اسد....صوب غضب ركضنه لولد علي وجانت اماني واكفه يم شباك وتباوع من شافتنه لتمينه وناس صيح غضب تصوب اجت هيه تركض وكالت شبي غضب شافته ركضت علي ركضت عليهه كومتهه وهيه تجر بنفسهه وتملخ وصيح غضب اشبي شصار بس كلي شبي كوة لزمتهه طببتهه جوة وكتلهه لولد اخذو وصوب شفت خوالي اخذو سلاحهم وناس نخبصت خبص وصياح ولي صوب غضب هدو عليهم وصارت عركه وكلهه بصفحه و اماني موتت نفسهه ردتنه بس نلزمهه ماكو تصرخ وتبجي تخربطت لزموهه بنات واني رحت ركض للمستشفى وكلهه اجت فتو للعمليات ونتضرنه وندعيله خابرت اماني عل خالي عباس وكلهه بس نعرف شي انطيج خبر رجعت للبيت اجتني اماني تبجي وصيح فهمني شبي.
اسد ...اششش يروح اخوج انتي مابي شي هسه يطلع غضب قوي بس اهدي وعل كيفج وي نفسج خويه
اماني ...شهده ولك والله ياريت مجايه شون خاف يصير بي شي اسد اموت والله اموووت فدوة اخذني يما فدوة والله كلبي نااار
اسد .. تحجي وتبجي وكعت وتخربطت ركضتلهه كمت اصيح مي رشيت عليهه مي بقت تون وصيح غضب شلتهه للغرفه وبقيت يمهه ورجعت للمستشفى وخابر خالي يجيبهه لن موتت نفسهه اجت ومقبلو اي احد يفوت كتلهه ليشش اجيتي وشنو وكفتج هنا اذا محد يقبل نفوت نشوفه بقت شويه ورجعت طبعن اصعب ايام مرت بيهه اماني بغضب من صوب شكد حاولت وياهه اني وخوالهه نقويهه بقت رافضه له غضب غضب دخل غيبوبه و اماني بقت بين بجي وكلساع تتخربط ونشدلهه كانونه اجو اهله ونرجع بغداد ونحوله دكتور بغداد خاص اجو ناس كرايبنه اخذو عطوة من ناس واجه بوكتهه ازاد و صقر واصدقائه غضب هدو عليهم وخلوهم يطلعون من بيتهم خاوة اخذو عطوة حته يهدون لحد ميكعد غضب بس صارت ب١ لولد شافو وضع غضب باسوء كلبنه دنيه ودكيناهم ب١ لن جانو راجعين بيتهم دكيناهم واصدقاء غضب كوة هديناهم تخبلو علي طلعو من بيت هم وتفقو من يكعد غضب تنحل رجعنه بغداد وصلنه اماني للبيت وحاولنه وياهه تجي يمنه ماقبلت تعوف بيت غضب
وهسه قلم الج ام حمودي وليش اماني ماقبلت ترجع احجي كلشي واهلي شسوو ونوشه من راسلتج ومن كعدت من غيبوبه؟
سروش : باوعو راح احجي مختصر لان مثل متعرفون اماني توفت واني راح اكمل وغضب ميدري بالاحداث لهذا لي اذكره راح اكتبه
بعد مارجعت اماني من بيت جدها عمها رفض تبقى بالبيت ( ابو غضب ) فاني نصحتها تتحمل وتسوي كولشي حتى تكدر تبقى بالبيت البين ميرجع غضب وطبعاً ستمرت المعاناة ويوميه عركة ويوميه مصبيه ويوميه اهانه جديده واخر شي كعدت الصبح وجانت نازله من الدرج واجه عمها عليها وكللها
ابو غضب : اني اريد كل فلوس غضب واي مستنادات عدج ابنى بين الحياة والموت بسببج واني ماامن على اي شي يمج
اماني : مستحيل اطي امانة غضب لو على كص ركبتي هاي اماني غضب انته شداتحجي وشلون اطيك فلوسه واكو امانات مال جماعته ويس اني اعرفها
ابو غضب : وانتي منو انتي وحده من الشارع وساقطه وجابج سواج براسنه وصار بيج حظ بخت ابني وابني هسه مستحيل يعيش لهذا املاكة وثروته كلها النه احنه اهله وانتي مالج شي وتطلعين من بيتي
اماني : هذا مو بيتك حتى تطلعني منه هذا بيت رجلي وغصباً عليكم كلكم ابقى ولي ميعجبه هو لي يطلع من بيتي اني جنت احجي واعيط بصوت عالي ماحس غير اجاني راشدي وكعت من الدرج واجه صقر عليه شالني واخذني للمستشفى وطبعاً نفتح الخياط لي براسي ورجعو خيطو من جديد ومن رجعت ابو غضب محجه وياي بعد اي شي واني هددتهم بس يرجع غضب احجيله كولشي واشهد سروش لان هو ميثق غير بكلامها وهو مامني يمها و اي شي اريد اسوي اذا متقبل هيه مستحيل اسوي لان هيه وغضب نفس الشي
سروش : مر كم يوم وفضب بعده بالغيبوبه وبيوم اجتني اماني وكالت
اماني : سروش لحكيلي راح اموت بطني داتتكطع واني دا انزف كلش هواي وماعروف ليش
سروش : روحي الصقر بساع وخلي يوديج للمستشفى
اماني : مستحيل هل الشي اني استحي منه ومستحيل اكله تعال وديني دكتوره
سروش : امااااني لاتكفريني كومي وديله جهاز غضب اني احجي ويا بساع
اماني : حاضر حاضر كايمه وراح اكوله وحده تريدك يسالفه مهمه
سروش : ماشي انتضر منج مسج حتى احجي ويا
اماني : ماشي انتضريني ثواني
سروش : طبعاً شوي واجاني مسج من اماني او الحسابه مالت غضب صارت يم اخو واني رحت دزيت مسج وكتبت سلام ✌🏼
صقر : وعليكم سلام بس ليش بحساب غضب شبينه احنه نجكجك
سروش : احجي عدل لا اشوفك الامهات شتجيب
صقر : اتشاقه وياك شبيج كالو رايدتني بسالفه تفضلي خويه
سروش : خويه بلا امر عليك كوم المرت اخوك وديها دكتور او مستشفى بساع لان تعبانه كلش وضروري يشوفها طبيب فوراً
صقر : اي ليش هيه متحجي وليش اله انتي وشبيها مو هسه اجت يمي مابيها شي
سروش : انته ليش تحجي هواي وتدوخني كتلك كوم بدون نقاش وثاني شي سوالف نسوان شدخلك بيها بس كوم
صقر : لحضه لحضه خل البس حجاب حتى نصير ٣ نسوان
سروش : والله لا اكول الغضب عليك
صقر : لالا كلشي ولا غضب اني كايم هسه ورايح الها
سروش : ماشي ماشي واي شي تريده راسلني من حساب غضب فقط
صقر : ماشي ماشي والله وطلعت اماني عدها ضهر قوي
سروش : كافي تحجي شكد تنك انته يلا كوم لا اكول الغضب لو الخطيبتك ياهو اقوه
صقر : لا عمي كلشي ولاغضب هاي اسكتها بلطمه
سروش : هههه خرب تخيل كدامك النسخه الثانيه
صقر : جا نكول مع السلامة
سروش : ماشي وطمني عنها بليز
صقر : راح اطلع السياره تردين اجيب شي وياي وتنطيني الرقم
سروش : هاي شنو ولك داترقمني صدك متسحتي
صقر : عزززه صدك غضب الثاني ترى اني احب اتشاقه باي
سروش : صقر ممكن دير بالك على اماني بغياب غضب ترى لو يدري بلي دايصير يحرك الاخضر واليابس عليكم
صقر : اي بعيوني اخيتي بعلي
سروش : ولك يا اخيتك وانته متدري بيها تاكل اشرب وهاي غير ابوك لي لاعب لعب بيها لعب اتمنه اني يمكم وهيج يصير بيها والعباس لا اوكف بيتكم على تك رجل ومو سرى اذا مو كد حجايتي بس مع الاسف بعيده مو الغضب هل النومه ابد
صقر : اي وعلي
سروش : يا ميفيد انعل والديها هيه واليطلع وراها
صقر : النسخه الثانيه سبهان الله
سروش : يصير خير اهلك حسابهم ثكل هواي ويرجع غضب والي كلام ويا ونتافهم نتواجهه يا صقر وكول ام حمودي كالت
صقر : حاضر حضرة النقيب تامرين بشي بعد
سروش : يلا كوم شكد تصفن جان رايحه وراجعه وشكد تلغي جنك عجوز
سروش : وهسه نججي للمصيبه الكبرى
طبعاّ وره ماراحت اماني وصقر للمستشفى والثوله كالعاده نست جهازه وطلعت وره شوي اجاني مسج ومنها اني رديت كبل هلا حبي ها طمنيني شكالت الدكتوره وشصار خو ماكو شي خطر
اني مو اماني اني نوشه اخت غضب
سروش : اي خير وشتردين مني
نوشه : انتي مو اخت ازاد
سروش : اي خير وشتردين
نوشه : بس حبيت اكلج اخوج مراح يتهنى بخطوبته ابد
سروش : وليش لان وحده عار مثلج خلت عينها عليه مو
نوشه : ان كنت عار فاني دعاره مالتي
سروش : طبعاً صار حجي هواي وتجاوزات هواي ماحب اذكرها احترماً للابطال بس اخته دزت صور مرته وهددتني بيها انو تنشرها بمواقع وباليوتيوب وتكتب عليها فضيحه واني كالعاده اخذت دوري هنا ومنعت هل الشي ومخليتها تسوي اي شي من الي بالها بس سبحان ربي بهل اليوم نفسه بليل ساعه وحده ونص تقريباً اتصلت عليه اماني وكالت
امانيي : غضب صحى وحالته كلش زينه ومستقره واحتمال هل اليومين يطلعو من المستشفى وراح احضره غرفة الخطار حتى ميتعب ويصعد فوك
سروش : وبعد مارجع غضب للبيت راسلني وكال
غضب : شصاير وشن المحادثات لي لكيتها بحسابي ولطش مقابله تحجين الصقر شصاير ام حمودي اترجاج احجيلي كولشي
غضب .... من كعدت حسيت بكثل عل عيوني وكوة اجر نفس بصعوبه اجه دكتور كال بس تحتاج فحوصات وتطلع واطمن عليك كلش يله تطلع ونته ماشاء الله قوي وعديت هل مرحله جانو جماعتي يمي اجه اسد سوا طريق لن اجت امني طبت واني كوة افتح بعيوني شميت عطرهه وابتسمت ابد ميروح منهه عل عطر عددي عافيتي اجت لزمت ايدي بقيت اتفحص بيهه وشصار بيهه عيونهه حمر من بجي كامت تبجي نتبهت عل راسهه لافته بشاش ودم بين شتعلت نار بسرعه كتلهه شبي راسج هاا منوو وياج بعدني ممكمل كلامي وباستني بشفتي وهيه تبجي بقت لليل كله يمي سئلتهه الف سئوال منو وياج ومنو حاجاج سوولج شي ئذوج جانت مدنكه وتجاوب لا ماكو شي وكلهه زينه وياي لمهم انته رجعت ماصدكت لن اعرف بنيتي من تحجي شي موصح ترتبك ودنك وتبقه شفتهه ترجف كلت اطلع ويصير خير ب٦ صبح رجعت اماني كوة قنعتهه ترجع واجو اهلي يشوفوني كملت فحوصاتي وماحبيت ابقه اكثر تلعب نفسي من مستشفى
طلعت من مستشفى وكلهه جانت موجود تحمدولي بسلامه بقيت كاعد ويمي لخطار كرايبنه نزلت اماني بقت تباوعلي واكفه يم درج خنزرت عليهه تصعد فوك وهيه صعدت ترخصت منهم ارتاح وراد ازاد و صقر يصعدوني ماقبلت صعدت وحدي طبيت للغرفه شفتهه واكفه اجت حضنتني وتبجي
اماني ..الحمد لله عل سلامتك واخيرا رجعتلي وماعفتني وبعد لاتروح هلكد عني والله اموت تعبت غضب بلياك انذل
غضب ... ماعاش ليحجي وياج كلمه ويذلج غير احركه وهسه عليش هل بجي مسحت دموعهه كتلهه مانسيت مال بارحه تردين تجين للمستشفى ومعانده خنزرت عليهه وهيه دنكت تمددت عل جربايه وطفت ضوء حالتي كلش تعبانه احس حيلي نهد كله وجع ولنفس كوة اجرة بوكتهه كابرت هواي ومابينت حسيت اماني بيهه شي واكيد صاير شي بغيابي جنت كاعد عل اعصابي مخلي ايدي عل عيوني واجت اماني اوففف ياماني جانت لابسه قميصي اسود وفاتحه لدكم وجبير عليهه كلش ضحكت من شفتهه
غضب.. دسوين اغراء واني مابيه حيل لازم مايتحمل لمايع
اماني ... ممم تكدر دكول هيج حبيبي واريد انسي وجعي بطريقتي عدك مانع حضرت نقيب غضب
غضب .. لا ماعدي اذا انتي لي تردين تعاي وضحكت بصوت عالي شفتهه خجلت
اماني ... مليق ماكلت هيج صح مشتاقتلك ونته صاير شايب ومابيك حيل بعد ( ههه كلها باكتها مني )
غضب .... حجت هيج وخلت ايدهه عل وجهه كتلهه تعاي اشوفج شايب ضحكت كالت لالا اني اشوفك اجت حضنتني وخلت راسهه عل صدري وبقت تبجي كتلهه اكو سبب وره هل دموع كالت ايي غيابك تعبني وماصدكت رجعتلي جريتهه حضنتهه وبستهه وهيه بادرت صح مشتاقلهه بس لوجع ماخذ مكانه
كلت لاماني جيبلي لحاسبه شفتهه ضفنت كتلهه لحاسبه بويه جابتهه لي وخلت مخده وره ضهري وكعدت شوي عدلت شاش صدري ورجعت تمددت فتحت حسابه ودخلت عل تلي وشفت رسايل وحجيت وي ام حمودي كلت اكيد صاير شي شتعلت نار ومن شفت حجي اختي وتسجيل محادثه ماحب اذكر كلام كله بس اختي غدرت بيه وطلعت تتمنه موتي وتتمنه ماكعد شفت كلشي وعرفت اختي لي حاجيه هيج شتعلت نااار وجريت كانونه من ايدي وذبيتهه واماني واكفه يمي وصرخت وتوخر بايدي كتلهه وخري عني لااموتج اخذت حاسبه وصحت لصقر نطاني جهاز دوام وجهازه اخذته جهاز تحكم مال كامرات بيت وقفلت باب عل اماني كالت وين غضب افتح باب شدسوي غضب صرخت وكتلهه اششش كعدي ومعليج نزلت وصرخت بنص صاله وينكممممم يااهلي وينكم اريد الكل يجي هنا وحته لي يسمن خواتي وكفت بنص صاله واجت نوشه وجهه صار اصفر ابوي كال شكو شبيك مومريض شهل صياح كتله لحضه بويه لحضه لاتستعجل عل رزقك جايك دور كلت ل سلام روح نزل اماني اجه سلام و اماني وكفت بصفي كتلهه منو دفعج كالت عمي كتلهه لادكولين عمي فتحت كامره وباوع عليهم كلهه خافت كتلهه هيج تدفع اماني موو جريت نوشه من شعرهه وشبعتهه كتل كلت ليتقرب يمي يصير فوكاهه ابوي كال ليش تضرب اختك عوفهه كتله اشششش لادكول اختك هاي مواخت لي تتمنه موت لاخوهه مواخت ولي حاطه عينهه عل صاحبي ازاد مواختي لك هاي رادت تنزل راسنه عفيه بويه هاي تربيتك بقيت اضرب بيهه راجديات واصيح لججج مقصر وياج بشي وسوين هيج لججج كلبه كحبه ليششش وتراسلين لبنيه وتغلطين ابوي كام يصيح لن انتهت بيدي وصدري موتني من لوجع بس بقيت واكف فتحت حاسبه وكتله تعال شوف بتك شريفه شتحجي تعالو شوفو هم كول غلطان انه ماردت افضح كدام ناس وتانيت خطار يروح وهسه انتو حصتي شوف تربيتك وين وصلت ونته طول عمرك ماشفت منك لحنيه لامنك ولامن امي ابوي سكت كتله وكل هاذا وتمد ايدك عل اماني وتوكعهه من درج وانه مطمور هناك ولك و الله تمنيك موابوي اشوفك شي بعمرك ماشفته ب٤ ضهر ب٤ الكل يطلع بره هذا بيتي وتعبي والله اكتلي واحد ابوي كال بس انطيني مجال كتله ماكوووا مجاااال خوش ليتقرب عليه وعل اماني والله لعتبر الله مخلقه خوش سمعتو لو اعيد وكل هل حجي بصياح احس بلعومي تجرح ونفس كوة اخذه وصقر لازمني ويريد بس اهده درت وجهي عل نوشه اختي وكمت اضرب بيهه بل حزام هاي تربيتج ياطايحت لحض تردين تنزلين راسي اجه صقر وسلام يجرون بيه دفعتهم وشلت صقر وضربته وهوو وسلام انه كلت ليتقرب مني اخلي فوكاهه لحددددددد يجي يمي وامي تصيح وتبجي وصيح كله من وراج يا اماني الله لاينطيج صحتتت اشششش يمه اشش امي لحنينه لج وآلله اماني أحسن منكم واشرف منكم لحد يجيب اسمهه تره لهسه ممسوي شي والله ساكت لن اهلي لوما اهلي والله لخيسكم بسجن بقيت اضرب بنوشه وهيه فاقده شلتهه من شعرهه وكتلهه هذا درس حته من تردين سوين شي غلط تذكرين كتلك غضب لي مارتي يكوم يضبج شويه درس ذكري طول حياتج هل كتله وضربتهه عل وجهه ونتهت باوعت عل اماني خايفه وترجف ومخليه ايدهه عل وجهه وتبجي اجيت عليهه كتلهه صعدي فوك بساع راحت ركض
بقينه نتعارك واختي جوة ايدي احس صدري نفتح من اصياح ابوي كال هاي هيه خل تفيدك اماني واحنه نطلع كتله ايي يله تعبت اريد ارتاح
طلعو اهلي وبقينه بس انه و اماني نزلت شافتني بقت تباوع و راحت جابت عصير خلت كدامي وكالت كافي موزين عليك ليش سوي هيج بروحك متفكر بيه كتلهه صعدي خليني وحدي
وهذا بارت ادري مقصره ومتاخره هواي هواي هواي بس هذا تعويض 3000 كلمه
أغار من اليعجبونج ..
واغار من اليحبونج..
واغار من اليحاجونج..
واغار من اليماشونج ..
واغار من الكمر اذا مايطلع بلونج ..
واغار من المشط من يلعب بشعرج..
واغار من الكلادا الغافية بصدرج ..
واغار هواي من اهلج ..
واغار هواي من عندي ..
واغار من العسل مرات اذا بشفافج يهدي ..
واغار من الهوى من يفوت ..
وذا تموتين اغار من الجفن والكبر والتابوت ..
حلاتج مايعا وتحجين ..
ضحكتج نازكة تموتني و تضحكين ..✨💙
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!