-أنت بتقول ايه يا معتز …
قولتها وانا حاسة الدنيا بتلف بيا …الدموع بدأت تحر.ق عينيا …حاسة اني معرفهوش…مش مصدقة يعمل فيا كده بعد كل اللي عملته ….
قومت من السفرة وطلعت شقتي بكل هدوء …قعدت على السرير وانا مصدومة …دموعي بدأت تنزل لوحدها ….بعد التضـ حية بتاعتي اتقابل بالطريقة دي …مكنتش قادرة اصدق ..حاسة اني في كابوس ….
حسيت به جه ….وقرب وقعد على السرير وهو بيمسك ايديا وبيقول :
-ده شرع ربنا ….واهو أنا هبقى أب للعيال الأيتام دوول …انتي عارفة قد ايه أنا بحب الأطفال….
شدت ايدي وانا بمسح دموعي بعنـ.ف وقولت :
-وأنا كمان بحب الأطفال اكتر منك بكتير بس رغم كده أنا مفكرتش اسيبك وأشوف حياتي مع غيرك …عشان كنت انت الاهم …اتحملت كل الكلام من والدتك …اتحملت سلبيتك ….عايز تتجوز عليا بعد ما ضحـ.يت عشانك …
-ضحـ.يتي ؟!.
قالها بذهول وبعدين كمل :
-دي مش تضحـ.ية …ده واجبك …واجبك كست أصيلة تقفي جنب جوزك يا حنان …مش معقول هتتطلقي مني عشان مبخلفش….
-أنت هتتجوز عليا يا معتز رغم أن المشكلة مش عندي …انت مقدرتنيش …ليه انا اقدرك …
-عشان أنا راجل …ليا حق اتجوز مرة واتنين وتلاتة من غير ما اطلقك لكن أنتي غيري. ..وبعدين الست الأصيلة متحاولش تقلل من جوزها بالشكل ده …مش لازم كل شوية تشيري أن المشكلة مني أنا ….بعدين يرضيكي اتحرم من نعمة الأبوة وانا عندي فرصة اكون أب لعيال من د.مي بدل ما نجيب واحد من الملجأ منعرفش أصله وفصله !!!
-طيب وأنا …وأنا ايه ؟!أنا كمان عايز اكون أم من حقي.
-أكيد يا حبيبتي وهما تالا ويوسف اللي هو اولاد اخويا هيكونوا ولادك برضه هتشتركي في تربيتهم …فيالا بقا متنكديش عليا وانا فرحان. .
-وأنا مش موافقة على الجوازة دي ..
قولتها وانا بقف ودموعي بتنزل تاني فقال ببرود :
-حبيبتي احنا بس بنبلغك اللي هنعمله…مش بناخد موافقتك …كتب كتابي على دينا بعد أسبوع !
وبعدين سابني ومشي وانا فضلت مكاني أعيط
…..
بعد أسبوع …
-بارك الله لكما وبارك عليكما وجمع بينكما في خير
قالها المأذون وانا حاسة قلبي واكلني…كانت دموعي بتنزل وانا شايفة جوزي بيقرب من دينا وبيبوس رأسها وبعدين بيشيل الاطفال وبيبوسهم ….مقدرتش استحمل المنظر ده وجريت على شقتي وانا بعيط. …مستنتش الفرح يخلص …ولا معتز ودينا يطلعوا شقة كريم القديمة ….
….
تاني يوم …
قومت من النوم وعينيا وارمة من العياط…سمعت صفير معتز …قومت ولقيته واقف قدام الدولاب لابس البدلة بتاعته بس واضح انها مكرمشة ..بياخد ليه هدوم …بصلي وابتسم وقال :
-معلش يا حنونة ازعجتك…عايز اخد شاور ومكانش فيه ليا هدوم في شقتي أنا ودينا …
بصتله بقـ هر …كان واضح أنه رايق ومبسوط زي أي عريس جديد في ليلة صباحيته
-صباحية مباركة يا عريس …
قولتها وانا بحاول معيطش …
ابتسم ليا فقومت وقولت :
-تصدق بالله أنت أحقر انسان أنا شوفته في حياتي عشان بعد ده كله …آه…
صرخت فجأة لما ضر بني بالقلم ووقعت على الأرض وقال :
-شكلي دلعتك كتير …بس بسيطة أنا هربيكي يا حنان.
وبعدين سحب الحزام من بنطلون بدلته وهو بيقرب مني !