لا صدّ قلبي صد من دون رجعة الفصل السادس والعشرون 26 - بقلم sajeda🇹🇷

ناظرت في شكلي .. مرتب وناعم .. وأهم شي ماحطيت كحل ثقيل

على اني توني عروس .. هه والله سخريه

اندق الباب .. خفت وش يبي – تبي شي

فتح الباب وبسرعه عطيته ظهري مابيه يشوف كشختي

تحنحن – تأخرنا خالي دق ينشد عنا

رحت بسرعه أخذ عبايتي .. كنت ابيه يوم يشوف عبايتي يطلع

بس شكله عاجبه براد المكيف لانه جلس قريب منه

مدري وش أسوي أرتبكت

سمعته يقول – نوره مافيه غير هالفستان

لفيت وجهي عليه وانا ماطه عيوني – نعــــم

أشر على الفستان وهو يقول – ماأضمن عيال خالي مايجونكم

وهالفستان ضيق على جسمتس غيريه

يويلي .. بلعت ريقي .. وحاولت أحتمي بالعبايه .. صدق وقح

مدري وش اسوي اربكني – زين اطلع ابي اطلعه

وقف .. وناظر ساعته – زين تلقيني في السياره لاتأخرين

يوم طلع ركضت للمرايه .. ناظرت الفستان على جسمي .. يويلي

فضيحه ضيق من عند مناطق ومبرزها .. بلعت ريقي

ووجهي حمر .. بسرعه طلعته ولبست الثاني .. كان زين ومرتب

وأهم شي ناعم .. لبست العبايه ونزلت للسياره .. لقيته فيها

ولابس نظراته .. ركبت جنبه وانا مدري ليش اخاف بقوه وقلبي

يدق

معلي على المكيف .. وجهي أحمر .. وحالتي حاله .. يويلي

هالإنسانه وش بتسوي فيني .. ركزت المكيف على وجهي

وأحس اني ماهب في وعيي .. غمضت عيوني وفتحتها

والنظاره احس انها شايله نص الحمل عني .. لاتروح نظراتي

إلها وانا ماهب ناقص

ريحة عطرها مدوختني ومكمله علي الجو .. الله يغربلك

ياإبليس .. ربطت حزام الإمان .. وانا احاول اعتدل في جلستي

واسيطر على ربكتي وحركت السياره

سطره على وجهه بقوه – وش تعرف انت !!

مسك خده وناظر فيه – مو من حقك تضربني

تله من مقدمة ثوبه وصرخ في وجهه – اجل من حقك

تخطف زوجتي من السوق

تدخل الضابط عبدالله – ضاحي اهدى

نزل راسه اللي خطف الجازي

نفث في وجهه بحرقه ضاحي – انت وش تعرف قلي

خاف ونزل راسه – ماعرف شي

سطره كف ثاني – إلا تعرف وتتبعونها لكم فتره التهديدات

اللي توصلني .. ماتوصلني عبث

خاف وارتعب – انا مالي دخل

عرف ضاحي انه وصل للخيط الإول وناظر في عبدالله

وفكه – اجل من اللي يعرف

بكى وهو يقول – ابو سند هو اللي أمرنا

مط عينه ضاحي ابو سند ماغيره .. المجرم المخيف .. هجم

عليه مره ثانيه وتله بقوه مع صدره وقربه منه – والحرمه اللي

معك منهي لاتكذب وتقول امك

حس انه انهار وقال – هاذي متفق معها ابو سند انا ماعرفه غير

يوم وجهونا

دزه على الكرسي بقوه وناظر في عبدالله وهدد – ان ماطلعتوا

لي بو سند وعرفتوا مكانه من هالحيوان اليوم ان قتله على يدي

خاف المجرم وقام يرجف .. يعرف ضاحي أخطر شخص في

مكافحة المخدرات .. الكل يعرفه .. مافيه تاجر مخدرات

ماسمع عنه .. احبط الكثير والكثير من هالعمليات .. عنده

حنكه .. ويعرف يتصرف .. يعرف المجرم من الضحيه في

المداهمات .. ملم بعلم النفس وبقوه

طلع ضاحي وهو يقول – الليل راد لكم .. هالحين انا مجبور

اروح

طلع وبدأ عبدالله يحقق مع اللي قدامه .. وبدت الخيوط تنكشف

والحق يظهر ويبان

دخلت البيت وانا عارف ان اليوم بتصير بلبله .. الله يعيني على

اللي بيصير .. غصب عيوني راحت للملحق .. تذكرتها وتذكرت

ايامي معها .. صدق اني فقدتها

اتجهت لملاحق الريجيل .. طليت فيه مالقيت أحد .. غريبه ماأحد

وصل .. مشيت متجهه للمطبخ لقيت امي واقفه فيه مع الطباخ

وتعطيه أوامر .. عشان الذبايح

ماصدقت يوم شافتني هجمت علي – انت وش جايبك ماتستحي

على وجهك لانا ولابوك ولاحرمتك طايقين نشوف وجهك

دخلت المطبخ عندها وأخذت كاس مويه – انتي بس اركدي وكل

شي يصير زين

صرخت علي وتفشلت من الطباخ – وش اركد حسبي الله عليك

ابك انا مالي عين اوري وجهي لشيخه وش اقول إلها هاااااااااااه

انت وين بتلقى مثلها .. خاف الله تراها حتي هي مستقطعه على

الضنا

بلعت المويه مره وحده – دخيلتس يمه

قاطعتني – ومن هي بنته اللي أخذها مالقيت غيرها وسميه المطلقه

اللي رجالها عايفها هااااااااااااااه

ناظرت فيها – لاتهرجين عليها دخيلتس يمه

ردت فعلها تروع – اقطع اقطع ياللي ماتنتخي ولا تقدر .. تزوج

على بنت عمك اللي لو تلف السعوديه بكبرها ماتلقى مثلها

يوووووووووه كملت بدخول التعبان – هه اجل صدق العلم

اللي اوحيته

ناظرت فيه بقوه – انت اخر إنسان له حق يقول رايه في

اللي يخصني خلك بعيد وتسلم مني

ناظرت امي فيني وفيه – انا دائم اسأل نفسي انا وش سويت في

دنياي عشان ربي يبتليني فيكم

طلعت من المطبخ وهي تبكي .. ولحقها دلوع امه

حطيت الكأس وانا اتنهد افففففففف الله يعدي اليوم على خير

طلعت من المطبخ متجهه لمجلس الريجيل .. فتحت البوابه الكبيره

ناظرت الجو فوقي وانا لابس النظاره الشمسيه .. الجو زين براد

وفيه غيوم

شفت الشغاله تحط الدلال ثم راحت يوم دخل فارس متكشخ – اوه

انت هنيا

ناظرته وانا اطلع النظاره – ليش مافتحت البوابات والناس جايين

جلس وهو يحط رجل على رجل – والله توني قمت مكسل البيرح

جايني ارق بغيت مارقد .. إلا تعال صقيران فذمتك بتأخذ وحده

مطلقه

ناظرته بنص عين – وانت وش دخلك انا اللي بتزوجها ولا انت

قال شي صدمني – شيخه ماهب مصدقه

ناظرت فيه – وش تقصد

قالي – اقصد انها امس مو بوعيها وردة فعلها ماراح تعجبك

نفثت الهواء اللي بصدري – تذلف معاد تهمني

ناظرني – من قلبك

قلت له – ايه ,, ويالله قم صب القهوه جونا ريجيل

جتني عمتي وهي تناظرني – انتي لين هالحين مارحتي فوق عجلي

العرب بيدخلون وشينه تظهرين مع هالباب

قلت لها وانا في قلبي نار شابه وظهري يعورني – ماهب لازم

يعني لازم اروح فوق عنده عشان يصدقون هالكذبه

لامتني وهي تقول – بعد وش نسوي هاذي السلوم

طلعت من الغرفه وانا اتسحب .. وحاسه بالذل والبشاعه في اللي

قاعده اسويه .. رقيت الدرج .. ومشيت ووقفت في الصاله

وجلست فيها وانا اقول بخاطري بحتريه لين يطلع ماهب لازم

ادخل له

جالسه في الصاله ومتفيزره وجدتي عندها يوم نزلت عليهم

وهو وراي مت قهر تاركته في غرفته يلبس ليش لحقني ..

تمنيتها بلحالها عشان انشدها عنه .. انا عمري ماشفت حد بهالحاله

بسرعه ضرب في راسي صورة خالي عبدالستار .. ايه ايه

كان سكران .. ليش انا غبيه بهالشكل .. ألتفت له وشفته يغني

ويعدل في شماغه .. ناظرت في أمه ولقيتها تسولف مع جدتي

خدعوني .. خدعوني

مستحيل ارجع معه .. لو يحب السماء مارديت له .. يعايرني

ويذلني وفي الإخير انهان ويكون سكران .. حسيت بدوخه قويه لفت

راسي كنت بطيح .. وهو مسكني .. دزيته بقوه عني .. حقير

ياناس حقير .. يعرف يتقن الدور صح .. قدام أهله شي .. وعندي

شي ثاني .. لو تشوفون بشاعة كلامه لي وانا في حظنه

يموتني وهو يقول – انتي حلوه بس لو مو عرجاء يعني يوصلني

السماء ثم يرميني بقوه في القاع .. شفتوا مهانه هالكثر

دمعت عيوني مقهوره ( يعني ايش تزوجت رجال يسكر غير انه

مايعرف ربه .. يبي يدمرني )

سمعت صوت جدتي اللي ردني للواقع – يالله تأخرنا عجلوا

شفته مشى وتركني في هالدوامه .. حسبي الله عليك وعلى امك

وعلى اللي يدري عن وضعك وتاركني اعيش الكذبه معك وانا اتأمل

ان اقدر اصلحك واعيش الباقي من عمري معك

مشيت وراهم وانا ماسكه دموعي .. ركبت وراه وحاسه بالخنقه

ودي بهواء

سمعته – اقولتس يمه تراني ابي من ابوي فلوس

طاح من عيني يطلب من ابوه فلوس .. امحق مرجله

سمعتها تقول – وش تبي فيها

فهيد – بسافر انا وسياف لإستراليا .. والله نايف طلع اذكانا

كلنا

ناظرته وانا حاطه يدي على قلبي لايجيب فضايحه عندهن

جدتي – ليه وراه

قال – قال لعمي ابي ميتين ألف عشان اتجهز

عمشاء – ماهب مسافرين

ألتفت عليها ( قوية وجهه .. صديت عنها ) ودلوع امه قال – لا

هو عنده شغل

قالت وبفخر حسيته في صوتها تقهرني – اجل مشاءالله على

سعد وريم بيروحون فرنسا

مت قهر .. آآآآآآآآآآه ياحظتس ياأختي .. كنها داريه عن وضعها

هاذا اللي جنتيه بيدتس ياساره .. ذوقي الغل ذوقيه وانا اختس

صفرت هند يوم شافتني – انتي شيخه

ناظرت نفسي ثم ناظرتها – فيه شي

قالت وهي مستغربه – طالعه قمر وش اللي مسويته بحالتس

حسيت اني جاهله .. اختي انقدت علي كيف الباقيين .. علشانه

بيعرس عليتس ياشيخه قمتي تزينتي .. رديت على نفسي .. بس

ابيه يذوق الغل والقهر .. يشوف زيني ولا يطوله .. زيني اللي

متأكده انه يأثر عليه .. كم مره ترجاني اتزين له وانا اكره

هالحركات .. بس هالحين انا ناويتن عليك يا .......... ـه

طلعت وانا احس بنار تشلع صدري .. ماني بنت ناصر

ان ماخليتك تركع تحتي ياصقيران بس اصبر علي .. عهدن

قطعته على نفسي .. مشت وراي هند ونحن نقرب من المطبخ

يوم شفنا فارس واقف عند الطباخ يستعجل بالقهوه

كنه استغرب ومط عينه يوم شافني .. قرب منا ( واشر علي )

وهو يقول – انتي شيخه !!

ناظر في هند وشفتهم كاتمين الضحكه .. هين كن علي منكم

علي منه هو .. والله اني لاخليه يحلم فيني ولايلقاني صبره علي

بس

دخلت علينا نوره وهي تقول – زين انتسن هنيا ماابي ادخل على

الحريم بلحالي

ناظرت فيني – شيخــــــــــــــــه ( وهي ماطه عيونها )

علامهم العالم علي .. لهدرجه متغيره .. ماعلي فيهم انا متأكده

انه بيحاول يشوفني واوريه الشغل صح

دخلت داخل مطنشه الجميع .. وانا اوعد نفسي ان هالشي مايأثر

علي .. وفي داخلي متأكده ان صقر يحسب اني بركض للدوادمي

وانا ابكي على فراقه .. بس لا بيكون ماعرفني لو توقع هالشي

مني .. انا لين اشوفه ينذل تحتي .. ساعتها ترجع لي كرامتي

عند الحريم اللي كانوا متوقعاتني ماأدخل عليهن .. ومثل ماأشوف

عيونهن المصدومه فيني .. تراني شيخه بنت ناصر معاش من يحني

راسي .. ماينحني هالراس غير للي خلقه

حسيت بالخجل وهو يسكر لي السحاب ويبتسم .. وانا حاسه اني

ارجف بقوه .. ثبتني على المرايه ووقف وراي وناظرته وناظرني

وابتسم بشوق .. باسني على راسي بقوه وقال – الله لايحرمني

منتس يارب

نزلت راسي مستحيه من كلامه .. مسك يدي وهو يقول – يالله

تأخرنا العرب يحترونا

طلعت وراه وانا ألبس عبايتي .. مسكني بيدي ونزلنا يوم

ركبنا السياره فتح شنطة السياره اللي قدامي وطلع منه علبه

فتحها وكانت إسواره وخاتمها .. كانت فخمه بالحيل .. لبسني

الإسواره وهو يقول – احلى من الإسواره لباسها

ماقدرت ضحكت على كلامه .. ودزني – ماعندتس رومانسيه

ابد

قلت له وانا اسكت نفسي – تراك قالب المثل

ضحك وقال – ماعليه بشتريلتس عقود ماهب عقد ترى العمر

قدامنا

استحيت منه .. بيحسبني طماعه يافضيحتي

قال وكأنه يبرر – انا احب اخرب .. بس معتس بتعلم اقتصد

شوي .. اهم شي بنستانس في سفرتنا هناك لاني مجهز لتس

مفأجاه بتعجبتس

مسكت نفسي لاحط راسي على كتفه واقول اهم شي انت ماأبي

شي غير وجودك جنبي الله لايحرمني إياك

حرك السياره يوم سمعنا تلفونه يدق .. قطع نظرات العيون اللي

تحكي .. فتح الخط وحطه سبيكر وكان فارس- انت وينك يالمعرس

ضحكت وانا امسك يدها – انتم وش تبون فينا

قال – ابوي وجدي وعمي هنا متحلفين فيكم

عصبت – لا عاااااااااد تراهم زودوها لايخلوني اسحب ولا اجيهم

تراهم سنييييييييييييييييييييين ( ويقوله بقهر واضح ) حارميني

من حبيبتي

ريم حست بالفشيله يوم ضحك فارس بقوه – بعدي اخوي ايه

عليك فيهم يارجااااااااااااااااااااااااااااااااال ( يقولها بمغزى واضح )

شاركه الضحك سعد وانا وجهي صار اسود من الفشيله وفكيت

يده .. وهو يلتفت علي وانا أصد عنه قهرني