رواية لا تغيرت قل لي دنيتي وش تكون ! جثةٍ و إدفنوها داخل ترابها الفصل الحادي عشر 11 - بقلم Misoo

مرتاح ولا يتصنع قلبك الراحه
شايل في خاطرك ولا البال متهني
مجروح ولا شفى قلبك من جراحه
زعلان للحين والا راضيٍ عني
شخبار قلبك عسى ما فارق افراحه
ادري جرحتك وشلت بخاطرك مني
خسران بعدك وقلبي ضاعت ارباحه
غلطان ادري وابي منك تسامحني
تدري عيوني بغيابك ما هي مرتاحه
تبكي على فراق طيفك وانت ذابحني
ياللي ذبحني غلا شكرا على رماحه
اللي طعني بها وما يوم ريحني
جيتك من الشوق والاشواق ذباحه
اسال عيونك عسى للحين تذكرني
راضي بجرحك وانا ما اتصنع الراحه
تكفى عشاني ابي ترجع وتسمعني

البارت الحادي عشـر:

في شـركه خالد كانت مريام جالسه على اعصابها، الوضع كان فعلا غريب، خالد رجع للشغل بعد ما كان تعبان و مع ان الدكتور طالب منه يرتاح، وبعدها دخل احمد و طلع و دخل تركي و رجع احمد مره ثانيه مع ابوه و طلع احمد و بوتركي و بعد فتره طلع وراهم تركي و دخل محامي خالد الخاص، وطول عنده و بعدها طلع بعد ما عطاها نظره غريبه، الجو فعلا كان متوتر.
خالد على الانتركم: ميرايام!!
ميريام: Yes!
خالد: تعالي ابيك!
ميريام: حاضـر.
دخلت ميريام و قربت من خالد اللي كانت قدامه مجموعه اوراق، اشر لها تجلس وهو مبتسم ببرود.. و عطاها ثلاث اوراق ثنتين كانت نفس اللون و الثالثه مختلفه.
خالد: هذول لك!
من غير تفكير ميريام بدت تقرا و توسـعت عيونها و ارتسمت ابتسامه كبيررررررررره على وجهها، كانت الورقه الاولى عباره عن صك ملكيه شقه في افخم احياء لبنان باسم ميريام، والثانيه كانت عباره عن تحويل مبلغ وقدره ثلاث ملايين ريال في حسابها الشخصي.. من الفرحه قبل لا تفتح ميريام الورقه الثالثه .. قامت من مكانها و راحت لعند خالد
ميريام: thaaaaaaaaaaank you babe,,, thank you
خالد حط يده قدامه علشان يمنعها من انها تقرب منه اكثـر: اقري الورقه الثالثه اول وبعدها اشكريني..
من غير تفكير بس الابتسامه اختفت من نزلت وجهها و قرت الورقه الثالثه: Why??????????
خالد: انا ما وعدتك اظل معك للابـد.
ميريام و الدموع و نظرات الحزن حلت محل الابتسامه: بس انا باحبك!!
خالد: بس انا ما اقدر ابادلك هذي المشاعر، انا اعطيتك اللي يضمن لك حياة سعيده في بلادك ،، جربي حظك هناك و ان شاء الله تلقين اللي يسعدك و يحبك بحق..
ميريام بصدمه: في بلادي؟؟ انت حتى ما بدك تخليني شوفك حتى!
خالد غمض عيونه و رجع راسه لورى: هذا افضل لنا احنا الاثنين،، وعلى فكره انت منتي الوحيده اللي طلقتها ..
ميريام بفضول: مين هيــفاء؟ سـالي؟ مديحه؟
خالد: سالي كلمتها من شوي، ومديحه بتصل عليها الحين؟؟؟
ميريام: وهيفاء؟؟؟
خالد: في القريب العاجل،، مع السلامه يا ميريام، سلمي عهدتك و اخذي مستحقاتك من عند المحاسب..
طلعت ميريام و الدموع اربع اربع على خدها، شكلها كسر خاطر خالد مع انه تزوجها لانها كانت تتلزق و هوي كان محرم هيفاء على نفسه.. ما قصـر معها و هي هما ما قصـرت حبته من كل قلبها لكن للاسف كان حب من طرف واحد ...
لما شاف خالد خيال ميريام و هي يغادر الغرفه تنهد وفتح ازاير ثوبه و بدأ يطالع السقف بتعمق..
خالد: مستحيل ياخذ احد فراغ قلبي اللي اخذته معاها في اليوم اللي رحلت فيه..
-
-
-
بـعد ثلاث سنوات من اختفاء سارا..
خالد كان يركض و التعب متملك كل جزء من جسمه في ممرات المستشفى الطويله، رجع من لندن و ترك امتحاناته اللي على الابواب و ترك الدراسه اللي المفروض يتفرغ لها و ترك معها كل شيء في سبيل انه يرجع و يشوف ابوه اللي وصله خبر خسارته و اصابته بازمه قلبيه...
شاف خالد الدكتور و هو يطلع من غرفه ابوه ركض صوبه و مسك كتفه: ابـوي؟؟؟ شلون ابوي يا دكتور؟؟
الدكتور: انت خالد؟
خالد: أي نعم يا دكتور توني وصل من لندن!!!
الدكتور: بصراحه انت تدرس طب يا سيد خالد و عارف خطوره الازمه القلبيه لشخص في عمر ابوك ووضعه الصحي..
خالد اكتفى بهز راسه.
الدكتور: احنا سوينا اللي علينا و الباقي على الله ثم على استجابته للعلاج خلال الايام الثلاثه القادمه.
خالد اخذ نفس عميق: الله كريم.
الدكتور: سيد خالد، ادخل و سلم على ابوك، من طاح و هو ينادي اسمك!!
خالد: ان شاء الله.
بـعد الدكتور عن باب الغرفه و سمح لخالد بالدخول ، كانت الغرفه بيضاء جامده في وحده العنايه المركزه، في منتصفها سرير كان عليه ابوه و الاجهزه كلها من حوله و موصله فيه.. تراجع خالد خطوه و قرب خطوتين في اتجاه السرير، ابوه اول ما شافه مد يده و حاول يقوم، بس خالد مسك يده و رجعه مكانه.
خالد بحزن: سلامتك يا الغالي!!!
بوخالد: خالد !!......... انا كنت خايف امـــــوت قبل لا اشــوفك!!
خالد: لا تقول كذا، راح تتعافى ونرجع البيت وانا خلاص ما راح اسافر بعد اليـوم، راح اقـعد معك و اريحك من الشغل...
بوخالد: لا يا خالد لا... انا حاولت بكل طريقه ممكنه احرمك من انك تصير طبيب،،، ضايفتك وانت تدرس علشان ما............ تحصل نسبه عالي،، عارضت سفرك و بعدك عني......... بكل الطرق عطيتك شقه عاديه ومصروف بسيط بس علشان تكره الدراسه و ترجع لي ،، لكنك تمســــــــــــــكت....... في دراسـتك و ما سمحت للظروف تمنعك منها، لكن حتى ..........غير قصــد ضايقتك بمرضي وانت على ابواب الامتحانات!!
خالد بابتسامه خادعه: لا تهتم اقدر اعيد الامتحان في أي وقت ابي انت بس ارتاح علشان تتشافى بسرعه و اقدر ارجع اكمل.
نزلت دمعه من عين بوخالد لما سمعه كلام ولده: بس انا ما استحق منك كل هذا الحب و التضحيه!!
خالد: افاا يا بوخالد اذا ما حبيتك احب منو؟؟
بو خالد: حتى وان قلت لك ان دراسـتك ماهي الشيء الوحيد اللي حاولت اخذه منك، وان هذا الشيء عكس دراسـتك نجحت في اخذه؟
خالد بثقه شبه مهزوزه: ايا هذا الـشيء فانا.......
بوخالد قاطع خالد وهو يتنفس بصعوبه: سارا...
خال توسعت عيونه و هو مستغرب ايش اللي ذكر ابوه بالذات بسارا بعد كل هذا الوقت: سارا؟؟؟؟
بوخالد و دمعه ثانيه تنزل من عينه: انا اللي حرمتك سارا يا خالد.........
خالد بصـدمه: ايش؟؟؟؟؟؟؟
بوخالد: من ثلاث سنين لما كنت معنا في الاجتماع حطيت لك منوم في العصير و في الاكل و لما تأكدت انك غبت كليا عن الوعي نقلتك المزرعه و اتفقت مع السكرتيره تمثل دور العشيقه مقابل مبلغ ضخم.... كل همي كان ان سارا تطلع من حياتك ...خصوصا بعد ما عرفت من عبدالله حقيقتها ...
خالد بصدمه اقوى و هو يضغط باصابعه على يده بقوه: عبدالله ........ ليش يبه ليش؟؟؟؟
بوخالد: لكـن........ هذا ما كان الشـيء الوحيد اللي سـويته؟؟
خالد: ها؟؟
-
-
بعد ساعه مع اختفاء سارا:
بو خالد كان متوجه لبيته الضخم و اللي كان متأكد انه خالي لان ام خالد اخذت الخدم كلهم معها للمزرعه، الابتسامه ما كانت مفارقه وجهه، خطته نجحت و سارا هربت و هي تظن ان خالد يخونها، و كذا راح تطلع من حياته و من حياة عائلته و حتى الطفل احتمال تنزله اذا حست انه راح يعيق حياتها في المستقبل و ان تمسكت فيه و هو شيء مستحيل من وحده لها ماضي مثل سارا فهم مالهم شغل فيه و متبرين منه حتى قبل لا ينولد..

كانت الاعتقادات و التخطيطات المستقبيله شاغله تفكير بو خالد من اللحظه اللي بلغها فيها بو تركي بنجاح الخطه بس قطع تفكيره صوت سمعه من عند باب البيت، كانت في مره واقفه عند الباب و تضربه بكل قوه و هي تأن و تبكي..
بوخالد: نعم؟؟
التفتت المره و رفعت غطاها عن وجهها : عمي؟؟؟
بوخالد: سارا؟؟؟؟؟
سارا و هي تمسح دموعها و تقرب منه : كنت انتظرك!!!!
بوخالد ما توقع ابدا انها تلجأ له كان متوقع انها تروح من غير رجعه: ماذا حدث؟؟
سارا: خالد خاني !!!
بوخالد وهو يتظاهر الصدمه: مستحيل!!
سارا وهي تبكي: لو ان احدا اخر قال لي لما صدقته، لاني كنت متأكده ان خالد لا يمكن حتى انه يفكر في خاااينتي لكني رأيتـــــــــــــه بعيني!!!!!!!!!!!!!!!!!!
بوخالد حس ان سارا شبه متردده في ترك خالد فقرر يستغل وضعها ويكرها فيه اكثر: تعالي يا سارا...
فتح بو خالد الباب لسارا و دخلوا لغرفه المكتب و بعد ما حس ان سارا هدت شوي بدأ يساومها...
بوخالد: والان يا سارا ماذا تريدين ان تفعلي؟؟
سارا والدموع رجعت تسيل من عينها بعد توقف ثواني : لا اعرف..
بوخالد: يجب ان تتركي خالد!!
سارا بصدمه من كلام عمها: اترك خالد؟؟؟
بوخالد: يجب ان تأدبيه على تصرفه نعم، ارحلي و اتركيه دعيه يتعذب وان كنتي لا تستطيع العيش من دونه فاطلبي أي مبلغ وانا مستعد ان اعطيك اياه..
سارا بقوه: هذا مستحيل!!
بوخالد: ماذا؟
سارا: مستحيل ان اترك خالد!!
بوخالد: بعد كل الذي فعله..
سارا: ان خيرت بين خالد وبين أي شيء اخر في الدنيا فساختار سعادته على كل شيء !! وسعادته هي في ان اكون بقربه وان رحلت فان خالد سيحزن ولهذا سابقى واتحمل رويته مع الاخريات، وعندما يطلب خالد مني الرحيل بنفسه فسوف ارحل و اضمن له سعادته مع غيري..............
بوخالد بدت اعصابه تثور بعد كل اللي سواه للحين متمسكه فيه: يعني مانتي ناويه تتركينا في حالنا يا ؟****؟**
سارا ما فهمت كلامه وحست بخوف من نبرة صوته اللي علت: عمي؟؟؟
بوخالد قام من مكانه ووجه معصب : مستحيييييييييييييييييييييييل اسمح لك تحطمي كل اللي بنيته.
بوخالد مد يده ومسك طرحتها و سحبها ، سارا خافت و ركضت بعيد عنه بس بوخالد كان اقوى منها و مسك سلسالها الطـولي ((هديه خالد)) وسحبهاااااااااااااا فيه بقوه..
سارا وهي تتألم كان بوخالد يخنقها بالسلسال بقوه: عمــــ..ي ... تــوقـ...ف ..ارجـــوك...
بوخالد وعيونه حمر من كثر ماهو معصب: خالد ولدي الوحيد وسندي في المستقبل مستحيل اتركه يضيع مني،، كنت أظنك نزه وراح يتركها بعد فتره (( اللي قاله له بوتركي في البارت اللي فات)) بس انتي ثبتي عمرك بالحمل وفوق هذا ان ظلتي في هذا العالم خالد راح يدور عنك دايما وراح يلقاك!!!!!!!!! لازم تموتين،، لااااااازم تطلعين من الدنيا اللي هو فيها!!!!
سحب بوخالد السلسال بقوه اكثر مما خلى الدم يطلع من فم سارا اللي بدت تأن وتشهق بصعوبه: خ ... خــ خــــااااالـــــــــــ......د.....
وانزلت يدهاا اللي كانت تحاول تفك يد بوخالد معلنه رحيل روحها من جسدها، بوخالد بعد ثواني قليله شال يده عن سلسالها اللي هو الشيء الوحيد اللي كان مثبت جسمها و سقط جسمها على الارض.. صوت سقوطها على الارض رجع بوخالد للواقع وانتبه على اللي سواه.
حط بوخالد يده على فمه وهو منصدم قتلها ،، قتل سارا زوجة ولده،، قتل سارا حبيبة خالد... ايش التصرف الحين؟؟؟؟؟؟؟؟
بعد نص ساعه دخل بوتركي اللي اتصل عليه اخوه وطلب منه يجي ضروري، استغرب بوتركي من منظر الغرفه ومنظر اخوه، الغرفه كانت مظلمة والكراسي مبعثره في غير أماكنها ووسط كل هذي الفوضى بوخالد حاط ايده على راسه و جالس على الارض قريب من شيء او شخص.
انصدم بوتركي وهو يشوف جسم سارا الميت على الارض: بوخالد!!!!!!!!1 ايش هذا؟؟؟؟؟؟
بوخالد: ما كان قصـدي والله!!!!
بوتركي: وايش ناوي تسوي الحين!!!!!!!1
بوخالد: ماادري ما ادري؟؟؟؟
بوتركي: لازم نتخلص منها !!! قبل لا يرجع احد ويشوفها
بوخالد: نتخلص منها!!!!!1
بوتركي: اكيـــد تبي خالد يرجع ويعرف انك ذبحت زوجته وولده!!!!
بوخالد: واذا تخلصنا منها ماراح يعرف!!
بوتركي: اكيـد و راح يعتقد انها انحاشت عنه لانه خانها!!!
بوخالد: واشلون ناوي تتخلص منها؟؟؟
ركض بوتركي للمطبخ ورجع ومعه اكثر من كيس زباله، لف جسم سارا فيه: ساعدني نحطها في السياره
بوخالد: ايش ناوي تسوي؟؟؟
بوتركي: يعني ايش بسوي بنظرك بندفنها برا الرياض في مكان محد يعرفه، وما ابي مخلوق يعرف بالسالفه لانهم ان عرفوا روسنا كلها بتطير...
بوخالد بخوف: اللي تشوفه.
وسـوا بو خالد اللي قاله اخوه وراحوا منطقه معزوله شـوي بعيده عن الرياض وادفنوا سارا من غير لا احد يعرف شيء عنها وظن الكل انها انحاشت عن خالد.. حتى خالد نفسه
-
خالد وهو يسمع كلام ابوه حس ان دموعه تنزل بقوه من عيونه: انت قتلتها!!!!!
بوخالد: سامحني يا خالد!!!!!
خالد بعصبيه: اسااااااااامحك؟؟؟؟ تبيني اسااامحك بعد ما ذبحت زوجتي اللي احبهاااااااااا بعد ما ذبحت ولدي اللي ما عرفت بوجوده!!!! بعد ما تركتني ثلاث سنين متعلق بامل هو انها بيوم ممكن ترجع لي انه ممكن في يوم اشوفها مره ثانيه، اني اعتقدت طووووووول الثلاث سنين ان قلبها قسى علي وتركتني اتعذب لفراقها!!!!!1 تبيني بعد كل هذا اسامحك..
بوخالد مد يده لخالد حاول يمسكه بس خالد دفعها عنه وطلع من الغرفه :خالــــــــــــــــــــــــــــــــــــــــــد!!! !!!!!!!!!!
بعد اللي صار خالد طلع و ما رجع لابوه في الغرفه في اليوم اللي بعده سمع خبر وفاته، كبت خالد اللي صار في قلبه وقتها و ما حب يطلع ابوه قاتل او انه تهاوش معه قبل موته، لكن غضبه من عمه دلل ان بوخالد بلغه بالحقيقه حاول بوتركي انه يتجاهل معامله خالد القاسيه له و يستمر في الشغل معه، خالد ترك الدراسه و تفرغ لاسترجاع ثروتهم اللي ضاعت علشان ما يبقى عنده وقت يتذكر فيه سارا و يحزن على اللي صار لها، ونجح نجاح باهر لكنه عاقب بوتركي في انه سجل كل شيء باسمه وما ترك لابو تركي أي شيء باسمه و ظل يذله على اللي سواه طول الوقت... اما عبدالله فخالد طرده من حياته نهائيا و قرر يتجنبه للابد حتى بعد ما شغل عبدالله الفلوس اللي عطاه ايها بو خالد ثمن لسكوته على اللي صار و فتح المستشفى ما فكر خالد يزوره او يعالج عنده مع انه من احس الاطباء في المملكه.
-
-
-
الذكريات مرت على خالد بالم فضيع ماضي حاول ينساه بس ما قدر ، لكنه اكيد راح يصنع له حياه جديده واللي ما عاشه مع سارا راح يعيشه مع غيرها ..
سحب خالد مبايله و اتصل على سـعود ..
سـعود: الو؟
خالد: هلا سـعود !!
سـعود: سيد خالد؟؟؟؟
خالد: سـعود من غير مقدمات ولا رسميات انا ابي اختك هنادي زوجه لي
سـعود: ايش؟؟؟
-
-
-
بـعد كم ساعه، في بيت بوسـعود:
هنادي كانت في غرفتها ما طلعت منها من رجعت من المستشفى تقرا مسجات ريم القـديمه، ودموعها تنزل بصمت..
" تدرين ان زوج المستقبل من اليوم يحوس يدور الجزمه ماهو لاقيها مع انها كانت قدامه طول الوقت كل هذا مستعجل يروح يشوف نتيجه الفحص"
" حياااتي مين قدك بتشوفين اليوم حبيب القلب لما تسوون الفحص"
"تدرين ان خطيبك راح اليوم يفتر على محلات الاثاث مع ان امي تقول له توو الناس".
.كانت كل ما نزلت تقدم المسجات وترجعها لذكريات صارت مستحيل تعود او تعيشها بعد اليوم :
آآآآه نـــااااصر....
هنادي لما سمعت ان صوت الباب يتبطل، امسحت دموعها و رفعت راسها علشان تشوف اللي دخل و مثل ما توقعت كانت امها..
ام سـعود: هنااادي!!
هنادي: اهااا هلا يمه!!!
قربت ام سـعود من بنته وقـعدت على السـرير: ليش حابسه عمرك؟؟ يا هنادي سعود غلط يوم شك فيك و غلط اكثر لما ضربك بس مثل ما تعرفين هو بزر يحاول يظهر بمظهر الرجال و مالقى غير الضرب لما حس بانك ضعتي وانتي مسؤوليته !!!!!!
هنادي: بس انا اخته، تربيتك وتربيه ابوي الله يرحمه اشلون توقع اني ممكن اكـوووون.... استغفر الله ..
ام سـعود: هنادي يا حبيبتي حاسه فيك و عارفه انه صعب عليك تتقلبينه بعد اللي صار ، بس لازم تنسين، علشان خاطري..
هنادي: ما يصير خاطرك الا طيب، بسامح سـعود، أي طلبات ثانيه يالغاليه؟
ام سـعود ابتسمت ولمت بنتها قريب... : يالله البسي و انزلي معي خواتك مسوين فارتي
هنادي باستغراب وعلى وجهها نص ابتسامه: فارتي؟؟؟ قصدك بارتي؟؟
ام سعود ضحكت: فارتي بارتي نانتي اللي يصير المهم صديقاتهم موجودين بيتحمدون لك السلامه لا تطولين !!
هنادي بابتسامه: ان شاء الله .
بدلت هنادي وحطت لها ميك اب خفيف علشان تخفي الكدمات اللي بوجهها و نزلت مع امها، استقبلوها صديقات مها ومنال ، بدور ودانه و اسرار و بالاحضان و الضحك والسوالف..
لما كانوا صغار بدور ودانه واسرار كانوا معجبين بهنادي لانها كانت حلوووووووه حييييل و شاطره ومأدبه و حتى بعد ما كبروا مازلوا يحبونها و يعتبرونها فرد سادس في شلتهم..
بدور بضحك: دانووو يا الدبه بسك خلصتي الحلااا!!!!!
دانه: انا اللي خلصته والا انتي يا الطويل، شكله الشحم بدل ما يصير بالعرض عندك يصير بالطول!!!
بدور: انا طويله وحلوه عكسك يا الدبه و الجيكره!!
مها: اقـــــول خوات سندريلا ايشرايكم تكرمونا بسكووووتكم شوي!!
بدور و دانه بنفس الوقت: احنا خووووووات سندريلا!!!! اجل انتي ايشتطلعين؟؟؟
مها: سندريلا طبعا ههههههه
منال و هي تغمز لها : ومين الاميـــــــــــــــــر ؟؟
حمرت مها و قرصت يد اختها من غير لا احد يحس، وبررت : ما ادري
دانه و بدور و اسرار ضــحكوا اما اسماء و هنادي ما كانوا دارين عن شيء..
اسرار: ايشرايكم نعلب لعبه نغير فيها جو؟؟؟؟
اسـماء: فكره حلوه بس ايش تبون نلعب؟؟؟
منال بخبث و هي تطالع اختها : صراحه ولا جرأءه
مها: لا ما ابيها سخيفه !!!
بدور بثقه اعترضت : لاااا يا حبايبي انا جايبه لكم فلم هندي روعـــــــه اعطي كل وحده الف ريال ان شافته و ما بكت!!
دانه: افففففف ومن وين لك يا الشحاذه الف ريال لكل وحده ..
اسرار: قصـدها ان شيء مستحيل انك تشوفينه و ما تبكين يا ذكيه ؟؟
دانه: قصـدك انا غبيه؟؟؟
مها : لا يا حلوه انتي مو غبيه الا سووووبر غبيه...
دانه بعصـبيه قامت و بدور و منال يتظاهرون انهم يمسكووونها : هدوووووني عليهااااا
هنادي ما قدرت تمسك نفسها اكثــر و انفجرت من الضـحك..: هههههههههههههههههههههه بس خلاص بلييييـز ماني قادره اتحمل هههههههههههههههههههههههههههههههه..
بـدور وهي تكمل ضحك: ههههه لا تخافين حبيبتي ثووواني و راح تبكين من الفلم..
بـعد ثواني جهزوا القـــعده و الشيبس و البيسبي و شغلوا الفلم (فيـرزارا : للي ما يعرفونه الفلم روعه لشاروخان و بريتي زنتا و راني مكرجي ، رووووووووووووووعه بكل معنى الكلمه )
-
-

في نفس الوقت في مجلس الرجال
كان سـعود قاعد على اعصابه و هو يسـمع كلام عبدالله اللي جاي وسيط بينه و بين نـاصر اللي جاي يأكد موعد ملكته مع هنادي..
عبدالله: يا سـعود الرجال غلط و الانسان ماهو معصوم من الغلط مثل تعرف، البنت للحين شارينها.
سـعود تأفف : والمطلوب؟؟؟
نـاصـر بثقه زايده: تظل الملكه على موعدها
سـعود: والله؟؟؟
عبدالله: كأن كلامنا ماهو عاجبك؟
سـعود: بصراحه أي ...
نـاصر و هو يحاول يتمالك اعصابه: ليش؟
سـعود: ناصـر يوم خطبت اختي المره اللي فاتت واقفنا و رحبنا فيك لانك رجال و النعم فيك و البنت ما كانت مرتبطة وقتها لكن بعد رده فعلك المره اللي فاتت.....
قاطعه عبدالله قبل لا يكمل: قلت لك ان اللي صار رده فعل طبيعيه لشخص في مكان ناصر، انت بنفسك سويت اللي اسوء منه!!!!
سـعود: من قالك اني رافض ناصر علشان اللي سواه في المستشفى؟؟
نـاصر: اجل ليش رافض نحدد الملكه؟؟؟؟
سـعود: لان في الوقت اللي تخليت فيه عن خطيبتك و هي في امس الحاجه خطبها واحد ثاني احسن منك بمليون مره و ملكته عليها الاسبوع الجاي....
نـاصر قام من مكانه وهو معصب : ايش
عبدالله: اشلون توافق على واحد ثاني و انتي معطي كلمتك لناصـر؟؟؟؟
سـعود حس انه محاصر بس قرر يقولها و اللي فيها فيها : تصرف ناصر في المستشفى حسسني انه ماعاد يبيها و الرجال اللي خطب هنادي ما ينرد و افضاله علينا كثير،، ما قدرت اقول لا...
نـاصر: منووووووووو؟؟ منو اللي تجرأ و فكر ياخذ خطيبتي...
سـعود: خالد الــ.......
عبدالله توسـعت عيونه و انصدم لما سمع الاسم: خااااااااالد ؟؟؟
نـاصر: هنادي ما يااااااااخذهاااا احد غيري لو ايش يصيييييييييييييييييير ...
سـعود بعصبييييه : اعلى ما في خيلك اركبـه.....
عبدالله وقف ناصر من انه يسوي اي حماقه و سحبه معه لبراا
سـعود فتح ازاير ثوبه و اخذ نفس عميق و هو يدخل اصابعه في شعر و تنفس بصعوبه: وينك يا يبا، والله المسؤوليه كبيره علي..

-
-
-

في غرفه البنات

......
Zindagi, le ke aayi hai, beete dinon ki kitaab
من اجل احلى الاوقات الماضيه اطوى صفحات كتابى
Ghere hain, ab hamein, yaadein be-hisaab
وانا محاط باذكريات الجميله التى تتلو على حسابى
Bin poochhe, mile mujhe, kitne saare jawaab
بدون اسئله وجدت الان ما اردت من جواب
Chaaha tha kya, paaya hai kya, hamne dekhiye
انظر ما الذى تعلمته من اجلك وماذا اصبحت من اجلك
Dil mein magar, jalte rahe, chaahat ke diye
لكن فى قلبى تشتعل نيران الحب
Tere liye, tere liye
فقط من اجلك كل هذه السنين

Kya kahoon, duniya ne kiya, mujh se kaisa bair
كيف اصف وحشية هذا العالم
Hukam tha, main jiyun, lekin tere baghair
امرت ان اعيش 000 لكن بدونك
Naadaan hai woh, kehte hain jo, mere liye tum ho ghair
غير معقول اولئك الذين يقولون لى انك غريب عنى
Kitne sitam, hampe sanam, logon ne kiye
اثقل هذا العالم كتفى بمحن كثيره
Dil mein magar, jalte rahe, chaahat ke diye
لكن فى قلبى تشتعل نيران الحب
Tere liye, tere liye
فقط من اجلك
Tere liye, ham hain jiye, honton ko siye
من اجلك انتى عشت كل هذه السنين بشفاهى مغلقه
Tere liye, ham hain jiye, har aansoo piye
من اجلك انت عشت كل هذه السنين اجفف دموعى
Dil mein magar, jalte rahe, chaahat ke diye
وفى قلبى نيران الحب
Tere liye, tere liye
فقط من اجلك كل هذه السنين

بعد فتره من المشاهده المستمره نزلت دموع البنات السبع كلهم بما فيهم هنادي اللي كانت تبكي لاسباب ثانيه، الفلم كان عباره عن تضحيه شاروخان الهندي لبريتي الباكستانيه و ضحى بحياته علشانها 22 سنه.
دانه تبكي و هي تاكل الشبيس بشراهه كانه تحط حرتها كلها فيه : والله انه فلم!!!!
بدور : اكيد فلم علبالك كارتووون؟؟؟
دانه: لا يا غبيه قصدي فلم يعني فلم قصه روعه...
بدور: اهااا فهمت والله عبالي شيء ثااني..
منال: هي انتوا الثنتين اكرمونا بسكوتكم نبي نكمل الفلم بهدوء مو كافي علينا بكي اسوره؟؟؟
اسرار كانت تبكي و تصيح بصوت عالي اصلا هي تبكي على اتفه شيء فشلون تكون رده فعلها على شيء مأساوي مثل فيرزارا: ه اه حرام عليكم والله .... اه .... اه ...ان قصتهم .....تقطع القلب..
مها الي كانت اقل تأثر فيهم: هي حزينه شـوي بس ما تستاهل كل هذا البكي منكم...
منال: وووواااي ما كانك قبل شوي تمسحين دموعك كل ما نزلت علشان ما نشوفها هههههه..
مها: حياااتوو هذي الدموع ماهي من الفلم هذي الدموع طلعت لاني كنت اتثاوب من الملل..
اسرار: مها بسك كذب حراااااااااام.
دانه: ماهي بس هي اللي تكذب شاروخ اكبر كذاااب.
بدور: نعم؟؟؟؟ منو هذي اللي تقول عن شاروخ كذاب هدوني عليها!!!
دانه: انا عندك مانع؟؟؟ اصلا مافي رجال في الدنيا يضحي بحايته علشان مره اصلا ما في شيء اسمه حب من الاساس!!!!
بدور: لا يااحياااتي في حب الدنيا ،، بس في مكان واحد عند الهنود،
منال وهي تغمز لمها: هههههههههههههههههههههه صح كلامك
مها عصـبت و كانت بترد بس اسرار سبقتها: ليش انتوا تفكرون كذا، اصلا الحب موجود بس الحب اللي قبل الزواج هو اللي ما هو حقيقي!!
منال: وانتي الصاجه!!
دانه: انا مايهمني يحبني و لا ما يحبني اهم شيء يكون عنده فلوووووس !!!
بدور: وووووووع اصلا أيش فايده الفلوس اذا كان وجهه على قوله المصريين يأطع الخميره من البيت،، لا يا عيوني اهم شيء يكون مزيووووووووون..
دانه: وعع ايش ابي بزينه اذا ماعنده فلوس يعيشني فيها !!
بدور: وايش فايده الفلوس اذا تخرعت في وجهه كل يوم الصبح لما اقوم من النوم؟؟؟
مها: عاد تدورن ان الصفتين هذووول موجودين في بو عبدالعزيز؟؟؟؟
البنات كلهم ماعدا منال: بو عبدالعزيز؟؟؟
منال وهي تغمز لاسماء: ههههههههه تروك خطيب اسووومه ... انا ومها قررنا نسمي اول ولد يجيبونه عبدالعزيز على اسم ابوي الله يرحمه..
اسماء حمرت و قرصت اذن مها ومنال اللي احرجوها ثانيا منو هم علشان ينادون تركي تروك ، هي بروحها لها الحق تسوي كذا..
هنادي استغلت انشالغهم و صـعدت لغرفتها كانت كلمات شاروخ في الفلم مأثره فيها حييييييل،، تذكرت ناصر لما كان دايما يقولها انه ابدا ما راح يتخلى عنها و انه دايما راح يكون جنبها و ما راح يخليها محتاجه أي شيء، لكن للاسف ناصر خذلها و تخلى عنها و عن وعده لها في اول ازمه تواجههم.
دخلت غرفتها و تمددت على السرير و سحبت موبايلها بتكمل قرأة مسجات ريم، استغربت ان في في رقم غريب متصل عليها عموما هي ما ترد على أي رقم غريب مهما اتصل بس فعلا غريبه يتصل عليها احد 11 مره في هذا الوقت المـتأخر صج قله ذوق طلعت من السجل و لقت مسجين من الرقم الغريب..
" هنـادي انا نـاصـر ، اسف على الازعاج اخذت رقمك من ريم بالقوه لانها ارفضت تعطينتي اياها، هنادي انا مازلت عند وعدي وللحين شاريك و ابي قربك،، هنادي انا احبـــــــــــــــــــــــــــــــــــك"

هنادي نزلت دموعها و هي تقرا المسج ، معقوله ظلمت ناصــر معقوله اللي قاله سـعوده عن رده فعله في المستشفى كذب<<< صج البنات خبلات ينقص عليهم بسرعه.

"هنادي انا كنت عندكم من شـوي اسأل سـعود عن موعد الملكه بس سـعود رافض زواجنا و يـقول اني ماني ما استاهلك وانه في واحد ثاني خاطبك ووافق عليه، هنادي ارجوك حاولي فيه ، هنادي انا من غيرك اموووووووووووووت...
وانا ما قــدرت لا تخافين محد غيري راح يخذك لو يصير اللي يصير"

هنا هنادي انصدمت: في واحد ثاني خاطبني؟؟؟
من غير تفكير نزلت و شافت البنات يطلعون من البـاب الرئيسي انتظرت شـوي وبعدها طلعت و راحت لسـعود في المجلس..
هنادي: سـعود!!!!!
سـعود استغرب دخول هنادي عليه بعصبيه بس قرر يتصرب معها بهدوء: هلا؟؟
هنادي: ليش رديت ناصـر؟؟؟؟
سـعود: منو قالك؟
هنادي: ماهو مهم منو اللي قالي، فهمني انت صحيح رفضت ناصر لانك ناوي تزوجني واحد ثاني؟؟؟؟؟؟؟؟؟؟؟؟
سـعود ما حب يجرح هنادي و يقولها الصج و هو انه رفضه لانه ماهو كفو يتزوجها و انه تخلى عنها و هي في حاجته و هي ما تزوجته فشلون راح يعاملها ان صارت بينهم مشكله في المستقبل: أي صحيح؟؟؟؟
هنادي بصراخ: مو من حقك، هذي حياتي وانا اقررها...
سـعود كان منصدم من رده فعل هنادي اللي في حياتها ما رفعت صوتها في وجهه: ناصر ما يتساهلك !!!
هنادي: و ليش ما يستاهلني ،، خلنا واقعين انا لا مال ولا سـمعه حسـنه!!!!
سـعود: لا تقللين من شـانك علشان واحد ما يتستاهل!!!!
هنادي: اذا ناصر ما يستاهل من اللي يستاهل؟؟؟
سـعود: خاااااااااااااالد...
هنادي بصدمه: خالد؟
سـعود: خالد خطبك مني اليوم، وانا وافقت وملكتك الاسبوع الجاي مع اسـماء..
هنادي و دموعها تجمعت في عيونها استعدادا للنزول: ما ابيه ما ابيه ...........
سعود هنا عصـب: وليش ما تبينه؟؟؟؟؟
هنادي: ما ابيه اكـرهه اكرهــــــــــــــــــــــــــــــــــــــــــــــ ــــــــــــه!!!!!!!
سـعود مسك يد هنادي بقوه و ضـغط عليها : سمعيني زين،، ناصر انسيه و غير خالد ما راح تاخذي فاااهمه؟؟؟؟
هنادي نزلت دموعها من عينها و هي تحاول تفك يدها من سـعود: الظاهر ان الطق صار شيء عادي عنك!!!!
سـعود ضايقته كلمتها سحب يده من يدها و لف ظهره عنها: سمعيني زين يا هنادي، خالد رجال ما يتعوض سامعه!!و احسن من ال***** اللي كان خاطبك..
هنادي بدموع : على ايش احسن منه، رجال اكبر مني 14 سنه !!!!متزوج من مده طويله وما جاله عيال اما البلا فيه و اما انه ماخذني مكينه تفريخ !!!!!!!!!!!!!!!!!!!!
سـعود: خالد مو كذا!!!!
هنادي بتحدي : الا كذا و ان كان عباله بفلوسه يقدر يشتريني مثل ما اشتراك فهو غلطان!!!!!!
سعود هنا فار دمه ما حس الا و يده تضرب وجهها بقوه رجعتها الارض مره ثانيه، بس هذي المره هنادي ما قدرت توقف في وجهه مره ثانيه طلعت من المجلس و هي كلها الم وحزن.
-
-
هنادي دخلت غرفتها بسرعه من غير ما تنتبه على اسماء اللي كانت تمسح مكياجها و رمت نفسها بقوه على السرير و هي تصيح بصوت عالي..
اسماء: هناااااااااادي،، اسم الله عليك حبيبتي ايشفيك؟؟؟؟
هنادي ما ردت عليها رمت راسها على صدر اختها و كملت صياحها بصوت اعلى، كانت حاسه بضيقه حاسه انها بتموت، دخلت منال و مها عليهم بعد ما سمعوا الصوت و حاولوا يهدونها ..
منال: هنادي واللي يسلمك لا تبكين امي تعباانه ان سمعتك بتتعب زياده.!!!
مها: هناااادي ارجوك قولي لنا ايشفيك،، واللي يسلمك يمكن ان قلتي الهم اللي في قلبك يهدى شــوي !!!!
هنادي: ســـ...عووود!!!
أسماء: ايشفيه سـعود؟؟؟
هنااادي:: ســـعود.............. يقول انه خالد خطبني......... وهو وافق عليه !!!!!!!
بسمه كبيــره ارتسمت على وجه اسماء لما سمعت كلام اختها : وهذا خبر ينزعل عليه ؟؟؟؟
هنادي استغربت ردت فعل اختها اللي قامت و باست راسها وهي تبتسم و بعدها مها و منال حضنوها وباست كل وحده خد،، منال : الف الف الف مبرووووووووووووك يا الغاليه و عقبالنا يا رب..
مها وهي ترفع عينها عاااااااالي: أأأأأأأأأأأمين في القريب العاجل ياااا رب..
اسمااااء ماتت من الضحك على خواااتها : يااا ربي انتوا ما تخلصون من هذي السيره؟؟؟؟ توكم صغاار!!!
مها ومنال بنفس الوقت: لااا ما احناا صغاار و بصراحه يعني بندعي من الحين يصير حظنا كبييييييييير مثل حظكم خاطبينكم مليوووونيرااات ومع انا ما شفنا خالد هذااا بس اكيد مزيوووون مثل ولد عمه تروك!!
اسماء حذفتهم بالوساده و قعدت تركض وراهم في الغرفه: انا كم مره قلت مالكم شـغل في تركي
هنادي كانت تشوف اسماء و خواتها اشلون فرحانين اكيد بيفرحون هم عبالهم خالد خاطبها حباا و رغبة فيهاا، ما يدورون ان امها عرضتها عليه مره ثااانيه و اكيد بدل ما يرفضها مثل المره اللي فاتت كسر خاطره وضعها الحالي وقرر يوافق يكسب فيها اجر و يستر عليها!!

 

دموعها رجعت تنزل من جديد و انتبوا لها خواتها، اسماء: هنادي ليش تبكين؟؟
هنادي: ما ابيه !!! ماااا ابيـــــــــه!!!
منال: وليش ما تبينه؟؟؟ مليونير و مزيون و يبيك؟؟؟
اسماء: اصلا كافي يا حلوه انه يحبك!!!
هنادي بعصبيه : وانتي ايش دراك انه يحبني؟؟؟
اسـماء وهي تضحك : نسيتي لما كنا صغار لما كان يزور ابوي الله يرحمه كان يجيب لنا هدايا معه بس كانت هديتك دايما غييررررر و احلى ، و يوم تغطيتي ضاق خلقه و قلل زياراته هههههه
مها ومنال : يعني واضحه هو كان يجي لمن ههههههههههههه
هنادي ضحكت ، ضحكت كثيرررررررر مو لانها فرحانه، لانها حست بسخافه كلام خواتها في نفسها : يحبني مستحيييييييييييييييييييل ،، لو يحبني حقيقي كان وافق علي يوم امي عرضتني عليه اول مره ، ما وافق بعد ما سمعتي صارت بالارض شفقه منه.... ما ابيه .,.... ما ابيـــه ..............
-
-
-
-

في بيت خالد:
كان الوقت متأخر لما رجع خالد البيت و طبعا هو من عادته لما يرجع انه يزور امه في غرفتها لكن بما ان الوقت متأخر قرر يطلع لجناحه على طول، لازم يتفاهم مع هيفاء قبل الكــل ..
............: خااالد!!
خالد كان ناوي يطلع الدرج بس وقف لما سمـع صوت امه تناديه، كانت جالسه وسط الظلمه في الصاله الجانبيه..
خالد ابتسم ابتسامته المعتاده و قرب يبوس راسها ..
خالد: مساء الخير يا الغاليه
بس ام خالد حطت يدها قدامه ومنعته يقرب منها..
خالد: افاا يالغاليه.
ام خالد: صحيح اللي قاله لي عمك؟؟؟
خالد بابتسامه ساخره: هو قال لك؟؟
ام خالد بعصبيه قامت: أي قالي !!! واللي صادمني اكثر انك محدد الملكه بعد من غير تحط لي أي اعتبار..
خالد : انا كنت ناوي اقولك بس...........
ام خالد: متى؟؟؟؟؟؟؟؟؟؟ لما تعيل؟؟؟
خالد اضطر يكذب: كنت صاعد لك!!!!
ام خالد : ما راح تتزوجها!!! سامع!!
خالد: ممكن اعرف السبب؟؟
ام خالد: علشان البنت ماهي من مستوانا!!! اذا كنت تبي عيال ليش ما قلت لي اخطب لك وحده من بنات خالتك، اللي كل وحده فيه تقول الزين و الاصل عندي!!
خالد بدا يتنرفز: بس انا ما ابي أي وحده فيهم انا ابي بنت بوسـعود، بنت الرجال الطيب اللي وقف معي طول عمره!!
ام خالد: وقف معك لان هذا شغله و غصب عليه يسويه، واشفيها البنت زود علشان تتعلق فيها !!
خالد: يمه هذي حياتي و انا حر فيها..
عطاها خالد ظهره و قرر ينهي الموضوع عند هذا الحد: خاااااااااااااااااالد!!!!(( التفت خالد لامه اللي تغيرت نبرتها)) لما تزوجت اللي ما تتسمى عارضنا بس انت قلت انها حياتك و انت تقررها و اجبرتنا ان نقبلها بينا و في النهايه يوم ما عجب ست الحسن و الدلال الوضع انحاشت و فشلتنا قدام العالم!!! و هذي المره الشيء نفسه بيصير...
خالد رمى شماغه على الارض وغطى وجهه بيده، وقال بصوت مبحوح: يــــمه!!!!!
ام خالد هنا خافت: خالد اشفيك يا حبيبي..
خالد عيونه كانت حمر: انا ما اقدر!!!!! انتي امي و هذي البنت.... سرقة قلبي من سنين ما اقدر ما اقدر اتركها لاحد ثاني !!!!!
ام خالد:ايش؟؟ ومن متى هذا الكلام!!!
خالد: من عرفت حقيقه اللي صار لسارا!!
ام خالد بصدمه: وايش اللي صار لسارا؟؟\
خالد: سارا ما تركتني،، ابوي و عمي هم اللي ابعدوها بالقوه...
ام خالد: وكيف ابعدوها بالقوه؟؟
خالد: هذا سر وعدت أبوي ما اعلمه احد، لكن اللي ابيك تعرفينه ان سارا ما خانتني و لا اختفت بارادتها ..
ختم خالد الموضوع عند حد و قرر يوفر طاقته للمعركه التاليه مع هيفاء...
دخل خالد الجناح و شاف هيفاء جالسه على الكنبه في الصاله كانت لابسه دراعه فخمه و رافعه شعرها ، شكلها المعتاد، منتظرته كالمعتاد كان خالد خايف شلون بيكلمها ..
خالد: هيفاء ابيك بموضوع مهم!!
هيفاء قامت من مكانها وقربت منه عيونها لحد الحين بالارض..: تفضل!!
خالد: هيفاء بصراحه انا.........(( قطع خالد كلامه لما شاف دموعها تنزل بثقوه من عيونها)) : هيفاء؟؟
هيفاء طاحت عند رجول خالد و كملت بكاءها: خالد ارجوك....... ارجوك لا تطلقني!!
خالد غمض عيونه ما حب يشوفها بهذا الشكل و قال ببرود: عمي قال لك؟؟
هيفاء كان صعب عليها ترد فحركت رأسها بالموافقه..
خالد: هيفاء تصرفاتك ابدا ما راح تغير اللي في بالي ، زواجي ما راح يوقفه لا دموعك ولا تهديدات ابـوك!!
هيفاء و هي تشهق بين كل لحظة و الثانيه: ومن قالك انـــ....ــي معارضــ....ـه زواجــ...ــك، انا بس ما ابيـــ....ـــك اه اه اه تطــلقـــني!!!

خالد كسرت خاطره و لينت قلبه اللي برده قبل لا يدخل: و ترضـــين تعيشين مع شــريكه؟؟؟
هيفاء: ارضــى حتى اكــون خ خــد.......ااااااااامه لــها، بس انت لا تتركني..
خالد: انا مستحيل اذلك يا هيفاء و مهما كان حبي للبنت ما راح اذلك عندها، خلاص ما راح اطلقك، بس نظل على وضعنا، انتي في غرفه و انا في غرفه!!!
هيفاء ابتسمت و اللي يشوفها يقول خلاص ما هو متزوج عليها: موافقه!!
خالد سحبها مع يدها و رفعها لفوق: اوكي........ ولااشوفك تسوين كذا بعد اليوم ...
هيفاء مسحت دموعها و ابتسمت له اكــثر: مشــكوور انا .........
رن رن رن رن...
قطع حوار هيغاء تيلفون خالد .. كان راشد مدير اعماله .
خالد اخذ الموبايل و طلع فيه لغرفته من غير ما يقول شيء لهيفاء ، الموضوع اللي يبي فيه راشد اهم عنده من هيفاء و ترجياتها ..بعد ما تأكد ان الباب متكسر و بعيد عن أذان هيفاء رد على راشـد...
راشـد: طـويل العمر!!
خالد: هلا راشد شـلونك!!
راشـد : الحمد لله دامني سامع صوتك بخيـر.
خالد: الموضـوع اللي كلفتك فيه!!! اخبـاره؟؟
راشـد: لقيناها !! و عرفنا الحقيقه بعد معاناه!!
خالد: لا يكون استخدمتوا العنف!!!
راشـد: افااا يا طويل العمر هذا ظنك فينا!؟؟؟ احنا تربيتك؟؟ لا تخاف استخدمنا معاها الوسائل المعتاده، بس هي طالبه الامان و انا وعدتها انك تعطيها اياه ..
خالد: أمااااان!!!! اجل السالفه ماهي سهله !!! مييييييين اللي بدل عينه دم هنادي يااا راشــد قووول لي بســــــرعه!!!!!
راشــد: ياا طــ...ــويل العــمر.... اللي بدلـــ...ــلهاا
خالد: تكلم يااااااا رااااشــد !!!!
راشـد: أحمد!!!
خالد: احمد من؟؟؟؟
راشـد: احمد ولد عمك يااا طويل العــمر!!!
خالد بغضب ضغط على الموبايل: احمدوووووووو الكـــلب انااااا ارااااويه!!!!!
راشـد: يا طـويل العمر ارجوك لا تعصــب اهم شـيء صـحتك والاستاذ احمد غلط و انتوا اهله مستحيل تغضب عليه علشان غريبه...... الو ؟؟ استاذ خالد؟؟؟
الاتصال بين خالد و راشـد انتهى لان خالد رمى مبايله في الارض و كسره لقطع صــغير وقـعد يســب و يلعن في احمد و في الدكتوره اللي لقها اخيـرا..
خالد: هيييين يااا احمد انا راح اعلمك اشلون تلعب مع اللي قلبهم مات من زمان!!!!
-
-
-

مـر الاسـبوع بســـرعه فائقه على الكل و جاء يوم الملكه، السعاده ملت البيت اللي مرت عليه فتره حزن طويله السـعاده كانت انواع عند اسـماء كانت كبيره لانها اخيرا بتتزوج، عند التـوأم اللي اخيـرا بيصـير عرس في بيتهم، على ام سـعود اللي بتفرع ببناتها، عند سـعود كانت رائـعه لانه انقبل في البعثه و راح يسافر بعد الاجازه و هو متطمن انه راح يكون عند اهله رجاليين بداله و احسن منه، اما هنادي في الوحيده اللي في البيت اللي ما كان في قلبها أي ذره فرح، سـعود اخذ موبايلها لما سـمعها تكلم ريــم و تترجاها انها ما تقفل الســماعه و انها ضـروري تكلم ناصـر و طبعا اخذت منه كم كف كرهت فيهم سـعود اكـثر، شـكله صـار يتلذذ بطقها..
هنـادي و هي تبكي:الــيوم الملكه، و من اليـوم راح اكـون ملكه،،،، ما ابيـه مااااا ابيــه
طــلعت أسماء من الحمام بـعد ما اخذت شــور بخااار طــويل تعدل فيه مزاجها و بشـرتها و شـافت اختها تشـوف نفسها في المــرايا و تكبـي..
اســماء: هنااادي؟؟؟
هنادي مسحت دموعها و ابتسمت لها: هلاا؟؟
اسـماء بخوف: ليش تبكين؟
هنادي بتوتر: لاا ما ابكي،،، جربت عدسات و عورني و قطيتهم..
اسـماء ما صـدقت كلامها بس حبـت تتظاهر انها صـدقتها.: عادي عمري عيونك الطبيعيه احلى من العدسات بمليون مره، المهم ادخلي الحين اخذي شـور وجددي نشـاطك، اليـوم يـومك هههه..
هنادي بابتسامه و هي تضم اختها: لا يااا حياااتي اليـوم يومك انتي ،، انتي وبس..
اسـماء ضــمت اختها اكثــر و بعدها استأذنت هنادي و دخلت الحمام تتروش و تتجهز لليـوم، طبعا هنادي كلمتها امها قبلها بيـوم و سـالتها ان كانت موافقه على خالد لان سـعود هو اللي بلغهم بوافقتها مو هي اللي قالت لهم و ما هي مثل اسـماء فرحانه في كل دقيقه و الثانيه، بس هنادي عللت المـوضوع انها كارهه انها تفارقهم و تطلع من البيت.
-
-
-
في بيت بوخالد: في جناح خالد
مـايا كانت جايه للبيت بوخالد علشان هيفاء طلبت منها تجي معها للملكه.. كانت لابــسه فستان احمـر قصـير للركبه و كـوكتيل من غير اكمام عليه كريستال ذهبي من جهة الصـدر مسـويه شـعرها مموج و حاطه ميك اب فل (( شـدو اسـود و لمعه و قلوس احمر) ولابسـه عقد ذهبي كبير و غالي
مـايا: وووووووواي بصراحه ما توقعتك كذا ما عندك كرامه ..
طلعت هيفاء من غرفتها و هي لابسـه فستان اسـود طـويل عاري الظـهر بـس فتحته من قدام صـغيره طـويل و لام على جسـمها كـله لحد فتحه قصـيره تحت الركبه و رافعه شـعرها كله لفوق و لابسـه طقم الماس صـغير و حلق كبيـر، حاطه ميك اب ناعم شدو رمادي و قلوس وردي.
هيفاء بهدوء مصطنع: وليش ماعندي كرامه؟
ماااياا: وااي هذي اللي بتجنني!! في وحده تروح ملكه زوجها؟؟؟؟
هيفاء: انا رايحه ملكه اخوي تركي، مو ملكه خالد.
مايا : والله ملكه تركي ملكه خالد، كل واحد مو ماخذين خوات، الله عاد و الخوات ووووع جياكر مثل خواتهم اللي معاي في المدرسه افففف ما ادري شلون نزلوا لهذا المستوى ووع ..
هيفاء بحزن: الله يوفقهم
مايا: ووووووواااي انا ان قـعدت معاك دقيقه زياده بنجن!! انا نازله..
اخذت مايا عابتها و طرحتها الشفافه اللي ما ادري ليش لابستها من اصله و نزلت ..
هيفاء اول ما طلعت مايا حاولت انها ما تبكي كانت تقنع نفسها انها ان بكت مكياجها بيخترب و بتتأخر على ملكه اخوها الغالي...
-
-
-
في بيت بوهادي.
ام هادي كانت جالسه في الصاله و كل ساعه و الثانيه تطل من الدريشه العاكسـه و تشـوف السـيارات الغاليه و الفخمه و هي توقف قدام بيت بـوسـعود المتواضـع ..
ام هادي: اففففففففف يااا كبـر حظهم!!
بـوهادي: كلامك صح!! الحيــن اسـماااؤؤؤؤ اللي شكلها ما ادري شـلون صـاير،، وهناديوو راعيه السـوالف ياخذون ناس من هذا المسـتوى والله ظلم.
هادي كان يراقب كلام اهله، بصراحه صار شيء روتيني عنده من رفضـوا يزوجونه هنادي، اصلا هو كان يبي هنادي من البدايه بس ابوه اصـر انه يتزوج أسماء الموظفه علشان تساعده بالمصـروف و في النهايه خـسرهم كلهم.
دخلت سـعاد اخته الصـغيره و قطعت عليهم الكلام الآثم.
سـعاد: يمه يبه حرام عليك،، اتقـوا الله في هالبـنات..
ابو هادي: اسـكتي انتي و لا كلمه فاهمه، الحين بنات بـو سـعود الخايسات ياخذون مليونيرات و انتي تقعدين على قلبي ما يخطبك احد!!!
ام هادي: أي والله، البنات اللي بعمرها تزوجوا و جالهم عيال و هي ولا طق بابها احد!!
سـعاد هنا تضايقت اخذت عباتها و لبستها على فستانها الازرق الطـويل الناعم و سبقت هادي اللي بيوصلها لحفله الملكه، مايا عزمتها و حتى منال ومها عزموها ، هم كانوا ربع قبل لا تتعرف على مايا و توخر عنهم..

في حفله الملكه و اللي كانت شـبه بسيطه ، عائله بـوسـعود وجيـرانهم طبـعا اضافه الى ام خالد و مايا و هيفاء ( عبير ما جت )) واللي من دخلوا البيت و هم لافتين انظار الكـل، بس طبعا الكل ركـز على هيفاء الهاديه و تجاهلوا مايا اللي الغرور كان يطلع من عيـونها خصوصا نظراتها المتعاليه على الكـل.
منال و مها كانوا لابسين نفس الشـيء و مسـوين نفس التسـريحه
فستانهم كان دانتيل مشـغول بكريتسال رينبو عاري الصدر و الظهر وطويل بذيل وله، منال كانت لابسـه ازرق وشـدو كحلي و قلوس فوشـي و مها لابسه اصـفر كالعاده ^_^ شـدو ذهبي و قلوس احمر..
امهم كانت لابسـه دراعه خضـرا مطرزه بشـغل ذهبي و لابسـه طرحه، ما تحب تطلع شـعرها مهما كانت المناسبه بس البنات بيقنعونها تسوي تسريحه في العرس و ترقص بعد.

في الطابق الفوقي:
اسماء انتهت من لبس فتسانها و وكل ساعه و الثانيه تتاكد من شكلها في المرايا تخاف كياجها خرب و لا شي.

اسـماء كانت لابسـه فسـتان تفاحي علاقي و حاطه عليه شال شفاف الفستان كان مشجر من تحت الركبه بنقشه ذهبيه فاتحه و منثور عليها كريستال ذهبي
مكياجها فضلت يكون ناعم لان الناعم عليها احلى من الثقيل، شدو خفيف تفاحي، وقلوس اورتج و كحل طويل و ماسكرا ثقيله،، شعرها كانت منزلته على طوله و رافعه جزء منه بكليبسات كريستال على شكل قلب، كان شكلها كيوت و طفولي احلى صفه فيها.. كان الفرح واضح عليها لدرجه انها خايفه تضحك اول ما تدخل على الناس، طبعا عكس هنادي اللي كانت هاديه و ساكته حتى و الكوافيره كانت تمدح شكلها و كيف هي حلوه.
اسماء و هي تضحك: ياا حلوه ليش ساكته؟ ادري زعلانه لاني طلعت احلى منك... بس لا تزعلين انتي هما حلوه ههههه
هنادي: هااا؟؟
اسماء: هنادي، ما يجوز،، حرام انتي الحين زوجته حرام تفكرين في غيره!!
هنادي توسعت عيونها لما سمعت كلام اختها و خافت: اسماء؟؟؟
اسماء بهدوء غير معتاده منها: يا هنادي اذا كنتي تظنين اني ما راح اعرف فانتي غلطانه انا اكثر وحده اعرفك في هذا العالم و سكوتي كان بسبب خوفي عليك كنت ابيك تستمرين بالتظاهر بالسعاده علشان تسعدين فعلا..
هنادي : بس يا اسمـاااء....
دخلت مها عليهم و هي ميته من الوناسه.:: اسـوووم امي تقولك يالله!!!
اسماء مسحت بيدها على خد اختها و قررت تنزل و هي مبتسمه، طبعا لانها اكبـر هي اللي لازم تدخل اول..
اول ما دخلت اسـماء كان الكل يتساءل هذي هنادي ولا اسـماء بس تأكدوا من انها اسماء بعد لحظات كانت اسـماء متغيره كليا و شكلها مره روعه قـعدت و جتها امها و سـلمت عليها هي و كذا وحده من جيرانهم و طبعا قامت هيفاءو ام خالد وراحت لها اما مايا فماكانت اسماء بنظرها من مستواها فقررت تقعد و ما تروح لها..
هيفاء و هي تسلم على اسماء: مبروك يا عروس، انا هيفاء اخت تركي..
اسـماء ابتسمت لها وهي تقول في نفسها: هذي الجميله زوجة خالد!!! ما شاء الله عليها جايه ملكة زوجها علشانها ملكة اخوها في نفس الوقت..
اسماء ردت عليها بهدوء: الله يبارك في حياتك.
بـعد ربـع سـاعه تقريبا دخلت أسماء للمجلس الصـغير و راحوا معها خواتها يتصـورون و يسلمون عليها، دخل عليهم سـعود و بـلغهم ان تـركي و ابـوه بيدخلون..
دخل بوتركي بكل هيبته و هدوء و سلم عليها، قرب تركي منها و باس خدها، اسماء لما باسها حست انها بتموت من الضـحك بس مسكت نفسها الحمد لله ان التوأم الاشرار ماهم موجودين ولا ما كانت راح تقدر تمسك نفسها، بو تركي كانه ما صـدق طلع على طـول، سلم سـعود على اخته و بارك لها
سـعود بابتسامه يحركها من اخته لتركي: ما اوصيك عليها!!
تركي: لا توصي حريص اسماء في عيوني و قلبي..
ضحك سعود على كلام تركي و لحق بو تركي لمجلس الرجال وقـعد تركي معاها لحالهم اخيرا..
تركي قرب منها و لبسها دبلتها و شبكتها و باسها مره ثانيه: مبرووك يا احلى عروس، شلونك يا اسووومه..
اسماء و هي حاسه نفسها دايخه بنفسها: يااا حلو اسم اسوومه طالع من شفايفه،،، صبرت شوي و رد: الحمد لله شلونك انت؟؟
تركي بابتسامه: بخير دامني اشوفك.
اسمـاء استحت و ما عرفت ايش تقول: .....
تركي: بصراحه ما ادري كيف بنتظر ثلاث اشهر لحد العرس، الله يهداك يا خالد لولاه كان سويت العرس بكرا!! ولا انتي ايش رايك..
اسماء ما عرفت ايش تقول من الخجل فقررت تسكت مره ثانيه..
تركي بضحكه ساخره: يسلمولي اللي يستحون...
وكملوا الغزل لوقت طووووووووويـــل..
-
-
-

دخلت هنادي بعد ما طلعت اسماء على الحريم على بهدوء تام والكل انبهر من جمالها، معظمهم يعرف ان هنادي حلوه بس ابدا ما توقعوها كذا (( بنات بو سـعود مو من النوع اللي يلاحون حفلات و اعراس)) هنادي كانت لابسه فستان احمر ماخذ شكل جسمها و له ذيل صدره مفتوح شوي و ظهرها المفروض يكون باين بس هي غطته بشعرها الطويل اللي كان ويفي، كان الكريستال الفضي منثور من جه الصدر بقوه و بعدها يقل لحد شرايط فضيه نازله من منتصف الخصر و مشبوكه بالذيل مكياج هنادي كان عكس مكياج اسماء، كان الشدو اسود مدموج بالذهبي مع كحل اسـود و قلوس احمر و لمعات على اغلب الوجه ، و موضحه الشامه على خدها..
كانت هنادي ميته من الخوف و التوتر و هي تلاحظ نظرات الناس لها و خصوصا وحده كانت تنظر لها بعضب و حزن في الوقت نفسه.
قـعدت في المكان اللي كانت فيه اسـماء من شـوي قربوا منها الناس و سموا عليها ، وراحت لها ام خالد و سلمت عليها..
ام خالد بهدوء و من غير نفس: مبروك يا بنتي، انا خالتك ام خالد..
هنادي ما ارتاحت لام خالد بس قررت تهدي عمرها و ترد عليها بهدوء: الله يبارك في حياتك.
ام خالد رجعت لمكانها جنب هيفاء اللي كانت تراقب هنادي بحزن و كره ما قدرت تخفيه..
قربت منها من هنادي و همست في اذنها: تدرين منو اللي لابسه اسـود و اللي تراقبك بحقد.. (( هنادي اكتفت بهز راسها)) هذي زوجة خالد الاولى و اخت تركي..
هنادي حست لما سمعت كلام اختها ان الدموع بتنزل من عيونها، في نفسها: هذي الحسناء، الانيقه، الهاديه زوجة خالد اللي اخذني عليها......... اللي اخذته منها بسبب مشاكلي اللي مشاكل اهلي و سمعتي اللي في الارض اجبرته يستر علي و يتزوجني و يزعلها !!!
تمنت هنادي و هي تشوف نظرات الكره في عيون هيفاء ان الارض تنشق و تبلعها و تبعدها عن هذا الموقف..
بعد ربع ساعه مره على هنادي ربع قرن قالت لها مها ان سـعود يبيها في صاله جانبيه علشان بيدخل خالد، هنادي في نفسها: مستحيل!!!!
طلعت هنادي مجلس الحريم و بدل ما تروح للمجلس الجانبي صـعدت الدرج.
منال اللي كانت طالعه من المطبخ: هنادي وين رااااايحه؟؟
هنادي: قولي لسـعود اني ما ابي اشـوفه.
منال: شلون يعني ما تبين تشـوفينه،،، اصلا مو بكيفك!!!
هنادي: قولي له و بس و خل نشـوف شـلون بيجبرني اطلع له...
و صـعدت هنادي و ما ردت عليها، منال توهقت اكيــد سـعود بيعصــب اذا عرف...
-
-
سـعاد اللي ما ارتاحت فعلا في الحفله كانت بعض جارتهم يتكلمون عنها هي متأكده و يضحكون، اكيـد بيضحكون من عمايل امها و ابوها السـوده في هالعايلة وجودها غلط هنا بس هي جت علشان تسـوي الواجب و تبارك لجيرانها و الحين جا الوقت اللي تطلع فيه.. ما حبت تدق على هادي و تطلعه من عند الرجال البيت قريب و ما يحتاج الى شـويه مشـي..
-
-
-
في نفس الوقت في مجلس الرجال :
احمد قـرب من خالد و سلم عليه من غير نفس: مبروك..
خالد قرر ما يرد عليه..
احمد : ليش ما ترد؟؟
خالد بصوت واطي: ما ابي
احمد بنفس: ممكن اعرف السبب.
خالد: بصراحه ما ابي حياتك تتبارك و ثانيا ما نسيت سالفه التحليل!!!
احمد بتوتر ملحوظ: أي تحليل؟؟
خالد: تحليل هنادي اللي بدلت عينته الدكتوره اعترفت بكل شيء مقابل عشر اضعاف المبلغ اللي عطيتها اياه..
احمد: كذااابه!!
خالد: مافي داعي للصراخ، انا اجلت عقابك يا ولد عمي العزيز لحد ما نخلص من موضوع الملكه لاني ما كنت ابي أي شيء يعطلها، و ابيك تستعد و من الحين لعقابك و اللي طبعا راح يكون عســير...
احمــد عــصبه كلام خالد و قرر يطلع و قف برا باب البيت و فتح سيجارته يدخنـ حس نفسه متضايق فقال في نفسه ليش ما يتحرش بسعاد شـوي ، و مره وحده يطلع اللي في قلبه..
كتب رقمها و اتصـل و اللي استغرب منه ان في نفس الوقت وحده كنت واقفه عند باب البيت رن مبايلها و سـمعها تقـول: الو؟؟
في نفس الوقت سـمع صـوت سـعاد في الموبايل: يا هلا وغلا!!!
البنت اللي تمشي و سعاد في التيلفون بنفس الوقت قالوا: انت!!!!
تأكد احمد ساعتها ان البنت اللي تمشي بروحها في هالليل هي نفسها سـعاد احمد في نفسـه: و اخيــرااا!!!!!
ركب احمد سيـارته المرسيدس و قرب من سـعاد و بحركه خاطفه سـحبها للدخل السيـاره و قفل البـاب، سـعاد شـهقت و ما حاولت تفك نفسها منه بس ما قـدرت حاول تخدش وجهه بس ما سـمح لها و بدى يضربها لحد ما انهارت قواها : ارجوووووووووك ارجوك اتركني!!!!!!!!1
احمد و هو يضحك: ههههههههههه اتركك،، انا ما صــدقت تطيحين بيدي هههههههه..
حاولت سـعاد ترمي نفسها من السياره بس احمد كان اسـرع منها وضربها على راسـه افقدها الوعي: ههههه كنتي تظنين اني ابدا ما راح اوصـل لك هههههههه و اخيــرااا يا ســعاد انتي لــي....
-
-
-
سـعود دخل المجلس اللي كان فيه خالد ينتظر فيه هنادي لحاله، سـعود لاحظ نظره خالد المستغربه ان سـعود دخل بروحهه.
خالد: سـعود في شيء؟
سـعود بحرج: والله ما ادري شاقولك، البــنت بصراحه ماهي راضـيه تدخل!!
خالد: ليش؟؟
سـعود: يمكن مستحيه!!
خالد: بس انا زوجها، ما يصير تستحي مني!!
سـعود: ما هو بيدي يا خالد بس...
خالد بابتسامه: لا تهتم،، الحل عندي...
-
-
-
هنادي اول ما دخل غرفتها رمت الصـندل الاحمر بعيد عن بعض في الغرفه و رمت وجهها على السـرير و غطت وجهها في المخده، كانت كارهه كل شـيء، كارهه سـعود ليش اجبرها تتزوج واحد ما يحبها و متزوج وحده غيرها ، كارهه خالد لانه عطف عليها و تزوجها مع انه ما يحبها، كارهه الحفله اللي الناس كلهم فرحانين فيها و هي لا و كارهه نفسها لانها كارهه كل شيء..
طق طق طق
هنااادي بعصبيه ردت على اللي يطرق الباب: ما راح انزل فلا تحاولووون!!!
بعد ثواني تبطل الباب هنادي لمحت طرف ثوب سـعود و غطت وجهها كله بالوسـاده و عطته ظهرها العاري، لان شعرها كان كله في صـوب واحد: اذاا جاي تضربني،،، اضرب جسـمي كله لك بس لا تضرب وجهي ما ابي امي تشـوف ضربك لي و تخترب فرحتها...
........: ....................
هنادي توتر، ليش ما يرد: ليش ما ترد؟؟؟؟؟؟؟؟؟؟؟
.............: ما عاش اللي يضربك و انا موجود يا اميــرتي!!
هنادي انصدمت من الصــوت اللي سـمعته رفعت راسـها بسـرعه ووقفت و شافته: خاااااااااالد
خالد بابتسامه عذبه معتاده: مر وقت طويل على اخر مره شفتك فيه شـلونك امـيرتي؟؟
هنادي ما عرفت ايش تقول اصلا نفسها انقطع و الدنيا بدت تدور فيها ما حست الا و هي طايحه بيت ايدين خالد.
خالد قرب منها و باااااااس خدها بووسه طووويله و شالها و حطها على السـرير وقعد جنبها: هنااادي،،، السبب الوحيد اللي مخلييني عايش لحد هذا اليـوم ..
مسك خالد يدها وباسها و لبسها الدبله بيد و يراقب شاشه موبايله بيد..
-
-
-
احمد كان يسـوق بسـرعه جنونيه، ما كان قادر يصبر حتى يوصل لفيلته و يوري سعاد كيف تتحداه، بس افكاره كانت كبيره و محسب ابدا حساب الظروف الطارئه..
كانت في شاحنه مركونه في زاويه و من لاحظت سياره خالد انطلقت و اعترضت الطـريق..
احمد و هو يغني شافها و بدأ يصرخ: لااااااااااااااااااااااااااااااااااااااااااااااااا اااااااا
صدم احمد بسيارته نهاية الشاحنه اللي ما قفت عند هذا الحد و قعدت تصدمه لحد ما دخل بعمود الاناره و وولعت سيارته..
-
-
خالد كان يراقب مكالمة الفيديو اللي بينه و بين راشـد اللي كان يعرض له عقاب احمد الشنيع و سيارات الاسعاف متلمه على المكان، كان يراقب الشاشه و يمسح على راس هنادي في نفس الوقت..
خالد: طول ما انا حي،، ما راح اسمح لمخلوق يأذيك يا اميــرتي!!!

وترحل ..
صرختي تذبل
في وادي لا صدى يوصل
ولا باقي أنين
زمان الصمت ..
يا عمر الحزن والشكوى
يا خطوة ما غدت تقوى
على الخطوة على هم السنين
حبيبي كتبت اسمك على صوتي
كتبته في جدار الوقت
على لون السما الهادي
على الوادي ..
على موتي وميلادي
حبيبي لو أيادي الصمت
خذتني لو ملتني ليل
أنا عمري انتظاري لك
لا تحرمني حياتي لك