رواية لاجلك ياامي الفصل الثامن 8 - بقلم Lamar Ali

دنيا تركت بيت ابو ياسر  وشافتلها شقه صغيرة وبدت تشتغل بمطعم صاحبه لبناني

في بيت ابو ياسر:
ياسر : دنيا شلون طلعت من البيت
ام ياسر: يمه ماندري اخاف هاي راح تروح تسوي بنفسها شي
ريام : ماعتقد اخذت ملابسها كولهن
ابو ياسر: اريد افتهم منو ضوجها بالبيت وخلاها تترك البيت هشكل
ياسر: ماكو احد ماعرف شنو السبب
ام ياسر: اكلك ياسر اخاف راحتله
ابو ياسر: منو الي راحتله
ام ياسر: اوووف ابو ياسر واحد ضاحك عليها ومزوجها بالسر والبنيه حامل
ابو ياسر: وليش محد حجالي شنو خراعه خضرة اني
ام ياسر: والله ابو ياسر الموضوع عرفنا بي البارحه وياسر حجه وية البنيه
ابو ياسر: شحجيت وياها
ياسر: كالت على اساس اليوم تنزل الطفل ماعرف ليش سوت هشكل
ابو ياسر: تروح ادورلي على هذا زوجها من جوة الكاع اكيد يعرف مكانها
ريام : لا ماراحتله
ياسر: 😏
ابو ياسر : وانتي شمعرفج
ام ياسر: ريام تعرفين شي احنه مانعرفه
ريام : ياسر زوجها وابو الطفل
ابو ياسر : يااااسر اختج شجاي تحجي
ياسر: انتي شدخلج بهاي السوالف
ريام : اقلها ماافكر بحياتي اقتل روح
ابو ياسر: ياااااااااسر احجي انت زوج دنيا
ام ياسر : ولك احجي ليش هيج يمه تكسر فرحتي تريد تموت ابنك
ياسر: مو مو م و
ابو ياسر: صار سكد مزوجين
ياسر : راح يصير سنه
ابو ياسر : ياسر دنيا والطفل اذا مارجعو سالمين حسابك عسير
ياسر : راح ادور عليها

بعد مرور شهر
طوني صاحب المطعم
طوني: كيفك دنيا ان شالله منيحه
دنيا: الحمد لله استاذ
طوني : انا بعرف انك حامل مشان هيك مابدي اياكي تشتغلي بالصاله توصلي الطلبات ازا حابه تشتغلي بالمطبخ شو رأيك
دنيا: اي والله ممنونه منك تعرف بداية الحمل متعبه

ياسر ماخله مكان مادوره على دنيا
ياسر: مراد الشخص الي كلفته يدور عليه ماكو منه اخبار
مراد : لحد الان ماكو الها اثر هي مارجعت للعراق بعدها بلندن

رجع ياسر للبيت
ابو ياسر: ياسر صار شهر ودنيا ماكو ماريد حفيدي يجي للدنيا ويتربه بعيد عني فهمت
ياسر: بابا انتو تفكرون بحفيدكم واني افكر بدنيا راحواموت واعرف ويناها خايف عليها انتو السبب خفت من ردت فعلك وخسرت الانسانه الاحبها
ام ياسر: الي يحب ياابني يواجه الدنيا لاجل اليحبهم ويحاول مايخسرهم ابد بس انت محافظت ولا حميت حبك لدنيا انت السبب مو احنه روح ابني ابقى دور عليها لاخر يوم بحياتك

ريام : ماما اني راح اطلع اتغده ويه صديقاتي
ياسر: وين تتغدون
ريام: بالمطعم البناني
ياسر : بس هذا بعيد شيوديج
ريام : رجليه توديني شكو ترى عادي مو بعيد
ام ياسر: روحي بنتي بس لاتتأخرين

طلعت ريام ويه صديقاتها وراحو لنفس المطعم الي تشتغل بي دنيا
ريام : واو المطعم فد شي عاشت اديكم بنات
صديقه ١: الاكل بعد احلى كل مرة نجي
صديقه ٢: اني هم اول مرة اجي هنا خل نطلب اكل

في مطبخ المطعم
ميرنا : دنيا بليز مابئدر تعبت فيكي تنزلي هدول الطلبات للصاله
دنيا: ادللي حبيبتي
ميرنا: راح اعزبك معي
دنيا: ماكو عذاب احنه خوات

نزلت دنيا الطلبات للصاله ورجعت للمطبخ
ريام : معقولة شفت دنيا ههه بس دنيا شيشغلها هنا لا مو هي
ها بنات ليش مانروح مو تأخرنه
صديقاتها يله

بعد مرور ثلاث اشهر
ياسر : تعبت وين ادورها ماخليت شركات رئيسيه وفرعيه ماخليت مصارف مدارس روضات حضانات يعني بلعتها الكاع
ابو ياسر: دورت بالفنادق المطاعم
ياسر: لا معقولة تشتغل كارسونه
ريام : ههههههه قبل ٣ اشهر شفت وحدة تشبها بالمطعم البناني ههههههههه هم فكرت هشكل
ابو ياسر: انتي حيوانه ليش ماحجيتي
ريام: بابا مامتأكدة كلت تشبهه
ابو ياسر  : تروح للمطعم اللبناني وتشوفها هي لو وحدة تشبها
ياسر: هسة رايح يارب تطلع هي

في المطعم اللبناني
ياسر: مساء الخير
طوني: مسا النور اهلين تفضل اعود
ياسر: شكرا استاذ طوني بالحقيقه جاي اسئل اذا عدكم وحدة تشتغل اسمها دنيا
طوني : ايي هاي الصبيه العرائيه مزبوط
ياسر: اي هي موجودة اكدر اشوفها
طوني : تفضل هي تشتغل بالمطبخ
ياسر:😀😀 راح اروح اشوفها

ميرنا : دنيا وينك جاين عليكي ضيوف تعي لهون
دنيا: منو
ياسر: اني ....شتاقيتلج
دنيا: 😠 شعندك جاي ماريدك بعد
ياسر : سامحيني تعذبت بهاي الاشهر ماخليت مكان مادورتج بي
دنيا: وهسه اجيت تريدني ارجع انسه مستحيل وابني هم مايريدك
ياسر: وهو يتقرب ويخلي ايده على بطنها حبيبي ابني سامحني وادري بيك سامحتني لان تعرف الي بداخلي صدكني من عرفت بوجودك فرحت بس الظروف خفت عليك وعلى امك
دنيا : وخر ايدك  وروح عندي شغل
عافته دنيا وفاتت للمطبخ
دنيا : 😭😭😭 حقير
ميرنا : شو بك دنيا من هيدا الزلمه
دنيا: زوجي
ميرنا : باينتو كتير بيحبك ليش هيك صار معكن وافترئتو
دنيا: نذل ماكو غير سبب اكوم اكمل شغلي احسن
ميرنا : ريحي هلا شكلك تعبانه انا راح أشتغل مكانك
دنيا: راح اخذ رخصه من طوني واطلع

ياسر بقى واكف برة المطعم منتظر يعزل المطعم حتى يلحك دنيا ويندل وين عايشه

ياسر: هاي طلعت من وكت اخاف بيها شي اووف يادنيا شكد اشتاقيتلج

مشى وراها بالسيارة الشقه قريبه من المطعم بالشارع الي وراها
رجع ياسر للبيت
ياسر: لكيتها بابا لكيتها ماما
ام ياسر : وينها شو ماكو وياك
ياسر : ماقبلت تجي المهم عرفت وين عايشه وين تشتغل
ابو ياسر : حجيت وياها
ياسر : اي بابا وماقبلت ترجع
ام ياسر: وحفيدي شلونه
ياسر : هههههه😀😀 حفيدج كبران ماعرف بياشهر بس مبينه بطنها شوية
ام ياسر: طبت بالسادس اني حاسبتلها ماسئلتها بنيه لو ولد
ريام: ماما شبيج خل يصالحها بالاول وبعدين يسئلها ....ياسر ليش ماتاخذنه الها حتى نقنعها
ياسر : ماما شتكولين
ابوياسر: ام ياسر روحي انتي وريام
ام ياسر: اي والله ياريت كومي ريام بدلي حتى نروحلها

راحت ام ياسر وريام لبيت دنيا
دنيا: خالة 😁 حبيبتي مشتاقتلج ريومه هلا بيكم تفضلو
ام ياسر: شلونج دنيا مشتاقيلج ليش بنتي هيج تسوين
دنيا: خالة مو بيدي عذريني
ام ياسر: لا ماعذرج كتلج اني بمكان امج ومستحيل اتخله عنج ابد
دنيا: بعد صار الي صار
ريام : وهي تبوي بطن دنيا .. ابن اخوية شلونه
دنيا: ها
ام ياسر: احنه نعرف كولشي ياسر كلنه انتو مزوجين ونريد ترجعين ويانه
دنيا: خالة والله حاسبتكم اهلي امي وابوية وريام اختي الصغيرة  بس ياسر مستحيل ارجعله ماكدر خذلني وتخلى عن ابنه
ام ياسر: لا يمه ترى ياسر يحبج وهاي الفترة كولها ماكعد بس يدور عليج
دنيا : خالة شنو الفايدة بعد ماكسر كلبي
ام ياسر: بنتي فكري ترى بيت اهلج اوله بيج لاترجعين لياسر بس ابقي عدنه بالبيت
دنيا: خالة اني مرتاحه هنا صدكيني اذا احتاج شي ماتردد اجيكم
ام ياسر: يله يمه احنه نروح بعد ماوصيج اذا تحتاجين شي لاتترددين ترى عمج باله كوله يمج
دنيا:  ان شالله سلميلي عليه

ياسر ظل يفكر بطريقه يصالح دنيا واجت في باله فكره

في صباح اليوم التالي
رن تلفون دنيا
دنيا: امممم
ميرنا: ضباح الخير لساتك نايمه ياخانم عنه شغل
دنيا: صباح النور لج والله مابيه حيل احس نفسي ثكلانه
ميرنا: منك تئلانه بس تخنانه كثير يله تعي يابطيخه
دنيا: والي اجيت
كملت لبسها دنيا وطلعت للمطعم
دنيا: هاي شنو 😊 وردة وعلبه شوكولا من منو ياترى خل افتح الاوراق الي عليهم

الوردة حبيبتي احبك سامحيني
علبه الشوكولا  ابني احبك واعشق امك سامحني واقنع امك تسامحني
توقيع ياسر
دنيا: والله عليك حركات ياياسر هههههههه😁
ياسر : 😀 شلونج عجبتج الوردة والشوكولا
دنيا : 😕 لا وروح منا هاي سوالفك مال مراهقين بطلهن ترى ماتمشي عندي اشمرهن بالزبالة
ياسر: 😧 ليش دنيا ترى والله احبج حتى اسئلي النونو صدك ولد لو بنية
دنيا: وانت شعليك
ياسر: شنو شعليه 😠 يله كولي بنية حلوة مثلج مو
دنيا: ماعرف جنس الطفل ماحبيت اروح
ياسر: زين اني اريد اعرف ممكن
دنيا: امممممممم
ياسر: شبيج اممممميتي
دنيا: انت مو ماتريده شكو دا تشوفه
ياسر: اريده بكيفك ماريده دنيا ترى هو ابني ممكن اروح وياج نشوف جنس الطفل
دنيا: وخر من طريقي .. وهي تمشي احجز موعد يم طبيبه وتعال اخذني
ياسر : شكرا دنو

ياسر حجز موعد يم الطبيب السونر بعد اسبوع خلال هذا الاسبوع كل يوم الصبح قبل ماتطلع للدوام يعوفلها ورده

ياسر: دنيا اني انتظرج جوة يم باب العمارة حتى نروح للطبيبه
دنيا : دقايق وجايتك
ياسر: فديتج حبيبتي ام ابني دائما كشخه وتخبلين
دنيا: انت شوكت تبطل سوالفك مال ورد ترى ماارجع
ياسر: مابطل لحد ماترجعيلي
دنيا : ههههه لعد ابقى طول العمر
ياسر: من نخلص من الطبيبه اخذج للمطعم اللبناني نتغده بي
دنيا: لا ارجع للبيت وثاني شي استحي زملائي يخدموني
ياسر : يابه انتي جيبينه الطلبات اريد اعزمج بمناسبه معرفه جنس الجنين
دنيا: لا والله

راحو للطبيبه طبعا يحجون انكلش واني راح اترجمه للعراقي
الدكتورة : تحبون تعرفون جنس الجنين
ياسر : اريد اعرف صحته  اول شي وبعدين الجنس
دنيا: 😃
الدكتورة : الحمد لله صحه الجنين بخير وراح يجيكم صبي وبنت
ياسر : شنوووو تؤام ههههههههههه لا لا صدوك
دنيا: صدوك دكتورة 😀😀😀 الحمد لله
ياسر : دكتورة يشبهوني لو يشبهونه هههه
الدكتورة : هههههههه اكيد راح يشبهوك ويشبهونها مبروووك

طلعو من عيادة الدكتورة وتوجهو للمطعم
دنيا: هاي شكو اليوم اشو ماكو زبائن المطعم فارغ شكو شصاير يارب
ياسر : مادري شكو فوتي جوة خل نشوف
دنيا: ميرنا ميرنا.    .... وبدت الزهور تتساقط عليها
دنيا : ههههههههه هاي شنو

طلعت فرقه موسيقيه تعزف
دنيا: 😃 اخ من سوالفك
ياسر: ممكن نركص
دنيا: يله خطية ماافشلك 
ياسر : وهمه يركصون ... دنيا ارجعيلي
دنيا: باوع كولشي تسوي ماراح يخليني ارجع لو تفرشلي الكاع ورد ماكدر
ياسر: ارجعيلي وسامحيني كافي
دنيا: لا
ياسر: ارجعي
دنيا: ابدا
ياسر: اخر كلام عندج
دنيا : اخر كلام انسى

قاطعها بقبله التهم بيها شفاها عبرت عن مدى شوقه الها

دنيا: ياااااااسر شسويت 😠😠

بعد مرور سنه

دنيا: ياسر اريد اكمل الغده سكت الجهال
ياسر: دنيا البارحه الليل كولة اني سهران وية الجهال اريد انام
دنيا : على اساس اني ماسهرانه انت مو خوش اب لو ماراجعتلك هواية احسن
ياسر : وهو يحضنها ااااي وينطيج كلبج تحرميني منج شنو رأيج نجيب بعد خوان لرانيا ورامي
دنيا: روح سكت جهالك ماما وبابا وريام جاين ع الغدة

ياسر : دنيا تعالي نودع المتابعين
دنيا: اووف منك نسيتني
حبايبي المتابعين نشكركم لان تحملتو غلاسه ياسر وحقارة ويايه وتابعتونه
ياسر: واني هم اشكركم لان تحملتو عناد دنيا وغبائها احيانا حبيبتي لاتبعيلي صفح
نتمنى تكون قصتنه نالت اعجابكم
ابطال القصه
ياسر ودنيا

......................
النهاية

الي راح يسئل عن كارولينا اطلكت من ياسر ورى ماعرفت بموضوع دنيا وهماتين  لان تحبلها واحد عايش بفرنسا وماسمحت لابوها يخرب الشراكه بين الشركات

تحياتي لكم الكاتبه
Lamar Ali