الفصل الثالث

رواية لقاؤنا في العيد الجزء الثالث 3 بقلم حنان أحمد ماهر لقاؤنا في العيدرواية لقاؤنا في العيد الحلقة الثالثة كنت رايحه جايه في الاوضه بعصبيه من الكائن ده قعدت على السرير وانا بتنفس بعصبية وبحاول اهدي نفسي بس.. ـ لأ ماهو انا كده مش ههدى قُلتها وانا بقوم من على السرير بزعيق

ـ أوف يا ربي هو عايز مني ايه …يعني ايه يعني مش هطلع من الاوضه غير لما اتحجب هو هيحبسني ولا ايه …وبعدين بقى انا محدش يمشي كلامه عليا ..قالك اتحجب قال…انا اتحجب بنفسي مش يجي الكائن ده ويفرض رأيه عليا لا …وقال ايه لو متحجبتش هيتجوزني قلت اخر كلامي بعصبية وانا بفتكر اللي حصل فلاش باااك ـ إنك تلمي جمالك ده كله يا اما مش هيحصل خير بعدت عنه بتوتر من قربه ـ يعني ايه مش هيحصل خير ويعني ايه الم جمالي مش فاهمه

ـ انا هفهمك….تتحجبي ـ ات…اي ـ تتحجبي قالها ببرود وهو بيحط أيده في جيبه ـ وده عند مين إن شاء الله ـ عندك يا حبيبتي لحظه بس هو قال ايه ..يمكن ميقصدهاش ومتعود يقولها عادي ل اي حد أنتِ معلقه ف اى دلوقتي بس يا ڤوندا اما عنه اول ما قالها استغرب نفسه ايه يا أوَاب اللي بتقوله ده …اضبط نفسك علشان كده ماينفعش قال حبيبتي قال قربت منه علشان اغيظه واتكلمت ـ لا ده عند aunt يا حبيبي قلتها باستهزاء بصلي بضيق وغيظ مكتوم

ـ هو علشان أنتِ اجنبيه ف تقوليها بالانجليزي يعني هو كده مش هتبقى عيب ل امي ولا ايه ـ وأنت خدتها على طنط إسراء ليه دي سكر مش اللي قدامي so annoying ـ وحيات أمي يا ڤوندا لو ملمتيش لسانك لا هجيبك منه انا على اخري منك انا كل ده عامل حساب ل عمي ـ كل ده وعامل حساب أمال لو مكنتش عامل وبعدين انا مش فاهمه أنت عايز مني ايه من ساعت ما شوفاني وأنت عمال تتأفئف وتستغفر ولا كأنك شوفت شيطان ولا اعوز بالله يعني ـ لأ وأنتِ الصادقه

قالها وهو بيقرب مني بطريقة غريبة اتوترت وبعدت عنه لقيته بيقرب وكل ما اجي ابعد يقرب اكتر لحد ما لزقت في الحيطه وهو قدامي حط أيده على الحيطه اللي جنبي واتكلم ـ شايف ملاك لا ملاك ايه حوريه بعد عني فجأة وهو بيمسح على وشه وكأنه بيهدي نفسه مش عارفه على ايه وانا بعدت عنه بمسافة أتنفس شويه من توتر اللي حسيت بيه مش عارفه ليه حسيت أن الدنيا فجأة حررت كده لفلي وشه ليا اتخضيت

ـ ڤوندا لو سمحتي ياريت منتعبش بعض وتعملي اللي قولتلك عليه قالها وكان هيمشي بس وقفته ـ انا مبحبش حد يمشي كلامه عليا يا أوَاب… وأنت حد علشان أنت مش شخص مهم في حياتي ـ تمام قالها ببرود وهو بيربع أيده ـ طالما انا مش حد مهم يبقى خليني حد مهم … وأنتِ عايزه اللي يشكمك قرب مني واتكلم ونبرة صوته كده تخوف وحسيت كده فيها تهديد حسيت ايه لا ده اكيد

ـ وربي اللي خلقني يا ڤوندا وانا بحلف بربي لو متحجبتش لهروح طالب ايدك من عمي وجايب المأذون وأنتِ بقى متعرفيش غلاوتي عند عمي ايه هيوافق على طول وبعدها هبقى جوزك وهعرف بنفسي اشكمك بعد عني بمسافة اتكلمت بعصبية وضيق وقمص ف نفس الوقت ـ يوووووه بااارد مستفز رخخخم ـ وstupid بقى قالها ومشي وهو بيضحك استفزني ـ و stupid مديقش نفسك ها قلتها بصوت عالي علشان اسمعه بااااك فوقت من افكاري لما لقيت الباب بيخبط

كانت عائشة فتحت الباب شويه صغيره ودخلت راسها وهي بتقول ـ ممكن ادخل يا قمر ضحكت عليها ـ ادخلي يا عائش اتفضلي دخلت وقفلت الباب واتكلمت هي بتقرب مني علشان تقعد ـ عائش !!؟ قالتها باستغراب ـ اه مستغربه ليه …اصل سمعت أيهم بيقولك كده ف حسيته عجبك لما ابتسمتي يعني ضحكت ـ لا ده أنتِ واخده بالك بقى ـ طبعاً يا بنتي هو انا اي حد حمحمت ـ يعني …هو …أيهم يعني الوحيد اللي بيناديني كده

بصتلها وانا بلعب بحواجبي ـ يعني مش من حق حد تاني يناديني كده غير سي أيهم صح …ده شكله غلاوته كبيره اوي بقى على كده ـ ايه اللي أنتِ بتقوليه ده لأ طبعاً قالتها بكسوف وهي بتقوم من جنبي قمت وقفت وراها ـ وهو سي أيهم بقى مش بيدلع حد تاني غير ست عائش بس ولا في بنات تانيه بصتلي بضيق ـ يعملها وانا اشوهلوا وشه اللي فرحان بيه ده واغزقله عينه العسلي المَحمّر الحلوه دي واشدله شعره الاسود الحرير اللي نازل على عيوني ده

ـ كل ده ولأ طبعاً أمال لو اه قلتها وانا بضحك وبرجع اقعد تاني على السرير ـ بت أنتِ عايزه ايه ده انا كنت بدأت أحبك ـ يا ستي هو انا قُلت حاجه وبعدين انا بقى حبيتك وارتحتلك خالص ـ حبيبي أنا وانا بموت فيكي قالتها وهي بتحضني ـ طب بلاش بموت فيكي دي ..وبلاش حبيبي في ناس ممكن تسمعه وتغير لا قدر الله زقتني بغيظ وانا ضحكت عليها

ـ أنا غلطانة اني جايه اقعد معاكي …اقولك انا غلطانة اني اتكلمت معاكي أصلا ..انا هروح اتكلم مع اخويا حبيبي ـ اه يا ستي روحي ل اخوكي اللي محرم عليا اطلع الاوضه واد رخم وقفت لما سمعت جملتي ـ محرم عليكي !!؟ ـ اه يا ستي ده عايز يجنني تقريباً لقاني مبسوطة مع بابى قال لأ انا هوديها مستشفى المجانين قلتها بغيظ منه لما افتكرتوا وانا بربع رجلي ضحكت عليا وهي بتقرب وبتقعد جنبي ـ عمل ايه احكيلي

لفتلها علشان اقعد قصادها واتكلمت ـ اوكي هحكيلك قعدت احكلها اللي حصل بصتلها مستنيه الرد على اللي قلته لقيتها بصتلي فجأة بصه مفهمتهاش وبعدين انفجرت في الضحك بصتلها بغيظ ـ بقولك اطلعي بره أنتِ و your brother بتاعك ـ brother !! ?…….لا ده اخويا ربنا معاه ـ why بقى إن شاء الله ليه وهو ماله بيا اصلا ـ مش هيتجوزك يا قمر ازاي يعني ماله بيكي قالت كده وهي بتغمز ـ عائشة اخرجي بره بليز علشان متعصبش ضحكت عليا

وانا قعدت ابصلها بغيظ وقمص قربت مني ـ خلاص يا فيفي بقى معلش متزعليش مني ولا من my brother عيوني دمعت لقيتني هعيط قلقت ـ طب حقك عليا والله انا اسفه متزعليش بصتلها وانا ببتسم وسط دموعي وبمسك أيدها ـ مش بعيط علشان كده …انا عيوني دمعت لما قلتي فيفي فكرتيني بمامي لما كانت بتقولهولي ملست على شعري بحب ـ لو حبه افضل اقولهولك أقوله لكن لو لأ… قاطعتها ـ لأ لا 1 2الصفحة التالية مدونة كامومنذ 4 أيام 0 5 دقائق