رواية لأجل امي اصبحت خادمه الفصل السابع عشر 17 - بقلم MSCprincess

البارت السابع عشر

~~||~~

شاف شعرها المبلول المبعثر ووجهها الرطب
والشنبر ورجولها باينه
براءه لفت وجهها : عزام كم مرا اقولك طق الباب
عزام : اءءء
براءه : اطلع برا لاتخليني احاكي سيمارا تكلم امك
عزام : انتضر هاليوم
وطلع وسكر الباب وراه جلس ع الطاوله وعيونه يطلع منها قلوب
براءه تقشعر جسمها راحت بسرعه وقفلت الباب
براءه : عزام تمادى حييل وانا استاهل اعطيته وجه استغفرالله يارب انك تسامحني
لبست الجينز والتيشرت ولبست العبايه وطلعت شافته جالس ع الطاوله وشارد
براءه : ي ليل الحين شنو يفكني من لسانه
عزام طالعها : وين !
براءه : بصلي (:
عزام : تصلين بالمطبخ
براءه : جايه اخذ لي مويه وبرد الغرفه اصلي
عزام : اها اوك
براءه : عزام صدقني لو تدخل الغرفه بدون م تطق الباب بكسر يدك
عزام : هههه منو يكسر يدي الانسه بوبو
براءه : انا مسلمه وسعوديه واخاف ربي لولا الحاجه م جيت هنا واشتغلت بس مو معناة انك انت تتمادى وتدش الغرفه بدون طق باب
عزام : اكرر اعتذاري جد م كنت قاصد
براءه : امشي ع دارك ولا عاد تطلع لي نفس الجن وبالليل م راح اسوي لك قهوه
عزام : لايكون انا اشتغل عندك
براءه : بالبدايه كنت عادي بس الحين اخاف منك تفضل لو سمحت
عزام وقف : من متى تحاكيني بهالنبره
براءه : من هاليوم لو انت بتضل ع هالحال
عزام ضحك : م عرفتك
براءه : اتكلم جد م قاعده انكت عشان تضحك
عزام : براءه :)
براءه : لو سمحت لاتحاكيني من يوم ورايح واعتبرني نفس م اهلك يعتبروني لا اسمع لا اتكلم ولا تتدخل فيني ب اي شي وين اروح ومتى اجي وليش اسوي كذا هذا م يخصك وقبلهم كلهم ناديني باري
عزام طالعها بصدمه : شفيك
براءه : انت يوم عن يوم تتمادى ولاني اعطيتك وجه بزياده كنت راح ..
عزام : قلت لك وقتها
براءه: عزام هالشي لمصلحتي ومصلحتك
عزام : مصلحتك هي مصلحتي والي بيضرك بيضرني انا لاتنسيني
براءه : ولانك ممكن تضرني ابيك توخر عني
عزام : انا اضرك !!
براءه طالعته وتغرقت عيونها بالدموع دخلت دارها وسكرت الباب
اسندت راسها ع الباب وجلست تبكي
براءه : مستحيل احبك مستحيل انت ممكن اخوي مستحيل ياربي م لقيت احب غير الي ممكن يكون اخوي والثاني النايف يتقرب مني ويطلب اني اطلع معاه وعزام يغار عليه حتى من اخوانه ياربي ليش انا بالذات جيت بهالبيت ليش اشتغلت ببيت الي ممكن يكونون اهلي ابوي واخواني واختي
ضمت نفسها وضلت تبكي للحضات
طالعت الساعه
12:16م
وقفت بسرعه : تأخرت ع وسيم
طلعت بخطوات هاديه وتنهدت وارتاحت حيل بعد م شافت عزام مو موجود
طلعت وراحت للبوابة الخدم

~~||~~

وسيم : اف وين رحتي لي ربع ساعه انتضرك !!!! استغفرالله بس ان شاءالله م صار لك شي
طالعها وشافها جايه صوبه ركبت السياره
وسيم : وينك فيه تاخرتي
براءه : عزام كان صاحي م قدرت اخرج
وسيم : شافك
براءه : لا م اضن
وسيم طالعها وفتح النور
براءه طالعته : شفيك
وسيم : كنتي تبكين!!
براءه : لا
وسيم : زين يالله تأخرنا
براءه : اوك
للحضات وصلو المستشفى
السيستر كشفت كشف خارجي وضلت تتكلم اجنبي
الممرضه : بليز تفضلي معانا ع غرفة التحاليل
وراحت وضل وسيم ينتضرها برا
انسدحت ع السرير ووسيم واقف جنبها ومكتف ايده ويطالعها
براءه غمضت عيونها وحست بوخزة الابر
عضت ع شفتها
اخذت عينه من دم براءه وراحت للمختبر
جلست براءه وطالعته
وسيم : وين رايحه
براءه : خلاص بقوم
وسيم : لا م تقومين توهم ساحبين دم منك
براءه طنشته ووقفت وحست ب اختلال توازنها وطاحت وسيم الي مسكها وحطها ع السرير
وسيم : انتي عنيده مراا
براءه : راسي يوجعني
وسيم : قلت لك لاتقومين وانتي طنشتي لو انك اختي ضربتك كف
براءه طالعته : اختك (:
وسيم : اي لو انتي ، تصدقين احيان احسك مثل اختي اسيل والله
براءه : وانا بعد اشوف فيك حنان الاب
وسيم : الله يكون بعونك ي براءه الله يكون بعونك وينصرك
براءه : متى تطلع التحاليل!
وسيم : الحين تجي السيستر ونسأل
براءه : اوك
انتضرو خمس دقايق ودخلت السيستر ومعاه عصير فواكه وبرتقال
وسيم : متى تطلع نتايج التحاليل
السيستر : بكرا صباح
وسيم : تنتضري
براءه : عندي شغل الصباح وناسي بكرا عزيمه
وسيم : زين انا استلمها الصباح واحاكيك
براءه : لازم اروح الحين
السيستر : انتي اجلس ساعه بعدين روح
براءه : وسيم انا لازم اريح انام وراي كرف بكرا
وسيم : طيب سيستر يصير تطلع ذحين
السيستر : انتي بعدين دوخ وطيح
وسيم :سمعتي
السيستر: انتا امسك هيا لين سرير حق هيا.
وسيم حك رقبته : خليك هنا
براءه : وسيم لازم اروح
وسيم : طيب قومي يالله
مد ايده لها
براءه حطت ايدها ب ايده ووقفت
ومشيت بخطوات ثقيله وهو ماسكها عدل
ركبت السياره
وسكر لها الباب واسند الكرسي عشان ترتاح
ركب وطالعها
براءه : شكراً وسيم شكراً ع كل شي سويته لي مدري كيف اجازيك
وسيم : ولو ي براءه م سويت الا الواجب
براءه : الله يوفقك ويسعدك وين م تكون وتروح انتبه لنفسك حيل طيب !!
وسيم طالعها : ليش تقولين كذا وكانك بتودعيني
براءه : انا متأكده اني مريضه بالورم عشان كذا مدري عن بكرا
وسيم : شتقولين انتي لا ي براءه م يصير هالحكي
براءه : انا اكتشفت الف سر من يوم سكنت بهالقصر
وسيم : انتي ريحي وبكرا انا احاكيك واقولك ان شاءالله ان كل شي فيك سليييم
براءه : اشوف فيك كانك الاخ الي ممكن تكون انت اخوي بعد اشوف فيك الاب الي فقدته وهو عايش
وسيم طالعها -شكلك تهلوسين من التعب-: م عليك ي براءه انا بكون معاك بكل خطوه تخطينها
براءه : مو صحيح
وسيم : شنو الي مو صحيح
براءه : وصلنا شكراً لك وسيم شكراً
وسيم : ولو لاتشكريني
ابتسمت له براءه ونزلت من السياره بتعب
وسيم : اساعدك؟
براءه : لا ارتاح
طالعته ومشيت
وسيم : ليش تتكلمين كذذا وكانك بتروحين و م ترجعين الله يسامحك خليتيني اشيل همك .. ان شاءالله انك تهلوسين من التعب

~~||~~

دخلت وتحس الارض تدور شافته واقف قدامها
عزام كتف ايده : تحبينه؟
براءه حطت ايدها ع راسها : مين
عزام : وسيم
براءه : شقاعد تقول انت
عزام قرب منها وطالعها بعيون زعلانه
عزام : اجل ليش تطلعين معاه وتحاكينه ع الجوال وانا لا
براءه : عزام انت فهمتني غلط
عزام : اشرحي لي
براءه : الحين انا تعبانه م اقدر اتكلم اشرح لك بعدين
عزام : م راح تتحركين من هنا الا لما تشرحين
براءه : عزام تكفى وخر
عزام حط ايده الثنتين ع الجدر وحاوطه : اوفر عليك انتي حقتي انا بس لا وسيم ولا النايف ولا احمد ولا غيرهم
وخر عنها وطلع من المطبخ
اما براءه دخلت دارها وجلست ع السرير حست انها ارتاحت شوي طالعت الارض وتذكرت فهد وغيره
راحت للمطبخ واخذت لها عصير برتقال شربته وحست انها صحصحت وتقدر تسيطر ع توازنها
راحت للدار كالا ونيبار طالعتهم نايمين
رجعت للغرفتها ولبست الجوانتيات (القفازات)
طلعت الكيس واخذت اعواد كبريت
وضلت تفتح عمل عمل وتقرا الايات وتحرقه
بكت بهاللحضه كم ساعدت شخص من هالمجرمه وكم شخص بعد مخبيه اعمالهم
راحت للتواليت وضلت ترجع منغثه غسلت ايدها ارتاحت حست براحه بداخلها
وقفت ورجعت للغرفتها نامت وهي فرحانه لانها ممكن تكون فكت عمل فهد وتنتضره يخرج من غرفته الي من شهور بداخلها ولا طلع
نامت ساعتين وصحيت للصلاة
صلت الفجر وراحت تسوي الفطور
هاليوم تحسه مختلف غير عن كل الايام الجايه
م تدري شنو السبب
نزل عزام ورغد وجلسو ع الطاوله ينتضرون الباقي لحقهم احمد وام احمد وابو احمد
رغد : اكثر شي فقدته من هالثلاث شهور فهد ووجوده معانا ع هالصفره
براءه -يارب انك تبطل هالعمل وتكون مع اي شخص مثل فهد ضحية خدم او ناس م تخاف الله -

صباح الخير
الكل طالعو وانصدمو
فهد : قلنا صباح الخير
احمد وقف : فهد
فهد : بشحمه ولحمه
عزام : وينك ي حمار من زمان عنك
فهد : للاسف امس فجأه احس شي انكب علي كانها مويه بارده وبعدها صحيت وم اذكر اي شي صار لي بهذيك الفتره
ام احمد وقفت وضمته وابو احمد سجد شكر لله
عزام ضم احمد ورغد ضلت تبكي
براءه واقفه بعيد وتطالعهم جمعت عائله كانت متلهفه للبعض بس اذا انت ابوي ي راشد صدقني م بسامحك طول عمري وراح اذوقك حرقة الم امي
حست بدمعتها الي طاحت ع عينها
فهد : واضح انكم مشتاقين لي بس هالفتره ذيك م ابي اذكرها
عزام : انت اهم شي رجعت فهد المجنون
فهد : الحين فاتتني محاضرات وكل شي الله يعين
ابو احمد : م عليك دكاترتك عندهم خبر يعني غيابك كله عذر
فهد : الله يخليك لي ي الغالي ، باري صبي لي حليب
مشيت باري وصبت له الحليب ووعلامة الفرحه واضحه بعيونها الي تحكي اشياء كثيره
تحت انضار احمد وعزام
احمد الي بدا يشك فيها وعزام الي شايل هم ان براءه تضيع منه
رغد : لو بيدي م داومت اليوم بس علي اختبار
احمد : موفقه خيتو
فهد : مصيرك بتشبعين مني
رغد : ان شاءالله تاخرت ع الدوام
وقفت وطلعت
شافت السواق ينتضرها وجات بتركب السياره بس شافت الشخص الواقف يناديها
مشاري : اختي لو سمحتي
طالعته رغد : هلا
مشاري : بسألك سؤال!
رغد : تفضل
مشاري : تعرفين وحدا اسمها براءه بسام !!
رغد : اممم لا
مشاري : طيب شكراً لك
مشي مشاري وهو يطالعها منبهر من جمالها
مشاري : هذا البيت الراشد ومايعرفون
رغد : اكيد هااذا مغازلجي وجاب هالاسم من مخه عشان يحاكيني

~~||~~

وسيم طالع للشغله ع الساعه 8
شاف شخص واقف عند السياره
وسيم راح له : عفواً اخوي تبي شي !
مشاري عدل وقفته : سلام عليكم ي اخ ابي اسألك سؤال
وسيم : امم بصفتك شنو!
مشاري : ادور ع بنت قريبه لي ضايعه
وسيم : وتدورها هنا؟
مشاري : اي احتمال كبير تكون بهالحي
وسيم : زين !
مشاري : تعرف براءه بسام!
وسيم توسعت عيونه بصدمه : ليش تسأل
مشاري : هي البنت الي ضايعه
وسيم : كم عمرها تقريباً !
مشاري :17/18سنه تركت الثانوي وتوفت امها واختفت هي وانا واختي ندور عليها
وسيم : لا م اعرفها
مشاري : متأكد
وسيم : اي
مشاري : اوك شكراً لك
مشي وهو شاك بوسيم ان عنده خبر بخصوص براءه
وسيم : م اذكر انها قالت لي غير خال واحد وشفته بس منو هاذا ! معقول يكون ولد خالها بس شكو خالها خلقه يكرها لحضه ليش قلت له لا انا !!! استغفرالله بس
ركب سيارته وتوجه ع المستشفى

~~||~~

ولاء : وين مها غايبه!
رغد : مدري والله ملاحضتها تغيب كثير
الاء : الله يعينها
اسيل : الله يسهلها ان شاءالله
البنات : امين
رغد : الاء تعالي ابغاك
الاء : اوك
وقفو وراحو للمكان فاضي
جلسو فيه
الاء : ها شنو تبين؟
رغد : امم ابي احاكيك بموضوع بس يكون بيني وبينك
الاء تضرب ع صدرها بعربجه : قولي سرك ببير
رغد : امم تخيلي معاي
الاء : اي يالله اتخيل
رغد : يتقدم لك شخص عمره 26س جممميل ويطيح الطير من السما دكتور طب مثقف ودارس وواعي شنو بتكون ردت فعلك عن اني م بوافق بشوفه كبير ع سني
الاء : امم لا بالعكس اشوفه زين يعني اذا كان مز ودكتور اوافق العمر مو مهم بس مو شايب
رغد : اي اقولك 26س
الاء : تقدم لك شخص وبتشوفين ردت فعلي صح والله انا لو مكانك ع طول بوافق
رغد : احمد يحبك ويبيك وهو دكتور وجميل وعمره 26س شنو قلتي
الاء تجمدت مكانها
رغد : اكرر احمد يحبك ويبيك وشاريك انتي موافقه
الاء : ها؟
رغد : شنوووو قلتتتي موافقه ولا لا

رغد : يبيك وشافك اكثر من مرا ومعجب فيك وخايف يتقدم ترفضينه ف قالي اسألي الاء اذا هي موافقه تكون شريكة حياتي او لا اذا موافقه بتتم الملكه الان وبعد الدراسه الزواج
الاء : بشويش لاتصدميني اكثر
رغد : احمد يشوفك ب احلامه ويشوفك وين م يروح حتى بمراية السياره والبالطو ومكتبه بالمستشفى وسريره كل مكان يشوفك فيه
الاء : رغد نفسي اضربك
رغد : ينتضر اليوم بس الي تصيرين فيه ملكه شنو قلتي
الاء : مدري
رغد : فكري وردي لي وصلي استخاره اذا وافقتي امي بتجيكم وتتقدم رسمي
الاء : هو قالك انه يبيني !
رغد : والله حاكاني عنك ووصفك بعد
الاء : رغد مدري شقول
رغد : حاكيني بعد يومين او فكري وخذي راحتك احمد مستعجل يبي يسمع ردك
الاء : ليش تقولين لي هنا الحين اضل مصدومه
رغد : ليش احمد حيل زين لايغرك ملامحه الشريره بس بداخله اذا حب يحطك ع كفوف الراحه وينادونك ي زوجة الدكتور
الاء : رغد وديني للبنات
رغد ضحكت : والله يحبك
الاء : طيب خلاص اسكتي
رغد : يالله اول مرا بحياتي اشوفك خجلانه وخدودك مورده
الاء : لاتخليني اطلع لك وجهي الذكوري
رغد : عشان اعلم احمد يخليك انثى غصب عنك
الاء : رغغغغغد
رغد : خلاص بسكت بس ابي اسمع ردك قريب احمد مرا مرا مرا مرا مستعجل ومتلهف
الاء وقفت وتركت رغد لحالها تضحك
وراحت للبنات اسيل وولاء
ولاء : شفيها الاء؟
اسيل : مدري مو انتي تؤامها يقولون تحسين
ولاء : اي مصدومه
اسيل : بسم الله عليه
ولاء : اكيد رغد مسويه لها شي
اسيل : هيه الاء
الاء طالعتهم
اسيل : شفيك
الاء: ها؟
اسيل : ايش فييييييك
الاء : ولاشيء
جات رغد الي ميته ضحك ع شكل الاء
اسيل وولاء :!!!
رغد : اهه بموت بطني
ولاء : شمسويه انتي عشان الاء توصل لهالمرحله
رغد : ها ؟ مسويت شي اختك حيويه بزياده
ولاء : شالسالفه الاء انطقي
رغد : ولا شي خلاص خليها بحالها
اسيل : الحمدلله اليوم خميس
رغد : اي والله راحه ، تعالو عندي اليوم بما ان الشبااب مشغولين
الاء : انا مدري
رغد تضحك : انتي بعدين بتجلسين عندنا كل يوم
الاء اخذت المناديل ورمته ع رغد
رغد : فهد صحي ورجع الحمدلله
اسيل : صح !!! الحمدلله يارب
ولاء : يعمري الله يخليه لكم
رغد : اي واحمد ناوي يتزوج
اسيل : الله ومين الحلوه الي بتاخذه
الاء لفت وجهها ورغد جلست تضحك
اسيل : شوفي الشره علي انا وولاء الي جالسين معاكم
مسكت ولاء وراحو يمشون
ورغد جلست تضحك والاء ساكته تطالعها

~~||~~

جالس بتوتر ينتضر نتايج التحاليل توصل له
وقف ويروح يمين ويسار
م يدري هو ليش متوتر هالكثر وايش الي وصله لهالمرحله مع ان براءه مجرد بنت صادفها ع الطريق اولاً وخدامه ببيت عمه ثانياً م يعرف ايش الاهتمام ذا كله الي مهتم فيها وكانها اخته او بالاصح حبيبته م يبي اي شي يضرها يمكن شفقان ع حالها
تنهد وضل ينتضر ع جمر
خرجت السيستر بوجه حزين
وسيم وقف وطالعها بصمت !
السيستر : مدام مريض
وسيم : سرطان معده صح؟
السيستر : يس
وسيم جلس ع الكرسي ودفن ايده بشعره
مسح دمعته الي خانته
انا ليش مهتم فيها هالكثر ليش
الله يشافيك ي براءه والله انك م تستاهلين
اخذ النتايج وصور الاشعه ومشي
ركب السياره وهو متضايق يخبرها او لا
بلحضه وقف السياره
وسيم : لازم اخبرها عشان تتعالج هالمرا م بسمح لك تدمرين نفسك
طلع فونه واتصل عليها
وجاه الرد
براءه تاكل اضافيرها بتوتر
ممكن يكون مثل م قال اوهام
وممكن صح اكون مريضه مثل امي
واذا كنت مريضه لازم هاللعبه تنتهي اليوم
براءه اخذت نفس وردت
براءه : هلا وسيم
وسيم تنهد
براءه : فهمتك
وسيم : تركتك مرتين تلعبين ع راحتك بس هالمرا لا م بسمح لك انتي لازم تتعالجين
براءه : ابي اموت وانت تقول لازم تتعالجين !!
وسيم : مستحيل تموتين انتي مستحيل
براءه : م عليه ي وسيم م عليه
وسيم : براءه
براءه : عندي شغل
وسيم : ترا بجي بيت عمي وبقولهم مين انتي
براءه : عادي قول
وسيم تنهد : م فيه شي يخوفك
براءه : الي خلقني بخاف منه
وسيم تنهد
براءه : عندي شغل. بايي

~~||~~

بعد م جهزو كل شي والضيوف عند الرجاال كثرو
جلست ع السرير بتعب
طلعت الدفتر وبدت تكتب رسايل توديع
قفلت كل رساله وحطتهم بالدرج
وقفت وطالعت المرايا لاحضت دمعتها الي ع خدها
ورجفت شفايفها الي تقاوم انها م تبكي
غسلت وجهها وطلعت
تساعدهم
اليوم اخر يوم لها بهالبيت
بهالمكان الي عاشت فيه اشهر بس تحس انها راح تفقده
بهالمكان الي كانت تحاول قدر المستطاع تكمل عشان تساعد امها وتعالجها
بس الوقت مكان بيدها والروح مكتوبه بهاللحضه واليوم والساعه والدقيقه والثانيه ترجع لخالقها
اخذت نفس عميق وضلت تشتغل
طلعت عند البنات الي كانو يسولفون ويضحكون طالعتهم وابتسمت
اسيل : باري كيفك؟
رفعت ايدها ب جيده 👍🏻
رغد : انتي تعبانه!
براءه اشرت ب لا
ابتسمت ومشيت
ولاء : شفيها
الاء : مدري احسها متضايقه ونضرتها غريبه شوي
ولاء : الله يعينها حاكيتو مها
رغد : اتصلت وماردت
ولاء : الله يكون بعونها ويجازي الي كان السبب
الاء : خلاص قربت ولادتها وراح تولد ببيتها
رغد : بحاول احاكي احمد يشوف احد يساعدها
ولاء : ياليت والله لانها تحزن تولد وهي بهالعمر وحتى دكتور م عندها يساعدها
رغد : اه بس والله م تستاهل هالمها
ولاء : قدر الله م شاء فعل

~~||~~

راحت للمطبخ وجلست فيه
دخل احمد وطالعها
احمد : جهزو العشاء الضيوف ربع ساعه ويدخلون
براءه ابتسمت ووقفت
احمد استغرب منها وطنشها
جهزو العشاء وكل شي وانتضرو الضيوف يدخلون
شخص ورا شخص ورا شخص
طالعت وسيم وابتسمت له وهو متخوف من ابتسامتها وشك ان وراها شي
عزام غار يوم شافهم يتبادلون النضرات حس بحرقه بداخله طالعته براءه وابتسمت
كشر ووراها الزعل وصد عنها
ضحكت من داخلها -لو تدري شلي بسويه يمديك تمنعني الحين-
شافت فهد الي يسولف مع اياد ويضحك ابتسمت له انه رجع مثل م كان
طالعت ابو وسيم الي يطالعها بصمت توترت من نضرته وتغيرت 180' -ممكن تكون انت ابوي الي حرق امي ممكن -
خرجت من الغرفه
وسيم توتر م يبيها تغيب عن عيونه
عزام كذلك حس ان فيها شي

طلعت للسيمارا وضمتها بقوه
استغربت سيمارا من تصرفها هذا
سيمارا : بسم الله شوبك
براءه ؛ بشتاقلك
سيمارا : وليش تقولي هيك وحياة الله صبيتيلي عضامي !! شو عندك ولاك؟
براءه : معندي شي بس مشتاقه لك ! عيب
سيمارا : اء ؟ لا مو عيب
طلعت من عندها وسيمارا متوتره من تصرفها
اخذت الاوراق ووزعتهم باقي ورقتين الي هي لوسيم وللنايف
لبست العبايه وطلعت من البوابه الخلفيه
طالعت البيت كنضره اخيره
وطلعت توجهت للبيت ابو وسيم وحطت الورقه وكتبت لوسيم + النايف
ضربت الجرس
ضلت تمشي بالشارع بهاللحضه
بيتها انباع
هنادي لو راحت لها سيمارا بتخبرهم عن مكان وجود براءه
خالها مستحيل يستقبلها
مالها الا !!! مشاري
طلعت فونها وارسلت رساله للهنادي
-معاك رقم مشاري؟
هنادي - اي ؟
- براءه : هاتيه
هنادي - دقيقه
راحت جابت الرقم من الشنطه وصورتو لها وارسلتو

~~||~~

خلصو الضيوف ومشيو م باقي احد
احمد : يوم حلو
رغد : احمد تعال
وقف احمد وراح لها رفعت رجولها وهمست ب اذنه
احمد ابتسم : صدق؟
رغد : اي
احمد : خلاص احاكي امي واقولها
رغد : الله يوفقك
عزام : شعندكم تتساسرون
رغد : م يخصك
احمد : ملقوف تركيه عنك
وضلو يسولفون

عند نيبار راحت للسيمارا
سيمارا : شو بدك
نيبار : هاذا باري م فيه اشتغل اليوم بس انا كالا
سيمارا : م شالت السُفره؟
نيبار : ايوا انا م فيه شوف بعد حطي عشا هيا روح م يشوف
سيمارا : اووك خلاص روحي
راحت للدار براءه شافتها مو موجوده
تنهدت وطلعت للمكتب بتتصل ع فونها
لاحضت ضرف غريب فتحته وطلعت الرساله
-شكرا سيمارا شكرا لانك انتي الي ساعدتيني بعلاج امي شكرا لانك خاطرتي وغامرتي بحياتك عشان تساعديني الاقي حل وفلوس لعلاج امي انا م اعرف كيف اشكرك في شكراً من قلبي لك انتي خصيصاً سامحيني لا ضريتك او سويت شي غلط يزعلك يشهد الله اني دعيت لك من قلبي بس وفاة امي خلتني انكسر بزيادة وحبيت اكتب لك ان مرض امي وراثي يعني ادعي ان الله يشافيني احبك ي اغلى شخص -

سيمارا سكرت الورقه وجلست ع الكرسي
سيمارا : ليش وين بدك تروحي انتييي
مسحت دموعها الي خانتها
~~||~~
دخل غرفته
رمى نفسه ع السرير
بياخذ الريموت انتبه للضرف
عقد حواجبه ب استغراب
اخذ الضرف وفتحه وطلع الورقه الي بداخله
احمد - انت اكثر انسان تضررت منه حرمتني من امي بس سامحتك هدمتني وذليتني وتركتني اعيش عربيه كخادمه ف بيتك انا بالبدايه م كنت اعرف ان هالبيت هو بيتك ولا م اشتغلت فيه بس عقدي وقعته قبل م اشوفك وصدمتني يوم دريت انك انت الي رفضت امي اشتغلت عندك تضاهرت بالاجنبيه الغريبه الصما والبكما الي تشتغل كخادمه ف بيت عربي الله يسامحك بس حبيت اقولك انقضتك من سحر نيبار انا ووسيم الي فكيته وكسرت الكاس الي كان فيه سحر من نيبار عشان م تشربه تلقيت تهديدات من نيبار وكالا عشانك لاني اتعامل بالشي الي تربيت عليه سحر فهد فتحته يوم كان بحزام نيبار الي سرقته منها وفتحت السحر الموجود عشان كذا كنت اطالع فهد وابتسم مو حب مثل م تقول انتبه لفهد من نيبار وكالا تراهم يبون له الموت
الله يسامحك ويرحم امي -
طاحت الورقه من ايده بصدمه
احمد : يعني براءه كانت هنا !!!!
غمض عيونه
احمد : شلون م لاحضت عليها وهي كل هالمده خدعتنا؟؟
وقف بصدمه
نزل للغرفتها وطالعها واستغرب انها مو موجوده عرف انها تركت وطلعت
رجع جلس بالصاله وهو متضايق من الي صار

~~||~~

دخلت الشغاله ع وسيم
وسيم : شنو
وسيم مدت له الضرف : هذا حق انت انا اشوف عند باب
وسيم اخذ الضرف واشر لها تخرج
وسيم فتح الضرف وطلع الورقه

-وسيم الي اشوف فيك الاخ اشوف فيك الاب الحنان العطف الخوف اشوف فيك انك انت الشخص الي كبر يعيني اكثثر شكرا لانك سويت المستحيل عشان تساعدني شكراً لك ع كل شي قدمته لي طول م بكون عايشه راح ادعي لك بالخير واتمنى تعيش حياة مليانه بالحب والراحه الله يكتب لك الخير والسعاده وين م بتكون -

رمى الورقه ع الارض : كنت عارف انك بتسوين شي بنفسك من يوم شفتك اليوم تطالعيني وتبتسمين ولا همك احد وين رحتتي تكفين لاتسوي شي بنفسك يزعلني تكفين ي براءه
غمض عيونه ورمى نفسه ع السرير

~~||~~

النايف اخذ الضرف وفتحه وبداخله الف استفهام
- صباح الخير ي نايف
الله يسامحك وين م تكون ع كثر الي سويته او حاولت تضرني فيه
مها تحبك ووثقت فيك روح لها واعلن زواجك قبل الولاده
مها بنت شريفه وطلعت عساس تاخذ الهديه مو انك تخطفها وتلعب بشرفها
لاتخليها بيوم ترفع يدها للسماء وتدعي عليك بدعوه قاضيه تنسيك مين انت ب الاساس
لاتضلمها الضلم ضلمات يوم القيامه
ماتدري يمكن الحين تحط راسك ع المخده وم تصحى كيف بتقابل ربك وانت اغتصبت وحدا وزنيت
روح وصحح غلطتك وتذكر ان ب اي لحضه ملك الموت يقبض روحك لاتموت وانت تارك شخص ضالمه بالدنيا
صحح صفحتك وروح واعتذر منها وتزوجها ع سنة الله ورسوله
لا يصير لك شي من دعوتها او تولد وتموت وهي مضلومه منك يوم عن يوم تتأخر فيه ممكن تروح فيها وم ترد
براءه
اللقب : الخادمه باري .
-
~~||~~

مسك الضرف وهو مستغرب طلع الورقه وفتحه
-مساء الخير ي عزام
سامحتك ع كل شي سويته لي
انت الشخص الوحيد الي بحياتي حبيته بصدق
بس باخر للحضه كنت راح اغضب ربي وانت بعد
تبي تسألني ليش م تزوجتك بعد ساعه بيوصل ضرف لابوك بداخله كلام تعرف ليش اني م تزوجتك
الله يكتب لك الخير مع بنت الحلال الي تسعدك
اختك : براءه !!
انساني وتزوج لك وحدا تحبك
سامحني -

رمى الورقه وخرج من الغرفه ب اقصى سرعته
توجه للمطبخ ووقف عند باب غرفتها
اخذ نفس عميق
عزام : يارب تكونين موجوده
فتح الباب والصدمه انها م كانت موجوده
عزام : برااااااااءءءءهه
سمع صوته احمد وتنهد : تحبها انت بعد
راح للصاله ووعلامة الحزن والصدمه بوجهه
احمد : راحت الله يوفقها
عزام حس بدمعته الي خانته : ليش تروووح ليشششش تروووح كيف بعيش من دونك
احمد : كنت تعرف انها عربيه
عزام بحزن : اي اعرف
احمد : وليش م تكلمت
عزام : كانت بتعالج امها وسكت م قدرت افضحها لان لو تكلمت م بشوفها قدامي
احمد : تحبها!
عزام : شلون م احبها وانا اشوفها كل حياتي فهمني ي احمد
وقف احمد وراح ضم عزام الي دفن وجه بصدر احمد
طالع فونه الي رن
احمد : هلا وسيم ؟
وسيم / راحت؟
احمد : اي انت بعد عندك خبر؟؟
وسيم : اي تركت لي رساله انا والنايف
احمد تنهد : الله يوفقها وين م كانت

~~||~~

جالسه بالشارع والوقت بدا يتأخر
متردده تحاكيه او لا
اتصلت وسمعت الرد
مشاري : الو؟
براءه : مشاري
مشاري : اي منو معاي؟
براءه : براءه
مشاري وقف وبصدمه : شنو براءه انتي وينك فيه تعبت وانا ادورك
براءه : بالشارع
مشاري : شتسوين بهالوقت
براءه : يصير اجلس عندكم كم يوم!
مشاري : ب اي شارع انتي ؟؟؟؟؟
براءه وصفت له
مشاري : ثواني واجيك
طلع بسرعه وشاف امه ورولا بالصاله
استغربو منه حتى سلام م قاله
رولا : شفيه!
ام مشاري : والله مدري يمه

شغل سيارته وتوجه لها
شافها جالسه ع الرصيف نزل لها وطالعها وهي طالعته
مشاري : اركبي يالله
ركبت وسكرت الباب وهو ركب وسكر الباب
مشاري : وين كنتي تعبت وانا ادورك
براءه : سالفه طويله
مشاري : الحين نروح البيت
براءه : لا ابغاك توديني بيت اهلي
مشاري : اهل امك؟
براءه : لا اهل ابوي
مشاري : منو ابوك
براءه : ما اعرفه بس معاي هالثلاث ضروف وفيها كلام بوصلو لهم
مشاري : اكيد م فيه شي يضرك
براءه : لا م فيه
مشاري : ب اي بيت تبين
براءه : نبدا بالراشد
مشاري : يالله طيب
وراحو للبيت الراشد اخذ الضرف منها ورماه داخل القصر وضرب الجرس وركب السياره وتحرك
ونفس الشي مع ابو وسيم وإياد

~~||~~

نهايــــةة البارت