رواية لَا تِتْحديني يا بِنت مالِك...بفجريك العذاب عأصولِه!! الفصل التاسع 9 - بقلم Mimi.4421♡

*السلام عليكم ورحمة الله وبركاته*
شلونكم ؟!!🙈😍

نبدأ ؟ بسم الله...🌹
//اختصار لأحداث بارت 6//
"من بعد ما راحت شهد هي وبنت عمها للمول، صادفت شهد ابن عمها فهد اللي كان غايب عنها وعن كل عيلتهم تقريبا ٤سنوات.كانت متفاجأة تشوفه فهيك وقت وفهيك مكان.. ورغم هيك ما كلمته،وفضّلت ترجع تطالع قدامها !
*ما نعرف ليه كذا كان تصرفها..لكن بنكتشف فالبارتات الجاية ان شاء الله* "
.
.
#تكملة :-
-

-يوم جديد لأبطال روايتي🌞💛--

صحت شهد وهي تحس حالها بصير معها شي مو كويس، تعوذت من الشيطان وقامت تغسل وجهها، بس رغماً عن ذلك كانت مبسوطة لانه ما عندها مدرسة اليوم😍..
قررت تتروش بسرعة..حتى تستنشط.
خلصت تتروش ولبست ⇣...⇣

رفعت شعرها ذيل الحصان..وحطت مرطب شفايف لون وردي وماسكارا خفيف.
نزلت تحت وشافت اهلها جالسين يتقهوون..(الظاهر انهم خلصوا من زمان الفطور،وطبعا شهد ما تصحى بدري ايام العطلة..فما صحّوها تفطر معاهم..)
"صباح الخير، في مجال تسويلي فطور وحطّيه فالمطبخ..مو برا" قالت شهد للخدامة،بعد ما صبّحت على اهلها..
"حاضر ماما" ردّت الخدامة على شهد.
طلعت شهد تنتظر الاكل ..وكانت تسمع لأمها وابوها اللي جالسين يتقهوون بس..
"ها يا أبو راكان ؟ شقلت؟ " قالت امها لأبوها..والظاهر خلصت اللي كانت ودها تقوله قبل ما تيجي شهد...
"غريب...وشعرفه فيها هو؟ ليه هي بالذات ؟ " جاوبها مالك،وهو يمرر يده على ذقنه.
"والله يا ابو راكان انا مادري شعرفه فيها،هو قال لي يبي نخطبله اياها ..وبأسرع وقت😑 " قالت له ام راكان وهي تبي تنهي الموضوع ..والاسئلة اللي ما لها جواب..!!
" ان شاء الله خير..انا بشوفه ،وببقى افتح معه الموضوع" قال لها ابو راكان، وتوجه حتى يطلع لمكتبه..
"يما ..مين البنت اللي تتكلموا عنها كنتوا ؟!! " قالت شهد لامها من بعد ما تأكدت انه ابوها وصل مكتبه😅(طبعا ذابحتهاا ام اللقافة...)
" راكان يبي نخطبله..اخت اللي يشتغل مع ابوك، اللي كان يجينا دايما.." قالت لها امها وفاتت المطبخ،حتى ما تكمل تسألها شهد.

#شهد
"NO COMMENT"
"راكان بيتزوج اخت المجنون هذاك ؟؟؟؟!!!!!
يعني بصير في بيناتنا قرابة..وبيتزوجها؟؟!!!
طيب كيف؟؟ ليه هي تحديدا؟ ومن وين يعرفها؟ وشلووون ؟؟!"
كانت كل هاذي الاسئلة تدور فِراس شهد..ما كانت تبي اخوها يتزوج او يناسب حتى من عيلته لفيصل!!
.
.
بعد تفكيييير شافت انه هي ما لها دخل..ومو لازم تحكم عالبنت وخصوصا انها لسة ما تعرفها!!
كانت تدعي انها ما تطلع مثل فيصل ..او حتى تشبهه لانها تكررره!!!
خلصت شهد تحليلاتها بعد وقت طبعا😅..وراحت المطبخ تفطر ..
_____________________________________________
بهالأثناء...خلينا نعرفكم شوي عن عيلة فيصل وابو عبدالله وامه واخوانه واخواته..والبنت اللي يبي يتزوجها راكان😉

الاولى فعيلتهم وتعتبر امهم الثانية فحنيتها وتواضعها "مشاعل" متزوجة لها ٤ سنوات من ولد عمها عبد العزيز
وعندها ولدين وبنت ..(نعرفكم عليهم لاحقا)

"فيصل" اول ولد فعليتهم وثاني واحد منهم كلهم..
طبعا فيصل غني عن التعريف.😅 وصاار الكل يعرفه.

"فارس" الاخ الاصغر لفيصل ب٣سنوات..انسان هادى،متعلم ومخطوب له شهرين لبنت اسمها -لينا.
يشبه فيصل.. لكن هو ابيض منه شوي واقصر،ولكن عيونه لونهم رمادي.
(اذا بتقارنون بيناتهم .. بيطلع فيصل احلىى اكثر منه.. الحق حق✋😋 )

"لانا" البنت الثانية فالعيلة،عمرها ٢١ تدرس فجامعة لها سنتين تخصص علم اجتماع..طويلة،نحيفة،عيونها كبار ووساع ولونهم رمادي،جسمها جسم مودلز ،وجدا طيبة قلب،وتحب تساعد..

وبعدهم التوأم المررح
"نوال ونادية"عمرهم١٩سنة،اخر العنقود..وأحلاهم،
نوال طويلة وضعيفة لكن نادية اسمن شوي واقصر ..بس كل وحدة لها جمالها المميز عن غيرها.
محبوبات.. يتعلمن كل واحدة منهن فجامعة. ويمووتن اكيد فالسوالف والكلام الفارغ ..وطبعاا ملقوفات ،يبون يعرفن كل شي بصير حواليهن...😅.

*اللي عيونهم رمادي همة لانا وفارس..وكانوا طالعين على ابوهم وجدهم (ابو ابوهم)!
_____________________________________________
مر كم يوم على حاله..
شهد من المدرسة للبيت،ومن البيت للمدرسة..وكل اوقاتها تدرس لاختبارتها النهائية لانه ما بقى كم اسبوع على تخرجها..😍

فيصل من اخر لقاء كان بينه وبين شهد،حاول يلتقي مع ابوها بخصوص الشغل بس فالشركة..وكان يتجنب انه يروحلهم لبيتهم،حتى ما يشوف شهد..وبالاكثر كان هاذي الفترة مشغول فالشركة، مثل شهد اللي مشغولة وادرس لأختباراتها.

راكان كان ينتظر كل دقيقة وكل يوم حتى ابوه يكلم ابو فيصل ويفاتحه فالموضوع...لحتى بالفعل جا هذا اليوم!!

كان الكل جالس من عيلة عبدالله فالصالة..بعد العشاء
كان كل واحد مشغول فأشغاله..
فيصل يقرا فالجريدة..
فارس كان يكلم خطيبته
لانا كانت تشوف مجلات وتطالع هي وامها في الفساتين..
والتوأم كانوا يطالعوا فيلم هندي وخاقيين عالبطل😅
وابو فيصل كان يقرا قران ..
رن جوال ابو فيصل ورد بعد ما انهى قرأة الأية..

"هلا هلا..فأبو راكان،شلونك شخبارك..؟"
"والله الحمدالله فألف نعمة..بخير"
"افااا عليك!! حياكم الله فيك وفراكان..ولو البيت بيتكم"
"ههههه ان شاء الله خلاص بكرا فأذن الله معزومين عالعشاء.. فانتظاركم"

سكّر الجوال..وكان الكل من اولاده يطالعوا فيه بمعنى مستغربين..!
"هاذا ابو راكان اللي تشتغل معه ...فالشركة،بييجي عنّا بكرا ان شاء الله "قال ابو فيصل لفيصل..وطلع لغرفته.
استغرب فيصل من قدوم ابو راكان وراكان عندهم..لكن ما اعطى للموضوع اهمية..
مسّى عليهم وطلع غرفته ينام..
.
.
.
نهاااااية البارت😥

#الاسئلة :-

١. هل بيتوفقوا راكان ولانا ؟

٢. موقف شهد بالنسبة لراكان ولانا..استغربتوه ولا عادي؟

٣. انتوا ليه ما تجاوبون عالأسئلة اللي اسألها فكل بارت؟😅

*اتمنى عجبكم البارت،صراحة تعبت عليه وانا اكتبه..فأتمنى تقدّرون وتدعمون..💐💫

وبس❤

نلتقي فالبارت الجاي بأذن الله...السلام عليكم.😉👋