رواية لقاء مستحيل ليآرا سمير الفصل الثامن عشر 18 - بقلم ملك صلاح

تانى يوم كان امير عنده اجتماع علشان الصفقه والعقود فريم كانت قاعده ف الفندق شويا ونزلت قعدت ف الهول لانها اتفقت مع امير هتستناه هناك ..قعدت فى ركن هادى معزول عن الناس وحاطه سماعات mp3 ف ودنها وسرحانه وهى بتعدل نفسها كان ف سماعه من السماعات وقعت وهى بتمسكها علشان تحطها تانى ف اللحظه دى سمعت شخص بيقولها : مر 5 سنين وانتى زى ما انتى متغيرتيش ياريم 

بتبص ريم ع الصوت واتفاجئت : لوهان 

لوهان مبتسم : اهلا بيكى ف باريس‏‎heart‎‏ رمز تعبيري

ريم مش مصدقه وباصه ف ذهول راح لوهان قعد قدامها : هاى ..

ريم بتستوعب: لو هان .. بجد 

لوهان بيضحك : ايوه بجد (مد دراعه) علشان تتاكدى اضربينى 

ريم متفاجئه ومش عارفه تتكلم ..

لوهان : انا كنت متخيل انك هتتفاجئ بس مش هتتجمدى كده ... ريم قولى حاجه
ريم باصه للوهان وفاجاءه MP3 وقع السماعات فكت وصوت الاغنيه بان وكانت اغنيه لوهان ال غنهالها ..

لوهان بيبتسم: لسه بتسمعيها 

ريم بسرعه وطت طفت ال MP3 وجت تمشى لوهان مسكها من دراعها وقفها

لوهان: ريم..استنى رايحه فين 

ريم متوتره : بعد اذنك انا عاوزه امشى 

لوهان مستغرب : ريم ..مالك 

ريم شدت ايدها ومشيت خطوتين ...

لوهان : مش عاوزه تعرفى مين ادوارد صاحب اللوحه

ريم وقفت مكانها اتثبتت راح لوهان ناحيتها بصتله ريم : انت ادوارد 
انت ال بعت اللوحه ع اوضتى بس ازاى ..وعرفت منين و...

لوهان ضحك : فعلا متغيرتيش
(طلع كارت من جيبه) لوهان: هستناكى تكلمينى بكره وانا هعرفك كل حاجه انتى عاوزه تعرفيها وكل حاجه انا عاوزك تعرفيها خلينى اشوفك بكره ونتكلم مع بعض ..لانك ف حاله صدمه المفاجاءه مش هتكونى مجمعه ولا مركزه لانى مجربها وعارف هتبقى ازاى ... فجمعى كده وكلمينى بكره فى اى وقت هتلاقينى قدامك اوكيه 

ريم مسكت الكارت وبصتله ومشى لوهان خطوتين ورجع تانى قرب من ودنها وقالها بالعربى : وحشتينى‏‎heart‎‏ رمز تعبيري 
رجع اتكلم بالانجليش : هستنى مكالمتك بكره ..باى 

مشى لوهان وع وشه ابتسامه كبيره وريم متفاجئه لدرجه انها حاسه انها بتحلم بجد ومش مصدقه ... طلعت ع اوضتها بسرعه من توترها وماسكه الكارت وبصاله وحصلتلها حاله غريبه دموعها نزلت وبتضحك مع بعض حاله هستريه مش مستوعبه بعد 5 سنين تقابل لوهان تانى بعد ما خلاص كانت متاكده انه مستحيل تشوفه تانى ...!!!

قعدت ف اوضتها وعماله تلمس الحرف وسرحت وكانت ف دنيا تانيه ..امير كان بيتصل بيها لكن ريم مكنتش حاسه بالموبيل او معنى اصح مش حاسه باى حاجه غير انها شافت لوهان ....

امير قلق عليها وراحلها الاوضه خبط ومفتحتش قلق فطلب من سيرفس روم يفتحوا الباب وفتحه ودخل لاقى ريم قاعده ع كرسى قدام الشباك وحاطه سماعات MP3 ومغمضه عنيها ..قرب منها خبط ع كتفها ريم اتخضت لما شافت امير : امير 

امير بيضحك: اتخضيتى كده ليه انا مش عفريت 

ريم اتوترت زى ال كانت بتحلم وحد فوقها : لالا ابدا 

امير بص ع موابيلها : مبترديش ع موبيلك ليه انا اتصلت اكتر من مره والباب مفتحيش قلقت خليتهم هنا يفتحولى الباب 

ريم لسه ف خضتها ومش عارفه تتكلم: بجد: سورى .. اصل

امير: مالك ياريم ف حاجه 

ريم بصت ل امير: حاجه ..حاجه ايه لا مفيش
 
امير: طيب يلا علشان نتغدى ومجهزلك بروجرم هيعجبك

ريم : اوكيه ..اوكيه يلا 

امير استغرب ان ريم وافقت بسرعه و متغيره لكن مركزش ..نزلوا ف المطعم وجه الغدا وريم باصه لطبق وع وشها ابتسامه وامير مش فاهم فى ايه 

امير: ريم.. متاكده انك كويس

ريم بصتله: ها .. تمام مفيش حاجه الاكل جميل هنا 

امير: هيعجبك كمان نوع الحلو ال اختارته
ريم هزت راسها ورجعت تانى فكرت ف صدفه ال جمعتها بلوهان وابتسمت لانها مش مصدقه فعلا ..

شويا وخلصوا اكل وخرجت شويا مع امير يتمشوا وريم سرحانه طول الطريق وشويا قالت انها عاوزه ترجع الفندق حاسه بصداع فوافق امير اخدها ورجعوا الفندق ولما وصلها اوضتها

امير: بكره انا هكون مشغول شويا من الصبح اشوفك ع الغدا 
ولا تحبى تيجى معايا بكره ؟

ريم بسرعه: لالا اجى فين انت عارف مليش ف الجو دا ..روح انت شوف شغلك وانا هقعد هنا 

امير: مش عاوزك تقعدى لوحدك كتير 

ريم باابتسامه: مش هكون لوحدى 

امير: ازاى

ريم انتبهت لل بتقوله ومسكت ال MP3 : دا معايا مش هبقى لوحدى 

امير : اوكيه ..هحاول مش هتاخر وهتابعك بالتليفون ياريت تسمعيه ومتقلقنيش عليكى هتلاقينى سيبت ال بعمله وجيت

ريم: لا متقلقش حاضر ....

امير: تصبحى ع خير 

ريم: تصبح ع خير 

خرج امير وهو مستغرب شويا ريم بس مركزش ... ريم ف اوضتها ع السرير قاعده بصت ع الحرف وابتدت تستوعب انها شافت لوهان فعلا مسكت الكارت ومسكت موابيلها ومتردده تتصل بيه لكن لاقت جواها رغبه كبيره بتشجعها تكلمه اتصلت بالرقم وبتوتر وقلق بتسمع الجرس لسه الجرس الاول خلص فتح لوهان : ريم 

ريم اتفاجئت: عرفت ازاى 

لوهان: قلبى قالى انك هتتصلى 

ريم مش مصدقه انها سامعه صوت لوهان ..

لوهان مدهاش فرصه ترد او تتكلم وبسرعه: بكره الساعه 10 الصبح هتلاقينى مستنيكى ف الهول اوكيه متتاخريش ... 

ريم: ها 
لوهان بيضحك: تصبحى ع خير 

قفلت ريم وحست ان لوهان ال اتصل مش هى ومدهاش فرصه ترد .... ف الوقت دا كان لوهان قاعد مع ادوارد فى اوضته ف الفندق وقفل وع وشه ابتسامه وادوراد لاحظ ملامحه اتغيرت بعد ما قفل ..

ادوارد: انا اجلت ميعاد بكره لبعد الضهر و......
لاحظ ادوارد ان لوهان باصص ع الحرف ال ع صباعه ومبتسم ومش سامعه
ادوارد: ليو .. ليو.. هاى 

لوهان انتبه: ها ..ايوه

ادوارد قعد وبيضحك: روحت فين 

لوهان بيضحك: انا هنا اهو 

ادوارد: انا بكلمك وانت مش هنا ... ايه كانت المكالمه ال مستنيها

لوهان باابتسامه مشرقه: كنت مستنيها من 5 سنين

ادوارد: واضح واضح من ملامح وشك ..انا فعلا مستغربك اوى يا لوهان

لوهان مبتسم : ليه 

ادوارد: انك تقعد 5 سنين ع امل تقابل بنت ومتعرفش عنها حاجه .. ايه ال فيها خلااك لمده 5 سنين مقدرتش اى واحده تشدك ناحيتها واجمل بنات ..

لوهان قام فتح باب التلاجه وطلع علبه عصير فراوله :ياصديقى هقولك حاجه بسيطه ... فى نوع من بنات حواء لما تقابلها وتقربلها وتضيع منك لسبب ما وقتها باقى بنات حواء كلهم بيكونوا مجرد تكرار ملهوش معنى ولا روح
رفع لوهان علبه عصير الفراوله: وهى من النوع ال مبيتكررش 

اداوارد: حقيقى بتمنالك توصل ل ال انت عاوز والقدر يكون معاك المرادى 

لوهان : القدر بعتلى صدفه رابعه وانا مش هضيعها ..مش هضيعها 

ادوارد رفع كاس ويسكى : حظ سعيد

لوهان رفع علبه العصير: شكرا يا صديقى

تانى يوم فطرت ريم ف الاوضه مع امير ونزل راح مشوار شغله وريم قاعده متوتره بتبص ع الساعه كانت 8ونص لبست وقاعده عماله تبص ع الساعه وكل ما تقرب تحس بتوتر اكتر ..احساس اول مره تقابل لوهان ...الوقت قرب وبقت الساعه 10 ..اتعمدت تنزل متاخر وهى نازله حاولت تتمالك نفسها وتبقى طبيعيه .. اخدت نفس وراحت ناحيه الهول كان لوهان مستنيها ولابس اول جاكت اشتروه مع بعض ايام ماكان اقترح انهم يلعبوا لعبه الارتباط ..ريم عرفت الجاكت ع طول وقربت ولسه هتتكلم لاقت لوهان وقف ولف وبصلها بصلها: كل دا تأخير مكنتيش كده اتغيرتى ياريم 22 دقيقه ونص تاخير 

ريم متنحه : ها 

لوهان بيضحك: لا كده انتى متغيرتيش 

ريم بتجمع نفسها: احم ... انا ..

لوهان مسك ايدها : تعالى نخرج من هنا هنروح مكان نتكلم فيه وتقولى ال انت عاوزاه يلا 

ريم محستش بنفسها ولوهان مسك ايدها ومشيت معاه بصت ع ايده وهو ماسكها حست نفس احساس اول مره مسكها ببهجه وسعاده وابتسمت ..

فتحلها لوهان باب العربيه وقعدت وراح بسرعه ركب واتحرك بالعربيه وطول الطريق لوهان باصصلها وع وشه ابتسامه وريم بتحاول تستوعب الموقف ..وصلوا لمكان نزل لوهان فتحلها باب العربيه : يلا 

ريم : احنا فين

لوهان بيضحك: خطفتك يلا انزلى 

ريم نزلت وبتبص حواليها لاقت نفسها ف مكان زى الحديقه شبيهه اوى ل ال موجوده ف لندن ... راحوا ومسك ايدها لوهان ومشيوا طلعوا مطلع زى جبل وكان مرتفع ومشيوا شويا بصت لاقت ترابيزه وكرسيين موجودين ومش حواليهم حاجه ولا حد لوحدهم ..!!
لوهان شد الكرسى وقعدت ريم وراح قعد قدامها 

لوهان باصص ل ريم ومبتسم..ريم : لوهان

لوهان: كان واحشنى اوى 

ريم: ايه هو

لوهان: صوتك ... كنت مفتقده جدااا شكرا لانى سمعته تانى 

ريم بتجمع : لوهان ..انا 

لوهان: انا اسف انى غبت عنك ال5 سنين .. اسف انى محاولتش اكلمك فيهم ولا مره ..لكن انا اختفيت بسبب كنت عاوزه اثبته لنفسى قبل ما اثبته ليكى 

ريم سامعه : عرفت ازاى انا ف فرنسا 

لوهان: انا مرتبتهاش 

شاور لوهان ع السماء ..: هو ال رتبها 

ريم مش فاهمه: تقصد ايه

لوهان: اقصد ان دى الصدفه الرابعه ال مرتبتلهاش انا اتفاجئت بيكى ف اول يوم وصلتى الفندق مع امير ... مكدبش عليكى اتفاجئت لما اتاكدت انها انتى ومش بشبهه واتفاجئت اكتر ان امير معاكى ... 

ريم : والمعرض ..وادوارد

لوهان بيضحك : دى بقى انا مش مصدقها انها حصلت اصلا 

ريم: ازاى 

لوهان: ادوارد دا اسم شريكى والرسام ال رسم اللوحه صديق مقرب ل ادوارد وكان دعانا لحضور المعرض ومكنتش اعرف انك رايحه واول ما شوفت اللوحه عاجبتنى لانها فكرتنى بيكى فرحت علشان اطلبها منه شوفتك داخله المعرض مع امير ووسط الوحات كلها لاقيتك واقفه قدامها .. بسرعه حجزتها واشتريتها قبل حد تانى ما ياخدها ولما عرفت انك كنتى عاوزها وزعلتى لانك ماخدتهاش بعتهالك ع اوضتك ومضيت ب اسم ادوارد لانى كنت عاوز افاجئتك بوجودى بصراحه ...

بيضحك لوهان: ولاقيتك زى ما انتى متغيرتيش ف ردود فعلك وال 5 سنين ولا اكنهم موجودين وزى ال شفتك من قريب لكن مكنتش اتوقع انك هتتخضى كده 

ريم كلام لوهان مخليها تاهت ...

لوهان : وامبارح لاقيتك قاعده لوحدك ف الهول وعرفت ان امير مش موجود انتهزتها فرصه اكلمك .. 

ريم ساكته ...
لوهان : ريم انا بشكرك 

ريم: ع ايه

لوهان: انى لاقيت نفسى ...بسببك لاقيت نفسى ال ضايعه

ريم: انت سبت كوريا ليه واعتزلت ليه .. انا كان نفسى اسألك السؤال دا 

لوهان اتنهد : لانى مقدرتش اكون ف مكان سبنا بعض فيه واعتزلت لان مكانتى كمغنى كانت سبب من الاسباب ال خلااكى تبعدى عنى وزى ما بعدتى عنه انا بعدت عن الموسيقى ... مقدرتش اتحمل فكره انك اختفيتى وعلاقتنا اتقطعت ... ريم ..حرفك المطبوع ف ايدى ومرحش ..انتى محفوره جوايا ومنستكيش ولا لحظه ومغبتيش ولا دقيقه من ع بالى ولا تفكيرى بالعكس كنت دايما عارف بتعملى ايه وبتروحى جلساتك امتى وانك بتروحى الجمعيه اكتر وكنت بمسك نفسى ومقربش ليكى لانه مكنش الوقت المناسب ..كنت متابعك من بعيد ومطمن عليكى وكنت مستنى الوقت المناسب ...

ريم دموعها نزلت: لوهان ..انا 

لوهان قام ومسك ايد ريم وهى قاعده ع الكرسى وقعد ع ركبته ف الارض قدامها وماسك ايدها الاتنين : سامحينى انى غبت الفتره دى .. عاوز اقولك انك وحشتينى اوووى اووى اوووى وروحى رجعتلى وانا شايفك دلواقتى ولمسك وسامعك ... بحبـــك بحــبك يا اول واخر حب فى حياتى 

ريم دموعها نازله ومش قادره تتكلم ... لوهان باس ايديها وقام وقومها وشاور لشخصين كانوا واقفين بعيد قربوا ومعاهم تورته كبيره 
ريم بصت : ايه دا 

لوهان : قربى وتعرفى 

ريم قربت من الترابيزه الكبيره شافت تورته مكتوب اسمها واسمه وعليها رقم 7 

ريم: ايه دا 

لوهان: انهارده يعتبر مر 7 سنين ع اول مره شوفتك فيها ف لندن 

ريم مش مصدقه متفاجئه : ها

لوهان: يلا طفى الشمع علشان تمشى ال 7 سنين بال فيها ونبتدى الجديده مع بعض 
ريم بصت للوهان لاقته مطلع علبه فيها خاتم : تتجوزينى ياريم 

ريم اتفاجئت بالكلمه : لوهان ..انت .. لا مينفعش لا 

لوهان قعد ع ركبه ونص وفتح العلبه فيها خاتم واتكلم بالعربى : تتجوزينى ياريم ع سنه الله ورسوله 

ريم مكنتش مصدقه ال سمعته حصلها صدمه من الكلام والمفاجاءه : ايه 

قام لوهان وكرر الجمله : تتجوزينى ع سنه الله ورسوله 

ريم: ازاى 

لوهان: طفى الشمع الاول علشان نبدء وهعرفك كل حاجه 

ريم اتحولت لما عرفت : لا اعرف الاول انت عملت ف نفسك ايه 
عملت ال قلت عليه يا لوهان ... استهترت واتسرعت و.... 

لوهان حاول يهديها : اهدى بس واسمعينى وبعدين ردى 

قعد لوهان وبيتكلم : انا لما سبت كوريا واخدت قرار الاعتزال واسيب كل حاجه ورايا مكنتش عارف انا رايح فين لانى مليش حد اروحه عيلتى ومعارفى ف كوريا واغلبيه اصحابى منتشرين ف كام دوله ..كنت عاوز ابعد علشان انسى لكن مقدرتش ..روحت قعدت ف شقتى فى نيويورك.المهم روحت قعدت ف شقتى هناك وبحاول الاقى حل تفكيرى كان مش بيبعد عنك وفكره انك سبتينى علشان مستقبلى وعلشان دينك ... كنت مش قادر اقتنع فى يوم كنت سهران ف كازينو وقابلت ادوارد وقتها كان جى زياره ف نيويورك واتكلمت معاه وكان عرف ال حصل وعرض عليا نعمل شركه مع بعض وبعد اصراره وافقت وقلت ممكن الشغل يريحنى ...لكن طول الوقت كنت مش مقتنع بالسبب ال سبتينى علشان ومش قادر اصدق فكنت بسهر ف الكازينوهات وبشرب علشان انسى وانام من غير تفكير ...وانا ف نيويورك كان ف جامع قريب من الشركه كنت بشوف ناس بيدخلوه بيصلوا ولاقيت اعلانات عن محاضرات شرح الدين الاسلامى وتوعيه لمفهوم الصحيح للاجانب بعد حادثه البرج اغلب المساجد بتعمل كده توضح ان الاسلام بينكر اى عمل ارهابى .. روحت حضرت مره كان عندى فضول اعرف هيقولوا ايه وايه الاسلام ال كان اقوى من حبك ليا وسبتينى وكنت مش موافقه انى أسلم وكلامك انه يكون ع اقتناع ... حضرت مره لاقيت نفسى بحضر كذا مره وبقيت ادور ع كتب شرح احاديث وسور من القران وادور ع النت ع ابحاث مكتوبه عن الاسلام . وقريت عن الصوم والصلاه وكل ما يشمل الاسلام .لاقيت نفسى كل ما بتعمق ف القرايه والبحث كل ما بعدت عن السهر والشرب وبقى نظام يومى شغل وسفر وبيت ودراسه ... قعدت سنتين فى قرايه وبحث وحضور محاضرات ..قررت مره اسافر السعوديه كان ف رجل اعمال سعودى ليه شغل معانا هناك وسافرت وكنت ف ضيافته وحضرت جلسات ونداوات من كبار المشايخ هناك وقعدت مع ناس اعلنوا اسلامهم وسمعت قصصهم ... كان فى ضيقه ف صدرى خفت وبسكينه حلت ف حياتى وقبل ما ارجع نيويورك حلمت برؤيه روحت حكيتها لشيخ وكانت علامه ع أسلامى ...
بعد تفكير مكملش 24 ساعه روحت اعلنت اسلامى بااقتناع وبرضا وعملت عمره ورجعت من وقتها وانا مسلم ودا مأثرش ع حياتى ولا شغلى بالعكس كان مستقره اكتر .. وكتر وكبر بسرعه وعلاقتى مع ال حواليا اتحسنت . حاولت اجتهد وجباتى اتجاه ربنا واتبع اوامره وحاولت ع قد مااقدر اتجنب اى معصيه ولما بغلط بتوب وبكمل .حسيت فعلا بكلامك انها علاقه بربنا مش بمخلوق والقرار يبقى نابع منى ... وقتها قررت اكون مسلم علشان انا قررت كده مش علشانك ..بس انتى كنتى السبب من اسباب بس مش سبب رئيسى ... بسم الله الرحمن الرحيم "إنك لا تهدي من أحببت ولكن الله يهدي من يشاء وهو أعلم بالمهتدين" سوره القصص ايه 56...
ريم دموعها نازله ..
كمل لوهان :هديه جتلى ومكنش ينفع ارفضها .. لاقيت الاسلام فيه كل حاجه محتاجها لانه هو اصل الحياه بيحترم كل الاديان السماويه وموضح البساطه والمعامله والحب ف التعامل بين البشر ..طريقه هدايه وسكينه وراحه نفس وقلب ... بنغلط ونرجعله يغفرلنا ونتعلم من اخطائنا ولما بنكون معاها بيسلهلنا امورنا ..انا سلمتها ليه وسيبتك فى امانته ودعيت ف صلاتى ليه انه يجمعنى بيكى ومتكنيش لحد غيرى واترجيته يحفظك ويبعد عنك اى حاجه تضرك ونتقابل قريب ..باين كده استجاب ليا بس بعد 3 سنين من الدعا 

ريم مذهوله بالكلام ال سمعاه من لوهان ... لوهان: لما أسلمت كنت عاوز اجيلك واعرفك ان مفيش سبب هيفرقنا ..لكن لاقيت انى محتاج وقت أثبت فيه لنفسى انى الخطوه ال اخدتها علشان انا مقتنع بيها بعيده كل البعد عنك وبعدت ال3 سنين لكن عارف كل حاجه بتعمليها واخبارك وان ارتباطك بامير كان خدعه عملتيها علشان تقنعينى وتطفيشنى ها ...

ريم ضحكت ودموعها نازله ... لوهان مسك ايد ريم: ربنا بيجمعنا ببعض ياريم من اول مره قابلتك وهو جمعنا مع بعض .. ادى امر بكده لقدرنا يجتمع مع بعض وكل ما يحصل حاجه بيجمعنا تانى ... وانا مش هسيبك لانى بحبك بجد وهكمل حياتى معاكى ان شاء الله 
فتح العلبه تانى : انا من اول مره قلبى دق ليكى وبقيتى كل حاجه وانا مش شايفك حبيببتى ولا صاحبتى لا انا شايفك مراتى ...تتجوزينى 

ريم دموعها نازله ومش لاقيه كلام تقوله غير انها لاقت نفسها ف حضن لوهان وبتعيط ومش مصدقه فتحت ف العياط ولوهان حضنها : وحشتينى ياريم ...وحشتينى‏‎heart‎‏ رمز تعبيري

كانت لحظه غير متوقعه ف حياه ريم تحصل ومش مصدقه نفسها ف اللحظه دى تليفونها كان بيرن وكان امير وهى مش سمعاه .... قضت اليوم مع لوهان وحست ان ال5 سنين كانوا مش موجودين اول ما شافت لوهان وجع ال كان ف قلبها بقى بداله سعاده هى مش قادره تصدقها ...

رجعت ريم ع الفندق وطلعت اوضتها ومعاها علبه الخاتم بتاع لوهان ومبسوطه بيه جداااا ...امير راحلها الاوضه بعد ما دخلت بساعه

امير: ريم

ريم مبتسمه: ايوه

امير: مردتيش ع التليفون ليه وكنتى فين انا جيت ملقتكيش 

ريم : انا ..كنت بتمشى 

امير : لوحدك 

ريم سكتت لحظه وبصت ع ال MP3 وضحكت: دا معايا 

امير كان مستنى ريم وشافها مع لوهان وكان متفاجئ وكان متوقع ان ريم هتعرفه لكن اتفاجئ بانها كدبت عليه ...

امير: اوكيه ياريم 
ع العموم جهزى نفسك هنرجع بليل
 
ريم متفاجئه: بليل ..مش قلت هنقعد كمان اسبوع 

امير: لا انا خلصت شغلى وعندى شغل ف لندن هنبقى نيجى تانى 

ريم: اوكيه

امير : ف شهر عسلنا ان شاء الله 

ريم اتصلبت مكانها وبصت ل امير ومعرفتش ترد وامير لاحظ رد فعل ريم ...

خرج امير ودخل ع اوضته ومن عصبيته بالموقف رزع الموبيل وكسر الكوبيات ال قدامه من عصبيته : لوهان.. لوهان تانى
 
ريم كلمت لوهان وعرفته انها راجعه لندن بليل قالها انه هيبقى يجيلها هناك وهيكلمها ..... ف الطياره ريم حطت سماعات MP3 ف ودنها واترسمت ابتسامه ع وشها وهى مغمضه عنيها وكانت بتلمس الحرف ع صباعها ولاحظ امير تغير كبير ف ريم وملامحها عن ما كانت معاه ...!!!!!

وصلت ريم البيت وكان ع وشها ابتسامه ولاحظ مامتها كده وعاصم ورامى وطلعت ع اوضتها ...

حنان ل امير: السفريه دى غيرت ريم انت عملتلها ايه يا امير
 
عاصم مبتسم: فعلا شكلها متغير عن ما راحت ..كويس انك اخدتها معاك 

امير مش عارف يتكلم يقول ايه :انا طالع ارتاح 

حنان: طبعا يا حبيبى اطلع 

حنان بصت ل عاصم وع وشها ابتسامه: باين كده هنسمع خبر حلو قريب

عاصم: ان شاء الله 

مشى امير وطلع ع اوضته وهو طالع بص ع اوضه ريم وكان عاوز يدخل يكلمها لكن مكنش قادر مستنيها هى ال تكلمه ودخل اوضته ورمى نفسه ع السرير مش قادر يفكر ...!!!

ريم ف اوضتها لاقت موابيلها بيرن وكان لوهان :
لوهان: وحشتينى 

ريم مبسوطه: لحقت

لوهان: كل دقيقه بتعدى بتوحشينى اكتر من ال قبلها 

ريم:ههههههه اصدق انا

لوهان : استعجلى بقى وحدديلى ميعاد مع مامتك ومستر عاصم علشان مش مستعد اضيع ساعه زياده..

ريم اتوترت : اصبر مش بسرعه كده يا لوهان 

لوهان: اصبر ايه كفايه السنين ال كنتى بعيده فيهم عنى ياريم مش هستحمل تانى ابعد عنك ..اتكلمى معاهم وعرفينى 

ريم: اوكيه 

قفلت ريم مع لوهان وفتحت الدرج تحط علبه الخاتم بتاعه لوهان لاقت علبه خاتم امير ف الحظه دى حست بتأنيب الضمير اتجاه امير فــ قررت ريم تاخد قرار نهائى وترجع الخاتم ل امير وتقطع اى امل مستنيه ....

تانى يوم راحت ع اوضه امير مش لاقته نزلت تسئل عليه لاقته مشى اتصلت بيه كان موبيله مقفول وعرفت من عاصم انه قال مسافر يومين شغل وراجع ....!!!

فى يوم ريم كانت قاعده اتصل بيها لوهان وكان ف لندن مستنيها ف الحديقه ... راحت ريم اخدت رامى معاها

رامى: غريبه يا روما انك تقوليلى تعالى نخرج ..هو انتى شربتى ايه ف باريس غيرك كده ..والضحك والابتسامه رجعت دا انا هفضل عمرى كله اشكر امير ع انه عمل كده معاكى 

ريم بتضحك: هتعرف دلواقتى ..هتقابل شخص سألنى عليك كتير وابقى اشكره مش امير 

رامى بيفتكر: شخص ..مين ياترى 

وصلت ريم وشاورتله: هناك اهو 

رامى بيقرب : هاى 

لف لوهان وباابتسامه: رامى 

رامى بيحاول يفتكر : معقوله ..لوهان

لوهان: كبرت يارامى 

رامى راح خبط لوهان ف ركبته برجله ..

ريم اتخضت: رامى

رامى خبطه ف رجله التانيه: الاولى علشان روما والتانيه علشانى ...

لوهان بيتوجع : ليه كده وجعتنى

رامى: علشان سبت ريم وانت وعدتنى مش هتسيبها وخليتها تزعل الفتره ال فاتت دى كلها وع طول بتعيط وابتسامتها اختفت وقطعت صداقتنا وانت وعدتنى وعد الخنصر نسيت 

لوهان ضحك وريم: خلاص يارامى انا مسامحاه

راح رامى خبطه تانى بالبوكس ف بطنه : دى بقى علشان متكررهاش تانى 

وعلشان ريم رجعت تضحك كنت هضربك اجمد ..

لوهان راح مسك رامى وحضنه: اوعدك مش هيحصل تانى لا هسيبك ولا هسيب ريم وعد رجاله 

رامى: لو حصل مش هسيبك 

ريم ضحكت:شوفت يا لوهان بقى عندى راجل قد الدنيا هيقفلك

لوهان: عرفت وحسيت اه يا رجلى 

رامى باابتسامه: شكرا يا لوهان 

راح رامى حضن ريم : انا مبسوط علشانك ياريم اووى 

ريم دموعها نزلت ولوهان شايفهم وع وشه ابتسامه راح يهز ويشد ريم : هاتها بقى 

رامى بيشد ريم: لا انسى ريم بتاعتى
 
ريم ضحكت ولوهان ورامى وقضوا اليوم مع بعض ورجعت ريم مع رامى ونبهته ميقولش انه قابل لوهان وهو وافق لانه المهم عنده يشوف ابتسامه ريم ...!!!

مر يومين وريم اتغيرت والبيت لاحظ كده وراحت ل غاده

غاده شايفه وش ريم مشرق .. 
غاده: ماشاء الله ايه التغيير دا حصل ايه ف باريس 

ريم: حصل احلى حاجه فى حياتى مكنتش اتوقعها

غاده باابتسامه: امير عرض عليكى الجواز عند برج ايفل 

ريم باابتسامه : لا لوهان 

غاده اتفاجئت: مين 

ريم: لوهان قابلته هناك و....
حكت ريم لغاده كل ال حصل وكلام لوهان واسلامه وقراره بالزواج ..

غاده مش مصدقه ال سمعاه وملاحظه تغيير شاسع ف شكل ريم وف نبره صوتها والمعان ال فى عنيها وفرحت لفرحتها جداااا : دا ولا الافلام

ريم: انا كمان مش مصدقه بجد ..لكنه فعلا حصل يا غاده ..مفيش مستحيل مع ربنا ..ربنا كبير اوووى وعوضه اكبر من اى الم بيحصل ..الحمد الله 

غاده قامت حضنت ريم: انا مبسوطه ليكى اوى ياريم وان ربنا هيجمعك بلوهان بعد السنين دى والتغيير ال حصله

ريم ملامح وشها اتغيرت : بس انا قلقانه من حاجه 

غاده: ايه ..موافقه البيت

ريم: دى حاجه ..والحاجه التانيه انا

غاده: مش فاهمه
 
ريم اخدت نفس وملامح وشها اتغيرت : انا مش عارفه عندى ثقه اعمل اسره واعيش طبيعيه مع لوهان .. انا مش ناسيه ال حصلى زمان وشوفته وخيانه بابا لماما و...

غاده مسكت ايدها: هتقدرى .. صدقينى هتقدرى . لانك هتعيشى مع ال بتحبيه وبيحبك ...افرحى ياريم ..السعاده فتحالك دراعها متمنعيش نفسك بسبب خوف .. حاربى خوفك بسعادتك 

ريم: يارب ياغاده يارب 

خرجت ريم من عند غاده وهى فرحانه اتصل بيها لوهان واتكلموا شويا ورجعت ع البيت كان امير موجود ..راحت ع اوضتها فتحت درج مكتبها بصت ع علبه لوهان وعلبه امير ..مسكت علبه امير وحطتها ف جيبها وراحت ع اوضته وخبطت ع الباب :

امير: اتفضل

ريم باابتسامه: ممكن 10 دقايق

امير: وقتى كله ليكى ادخلى 

ريم دخلت ومعاها كوبيتين عصير : اتفضل 

امير بيضحك: باين الموضع مهم اوى عصير وقعده

ريم مش عارفه تبتدى الكلام ازاى : امير 

امير : ايوه 

ريم: شكرا لكل حاجه عملتهالى ووقفوك جنبى ومحاولتك تفرحنى باى طريقه .. بجد انت صديق مفيش زيه ..قلبك طيب اوووى وتستاهل كل خير وكل حاجه حلوه

امير: انتى عملتى حاجات اكتر علشانى لانك انتى السبب فى تغيرى للاحسن .. لو ع شكرا انا ال هشكرك ياريم بجد 

ريم بتتمالك نفسها علشان تكمل ال جايه علشانه وصعبان عليها امير : امير ...انا قابلت لوهان ف باريس 

امير سمع اسم لوهان اتصدم وع وشه ابتسامه: عارف 

ريم اتفاجئت : عارف ..ومقولتش ليه 

امير باابتسامه بيتمالك نفسه : استنيتك تيجى تقوليلى وانتى قولتى اهو 

ريم طلعت العلبه وحطتها قدام امير : اسفه يا امير مش هقدر اقبل الخاتم 

امير: ريم

ريم: انا 5 السنين ال فاتو كنت فاكره انى هقدر انسى لوهان لما ابعد عنه وقت ما اخدت قرار البعد ... مع مرور السنين افتكرت انى نسيته لغايه ما قابلته فى باريس اكتشفت واتاكدت من حاجه ..انه هو الحاجه الوحيده ف حياتى مش هقدر اتخلص منها واخرجها لانى ببساطه مش عاوزه كده .. مش هقدر اقطع علاقتى بلوهان .. يا امير .. انا اسفه ..اسفه يا امير 

امير سامع وحس بسكينه اتغرزت فى قلبه ومبتسم وبيتمالك نفسه : مفيش داعى للاسف ياريم ... المهم تكون مبسوطه

ريم خلصت كلام وخرجت وامير بص ع علبه الخاتم ودمعه نزلت من عينه لانه كان عرف كل حاجه تخص لوهان اسلامه وشغله الجديد وكل حاجه حتى قرار جوازه من ريم ..لكن مش قادر يستوعب ان دا هيحصل فعلا وهياخد ريم منه ...!!!!

خرجت ريم وهى حاسه انها وجعت امير لكن حست ان دا الصح علشان ميتعلقش زياده وخصوصا انها موعدتهوش باى حاجه وهو ال فضل مستنيها من غير كلمه منها . دخلت اوضتها شويا تفكر تعمل ايه لوهان كلمه واتكلمت معاه شويا وعرفته ال عملته مع امير لانها كانت حكتله وطلب منها تتكلم مع مامتها وعاصم ...

فى نفس اليوم بليل ريم حست انها تتكلم مع عاصم هيكون افضل من مامتها ...وكان عاصم ف مكتبه بيشتغل خبطت ريم ودخلتله ...

عاصم: ريم فى حاجه يا حبيببتى 

ريم محروجه: عاوزه اتكلم مع حضرتك ف موضوع 

عاصم : اتفضلى طبعا خير انا سامعك..محتاجه حاجه ..محتاجه فلوس

ريم: ميرسى يااونكل انت مش مقصر معايا بجد بتعاملنى زى بنتك بالظبط

عاصم باابتسامه: لا هزعل زى ايه ..ياريم انتى ورنا عندى بالظبط زى فريد وامير ورامى واكتر كمان لانكم بنات والبنات احلى مافى الدنيا 

ريم ابتسمت: والله حضرتك بتشجعنى اتكلم معاك لانك الشخص الوحيد ال حاسه هتفهمنى ...لو اتكلمت مع مامى مش هتفهمنى 

عاصم : انا سامعك

ريم : بصراحه... لوهان عاوز يتقدملى ويقابل حضرتك ومامى

عاصم بيستوعب: لوهان ..لوهان مين 
وافتكر موضوع ريم القديم ...:انتى قابلتيه فين

ريم: صدفه ف باريس و...
حكتله ريم ع الموضوع وكلام لوهان وعاصم سامع وبيحاول يستوعب لانه اتفاجئ...

عاصم: بصراحه ياريم فاجئتينى ...

ريم: انا عارفه ...

عاصم بص ل ريم: انتى عاوزاه ...بتحبيه

ريم ابتسمت وسكتت..عاصم: يعنى السكوت علامه رضا 

ريم: لوهان الشخص الوحيد ال قابلته وحسيت انه بيكملنى 

عاصم ابتسم : انا مبسوط لانى شايفه مبسوطه ياريم بجد واتمنالك السعاده الحقيقه تعيشها وفعلا لوهان عمل معجزه احنا مقدرناش عليها ...سيبى الموضوع دا عليا وانا هتكلم مع حنان وهبلغك بميعاد يجى فيه لوهان 

ريم اطمنت من كلام عاصم وخرجت وعاصم حس بحيره حنان هتوافق ازاى وهو متفاجئ ب ان لوهان ظهر لان رسم لما شافها راجعه من باريس مع امير افتكر ان الخطوه الجايه اعلان ارتبطهم رسمى .....قعد يفكر ف طريقه يفاتح حنان بيها ....!!!

مر 4 ايام و قعد عاصم علشان يتكلم مع حنان ومش عارف يفاتحها ف الموضوع

عاصم: حنان هكلمك ف موضوع بس اسمعينى للاخر وبلاش تتسرعى 

حنان باابتسامه: اتفضل 

عاصم بترقب اتكلم وحكى ع ال ريم قالته وعرض لوهان لجواز منها وحنان ف صدمه من الكلام
حنان: بتقول ايه يا عاصم .. ريم تتجوز مين ...لوهان 

عاصم: هى اختارت كده وهما الاتنين بيحبوا بعض وانا سألت عليه ولاقيته مكدبش ع ريم ف اى حاجه وصادق ف كل ال قاله ... 

حنان بعصبيه : تتجوز اجنبى وعلشان أسلم اديله بنتى 

عاصم : حنان .. الاجنبى دا الوحيد ال ساعد ريم مننا وانت شفتى بنفسك ف سنتين حالتها عملت ايه وبعد ما سابته حصلها ايه ودلواقتى لما رجعلها بقت ازاى ... اسالى غاده وتعرفك ان علاج ريم هو ارتباطها بلوهان وربنا عالم بيهم ..دا قدر بيجمعهم ملناش يد فيه ..

حنان: ماهى مش بنتك ..ال خلى ابوها يعمل فيها كده زمان ..طبيعى جوز امها يرميها 

عاصم سمع الكلمه دى وبعصبيه: حنان 

ف اللحظه دى ريم دخلت عليهم وردت : مع احترامى ليكى يا مامى .. جوز امى ال بتتكلمى عليه دا عاملنى زى بنته وحسيت بحنيته وخوفه عليا عنك يا امى ال ولددتنى ..
اونكل عاصم الوحيد ال ف البيت ال ادانى احساس بالامان ومش اخاف وانا عايشه معاه الراجل دا لو كنت اتعاملت معاه وشوفته وقعدت معاه زى رنا كان هيفرق كتير معايا ع الاقل مكنتش افضل لغايه دلواقتى بتعالج ومريضه نفسيه واكون طبيعيه زى رنا .. بابا كان همه فلوس وكان فاكر ان الفلوس هتعوضنى وانا هوافق وحضرتك عملت نفس كلامه فلوس فلوس ..اونكل عاصم الوحيد ال حسيت منه ان عنده حاجات اهم من الفلوس وكتير حسدت رامى وفريد وامير عليه واتمنيت انه كان يكون ابويا لحقيقى .. مسمحلكيش تقولى كده عليه لانه هو ورامى الحاجه الكويسه ف البيت هنا ال محسسنانى شويا بالامان ..وانا هتجوز لوهان يا مامى لانه الشخص الوحيد ال عوضنى عنك وعن رنا وعن بابا وعن الفلوس وعن حاجات كتير انتم يلى من حلمى ودمى وعايشه معاكم مقدرتوش توفرلها ليا او تحسسونى .... بعد أذنك يا اونكل وانا متاسفه ع ال سمعته 

مشيت ريم وهى بتعيط وحنان مصدومه من كلام ريم وعاصم مشى وحنان مش عارفه هى قالت ايه ......

مر اسبوع وريم بتتكلم مع لوهان ومفيش جديد ..ف مره اتفاجى عاصم بلوهان عنده ف الشركه واتكلم معاه وعاصم اتناقش معاه ف كذا حاجه ولوهان كان صريح جدا وعرف انه هعيش هو وريم ف نيويورك مكان ال شغله فيه ومعندوش اى مشاكل مع وضع ريم وعلاجها وانه هيساعدها تكمل علاجها وهى معاه ووالده مش معترض ع ريم ولا ع اسلامه وقاله دى حريه وبالعكس بقى علاقته بوالده افضل بعد ما أسلم وهيحضر الفرح ...

فرح عاصم بكلام لوهان وحدد ميعاد يجى البيت 

واتفاجئت ريم وحنان بوجوده وقعدوا وريم مش مصدقه وحنان قاعده قالبه وشها ورامى فرحان وامير كان مسافر ... اتكلموا وحددوا ميعاد ابو لوهان يجى يتقدم رسمى وفريد ورنا هيكونوا موجودين وامير وقبل ما يمشى 

لوهان : بعد اذن حضرتك يا مستر عاصم ومدام حنان 
نقرا الفاتحه كلنا وندعى انها تكون بدايه خير 
عاصم واقف من غير اعتراض وحنان منطقتش بعد موافقه عاصم ريم كانت بترتعش من الفرحه وبتقرا الفاتحه ودموعها نازله من عنيها ولوهان باصصلها وبيقرا الفاتحه وحنان قالبه وشها ...

وصلت ريم لوهان عند الباب 
ريم بتضحك: مكنتش اعرف انك شاطر وحفظت الفاتحه وياترى قريتها ف سيرك بالعربى ولا بالانجليش 

لوهان: بالعربى طبعا علشان توصل 

ريم : انت بتفاجئنى بجد 

لوهان: لسه هتشوفى مفاجاءات 
وهانت ع الاسبوع الجى هتكونى مراتى وبتاعتى 

ريم ضحكت: يلا امشى 

لوهان: بس نسيت اقولك حاجه

ريم: ايه

لوهان: احنا مش هنكتب كتابنا هنا 

ريم: اومال فين

لوهان: دى مفاجاءه انا مجهزهالك هتعرفيها وقتها 
باس ايد ريم ومشى خطوتين ورجع مسك راسها باس قورتها وقرب من ودنها وهمس : بحبــــك