تحميل رواية «لعنة ارض العمدة» PDF

رواية لعنة ارض العمدة الفصل الاول

نرجس دخلت بيت جدتها وهي بتصوت وبتجري وكأن حد بيجري وراها وقالت

نرجس

الحقيني يا جدتي الحقيني في راجل مدفون تحت الساقية اللي حدا ارضنا وانا شوفته بعنيا ومش عارفة اعمل ايه

وبعدها الجدة اللي كان نظرها رايح حاولت تقوم من مكانها بالعافية وقالت

الجدة

ايه يا بتي الكلام اللي انتي بتجوليه ده وهيكون مين اللي مدفون هناك وانتي عرفتي الحديت ده منين

نرجس

شوفته بعيني يا جدتي ومش عارفة اتصرف ازاي هنعمل ايه دلوك انا رايي نروح للعمدة ونحكيله على كل اللي شوفته

الجدة

عمدة ايه اللي بتتكلمي عنه بعد المشاكل اللي عملتيها وفضلتي رايحة جاية لحد ما خدتي الأرض منه رايحة النهارده كمان وتفتحيلنا باب جديد من البلاوي

نرجس

انا ما كنتش رايحة اشحت مني الأرض دي بتاعتنا وورثه عند جدودنا ومحدش له فيه حاجه ودلوك احنا واقعين في مصيبة كبيرة ولازم نعرف مين اللي عمل اكده

وبعدها خرجت من البيت وهي بتجري ناحية دار العمدة

وفي الوقت ده كان العمدة واقف وسط الغفر بتوعه وهو متعصب وقال

العمدة

ازاي الحديت الفارغ اللي انتوا بتجولوا عليه ده انا ولدي ما رجعش الدار من امبارح وعايز اعرف بالظبط ايه اللي حوصل له جلبوا البلد عليها واطيها وولدي يرجع جدام عيني دلوك

وفجأة دخل الغفير وهو بياخد نفسه بالعافية وقال

الغفير

الحقني يا جناب العمدة البت اللي اسمها نرجس اللي على طول عاملة مشاكل واجفة برا وبتجول انها عايزة تدخل لحضرتك

العمدة

وانا فاضي لها دلوك؟ خليهـا تنكشح من جدام الدار انا ناجصها هي كمان

وفجأة دخلت نرجس وقالت بعصبية

نرجس

انا مش فاهمة انت عمدة ازاي وانت مش عايز تحل مشاكلنا هو احنا لو وقعنا في مصيبة نروح لمين غيرك انت يا عمدة

العمدة

انتي عايزة مني ايه تاني يا بت انتي مش خدتي الأرض خلاص ايه اللي جابك لهنا دلوك

نرجس

احنا واجعين في مصيبة كبيرة في حد مدفون عند الساقية وحضرتك لازم تتصل بالمركز دلوك عشان يجوا ويشوفوا مين ده

وفجأة وقف من مكانه وقال وهو فاتح عينيه بصدمة

العمدة

حد مدفون يا مصايبك السودا نفسي تخشي عليا بخبر عدل مرة واحدة كل ما تيجي لهنا تجيبي معاكي مصيبة جديدة

وبعدها العمده بص للغفير وقال ليه

العمدة

هاتلي تليفوني من جوه بسرعة عشان اتصل بالمركز واشوف المصيبة السودا دي اللي ناقصة تنزل فوق دماغنا

نرجس

على فكرة الارض دي كانت معاك انت قبل ما ترجعها لينا ولو طلعت انت اللي عامل اكده عشان تلبسني المصيبة دي انا مش هسكتلك انت سامع ولا لا

وساعتها قرب منها العمدة بعصبية وقال

العمدة

انتي يا بت اتجنتي ولا ايه هو انا لو عايز ادفن حد هعمل اكده مش هعمل في ارض قدام الخلق كلها انا مش محتاج البسك مصيبة ولا غيره واتفضلي روحي على داركم يلا ولما اشوف المصيبة دي هبقى ابعتلك

نرجس

وانا مش ماشية من اهنيه والارض دي ارضي وانا مش عارفة انت ناوي تعمل ايه مع الحكومة وانا مش هستنى لما تلبسني مصيبة وتجول ان انا اللي عملت اكده

وبعدها راحت ناحية الكرسي وقعدت وحطت رجل على رجل وهي باصة له بتحدي وفي اللحظة دي خرج الغفير بالتليفون وهو بيجري وقال

الغفير

اتفضل يا جناب العمدة

العمدة

هات يا ولدي لما نشوف المصايب اللي عمالة تتحدف فوق راسنا دي انا لسه خارج من مصيبة ولدي اللي مختفي عشان ادخل في مصيبة تانية

وبعدها فعلا اتصل بالمركز وماعداش وقت طويل غير وصوت عربية الشرطة دخل البلد وخلا الناس كلها تطلع من بيوتها وتلمت الرجالة والنسوان والصغير قبل الكبير عند الساقية

ونزل الظابط وهو بيقول

الظابط

محدش يجرب من المكان لحد ما نعاين كل حاجة

وبدأوا يحفروا والناس واقفة ساكتة و

يا ساتر يارب استرها

وفجأة وقف العسكري وهو بيبص للظابط وقال

العسكري

يا فندم باين انها جثة فعلا

واتبدل لون وش العمدة مرة واحدة وبقى يبلع ريقه بالعافية وبعدها سحبوا الجثة برا وسط صريخ الناس

ولما العسكري شال القماش من على وشه

العمدة

عثمان

وساعتها صرخت نرجس وهي حاطة ايدها على بوقها

نرجس

يا مري دي جثة عثمان ابن العمدة

وفي ثانية واحدة البلد كلها قلبت صويت وصراخ والكل بقى يبص للعمدة اللي وقع على ركبته وهو بيقول

العمدة

ابني مين اللي عمل فيك اكده يا ضنايا لا لا قوم يا والدي اكيد مس هسبني أكده

وبعدها اغم عليه والظابط قال

وبعدها الظابط بص للكل وقال وهو رافع صوته

الظابط

يلا كلكم تعالوا معايا على المركز دلوك ومحدش هيتحرك من اهنيه وانت يا بت انتي مش صاحبة الارض دي اتفضلي جدامي يلا

وبعدها فعلا الكل راح على المركز ونرجس كانت ماشية وهي مرعوبة ووشها اصفر والعمدة كان واقف باصص في الارض وحاسس ان الدنيا ضلمة في وشه

وبعدها الظابط بص للعمدة وقال

الظابط

بتشك في مين يا عمدة ومين ممكن يكون عمل في ولدك اكده انا عايز اعرف لو عندك شك ولو واحد في الميه

وبعدها العمده بص علي نرجس وقال

العمدة

هي البت دي مفيش غيرها حصلت مشكلة كبيرة ما بينها وما بين ولدي قبل ما تاخد الارض بيومين وكانت خارجة من عندنا وهي مهدداه

نرجس فتحت عينيها بصدمة وقالت

نرجس

يا مري يا عمدة انت عارف ومتأكد زين اني عمري ما اعمل حاجة زي اكده ده انا بخاف ادبح فروج هعمل اكده في بني آدم من لحم ودم اتقي الله يا عمدة ومتظلمنيش

وبعدها الظابط ضرب على المكتب وقال

الظابط

هو ايه اللي حوصل بالظبط انا عايز افهم كل حاجة من اولها لاخرها

العمدة

هحكيلك كل اللي حوصل

وبدأ يقول ليه علي اللي حصل

فلاش باك

نرجس كانت واجفة في دار العمدة وهي ماسكة الورق في ايديها وقالت

نرجس

ارضنا وهناخدها يا عمدة وانا عارفة ومتأكدة زين ان انت اللي مزور الورق ده وابويا ما اجرهالكش زي ما بتجول

وفجأة قرب عثمان وقال بغرور

عثمان

هو انتي اتجننتي يا بت انتي ولا ايه عشان تتكلمي بالطريقة دي انتي عارفة انتي بتكلمي مين انتي بتتكلمي مع حضرة العمدة يعني لما تيجي تناقشيه يبجى وشك في الارض سامعة ولا لا

نرجس

ليه هو انت ماسك عليا ذلة ولا ايه عشان وشي يبجى في الارض اسمع يا عمدة لو ما اخدتش ارضي دلوك متعرفوش انا ممكن اعمل ايه انا هطلع على المركز ومش هسكت

وبعدها لفت تمشي لكن العمدة نده عليها وقال

العمدة

هو انتي عايزة ايه يا بنت انتي ما كنتي بتاخدي مننا فلوس كل شهر وخلصنا وكنتوا مأجرينها لينا

نرجس

زهقت من ان ارضي تكون معاكم واحنا ناخد منكم كام جنيه زي الشحاتين دي ارض ابوي ومش هسكت تاني

وبعدها عثمان قرب من ابوه وقال

عثمان

اصل انت ما تعرفش يا بوي الحكيم الجديد اللي في البلد اللي على طول متخن ودنها والله اعلم بجى ايه اللي بيحصل بينهم ما الهانم دايما رايحة جاية على عيادته

نرجس قربت منه وهي بتترعش من الغضب وقالت

نرجس

اخرس قطع لسانك اياك تتكلم عليا بالطريقة دي تاني انت سامع ولا لا انا اشرف منك ومن اهلك كلكم

العمدة قام من مكانه وقال بعصبية

العمدة

انتي اتجننتي يا بنت انتي عشان تتكلمي بالطريقة دي

نرجس

انا اللي هعمل فيكم بعد الكلام اللي اتجال ده وانت يا عثمان حسابك معايا هيكون عسير جوي

العمدة

استني عندك احنا مش عايزين مشاكل وانا هديكي الارض وخديها واعملي فيها اللي انتي عايزاه

وبعدها اخدت نرجس الورق وخرجت وهي مش مصدقة نفسها

وكان الدكتور مازن موجود في البلد بعد ما رجع من مصر وفاتح عيادة جديدة في البلد وراحت ليه ترجي فقربت منه وقالت وهي فرحانة

نرجس

انا مش قادرة اصدق ان ارضي رجعتلي من تاني ومش عارفة اشكرك ازاي انت اللي ادتني القوة اني اقف جدام العمدة وماخافش منه

مازن

ده الكلام اللي كان لازم يحصل الف الف مبروك يا نرجس ناويه تعملي بقي اللي قولنا عليه

نرجس

اكيد هعمل كده لازم ابني مستشفي ل أهل البلد

علشان يتعالجوا فيها هروح وابص على الارض دلوقتي ونشوف ايه الجديد ونعمله

وبعدها فعلا خرجت بس حست انها تعبانه روحت وتاني يوم راحت الأرض وبعدين لقيت في زي شال عند الساقيه وبعدين بصت ناحيته وعرفت أنه جثه

باك

وبعدها الظابط بص للعمدة وقال

الظابط

ده مش دليل قوي يا عمدة عشان نجول ان البت هي اللي عملت اكده احنا مش شغالين بالظنون ولا الكلام اللي بيتجال في البلد واحنا لازم نعرف بالظبط ايه اللي حوصل

الظابط

وانت يا شاويش خد البت على الحجز تحت لحد ما نخلص باقي التحريات

نرجس فتحت عينيها بخضة وقالت

نرجس

انا يا حضرة الظابط اتحبس ليه والله ما اعرف عن اللي حوصل ده حاجة انا حتى اول واحدة بلغت

الشاويش

يلا يا بتي دي أوامر ومحدش هيعرف حاجة غير لما التحقيقات تخلص

وبعدها فعلا نزلت وهي مرعوبة وقعدت في الحجز وفضلت تبص حواليها بعين مليانة دموع وهي مش مصدقة اللي بيحصلها وكل شوية تفتكر كلام عثمان ووش العمدة وهو بيبصلها

وبعد شوية الباب اتفتح والشاويش طلع وقال

الشاويش

تعالي يا بتي في حد فوق عايز يشوفك

وساعتها قلبها دق بسرعة وفرحت من جواها وقالت لنفسها

نرجس

اكيد مازن عرف اللي حوصل وجاي يطمني

وبعدها طلعت بسرعة وهي ماسحة دموعها لكن اول ما رفعت عينيها اتصدمت لما شاف عامر ابن عمها وبعدين قالت

نرجس

انت ايه اللي جابك اهنيه جاي تشمت فيا امال بعد اللي حوصل ده

عامر

ايه الكلام الغريب اللي انتي جايه تجوليه ده انتي برضك بنت عمي ولازم اجف جنبك ومش فاهم ايه اللي حوصل من الأساس

نرجس

ملكش صالح بيا واصل انت خابر زين اللي حوصل حوصل امشي من اهنيه ومش عايزة اشوف وشك تاني

عامر

انا نفسي اعرف انتي ليه عاملة اكده معايا وربنا يعلم انا بحبك جوي ومش جادر اعيش من غيرك واصل

نرجس

انا متأكدة ان كلامك كدب انت عمرك ما حبيت حد انت بتحب نفسك وبس بقولك ايه امشي من اهنيه ومش عايزة اشوف وشك خالص

وبعدها بصت للشاويش وقالت وهي دموعها نزلت

نرجس

نزلني ارجوك تحت انا مش عايزة اشوف حد واصل وانت خليه ياخد محاميه ويمشي انا مش عايزة حاجة منيه

الجدة كانت قاعدة في الدار على الارض قدام الباب

وعامر قرب منها وقال

عامر

عاملة ايه يا جدتي دلوقتي انتي لسه زي ما انتي رافضة تيجي تعيشي في البيت الكبير عندي

الجدة

عامر يا ولدي طمني على نرجس انا مش عارفة اعيش من غيرها واصل البت دي روحي

عامر

طب قومي معايا دلوقتي وتعالي الفيلا بتاعتي وانا مش هرتاح والله لما اخرج نار جسمي الحبس

الجده

لا يمكن ادخل فيلتك ابدا انا عايزه . ازاي نرجس تيجي ليا دلوقتي حالا

عامر

هو انتي ليه يا جدتي محسساني اني انا السبب انا ماليش صالح باللي ابويا كان بيعمله وهو اللي كان ناوي ياخد الارض غصب عنها وانا طول عمري بحاول اعدل بس محدش سامعني

الجدة

الله يخرب بيت الارض اللي ضيعت بنتي صحيح الكلام اللي بيتقال عليها انها هي اللي قتلت عثمان

عامر

ازاي تقولي كده حتى لو الدنيا كلها قالت انا عارف نرجس كويس دي ما تأذيش حد دي حتى ما تعرفش تمسك حاجة تؤذي بيها بني ادم

الجدة

طب والحل البت جوه الحجز يا ولدي وانا قاعدة هنا لوحدي هموت من القهر

عامر

مش هينفع تفضلي هنا لوحدك تعالي معايا الفيلا ترتاحي هناك لحد ما نشوف الموضوع ده هيروح لفين

الجدة

قولتك يا والدي والله ما يحصل ابدًا انا مش خارجة من الدار دي لو بنتي في حضني هي صحيح بنت ولدي بس ربنا يعلم انها عندي اغلى من بناتي كلهم

عامر

خلاص يبقى انا هتصرف بطريقتي هجيب محامي كبير ونشوف ايه اللي يخلص البت دي من المصيبة دي بسرعة

وبعدها راح اقعد معاه المحامي وبعدين المحامي قال ليه

المحامي

مفيش دليل مباشر ضدها ولا شهود ولا حتى سلاح جريمة القضية ضعيفة جدا

عامر يبقى لازم تخرجها حالا

المحامي

ايه الموضوع مش سهل كده برده يا عامر بيه بس انا عايزه اقول لك ان انا هتصرف في الحوار ده وفعلا هيروح ونرجس هتطلع من الحجز وهتوقف جنب عامر وتقول له

نرجس

مش قلت لك ما لكش صالح بيا واصل انت جايب محامي يعمل ايه انا هخرج بنفسي

عامر

بطلي العند والدماغ الناشفه اللي فيك دي انا قلت لك مش عايز منك حاجه المحامي يخرجك من هنا وبعدها يحلها الف حلال انت مش عارفه جدتك عامله ازاي من غيرك

وبعدين سكتت علشان خاطر تقدر تطمن على جدتها وفعلا المحامي اثبت ان ما فيش دليل قوي عليها وخرجت بكفاله وبعد ما خرجت كانت واقفه مع عامر قدام الحجز وقالت

نرجس

انت عايز مني ايه بالظبط انا قلتلك ما تقفش جنبي انا مش عايزة منك اي مساعدة

عامر

لو فاكرة اني عملت كده علشان عايز حاجة منك تبقي عبيطة انا كل اللي عايزه اشوفك بخير وبس مش اكتر من كده

نرجس

انا مش مصدقة حد ولا حتى نفسي

عامر

اتفضلي روحي على الدار يلا عشان تطمني عليكي جدتك و خدي بالك من نفسك يا بنت عمي والقضية لسه مخلصتش وهيستدعيوكي تاني

وبعدها عامر سابها ومشيوا وهي فضلت واقفه شويه وبعدها مشيت ومش رايحة بيتها رايحة على بيت مازن

نرجس دخلت عيادة مازن وهي لسه باين عليها الخوف والتعب وعيونها حمراء من العياط

مازن

طمنيني عليك يا نرجس انا كنت قلقان عليكي قوي معقوله انتي عملتي كده فعلا

نرجس

غريبه ده اول واحد افتكرته هيجي ويسأل عليا هو انت يعني يطلع عامر اللي يعمل كده ويجي عندي ليه ان شاء الله

مازن

اي الكلام الفارغ اللي بتقولي عليه ده وعامر يجي عندك ليه

نرجس

عامر اللي جابلي محامي ما هانش عليه ابات في الحجز دقيقه واحده كنت فاكره ان الوحيد اللي هيفضل جنبي هو انت

مازن

انا عايز اسألك سؤال هو انتي فعلا عملتي كده

نرجس

انت اتجننت في دماغك ولا ايه انا اعمل كده معقول انا شكلك ما تعرفش مين نرجس

مازن

انا اسف والله العظيم انا مش قصدي انا كنت خايف عليكي وخايف اجي يتفهم غلط وتكبر الدنيا اكتر

نرجس

مش مهم كلامك دلوقتي انا لازم امشي جدتي قلقانه عليا قوي

مازن

استني طيب انا عايز اشرب قهوه مع جدتك بالليل لو ينفع يعني انا عارف ان الوقت مش مناسب بس انا حاسس اني لازم اطمن عليها

ونرجس بعدها ضحكت و خرجت من العياده وهي لسه متوترة وبتحاول تمسح دموعها بسرعه وفجأة لقت عامر واقف قدامها باين عليه العصبية والغيرة

عامر

هو انتي مفيش فايده فيكي انتي ايه اللي جابك هنا مش المفروض تكوني عند جدتك علشان تطمنيها عليكي

نرجس

هو انت بتراقبني ولا ايه انت عايز مني ايه بالظبط انت مالكش صالح بيا واصل انت سامع ولا لا واخر مره تتعرض ليه لاحسن والله ما هتكون عارف انا ممكن اعمل فيك ايه

عامر

انبا ابن عمك وسمعتك تهمني ودخولك عند مازن ده غلط انتي سامعه ولا لا

نرجس

مازن جاي يتقدم لجدتي بالليل وعايز يتجوزني

عامر

ده يبقى اخر يوم في عمرك انتي مش هتكوني لاي حد غيري

نرجس

انت شكلك اتجننت انت مين اصلا اللي انا افكر فيك ده انا اعيش من غير جواز ولا اتجوز واحد زيك

وبعدها نرجس سابت المكان ومشيت بسرعة وراحت على بيت جدتها

اول ما دخلت البيت الجده قامت من مكانها وهي بتبكي

الجدة

حبيبتي يا بتي ما تعرفيش انا كنت عامله ازاي في غيابك ده انا دموعي ما نشفتش من على وشي بسببك

نرجس

وانتي كمان حبيبتي يا جدتي ما تعرفيش انا كنت مرعوبه بسبب اللي حصل ده ازاي الحمد لله اني خرجت منها على خير بس لسه الحرب مكمله مع العمدة

الجدة

طول ما عامر في ضهرك يا بنتي ما تقلقيش من حاجه

نرجس

عامر مين يا جدتي انا النهارده هكون مخطوبه لمازن وهو سندي في الحياه وبكره تشوفي مازن جاي يشرب معاكي الشاي بالليل واكيد هيطلبني منك وانا عارفه كويس قوي اني بحبه

الجدة

يا بنتي انا عارفه مصلحتك كويس انا شايفه ان عامر بيحبك

نرجس

لو بتحبني بجد ما تجيبيش سيرته على لساني تاني انا عمري ما حبيته ولا عمري هفكر فيه

الجده

خلاص يا بنتي ان انت عايزاه انا هعمله لك طالما شايفه مصلحتك مع مازن يبقى اتجوزي مازن المهم انك رجعتي لحضني تاني

وبعدها نرجس كانت قاعدة مع جدتها في وبالليل مازن كان جه وكان قاعد مع الجده ونرجس كانت في المطبخ وبعدها خرجت والجد قالت

الجدة

نورتنا يا ابني ما تعرفش انا كنت عايزه اتعرف عليك ازاي من كتر الكلام اللي بتقوله عليه نرجس

مازن

والله يا طنط انتي ما تعرفيش انا حبيتك ازاي من كتر كلام نرجس عنك وجاي النهارده عشان اتكلم في موضوع مهم يكون قدامك انتي وهي

الجدة

اللي انت عايزه يا ابني انا تحت امرك فيه عايز ايه

مازن

انا كنت قايل لنرجس على موضوع الارض واني ناوي ابني مستشفى بس بعد اللي حصل وموت عثمان انا محتاج الارض دي وناوي اشتريها وادفع ثمنها بالكامل

نرجس

هو انت جاي لحد هنا عشان تتكلم على موضوع الارض

مازن

ايوه يا نرجس انا مش عايز اخدها ببلاش لازم ادفع ثمنها عشان الدنيا تبقى واضحه

نرجس

وانت عارف ومتأكد ان انا مش هبيع المستشفى دي انا كنت هديك جزء من الارض نبني عليه المستشفى لاهل البلد بس مش هاخد فلوس

مازن

يا نرجس انتي دلوقتي محتاجه لكل قرش والارض دي تمنها كبير وانا لازم ادفع وبعدين عليها مشاكل كثير وانا مش عايزه اوقعك في مشاكل اكتر من كده

الجده

غيرك حاول يشتري الارض دي واحنا مش هنبيعها ولو كنت اعرف انك جاي عشان كده كنت وفرت عليك المشوار انا بحب انام بعد العشا بعد اذنك

مازن

تمام عندك حق انا ماشي بعد اذنك وبعدها خرج وكانت خرجت معاه وهو قال ليها

مازن

بس كلمي جدتك في الموضوع ده انا مستعد اعمل اللي انتم عايزينه بس انا محتاج الارض دي

وسابها ومشي وهي دخلت عند جدتها الاول لما حست بخطوات رجليها قالت

الجدة

هو ده اللي كان جاي يتقدم ليكي شكلك ما بقيتيش تفهمي الناس زي الاول

نرجس

لا يا جدتي في حاجه غلط انا حاسه ان في حاجه مش مظبوطه لازم افهم ايه اللي بيحصل

وبعدها نرجس من غير تفكير قامت وخرجت بسرعه وركبت وروحت على فيلا عامر

اول ما وصلت خبطت ودخلت وهو كان جوه ولما شافها وقف متفاجئ

عامر

معقوله انتي هنا ازيك يا نرجس في ايه ازاي تيجي في وقت متاخر زي ده كنت رنيتي عليا وانا كنت جيت لك لحد دارك لو كنت عايزاني

نرجس

انت عملت ايه اكيد روحت وهددته مش كده ما حدش غيرك كان يعرف انه جاي يتقدم لي

عامر

ايه الكلام الفارغ ده انا مش فاهم منك حاجه هددت مين

نرجس

هددت مازن اعمل حسابك حتى لو ما اتجوزتش مازن انا لا يمكن اتجوزك انساني خالص يا عامر

عامر

ايه الكلام الفارغ اللي انتي بتقولي عليه ده انا لا يمكن اعمل أكده وبعدين انا راجل صعيدي لما اكون عايز حاجه تحصل هعملها في وشك مش هعملها من وراكي

نرجس

خرجني من حياتك لاني انا لا يمكن افكر فيك ابدا انت سامع ولا لا

وبعدها خرجت نرجس من الفيلا وهي موجوعه ومشيت من غير ما تبص وراها وخليت عامر واقف في صدمه وهو مش فاهم ايه اللي بيحصل ولا ايه اللي جاي بعد كده

رواية لعنة ارض العمدة الفصل الثاني

وساعتها عامر بيكلم نفسه وبيقول

عامر

معقولة زعلانة كل دي عشان خاطر الدكتور ماشي يا نرجس لو انتي بتحبيه انا هعملك اللي انتي عوزاه وبيروح واخد بعضه ومروح خارج من الدار

وفي الوقت ديه عند مازن بيلاقي الباب بيخبط ولما بيروح عشان يفتح بيلاقيه عاطف اللي اول ما بيشوفه بيدخله قوام وقال

مازن

الله يخرب بيتك ايه اللي جابك ديلوقتي وانا مش قلتلك مش عوز اشوف وشك اليومين دول واصل وانت عوز حد يلمحك وانت داخل عندي وساعتها هتبقى مصيبة طين

عاطف

بقولك ايه سيبني دلوقتي انا في مصيبة يا ريتني ما سمعت كلامك ولا مشيت وراك ده الاستدعاء جاني من الحكومة وشكلهم كده شاكين فيا اني عملت عمايل في عثمان وبيقولوا اني كنت اخر واحد واجف معاه بقولك ايه انت هتتصرف وتخرجني من المولد ده لاما هجلب عاليها واطيها

مازن بضيق

وانت عوزني اعمل ايه في الحكاية دي ان شاء الله يخرب بيته عامر مكان ساب نرجس لبستها بدل وجع الجلب اللي حصلنا ده بقولك ايه يا عاطف انا عوزك تجمد كده ده استدعاء عادي يعني متجلجش هتخرج منها قوام

عاطف

بقولك ايه انا ماليش صالح بكل الكلام ده انا ليا صالح اني ماتأذيش في الموضوع وعلى ما اظن اللي خطط واللي عمل كل حاجة هو انت ولا انت ناسي

مازن

بطل الخوف اللي مالي قلبك ده محدش هيقدر يعمل معاك حاجه واصل

عاطف

انت مش فاهم حديدي عاد مش أكده بقولك اخر شافوا معاه هو انا وانا مليش صالح

اسمع عاد انا لو وقعت مش هقع لوحدي انتي خابر زين ولا لا انت معايا في كل حاجه حوصلت

وساعتها عاطف بيبدا يحكي اللي حصل لما كان واجف مع عثمان وقال

فلاش باك

عاطف كان واقف معاه عثمان وبعدها فال ليه

عاطف

انا ماليش صالح في الكلام اللي بيحصل ده الدكتور هو اللي فضل يزن على نرجس لما خلاها تعمل كده وتاخد الارض لو عوز تروح تتحدث معاه روح

عثمان

ومين اللي قالك اني مش رايح انا واخدك معايا عشان تبقى شاهد على الكلام اللي هقوله مش على اخر الزمن بعد ما سعادته وكنت واجف معاه وفي الاخر يغدر بيا بالشكل ده

وبعدها بياخد عاطف وبيروح عند مازن اول ما بيدخل بيقول ليه

عثمان

انت متعرفش انا هعمل فيك ايه النهاردة هو انت كيف تعمل من دماغك وتخلي اللي اسمها نرجس تاخد مننا الارض هو ده الاتفاق اللي بينا يا دكتور

مش المفروض ان كنت هاخد منها انا الأرض واديها ليك

مازن

ومين قالك اني هصبر عليك لما تقنعها مكانش فيه حل غير ده عشان يبقى كل حاجة رسمي وافتح المستشفى في اقرب وجت وبالذات الناس الكبار اللي معايا عمالين يستعجلوني وانا مش عوزهم يزعلوا مني

عثمان

بقولك ايه يا مازن هو انت لو مفكر انك بتعمل اللعبة دي من ورايا عشان مش تديني الفلوس اللي اتفقنا عليها تبقى عبيط انا عوز فلوسي اللي اتفقنا عليها وفوجيهم تلاتة مليون عشان تبقى تضحك عليا وتلعب من ورايا زين

واول مازن بيسمع كده بيروح جايم واجف وبيقول بحموقية

مازن

ده انت شكلك اتجنيت خالص مين اللي قالك اني هوافج على الكلام اللي بتقوله ده بقولك ايه يا عثمان شكلي انا كنت غلطان اني دخلتك في الحوار ده اخرج منه خالص بدل ما اجلب عليك وساعتها محدش هيتأذى في الموضوع ده غيرك

عثمان

حلوة الثقة اللي بتتكلم بيها دي هو انت ناسي ان كل حاجة في ايدي وعارف زين انك عوز تاخد الارض وتبني عليها المستشفى مش خيرا عوز تعمله في البلد عوز تعمل ده عشان تسرق اعضاءهم وشوف بقى لو طلعت من هنا ورحت جلت للحكومة على اللي عوز تعمله شوف اللي هيحصلك

عاطف

هدي نفسك بس يا عثمان بيه الكلام اخد وعطا ماينفعش كده مش معقول هنخسر بعض عشان خاطر الفلوس ما تتكلم يا دكتور بدل ما انت ساكت كده

مازن بغيظ

هو فيه كلام اجدر اقوله بعد اللي عثمان جاله خليك هنا هدخل اجيب شيك اكتبه لك ولو كده روح اصرفه في اي وجت

وبيروح مازن داخل على جوه وبعد شوية بيجي وساعتها بيجرب من عثمان وبيخرج السكينة اللي كان مخبيها وبيفضل يخبط فيه اكتر من مرة

واول ما عاطف بيشوف كده بيتخض وبيقول

عاطف

الله يخرب بيتك يا دكتور ايه اللي هببته ده انت عارف عثمان ابن مين في البلد انت كده هتودينا في داهية كحلة

مازن

الله يخرب بيتك وطي صوتك هم ما شافوهمش وهم بيسرقوا شافوهم وهم بيتخانقوا اسكت خالص انا مش عوز اسمع حسك تعالى ساعدني خلينا نخرجه من العيادة قبل ما حد يجي وساعتها تبقى مصيبة

وهو فعلا بيروحوا واخدين عثمان ويركبوه العربية وبيفضل مازن ماشي بالعربية لحد لما بيجف جدام ارض نرجس

عاطف

ليه وجفتنا هنا اوعى تكون هتحط الجثة هنا في الارض عند نرجس

مازن

ايوه مفيش الا المكان هنا اللي لازم عثمان يكون موجود فيه وبالذات انت عارف المشاكل اللي بيناتهم عاملة ازاي ولما يلاقوا الجثة في الارض كل الشكوك هتروح ليها

وفعلا بعدها بيعملوا كده وبيحطوا عثمان في الارض ويغطوه بالشال

وبعدها بيمشوا لحد لما نرجس بتروح وبتتصدم لما بتلاقي جثة عثمان في الارض

باك

عاطف بضيق

مكنش ليه لزوم عملت اللي عملته اني خايف لنتكشف وساعتها هنروح في ابو نكلة

مازن

بقولك ايه انا مبحبش اللي يشتغل معايا يبقى جبان كده وده استدعاء عادي اكيد هيعملوه لكل اللي في البلد انا كل اللي عوزه انك تتعامل عادي وكأنك متعرفش حاجة ولو سألوك جول انك كنت ماشي معاه عادي وسبته ومشيت متزودش عن كده

عاطف

ربنا يسترها يا دكتور اصل انا جلبي مش مطمن للاستدعاء ده بقولك ايه انا عوزك تبقى في ظهري متسبنيش سمعت

مازن

بقولك ايه كده ماينفعش اللي بتعمله ده انت كده هتودينا في داهية الله يخرب بيته عامر انا مش فاهم ايه اللي خلاه بس يخرج اللي اسمها نرجس وانا زماننا خلصنا من الموضوع وهي اللي لبستها

اول ما بيقول كده بيلاقي الباب اتفتح وبيدخل منه عامر وعيونه متبشرش بالخير واصل وبيقول

عامر

ليه هو فيه حد قالك ان هي مش وراها ظهر ده انا عامر البلد كلها عارفة انا مين واللي يجي ناحية اللي يخصني هيجول على نفسه يا رحمن يا رحيم

واول ما مازن بيشوف عامر جدامه بيتخض وبيقول

مازن

عامر انت هنا من ميتى وبتعمل ايه لو سمعت حاجة انت فاهم الموضوع غلط الموضوع غير كده واصل

عامر

ده انا بحمد ربنا اني جيت في الوجت ده عشان اسمع كل اللي اتقال وحق عثمان اللي اتقتل غدر يرجع بس قبل اي حاجة لازم اعلمك كيف انك كنت بتضحك على بنت عمي وخليتها تصدق انك ملاك بجناحين وبيروح مجرب منه وماسكه وبيفضل يضرب فيه

رواية لعنة ارض العمدة الفصل الثالث والاخير

وعامر كان بيضرب مازن وبيقول

عامر

يعني كنت فاكر انك هتضحك على الكل وتفلت من اللي عملته بعد ما جتلت راجل بريء ورميت التهمة على بنت عمي اللي وثقت فيك انت متعرفش اني هعمل فيك ايه

مازن وهو بيحاول يفلت من ايده قال

مازن

اسمعني يا عامر انت فاهم الموضوع غلط والله ما كان قصدي الأمور توصل لكده سيبني بس وخلينا نتفاهم واللي انت عاوزه هو اللي هيحصل شوف انت عوز فلوس جد ايه وانا هديهالك بس اعتبر نفسك انك مسمعتش حاجة واصل

عامر

اخرس خالص وانا زيك هكون بدور على الفلوس وبس خلاص عمرك انتهى وحق اللي عملتوه واللي كنتم عوزين تعملوه في البلد واهل البلد هعرف اخده منكم تالت ومثلث

وفي اللحظة دي عاطف بدأ يرجع لورا بخوف وهو بيجول

عاطف

انا ماليش صالح يا عامر والله هو اللي عمل كل حاجة وانا كنت خايف منه والطمع كان وقتها عاميني

عامر بص له بغضب وقال

عامر

وانت فاكر نفسك بريء يعني ما انت ساعدته وخبيت الجريمة معاه ويدك اتعاصت بالدم ومشترك في اللي حصل

واول ما عامر بيقول كده بيسمعوا صوت سرينة البوليس بره واول ما مازن بيسمع كده بيتوتر وبيقول

مازن

هو هو ايه الصوت ده انا بلغت عني

عامر

معقول يا دكتور مش عارف مين دول ده انت حتى متعلم وعارف الكلام ده على العموم انا هجولك مين دول دول الناس اللي هيعرفوك ان الحق عمره ما بيضيع والحق هيرجع لاصحابه

وبعدها بيلاقوا الباب اتفتح جامد وبيدخل المأمور وبيقول

المأمور

محدش يتحرك من مكانه المكان

مازن

هو ايه اللي بيحصل هنا وازاي تدخل عليا كده انا دكتور محترم ماينفعش اللي بيحصل ده

عامر بسخرية

دكتور محترم قال هو فيه دكتور برضه يعمل اللي انت عملته خلاص القناع جلع وكل حاجة هتبان على حجيجتها

اول ما عاطف بيسمع كده بيقول

عاطف

خلاص ضعت الله يخرب بيتك يا مازن على اليوم اللي انت رجعت فيه البلد وديتني في داهية كحلة

المأمور

الدكتور مازن انت متهم بجتل عثمان والتلاعب بالأدلة ومحاولة إلصاق التهمة بغيرك ولو سمحت اتفضل معانا

مازن

كله كدب مفيش دليل واحد عليا وانا اصلا مكنتش اعرف اللي اسمه عثمان عشان اعمل فيه كده وانا عوز ابلغ عن عامر ان هو دخل واتهجم عليا وهانني في العيادة بتاعتي

وفي الوقت ده عامر طلع تليفونه وقال بخبث

عامر

وطالما مش عارفه ليه جلت ان انت عملت كده بصوتك وبيروح مطلع التسجيل اللي كان مسجله اول ما سمع الكلام اللي دار بين عاطف ومازن

اول ما مازن بيسمع كده بيسكت وعاطف بيقول بخوف

عاطف

انا هجول كل حاجة والله العظيم هجول الحقيقة كلها انا ماليش صالح في اللي حصل مازن هو اللي عمل كل حاجة وهو اللي ضرب عثمان بالسكينة انا كل اللي عملته ساعدته ان هو ينجل الجثة مش اكتر

المأمور

الكلام ده تجوله في المركز وبيروح واخدهم ومركبهم عربية الترحيلات وبيروح ماشي

وعند نرجس كانت قاعدة مع الجدة اللي قالت

الجدة

هو انتي اتجنيتي يا بت هو انتي ازاي تروحي لعامر وتجوليله الكلام اللي انتي جلتيه ده وعاد زي ما انتي بتجولي لو فعلا عامر راح جال لمازن وخاف منه يبقى واحد جبان ومش يستاهل ضفرك واللي زي ده متفكريش فيه واحمدي ربك ان هو غار في داهية

نرجس

يا جدتي حرام عليكي اللي انتي بتجوليه ده هو انتي عوزة واحد زي مازن دكتور ومتعلم لما عامر يروح يهدده في بيته ميخافش منه انتي اكيد بتهزري هو انا بجولك اهو لو عامر ده جه البيت هنا انتي متعرفيش انا هعمل فيه ايه كفاية ان هو كسر فرحتي النهاردة

الجدة

بت حرام عليكي اللي بتعمليه ده وانا حاسة كده انك ظالمة عامر وبالذات ان هو كويس واللي نعرفه احسن من اللي منعرفوش انا مش فاهمة اللي اسمه مازن ده عملك غسيل مخ ولا ايه بالظبط

ساعتها بيقطع كلامهم خبط على الباب جامد وساعتها نرجس بتتخض

نرجس

استرها يا رب مين اللي بيخبط على الباب بالشكل ده يا رب جيب العواجب سليمة وبتروح عشان تفتح وساعتها بتلاقي عامر في وشها واول ما بتشوفه بتقول

نرجس

ايه اللي جابك هنا وانا مش جلتلك اني مش عوزة اشوف وشك هو انت ايه مابتفهمش لو سمحت امشي من اهنه انا مش عوزة وجع دماغ على المسا وبالذات اني تعبانة ومش جادرة على اي كلام

عامر بص لها للحظات وسكت وكأن الكلام اللي سمعه منها وجعه اكتر من اي حاجة تانية

عامر

ماشي يا نرجس لو ده اللي انتي عوزاه همشي بس قبل ما امشي لازم تعرفي الحجيجة كلها

نرجس

حجيجة ايه تاني هو لسه فيه حاجة معرفتهاش

عامر

ايوه فيه حاجة مهمة انتي لحد دلوقتي فاكراني السبب في اللي حصلك واني كنت واجف اتفرج عليكي وانتي بتتبهدلي كنتي بتتحامي في الغريب عني مفكراه امانك بس كان مستني يلدغك عشان يوقعك مش يجوملك جومة تانية

اول ما نرجس تسمع كده بتستغرب وبتقول

نرجس

كلام ايه اللي انت بتجوله ده انا مش فاهمة اي حاجة هو قصدك مين بالكلام ده

عامر

قصدي مازن اللي خلاكي متشوفيش حد في البلد اللي هو وكنتي مفكرة ان هو امانك بس هو طلع ازبل واحد عرفتيه

نرجس

حرام عليك يا جدع هو ايه الكلام اللي انت جاي تجوله ده هو انت مفكر لما تيجي تجولي كده هتخليني اكرهه تبقى عبيط ده بالعكس انا هحبه اكتر واكتر ومش هفكر في حد غيره وامشي اطلع من هناك بدل ما اوريك شغلي معاك

واول ما نرجس بتقول كده عامر عيونه بتحمر بغضب وقال

عامر

اللي بتدافعي عنه وبتتكلمي عنه البوليس خده عشان هو اللي جتل عثمان وكان ناوي يعمل المستشفى مش حبا في اهل البلد عشان ياخد اعضاءهم

واول ما نرجس بتسمع كده بتتصدم وبتقول

نرجس

انت كداب مستحيل دكتور مازن يعمل الكلام اللي انت بتجول عليه ده انت اكيد بتعمل كده عشان خاطر تبعدني بعيد عنه واكيد انت اللي لبسته التهمة مش اكده

عامر

طول عمري بسمع عن الغباء بس انا اول مرة اشوفه هو مين عشان خاطر اعملك ده ولو مش مصدقاني اسمعي التسجيل وهو بيعترف على نفسه

وبيروح عامر مخرج التسجيل واول ما نرجس بتسمع كده بتتصدم وبتقول

نرجس

يعني ايه اللي انا سامعاه ده يعني اللي انا كنت فاكراه الملاك البريء يطلع كل ده طب ازاي اكيد فيه حاجة غلط

عامر بحده

انتي بتبرري لمين انا مش عوز كلام كتير هي كلمة ورد غطاها انتو هتلموا خلجتكم وحاجاتكم وتيجوا معايا على الفيلا وانا مستحيل اسيبكم هنا لوحدكم والكلمة دي امر وهتتنفذ سمعتوا

نرجس

وانا من ميتى باخد اوامر منك يا عامر وبعدين انت مالك بينا احنا نعيش اهنه ولا نمشي من اهنه وريح نفسك احنا مش هنروح في اي مكان

الجدة ضربت كف بكف وقالت

الجدة

يا بت بطلي عناد الراجل جاي خايف علينا وانتي لسه بتتخانقي معاه خلاص يا عامر الي يريحك يا ولدي وهنعملو ليك

نرجس

كلام ايه اللي انت بتقوليه ده يا جدتي مين اللي قال لك ان انا موافقة اصلا اروح معاه وانا قلت كلمة مش رايحة يعني مش رايحة واللي عندك يا عامر اعمله

وبعد ساعة بتكون نرجس واقفة جوه الفيلا وبتقول بضيق

نرجس

ما تفرحش قوي يا ولد عمي لولا جدتي ما كنتش جيت ولا دخلت البيت اهنه خليك فاكر ان انا جيت علشان خاطرها بس مش اكتر

عامر بيبص ليها بهدوء بيقول

عامر

انا ما يهمنيش كل ده انا كل اللي يهمني انتم هتفضلوا تحت عيني واكون مطمن عليكم وعاوزه اقول لك يا نرجس البيت بيتك واي حاجه عاوزاها اعمليها مش عاوزك تحسسي نفسك ان انت غريبة

نرجس

بقول لك ايه يا جدتي يلا خلينا نطلع بدل ما نفضل واقفين كده كتير وبالذات اني تعبانة وعاوزه انام

بتروح واخدة الجدة وبتروح طالعة لفوق وعامر بيفضل باصص لها وبيقول

عامر

هتفضلي تعاندي معايا كده كتير يا نرجس ميتى بقى تحسي باللي جوايا وتعرفي ان انا بحبك ومحدش هيعشقك غيري يا بنت عمي بس الي مفرحني دلوجتي ان انا اول لما اصحى اشوفك

وبيروح مخلص كلامو بتنهيدة وبيروح طالع نايم هو كمان

وثاني يوم تصحى نرجس بدري وبتنزل علشان تجهز الفطار للجدة

وفجأة رجلها اتلخبطت في طرف السجادة وكانت هتقع ولسه جاية تصوت بتلاقي ايد مسكتها

واول لما رفعت عيونها واتصدمت لما لقت عامر واقف قدامها وممسكها من دراعها جامد وعينو كلها لهفة وخوف

عامر

اي الي حصل كنتي هتقعي مش تاخدي بالك

نرجس بعدت نفسها بسرعة وقالت

نرجس

سيبني انا كويسة السجادة الزفت دي هيه الي كعبلتني

عامر ابتسم وقال

عامر

مم السجادة بردو ولا انتي لسه نايمة على العموم انا هكلمهم انهم يشيلوها خالص علشان متتكررش تاني وتقعي في مرة وانا مش موجود وساعتها محدش هيمسكك

نرجس بغيظ

انت بتفول عليا وسع اكده وبطل حديثك الماسخ دا وابعد بعيد عني

واول لما نرجس بتقول كده بيقرب منها عامر وبيبص في عيونها جامد خلاها تتوتر وقال

عامر

والله ده اللي بحاول اعمله من سنين ومش قادر دا انتي لو عيونك دول سحرني مكنوش عملو فيا اكده

واول لما نرجس بتسمع كده بيبان عليها التوتر والخجل وقالت

نرجس

جفل خشمك وميصحش الي بتجولو دا ولو مفكر علشان احنا في دارك تعمل اللي انت عاوزه وتنسى عوايد الصعيد يبقى لسه ما تعرفنيش كويس انا نرجس والحديث اللي بتجولو ما يدخلش دماغي بنكلة وسع كده خليني اجهز الفطار لجدتي خليها تفطر وتاخد العلاج

بتروح سايباه وبتمشي وعامر بيفضل باصص فيها وبيضحك جامد

وبتعدي الايام وطول الفترة دي وعامر بيحاول يقرب من نرجس لحد ما في مرة بيرجع البيت وساعتها بيلاقي الجدة قاعدة واول لما بيشوفها بتقول

الجدة

كويس يا عامر اللي انت جيت انا مش فاهمة نرجس مالها ما خرجتش من الاوضة بتاعتها وانا مش عارفة اروح لها بالله عليك روح واطمن عليها انت ما تعرفش اني قلقانة عليها كيف

عامر

هدي حالك يا جدتي حاضر انا هروح ليها وان شاء الله خير وبروح قايم طالع بسرعة واول لما بيدخل الاوضة بيلاقي نرجس نايمة وباين عليها التعب واول لما بيلاقي كده بيقرب منها بخوف وبيقول

عامر

مالك يا نرجس عاملة كده ليه انت كويسة

نرجس بتعب

مش عارفة مالي يا عامر جسمي مهمد ومش قادرة حتى اقوم من مكاني مدخلك هنا امشي اطلع بره

عامر

هو انت في ايه ولا في وسعك ده وبيروح مقرب منها واول لما بيقيس الحرارة بتاعتها بيصدم لما بيلاقي جسمها سخن وبيقول

عامر

علي قنديل نفسك ده انت جسمك كيف الجمر تعالي كده خليني اوديكي على الحكيم نطمن عليك وبروح مقرب منها علشان يشيلها

نرجس بتعب

وسع يدك يا عامر ما ينفعش اللي انت بتعمله ده افرض حد شافنا

عامر

مش وقت الكلام اللي انت بتقوليه ده انت بنت عمي وما ينفعش اسيبك كده وبروح واخدها وبروح طالع على الحكيم

وبعد شوية بيرجع البيت وهو شايلها وشايل الادوية وبيفضل قاعد جنبها يعمل ليها كمدات

وثاني يوم بتصحي نرجس وبتتفاجئ لما بتلاقي عامر قاعد جنبها لسه واول لما بتلاقي كده بتفضل باصة ليه جامد وبتقول

نرجس

معقول يا عامر طول الليل وانت سهران جنبي بعد المعاملة الي كنت معاملها ليك هو انت ازاي كده وانا مكنتش شايفاك

ساعتها بتتخض لما بتسمع صوت عامر وهو بيقول

عامر

انا عارف زين ان انا حلو جوي كمان بس مش للدرجة اللي تفضلي باصة لي اكده من غير ما ترمشي

نرجس حست بالخجل بسرعة ولفت وشها الناحية التانية وقالت

نرجس

يا سلام على الغرور اللي انت فيه ده على فكرة انت فهمت غلط مكنتش باصة ليك على فكرة

عامر ضحك وقال

عامر

امال كنتي باصة على ايه يا ستي خلاص بهزر

نرجس

شكرا يا عامر اني عارفة ان انت تعبت وياي طول الليل والله وعلم لو ما كنتش موجود كان حصل لي ايه

عامر

الف بعيد الشر عنك ولا تعب على حاجه دا اني لو رجع بيا الوقت هعملها تاني ومية مرة كمان

نرجس

ليه

عامر

عشان انتي تستهلي اكتر من كده بكتير يا نرجس وما تعرفيش ان انت بالنسبة لي ايه

واول لما نرجس بتسمع كده قلبها دق بسرعة وحاولت تغير الكلام

نرجس

هي جدتي فين صحيح اكيد قلقانة عليا دلوقتي

عامر

تحت من بدري وموصية عليكي تاكلي الاول قبل اي حاجة علشان تاخدي العلاج

نرجس حاولت تقوم لكن حست بدوخة بسيطة وفجأة لقت عامر ماسك ايدها يسندها بسرعة

عامر

براحة على نفسك

نرجس

انا كويسة

عامر

لا مش كويسة ولسه تعبانة

نرجس بصت لايده اللي ماسكة ايدها وسكتت اما عامر فانتبه وسابها بسرعة وقال

عامر

اسف مكنش قصدي قلقت عليكي بس انا هسيبك دلوجتي وانا جارك لو احتاجتي مني حاجه نادي عليا

وبيروح خارج ونرجس بتحط يدها على قلبها وقالت

نرجس

مالك بتدق اكده ليه معجول عامر جدر يحركك بس يستاهل كل دقة دقيتها ليه وبالذات اني كنت ظالماه وبتروح قايمة مغيره هدومها وبتنزل

اول لما بتنزل بتتجدم لما بتلاقي عامر واقف مع واحدة عمال يضحك جامد

واول لما بتلاقي كده بتقرب منهم من غير ما بتحس وبتقول بحدة وغيرة واضحة وغيظ

نرجس

ما تعرفني يا عامر واهو ضحكني وياكم بدل ما تضحكو لوحدكم اكده

عامر اول ما سمع صوتها بص ناحيتها باستغراب اما البنت اللي كانت واقفة جنبه فابتسمت وقالت

البنت

انتي نرجس صح عامر مكنش بيبطل كلام عنيكي لدرجة كنت عاوزه اشوفك اني سعاد بنت خالته وراضعين على بعض يعني احنا كيف الاخوات يعني متجلجيش مفيش حاجه بيناتنا

واول لما نرجس بتسمع كده بتتكسف وبتقول

نرجس

ها كلام ايه الي بتقوليه كل الحكاية ان انا استغربتك وبالذات اول مرة اشوفك على العموم نورتي الدار حدانا انا هروح لجدتي اطمن عليها

وبتروح سايباهم وبتمشي وبعد شوية بتكون نرجس واقفة وبتلوم نفسها وبتقول

نرجس

عاجبك الي عملتيه دا حرجتي حالك كيف يارب ميكنش خد بالو ان اني كنت غيرانة

وبيجي عامر من وراها وقال

عامر

ليه الكبرياء دا يا بنت عمي انتي عارفة زين اني انا رايدك من زمان ونفسي تكوني ليا ليه العناد بس

واول لما نرجس بتسمع اكده اتوترت وقالت

نرجس

يمكن عشان كنت خايفة اعترف بالحجيجة بس دلوجتي عرفت اني ظلمتك جوي يا عامر ومكسوفة منيك

عامر

يعني موافقة تكوني مرتي يا نرجس عاوزه اسمعها منيكي

نرجس نزلت عيونها بخجل وقالت

نرجس

موافقة يا ولد عمي كلم جدتي والي تجول عليه انا موافجة وبتروح ماشية بسرعة من قدامه وعامر بيكون واقف والفرحة مش سايعاه

وبعد ايام قليلة اتكتب كتابهم وسط فرحة الجدة واهل البلد بجوازتهم والي عاشو بقية حياتهم في حب وسعادة ونرجس من وقتها بتحمد ربنا ان شال العشاوة من على عنيها وشافت عامر صح وانو هو العوض الي ربنا عوضها بيه