عراف ونبؤة وجواز وموت
اتربيت في بيت خالتي من وانا عندي 4 سنين وكبرت قدام منه وكانت حنية الدنيا كلها في ورغم انه كان علي قد حاله وقتها لكنه عمره ما استخسر فيا اي جنية في ايدة ولما ربنا كرمة وبقي محاسب كبير في الشركة اللي هو شغال فيها وكان ديما يعمل لي عيد ميلادي حتي قبل ابويا وامي حبيته زي بابا دة وانا صغيرة وكنت بحب خالتي اوي اوي. لكني لما كبرت اتمنيته جوزي مع انه جوز خالتي لكني ما شوفتهوش غير وهو جوزي. اصله وسيم وابيض وطويل وشعره ناعم واشقر وعيونه عسلي حاجة كدة شبه توم كروز. مضروب في الخلاط مع احمد عز. طبعا هتقولو عليه منحلة وقليلة الادب واعتبر بخون خالتي اللي فتحت لي بيتها وربنتي وكانها امي هقول لكم معاكم حق. اللي بقوله دة مش صح واكبر غلط. وهتقولو زيهم فرق السن بينك وبينه كتير هقول لكم برضو هو الحب يعرف فرق سن. وفي اللي هيقولي ماينفعش يتجوزك وهو جوز خالتك هرد واقول ممكن يحصل اللي يخلي جوازي منه يتم وفعلا حصل عايزين تعرفو الحكاية من البداية للنهاية هاحكي لكم من عند عيد ميلادي ال 20 وبداية حكاية جوازي منه ،،،،،،
كيان والشيطان
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★اسمي كيان طارق فاروق من عيلة متوسطة لاحنا اغنياء ولا احنا فقراء. زينا زي ناس كتير في البلد هنا عايشة في منطقة فلاحين كدة اسمها المنصورة ومعروف عننا في المنصورة الحلاوة الرباني اهو زي ما الناس بيقولو. وبسمعهم بيقولو عليه اني قمر لكن عمري ما حسيت قد اية انا حلوة الا لما بشوف صورتي في عيونه بتقولو هو مين. جوز خالتي عفاف. واسمه حسن هو دلوقتي عنده 40 سنه من سن بابا لكن عمري ما شوفته غير انه من سني وبدات الحكاية تاخد شكل تاني في عيد ميلادي ال 20 وزي كل سنة وقبل اي حد افتح الفيس الصبح الاقي البوست بتاع حسن وخالتي عفاف ورساله من خالتي بتقولي فيها
كيان ما تتاخريش
والبس احلي هدوم عندي وانزل من بيتنا جري لبيت خالتي واول ما أدخل البيت ادور عليه. وشوفته برنس وهو بلبس البيت وباشا وهو بلبس الخروج حاجة كدة شبه الكنافة بالمانجا ما تضحكوش اصلي دي اكتر حاجة بحبها لا. وكمان بحب البسبوسة بالقشطة والمهلبية. يوووووو خلتوني انسي اقول لكم انه اول مرة في عيد ميلادي دة يقولي
كل سنة وانتي طيبة يا كياني
كانت خالتي ساعتها جوة في المطبخ بتحضر للتورته بتاعت عيد ميلادي قولت له ساعتها
كيانك. ربنا يخليك ليا يا حسن
ما تستغربوش انا متوعده ديما اقول له يا حسن كدة ماهو مربيني ومش بيحبني اقول له يا عم حسن والجو المخنوق دة. ومد ايدة ناحيتي بهدية الساعة البلوتوث بتاعت الموبيل اللي كان نفسي فيها من اول ما شوفتها وهو فضل فاكر لبسني الساعه وجربها علي الموبيل بتاعي وايده لمست ايديه وحسيت بان جسمي كله بما فيهم قلبي ملكه مش ملكي وبصيت لعيونه العسلي وشوفت انعكاس صورتي في عيونه وحبيت شكلي اكتر واكتر وهنا سمعت خالتي بتقول
كل سنة وانتي طيبة يا قلب خالتك من جوة
روحت لخالتي وانا مش هاين عليه ابعد عينية عن عيونه وخدها في حضني وقولت
وانتي طيبة يا خالتي. 15 سنه وكل سنة عيد ميلادي يتعمل اول مرة هنا وبعدين عندنا في البيت
حسن
بس هما 16 سنه مش 15
كيان
ازاي بقي وانت متجوز خالتي وانا عندي 4 س.
عفاف
صح يا حسن هما 15 بس
حسن
احنا اتجوزنا في شهر 6. وكيان تمت اربع سنين في شهر 8. وعملنها عيد ميلادها الرابع عندنا عدي بقي انتي وهي من 4. ل. 20. يبقو كام سنه
ضحكت وحبيت التفاصيل اللي تخصني تطلع منه وكانها رساله اني مش ناسي اي شئ يخصك وقالت خالتي
ايوة صح. دة انت الذاكرة بتاعتك اية حديد
حسن وهو بيخمس في وش عفاف قال
الله اكبر
وضحكنا وطفينا الشمع وقالت خالتي
عارفة اكتر حاجة هتزعلني اية يا كيان
كيان
اية يا خالتي
عفاف
ان عيد ميلادك الجاي مش هنكون هنا
اتصدمت وبصيت لحسن وهو بص في الارض وقولت لخالتي
لية بس يا خالتي بتقولي كدة
عفاف
مسافرة ايطاليا مع حسن سفرية تبع شغله. واحتمال نقعد هناك سنتين
زعلت وحسيت ان قلبي انجرح وقولت وانا تقريبا بعيط
وهو انتم لازم تسافروا
عفاف
هنعمل اية بس لشغل حسن اللي خلانا نسيب مصر ونروح لبعيد
قولت وانا ببص له وهو بيبص لي من تحت لتحت
وهو انا هعرف اعيش من غير ما اشوفك
اتصدمت عفاف وقالت
كيان بتقولي اية
حسيت اني عكيت فقولت لخالتي
اقصد يعني اشوفكم. انتي عارفة انا متعلقة بيكم ازاي دة انا بحب المنصورة علشان انتم فيها. مش لازم تسافرو
وبصيت تاني لحسن اللي كان بيقول لعفاف
ماكنش لازم تقولها دلوقتي استني لما يخلص عيد ميلادها
عفاف
ماهي كانت هتعرف دلوقتي او بعدين مش هيفرق
كيان
تروحو وترجعوا ليا بالسلامة. وربنا يقدرني علي بعادكم
وخرجت من الشقة وانا بعيط بحرقة ورغم ان خالتي فضلت تنادي عليه لكني ماردتش وساعتها بصت عفاف لحسن وقالت
سمعت كيان قالت اية
حسن بارتباك
عيلة وما تقصدش اللي قالته هانقف لها علي الوحدة. وبعدين دي كانت بتعتبرني زي ابوها
عفاف بشك
بس
حسن
شايفة حاجة تانية
عفاف
حتي لو ينفع اشوف هعمل نفسي ما بشوفش علشان ما يصحش اشوفك غير انك حبيبي وابو بنتي هدير اللي اصغر من كيان بخمس سنين
وقامت خالتي ودخلت اوضتها وقفلت الباب وراء منها وانا خرجت من بيتهم علي بيت صاحبتي سوسن وقعد قدام منها ومش قادرة ابطل عياط وسوسن اللي كانت عارفة عني كل حاجة تقريبا قالت
يا شيخة احسن انه هيسافر يمكن تعرفي تطلعي من دماغك
كيان وهي منهارة من العياط
انا مش عارفة انتي ازاي صاحبتي وعايزا ليا كسر قلبي
سوسن
قلبك اللي بيحب جوز خالتك اللي متحرم عليكي جوازك منه طول ما خالتك عايشة وعلي ذمته
كيان
مش بايدية. انا كبرت وهو قدامي ولقيت في كل ،،،،،،،
سوسن تقاطعها وهي بتقول
دة حب مراهقة. وانا قولت لك قبل كدة اهتمامه بيكي زي اهتمامه بننته هدير. انسي يا كيان وبلاش تعذبي قلبك في حب مستحيل يجي من وراء خير
بصيت لها وسكت وهي خدتني في حضنها وقالت
يا كيان خالتك ماتستهلش منك كدة. وحبك لجوزها ممكن
يخليكي تتمني موتها علشان ينفع يتجوزك
كيان
لا. بعد الشر علي خالتي دي امي التانية. بس اعمل اية في قلبي اللي اختاره واختار ليا العذاب والله العظيم انا بتمني لكن عمري ما اتمنيت ان خالتي عفاف ما تكنش موجودة علشان يكون هو ملكي
سوسن
يبقي لازم تستغلي فترة انه مش موجود وتخلي قلبك يحب ويشوف حد غيره
كيان
تفتكري سهله اوي كدة
سوسن
صعبه بس انتي اللي هتخليها سهله، ،،،،،،،،
وعديت الايام اللي فاضلة لحسن في مصر وسافر حسن هو وخالتي ومعداش الا شهر بالظبط وجه خبر رجوع حسن من السفر لكنه رجع هو وهدير بس لان خالتي ماتت وكمان اندفنت برة لانها ماتت في حادثة. زي ما حسن قال ومعرفناش أية اللي يمنع انها تيجي وتندفن هنا لكن دة اللي اتقال وقتها وماحدش سال. المهم اني زعلت اوي اوي. علي موت خالتي بس وسط حزني علي خالتي لقيت نفسي فرحانه برجوع حسن وعدتت ايام الحداد وبعد 9 شهور بالظبط وانا خارجة من الكلية لقيت حسن واقف قدام الكلية. نسيت اقول لكم ان في كلية تربية المهم بصيت له وروحت له وانا فرحانه وبقول
انت جاي لية هنا
حسن
جاي عشانك
كيان
عشاني. طيب لية
حسن
طيب هنتكلم في الشارع كدة. ولا تحبي تاكلي وانا بتكلم
كيان
لو شاورمة فراخ اكل انا واتكلم انت،،،،،،،
وروحنا المطعم ونزل الاكل وبدات اكل وهو قال
تتجوزيني
ما بقتش قادرة اصدق وداني انا سمعت صح ولا غلط وقفت اكل وقولت له
تاني كدة قولت اية
حسن
انتي سمعتي
كيان
اة سمعت. بصراحة
حسن
والرد
كيان
موافقة طبعا. بس موافقتي مش كفاية
حسن
باباكي موافق
كيان
معقوله بسهوله كدة طيب ازاي
حسن
مشكلة باباكي خلصت وخلاص. المشكلة الوحيدة في مامتك جميلة
كيان
سيب ماما عليه انا، ،،،،،،
ورجعت لماما وقولت لها علي اللي طلبه مني حسن وهي قالت
كيان ازاي توافقي علية. دة اكبر منك ب 20سنه. وكمان كان جوز خالتك اللي ماتت. وبنته هدير اصغر منك بخمس سنين بس
كيان
الحب ما يعرفش سن. وخالتي ماتت وخلاص وانا بحبه
جميلة
عيلة زيك تحب راجل عنده اربعين سنه
كيان
معرفتش الحب الامعه
جميلة بعصببة
حب اية وزفت اية عليكي وعلي دماغك وحصل امتي الحب دة وانتي علي حجره وبياكلك الشوكلاته
كيان
حصل يا ماما وقت ما حصل.
جميلة
يعني خالتك كانت فاتحة لك بيتها وانتي عامله غرميات مع جوزها انا مش قادرة اصدق. انتي كيان بنتي. انا مستحيل اوافق علي الجوازة دي
في الوقت دة دخل علينا بابا طارق وقال
بس انا موافق يا جميلة
جميلة باستغراب
هو انت عارف
طارق
حسن طلب ايدها مني
جميلة
من غير ما تقولي
طارق بصرامه
اديكي عرفتي
جميلة
ووفقت بسرعه كدة
طارق
وفيها اية حسن راجل محترم وما يتعيبش
جميلة
دة عنده بنت اصغر من بنتك بكام سنه
طارق بحدة مش مفهومة
بنتك عايزا
جميلة
وهي اي حاجة تعوزها حتي لو غلط تكون ملكها
طارق
كلام كتير محبش انا موافق وبنتك موافقة خلصت
جميلة
واختي اللي كانت مراته وهو كان بيحبها اوي ازاي بالسرعه دي يتجوز غيرها. دة يبقي بني ادم غدار وماعندوش اصل
وانا غلطانه ان سيبت بنتي تكبر في بيته وقدام منه لدرحة انه يطمع فيها
بص لي بابا وقال
كيان ردي علي امك وسكتيها وقولي انك عايزا
بصيت لماما وقولت بالفم المليان
عايزا ومش عايزا غيره
جميلة
انتي مظبطها مع ابوكي. اتجوزي يا كيان. بس بعيد عني وبيتك متحرم عليه دخوله
وسابتنا امي ومشيت،،،،،،،،
زعلت شوية علي زعل امي وحاولت اراضيها لكني ما عرفتش وبصراحة ماكنش عندي اي استعداد اني اخلي اي حد مهما كان مين هو يحرمني من الحلم اللي عيشت علشانه سنين. وبعد خمس شهور بالظبط اتجوزت انا وحسن وبقيت حكاية جوازي من جوز خالتي عفاف حكاية تحكيها البلد كلها
لكن ما كنتش اعرف ان في نفس الوقت كانت خالتي عفاف لسة عايشة وقاعدة علي شاطئ قدام بحر وهي حزينة وبتبص للمية وسكتة وعيونها بتلمع لمعه غريبة. ، ،،،،،،،،،،،
مستني توقعتكم حسن عمل اية في عفاف. ولية طارق وافق بسهولة كدة علي جوازة بنته. من راجل اكبر منها
ب 20 سنه
