احسن وضعه واسمحلي
طلعت من يمه مدمرة كلامه دمرني والي زاد حوراء اتصل مجاوب واني ماكدر اطلع واتركه ظليت بين نارين لليل اتصل وماكو جاوب اتصلت بام سلام مجاوبت
يارب شسوي

مروان... كلامها حسسني اني شكد تافه وصحاني على نفسي فعلا الي كالته صحيح اني ضعيف ومدلل ومحققت شي بحياتي وجرحتها بلكلام بليل دكيت باب غرفتها . جاوبت تفضل دخلت تفاجأة بيه جانت لابسه ثوب كيمونه وردي وشعرها اسود طويل مثل الليل احتارت شتسوي جرت شرشف السرير واتغطت بي ضحكت على تصرفها
زهراء ... شجابك يمعود مادري انت عبالي الخدامه
مروان ... جيت اعتذر اني اسف على الكلام الي كلته
زهراء... ليش تعتذر انت مكلت شي غلط حجيت الي بداخلك ونضرتك الي صحيحه
مروان ... المفرض احنا اصدقاء ومنزعل من بعض انتي هماتين جفصتي هوايه .. ابتسمت
مروان ..ها تصالحنا
زهراء .. بشرط
مروان ... اعرف موافق بس مو هسا اسوي العمليه ممستعد
زهراء اوكي براحتك
مروان .....تقدم وسحب الغطاء من راسها انتي زوجتي يعني مو حرام اشوفج شلون مجنت منتبه شكد انتي جميله
زهراء ... وهي مرتبكه شتقصد احنا متفقنه هيج
مروان ... شسويت اني بس اريدج تاخذين راحتج يمي ومتتقيدين لذلك عقدت عليج بس انتي بقيتي نفس الشي ورفع وجهابايدة وبدت انفاسه تقترب منها ورن فونها دفعت مروان وركضت لان جانت منتضرة احد يطمنها .. شافت رقم ام سلام .. بلي خاله داتصل عليج وعلى حوراء ماكو
ام سلام والله ماعرف شكلج اني كلساع اروح للشقه ومحد يفتحلي
زهراء شنو خالهةشتحجين شبيهم
ام سلام ماعرف
مروان شبيج زهراء
ماعرف ماعرف لازم اروح هسا للبيت اشوف شبيهم .
مروان يله واني اجي وياج ماتركج لوحدج
زهراء الطريق صار طويل حوراء تلفونها انغلق وصلت فتحت الباب بلمفتاح ودخلت ومروان ويايه البيت هدؤ
حوراء.... ماما وينكم لكيت ماما بسريرها وحوراء ماكو حاولت ماما متصحى اتصلنا اسعاف ونقلناها الدكتور حالتها مترديه وماعتقد تعيش ادخليلها زهراء تريدج .... شفت ماما متغيرة جيت يمها
الام زهراء الحمد لله شفتج حبيبتي سامحيني ضيعتي وعمرج تخدميني
زهراء لا ماما مضاع شي اخدمج بعيوني ومستعدة اخلص عمري اخدمج اعرف قصرت بلفترة الاخيرة بس ردت أأمن وضعنا واسويلج العمليه
زهراء ... ماما وين حوراء ..
الام ... دخلت اخذت الفلوس الي تركتيهم من الدولاب وطلعت قبل يومين ومرجعت واني مكدرت لااتصل ولاافتح الباب ديري بالج على نفسج بنتي .
زهراء ... لاماما لاتحجين هيج بقيت ويا ماما يومين بلمستشفى بعدين توفت ماما خسرت الأمان خسرت السبب الي عايشه جنت لااجله محسيت الى اتصلت بمروان ...
زهراء ...... مروان ماما ماتت لحضات وكان يمي ركضت حضنته مروان ماما ليش عافتني كلشي سويت حتى تبقى وتركتني وحدي .
مروان اششششش .اني يمج ماتركج لوحدج مجان احد يعزيني بامي غير ام سلام بقيت يمها واجوي صديقاتي وحوراء ماكو دخلت للشقه تجولت بيها وتذكرت طفولتي دخلت لغرفة حوراء لكيت رساله تبلغني انو هي راح تتزوج وممستعدة تبقى تخدم طول عمرها جانت كاتب كلام بدون معنى اني اعتربرتها اندفنت ويا امي انتهت اخذت كلشي بقالي وطلعت وصفيت اجار الشقه ورجعت للقصر قوة علاقتي بمروان وهو تحسن واجرى العمليه وبدى بفترة النقاهه لكن بديت احس بينا نظرات ونحب نبقى مع بعض
مروان .... كافي تعالي اكعدي يمي مشفتج اليوم
زهراء .... جايه عيني كول شتريد
مروان ..انزعي الحجاب اني كتلج يمي اخذي راحتج
زهراء صار وهاي الحجاب نزعنا بعد
مروان يعني اذا اطلب تنزعين شي بعد تنزعي
زهراء .... مروان لاتجاوز ماسمحلك
مروان .... شبيج تفكيرج سي اريدج تنزعين الاسود زهراء ...... لا مروان ماكدر هاي امي لوالبس العمر كله ميطلع الحزن من كلبي واني كنت السبب بوفاتها لان وتركتها وبجيت واحسيت مروان حضني كانت هاي ثاني مرة يحضني واحس بلراحه بحضنه مسدلي شعري كال لا تكولين هيج اني بحياتي مشايف وحدة بحنيتج واهتمامج انتي انسانه رائعه وكامله .
مسحت دموعي وضحكت.. ههههه حنغر ترى .
مروان ... اني احس بمشاعر غريبه تجاهج ماريدج تبتعدين عني واشعر اني مسؤل عنج اذا احتاجيتي شي لاتترددين لحضه بلجؤ الي . ههه شلون غيرتيني جنت شخص اناني ماهتم بنفسي زهراء يمكن اني احبج

زهراء.... نصدمت بكلامه معقوله
ماعتقد هذا حب مروان هذاشعور بلشفقه والامتنان انطي لنفسك مجال شوف بعد مترجع لحيااتك راح تنسى زهراء ولاتخليني اتعلق بأمال كاذبه انت يمكن راح تعتبرها مرحله بس وتستمر عادي بس اني راح توكف عندي الحياة لان من احب اريدة يكون وياي طول العمر
مروان ..... وأذا كتلح مو مشاعر شفقه انتي تختلفين عن كل البناة الي عرفتهم وياج احس اني مروان
زهراء ...ارجع اكلك انطي لنفسك وقت
اتقرب عليه وباس راسي ونزل على عيوني قبلهم وكال ذول دنيتي اشوف من خلالهم وقبل وجناتي وذول اموت عليهم وباوع لشفايفي وكال هذا حلمي كان ابوسه وياما حلمت بي باسني بهدؤ لااول مرة انباس ومن منو اكثر شخص تمنيته غمرني هو ضخم واني ناعمه حسيت هو الدنيا الي احب اضيع بيها ابتعد اني خجلت ضحك وكال ....اني أول مرة اشوف وحدة تخجل خشمها يصير احمر اني اعرف البناة خدودهم تحمر مو خشمهم حتى بهاي تختلفين ...ضحت وضربته كتله اسكت مروان قرديله
مروان ههههههه زهراء صرصور ...
واستمرينا على هلوضع وهو تحسن وتقريبا الكل حس انو هو مبقيني قريبه علي رغم هو ميحتاجني بعد لان رجع لتدريباته وتقرر يرجع للملاعب واني ويا متناقشنا بمستقبل علاقتنا ولاجبنه سيرة الانفصال او الاستمرار الى ان بيوم كاعدة واجتي والدة مروان
هلو زهراء
اهلا مدام تفضلي
كالت شنو استقاليتي من المستشفى
زهراء ...لا طبعا
ام مروان ... عفيه سباعيه لا تركين شغلج بسبب اوهام
زهراء ... نعم مفهمتج
الام .. اكيد فهمتيني ابني لاتتوقعين منا اكثر من الي بينكم اني مو قصدي اسيئلج لا بس هو كل فترة عندة نزوة وانتي تعرفين وضعه ... يعني المسأله مسئلت وقت وينتهي كلشي
زهراء ... المطلوب مني شنو .
الام ... ارجعي لشغلج ولحياتج صدكيني ميفيدج ابني بقيت حايرة شجاوبها وحسيت تكلي اطلعي من بيتي ومن حياتي باسلوب
زهراء ... فعلا حقج اني طولت لازم ارجع لدوامي
الام ... صيري قويه واي شي تحتاجي اتصلي
زهراء ... اكيد شكرا
وابتعدت عنها واني ماعرف شصرف وبديت اجمع بملابسي بكل الاوضاع اني ماكدر ابقى هنا محسيت الى مروان حاضني شسوين ردت روحي لمن شميت عطرة وشكد جنت محتارة استقربت
زهراء .... مروان لازم ارجع لشغلي كعدتي محلوة هنا
مروان .... شنو هلكلام انتي زوجتي
زهراء ... يعني شنو
مروان ..... يعني راح اسويلج حفلة زواج واعلن زواجنه كتله معقوله واهلك
كال شبيهم ابويه يعرف وموافق
زهراء .. وامك ..... مروان اها مسمعتج كلام مو ودارني علي وخلى راسي على صدرة ورفع وجي اله كال حياتي منو وياج ليش ضايجه .
زهراء ... مروان لاتتخلى عني مالي غيرك
مروان ... ليش انتي تخليتي عني من جنت بحاجتج عرفت من بابا انو انتي من يوم مدخلتي لبيتنا مأخذتي شي هو معتمد عليه واني تصورت هو يدفعلج راتب ليش محجيتي او كلتي لدكتور احمد
زهراء ... اكل واشرب وانام ممحتاجه شي وبعدين اشلون اخذ راتب على اهتمامي بزوجي وحبيبي انت تقبل وخليت ايدي على ركبته
مروان ..لا راح اخصصلج مبلغ واخذج اليوم تجهزين نفسج واخذني واشترالي كلشي على ذوقه طبعا لبس نضارة سودة وكاسكيت حتى محد يعرفه وهم عرفو هههه اخذو ويا صور وتوقيع والبناة أويلي متت غيرة وحسيت فعلا اني مو مستوا وخفت انو فعلا اكون مجرد نزوة

مروان ... عرفت زهراء ممستلمه اي مبلغ او راتب من بابا تخبلت معقوله اكو هيج بشر محتاجت شي لاطالبت لااشتكت كل يوم اكتشف بيها خصله تخليني احبها اكثر واحترمها حددت زواجي بيها بعد اسبوع لان ماتحمل تبقى بعيدة عني والشهر الاخ عندي سفرة للخارج عندي مبارة واخذتها تجهز نفسها بس ماخذت راحتها ويايه بس ماكدر اتركها امي مطيقها وهي مالها احد
يله حبي اختاري حتى فستان الزفاف اشتري لاتخلين شي احتمال ماتفرغلج
زهراء .تمام واختاريت كلشي ورجعنا اختاريت فستان

بسيط ضيق من فوك وعريض من تحت كيبور وطرحه طويله
بليل اجه مروان وجابلي فون اخر موديل
زهراء ... شكرا
مروان ... وين صرصورج هههه خلي احركه
زهراء .... ههههه ليش تكرها اني احبه المفروص تحب كلشي احبه
مروان ... اموت علي وعلى صاحبته .وعلى عيونها وبدى يتقرب واني ابتعد واضحك
مروان اطلب منج طلب .
زهراء .... أأمر
مروان ..... اريد تلبسين قميص النوم الوردي الي شفتج بي
زهراء ..... ماء استحي
مروان ..... حبابه باجر عندي سفرة واريد اشوفج بي حتى يبقى بالي
زهراء .... البسه الك بزواجنا
كال ... يعني متلبسي راح ازعل
زهراء ..... لا حباب بس افهمني سحبني قوي وحضني ويشم بشعري وباس ركبتي وسحبني للسرير وحسيته ممسيطر على نفسه .
زهراء ... مروان لا
مروان ....ليش انتي زوجتي ومبقى شي لزواجنه ماكدر اتحمل زهراء ورجع يبوس
زهراء .... عفيه مروان لا
مروان ..... انت ماعندج ثقه بيه لو متحبيني
زهراء .... لا هذا ولاذاك بس احب كلشي يكون على اصوله واريد احس بزواجنه مناقصه شي اذا تحبني تحمل مبقى كم يوم
مروان اوكي .. بس بيومها اتحملي الي يصيرلج ماكو ارحمني ولا حباب الى اكطعج
زهراء ....هههههه لا مينطيك كلبك تحبني
مروان ....نشوف عود هاي دروبج مشيهن على غيري تعالي هسا خلي اسويلج فيس حتى نتراسل
زهراء ...اوكي
مروان .... واليوم انام بحضنج لان مسافر من الصبح وتلبسين القميص الوردي ....تمام تأمر مروان قرديله
ديله عيني زهراء صرصور
صدك لكيت اسم الفيس هههههن راح اسمي زهراء صرصور ...ههههههههه
شكد فطير ...... منو الفطير لج احترميني
زهراء ... تحتاج شي اجهزلك للسفر ...
مروان .... يعني تقرببا كلشي جاهز بس اريد شكم بوسه تصبيرة للطريق .زهراء .ههههه لا ماكو حتى تشتاقلي ولج ششتاقلج اني هسا ابويه مشتعل
زهراء ... هههه صدك مروان هلكد تحبني لو رغبه جسد هاي
مروان .... احبج اموت عليج صدكيني اريد اخلص حياتي وياج اختاريتج لان انتي اكثر بنيه اكدر اأمنها على اسمي وحياتي يله تعالي نام ونمت عندة واحلى نومه بحضنه للصبح صحيتهة وفطر وسافر حبيبي وكل شويه مخابر لو داز مسج
مروان ... احلى نومه الله بعد ماكو لازم تبدين تنقلين اشيائج لغرفتي
زهراء .... صار
مروان ...شسوين
زهراء ... افكر بيك
مروان ... فديت حبيبي الي يفكر بيه
زهراء ... فديتك اني شوكت ترجع اشتاقيتلك ترى
مروان .... موجنه يمج وكلشي مخليتينه نسوي بعدين اني كتلج انام عندج اشو انتي اجيتي ونمتي عندي شيسموها هاي
زهراء .... ههههههه يله تطلبني وحدة يله روح عندي شغل لاتلح .
مروان ... باي ديري بالح على نفسج
وحبيبي اموت علي كلساع يخابر
ومر يومين اشتاقيتله وماطلع من الغرفه حتى ماتصادم ويه امه هو وصاني واتصلت بدكتور احمد
اشلونك دكتور
دكتور احمد هلا بلكاطعه
زهراء ... والله بالبال والكلب بس تعرف مشاغل
الدكتور ... اعرف اتصل مروان وكال زواجكم الخميس اني كلت اجيب البنات اليوم يساعدوج هو طلب كال متعرف وماعدها احد
زهراء .. اخاف اتعبهم
الدكتور ... انتي بنتي وذول خواتج يله محتاجه شي احنا العصر يمج
شكرا دكتور
واجه الدكتور ويا بناته طبعا اني اعرف لمى وسما مشايفته غير كم مرة لان متحبني مثل لمى صديقتي وتعتبرني اختها
لمى ... هلو زهورة اشلونج عروستنا الحلوة .
زهراء ... هلو لمى .اشلونج سما ..
سماه .. هلو
الدكتور ... زهورة شوفي شمحتاجه روحي انتي والبنات
.زهراء تمام اني كلشي مروان جابلي بقت الصالون وملابس النوم والداخلي انحرجت منه
سما ..هو اخذج اشترالج وتباوعلي بطرف عينها
زهراء ... اي .. لمى يله لعد مشينا ... واخذوني واشتريت وحجزت صالون ورجعنا ماعرف ليش مرتاحيت لسما اتصل مروان بليل وحجيتله
مروان ...ممم ششتريتي شوفيني فتحي كامرة
زهراء باجر تجي وتشوفهم
منو كال باجر اجي اتاجلت
زهراء لا بربك ليش
مروان اشتاقيتيلي
زهراء .... ليش عندك شك بس ليش تأجلت
مروان اسف حتى الزواج راح يتأجل

زهراء .... حسيت رجليه متشيلني من كال ااجل الزواج
ليش مروان اكو شي ...مروان يعني راح اتاخر وماكدر اجي صارت مشاكل كتله طمني بيك شي صحتك زينه شكو مروان احجي عاد
كال انتي انطيني مجال واني احجي ماكو شي هيج حبيت العب بأعصابج باجر اني يمح وبعده زواجنه اني صدك ضجت منه سديت الخط بوجه وغلقت الفون
ساعه واجت امه
عيني مدام كومي مروان يريدج على التلفون ليش مجاوبي لو هم كمتي تتعززين وتردين تسويلج شخصيه ... زهراء .... اني راح اتصل بي من فوني
كذب مردت احاجي لان غثني ... الام واني هسا شنو اشتغل عندج بس مو صوجج صوج ابني الي خلالج قدر وقيمه ياحافيه .زهراء اشكرج .هزت راسه وطلعت واني بقيت ابجي هاي راح تسود عيشتي اكيد فتحت فوني لكيته حارك الجو بلمسجات والاتصلات
بليل دفر باب غرفتي ودخل عصبي وجرني حيل
ليش حضرتج مجاوبين على شنو سويتيلج زعله
زهراء ... مروان ايدي دتأذيني اتركها ... كال اشو تحجين بطرف خشمج صدك لوكالت امي اني الي كبرتج .
زهراء ... اي انت كبرتني واني حافيه وممرضه ومو من مستواك وراح تضلون تعيروني طول عمري بهلشي فالافضل نترك من هسا احسن وشوفلك وحدة من بيئتك
زين حباب
مروان ... لوما محدد موعد والناس عرفت لاالغي كلشي وانعل ابوج لابو اليزوجج
زهراء ... لاتسبني افتهمت
مروان ... واكسر راسج بعد ماكو طلعه من الغرفه منا للعرس وطلع وقغل باب غرفتي معقوله هذا شبي تحول عليه اجه يوم زواجي وجتي لمى واخذتني للصالون وسوتلي تسريحه على ذوقها ومكياج طوخته لان ملامحي ناعمه حبت تبرزهن من كملو الكل انبهرو .
لمى سبحان الله ماشاء الله .ملاك الله يسعدج هنيالك مروان عيني
زهراء .... متعرف اليوم مروان كارهني وميريد يباع بوجي ..
اتصل عليه وبنترة ... يله فضيها عاد ..اني كملت
مروان يله حدزلج احد
مروان ضايح منها زعلت بدون سبب حبيت اداهرها اشويه اشو هاي غلقت جهازها واتصل على البيت تسمع امي كلام ومقابله تجاوب امي كالت حتى طردتني من غرفتها رجعت عصبي وباول كلامنا تكلي ننهي كلشي ... الضاهر اني هواي رخصت.نفسي ومدحت بيها هوايه لدرجت انغرت صدوك خلي اروح اني اجيبها من الصالون ماتحمل ابقى اريد اشوفها شلون طالعه ...
طلعت جنها ملاك بحياتي مشايف نعومه وبراءة مثلها سويت نفسي ممهتم ساعدتها تصعد للسيارة واخذتها صورنا وبعدين طلعنا للقاعه جانو اصدقائي والصحافه وناس جانت لابسه غطاء على راسها و فستانها كتلها هذا مينزع اوكي ...زهراء ليش فستاني مستور ...
مروان .. لاتجادلين مينزع برطمت رادت تبجي انقهرت عليها خطيه وحدها لاام والا اخت واني عليها بس خلي اادبها حتى متكررها
نزلنا ودخلنا للقاعه وكعدنا بلكوشه وبعدين كمنا نركص كتلها يله انزعي ساعدتها لان محد يمها وركصنا لمن تقربتلها ردت انسى الزعل وهي رجفت بين ايديه وخلت ايديها على ركبتي بعد متحملت خليت راسي بركبتها وشميتها حسيت راح افقد رجعتها وكعدنا والناس تبارك وكصينا الكيك وزفونا دخلنا لغرفتنا ... تركتها ودخلت للحمام وطلعت لكيتها كاعدة مرتبكه
مروان خير متكومين تبدلين .
زهراء اي ... منتظرتك تطلع من الحمام .مروان اوكي يله .. زهراء دخلت للغرفه خايفه ومرتبكه وهو زعلان المفروص اني ازعل على الكلام الي سمعنيا بس الضاهر فعلا اني نزوة واتندم على زواجنا دخلت حاولت اوصل لسحاب مكدرت مروان ... مممم شتردين ...السحاب مينفتح ... مو مشكلتي زهراء يعني شنو بعت وياي خباثه بيوم زواجي مروان شتردين ...زهراء ..افتحلي السحاب .مروان هاي الدروب مو عليه ترى كلهن عابرهن ... .زهراء ... مفتهمت . اهووووو انداري دافتحه واخلص .زهراء لاشكرا لو اعرف اشكه ولااخليك تمد ايدك دخلت للحمام وبجيت على حضي هو هذا يوم زواجنا هيج حلمنا وهيج خططنا حاولت وبعدين دك علي باب الحمام .. تعالي اني افتحه لاتعاندين اني ضجت عتيته للسحاب حيل وفتكته وانهاريت بلبجي واعيط وهو يسئل شبيج لبست قميص نوم و طلعت وكفخت الفستان بوجه الله لاينطيك خليتني اشك فستان عرسي

مروان سمعتها تشهك وتبجي بلحمام انجنيت بعدين طلعت وركعتني بلفستان وتبجي وتدعي حاولت اهديها كامت ترفس وتبجي وتضرب بيه اهدي اهدي اشششش ماريدك عوفني تمام رفعت ايديه بس اهدئي ضلت تبجي واني ماعرفت اشلون اتصرف يمكن بالغت بردة فعلي اني اسف شنو تردين
زهراء .. عوفني ماريد منك شي خربت احلى يوم بعمري مخليتني احقق شي من احلامي شكد حلمنا اني وياك وخططنا وبعدين شوف وين وصلتنا...
ماسامحك عوفني
مروان ... اني الي صار اني مسؤل عنه وحدي
جانت مجرد مزحه كلبتيها كارثه عليه واتصل متردين وادز عليج امي تطرديها وتحجين عني كلام يخجل
زهراء ... اني طاردتها اصلا هي اجتي سمعتني كلام لوما احبك دقيقه مابقى واي شي عنك مكلت جاوبتها اني حتصل بي انت شلون تتوقع احجي عنك كدام اي شخص حتى لو كانت امك
مروان ... شكلتلج
زهراء ...كالت اني اشتغل عندج وانو انت سويتلي قدر واني وحدة حافيه
مروان ... واني المفروض اصدكمن بدت بعدنا يالله اشتغلت امك ومرتك
زهراء .. انت سئلت اني مشتكيت وبجيت
مروان ....كافي لاتبجين اني اعتذر عن الي كالته .
زهراء ... والي كلته انت مواجيت عدت نفس كلامها
مروان .... اهوووو راح تظل تعيد وتركني ونام على القريوله رحت نمت على السرير وبقيت ابجي الى ان محسيت الى الصبح باوعت شفته نايم كلبي وجعني علي اني ليش هيج تصرفت اندك الباب رحت يمه ..
مروان .. مروان . الباب
صحى وفتح الباب جايبين الفطور غسل واجه كال اتريكي كتله ماشتهي .
مروان ... انتي من البارحه بلى اكل
اجه كعد يمي يله حبيبي اتريكي كافي خلي ننسى الي صار اني بجيت .جر راسي على صدرة وباسه كال اعتذر لج اموت عليج غير ادمرت من مجاوبتيني واذا تحبين اسويلج عرس من جديد و بعد الفطور البسيلي فستان الزفاف وبعدين اني مو كتلج اريد قميص النوم الوردي
زهراء ..ههههن اسكت مو اشتريت منه كل الالوان
مروان ... بربج هههه شنو مخلصتي اكل ترى جوعان ..زهراء متاكل لازمتك .مروان اريد اكلج ترى لازم نفسي كوة
زهراء .... ترى بعدني زعلانه .
مروان هسا اصالحج واجه يبوس بخدي .زهراء .ههههه بس لا والله مروان بعد لاتتصرف ويايه هشكل وتعيرني اذا انعادت مابقى .
مروان .. اعتذر حبي مجان قصدي هسا عوفينا شراح تلبسين يالون .
زهراء ... كيفك كال اني حاليا مقتنع بهذا اللون مو مال انتضر وسحبني ههههه انطي مجال .
تعرفين شكد مشتاقلج زوزة بكد رحمة الله مشتاق لريحتج لضحكتج ولخشمح الاحمر .
زهراء .. غمضت حبيت اعيش ويا الاحساس صار نفسه قريب مني وعشنا احلى يوم ومطلعنا ابد منة الغرفه دللني ومينام الى بحضني ونساني ايام الي تعبت بيهم وكل الي اريدة يكون عندي بدون ماطلب جان بينا توارد خواطر مجرد افكر بلشي بليل يجبليا بس امه بقت تسمعني كلام وتجرحني بس ابد موصلتله جنت اسمع واسكت مجنت اعرف هي ضامتلي الاعظم

طبعا خلتني اشتغل الشغل كله ومتخلي الخدم يسون شي وتسمعني كلام وتعيرني بس محبيت الي صار يتكرر وموصلت شي لمروان وبيوم . جنت احضر غدة لنفسي ولمروان حسيته حضني ... شدسوين حبي ..
زهراء احضر غدة
مروان والخدم
زهراء ...لاحبي اني احب اخدمك بنفسي
مروان .. اني شمسوي زين بحياتي وربي كافئني بيج زهراء ... انداريت علي ولزمت وجه بلعكس اني المحظوضه وبسته
مروان سحبني للغرفه كتله هاي شبيك الاكل
كال صوجج اله تبوسيني هههههه اهو مروان ......
واحلى ايام عشت ويا حبي
بعد فترة اجتني خدامه كالت اكو وحدة منتظرتج برة طلعت تفاجأة بحوراء
زهراء .... شتردين جايه .
حوراء .. تبجي اجيت اشوفج واعتذر منج
زهراء ... على شنو تعتذرين انت السبب بموتت امي ماسامحج وروحي منا لزمتني كالت هذا رقمي وعنواني اتصلي بأختج لاتكطعين
كتلها اني ماعندي خوات اختي ماتت ودفنتها ويا امي وتركتها وبقيت ابجي رجعتني لاأيام الي فقدت امي واجه مروان وتخبل
مروان ... منو وياج حبي امي
زهراء ..لا مو خاله والله اني اشتاقيت لماما
اريد اروح ازورها .
مروان صار اوديج حبيبي بس لاتبجين وحضني اني زدت بلبجي حسيت ردت افرغ كل همي بصدرة
مروان ...اشششش زهراء انتي قويه شبيج ليوم اكيد مصاير شي
شكله اكله اختي مهزومه واليوم رجعت سكتت .لا حبي مثل مكتلك
امشي لعد اعشيج برة
زهراء ... اي حتى معجباتك يصيرون كتل وكلشي مافتهم منك كل مرة طلعني هيح
مروان ... غير رجلج صاك والبناة يحبنه
زهراء .... لاوالله شكد مغرور .
مروان ....امشي اوديج مدينة الالعاب
زهراء .. كول والله
واخذني واحلى يوم بعمري ومعشت بعده سعادة ابد لعبنا بكل الالعاب واخاف وخاتله عندة ويضحك عليه ويعاملني مثل الطفله واكيد صار تجمهر علي بس مهتم وسحب الضوجه مني ورحعنا للبيت وبعد فترة جنت بلحديقه اجه ولد حارس بلقصر كال ممكن مدام
زهراء تفضل .
محمد الحارس .. ردت اطلب منج طلب اخويه الصغير يحب يلعب كرة القدم وياريت تخلين الاستاذ مروان يساعدة .
اني طلبت من والدة الاستاذ ومقبلت تحاجي واني دوامي ميصدف ويا الاستاذ وبصراحه اخجل
زهراء .... ميخالف اني اكله ويصير خير
وفعلا اول مرجع مروان حجيتله كال خلي يحيبليا للنادي اشوفه واوصي بي
شكرا حبيبي
مروان شكر حاف لا بوسه لاحضنه
زهراء .... بسته من خدة قريب شفته كال هاي البوسه القاتله ماحبها لاهي بلشفه ولا على الخد بس تهيج المشاعر تعاي اني اعلمج شلون يبوسون وووو
بعدها سئل اكول حبي ماكو شي بلطريق
زهراء ... تريد طفل
مروان ...اتمنى حبي اريد ولد واسمي مهيمن الله مهيمن مروان شكد حلو .
زهراء لاخوب قرديله .ويصير قرديله مروان هههه
لا بنتج سميها صرصور هههه وتصيرين ام صرصور هه
زهراء ههه مضحك

زهراء بلغت الحارس بكلام مروان
واجه بعد يومين جايب وردة وقدمها الي كال شكرا اخويه اتبنا كابتن مروان وتكفله بللعب
كتله مبروك واخت الوردة سحب ايدي وباسه اني نصدمت من تصرفه هاي شنو كال ماعرف شلون اعبرلج عن امتناني .كتله موهيج عيب الي سويته اعتذر وراح هو شكله حلو وضخم وظل كلما يشوفني بلحديقه يجي يسولف واني امافشله بس كمت اشك بتصرفاته ونظراته وكمت اجنبه وماطلع للحديقه الى اذا ام مروان او احد موجود وبيوم جانت ام مروان كاعدة وطلعت وبس شافني اجه سلم وتركته ومن ابتعدت عثرت بشي ماعرف شنو وهو حضني
الله الله ديري بالج
وظل مجلب اريد افرغ نفسي ماكو زهراء ... شكرا بس حلني داروح ..
ها مبيج شي متعورتي .
زهراء لا
ودخلت بس كلبي مقبوض وبقيت لليل الوب
اجه مروان اعصاب نار دخل للغرفه وسد الباب وبيدة ضرف شمرة بحضني كال هاي شنو
فتحته لكيت صوري اني والحارس
لمن منطيني الوردة ومن بايس ايدي ومن حاضني ونباوع بعيون بعض
مروان ... متخجلين لو الزباله يبقى زباله
زهراء ...افهمك ماعندي شي ويا
ضربني راشدي وجر شعري كال اطلعي برة بيتي متشرفيني انتي واختج زباله اختج مهزومه مكلتيلي لج خليتي راسي بلطين ليش وكام يبجي مو اني حبيتج
ميزتج عن كل البناة اريد احجي مينطيني مجال جرني من شعري وطلعني وامه تباوع بشماته كتلها ليش احجي الحق موكداكدمج صار كلشي .
كالت اطلعي حقيرة اشوف واسكت لعبتي بشرفنه
هنا اني عرفت ان الي صار كان اكيد من تخطيطيها رادت تخلص مني طلعني مروان للشارع ونبه على الحراس محد يدخلني وكال بعد لاتشوفيني وجج ذب علي مبلغ وجنطتي ودخل ضليت ابجي ومحتارة وين اروح ورحت لاام سلام لكيته ماكو بعدين طلعت عنوان حوراء ورحت عليها
حوراء ... زهراء حبيبتي تعالي
شبيج اختي عيني تفاجأة بحوراء عمرها مكلتلي اختي .ضليت ابجي وحجيتلها كلشي ... ونمت بحضنها حسيته حضن امي وبقيت ايام يمها وعرفت انو هي بعد منهزمت الشخص ضحك عليها واخذ فلوسها وتركها ورجعت لكت ماما متوفيه ومكادرة تشوفني وجهها وبعدين متعرفه على شاب سايق تكسي مساعدها تشتغل وبعد فترة متزوجين وجان نعم الاخلاق اعتنه بي ورحب بيه بقيت يمها شهر ومروان متصل وعرفت من الاخبار انو محترف بدوله عربيه ومسافر واكتشفت بهاي الفترة اني حامل رحتلهم للقصر وامه طردتني وبلغتها اني حامل رجعت منهارة والدنيا سودت بعيني لكن جان لازم اقوى وسنان زوج حوراء دبرلي شغل بمستشفى ورجعت اداوم وبعدين اجاني اتصال من محامي مروان يبلغني بطلاقي مشت الايام عادي وجان حملي متعب ودخلت بشهر السابع وجنت كاعدة ويا حوراء وسنان وشفتله لقاء على التلفزيون فز كلبي علي واشتاقيت لحضنه وبجيت ودخلت لغرفتي صارت عندي الالم قويه للفجر متحملت كعدت حوراء
وج حوراء حموت الحكيني سنان فز جاب السيارة وللمستشفى وكالو ولادة مبكرة وقبل لاادخل للصاله كتلها حوراء بس فونج اخابرمروان
اتصلت دك هوايه بعدين جاوب
كتله مروان .
كال زهراء ... شتردين كتله محتاجتك وابجي ردت اكله حولد غلقه دكيت بعد مجاوب وغلق جهازة
ولدت بنيه وسميتها بنين ولمن طلعت قررت انسى مروان واطلعه من حياتي بنين جانت فرحتنا وحوراء تغيرت 180درجه حنينه والله عوضني بيها عن حرماني وكانت نعم الاخت والسند هوايه جنت اضعف وتقويني بنين صار عمرها 3سنين وتتحرك بس تتعب بسرعه وتزرك اخذتها سويتلها فحص طلع عدها مرض بلقلب لازم عمليه تصح وتصير مثل الاطفال العاديين لكن مو بلعراق بلخارج وبتكاليف خياليه اني ماكدر عليها سنان كال ابيع السيارة وعدنا فلوس بس متكفي مبقى باب مدكيته وبنونه تذوي يوم عن يوم اشوفها شمعه تريد تطفه ليش يارب ممكتوبلي افرح ليش اني دائما تتمتحني مبقى الى طريق واحد لازم امشي

اخذت تقارير بنتي وصورتها ورحتله للبيت مقبلو يستقبلوني رحت انتظرته باب النادي شفته طلع هو واصدقائه تقربت علي هو نصدم من شافني اني متغيرة الزمن تعبني ومرض بنتي اخذ من حيل زهراء ..ممكن احجي وياك ...
مروان سحبني من ايدة ودفعني
ولي منا
زهراء ..اعتبرني محتاجه وتستجدي منك
طلع محفظته وراد ينطيني فلوس
كتله ماريد فلوس بس اسمعني وبعدها اوعدك متشوف وجي
جرني وصعدني بسيارته
كال احجي .نطيته الملف .
مروان هاي شنو .
زهراء افتحه وانت تعرف ..
فتحه شاف صورت بنونه وهي جانت تشبها كتله هاي بنين ولزمتني العبرة مكدرت اكمل باوعلي .كتله بنتك
وهاي اوراقها بنين مريضه وتحتاج عمليه واني ماكدر اعالجها
مروان ..شنو بنتي وليش ماعرف وهسا جايه تبلغيني زهراء ... مو وقت هذا الحجي وكال المطلوب
كتله العنوان موجود بلملف اذا حبيت تساعدني واذا حاب تتاكد هي بنتك سويلها تحليل دي ان اي التفت عايه وخزرني نزلت من سيارة ورجعت للبيت ضل يومين ماكو منه خبر ويئست اني شمتوقعه منا بليوم الثالث ادك الباب .فتحته لكيته هو جانت بنين تلعب شافته راحت علي لان اني اشوفهيا بلتلفون وبلتلفزيون اكلها هذا بابا هو شالها وحضنها ويضحك ويباوع عليها وهي كال عند يادكتور تاخذيها نطيته اسم الدكتور اتصل بي فهمه على حالتها بعدين كال راح احجزلها عند اخصائي غيرة اني تركتله الموضوع واخذنا للأخصائي حجه نفس الكلام لازم جراحه
مروان اجمعي كلشي الج والها وامشي لبيتي
اني ... ماروح وياك لااي مكان .
مروان مو من مصلحتج تعارضين اني اكدر اخذ بنتي بس هي مريضه وتزعل عليج وتتأثر مو زين بوضعها
جمعت كلشي واجه اخذنا دلل بنونه يشتريلها ويطلعها وعندة قدرة على اقناعها يخليها تاكل وتاخذ ادويتها ولكيته مجهزلها غرفه تجنن جننت احسه ينتضر مني تبرير او اعتذار بس اني ميهمني غير بنتي هو صفحة طويتها انتهى بلنسبه الي
الى ان بيوم كال .شنو عافح
زهراء ...منو
مروان ... الي خنتيني ويا مل منح وعافج لو خلصت فلوسج وشمرج باوعتله وضحكت كتله اني اشفق عليك
سحبني من ايدي كال احجي
كتله اولا لاتلمسني اني محرمه عليك وثانيا الي صار بحياتي ميهمك
مرت الايام اني وهو نجنب بعض وبيوم تعبت بنين واخذناها وسرعو بعمليتها وسافرنا وبيوم العمليه خلصتها بجي ودعاء وصلاة وهو يباوعلي متوتر واجت امه اتصل عليها متفأجأة لمن طلع الطبيب كال نجحت العمليه اني انهاريت كمت اصرخ هو اجه وحضني .
كتله مروان بنتي جوة تتوجع واني مويمها فتحو صدرها ورادتني كالت وين ماما بنتي موجوعه وصغيرة متتحمل واضرب بصدرة دخلوني غرفه ونطوني مسكن ونمت وصحيت لكيته يمي وسئلت على بنتي كال بعدها عنايه وميخلون احد يشوفها تركني وطلع ورجع جايب اكل
كال اكلي .
زهراء مروان تتوقع كدر اكل .
مروان لازم حتى تتحملين الي جاي اصعب واحنا لازم نكون اقوياء
اكلي لان عندي موضوع احجي وياج بي
كتله احجي مستحيل اكدر اكل ....مروان .
طيب اني مستعد انسى كلشي ونبدي من جديد ونربي بنتنا بينا
زهراء .... مفتهمت شنو يعني
كال ارجعج
زهراء ... شوف اني ماريدك وانت انتهبت بلنسبه الي ولوما مرض بنتي صدك مشوفتك وجي لان انت متستحق افكر بيك او ارجعلك واعرف انت منتظر مني تبرير اطمئن مراح ابرللك اي شي ولاادافع عن نفسي اكو الله يمهل ولايهمل واذا عليى بنتك فبس تصير زينه راح اتركها الك لان هي تحتاج حياة خاصه ومدارة واني ماكدى اوفرهم الها فلا تخاف ماكو داعي ترجعني
مروان ...انتي شنو
دفعني ودخل للحمام داخل الغرفه
وبلحضتها اجت امه
كالت انتي شتردين راجعه وجايبتلي هاي ماعرف منين كتلها انتي تعرفين هاي حفيدتج لان جيتج واني حامل وطردتيني لو نسيتي
كالت اخاف بالج ترجعين ترى مثل مهججتج بلبدايه هسا هم ادبرلج لعبه واخلي يتركج
كتلها جنت اعرف انتي وراها بس الله على الضالم
كالت شوفي اخذي بنتج واطلعي من حياة ابني واني اأمنلج حياة محترمه واذا معجبج اكو هواي مثل محمد عندي بس هلمرة ماخليلج خط رجعه مروان سمع كلشي فتح الباب وطلع مقابيل امه مصدوم بلي سمعه

مروان بعد ماسمعت كلام امي رجعت قبل ثلاث سنوات لمن وصلتني الصور وشلون طلعتها بليل ومحاولاتها تتصل بيه وتبينلي الحقيقه ومصدكتها شكد ضلمتها وتركتها تواجه كل هذا وحدها هي وبنتي اذا اعتذر لها طول العمر ماأوفيها وقفت عاجز بينهم ومصدوم من افعال امي الى اي حد وصلت ليش هيج بشنو اذتج وتنتقمين منها بهلشكل وين الكه محمد هذا انطيني عنوانه الى ادمركم
الام ماعرف .. انت فهمت غلط
مروان ..لا مفهمت غلط سمعت كلشي بأذني لا وجنتي تعرفين هي حامل ومكلتيلي وتشوفيني شلون متعذب كدامح 3سنوات واني طير مذبوح يمج وانتي بأيدج راحتي انتي أم انتي بس ماكدر اسويلج شي لان انتي امي روحي الله يسامحج وزهراء
زهراء .. مدام ربي ضهر الحق وبنتي تعالجت ماريد شي روحي حسبي الله ونعم الوكيل بيكم .مروان .
روحي يوم طلعينه من حياتج ومن دماغج
بقينا بغرفه بلمستشفى ننتظر بنين ومروان موجهلي اي كلام
بعدين بلغونه انو بنين تبقى يوم كامل بلعنايه ...
مروان ... ممكن تحجيلي شلون خلصتي هاذي ال3سنوات
زهراء شتريد تعرف
مروان ... كلشي شلون عرفتي انتي حامل وشوكت بنفس الفترة الي طلكتني بيها
مروان .. جان حمل طبيعي لو متعب تعبتي يعني
زهراء .. يعني تعبت فترة ولدت ولادة مبكرة بلشهر السابع بيومها اتصلت بيك وانت غلقت الخط بوجي حبيت ابلغك بولادتي اشر بايدة اسكت وخلاهم على وجه وطلع عرفت انو بجى وطلع حتى ماشوفه رجع بعد ساعه
كال زهراء... اني ماعرف اشلون اعوضج واعتذر منج
زهراء .. اني نسيت كلشي
مروان ... ارجعيلي وخلي بنتنا تتربى بينا
زهراء ... انت طلعت من كلبي بيوم ولادتي وماكدر ارجعلك اذا تريد بنتك تكدر تاخذها
مروان ... تتحملين تتخلين عن بنتج بس حتى مترجعيلي
زهراء ... موبيدي صدكني
مروان ... اني راح اشتريلج بيت واخصصلج راتب شهري وبنين تبقى عندج واجي اشوفكم كل فترة الى ان تحنين عليه وصدكيني ماظغط عليج
طلعت بنين وتحسن وضعها ومروان اشترا بيت وكان يتردد علينا وحوراء وزوجها وضفه وساعدهم بديت احن اله كان مواعدنه يعشينا برة ومنتظري وتاخر وابعدين اجه تعبان
زهراء ..شكلك تعبان ..
مروان ... اممم كلش اليوم تمارين وعندي مبارة مهمه شاغله تفكيري
زهراء .. لعد نبقى بلبيت واني اسوي عشا
مروان لا اني وعدتكم اطلعكم
زهراء ... غير مرة عيني يله روح يم بنونه واني اجهز العشا وتعشينا ونامت بنين وحسيته مهموم
مروان اكو شي انت تعبان ومهموم
كال اني وعدتج ماضغط عليج بقرارج بس فعلا محتاجج محتاج تكونون على طول يمي اصحى الصبح على وجج واخر شي اشوفه تنامين بحضني احس بحنانج اني مكدرت انساج ولااطلعج من كلبي طوال 3سنوات حاولت اكرهج بس جنت احبج اكثر وهواي ضعفت وردت ادور عليج ارجعج بس جنت اطلع الصور واكل لنفسي شوف مروان هاي الكاتل نفسك عليها واتراجع بس لوجنت اعرف انتي حامل اضغط على نفسي وماترك طفلي يتبهذل ومن شفتج اجيتي كلبي رجف عليج وردت احضنج واطفي النار الي بكلبي بس انتي فجرتي قنبله من كتيلي عندك بنيه مريضه احتاجيت وقت استوعب بي لذلك اتاخرت عليج يومين ومن شفت بنين وعرفتني احترمتج وزاد حبي بس حاربت نفسي اني احب بنتي واريدها يمي بس اريدج انتي وياها ماتحمل بعدكم اكثر ارجعيلي

زهراء استمعت لكلامه بدون مانطق حرف أتأثرت بل الي كاله بس صعب امحي معانات 3سنوات بأعتذار
زهراء ... اني متفهمه وضعك وحاسه بيك بس صدكني مروان .موسهل عليه انت معشت معاناتي وحدة حامل ومطلقه ومتهمه بشرفها وعايشه عاله على رجال غريب صح حوراء وزوجها مقصرو واني اشتغلت بس ابقى عاله وبعدين وياي طفله مريضه انت سافرت وعشت حياتك وجانت عندك امك وصديقاتك يهونون عليك بس اني جنت اتعذب وحدي اطلكت واني حامل واشتغلت بفترة صعبه وجان الي يسوة والي ميسوة يحاول وياي واني بقيت محافظه على نفسي اسمع تحب تنتظر احتمال بيوم اكدر اجاوز الي صار واذا لا فا الله وياك
مروان ... صدكيني معرفت وحدة من يوم الي تزوجنا
زهراء ... لاتبررلي اني ماحاسبك بس ابينلك الفرق بين الي عشته انت والي عشته اني
مروان ... انتي بعد متحبيني
زهراء .... كتلك اني بيوم ولادتي لغيتك من حياتي وصعب ترجع .مروان سحبني حيل من ايديه وكال
باوعي بعيوني وكولي ماحبك
زهراء ... رجأ مروان ماكو داعي لهتصرفات احنا مو صغار
باعيلي وكولي ماحبك كولي انتهيت من حياتي واني هسا اطلع وبعد متشوفيني
زهراء اي اطلع مميته عليك
مروان باعي بعيوني
زهراء باوعت بعيونه ورجع كل حبي اله وحنيني حسيت اريد اذب كل هموم السنين وتعبها بصدرة ردت احد يساعدني ويخفف عني كتله
ماكدر ... مروان احبك والله احبك ومدمرني غير حبك
وحضته وبجيت بجي السنين الي جنت امثل بيها اني قويه بينتله ضعفي وكتله تعبت مروان تعبت الدنيا حيل جارت عليه من اني طفله وبعدين حطتك بطريقي ورجعت استكثرتك عليه وخسرتك والله عوضني بنونه وماكملت فرحتي.
كال خلص حبي والله اعوضج عن كل لحضه تعب اصبح نعقد ونسافر وبقى يمي للصبح نسولف ومشتاقين لبعض ورحنا عقدنا ورجعت على ذمته ورجعنا للبيت مشتاقلج حبي خلي نودي بنونه يم حوراء
زهراء لا حبيبي خلي بنتي يمي هي حبابه اصلا متحس بيها كال راح اجيب غدا من برة واجي طلع اني غسلت وجهزت نفسي لبست فستان ماروني قصير ومفتوح من ورا على شكل قلب وخفيف كيبور بطانته قصيرة واكلت بنونه ونيمتها اجه شافني
مروان .. هاي شنو طالعه كمر
زهراء ... صدك حلو
مروان ياحلو .تجنين ولزم ايدي ويغر بيه ويباوع اني حقي من مابدلج بنسوان الدنيا لان ماكو بجمالج
زهراء ...احم احم ..كابتن راح انغر
مروان ... انغري عيني بس مو اليوم لان محترك ابو ابو الكابتن راح العب شوطين واضافي وركلات جزاء وشالني واني اضحك وطلعت بنونه تفرك بعيونها وتجر بي تريدة يشيلها اني بابا اني هم
مروان . .. موكلنالج وديها عد خالتها تعاي بابا هو اني مشيول مركوع ضلت عليج بنتي حبابه هاي الحبابه انوب كسرت نومتها اليوم للصبح
زهراء . . ههه اوي شبيك ويا البنيه الي يكول بت رجلي موبته تعاي ماما ومتقبل تجي الملعونه مجلبه بي كتلهاولي مو يحجي عليج
مروان .. معليج انتي اني وبنتي نتفاهم خليلنه غدة ..
وظلت بنين مجلبه بي وحركته حرك ومتقبل تنام بعدين انقهرت علي وديناها لحوراء ورجعنا وعشنا احلى ايام ومروان عوضني عن كل الي شفته وحسيت رب العالمين يكافئني على مداراتي لامي ولبنتي واختي
وحملت وصار عندي ولد وحوراء لحد الان ماعدها شي ومروان اتصالح ويا امه بسبب الحاحي بس علاقتهم باردة بس توفى والدة هي تغيرت وتحب الاطفال وكل فترة تجي تشوفهم ومن عرفت معدني حبتني والحمد لله مرتاحه

العبرة من القصه ازرع خير تحصد خير يجوز تتعب بس كله امتحان والظالم اله يوم والظلم ميدوم واتمنى القصه تكون عجبتكم