رواية لأجل امي اصبحت خادمه الفصل التاسع عشر 19 - بقلم MSCprincess

البارت التاسع عشر

~~||~~

شافت فونها الي اتصل
طالعته وطالعت براءه
براءه : مين؟
هنادي : وسيم
براءه : ردي عليه
هنادي : اوك ... هلا وسيم
وسيم : شلونك هنادي؟
هنادي : الحمدلله صحيح عضم الله اجرك
وسيم : م تقصرين م فيه اخبار عن براءه
هنادي طالعت براءه : لا م فيه اخبار عنها
وسيم : زيين اي شي يصير خبريني
هنادي : تمام
وسيم : باي
سكر الجوال ورماه ع الارض
براءه : شيبي
هنادي : يسأل عنك! صوته تعبان
براءه : حبيبي م يستاهل
هنادي تنهدت
براءه ضحكت : اخوي تراه
هنادي خجلت : ادري
براءه : تحبينه ؟
هنادي وردت خدودها : براءه ؟؟
براءه : الله يجعلك من نصيبه
هنادي : تحبين عزام؟
براءه : اكذب عليك لو قلت لك لا
هنادي : يعني انتي عزام وانا وسيم وكلنا طحنا بالاشخاص الغلط
براءه : للأسف حضي منحوس بس حضك مشاءالله

~~||~~

- الدكتور : سلامتك ي النايف
النايف : ليش م فيه ضوء
الدكتور : انت انعميت
النايف بصدمه : شنو ؟؟ -استاهل لاني شفت الحرام
الدكتور : ورجولك فقدتها بعد
النايف ضل يبكي : رجولي
الدكتور : للأسف وانت م راح تقدر تتزوج بحياتك ذي كلها
النايف ضل يبكي : استتتاهل استتتاهل انا الي جبته لنفسي

..
فتح عيونه وطالع السقف
فز من مكانه بصدمه شاف وسيم وابوه جنبه
النايف : شنو ؟ رجع لي النظر
شال الغطا ع رجوله : كنت احلم صح
النايف : ليش م صار لي شي من الحادث اذكر ان سياره صدمتني
ابو وسيم : صح بس م صدمتك كان بينك وبينها سانتي وانت من الصدمه فقدت وعيك
النايف : يعني انا عايش بخير اقدر امشي واشوف
وسيم : قول الحمدلله
ابو وسيم : وسيم خلني مع اخوك
وسيم : زين يبه
وقف وخرج
النايف : هلا يبه
ابو وسيم : دشيت دارك ولقيت مكتوب من اختك براءه
النايف نزل راسه
ابو وسيم : يعني مها م تكذب؟
النايف : سامحني يبه
ابو وسيم : حرام عليك ي ابوك الي سويته عار حرام عليك شذنب هالبنت الي الكل ببيتنا سبها واتهم ب الحراميه
النايف : كنت مراهق يبه همني الدنيا بس
ابو وسيم : هالحادث درس لك من دروس الدنيا واحمد الله انك باقي عايش ومامت غلطتك صلحها وفاهم شقصدي ي ابوك
النايف : اوعدك انها م بتتكرر مني وان مها برضيها
ابو وسيم : ماله داعي جلوسك بهالمستشفى يصير تطلع
النايف وقف ولبس جاكيته وطلع ورا ابوه
وصلو البيت تحت ترحيب اسيل
الي مزبطه لهم الاكل تبي تطلعهم من جوهم
اجتمعو كلهم ع سفره وحدا
ابو وسيم : انا عزفت ي عيالي مين الي كتب هالمكتوبين
وسيم : يعني هو شخص واحد
النايف : مين يبه ؟؟؟
ابو وسيم : الله يرحمها .. اممكم
اسيل بصدمه : معقوله يبه ؟؟؟
ابو وسيم : تطلب مني ومنكم ومنها السماح كود الله يغفر لها ذنبها
النايف : براءه لازم تطلع عشان تعرف الحقيقه كلها
وسيم : تعبت من كثر م فريت ولا لقيتها
النايف : عندي شغله بسويها واجيكم
وقف النايف وخرج من البيت ركب سيارته وتوجه لها
وقف قدام البيت وطق الباب
طلع له ريان وواضح ع وجه التعب
انصدم ريان من تواجده
ريان : خير شتبي جاي تتهمنا بشي
النايف : انا جاي اعتذر
ريان : شبيفيدك عذرك
النايف : جاي اطلب يد اختك مها ع سنة الله ورسوله وياليت هاليوم يجيني الرد عشان قربت ولادتها ولازم تولد بالمستشفى
ريان وقف بصدمه يطالعه
النايف : مهما سويت م اقدر اعتذر هذا رقمي وحاكيني من يوم توافق اختك وانا من البكرا بعقد قراني
خرج وترك ريان بصدمته واقف
مها : ريان؟؟.. ريان
ريان : يبيك!
مها : مين ؟
ريان : النايف !
مها : م ابي اشوفه
ريان : جاء طلبك ع سنة الله ورسوله
مها توسعت عيونها بصدمه وجلست ع الكنبه
ريان : شنو قلتي
مها : رايك هو رايي تشوف لو ارد اكمل حياتي معاه زين
ريان : مستقبلك انتي بين يدك
مها : موافقه
ريان ابتسم : اكلمه العصر ويجي يعقد قرانك وبعد الولاده تسوون زواجكم
مها : م ابي زواج
ريان : ليش
مها : زواجك ع اسيل اهم فكر فيها
طلعت دارها وسكرت الباب وهي مصدومه
شلي تغيير شلي صار وخلى النايف يجي يعتذر ويطلبني للزواج
جلست ع السرير وهي مبتسمه
مها : اكذب عليك لو قلت لك اني مو للأن احبك مهمها سويت فيني احبك

~~||~~

احمد : وسيم اختك براءه لازم تتعالج
وسيم : م بيدي شي شلون يعني شنو اسوي
احمد : تقدر تسوون انت وعزام
وسيم : شلون
احمد : انت تدري ان عزام يحبها صح
وسيم : اي ؟
احمد : اجل نقطة ضعفها عزام
وسيم : كمل
احمد ..... وهذي كل الخطه
وسيم : بس مين راح يقول لها ؟؟
احمد : اكيد صحبتها عندها خبر بمكانها هاذا اذا مو هي الي مخبيتها عندها
وسيم : حلفت انها مو عندها.
احمد : قبل م تكون عند مشاري
وسيم : مشاري ؟؟ وانت شعرفك
احمد : سالفه طويله المهم يالله خلينا نبدا
وسيم : اي يالله

~~||~~

الاسعاف عند باب البيت
والضجه بالحي
شالوه بالنقاله وراحو
تحت بكاء رغد وصدمتها من اخوها

دخلو المستشفى وع اقرب غرفة ضلو معاه

طلع فونه واتصل
~~||~~

هنادي : هلا ؟
وسيم : هنادي مصيبه وطاحت ع روسنا
هنادي بصدمه : شنو فيه
وسيم : عزام
هنادي تطالع براءه : عززززام!! شنو فيه
وسيم : انتحر
هنادي ضربت صدرها : انتحر
وقفت براءه بصدمه واغمى عليها
هنادي : براءه .. اكلمك بعدين
سكرت الجوال ورمت وراحت للبراءه تصحيها
براءه فتحت عيونها الي تغرقت دموع
هنادي : براءه اصحي اصحي
براءه : عـ ــ ـزام
هنادي : ان شاءالله بخير
براءه : مات؟؟
هنادي : لا ان شاءالله عايش م مات
براءه : شلون صوت وسيم كان يبكي
هنادي : زي كذا بس واضح انه تعبان
براءه : ذنبي هذا سامحني ي عزام بس م اقدر
هنادي بكيت وضمت براءه الي بكيت

~~||~~

احمد : عزام لازم نتركك لحالك
عزام : طفشت
وسيم : شنو م تبي نصيدها ؟
النايف : يالله شباب اطلعو
طلعو الشباب وضل عزام لساعات طويله

~~||~~

هنادي : طيب بروح وياك
براءه : خليك هنا عشان لا صار شي يمديني اشررد
هنادي : طيب كلميني كل شوي طيب
براءه : تمام السواق جاهز
هنادي : اي جاهزز
براءه : تماام انتبهي لك
لفت الطرحه ومشيت ركبت السياره
وتوجهت ع المستشفى
دخلت وهي متوتره لبست النضارات
ومشيت بخطوات سريعه راحت للأستعمالات الي متفق معاهم احمد
براءه : سلام
الممرضه : وعليكم السلام
براءه : ابي اسأل عن مريض اسمه عزام راشد
الممرضه ضلت تطقطق بالابتوب : اها الي انتحر
براءه : مات؟
الممرضه : لحقنا عليه بس اتوقع انها ساعات بسيطه ويموت
براءه حطت ايدها ع فمها : يصير اشوفه
الممرضه : الدكتور يقول ممنوع احد يدخل عنده حتى اهله والي معاه كلهم راحو بيوتهم
براءه : اشوا بس دقيقه احسبيها لي
الممرضه : تمام غ 338 الدور ال8
طلعت براءه مع الاصنصير
الممرضه اتصلت ع احمد
احمد : ايوا؟
الممرضه : في وحدا جات وسألت عن اخوك والحين طالعه للغرفه
احمد ابتسم : زين
طالع الشباب : بسرعه توزعو تراها جايه
وسيم ابتسم ع نجاح الخطه
كانو بعيدين ويطالعون غرفة عزام وكل م مرت وحدا قالو هاذي براءه
كلهم تصنمو يوم شافوها تمشي بخطوات سريعه

طقت باب الغرفه تبي تسمع فيه احد بس مجاها الرد
فتحت الباب بشويش
عزام بهاللحضه سوا روحه نايم
غمض عيونه وهو فرحان بداخله
صادوها

مشيت وطالعت ودمعت
قربت منه ومسحت ع شعره
براءه : ليش تسوي كذا وتغضب الله عشاني حرام عليك الحين تعيشني بتأنيب ضمير طول م انا حيه
رفع ايده ومسك ايدها الي ع شعره
فتح عيونه وطالعها بنضرة عتاب
براءه توسعت عيونها بصدمه : صحــ ـيت؟؟
عزام : حرام عليك الي دمرتي قلبي واخذتي روحي ورحتي ليش !؟
براءه تحاول تسحب ايدها الي شاد عليها
عزام : هاذي المره الي مراح تفلتين فيها مني
براءه : عزام اترك ايدي عورتني
عزام : م بتروحين صح
براءه :اي م بروح
ترك ايدها وطالعته كنتضره اخيره
وطلعت من الغرفه
انصدمت يوم شافت وسيم واحمد
وسيم : وين بتروحين
احمد : مو مثل كل مرا هالمرا غير
لفت ع جنب بتمشي وطلع بوجهها النايف
النايف : اختي الحلوه وين بتروح
براءه : وخر عني
النايف : لالا بتروحين معانا
براءه : مو غصب
النايف : الا هالمر غصب
مسكها مع ايدها وسحبها للداخل الغرفه
دخلو وسيم واحمد
وسكرو الباب
براءه كتفت ايدها : شتبون
وسيم : بتفهمين كل السالفه من البدايه لين النهايه
براءه : اعتقد كل شي واضح
وسيم : كلنا انخدعنا واولنا ابوي
براءه : م ابي اسمع سيرة ابوك
هلال : يبه براءه
طالعته جالس ويطالعها
هلال : تعالي ي ابوك تعالي المك بحضني
براءه والعبره خنقتها لاول مرا تسمع صوت يبه : م ابي احاكيك انت
وسيم : هالمرا بتسمعين السالفه كلها
براءه كتفت ايدها وطالعت ابو وسيم : تفضل عيد لي نفس السالفه الي حكتني ياها امي

~~||~~

طق باب البيت وفتحت له رغد
رغد طالعته وانصدمت
مشاري : ابي احد احاكيه
رغد : محد موجود من الشباب
مشاري : براءه وين !
رغد : براءه براءه مدري
مشاري : براءه اخت طفولتي الي عشت معاها عمر ابي اعرف وين هي فيه؟
رغد : والله مدري بس ابوها يبي يفهمها السالفه كلها
مشاري : ان شاءالله م يسوي فيها شي
رغد : تطمن عمي طيب وم يأذي الحشرات مو بنته الي حرموها منه سنين
مشاري : حرموها؟؟؟
رغد : اي !!
مشاري : هو الي حرمها منه
رغد : انتو فاهمين الموضوع غلط تعال بوقت يكون فيه اخواني وبيشروحون لك السالفه كلها
مشاري تنهد وطالعها وضل متصنم وهو عينه بعينها
رغد حست ب انذجاب بعيونه نزلتهم خجلت من نضرته
مشاري : اعتذر
مشي بسرعه وركب سيارته وحرك

~~||~~

براءه : يعني امك هي الي ارسلت المكتوب لامي عشان تحرمهم من بعض
وسيم نزل راسه
براءه : يعني امي عاشت بكذبه وتعب بسبب امك ي وسيم
احمد : الله يرحمها
براءه حطت ايدها ع فمها : م اصدق وانا الي ضنيت فيك ضن السووء توقعتك تركتها وم تبيها رميتني وهددتها فيني
ابو وسيم : وانا تضايقت يوم امك قالت م تبيني وتكرهني
براءه حطت ايدها ع راسها : يعني الحين عشت انت وامي بكذبه وتضنون كل واحد فيكم كاره الثاني
وقفت وطلعت من الغرفه
وسيم : براءه
وقف ولحقها مسكها مع ايدها
طالعته وعيونها كلها دموع
براءه : بجلس لحالي
وسيم : م بتركك
شدها وضمها بصدره وهي شدة عليه ودفنت وجهها بصدره وضلت تبكي
وسيم : هالمرا بتروحين وياي !
براءه : وين
وسيم : بيتنا بيت اهلك
براءه : بس
وسيم : لا بس ولا شي من يوم ورايح اي كلمه بضربك عليهم
براءه ضحكت : بدينا
وسيم : طلعتي اختي والله اني مستانس
ضمها وجاهم النايف
طالعته براءه وهو طالعها بخجل
وسيم : يالله الحين دورك ضمها لين م تشبع
ضحك النايف ومسك ايد براءه الي تطالعه بصمت
النايف : مدري من وين ابتدي
براءه : اوص خلاص م ابي اذكر شي انت اخوي حبيبي سندي وكل شي
رفعت نفسها وضمتها وهو ضمها ودفن راسه بشعرها
دخلت عند ابوها وراحت تجري وضمته واخذها بحضنه وضلت تعاتبه وهو ساكت
عارف ان الشي الي مرت فيه براءه حيل صعب
ف وده يطوي هالسالفه ويدعي لام وسيم بالرحمه وريم بالرحمه كلهم ماتو وراحت معاهم ذكرياتهم الحلوه والمره
احمد : اسمح لي عمي
عزام طالع احمد بصمت
احمد : بنتك لازم تتعاقب
براءه : شسويت
احمد : كذبتي علي وشردتي مني
كلهم طالعو احمد ؟؟
احمد : قصه طويله بس الحين تتجهزين نفسياً عشان العمليه تنتضرك
براءه طالعت ابوها : يصير نأجلهم
احمد : ولا ثانيه
براءه : بس م شبعت من ابوي
طاحت دمعت ابوها ع خده : يبه لاتقولين كذا
براءه : كل شي جايز ابي بعد اشوف مشاري ورلا وخالتي
احمد : زين احاكيهم الحين يجونك
عزام : اسمح لي عمي بعد العمليه بجيب الشيخ يملك لي ع طول
ابو وسيم ضحك : لالا بعد سنتين
توسعت عيون عزام بصدمه : ليشش ان شاءالله
ابو وسيم : باقي م شبعت من بنتي
عزام : لا اسمح لي يعني خلاص كذا كفايه
ضحكو المتواجدين تحت خجل براءه
طلعت مع السيستر تساعدها بتجهيزها
انسدحت ع السرير وهي كلها امل تعود للحياة
طالعتهم حولها
هنادي : كوني قويه وتعالي عشاني م ابي افقدك تكفين !
براءه : تبكيني الحين انتي
هنادي: لالا خلاص اسفه
دخلت رولا وراحت للبراءه وضمتها
براءه : رولا حبيبتي
رولا : مو م تردين اذبحك باقي م شبعت من عيونك
فهد بلم ف رولا
عزام قرص فهد
فهد طالعه : شفيك
عزام يطالعها : بسك خز اخوها موجود
مشاري : براءه اتمنى انك تردين احسن من قبل
براءه : الله يسعدك
ام مشاري ضمتها
براءه بكت : انتي ريحة امي
ام مشاري : يالله ي بنتي خليك قويه عشان تتزوجين واشوف عيالك
ابو وسيم : يبه العمليه سهله بس كل شي جايز انتبهي لنفسك زين ولا تستسلمين خليك قويه وصارعي الورم وحاربيه اعرفك شجاعه مثل امك
ابتسمت براءه وباست يد ابوها
رغد : يالله باري خليك قويه مثل م قال عمي
عزام : باري ماتت هاذي براءه
الاء : اي براءه حبيبتي المزيونه لاتحرميني من شوفت عيونك
رغد بصوت هامس : لاتتغزلين شوفي احمد يخزك غار
طالعته الاء الي يطالعها ويبتسم خجلت. ونزلت راسها
جات السيستر وسحبت السرير
ووراهم احمد
عزام : احمد
احمد طالعه
عزام : براءه بذمتك
احمد غمز : جهز العرس بس
عزام ابتسم
دخلت وهي تطالعهم وممكن تكون نضره اخيره
ابتسمت وغمضت عيونها
احمد : شعارنا لا للإستسلام
ابتسمت براءه
احمد : عدي من واحد لين عشره وتذكري مع كل رقم شخص تحبينه
براءه
واحد - امي
ثنين - ابوي
ثلاث - عزام
اربع - وسيم
خمس : هنادي
سته : سيمارا
سبع - ...

بدا مفعول البنج غمضت عيونها
ونامت وعندها امل انها راح ترجع للحياة
ترجع لاهلها بعد م ضهرت الحقيقه
ترجع لعزام الي ضل ينتضرها لحد يومها
ترجع بحضن ابوها الي لطالما حلمت فيه
ترجع للدنيا وتحارب مرضها
بين دعواتهم ان الله يقومها بالسلامه
وثقتهم ب احمد
مرت ساعه
ساعتين
شهر
فتحت عيونها
قدام المرايا
تطالعها وتبتسم
اسيل : قممر قممر
رغد : ي حظ عزام صراحه خايفه لايصير مجنون بهاليوم
اسيل : يالليل هالشهر كله زواجات
رغد : اي والشهر الي بعده
اسيل : هنادي ووسيم واحمد والاء فهد ورولا ورغد ومشاري
رغد : وانتي وريان ولا خجلانه
براءه : مها وين
رغد : شايله عبودي الي بس يصيح
براءه ضحكت : الله يعينها
رغد : الله يعين عزام والله احسها بيجينا بدون عقل
هنادي : هههههههه تخيلي بس م ينلام
الاء : انا تخرفنت وانا بنت كيف عزام
رغد : اعلم احمد

....

عزام حط ايده ع وسطها : تصدقين هاليوم الوحيد الي كنت اقول م راح يجي انا فرحان لان حلمي تحقق وشفتك قدامي
براءه خجلت
عزام : والله والله احبك حب م يعلم فيه غير ربي
براءه : انا بعد احبك
عزام ضمها

—

نيبار كالا قبضو عليهم غرامة وقدرها وترحيل ومنعهم منع باتً من دخول السعوديه مع الاكتشاف انهم ساحرين اكثر من اربعين شخص

براءه وعزام انكتب اسمهم بالعائله ك اجمل قصة حب دامت فتره

الاء حبت احمد بعد اتهامها له بالمغرور وعاشو حياة جميله كلها حب عكس م كانت تتوقعه الاء

مها والنايف يوم عن يوم يعتذر لها النايف وعاهد نفسه يقدم لها ورده كل صباح لمدة سنه كامله

ريان كفر عن غلطته وطلب اسيل ع سنة الله ورسوله واسيل من اول يوم تعرفت فيه كانت تحبه رغم انها عرفت حقيقته ونيته بالبدايه قررت تطوي الصفحه وتعيش حياة جميل

وسيم وهنادي يومياً يتضاربون وتزعل هنادي ووسيم يراضيها وهم ع هالحاله من يوم تزوجو

رغد حبت مشاري من اول م جاء سأل عن براءه بس م كانت تحس الا بعد تقدم لها ووافقت وعايشين حياة مليانه حب

فهد يوم عن يوم يحب رولا وينتضر اللحضه الي ينجمعون تحت سقف واحد

ولاء انخطبت من اخو زوج رهف ووافقت
وإياد باقي اعزب مالقي شريكة حياته

الفائدة من روايتي
مع كل بداية تعيسه نهايتها لابد تكون جميله
اي ان الصبر مفتاح الفرج وان الشخص لايسمع من طرف واحد يسمع من الطرفين ومواجهتهم ولابد م الحقيقه تضهر
والغلطان يعتذر وعدم بناء السعاده ع تعاسة اشخاص ثانين
وان الحب جميل يكون بحياتنا
عدم الاستسلام والتوقف من اول عثرة
تكفير الذنب ولابد من وجود اخره
اللهم احسن خاتمتي وخاتمة اهلي -اللهم امين-
لا احلل ولا استبيح نقل الرواية دون ذكر المصدر واسم الكاتب
وهنا ختمت الروايه
بزواجهم الثنين
حب دام لفتره طويله مع فقدان الامل
حكمه مني -لاتفقد الامل حتى اخر ثانيه-
لكم مني خالص الشكر واعتذر عن الاغلاط الاملائيه وعن سوء خرج مني دون قصد
لكم ارقى التهاني وانتضروني بروايه جديد ثالثه
دمتم سالمين
والصلاة والسلام ع خير المرسلين سيدنا وحبيبنا محمد صلى الله عليه وسلم

تقبلو تحياتي
شام

نهاية الروايـةة