رواية لا يستحق الفصل الأول 1 - بقلم سولييه نصار

-لو عيالي مش هيكونوا منك أنا مش عايزاهم يا معتز !
قولتها لجوزي وانا بعيط ومسكت ايديه وانا ببو.سها …كنا اكتشفنا النهاردة إن مشكلة الخلفة كانت من عنده هو ….
قربت حماتي منه. طبطت عليه وقالت:
-خلاص يا حبيبي …طـ.ز في العيال …وأهو حنان بنت أصول وهتفضل برضه تحت رجلك. ..
بصلي معتز وهو بيمسح دموعي وحضني …حضنه وانا بعيط …أنا بحب الأطفال اووي …بس بحب معتز اكتر …رغم الكلام الز فت اللي سمعته من حماتي وتهد.يدها أنها هتجوز معتز لو طلعت المشكلة مني ولا كل شوية أنها تقولي اني أرض بور …بس رغم.كده متخلتش عن جوزي ابدا …رغم كده معتز كان أهم عندي من مليون عيل ….
ورغم أنها دلوقتي بتعاملني حلو لكن مش قادر أتجاوز كلامها ….كلامها كان زي السكا.كين اللي جر حت قلبي …رغم أن معتز كان ساكت على اها.ناتها ليا . ..رغم أن المنطق يقول إن ليا الحق ابعد وأشوف حالي مع غيره لكن قلبي كان رافض …رافض يبعد عنه …
……
تاني يوم …
كان نايم على السرير فقربت منه بإبتسامة وانا بلمس خده. وبقول
-حبيبي يالا أصحى .
وفضلت اشاكسه لكن فجأة ز.قني وهو بيز.عق فيا وقال :
-أنتي يا حما.رة الواحد ميعرفش يرتاح في بيته ..ايه القر.ف ده …
دموعي نزلت وانا بقول بصدمة :
-معتز …انا بس كنت بصحيك عشان قولتلي أن عندك شغل ..عشان مفروض تاخد إجازة ونسافر نغير جو ….
حسيته حس بالذ.نب واتنهد وهو بيشدني ويحضني ويقول :
-أنا اسف يا حنان …حقك عليا يا حبيبتي …أنا مضغوط الأيام دي وعارف اني ظا.لمك وجاي عليكي …كفاية انك مستحملاني وأنا …
حطيت ايديا على بوقه وقولت بدموع :
-متكلمش…أنت سيد الرجالة ….ولو مكنتش أنا هتحملك …مين هيتحملك …
وبعدين بو.ست رأسه وقولت :
-يالا بقا يا كسلان عشان تروح الشغل ..
…..
راح الشغل واخد إجازة وسافرنا نهدي نفسنا شوية وهناك اتفقنا أننا هنكفل طفل ونربيه….كنا مبسوطين بالقرار ده …بس فجأة جه إتصال وقطع علينا فرحتنا …..كرم أخو معتز الصغير ما.ت …
قطعنا الأجازة …رغم أن كريم من زمان طلع من بيت العيلة عشان مراته وبنشوفه نادرا بس كان ليه معزة خاصة …كان إنسان طيب ….
. .
وقفت مع حماتي اللي كانت منها.رة ومراته وجوزي وأبوه …كنت الكتف اللي بكى عليه الكل ….
مرت الأيام والشهور بسرعة وبدأ الحزن يقل …مختفاش بس قل …ودي للأسف الحياة …مبتقفش عند حد ….
…..
كنت بحط الأكل على السفرة …كانت دينا مرات كريم قاعدة مع أطفالها التوأم …بصيت للأطفال اللي مكملوش سنتين وقلبي وا.طجعني …حبايبي أتيتموا بدري ….
-حنان بنتي أقعدي. ..
قالها حمايا عادل فجأة فقولت :
-لسه يا بابا فيه…
بس هو قاطعني وقال :.
-بعدين ..احنا حابين نكلمك في موضوع ..
قعدت فقال :
-يا بنتي …احنا عايزين معتز يتجوز دينا !
قومت بصدمة فكمل بهدوء :
-وأهو نضمن أن العيال متترباش عند حد غريب وكمان معتز يمارس الأبوة اللي أتحرم منها ….
بصيت لمعتز الساكت وقولت :
-هو أنا حرمتك من أيه يا معتز …المشكلة عندك !!!
بلع ريقه فكملت ؛.
-بعدين مش اتفقنا أننا هنكفل طفل و…
-وأنا ليه أكفل طفل مش من صلبي وأربيه …ما أنا هتجوز أرملة أخويا وأربي عيالهم اللي من دمي !!!