تحميل رواية قيود عائلية بقلم جيجي pdf

سماح بنت فى العشرين&; الحقي ياما البت مشيره عدت الفاصل وراحت اليمه الممنوعه

حليمه بغضب&; ايه اللي خلاها تعتب هناك انا مش قايلالها ما تروحش هناك&;

حليمه راحت بسرعه لصاله البيت وكانت صاله كبيره قوي بس فى حبل قسمها نصين.. البيت بيت عم حسن وعم حسين اخوات تؤم كانو ساكنين سوا بس قسمو البيت نصين&; ليه هنعرف قدام.. اعرفكم ع العيله الاول بس..

١&; عيلة عم حسن.. حسن وحليمه مراتو.. وسماح ٢٠&; سنه.. ومشيره ٧ سنين.. وجلال فى التلاتين ومراتو نوسه&;

٢.. عيلة عم حسين.. حسين ومراتو عبير.. وابنو ماجد ٢٥ سنه اعزب.. وبنتو امل متجوزه امام&; وسحر ١٩ سنه عزباء.. واخيرا عادل ٩سنين. نرجع للحكايه..

حليمه بصيت على النص التاني.. ولقت مشيره بتلعب مع عادل.. وقفت عند الحبل وقالت بضيق&;

مشيره تعالي هنه يا بت

مشيره&; في ايه ياما

حليمه&; قربى يا بت اخلصى انا مش قيلالك ما تعتبيش الحبل الفاصل طلعتي صوتي وهتخليني افطر عليكى وضربك والمغرب خلاص فاضل عليه خمس دقايق

مشيره&; ياما انا عايزه العب مع عادل وافطر هنه مش كل شويه تقوليلي ما تروحيش ما تروحيش

حليمه.. هموتك تعالي هنا يلا قبل ما العقربه دى تشوفك

طلعت ست فى الخمسين من جوه دى عبير وقالت&;

شفتها وما كلمتهاش البت عايزه تفطر معايا عارفه ليه حكم ريحه وكلي جابتها من جوه اول رمضان بقى والبط والمحشى وعاملين كل حاجه ما شاء الله

وخمست فى وشها&; حليمه قالت بغيظ..

احنا كمان عاملين كل حاجه بس هي عشان بت صغيره ما عرفاش

عبير&; انا قلتلك ريحه واكلي جابتها

حليمه.. اكل احلى طبعا بصى كدا وكلى احلى يا مشيره ولا اكل دى

مشيره ببتسامه عريضه&; وكل خالتى عبير يا اما

عبير.. هيهى يا كسفتك يا حازم حازم..

حليمه بصت لمشيره بضيق وقالت.. تعالى هنا يا جزمه

مشيره بلماضه&; اه فى ايه يا وليه ما اكل خالتي عبير احلى

عبير.. ههه هملى البت يا حليمه ولا عوزاها تكدب عليكى فى رمضان

حليمه شدت البنت من قفاها ومشيت بيها وهى بتقول&;

انا مش قلت 100 مره ما تعتبيش الفاصل ده اترزعى هنا

وقعدتها على كرسى السفره وراحت المطبخ وبقت تجهز مع سماح&; بس نزلت نوسه وكانت حاطه ميكاب كتير وقالت..

اساعدكم ف حاجه يا خاله

سماح بغيظ&; لا يا ختى ما خلاص حضرناها نازله قبل المغرب بدقيقتين ونص تحضرى الفطره لا خير والله.. ايه هندوكي معلقه توديها على السفره.. وبعدين يا اختي انتى حاطه مكياج في وشك ليه هو ده مش بيفطر

نوسه&; بيفطر ليه هو هيبوسني

سماح بضيق.. بنت منحرفه والله العظيم هفطر عليها

الصبر يارب

وجهزو سفرهم وكل عيله ملتفه حوالين طاولتهم&;

عند عيلة حسين..

ماجد بغضب.. انت ياض يا عادل تعال كفاياك ضرب بومب عايزين نسمعو المغرب يا حمار..

حسين.. اهدا مش تاجى ع المغرب وتكره نفسك

ماجد.. اخر خمس دقايق دول باليوم كلو يا بوى ما بطيقش جلابيتى

واول ما سمعو الاذان بيكبر وبقم ياكلو بسرعه..

حسين.. طب اشربو ميه الاول طيب .

عبير قالت والاكل فى بقها.. لا السنه ده جاى فى الشتا والشتا يحب الوكل..

مكان تاني كانت امل بنت عبير ع المصلايه وبتدعى ومعها بنتها الصغيره قاعده جنبها على المصله.. امل قامت فتحت الباب وقالت&;

ايه يا امام كل ده على بال ما تيجي

امام&; كنت بصلى يا غاليه.. وطلعت الذكاه كمان الحمد لله عشان ايه نسقط فرد ما حدش ضامن عمرو&;

امل&; تقبل مننا ومنك صالح الاعمال&; ويديك طولة العمر ويخليك لينا&; يلا انا رصيت الصنيه ومستنياك كسرة صيامى ببلحه و مستنياك

امام&; تسلميلى وقعدو ياكلو امام قال..

عارفه ساعة المغرب دي هي الساعه اللي ربنا تاب على سيدنا ادم فيها ويقال ان العبد لما يجي يدعي ربنا يستجيبله&; ما بالك بقى لو هو صايم ساعه الافطار دي كمان ساعه مستجاب فيها الدعاء بأذن الله

صح كان فطورهم بسيط لاكن كانو مبسوطين جدا وقعدتهم عامره بذكر الله..

بعد شويه كانوا كلهم بيستعدو لصلاه التراويح وعبير وسحر بنتها دخلو الجامع بس لقت حليمه قاعده جمب ست فى الخمسين وبتقول&;

اه عليها شطاره&; اخلاق ايه وحلاوه ايه.. وصحه ما شاء الله تعمل البيت كله وهي صايمه&; وتخدم اخواتها وغسيل وكويه وخبيز وعليها شوية طبيخ تاكلى صوابعك وراهم يا ست فهيمه&;.

سماح كانت بتبص لامها بضيق&;

فهيمه&;. ما شاء الله انا كمان ولدى عمر اللى بقولك عليه ده بيحب الملتزمين قوى حتى تو اشترى لاختو نقاب.. وكنا بندورلو ع عروسه زينه بس عاوزواحده تكون بتخاف ربنا

حليمه&; ايوه حتى بتى سماح كل ما نرفض عريس نقولها ليه تقول عوزاه يكون يعرف ربنا.. عارفه بتى بتخاف تنام فى نهار رمضان نقولها ليه يا بتى خديلك ساعه.. تقولى لاه الصيام ما تعملش للنوم اتعمل عشان نحس بالجوع والعطش والناس الغلابه لاجل ربنا يكتبلنا الاجر&; وتفضل تلف طول النهار ما بتقعدش ايوه امال ايه

عبير ضحكت وقالت&; الحقى يا سحر البت حليمه بتصطاد عريس للبت سماح والله ما انا سايباها

واتقدمت عيلهم ووو

الوسوم روايات جيجي

٢&;.عبير ضحكت وقالت&; الحقى يا سحر البت حليمه بتصطاد عريس للبت سماح والله ما انا سايباها

واتقدمت عيلهم وقعدت وقالت&;

السلام عليكم يا حاجه فهيمه كيفك

فهيمه بصت لسحر اللى كانت لابسه خمار طويل ودناء فضفاض وقالت&;

بسم الله ما شاء الله مين القمر اللي معاكي دي

عبير&; سحر بتي شوفي اما كبرت بقت جميله وحلوه ازاي طالعه لومها

فهيمه&; الله هي عندها كم سنه على كده

عبير.. ١٩ بنتى لسه صغيره امال ايه جولها عرسان يا اما بس ايه مش لاقيخه واحد متربى عيال اليومين دول كلهم مسقطين البناطيل&;

فهيمه&; يا عيني عليها حتى البنات اليومين دول نصهم مكياج

عبير.. وعمر اخباره ايه صح ابقى هاتيه معاكى يقعد مع ماجد حبه

فهيمه.. اكيد هناجى نزوركم فى خير ان شاء الله

قالت كلامها وهى بتبص لسحر.. حليمه قالت بغضب..

هو انتى مش كنتى هتيجي عندنا

فهيمه&; ايوه وماله هبقى افضى روحى واجى اقعد وياكى يلا بالاذن هرد على المحمول قبل الامام ما يقيم الصلاه

ومشيت.. حليمه قالت بضيق&;

ايه جابك دلوك يا عبير وليه تدخلتى فى نص الحديت

عبير&; انتى جايه تصلى ولا جايه تشقطى عرسان.. بعدين انا كنت بسلم عليها عجبتها بتى اعملك ايه اصل انى بتى مش محتاجه اسوئلها.. هيهيى قصدى اسوقلها..

ومشيت وهى بتضحك ع حليمه اول ما سمعو الاذان.. وصلو بعد شويه رجعو بيتهم.. وسحر لقت ماجد اخوها بيسمع التلفزيون قالت&;

مش هتخش تنام

ماجد.. انام ايه هقعد صاحى للفجر اكل واشرب هنام فى النهار.. كدا كدا ما فيهوش اكل ولا شرب

سحر.. اه تسهر قصاد التلفزون وتصبح نايم امال تجوع امتى تحس بغيرك امتى

ماجد&; ما تعمليش فيها شيخه وخشي جوه

سحر&; عملت كام ختمه قران يعنى هتعمل كم ختمه منا لاخر الشهر النهارده قريت كد ايه

ماجد.. لاه ان شاء الله بكره هبقى اقرا

سحر&; هو 30 يوم كل يوم بتقرا جزء ع الاقل تختمو مره فى الشهر ده اقل حاجه

ماجد.. قرينا جزء في التراويح

سحر&; ايوه بس انت في النهار المفروض تختم كل يوم جزء علشان منا لاخر الشهر تكون ختمت المصحف مره كمان.. ده في ناس بتختم يوميا وانت واحد قاعد فاضي كده طول النهار ما تختموش ليه

ماجد&;. يا باي منك ملكيش دعوه&; ايوه يا ست الحبايب

قالها اما شاف عبير شايله صينيه مليانه اكل وقالت&;

كل انت ما لحقتش تاكل ع الفطره جريت ع السجاير المدعوقه..

سحر.. ده ما كلش امال مين اللى كان نازل على ودنه.. ده كل نص البطه لحالو&;.

ماجد بقى ياكل وقال&; اه مش بخزن للصبح.. بس ايه ده والله يا بت يا اما انتى عليكى وكل ما اقولكش بصي تحسي ان انتى ما كنتيش صايمه وانت بتطبخي نفس طعم الاكل اللي بتطبخيه وانتى فاطره وبتدوقيه ما فيش فرق ظبطاها بالمعلقه&;

عبير&; طب ما انا بدوقه بدوق الوكل على النار قبل ما اجيبهولكم.. امال اطبخ ع اليم وبعد ما اجيبهو لكم يطلع مالح ولا عادم وانا طول النهار واقفه في المطبخ

سحر&;. نهار اسود تاكلي كيف من الطبيخ على النار وانتى صايمه هو انتى مش بتكوني صايمه ولا تكياه

عبير.. لا صايمه الشيخ قال تدوقو الوكل عادى بس ما يتبلعش&;

سحر.. وبتعرفى طعمه كيف وانتى ما بتبلعيهوش يا رب الصبر متاجيش جار ااطبيخ تانى هطبخ انا لحد العيد

عبير.. هيهيى بملوخيتك دى الواحد ما عرفش طعمها مالح ولا عادم

سحر&; على فكره الملوخيه مظبوطه والرسول عليه الصلاه والسلام قال ربما من صائم ليس له من صيامه الا الجوع والعطش&; صدق رسول الله صلى الله عليه وسلم

يعنى فى ناس ما بتاخدش من الحسنات ولا حاجه والعياذ بالله.. ولا قران تقرو وبس قاعدين قصاد المسلسلات وعايشين سيرة الناس&; انا مش عارفه صيام ايه ده..

عبير&; خلينا لك الطاعه يا اختي اطلعي فوق واقعدي ساكته&; انا كمان هروح انام..

سحر مشيت وعبير مشيت وهى بتقول&;. يا رب يظبط موضوع الود عمر ده والواد يجي مع اهله ويخطب البت سحر بتى خليني اكيد حليمه وبنتها فرحني فيهم يا رب

ماجد بص على ناحية عم حسن&; ولقى سحر بتسمع المسلسل.. راح عند الحبل وقال&;.

بس بس

سحر راحت عند الحبل اللى كان فاصل بينهم وقالت&;

يخرب بيتك ايه اللي جابك هنه روح لامك تشوفك

ماجد&; الحجه الصبح قالت عايزه تفرح بيا بعد العيد

سماح&; امي كانت هتفرح بيها النهارده في صلاه التراويح لولا ما ربنا ستر وامك شافت ام العريس وشقطتها

ماجد.. هنتجوز كيف بالحبل اللي بيناتنا ده بقالو سنتين قاسمنا كده ما حدش راضي يشيله

سماح&; انا عرفت مين اللي هيشيله

ماجد بلهفه.. مين

سماح&; الخاله جمايل

ماجد.. نهارك اسود هتجيبيها دى لو عرفت بالحبل هتموتنا كلنا&;. دى ابوى اخر مره لما جات شالو

سماح.. هخليها تاجى على غفله وهى لما تاجي كل حاجه هتتحل&; هى الوحيده اللي تقدر تشيل الحبل ده هبعتلها من رقم غريب وكانى ما عرفش ويا صابت يا اتنين عور

في صباح يوم جديد كانوا كل عيله قاعده على سفرة سحورها وعند عيلة عم حسن .. كانت سماح جهزت السحور ونزلت نوسه بتدلع وهى بتضحك مع جلال جوزها وقالت&; صباح الخير يا جماعه

سماح بضيق.. ايه يا ست نوسه مش ناويه تيجي مره تساعدينا ع السحور او الفطره كل مره تاجى بعد المولد ما يخلص

نوسه بحزن.. سامع اختك يا جلجل هى كده كل اما تشوفنى تقولى كده وتكسفنى كانها ماعاوزنيش انزل اكل معاكو شكلها عوزانى اعزل منكم..

جلال&; مالك بيها يا سماح ما لكيش صالح بيها تنزل براحتها هى بتنزل على راسك&;

حليمه&; لاه ما بتنزلش على راسها بس بتاكل على ضالاعها بتسيبها تطبخ وتنزل تاكل وتطلع حتى المواعين ما بتصبنهاش ليه خدامين ابوها احنا

نوسه بضيق&; كده طب والله ما انا متسحره هصوم على كده عشان ترتاحو انا قولتلك من الاول امك ما طيقانيش وبتسلط اختك كمان عليا

سماح.. ايه بتسلط دى هو انا عيله..

نوسه.. بس يا سماح خلاص انا فهمت انتو عاوزين تعزلونى منكم براحتكم

وطلعت على فوق ببكى مصطنع..

جلال بضيق.. كان لازم تتحدتو دلوك يعنى اديكوا زعلتوها الواحد ما يعرفش يطفح هنه

حليمه بغضب&; هو احنا عملنالها حاجه ما انت شايف نزلتها ميتى دى مش عاوزه تساعدنا بس عاوزه تنزل تاكل ع الجاهز..

جلال.. لاه انتو مش بالعينها اصلا.. انتو كدا كدا حضرتو كنتو سبتوها تاكل بس لاه&; على فكره انتو لو مش حابين مرتى انا ممكن اخليها تقعد فوق عادي وناكل لحالنا نبقى كننا فى بيت تانى

حليمه بغضب&; انت عايز تقسم واقف ده لما تعض قفاك غور حصل السنيوره اللى دلعتها

جلال طلع بضيق على فوق&; فى يوم جديد كانوا امل وامام ماشين فى الشارع وامل بتقول&;

بس انا ما بروحش هناك من وقت ما قسمو البيت يا امام

امام&; حرام يا ام الغاليه صلة الارحام دى اهم حاجه في الدنيا ليه بقى لان ربنا عز وجل اداها اسم من اسماؤه وقال&; من قطعها قطعته ومن وصلها وصلته&; والنبى عليه الصلاه والسلام قال ان في ليله النصف من شعبان ربنا بينزل للسماء الدنيا ويغفر لكل الناس عدا&; المشرك والمشاحن عارفه مين المشاحن.. المشاحنين دول هما المتخاصمين على امور الدنيا.. يعني متشاكل على قطعه ارض&; متشاكل على حته ورث&; متشاكل على حاجه دنياويه&; المفروض ما حدش يتشاكل على امور الدنيا لان الدنيا كلها فانيه

امل&; الله يفتح عليك يا شيخ امام&; هروح مدام معاك بس لو مشونى&;

امام&; هنرجع نروح تانى عشان يشهد ربنا اننا عملنا اللى علينا&;.

ووصلو لبيت عمها حسن.. وفتحتلهم سماح وقالت&;

اهلا اهلا ازيك يا امل تعالي يا حبيبتي

امل&; كيفك يا سماح وحشاني والله

سماح&; تعالي خشي

امام&; السلام عليكم ابوكى هنه

سماح.. ابويا واخويا كلهم هنه اتفضل ادخل

امام دخل وقال&; السلام عليكم

حسن.. اهلا اهلا تعال يا امام&; كيفك يا امل

واستقبلوها وقعدو معاهم.. عبير بصيتلها من عندها لانها شايفاهم وقالت&;

ايه اللى وداكى هناك يا بت بطنى رايحه عنديهم قبل ما تاجى عند امك&; بعدين احنا مش في تقطيعه ما بينا وما بين الناس دول رايحه عنديهم ليه

امام وقف وقال.. انا اللى جيت يا حماتى وامل مرتى وجايه معايا انا عند عم حسن.. اما تاجى عندك انتى ابقى ما تخليهاش تجي هنا

عبير.. وهى عشان مرتك تدويها اشتريتها اياك

امام.. انا بعمل اللي اقدر عليه باذن الله علشان اروح الجنه وعايز لما اطلع الجنه اخد مرتي وعيالي وياي عسى ربى يجعلنى من الذين ربنا قال عنهم.. والحقنا بهم ذريتهم بايمان

وربنا مش هيوصلها ابدا وهي قاطعه رحمها الرسول صلى الله عليه وسام قال..

صلوا رحمكم ولو برد السلام خليكى محضر خير بالله

وبص لحسن وقال&; حد يتشاكل مع حد في رمضان الحبل ده ليه قاعدين حاطينو..

حسن.. انت ما لكش صالح بالحبل ده خالص يا امام ما هيتشالش غير على جثتي

امام.. ده اخوك يا حج حسن تؤمك كده تقطعو وتفصل بينكم وليه كل ده

حسن.. بقولك يا امام يا ولدي انت ما كنتش معانا من اول المواضيع انت جيت بعدين الحبل ده اتحط هنا بعد حجات كتيره

امام.. حجات هايفه من غير ما اعرفها طالما دنيويه تبقى هايفه الحبل ده يتلف عليكم نار بعدين ربنا يهديكم انا هروح الناحيه تانيه لجل امل تشوف امها واخواتها

حسن.. بارك الله فيك يا ولدى وابقو عيدوها

امام.. ان شاء الله

واخدها وراحو عند امها&; وقعدو عندها بس نزل ماجد وقال.. انتو يا بشر مش انا نايم الصوت الصوت حرام عليكم الواحد صايم وروحو طالعه نام بالعافيه من كتر الجوع

سحر&; جوع ايه هو انت لحقت تجوع الساعه ادوبها 10

ماجد.. يا واحد 10 لسه هنتح اليوم ده كله الله يسامحكم علشان صحتوني انا قلت لكم 100 مره

بس امام قال&; طب رد السلام حتى بلاش ليا لختك.. وبعدين انت هتقضيها للمغرب نايم انت لازم تصحى تحس بالوضع ولا ايه&;

ماجد.. بس والنبى ما ليش خلق لخطبك جعان وحالتى حاله

وقعد على الكنبه بضيق وفتح التلفزيون

امام&; انت هتتفرج على افلام في رمضان ده شهر رمضان كله على بعضه 30 يوم&; انت لازم تنتهز ال 30 يوم طاعه واحسان الاجر فيهم مضاعف لازم تلحق الحاجات الحلوه اللى فيه لازم ما تحسش ان الشهر راح كده.. علشان لما رمضان يمشي يشهد ان انت اديتو. حقو الوقت اللى انت هتتفرج فيه على المسلسل ده اقرا قران فيه

ماجد.. انا ريقي ناشف عطشان وانت تقول لي اقرا قران

امام&; ريقك ينشف من القران ليه هو في كلام احلى واعذب من كلام الله عز وجل.. بعدين هى القرايه في المصحف هى اللى هتنشف ريقك والزعيق اللي انت نازل بيه من فوق ده مش هينشف ريقك

ماجد&; ما هنخلصوش خليك في حالك يا صاحبى&; المهم عملالنا ايه يا اما ع الفطره

عبير&; عاملالك محشي وعاملالك مكرونه بشاميل وعامله لك

ماجد بمقاطعه.. ايه مكرونه بشاميل انا بحبش المكرونه انا عاوز صواني لحمه صينيه بطاطس باللحمه.. طاجن باميه باللحمه.. شوربه بقطع لحمه.. بصي عايز صواني على السفره ما اقدرش اعدها.. عايزه لو اعد في الصواني ما تخلصش

امام.. الصيام ما تعملش لكده&;. على فكره الرسول عليه الصلاه والسلام قال.. نحن قوم لا ناكل حتى نجوع واذا اكلنا لا نشبع&; رمضان ما اتعملش عشان الست تقضي طول يومها في المطبخ تجهز فطره تملى السفره تخليك ما تعدهاش يا حبيبي انت مش تفضل صايم لحد المغرب واول ما ياذن تنزل على وشك كيف الحمار في النجيله لا الحمار بيشبع ولا النجيله بتخلص.. لا اتعمل علشان انت تحس بالناس الغلابه اللي مش لاقيه تاكل وقلبك يرق وتطلع الذكاء وتطلع صدقه وتحس ان في غيرك مش لاقي الاكل ده يا حبيبي انت مش جمل عشان تخزن&;

ماجد&;. هو انت ماشي ميتى بعد الفطره هتاكل عندنا

امام&; اه لو ما فيش مانع

ماجد&; خلاص اقعد ساكت ولما نحط السفره كل بلحه وقوم

امام.. استغفر الله ولا اله الا الله .

عبير&; استنوا يا جماعه تليفوني بيرن الو السلام عليكم كيفك يا حاجه فهيمه&;.. ايه ما شاء الله بجد وماله يا حبيبتي ده انتوا تنورو وتانسو وتشرفوا&; انتو على راسنا من فوق الف سلامه في رعايه الله وحفظه سلام يا غاليه

ماجد&; ايه ياما خير

عبير بفرحه&; عريس للبت سحر اختك وهكيد حليمه كيد&; انا الليله هتدلع.. وعزولى يا عينى هيولع..

يلا يا بنات بينا نجهز الحلويات هيجو بعد التراويح طوالى..

ماجد&;. امام عايزاك في استشاره

امام.. قول عايز ايه

ماجد&; دلوقتي انت عارف ان انا بشرب سجاير كتير كده عايزلي حل في رمضان.. لو شربتها من غير اكل ولا ميه يبقى حرام برده

امام&; اصلا السجائر كلها على بعضها حرام ربنا قال لا تلقوا بايديكم الى التهلكه.. وانت هتتسائل على صحتك وعن مالك من اين جاء وفين راح

ماجد.. انا غلطان ان انا سالتك.. بيوقع او لا اخلص

امام&; بيوقع بيجيب الصيام من قفاه ويوقعو ع الارض ارتحت كدا..

ماجد.. طب قوم قوم من جارى عاد اخفى ينعل ابو صوحبيتك

امام لسه هيتكلم شاف عادل طالع من المطبح بيمسح بقه قال&;

خد يا عادل تعال عايزك في موضوع

عادل&; ايه

امام.. انت مش قولت انك صايم.. ليه طالع تمسح بقك من جوه&;

ماجد&; واكل كرنب صح ريحت نفسك كرمب ضربت فى مناخيري

عادل&; وطي صوتك عيال الحاره هيضحكو عليا بره ويقولو اني فاطر هيقولوا لي يافطر رمضان يا مخاصم ربك كلبتنا السوداء هتاجى تقطع قلبك

امام&; يا حبيبي وليه انت لسه ما اتكتبش عليك الصيام

ماجد&; فعلا افطر واديها والناس ولا تسال فيها

امام&; اقعد ساكت انت.. بص يا عادل يا حبيبي ما تخافش من الناس خاف من رب الناس الصيام مش للناس.. ده عند ربنا كيف اللي بيجاهد في سبيل الله&;

ليه بقى اما انت تدخل كده تعبان وعطشان تفتح التلاجه وتلاقي قزازه الميه عامله تلعب في وشك

ماجد. اااه انا شايفها دلوك

امام بصلو بضيق وقال&; وانت ما ترضاش تطلعها وتشرب انت كدا اجرك كبير قوي كيف المجاهد في سبيل الله ما ينفعش يا حبيبي اللي انت بتعمله ده حاول تصوم للظهر وبعد ايام تصوم للعصر&; وبعدها للمغرب ايام كده وهتتعود تصوم&; مش تقول صايم وانت ما بتصومش ماشي

عادل&; ماشى&;

قدام المغرب كانت عبير بتقول بضيق&; يا امل المغرب هيدن وجوزك مجاش&;

امل&; لاه يا اما هو كل مغربيه ليف الشارع بالبلح والميه هو والبت عشان يفطر الناس الصايمه واما بيصلى بياجى..

عبير&; انتو كده هتخربو لنا السيستم تعالو كلو وفطرو الناس يوم تانى..

واول ما المغرب كبر&;.. بدو يهجمو على الصينيه&;

عند عيلة حسن.. نزلت نوسه ع الاذان وقعدت

سماح&; دى نزلت وقعدت على الصينيه ومتاخره على اليوم اللي قبله ده ما فيش دم خالص&;

نوسه.. لولا جلجولتى حبيبى صالحنى ووعدنى ببوكس رمضان والله ما كنت هنزل هنه ابدا

حليمه&; يرحم امك والنبى ما عايزه غير بوكس فى عينك يفوقك انتى وجلجولتك..

سحر لقت رساله جاتها محتواها&;

انا رايحه بيت العيلة بنفسى وهشوف لو كلامك صح بس يا ويلك لو كنت كداب

سحر ابتسمت اما عرفت ان جمايل جايه وبقت تفطر وبعد شويه كانت حليمه راجعه من صلاه التراويح وكانت داخله البيت بس شافت عبير داخله ومعاها ام عمر وعمر وبتقول&;

اتفضلوا يا مرحب اقعدوا اقعدوا.. يا مراحب اهلا وسهلا شرفته

حليمه بصتلهم بصدمه وقالت.. كده اخدتى عريس بتى ما ابقاش انا حليمه لو ما ندمتك.. ودينى لاطفشهولك وبصتلهم بخبث..

الوسوم روايات جيجي

٣&;.حليمه بصتلهم بغيظ وطلعت فوق&; وعبير قعدت معاهم وبعتت ماجد لسحر المطبخ وقال..

امك قالت كدا عشان الود يشوفك انا هقعد معاهم وانتى تعالى ورايا بشويه جيبى الحلو

سحر&;&; مين قالكم انى عاوزه اتجوز اصلا انا قولت عاوزه اتجوز لا خلاص هملونى

ماجد.. بت انتى اكتمى امك قاعده مع الناس ما تصغريناش عاد يلا جدعه اختى هروح اقعد معاهم هاتى الحلو يا حلو وحصلينى.. اصلا ما تخافيش ده صاحبى

سحر&; لاه مش هروح هناك.. هنده عليك وديهولك انت توديه اما اجهزو ولو ما جيتش

بس ماجد قال بمقاطعه&;. لو ما جيتش هاتيه انتى وتعالى

ومشى بسرعه سحر جهزت الحلو ووقفت ورا حيطت المطبخ وقالت..

ماجد ماجد

عبير قالت وهى قاعده&; تعالى يا سحر ما حدش غريب دول عمر وامو

سحر اتنهدت بضيق&; ومدت ايدها من باب المطبخ وسندت الصينيه ع الارض ودخلت تانى من غير ما تطلع اصلا

عبير بصتلها بصدمه وقالت بتوتر.. هيه البت سحر اصلها بتتكسف قوى يا فهيمه وهى عشان اول مره تشوف عمر بس اتكسفت ما تطلع

وراحت جابت الصينيه وقالت.. هئ حقكم عليا انا

عمر ميل على ماجد وقال&; حد قال لختك انى كلب عشان تزقلنا الصينيه كدا من بعيد

ماجد.. لا اصلها بتتكسف وبتقول حرام تاجى تسلم عليك دلوك انت اجنبى عنها بس يعنى اصلها ملتزمه زياده

عمر&; امم تمام يلا يا امى نبقى ناجى وقت تانى ..

فوق عند حليمه كانت فى اوضة سماح وبتقول&; اخلصى عاد هيمشو كده

سماح&; يا اما انا قولت ما عيزاش البسى

حليمه.. مش بخاطرك هتلبسى الفستان ده وهتنزلى معايا تحت

سماح.. يا وليه اغزى الشيطان ده عريس بت عمى انزل انا ليه هنقطعو على بعض ليه الرجاله خلصت اياك&;

حليمه.. هو كده هتلبسى الفستان ده وتنزلى تقعدى فى صالتنا قصادهم هى قاعده فى وشنا لجل تكيدنى بس انا اللى هكيدها بتها متخرطمه لامبينه راس من رجل انتى تلبسى الفستان الحلو ده وتنزلى وهو اول ما يشوفك هيسيبهم وياجيكى&; يلا

سماح&; انا قولتلك انى ما عوزاش اتجوز اصلا

حليمه&; يا بت هيمشو يلا اخلصى

سماح بضيق&; اوه حاضر يا اما

ولبست ونزلت مع حليمه اللى ما نزلتش غير بيها واول ما نزلو حليمه لقت فهيمه ماشيه شاورت لفهيمه وقالت&; كيفك يا فهيمه

فهيمه.. الحمد لله

حليمه&; كيفك يا عمر تعالو اقعد حدانا حبه

عمر.. الحمد لله يا خاله

ماجد بص لسماح بغيظ وهى حاولت تهرب بنظراتها.. وماجد بصلها بضيق اما شاف عمر بيبص لسماح وامو بتوشوشو.. وحليمه رفعتلهم الحبل لفوق شويه وقالت&;

اتفضلو يا جماعه&;

عمر وفهيمه دخلو عند حليمه وقعدو معاها حليمه بصت لسماح وقالت&; قومي يا بنت يا سماح هاتي الحلو اللي انتى عملتيه قبل الفطار خلي خالتك فهيمه تدوق عمايل اديكى

سماح قامت بضيق وجابت الحلو بس لقت ماجد بيبصلها بضيق&; وعبير كانت هتموت حرفيا من الغيظ&; سماح حطيتلهم الحلو على الترابيزه وقعدت بعيد&;

عبير&; لا مؤاخذه هتلاقوا بت ما بتتحدتش كثير اصلا انا بتي ما تتكلمش طالما الكبار بيتكلمو الا بالاذن&; محترمه قوي وبتتكسف قوي كمان&;. بسم الله ما شاء الله عليها هي اللي عامله الحلوه ده كله والوكل كمان المره الجايه ندوقهولكم

وفضلت تعد في مزايا سماح الموجوده واللي مش موجوده توجدها.. وبعد شويه عمر اخد فهيمه ومشى&;

وحليمه هتطلع فوق لقت عبير عند.الحبل وبتبصلها بغل حليمه قربت عند الحبل وبصتلها بتحدى وعبير قالت&;

بقى كده يا حليمه تاخدي الراجل من قلب بيتي.. وتقعديه مع بتك عود الخله دى

حليمه.. يه وهو انتى حد كلمك ولا هو جر شكل وخلاص بنتك ما عجبتهوش وبتى عجبتو مش ده كان كلامك خلاص شوفت واحده وبقولها اتفضلى اتفضلت.. ولا انتى هتتحكمى فى ضيوفي كمان

عبير بغضب&;حليمه قلتلك ليميها والا قسما بالله هجيبك من شعرك

حليمه باستفزاز&; هتينى لو بت ابوكى اعمليها تصدقى انا نفسي اشوفنى وانا متجابه من شعرى كده وبيتمسح بيا البلاط&;

سماح&; خلاص يا جماعه ليه بتعملو كدا ايه مش شايفن الحبل اللى فى النص هتعملو ايه فينا اكتر من كدخ كفايه عاد

ماجد&; خشى جوه يا مرت عمى انتى مش خلاص خدتى العريس يلا روحى عاد

حليمه&; صوح الا انت ايه محلك من الاعراب وانت بتلمع قرونك وقاعد تنده على اختك لجل تاجى والعريس يشوفها.. ايه ما عنديكش ذره رجوله.. ده انت عره الرجاله&;

ماجد&; نفس محل جلال ولدك من الاعراب واختو بتمد الشاى للعريس يتفرج عليها

سماح.. لا لا ما اسمح لكش على فكره الراجل قعد هنه وانا قعدت بعيد منو خالص

عبير.. بس يا جربوعه انتى وامك خطفتو عريس بتى يا خطافين رجاله&;

حليمه قالت بردح&; مين اللى خطافين رجاله.. يا صفيحه زباله&; يا صرمه قديمه على كوم لمامه.. يا قليلة الاصل يا حربايه&; ما انتى اللى سرقتى العريس الاول هو مش كان جاى لبتى وانتى خدتيه اما بلفتى امو.. وعايزه تجوزى بتك على قفا الناس.. انتو طول عمركم تموتو وتاخدو اللي مش ليكم انتو. كده من زمان

عبير لسه هتشتم بس ماجد شدها وبقى يطلع بيها وقال&;.

بس يا جماعه استهدوا بالله مش كده اطلعي فوق ياما خلاص.. وسيخ لسان على الفاضي كلامك وياها

حليمه من تحت.. هيهيى قال ملقوش حاجه يقولوها.. قالو ع كد عقلها بناخدوها&; هبله يا عينى سيبوها

عبير طلعت على اوضة سحر لقتها بتقرا فى المصحف اول ما شفتهم صدقت وقفلت المصحف اول ما امها دخلت وقفت على السرير وعبير قالت&;

تعالي هنه يا مقصوفة الرقبه مش منبهه عليكى انا.. مش قولتلك تاجى وانتى كيف الشبشب&;

حليمه&; يه ليه هو عافيه يا ناس قلتلكم ما عوزاش ياناس ليه بتعاملونا على ان احنا بضاعه وهياجى يعاين ولو عجبتو يشيل ما عجبتهوش يسيبها لا انا بكيفى اللى يتقدم نوافق عليه وتمام ليه عليا الرؤيه الشرعيه.. بس طالما ما تقدمش وجاى بس يونس امو يبقى يخليه لامو

ماجد.. بضاعة ايه يا معفنه قال يعنى العرسان بالكوم على بابك يا بت&; لو كنتى اتنيلتى على عينك قابلتيه مش كان زمانا خلصنا عجبك كدا اهو اراح لسماح

سحر&; يا الف بركه يلا عاد النصيب بيصيب لو كان فين انت اصلا مزعل روحك ليه انو راح عند سماح انت هتعمل زى امك هو اساسا كان جيلها هى&;

عبير شدتها من رجلها وقعتها على السرير ومسكتها من شعرها بس ماجد فلتها منها وخباها ورا ضهره وقال&;.

خلاص عاد&; يا اما همليها..

عبير كانت بتحاول تمسكها وبتقول&;.

ده كان فرصه يا غبيه كنت هكيد حليمه يا بنت الغبيه ليه تضيعه كان فى يدنا ادتيهولهم ع الجاهز يا غبيه&;

ماجد&; خلاص يا اما عاد روحى نامى

عبير نفخت بغيظ ومشيت وراحت على اوضتها وهي بتقول&;

منك لله يا بت بطنى كاشفه راسي وداعيه عليكى.. كاشفه راسي وقفايا ويدى ومنك لله برضو&;

ماجد.. عجبك كدا فاضلها شويه وهتكشف الجلابيه كمان اهو راح لسماح ادلعى براحتك يا اختى

سحر&; انا مش عارفه انت ليه واخد على خاطرك انو راح لسماح عامل كيف امك&; ما يروح هو نصيبها اساسا كان جيليها من الاول وامك شقطتو منها واهو نصيبها لف ورجعلها خلاص

ماجد بغضب&; نصيب مين طب يمين بالله لادفنو مطرحه

سحر&; فى ايه انت زعلان ليه ما يكون نصيبها انت مالك

ماجد.. احم قصدي يعني انه انه احم انا هروح اقعد على التلفزيون..

ونزل بسرعه لتحت

سحر باستغراب&; مال الواد ده النهاره غريب قوي

ماجد نزل لتحت ولقى حليمه قاعده فى الصاله وبتقول لجوزها.. .

ايوه امال ايه ولسه بكره يا حسن لو كملت وفهيمه جات وتقدمت لبتى سماح هتلاقي عبير والعه كده هتلاقيها شايطه كيف حله الكرنب اللى طولت ع النار هتشم ريحتها من اخر الشارع..

حسن بضحك&;.. الحقي ولدك الحليله بصى

حليمه بصت على الباب ولقت جلال داخل ومعاه علبه كبيره قالت..

خد تعال يا ولا ايه اللى فى يدك ده

جلال.. ده بوكس رمضان جبتو لمرتى يا اما عشان انتوا زعلتوها امبارح وجيتو عليها جامد قوى..

حليمه بغضب&; مين اللي زعل التانى يا بقف هو احنا اللى زعلناها وجينا عليها بالجامد كمان.. بعدين هو ايه بوكس رمضان ده

جلال&; صندوق ياما اسمه بوكس بالانجليزي وبيخطه فيه حاجات فوانيس وحلويات وعروسه ومصحف ومصلايه كل صندوق وحاجاتو حسب فلوسو يعنى

حليمه بغيظ&; اه مصحف انا راضية زمتك.. هى مرتك لو بتفتح المصحف وتقرا منو صفحه واحده بس تمشيك ع العجين ما تلخبطوش كده.. وتسلطك علينا

سماح&; لا عادى هتطلب ومتطلبش ليه وهو بيجيبلها اللى تعوزو من قبل ما تعوزو&; صوح هما في العلالي واحنا يا هملالي&; امبارح بقولو روح هتلى كيس شيبسي قالي هو انتى عيله وزعقلى.. وعندها يقلب كوتى قمور&;

حليمه&; تصدق ياض انت ما عندكش ريحه الدم وعيل مدلدل

جلال.. ايه يا اما كل ده عشان بجيب هديه لمرتي

حليمه&; وتجبلها هديه ليه من اساسو&; ده بدل ما تكسر عضمها وتخليها تنزل تساعدنا رايح تجبلها بوكس جاك بوكس فى معاميعك..

جلال&; خلاص عاد يا اما وما تكلميهاش تاني الدنيا رمضان وخلينا قاعدين رايقين يلا سلامو عليكم طالع اوضتى عشان ما تستعوقنيش

وطلع على فوق&; وحليمه قالت بغضب&; يبكسوها على الاقل خمس بوكسات في وشها بت الدلاله&; شايف عيالك يا حسن البت ضيعت العريس وادى شعرى اقصو ان رجع تانى بعد ما كشرت فى وشو&; والواد الحيله طالع بالبوكس للسنيوره نازل بالبوكس من عند السنيوره.. يرحم ابوها اول بوكس شافه في حياته كان بوكس البوليس لما لقوه سارق سلكة كهربا من الجيران&;

حسن.. خلاص عاد يا حليمه يلا نطلع ننام شويه

حليمه.. صح مش هنكد على نفسي النهارده غظت عبير ومش هنكد على روحي

وطلعت مع حسن فوق وسماح كانت قاعده في الصاله بتقلب فى التلفزيون.. ماجد قرب عند الحبل وقال&;.

انتى يا بت خدي تعالي هنا

سماح راحت عندو وقالت&;

الوسوم روايات جيجي

ماجد قرب عند الحبل وقال&;.

انتى يا بت خدي تعالي هنا

سماح راحت عندو وقالت&; قبل ما تطول لسانك امي هي اللي نزلتني من قفايا زي ما امك نزلت اختك بالقفا

ماجد.. وانتى ما عملتيش ليه كيف اللي عملتو اختي

سماح&; انا لو عملت اللي عملتو اختك كان زمان امى مقطعاني وحطاني في كياس تفرزنى للعيد وبعدين هو انت ليه بترمي كل حاجه عليا&; ليه انا المفروض اعمل كل حاجه&;.. انت حتى ما جربتش تتقدملى&;

ماجد.. اتقدم فين الله يخرب بيتك انتى مش شايفه الوضع كيف.. المهم عملتى ايه في الحجه جمايل كلمتيها

سماح&;. بعتلها رساله بالتلفون من رقم تانى وقالت انا رايحه بيت العيله وهشوف بنفسي ويا ويلك مني لو طلعت كذاب&;. هتاجي على غفله واول ما تلاقي الحبل ده هتلفه على رقابة امي وامك وتسحبهم وتطلع بيهم بره البيت ونتجوز انا وانت براحتنا بقى

ماجد&; كيف الغندور اللي طلع ده شكله جايكي تاني امك ما هتسبهوش منها عشان تكيد امي

سماح&; طب عليا الطلاق منك من قبل ما اخدك ما اتجوزو&; لو قطعونى ست حتات.. وجابه بدل الراجل الفات.. انى اصلا قلبي بعدك مات&;

ماجد.. يا سلام يا اختي اهو كلام اللي باخده منك..

سماح.. ما جبتليش بوكس رمضان ليه.. بقى جلال يجيب لنوسه وانا لاه&; ما جبتليش هديه رمضان ولا قلتلى كل رمضان وانتى معايا يا ميحه

ماجد&;.. انا هموت واجيبلك هديه بس مش عارف هتقولي لامك عليها ايه اصلا كنت عايز اجيبلك عبايه العيد بس خوفت امك تقتلنى لو العمه جمايل حلتها ع العيد هجبلك احلى بوكس&;

سماح&; طب يلا سلام احسن امى تشوفنى..

ماجد&;. ماشي سلام يا غزال&; يا ماشى وفايت حالى حال

متى تتحل بس

سماح.. اما امك تفلسع&;

ماجد.. طب ما تفلسع امك اسهل انا امى مقدور عليها

سماح.. تؤ بعيد الشر انا امي هتموتنا كلنا وهتفضل قاعده على قلبك ان شاء الله ما تقلقش يا روحي

ماجد.. الله يجيبك يا حجه جمايل

عند امل كانت مع امام فى الاوضه وبتقول

انت ما هتجيبش حاجه السنه دى

امام.. لاه انا جبت السنه الى فاتت خلينى المره الجايه بقى

امل&; خلاص انا كمان جبت عبايه المره اللي فاتت خلينا نشوف البنت المره دي ونرجع&;

امام&; لا انتى هتجيبى عشان اما تطلعى مع الحريم تبقى لابسه جديد زيهم&;

امل&; انا البس وانت ما جبتش تؤ ما البسها ولا اجيبها وانت ما جبتش طالما انت ما جبتش ما اعتبهاش داري.. اصلا عاوزين حجات اهم قبل الفلوس ما تخلص حجات للعيد ان شاء الله هنخبى حقها ما تصرفش هات قد البت

امام.. ما فيش اهم منك حتى البت مش اهم انتى وصيت الرسول عليه الصلاه والسلام لما قال رفقا بالقوارير وانا مش عايز اهون فيكي

امل&; الكلمتين دول كفايه بكره ربنا يفرجها ان شاء الله ونجيب فى العيد الكبير قفل واتقسم نصين مش جايبه قبلك خلصانه&;

فى يوم جديد كانو امام وامل سوا فى السوق

وبقت تختار وقالت&; الحجات السنه دى تحفه

امام&; اه. وفلوسها احلى

البنت.. هو انتم مش هتجيبوا حاجه

امل.. مين احنا لا اصل انا لقيت ان العبايه بتاعه السنه اللى فاتت قاعده جديده لو كده على عيد الضحيه بقى

اابنت.. امم طب انا عايزه كمان جزمه وشنطه والنظاره وعقد

امل&; كل ده عايزاه

امام.. حاضر تعالي هنجيب كل حاجه..

وخلصو شرا ورجعو البيت وامام قال&;.

يلا عايزه الحق الاذان سلام عاد

امل&; اه اجرى الاذان خلاص بقيلو ٧ دقايق

امام مشى وامل قعدت على الكنبه تقلع الشوز بس لقت الفون بيرن وكانت امها ردت بس عبير قالت بسرعه..

ساعه برن عليك ما بترديش ليه عايزه اقول لك على الموقف الزفت اللي حصل معانا امبارح بعد ما مشيتى شفتى حليمه وعمايلها

امل&; لاه ما انا روحت من التراويح وما شفتش حاجه

عبير&; سرقت عريس اختك بس بقالى ساعتين بتصل ما بترديش ليه

امل.. ما كنا في السوق وما سمعتش التلفون

عبير&; اه السوق ليه بقى

امل بضحك.. &; جبنا هدوم العيد للبنوته واحنا نجيب سويرس قبل ما المرتب يخلص ونبقى نجيب منين

كل سنه وانت طيبه ياما حتة فستان جبتهولها ما قولكش يوم العيد تشوفيه ان شاء الله كل سنه وانتى معانا

عبير بضيق.. البنوته اه وانتى جبتى ايه

امل.. مين انا لا ما رضيتش اجيب امام قعد يقولي اختاري حاجه اختاري حاجه بس انا عبايتى قاعده جديده ما رضيتش اجيب غيرها&;

عبير&; اه ما جبتيش عشان العبايه جديده ولا عشان ما معكيش فلوس تجيبي.. يعني ايه ما تجيبيش يعني كل الناس هتبقى لابسه جديد على العيد وانتى ما تجيبيش ليه لو مش عارف يجيبلك نجيبلك احنا .. بس هو لا احنا لما بنجيبلك حاجه وهو بيزعل سياتو

امل&; اوعي ياما تجيبي حاجه هو قالي جيبي انا اللي قلتله لاه هيجيبلي بالعافيه يعنى

عبير.. هي الدنيا كده انا اموت واعرف ايه اللي عجبك فيه الزفت امام ده.. يعني بنت حسين الصياد الفلوس اللي معانا كوم وما لقينلهاش مطرح وتروحي تتجوزي واحد مش لاقي يجيبلك عبايه على العيد زى الحريم هو مره فى السنه

امل&; يا حبيبتي العيد ده جاي فرحه بالفطر بعد رمضان الناس اللي بتفرح ان هي قضت رمضان بطاعه وبرتياح بتفرح ان هي ادت مناسك الشهر وأدتوا حقه وما قصرتش فيه وانتهزت فرص الغفران اللى فيه.. ما اتعملش يعني للمناظر اللي معاه يجيب هدوم جديده وتوفرت تمام ما فيش هدوم جديده مش مشكله ما نزعلش روحنا ونضغطها بحجات زى كدا&; يعني انا هروح فين اخرى عندكم

عبير&; ولما تروحي تعيدي على مرت عمك الحربايه تلقاكى بعبايه السنه اللي فاتت انا هخلي اخوكى يجيب لك واحده..

امل بسرعه&; اوعى يا اما تجيبي حاجه والله لازعل منك من عقلي انا ما كنتش هقولك بس عارفاكى يوم العيد هتقوليلي فين فين وتنكدي عليا يوم العيد فقلت تنكدي عليا النهارده.. وبدل ما تقولى كلمه قدام امام عشان هو اساسا قالي جيبي انا اللي قلت لا

عبير.. قطيعه انتى وامامك ده غوري يا بت جاتك البلا

وقفلت فى وشها امل اتنهدت بضيق بس شافت بتها لابسه الفستان الجديد ضحكت وقالت..

ليه تانى ما انتى قستيه فى المعرض

البنت&; بوريهولك ولما ياجي ابويا هوريه له

وبقت تلف بيه امل ضربت على وشها بغيظ وشالت البنت وقالت يبقى تقعدى على رجلى لحد ما ياجى عشان ما تمرمطيهوش ونعوز نغسلو

امام كان طالع من الجامع وصاحبه معاه وقال&; ليه من دلوك.. بس احسن قبل ما تصرف الفلوس

امام.. يعلم ربنا انا عشان اجيب فستان البنت صرفت كل اللي معايا والله المرتب الشهر ده دخل فى رمضان والعيد والعيديه ربنا ينتعه بالسلامه

صاحبه&; ههه يا سيدي ولا تزعل ربنا يفرجها ان شاء الله وتبقى حلوه يوم كدا ويوم كدا

بس امام تليفونه رن طلع التليفون رد على المكالمه وقفل وكان تليفون بزراير صغير

صاحبه.. فين تليفونك اللمس الكبير اللي كان معاك

امام.. دلوك بعتو هروح السوق اجيب عبايه للمدام

صاحبه.. ليه عملت كده عارف ان انت بتحتاجه في الشغل

امام&; بحتاجه انا لولاكش والله اني عايز اجيب العبايه للبنت ما كنتش بعتو.. بس بصراحه مش عايزها تعيد على كده.. هي لما لقيت الفلوس قليله ما رضيتش تجيب..

صاحبه.. احسن عشان امها ما تسلطهاش عليك

امام.. لا انا عشانها هى مش عشان امها امها مش فارقه معايا.. يلا سلام ادوبى اجيبها وارجع

عند عبير كانت ماسكه ماجد وبتقول&; عرفت هتعمل ايه

ماجد&;.خلاص ياما عرفت عرفت هروح السوق اجيب عبايه غاليه قوي اوديها لاختي عشان امام ما جيبلهاش

عبير.. مجايبك الزفت زيك انت اللي جبته قال صاحبك قال اتفضل

ماجد.. امام مش وحش هو بيعملها زين البنت بقالها معاه سبع سنين ما اشتكتش في يوم ولا زمقت فيهم ايه يعني لما تاجي سنه ما تجيبش عبايه عادى

عبير.. لاه هتروح وتجيب العبايه يعني هتروح تجيب العبايه

ماجد.. حاضر ياما هوديلها العبايه وراح يجيب عبايه

ع العصر عند امام رجع البيت وامل فتحتلو وقالت&;

كنت فين يا امام كل ده على ما ترجع

امام ادلها العبايه وقال&; كل سنه وانت معايا

امل قالت بضيق&; بردك يا امام بردك يا بوى منك

امام&; في ايه يا بنت خلاص عاد..

امل&; جبت حقها من فين يا امام

امام&; ربنا فرجها

امل.. فرجها وانت بتصلي نزلت عليك فلوس من سقف الجامع

ايمان لسه هيرد بس التليفون بتاعه رن

امل&; ايه النغمه دي وريني كده

وبقت تقرب منه تحط ايدها في جيوبه امام بقى يبعد منها ويقول

.. خلاص ما فيش حاجه بعدى يا بنت يا بنت البت جوه بعدى

بس امل مسكت التليفون وحطيته على الكنبه وقعدت بضيق

امام قعد على ركبه على الارض قصادها وبصلها وقال

خلاص عاد ما تزعلينيش منك

امل قالت بضيق&; روح يا امام الله يصلح حالك

امام&; وانتىذمبك ايه تقضي العيد من غير عبايه عشان انا مش معايا فلوس اجبلك عبايه ما كل الرجاله جابت لحريمه..

امل.. يمكن عشان مرتك ومش هفرح بعبايتى وانت بايع محمولك عشان تجيبها

امام.. لا تفرحى ان ما فيش اغلى منك عندى وما تبصليش كدا عشان بتحلوى اللهم انى صايم شوفى الشيطان مالقاش سكه يوزنى ع الاكل بيوز على ايه

امل ضحكت وقالت استغفر الله العظيم روح يا امام روح

بس الباب خبط امام فتح وكان ماجد.. ومعاه شنطه.. امام بصلها وقال..

ايه دى يا صاحبى

ماجد بمرح مصطنع&;. دى عبايه لامل ابوى راح السوق وجاب لسحر وامى ونسى وجابلها معاهم نسى انها تجوزت.. تخيل بعد سبع سنين

امام اتنهد بضيق وقال&; البيت بيتك يا صاحبى هخش انام عشان تعبت من اللف انهاره رجعت السوق مرتين ورجلى وجعتنى عن اذنك..

وسابو ودخل الاوضه بضيق وقفل الباب&;

وماجد بص لامل وقال بهمس&;.. فى ايه ما هى عبايتك معاكى اهى جديده من كيستها امال ليه امك عامله مناحه في البيت وماجبتش عبايه ماجبتش عبايه كانك قاعده من غير سقف.. ونزلتنى على ملا وشى مش دى عبايه جديده

امل بصتلو بضيق&; وبصت على العبايه بتاعت امها وقعدت على الكنبه&;

عند حسن وحسين كانو فى الصالات بتاعتهم.. كل بيت بيجهز للافطار بس وقفو بصدمه اما دخلت ست فى السبعين بتتسند على عكاز&; وضربت الحبل بعصايتها وقالت بغضب&;&; يعنى اللى وصلنى عليكم صوح.. انتو قاسمين البيت كانو تنين ولا كان ليكم كبير&;

الوسوم روايات جيجي

٥&;قالت بغضب&;. يعني اللي وصلني عليكم صح قاسمين البيت وكانه اتنين&; ولا كان فى ليكم كبير&;. شورتكم من راسكم كده

حسين وحسن قالو بصدمه&; عمه جمايل

جمايل بضيق&; دلوك افتكرتو ان ليكم عمتك زين والله فيكم الخير.. انا صوح عمتكم بس لانى مش كبيره قوى عليكم كنت دايما معاكم كنت كيف خيتكم&;. ودلوك قاسمين البيت نصين وانا اخر من يعلم اعرف من الغرب انكم مقاطعين بعض كده&; ولا حد فيكم قالى تمام ليها حل

حسين&;. يا عمه جمايل احنا ما حطناش الحبل من ما فيش فى حجات كتيره حصلت&; بس ما كناش عاوزين نضايقوكى بيها.. احنا كدا مرتاحين قوى

جمايل&; حصلت حجات خلتكم من سنتين مقسمين وما فيش واحد فيكم جي قالي انتو بتستهبلوا.. قاسمين بيت المرحوم اخويا وانا لسه عايشه ما موتش.. وانتو كده ما مضايقنيش يعنى

حسن.. يا عمتي احنا مش مرتاحين في العيشه سوا وده حقنا احنا مش عيال صغيره عشان نجرى نقولك كل حاجه بتحصل معانا

جمايل.. كان كسر حوقك حق ايه انتوا اخوات سند لبعض في الدنيا ما فيش اى حق يخليكم تقاطعوا بعض لاجل حرمتين..

عبير&; ايه الكلام ده يا عمه عاد ما تخليكي محضر خير مين قالك انو بسبب حرمتين.. هما مشاكلهم لحالهم انا ما ليش صالح بيهم&;

جمايل&; اقطع دراعي من كتفو ان ما كنتو سبب الخناقه يا حريم يا حرابى&; يلا كل واحد فيكم يروح عند طرف من عند الحبل ويفكه كيف ما ربطو..

حليمه&; عمه جمايل انتى ما عارفاش ايه اللي حصل عشان الحبل ده اتحط هنه ما هنفكهوش واصل احنا كده حلوين..

جمايل&; دلوك هنقعد وهنعرف ليه الحبل ده اتحط هنه.. واللى ليه حق عند التانى هياخده واللي غلط على التاني هيتاسف والتاني هيقبل اسفو عشان هو اخوه اللي ما حلتوش غيره فكو الحبل ده يلا وخلينا نقعد قعده واحده ونعرف مين فيكم الغلطان يلا يا حسن انت وحسين فكو الحبل&; فى عتاب بين الاخوات مش قطيعه

عبير.. انا ما هرجعش اعيش مع الحربايه دي في بيت واحد لو عملتى ايه يا جمايل

جمايل&; ومن ميتى الحريم لها بيوت ده لا بيتك ولا بيتها ولا حتى بيت عيالكم&; عيالكم اللي عايزين تقطعوهم من بعض بدل ما تقوهم ببعض.. ده بيت اخويااااا ابوهم ها اهدو عاد

وبصت لحسين وحسن وقالت.. انتوا حته اتنين ما فيش غيركم بدل ما تساندوا بعض وتحطوا ايديكم في ايدين بعض وتطلعوا العيال قلبها على بعض تطلعوهم متحاربين وبينهشو فى لحمه بعض فكو يا حسن انت وحسين يلا

حسن وحسين بصو لبعض ومسكوا كل واحد الحبل من طرفه وفكه ورموا الحبل على الارض جمايل رفعت الحبل بعكتزها ومسكته وبايدها التانيه وقعدت على الكنبه وقعدت حسن من ناحيه وحسين من ناحيه وقالت&;.

احكوا ايه اللي خلاكم تعملوا في بعض كده من الاول..

عند ماجد كان قاعد مع امل بضيق بس سماح بعتتلو رساله بوصول جمايل قال

بقولك ايه في حاجه كده هخلصها واجى تانى خدى عبايتك دى ويلا هخلع انا..

امل وقفتو ومسكت عبايه امها وحطيتها في ايده وقالت

ادى دى لامك وقلها جوزها ما منقصهاش حاجه ولو نقص هي ما شتكتش

ماجد.. امك هتزعل هترجعيها ليه انتى عارفه دي بكام خدى الاتنين طيب

امل.. راضيه بعبايه من خيش مع جوزي ولا عبايه حرير تزعلو منى خلينا رايقين ورجع العبايه دي مطرح ما جبتها ولا اقولك اديها سحر

ماجد.. انا هبلغها الرساله انتوا حرين سوا..

ومشى وامل دخلت عند امام ولقيته قاعد على السرير وقال&;

ما بدري مشي ليه

امل.. قسما بعزه جلاله الله ما اشتكيت كانت بترن وانا ما سمعتهاش قلتلها ان احنا كنا في السوق كنت بحكيلها وبقلها اشتريت للبنت&; وقولتلها صح انا ما جبتش اني لو عارفه انها ما هتعرفش عمرى ما كنت قلتلها بس يوم العيد هروح عنديهم وهتلاقيني بالعبايه دي وما هتسكتش خفت تقول كلمه قدامك قلت اقلها وانت ما قعدش ده كان قصدي والله العظيم وقلتلها ما تبعتش حاجه والله العظيم بس هى بعتت من غير ما تقول

امام&; انا ما زعلانش منك على فكره عادى دى امك

امل&; اني رجعتها بعتها مع ماجد تانى

امام&; ليه ليه رجعتى العبايه كده امك هتزعل

امل&; ما هتزعلش انا مستكفيه باللى هياجى منك.. انت بالدنيا كلها يا امام.. الدنيا مش بالفلوس ولا بالبيت.. ولا بالعز.. فى حجات اهم الفلوس ما تشتريهاش الفلوس ما بتشتريش الصحه ولا بتشتري الستر ولا بتشتري الرضا ولا بتشتري راحه البال ولا بتشتري رضا ربنا ما بتشتريش الاخره يعني انا كنت قادره اتجوز واحد عندو فلوس كتير يلبسنى الغالى كلو ويشيكني وجيبلي كل اللي انا عايزاه بس اكيد مش هلاقي واحد يعاملني كيفك مش هلاقي واحد يقولي انتى وصيه رسولى تعرف انا زعلت على التليفون الكبير ليه عشان لما كنت اتصل كانت تاجي كده بالخط العريض وصيه رسول الله

امام&; وهسجلك وصيت رسول الله بردك فى ده عشان انتى وصيت رسولي عليه الصلاه والسلام

امل&; وانا مش عايزه حاجه تاني كده اصلا كفايه قوي فى حاجه تانيه هقولك عليها اني حبله امي بتقول انو ولد متزعلنيش عاد عشان ما يطلعش نكد

امام&;. وامك كشفت بايه ان شاء الله

امل.. تؤ هي قالت ان الوحم على حاجات معينه كده بيبقى الولد بيتدلع

امام.. والبنت ما تدلعش

امل.. لا البنت بتدلعش.. عندنا البنات ما بتدلعش امى مش بتدلع غير ماجد ده البيضه بتعتها.. تحسها كده وهى بتحادى عليه الفرخه ام البيضه.

امام.. ههه

امل.. خلاص ما زعلانش..

امام&; تؤ ما اقدرش ازعل منك واصل.

عند.. سحر كانت راجعه مع صحباتها.. بس لقيت عمر واقفلها بعيد شويه وقال..

السلام عليكم

سحر.. انت اهبل ماشى وراى ليه انت

عمر.. بصراحه عاوز اكلمك دقيقه واحد بس وهمشى هو سؤال لما نزلتيلنا الصينيه من بعيد وما جيتش تسلمى ما عايزانيش ولا كيف ما امك قالت اتكسفتي

سحر.. ما لكش صفه عندي عشان اجي اسلم عليك

عمر.. كنت جاى اتعرف..

سحر مشيت وهى بتقول&; والله انا ما بتعرفش ما فاضياش للحاجات دى انا

عمر مشى وراها وقال&; احنا ما هنعملوش حاجه غلط لا سامح الله

سحر بسخريه.. ده الالتزام اللى امك بتقول عليه لا ملتزم بجد يعنى مش كلام..

وبصتلو بضيق وقالت&; بطل تمشى ورايا يا اخ..

عمر.. طب لو جيت اتقدمت هتوافقى اجي اقرا فاتحه واطلبك شرعي

سحر.. اما تدق الباب وتتقدم هتقابل راجل البيت اللي هو ابوي.. تسالو.. ابوي يسالنى واجاوبو.. انت اجاوبك ليه واتكلم معاك ليه انا ليا راجل تكلمه وتطلبني منه وتستنى ردنا بقى اما نفكر براحتنا&;

وسابتو ومشيت عمر قال.. ايوه بردك ما فهمتش دي ايوه ولاه يا بت الناس ما تفرهضيناش ساكت عاد&;

عند جمايل قالت بضيق..

وبعدين يعنى هتفضلو واكلين سد الحنك كده&; بقالكم ساعه بتبصو لبعض وما فيش حد فيكم راضى يتكلم ويقول ايه السبب اللي خلاكم تعملوا في بعض كده

الوسوم روايات جيجي

الاخير&;

عند جمايل قالت بضيق..

وبعدين يعنى هتفضلو واكلين سد الحنك كده&; بقالكم ساعه بتبصو لبعض وما فيش حد فيكم راضى يتكلم ويقول ايه السبب اللي خلاكم تعملوا في بعض كده

حسين&; ولا حاجه احنا روحنا نقسم فلوس ابونا وكل واحد ياخد نصيبو وهو حر فيه.. المصنعين بتوعنا قلتله انت هتاخد المصنع القبلى وانا هاخد المصنع البحرى.. قال لاه انا هاخد البحرى عيل لطخ

جمايل.. طب وانت ما دتهولهوش ليه يا حسين

حسين&; علشان هو حط عينه على اللي انا اخترته

حسن&; لاه مادتهوليش عشان انت ضلالى&; هم مصنع كبير ومصنع صغير وانت كنت عايز تديني الصغير وعايز تلهف لنفسك انت الكبير اللى شغال وبيطلع فلوس اكتر باضعاف من اللى كنت هتديهولى القبلى فتحناه من كام سنه ولسه ما وقفش على رجليه

حسين&; اصلا الكبير من حقى المفروض انا اللى اخد المصنع الكبير انا عندي ولدين ماجد وعادل انما انت ما عندكش غير جلال تاخد الكبير تعمل بيه ايه&;

حسن&; وانت مالك انت هعمل بيه ايه.. وبعدين انا مش عندي عيال تانيه غير جلال

حسين&; بنات ومصيرهم هيتجوزوا..

حسن&; بالك انت لو كنت طلبت بالزوق وقلتلي ان انت محتاج المصنع الكبير علشان عيالك انا كنت اديتهولك لكن تضحك عليا وتقولي انهم قد بعض قد بعض كيف وانا عارف انهم واحد كبير واحد صغير يا ضلالي يا نصاب..

هو انا بريل

جمايل&; طب المصنع وعرفنا ليه قسمتو البيت.. ومين اخد المصنع فى الاخر..

حسين.. المصانع قسمنا التنين كيف ما قسمنا البيت كده.. واحنا اصلا لما اتشكلنا على الشغل قسمنا البيت

جمايل&; ياه ع السبب الكبير اللي خلاكم مش طايقين تقعدوا سوا خد بالك انا السبب وقف قلبي ايوه ادونى ميه هشورق&; انتو اصلا بتتشاكلوا على فلوس ليه هو انتم ناقصين فلوس ما انتم عندكم فلوس ياما وربنا ساتركم الحمد لله تروحو تقسمو المصنع ليه اصلا ليه

حسين&; شغلنا سوا ما ريحناش بياكلني

حسن&; مين اللي بياكلك انا انت اللى سارقنى.. تشغلنى طول الشهر وتاخد فلوس&; وترجع في الاخر تقول الميزانيه مخرمه يا حسن الفلوس راحت فين كان انا اللي سارقك

حسين.. هو ما بيشتغلش كويس ما بيشتغلش بضمير ما لوش حق ياخد فلوس كدي انا بشتغل اكتر

حسن.. كداب والله انا اللي بشتغل اكتر منو اصلا ده بياجى الساعه.. ١١.. وانا بروح من ٨..

جمايل.. بس انتوا الاتنين خلاص ما فيش تقسيم تانى..

حسين&; لا ما هنعيشوش تانى سوا مرته بتتشاكل مع مرتي..

حسن.. مرتك اللى كل ما تشوف مرتي توقف ليها على راسها كانها ضرتها شوف مرتك قبل ما تقولى مرتك

حسين&; يا سلام وانت ما شفتش مرتك بتعمل ايه اصلا مرتك عندها لسان يخليك تسيب البيت باللي فيه

حسن.. مرتى ما بتطولش لسانها غير على اللي يطول لسانه انا عارف مرتي زين يا حسين واحترم روحك

جمايل ضربت بالعكاز بتاعها في الارض وقالت&;.

اسمها مرت خوي مش مرتك ما تنسوش اخوي عموما انا حليتها كيف ما فكيت الحبل ده هحل المصانع واللي مش عاجبه المركب اللي تودي&;

قالت جملتها الاخيره وهى بتبص لحليمه وعبير.. وقالت..

يلا نامو دلوك والصبح تتسهل

ونامو تانى يوم الصبح الحارس بعت فديو لحسين وكان فيه لودر كبير وبقى يهد الحيطه اللى مقسمه المصانه

حسين.. انتى بعتى اللى يهد الحيطان بتاعت المصنع يا عمتى&;

جمايل&; لا بعت اللى يهد الفواصل اللى حطتوها..

حسن.. ليه كده بس احنا بنناها بالعافيه..

جمايل.. كده مش بس المصانع اللى هيبقوا مصنع واحد وانتم كمان هتبقو واحد انتوا لازم تبقوا يد واحده كيف ما جابتكم بطن واحده وكيف ما رباكم بيت واحد وكيف ما انتم من صلب راجل واحد&; يلا كل واحد يقول للتانى حقك على راسي.. حرام تقاطعو بعض على اخر ايامكم عيب اللي بتعملوه ده&; انتو اخوات كيف تقاطعو بعض سنتين عشان شغل او عشان بيت او اكل عيب عليكم اللي بتعملوه ده.. وعيالكم ذمبهم ايه يتحاسبو على قطع صلة الارحام عشان انتو مانعينهم من بعض.. هتاخدو ذمبكم وذمبهم..

وبصت لعبير وحليمه وقالت&; وانتو رجعوا البيت كيف ما كان زمان.. هاقولكم حاجه انتو هنا مش سلايف انتوا اكبر من كده بكتير.. انتو امهات.. الام تضحى باى حاجه علشان عيالها&; ولدك بكره لو اتخانق مع حد في الشارع مش هيلقى اللي يقفله يا حليمه.. وانتى نفس الفكره يا عبير لان ولدك التاني لسه صغير ما طلعش من البيضه جبتيه خلفه عواجيز. العيال فردانين..

عبير&; مين دي اللي خلفه عواجيز يا وليه انا لسه صغيره وهجيب تاني كمان

جمايل بقيتي جده اختشى على شعرك الشايب ده تستحملو عشان عيالكم بدل ما تقطعي ولدك وتخليه لحالو وانتى تقطع الولد وتخليه الحالو خلوهم يد واحده ويصالحو بعض&; يلا خشوا سوا على المطبخ حضروا لنا احلى فطور النهارده حكم هنفطر فطره ما فطرنهاش من زمان من ايام اخوي ما كان عايش.. وما تقلقوش انى هملت البيت بتاعي وهاجي اقعد وياكم عارفه انكم ما تقدروش تقعدوا من غيري

حليمه وعبير بصو لبعض وقالو بصدمه..

يقعد مين هيقعد فين هيقعد ليه ليه هيقعد

عبير .. قصدي يعني ليه ليه هملتى بيتك وحالك وهتحرسينا

حليمه.. لاه ارجعى دارك احنا ما هنقسموش تانى والله

جمايل.. انا كده كده ما خلفتش ومن ساعة ما المرحوم جوزى فلسع وانا لوحدى خلاص هقعد مع عيال اخويا اقضى اخر ايام اني وليه كبرته عديت ال70.. يلا حبه على راس بعض يا عيال اخوى وابدو صفحه جديده

حسن وحسين حضنو وبعض وباسو على دماغ بعض

وحليمه همست لعبير.. ده باينلو هيبقى مرار مكركب.

عبير.. مكركب وجاى بمركب&;

جمايل.. صح فين مرت ولدك يا حليمه ما شفتهاش

حليمه بتوعد.. هي فوق في اوضتها بتقعد في اوضتها وما بتنزلش غير ع الوكل اروح اندها

جمايل.. نزلها لي

حليمه راحت وخبطت على نوسه ندهتها وقالت.. جاتك القادره يا قادره.. جالك الموت يا تارك الصلاه

ونوسه نزلت وسلمت عليها وجمايل قالت بغضب&;

خشى على المطبخ يا بنت مع الحريم اعملو الفطره فى رمضان الساعه 2:00 الاقيكى هناك تنزلى تجهزى السحور معاهم والساعه 12:00 بعد ما تخلص الفطره وتغسلوا المواعين واللي كان هتصلي والا كان هتاكله ولا تشوفو مسلسل حتى اللي تطلعى.. وبعد العيد تنزلى ٦ وتطلعى واحده خلاص زمن التسيب راح خشي مع اخواتك.. اه وبقى فى رجاله غير جوزك في البيت من ساعه ما شلنا الحبل ماجد عريس ما شاء الله وعادل صغير لسه يعنى توسعي جلابيتك دى حبه وتشيلى البتاع اللي على خلقتك ده

نوسه. جلجول انت هتسكت على الكلام ده

جلال.. جده انتى داخله بالجامد كده ليه هي عملت لك حاجه

جمايل.. بس ياض لقوم اظبطك روح مع الرجاله ومن هنه ورايح اول ما تصحى الصبح تروح شغلك وترجع الليل من شغلك بلاش مرقعه ايه هتقعد تحرس الحريم ولا هيوكلوك.. كلو على شغلو واخر الشهر تجيبو الفلوس على الترابيزه دى مكسبكم هنه وهتقسمو الفلوس بالتساوي كل واحد هياخد رزمته الساعه 8 الصبح تكونو في المصنع&; واللى هيتاخر فيكم هيتخصم منه كيفو كيف اي عامل في المصنع.. اللى راح حال مايل.. واللى جاى اوامر جمايل&;

عبير اتصلت بامل وعزمتها هى وامام عشان ياجو يتعشو معاهم وجو على طول اول ما شافو البيت من غير حبل امل قالت بفرحه&;

والله العظيم ما يجيبها الا نسوانها.. احم قصدي والله وعملوها الرجاله ابويا وعمى

جمايل سلمت عليها وقالت.. يلا يا بت على المطبخ مع مرت عمك واخواتك

امل.. بخش المطبخ ما اخشش ليه اصلا وحشنى بس هنه ولا هنا حاكم هم قسموا المطابخ كمان

جمايل.. المطبخ ده منا للصبح هنرجع كل حاجه كيف ما كانت زمان.. قال ان غاب القط العب يا فار.. سنتين اغيبهم ارجع الاقيهم عاكين الدنيا والله خلاص القوالب نامت واللنصاص قامت..

امل دخلت المطبخ وكانو كلهم بيساعدو بعض لتجهيز سفرة الافطار.. بتعاون بينهم كان فى نكش من حليمه وعبير بس خفيف.. وعلى اذان المغرب كان امام في الشارع هو وبنته بيدو العربيات الماشيه البلح والمغرب ادن.. جمايل قالت&;

كل واحد ياخد بلحه وعصير يكسر صيامو بس وتصلو المغرب وتاجوا تاكله من هنا ورايح مش عايزه اشوف واحد فيكم فايت فرض.. الصلاه هي اللي بتنهى عن الفحشاء والمنكر وعن اللي نهانا منه رسول الله صلى الله عليه وسلم يعني

ماجد&; ايه انتى هتخلينا لبعد الصلاه انا بستنى المغرب ياذن بالعافيه عشان اكل

جمايل&; لابارك الله فى عمل ينهى عن الصلاه.. فى عهد رسولنا الكريم زمان.. كان لو الصحابى رافع الفاس والاذان اذن يرميه لورا ما يدقهوش فى الارض خوفا من انو يبقى بدا العمل عن الصلاه يلا.. .

امام كان بيأمهم فى الصلاه والرجاله مصفوفين وراه.. والستات وراهم.. وصلو جماعه وخلصو صلاه والتفو على سفرة الافطار

وكانوا قاعدين كلهم على السفره وامام قال&;

عارفين انا اول مره اصلي فرض بره الجامع بس مع ذلك مش زعلان لانه كان جماععه ربنا يجعلها جمعه صلح كده وربنا يديم الجمعه الحلوه يا رب ويجعله عامر بحسكم

جمايل.. امين امين يا ولدى

وخلصو فطرتهم وبعد شويه راحوا سوا على صلاه التراويح التراويح ورجعوا على البيت مع بعض وقعدو يتفرجو على برنامج سوا.. حسين قال..

لحظه بس في حد بيتصل عليا.. الو وعليكم السلام ورحمه الله وبركاته&;. ايوه.. ومالو يا ولدى تشرف..

وقفل معاه وقال.. عمر جاي بكره عشان يطلب يد سحر

عبير وقفت وقالت&; اهو اهو يا حليمه لف لف ورجع لبتى تانى يا حربايه عملتى المستحيل عشان تاخديه يا حربايه بس خلاص راجع تانى لينا

حليمه.. هو انا اللى عملت المستحيل عشان اخده ده انتى اللي خطفتيه من بتي لما كانت في الجامع معانا وانتى سحلتيها هنا يشهد ربنا كان جاي لبنتي انتى اللي سرقتيه يا حراميه انتة وبنتك اللي حربايه اكتر منك بس هنقول ايه يقلب القدره على فمها تطلع العايبه لامها

عبير.. والله ما عايبه الا انتى يا عايبه يا شايبه يا

حليمه.. مين دى اللي حربايه يا ديه&; يا عصايه غليه في الرمه مرميه.. يا جلدة حنفيه

جمايل بغضب&; بسسي خلاص البت سماح هياخدها ماجد ولد عمها خلاص ما تطلعش بره واحنا عندنا عريس في البيت ما شاء الله ماجد هيتجوزها خلاص

ماجد بفرحه.. انا انا ايوه انا ماجد والله.. بس لقى عبير بتبصله بضيق قال.. مين يعني انا ليه الكلام ده يا عمتي يعني كنتى فاكرة فيها قبل ما تقوليها

جمايل&; انا فكرت احنا ما عندناش بنات تطلع بره&; انت تناسب عمك انت اولى من الغريب

عبير.. مش هخلى ولدى يناسب حليمه

جمايل.. ولدك ما هيناسبش حليمه.. سماح بنت حسن وحسن اخو حسين واللي يصيب حسن يصيب حسين لانو اخوه ولو فيه غلط فى حسن يبقى فيه غلط فى حسين وحسين ابو ولدك يعني انتم كمان معاهم يا عبير

ماجد.. يا عمه جمايل والله يتسقفلك

حليمه.. انا بتى لو كتمت نفسها بيدي ما هديهاش لعبير واصل سمعتو

جمايل.. انتى ما هتديش بنتك لعبير هتديها لماجد ولد حسين ده راجل ملو هدومو مش عيل وتحت وصايه امو فضو عاد مش هناخد السنه نعيدو ونزيدو فى المواضيع نفسها.. بكره ان شاء الله هنقعد مع ناس الواد ونقرا فاتحة الاتنين وتبقى فاتحه خير علينا كلنا وفاتحه للصلح باذن الله&;

وتانى يوم باليل جيه عمر وامو وقعدو واتفقو على المهر والشبكه وكل حاجه&; واتفقو لسماح وماجد كمان بعد محاولات كتير من عبير وحليمه بس فشلت كلها بوجود جمايل.. وبقم يقروا الفاتحه سوا&;

وبقو سوا فى البيت والشغل كمان كان تمام على النظام اللى حطتو جمايل وفى يوم حسن وحسين كانو راجعين سوا وحسن قال..

عاوز اقولك اسف كنت شايف الموضوع كبير مش مجرد اتنين حاطين حبل فاصل ده كان قطاع ليك وكنت مستنيك تاخد خطوه انت وتراضينى عشان كرامتى قدام اهلى مرتى وعيالى

حسين.. انا كمان كنت مستنى منك كلمه لانى ندمت قوى عليك بس شكلى ما كانش هيبقى زين لما ارجع انا اصالح كنت هبقى رجعت زى الكلب

حسن.. لاه كنت هشوفك احسن منى

حسين .. طب ليه ما جيتش

حسن.. كنت بقول ليه انا مع انو حرام رسولنا الكريم عليه الصلاه والسلام قال.. لا يحل للمسلم ان يهجر اخاه فوق ثلاث.. وكان يقصد اخاه في الاسلام اش حال اخوه من امه وابوه.. الكرامه خدتنى

حسين.. فى خلافات حتى لو كانت كبيره بتحتاج لخطوه واحده بس وتتحل.. بس احنا بتاخدنا الكرامه وكل واحد بيبقى مستني التاني هو اللي ياخد الخطوه دي.. وللاسف الخطوه دي مش بتيجي باي شكل.. اتمنى كلو يعتبر مننا ولو فى حد عامل كده زينا ياخد الخطوه ويصالح هو حتى لو هيبقى شكلو وحش بس ما فيش اى حاجه تستاهل نغضب ربنا عشانها..

حسن.. وبنحرم نفسنا من نعمة الاخ اللى ربنا انعم علينا بيها.. حاولو وحتى لو ما نجحتش يبقى ربنا عارف ان احنا حاولنا.. الرسول عليه الصلاه والسلام قال خيركم من يبدا بالسلام..

بكده تكون خلصت قصتنا بس احب اقولكم ان ربنا قال فى التحذير من قطيعة الرحم: {فَهَلْ عَسَيْتُمْ إِن تَوَلَّيْتُمْ أَن تُفْسِدُوا فِي الْأَرْضِ وَتُقَطِّعُوا أَرْحَامَكُمْ * أُولَٰئِكَ الَّذِينَ لَعَنَهُمُ اللَّهُ فَأَصَمَّهُمْ وَأَعْمَىٰ أَبْصَارَهُمْ} [محمد: 22-23].

اسال الله العظيم رب العرش الكريم ان يجعلنا واياكم من اهل النعيم&; اللهم اجعنا من من ترضا عنهم يا رب.. وان لم تكن راضي عنا ف غيرنا حتى ترضى عنا.. امين يا رب العالمين وتقبل الله منا ومنكم صالح الاعمال ان شاء الله

اقرأ ايضا –

الوسوم روايات جيجي