رواية لأجل امي اصبحت خادمه الفصل الخامس عشر 15 - بقلم MSCprincess

البارت الخامس عشر

~~||~~

بلعت ريقها وهي متوتره من تواجده قدامها
ريان : اامم شلونك؟
اسيل وخرت عنه ومشت وهو طالعها وابتسم
نزل للصاله وجلس
ريان : متوقعت انك بهالجمال بس حسافه اختي فوق كل شي
تنهد وغمض عيونه بنفسه هو بعد مو راضي بلي يسويه بس وعد انتقامه لاخته م راح يخليه يروح هباءً منثورا
ريان : ادري مالك ذنب باخوك بس لازم يحترق ويذوق النار الي ذوقني ياها

~~||~~

جالسه مقهوره من الي صار
ليش سحرها م ضبط
كالا : خلاس انسي بابا احمد
نيبار : انا م فيه انسى انا لازم سوي طريقه ثاني
كالا : ايش سوي؟
نيبار طلعت بودره
كالا : ايش هاذا
نيبار : هاذا حطي في مويه احمد يشرب بعدين يصير حق انا
كالا ضحكت : بس طعم؟
نيبار : لالا م فيه طعم اشرب كلو م في حس
كالا : انتي واجد خطير
نيبار هزت راسها : انا نيبار انا في مخ
كالا : شوفي بابا احمد اكيد اجي
نيبار : ايوا

~~||~~

فتحت عيونها الي امتلت بدموع
تألمها وتحس بحزقه داخلها
وقفت وطالعت وجهها بالمرايا
-اصحي ي براءه انتي قويه وتقدرين تتخطين كل هاذا -
غسلت وجهها وفتحت الباب وطالعت نيبار الي كانت معطيتها ضهرها
انتبهت لها براءه ان وراها شي
شافت قلاس المويه ويوم نيبار طلعت البودرا وحطتها بالمويه وضلت تحركها بالملعقه
استغربت براءه عرفت ان هاذي بعد ممكن لعبه من الاعبيها
حطت المويه بالصحن الصغير وطلعت للغرفة احمد
لحقتها براءه وشافتها يوم دخلت غرفة احمد
فتحت الباب بسرعه ودخلت ورا نيبار
احمد طالعهم الثنتين
نيبار خافت من براءه وضلت تطالعها بنضرات
نيبار : هاذا مويا انتا ابغى
احمد اخذ المويه وحطها ع الطاوله
طالع براءه : وانتي شجابك؟؟؟؟
براءه راحت اخذت القلاس ورمته ع الارض
نيبار بصصصرخه : ليسسس ؟؟؟؟
احمد اشر لنيبار تطلع برا الغرفه
نيبار اعطت براءه نضرت توعد وتهديد وخرجت
احمد وقف ومسك كفها : ليش سويتي كذا؟؟؟
براءه اشرت ع الكاسه وحركت اصبعها ب لا
احمد : انا مدري شتقولين بس الي فهمته من حركتك استحقار تستعبطين انتي ولا ايشش ؟
براءه سكتت وم تكلمت
احمد : انتي مريضه ولا تمثليين!!!!
مسك ايدها : والله لو عدتيها لا اكسر راسك مثل م كسرتي القلاس يالله انقلعي بررراا
دفها ومشيت براءه وهي متوتره من نيبار

جالسه تنتضرها برا وايدها تفركها ببعض
دخلت براءه وشافتها والشر يطلع من عيونها
مسكت براءه من شعرها وقربت وجهها من وجه براءه
براءه تطالعها بصدمه وعيونها مخوفتها
نيبار : ليس سوي كذا ليسسس !!! انا في اخرب بيت انتي واللهي اخرب بيت انتي افهم كلام انا ولا م افهم
دفتها برا بس جسم نيبار كان اقوا من جسمها
نيبار : يومين بس انتي بعدين موتي اعرف ايش قول انا والله انا اذبح انتي
دفت براءه ومشيت
براءه -ثاني مرا احط نفسي بخطر عشانك ي احمد والله اعلم هالكلبه شو بتسوي -

~~||~~

ابراهيم :اقولك عندهم ذهب وفلوس كثير
محمد : من جدك
ابراهيم : ايوا بالتجوري كل شي بس المشكله متى ندخل البيت
محمد : م عليكك نضبط يوم كذا وندخل بس لازم الكل يكون خارج البيت

~~||~~

مها : انتبهو لنفسكم كلكم
البنات : مع السلامه
خرجو البنات كل وحدا ع بيتها
دخلت عند اخوها وجلست شافته سرحان بعيييد
مها : ريان!!
ريان طالعها
مها : شفيك سرحان
ريان : شفتها!
مها : اسسسيل !!!
ريان : اي
مها : شلووون شفتها؟
ريان : جميله
مها : بتتزوجها !
ريان : مستحيل
مها : ليش مستحيل لا تأثم ولا تزني عشاني انا م بفيدك يوم الحساب
ريان -صح كلامك ي مها انا ازني واثم اذا سويت الي ببالي-
مها : اسيل بنت طيبه وزينه تنحب بس اخوها هو الي ..
ريان : مها خلصنا
مها مسكت ايد ريان : ريان تكفى مها طيبه و متستاهل مها مضطهده بحياتها عايشه كانها ولد كرهت انوثتها وتمنت انها تكون ولد مها عندها اهل بس م كانهم موجودين كل واحد عايش حياته تكفى لاتخليها توصل للي انا وصلت لك لو حملت وصار ببطنها قطعة حرام شنو ذنبها وشنو ذنب الي ببطنها
ريان سحب ايده وطلع من الغرفه
مها : ريان وقف .. صح انك اخوي بس اسيل بعد بنت مثلي والله لو فكرت انك تسوي شي بخبرها انت شنيتك
ريان طالعها بصدمه : بتقولين لها؟؟
مها : اي بقول لها بخاف عليك من الحرام انت وياها
ريان : صدقيني لو كلمتيها انسيني
مها : انساك بس انت لاتزني عشان ربك
ريان طالعها وطلع م يبغى يسمع منها حكي

~~||~~

سند راسه ع السرير
مشاري : تركتك مراا بس صدقيني هالمرا م راح اتركك بطلعك وبطلع عنوانك من تحت الارض وبوصل لك ولو صار اي شي اتزوجك واحميك منهم وبتكونين تحت حمايتي من بعد الله صحيح اني احبك ك اختي بس لو صار شي بحمييك بعيوني بوصل للمدرستك وبشوف من بكرا الصبح بروح للثانويتك
وقف بسرعه وراح لاخته رولا
دخل غرفتها وسكر الباب وجلس عندها وطالعها
رولا نزلت السماعات وطالعته
مشاري : رولا
رولا : هلا؟
مشاري : امم ابيك بسالفه بس م حداومي بكرا؟
رولا : بشرط !!
مشاري : اوهوه علينا بدينا شروط
رولا : خلاص اجل مو موافقه تفضل اطلع من غرفتي
مشاري : لالا خلاص موافق
رولا : ابي اعرف شنو صار بينك وبين امي عشان انت زعلت هالكثر
مشاري : اوك بس بالاول بتوافقين وتسوي الي بقولك عليه
رولا : اسمعك قول
مشاري : شوفي الي ابيه منك ....

~~||~~

فتح فونه واتصل عليها
شافت اتصاله وتنهدت ترد او لا
وبعدها ردت
براءه : هلا وسيم!
وسيم : شلونك!
براءه : زينه ومو زينه
وسيم : شلون زينه ومو زينه من شنو؟
براءه : من فهد
وسيم جلس ع السرير : ليش شنو سوا؟
براءه : كعادته مجنون
وسيم : فهد مو مجنون بس مسحور
براءه : ادري بس كان راح يذبحني اليوم
وسيم : ليش شنو صار؟؟
براءه حكته كل الي صار
وسيم : امم الله يعينك .. بقولك شي بس اتمنى م تزعلي
براءه : قول اصلاً كل شي مو زين صار لي هالفتره م باقي لي شي
وسيم : خالك
براءه : شفيه!
وسيم : راح للمحكمه وطلب البيت الي انتي ساكنه فيه
براءه بصدمه : شنوو
وسيم : اي ويقول انك مختفيه والمحكمه وافقت له ياخذه
براءه : ششششنوو وب اي حق
وسيم : مدري بس اليوم استلمه واجره للناس
براءه وقفت وحطت ايدها ع فمها : وبأي احقيه يسلمونه
وسيم : انتي باقي صغيره يعني بيكون مسؤول عنك
براءه : م راح اسكت له م راح اسكت
وسيم : شبتسوين ... الو ... براءه؟؟
م سمع الرد
سكرت الجوال ولبست العبايه وطلعت
وسيم : مجنون انا الحين اكيد رايحه له
اخذ مفتاح سيارته وبسرعه طلع من البيت
وراح للخط الي قريب من بيتها
وشافها جايه تجري
مسكها وسيم مع ايدها
براءه : وسييييم وخر عنييي
وسيم : وين بتروحين
براءه : بطلعهم من بيتي ؟
وسيم : مالك الحين اي احقيه راح تاخذك الشرطه وتنسجنين
براءه : وسيم هالشي الوحيد الي باقي لي من ريحة امي شلون م تبيني اروح له
وسيم : م عليه انا باخذ لك بيت وتعيشين فيه انتي لحالك وبكتبه ب اسمك
براءه مسكته مع ياقة قميصه : كم مرا اقولك انا م احتاج شفقة احد م تفهم انت
وسيم : خلاص طيب اهدي انتي كم مرا اقولك مو شفقه انتي بتدفعين لي الفلوس ع اقساط
براءه : بيتي هاذا بيتي تعرف شنو يعني يعني امي كانت هنا يعني عشت عمري هنا
وسيم : براءه توك صغيره انتتتي!!
براءه : صح عمري 17 سنه بس شلت اشياء كثيره ع ضهري كسرتني
سمعت صعقت البرق الي خوفتها
فزت ونطت بحضن وسيم
وسيم طالعها وحس بشعور غرررريب
براءه : اخاف من البرق والرعد
وسيم : امشي السياره
حسو بقطرات المطر الي كل مالها تزيد
مسكها وسحبها للسياره وكانت خايفه حيل ركبت السياره وهو بعد ركب
طالعها بصمت
وسيم : بتشوفين بيتك بس وعديني انك بس تطالعينه
غمضت عيونها وبكت
وسيم : حاس فيك ي براءه بس اوعديني خلاص هالشي راح
هزت راسها ب اوك
لحضات ووقف عند باب بيتها
طالعته وبكت شافت بزر صغير بكستاني طالع من البيت وواضح الفقر بحالته
وسيم : انتي ممكن تنقضين ناس عايشين بالشارع تضمينهم بين اربع جدران تركتي الامان بقلوبهم
براءه : بس فيه ريحة امي
وسيم : امك بتضل بقلبك محفوره بصدرك وريحتها فيك انتي وصورتها بعيونك وين م تروحين مو بس بالبيت
براءه غمضت عيونها وبكت وانهارت
وسيم : م توقعتك ضعيفه للهدرجة
براءه : مو ضعيفه بس امي هي ضعفي
وسيم : الله يرحمها
براءه : وديني بيت خالي
وسيم : الحين؟؟
براءه : اي
وسيم : لا الوقت
براءه فتحت باب السياره وجات بتنزل مسك ايدها وسيم
وسيم : وين ي براءه ؟!؟؟
براءه : بروح له مشي
وسيم تنهد : انتي عنيده ، خلاص اركبي امري لله
براءه : اوك
ركبت ووضلت توصف له العنوان لين م وصلو
كان بيته جميل متواضع تصميم فاخر
استغرب وسيم : متاكده هذا بيته؟؟
براءه : ادري انك مصدوم من وجودنا بذاك البيت ووجوده بهالبيت
وسيم : صراحه ايه !!! ليش خالك سوا كذا؟
براءه : بعدين بقولك
وسيم : طالعي مضلم اكيد نايمين
براءه : احسنن
نزلت ولحقها وسيم
وضلت تضرب الباب ب ايدها اكثر من مرااا وبصوت عالي
فتح الباب خالها بصدمه : خير خير خير؟؟؟؟؟ شهالازعاج انتي ي همجيه
براءه مسكته مع ياقته : ليش بعت بيتي ليششششش!!!
خالها : لانك اختفيتي قلت اكيد متي
براءه بصراخ : تفاول علي بعد شنو م تستحي ع نفسك انت !!!!!
خالها : هيه انتي خلاص انقلعي برا بيتي م ابي اشوفك بعدين تعالي انتي وينك فيه -طالع وسيم- اها ولا شكلك مع حبايبك
استجمعت قوتها واعطته كف ع وجه
براءه : انت بنت اختك بدال م تلمني ب الاحضان تقول علي هالكلام بس اكيد دامك واحد وصخ هددت اختك ورميتها بالشارع عشان الفلوس م استبعد انك تسوي اكبر من ذا كله
خالها مسكها مع شعرها وبسرعه مسك ايده وسيم
طالع وسيم بصدمه
وسيم : م اسمح لك تمد ايدك عليها فهمت
خالها : بصفتك مين !!!
وسيم : حاميها من بعد الله
خالها : ضاحك عليك اكيد بفلوسه كم دفع لك عشان
براءه : اسسسكت خلاااص م ابي اسمع منك شي
خالها : دام امك متزوجه من ورانا اكيد انتي بعد مسويتها الحب يطلع ع بذره
براءه هجمت عليه وضربته : م اسمح لك تتكلم عن امي
وسيم : شنو انت م تستحي امها هي اختك انت من شنو مصنوع
براءه : روحي روحي لا اخبر ابوك انك عايشه واخليه يدفنك وانتي حيه
وسيم : عشان اذبحه الي يمد ايده عليها
خالها : روحو من قدام بيتي ولا اتصل ع الشرطه مو ناقص الجيران يجيبون سمعتي ب السيئه
براءه : يروح بس صدقني لا احرقك من فوق لتحت انت وابوي
دفته وطلعت ولحقها وسيم
وسيم : براءه
ركبت السياره وسكرت الباب وركب هو بعد
وسيم : خليتيه يطعن بشرفك روحتك غلط بغلط من الاساس
براءه طالعته بنضرة حزن : انا بكبري غلط جيت ع هالدنيا
وسيم : انتي شتقولين استغفرالله
براءه : ردني البيت
وسيم : زين بردك
براءه حست بغثيان والم معدتها الي زاد
حطت ايدها ع فمها
وسيم : انتي فيك شي ؟
براءه : دايخه بس
وسيم : اوديك الطبيب
براءه : لا
براءه -مرض امي وراثي والاعراض الي جاتها ببداية مرضها نفسها الحين معاي يعني انا بعد ممكن اكون مصابه فيه - ابتسمت
وسيم : شفيك تبتسمين
براءه : بموت
وسيم طالعها ب استغراب ؟؟
براءه : وسيم انا بلحق امي
وسيم طالعها : لاتقولين بتنتحرين !!
براءه : لا ليش اغضب ربي
وسيم : اشوا بس م فهمت كلامك
براءه : انا مريضه
وسيم : شلون!! من شنو؟
براءه : مرض امي وراثي
وسيم : مو معناة انك مصابه فيه لو كان وراثي
براءه : الاعراض بدت فيني نفس الاعراض الي جات لامي
وسيم بخوف: براءه شتقولين انتتتي
براءه : تصدق اني فرحانه
وسيم : اوهام اكيد او اعراض طبيعيه من التوتر
براءه : بروح اسوي تحاليل واذا تأكدت بسوي الي براسي قبل موتي
وسيم يضرب ع الداركسون: لسى تجيب سيرة الموت
براءه : وسيم انا شنو؟
وسيم : شنوو م فهمت
براءه : انت قدامي شنو تشوفني !
وسيم : اشوفك مجنونه
براءه : وسيم جد شنو تشوفني
وسيم : اعيد واكرر للمرا المليون اشوف فيك مثل م اشوف اختي اسيل
براءه : اسيل اها طيب بكرا بروح المستشفى
وسيم : بالاول اوعديني ان لو صح طلع معاك شي تتعالجييين وتتركين الشغل
براءه : بسوي الي براسي وبعدها اتعاالج
وسيم : ان شاءالله تكوني بخير
براءه : صدق فرحت لان خلاص بديت احس اني بموت والحق امي بجنتها
وسيم طالعها : لو انتي اختي ضربتك
براءه : ممكن!
وسيم : شلي ممكن
براءه صرخت : الساعه 4 وديني بسرعه البيت
وسيم تنهد : اوك
وبسرعه توجه للبيت دخلت
وكالعاده لقيته قدامها
عزام بصوت شبه عالي : وين كنتتتتتي؟
براءه نزلت طرحتها : شدخلك
دخلت الغرفه وسكرت الباب رمت الطرحه وطالعت باب الغرفه الي انفتح ودخل عزام وسكر الباب
عزام : بتقولين وين كنتي ولا شلون؟
براءه : عزام ي مجنون اطلع براا!
عزام : لا مو طالع
براءه : شنو تبي ؟
عزام : وين كنتي
براءه : ببيتي
عزام : شتسوين
براءه : عزام تفضل برا
عزام : م ابي اكرر السؤال
براءه : م يخصك وش كنت اسوي بصفتك منو
عزام : لا اخر مرا
براءه : ليش كل الاسئله
عزام : لاني احبك!
براءه توترت وبلعت ريقها : كم مرا قلت لك م احبك
عزام : م اهتميت عزام الي يبيه يجيبه
براءه : شقصدك ! يعني تجيبني غصب عني
عزام : افهميها مثل م تفهميها
براءه : انا براءه اذكرك
عزام : من يوم ورايح اي طلعه انا ادري عنها
براءه : وان م دريت شبتسوي !!!
عزام : جربي وشوفي
طلع وسكر الباب وراه ابتسم ع جنب
براءه : ههه هذا مجنون اكيدد

~~||~~

الصباح
الساعه 9:30
مشاري : جاهزه؟؟
رولا : ايييه
مشاري : خبريني لا صار شي
رولا : اوك
نزلت ودخلت المدرسه
دخلت قسم الاداره وجلست
الاداريه : عفواً اختي!
رولا : جايه اسأل عن طالبه قريبه مني تدرس هنا
الاداريه : وبصفتك شنو
رولا : البنت اختفت من بعد وفاة اهلها
الاداريه : شلون اختفت وانتي تقولي تدرس هنا
رولا : انا جايه اشوفها
الاداريه : تقدري تشوفيها برا المدرسه
رولا : لو اقدر م كان جيت هنا البنت حتى ببيتها مو موجوده قلت اكيد نلاقيها بمدرستها
الاداريه : شنو اسم الطالبه؟
رولا : براءه بسام ال*^**
الاداريه بحثت بالانترنت وثواني
الاداريه : استاذتي الطالبه مفصوله
رولا : شلون يعني انتو فاصليناها!!
الاداريه : لاهي فصلت وتركت م تبي تكمل دراسه
رولا : ومن متى ؟
الاداريه : متى توفت امها؟
رولا : من شهر
الاداريه : الطالبه لها اكثر من شهر م تداوم
رولا : طيب لها صديقات يعرفون شي عنها. احنا اهلها م ندري وينها
الاداريه : نشوف فصلها الحين
وقفت الاستاذه وراحت للفصل براءه
الاداريه : السلام عليكم ي الطالبات
الطالبات : وعليكم السلام
الاداريه : في احد يعرف الطالبه براءه بسام ال****
الطالبات : اي فصلت تركت م تداوم
الاداريه : اقصد ع تواصل معاها
الطالبات طالعو هنادي
الاداريه : ها ي هنادي شكلو عندك خبر
هنادي : اي احاكيها انا
الاداريه : طيب تفضلي معي لغرفة الاداره
اخذت هنادي ومشيت للغرفه
دخلت هنادي الغرفه وطالعت رولا ووقفت
الاداريه : استاذه رولا هاذي هي صحبة براءه
هنادي طالعتها ب استغراب
الاداريه: اخليكم ع راحتكم
طلعت وسكرت الباب وراها
رولا : هنادي انتي تعرفين وين براءه !
هنادي : اي
رولا : وينها
هنادي : بصفتك شنو
رولا : انا بنت صحبة ام براءه وهي تذكرنا مشاري ورولا وانقطعنا عنهم واخوي يعز براءه حيل وخاف عليها يوم اختفت بعد وفاة امها
هنادي وقفت : اسفه مقدر اقولك وينها
رولا : هنادي تكفين قولي لي وين براءه لازم نساعدها قبل م ابوها يعرف عنها شي ويذبحها
هنادي : شنو؟؟ يذبحها
رولا : ابوها يكره امها ولو عرف ان عنده بنت منها قتلها لازم نحميها منه قبل م يصير شي
هنادي : براءه تشتغل ومامنه حياتها لاتخافي عليها
رولا : هنادي شنو تبين عشان تعطيني مكان براءه
هنادي : ابيك م تكلميني مرا ثانيه
وقفت وخرجت انقهرت هنادي من تصرفها
وطلعت من المدرسه
ركبت السياره
مشاري : ها شفتيها
رولا : مفصوله من اكثر من شهر
مشاري : شنو؟؟؟ اكيد ابوها سوا فيها شي
رولا : حاكيت صحبتها وقالت لي تعرف مكانها
مشاري بفرحه : صدق وين!
رولا : قلت لها شنو تبين عشان تقولين لي مكانها
مشاري : اي وشو قالت
رولا : قالت م ابيك تكلميني هاذا الي تبيه
مشاري : يعني شنو
رولا : يعني م تبي تقولي وين كل الي قالته انها تشتغل ومأمنه حياتها لانخاف عليها وطلعت
مشاري تنهد : يعني شنو يعني؟؟؟
رولا : يعني ادعي لها
مشاري : يخوفي بس ابوها عرف بوجودها
رولا : خلصت مهمتي
مشاري : افف ابيك تساعديني ندور حل عشان نلاقيها
رولا : روح لابوها
مشاري : غبيه انتي ؟؟
رولا : ليش
مشاري : طيب لو م كان يعرف ان عنده بنت
رولا : اها صح بعدين نجني ع البنت
مشاري : اي يالله امشي نرد البيت
رولا : يالله

~~||~~

براءه تحاكي هنادي
هنادي : وهذا كل الي صار
براءه : انا م اذكرهم حيل بس اذكر ان امي لها صديقه وعندها ولد بس اسمه ناسيته بعد م اذكره
هنادي : مدري بس كثرت اسأله عنك
براءه : كويس انك م قلتي لهم مكاني مو ناقصه بضل ابحث عن ابوي لين م الاقيه
هنادي : يالله اخليك عندي اختبار بذاكر
براءه : طيب حبيبتي خذي راحتك ودرسي عدل
سكرت براءه فونها وطلعت
شافت نيبار وكالا معاهم حزام غريب وضلو يخيطون فيه
براءه : شفيه هاذا شفيييه اكيد في شي قوي بس يخوفي ع عزام واحمد يصير فيهم مثل فهد وقتها كلهم بيتعبون مصيري افتح الحزام واشوف الي بداخله

~~||~~

رغد : شنو اسيل انتي مجنونه اكيييد
اسيل : ليش هو يحبني وم بيضرني
رغد : خذي لك مثال مها قريبتك صحبتك شوفي كيف وضعها حامل من الشخص الي اوهمها ووعدها بالزواج
اسيل : بس ريان غير
رغد : اسيل لاتجننيني ولد بيطلع مع بنت شغرضه
اسيل : والله بس كوفي م راح نروح بعيد
رغد : مها بعد قالها بعطيك هديه وخطفها قدام خلق الله
اسيل : رغد لاتخليني اندم اني قلت لك
رغد : والله لا اخبر وسيم لو فكرتي تطلعين
اسيل بصدمه : تسوينها؟؟؟؟
رغد : اي ليش لا اذا انتي بتودين نفسك للخطر بسويها
اسيل : رغد
رغد : حلفت لا اخبره وانتهى النقاش
اسيل : والله وسيم والنايف يذبحوني وخصوص النايف يكره هالنوعيه من البنات
رغد : خلاص جاك الخبر
وقفت وراحت للبنات ولحقتها اسيل

~~||~~

مها : ريان لاتفكر انك تطلع معاها والله لا اخبرها
ريان : مها انا ي دوب اقنعتها
مها : لو دريت داومت اليوم ومنعتها
ريان : خلاص انتهى النقاش اليوم حقك بيوصلك
مها : ريان تكفى سوي الي تسوي الا انك تاخذ شرفها
ريان : ترا حتى انتي شرفك ضاع
مها ودمعتها ع خدها : بالغصب
ريان : اكتشفت ان معشر النساء ساذج كلمه تجيبهم وكلمه توديهم
مها : ريان لا
ريان : خلاص كل شي بيتم اليوم
مها : بكلمها انا من يوم ترد
ريان : انسي تكلمينها النت قطعته وشريحتك واخذتها
مها : مراح اخليييك تطلع
ريان : شبتسوين
مها : والله لا اروح للنايف واخبر اهله ان الي ببطني ولدهم
ريان : مجنونه انتي فيك خير سويها تخربين الخطه
مها طلعت دارها وهي متضايقه

~~||~~

رجعت من المدرسه وع طول اخذت فونها
واتصلت ع ريان
ريان : هلا اسيل
اسيل : اسفه مو جاهزه اني اطلع معاك
ريان : ليش طيب يصير نبعد عن بعض
اسيل : اسمع ريان اذا تبيني وتبي هالشي مني انا موافقه اتزوجك
بعد ريان الجوال عن اذنه -انتي لو مو اخته اخدتك ع سنة الله ورسوله : براحتك باي
وسكر الجوال بدون م يسمع منها اي رد
تنهد لانه فشل بمحاولة اقناعها للمره الثانيه

~~||~~

نهايــة البارتتت