الفصل الثاني

قرب بابا عليا والدموع بدأت تتجمع في عيونه ،حاوط وشي ما بين كفوفي ـ شبها اوي ـ امي بقى قلتها وانا برفع كتافي لفوق وبطريقة مضحكه ضحك عليا واخدني في حضنه حضنته جامد فضلنا على الحال ده شويه بعدها خرج من حضني ولقيت العيله كلها تقريباً بتبصلي ما شاء الله دي كبيرة اوي بابا اتكلم ـ غريبة روسين خليتك تيجي يعني اتكلمت بحزن ودموعي بتنزل ـ ماما ماتت يا بابا لقيته فجأة مسك قلبه اتخضيت جيت احط ايدي على قلبه

في النفس الوقت كان أوَاب حط أيده أيده جت علي ايدي بصيتله لقيته بيبصلي بعد أيده فوراً اتكلم عمو شريف ـ شوف عمك يا أوَاب بسرعه ـ أيهم تعالي اسنده معايا بسرعه بعدت علشان أيهم يجي مكاني سندوه لحد الكنبه والكل اتجمع حوليه وانا الخوف بدأ يملكني وحاسه أن ممكن اخسره زي ما خسرتها دموعي نزلوا بانهيار وانا بحاول انظم نفسي اتكلم أوَاب ـ ابعدوا خليه يتنفس بعدوا عنه اتكلم أيهم وهو بيوجه كلامه ل عائشة ـ عائش بسرعه روحي هاتي شنطتي

جريت عائشة علشان تجيبها جابتها وادتهالوا خدها منه أوَاب وطلع السماعه علشان يسمع ضربات قلبه وجه كلامه ل أيهم ـ ضربات القلب عالية محتاجين نديله مهدئ لأنه داخل في صدمه مش عارف يستوعبها طلع أيهم الحقنة وهو بيجهزها واديهاله ـ لازم نقيس الضغط والسكر أيهم قالها ل أوَاب ـ تمام ... بس لازم نطلعوا فوق علشان جسمه يكون مرتاح اكتر بعدها نركبله محلول أيهم و أوَاب شالوا وطلعوا فوق في اوضته

وقعت على الأرض وانا حاسة إن رجلي مش شايلااني دموعي بتنزل بغزارة ومش قادرة استوعب اللي حصل قربت مني عائشة بسرعة وقعدت جنبي على الأرض ـ اهدي يا ڤوندا…اهدي علشان خاطري هزيت راسي وأنا بعيط ـ أنا لسه لاقياه…مش هخسره هو كمان حضنتني جامد وهي بتمسح على ضهري ـ مش هيحصل حاجه…أوَاب وأيهم موجودين اطمني قربت مننا طنط إسـراء وقعدت قدامي مسكت إيدي بحنية ـ بصيلي يا حبيبتي…اهدي كده وخدي نفس عميق باباكي هيبقى كويس إن شاء الله

بصتلها وأنا بحاول أهدى ـ بجد ابتسمتلي بحنية ـ والله يا بنتي هيبقى كويس…بس إنتِ قوي نفسك علشانه هزيت راسي وأنا بمسح دموعي وقتها لقيت ست واقفة بعيد شوية وبتبصلي ملامحها هادية وابتسامتها خفيفة قربت مني وقالت بهدوء ـ إنتِ ڤوندا صح هزيت راسي ـ أيوه ابتسمت أكتر ـ أنا…مرات باباكي بصتلها ومعرفتش ارد اتكلمت تاني بهدوء ـ اهلا بيكي يا حبيبتي نورتي بيتك

استغربت طريقتها وليه بتكلمني كده ،انا كنت متوقعه منها غير كده خالص على الأقل تبصلي بصه وحشه ..متكونش طيقاني بمعني اصح بس طريقتها عكس كده خالص رديت عليها بهدوء ـ شكراً عائشه قومتني من على الأرض بصيت لقيت العيله واقفه بتبصلي ومستغربني ولقيت راجل كبير في السن ملامحه حاده بس هاديه وفيها وقار اتكلم بصوت هادي وهو بيبصلي بثبات ـ ايه اللي جابك فجأة كده بعد كل السنين دي ... ليه جايه ترجعي دلوقتي

ـ واضحة يا بابا اكيد بعد ما امها ماتت جايه تشوف اكل عشيها هنا ... جايه تضحك على ابوها بكلمتين علشان تاخد حقها اللي مخدتهوش امها بصيت للي كانت بتتكلم كانت ست كبيرة في الاربعينات كلامها وجعني اوي ... حسيته زي طعنه بتغرز في قلبي اتكلمت بوجع ـ انا جايه علشان خاطر ابويا ... جايه علشان اشوفه .... مش علشان خاطر فلوس خالص ..انا مش كده ولا امي كانت كده ـ هو أنتِ جايه تردي عليا ولا ايه ... اه ما هو شكلك ما تربتيش و...

قاطعها صوت العصايه اللي خبطت في الأرض بصيت ليه ـ انا مش عايز اسمع اي كلمه .... كريمه متتكلميش عنها كده تاني ..مهما أن كانت بنت اخوكي واخوكي ميحبش تتكلمي معها كده بص نحيت ما انا واقفه ـ إسراء خديها على اوضتها هزيت طنط إسراء رأسها بمعنى ماشي طلعت معاها واول ما طلعت وقفتها ـ طنط لو سمحتي انا عايزه اشوف بابا حطيت ايدها على راسي بحنان ـ بصي يا حبيبتي أوَاب وأيهم معاه جواه وهيخدوا بالهم منه ـ هما دكاترة ـ اه يا حبيبتي...

هيخرجوا وهيطمنونا عليه متقلقيش دخلت الاوضه قعدت على السرير وانا بحاول اتماسك..اكيد الوضع مش خطير اوي كده اهدي يا ڤوندا اهدي ... اكيد هيفوق وهيبقى كويس بس اظاهر أن زي ما في ناس هنا متقبلاني في لأ وشكلي هتعب اوي فردت جسمي وانا ببص على السقف وبتنهد بحزن حاسه ان برغم كل ده انا وحيده -في الصباح فتحت باب اوضة بابا دخلت الاوضه لقيته نايم على السرير وأوَاب قاعد جنبه جريت ناحيته وقفت جنبه وانا بعيط أوَاب قام وبصلي بهدوء

ـ اهدي…هو بقى كويس دلوقتي متقلقيش ابتسمت ـ شكراً ليك بجد ابتسم ـ مافيش داعي الشكر عمي زي ما هو ابوكي يعني ضحكت وعيني جت في عينه بعد عينه عني بإحراج وانا بصيت لبابا وقعدت قدامه مسكت أيده لقيته بيفتح عينه ـ بابا حط ايه على وشي ـ بنتي ڤوندا ابتسمت قام حاول يتعدل أوَاب قرب وساعده بابا اتكلم وهو حاطط أيده على خدي ـ شبها اوي ... نفس عيونها ... نفس الملامح ... جابت نسخه منها بجد قربني ليه وحضني

حضنته جامد ـ كان نفسي اوي اشوفك ... كان نفسي اوي في الحضن ده من زمان اتكلم بصوت مكسور ـ سامحيني…سامحيني يا بنتي اتكلمت بسرعه وانا بعيط ـ انا مش زعلانه منك .... انا.... انا بس محتاجك جنبي خرجت من حضنه ـ بابا لو سمحت متقلقنيش عليك كده مره انا مش حمل خسارة تاني مسح دموعي ـ حبيبتي متخافيش انا كويس وهبقى احسن بوجودك معايا بصيتله وابتسمت وسط دموعي ... دلوقتي بس حسيت اني ارتحت ..حسيت بالامان واني مش لوحدي

أوَاب حمحم ـ عمي ..حاسس ب ايه دلوقتي ـ كويس يا بني الحمدلله ـ تمام... الحمدلله بس محتاج اقيس الضغط وضربات القلب علشان اتأكد قمت وقفت لما فهمت انه عايزني ابعد علشان يقرب هو منه بعدت شويه وهو قرب وبدأ يقسله الضغط ـ الحمدلله..الضغط مظبوط ابتسمت بارتياح ـ وضربات القلب منتظمة وزي الفل بصيت لبابا بارتياح وهو بصلي وابتسم وهز رأسه بمعنى اطمني أوَاب اتكلم تاني ـ ألف حمدالله على سلامتك يا عمي ـ الله يسلمك يا بني ...

روح وارتاح اكيد تعبت طول الليل منمتش ـ ولا تعب ولا حاجه..تعبك راحه قام وقف بصلي وبعدها بعد نظارته بسرعه كان هيمشي بس وقفته ـ شكراً بجد مره تانيه اتكلم بهدوء وهو بيبعد نظارته عني ـ قلتلك مافيش داعي الشكر ومشي قربت من بابا وحضنته ... وهو حضني جامد اتكلم ـ ازاي عرفتي تيجي على هنا حكتله كل اللي حصل خرجت من حضنه ـ بابا انا عارفه وقتها انك عملت الصح بس برده ما كانش ينفع تسيب ماما لوحدها وهي ما كانش ليها غيرك ...

بس مش هنقدر نرجع اللي فات انا دلوقتي مش عايزه اي حاجه غير انك تفضل جنبي ـ وانا مستحيل اسيبك كفايه انك حته منها ضحكت وافتكرت حاجه ـ بابا !!؟ هي طنط اللي انت اتجوزتها دي حسيتها غريبه كانت بتتعامل معايا بطريقه حلوه وبصراحه ده استغربته جدا ضحك استغربت ـ بتضحك على ايه ـ على تفكيرك اتكلمت بقمص ـ ليه بقى اتكلم وهو بيضحك ـ أن مرات الأب لازم تكون وحشه اتكلمت بسرعه ـ مش الاقصد..انا بس قاطعني ـ فاهم قصدك...

قصدك ان مهما كان انا اتجوزتها عشان وصية امي .. مش علشان انا بحبها وهي عارفه ان انا بحب روسين بس صدقيني خديجه كويسه اوي مش انسانه وحشه وكل السنين اللي فاتت دي كانت بتعاملني باحسن معامله ممكن اكون قصرت معاها في شويه حاجات واني ما قدرتش اعملها بالحب اللي كنت بعامل بيه امك او حبيتها بالطريقه اللي حبيت بيها روسين بس هي ما قصرتش معايا في اي حاجه أنا مش مستغرب ان هي بتعاملك بالمعامله دي لان قلبها طيب جدا ما تخافيش هي مش بتضحك عليك ولا بتمثل

قال اخر كلامه بضحك ضحكت ـ انا فعلا كنت خايفه تكون بتمثل عليا اختفت ضحكتي لما افتكرت استغرب ـ مالك ـ بابا انا حاسه ان عمتو مش متقبلاني هنا اتنهد واتكلم ـ بصي يا حبيبتي ممكن تكون عمتك اتكلمت بدافع الحزن عليا لكن هي مستحيل تكرهك مهما تكوني فانت بتكوني بنتي وحته مني يعني هتكوني حته من اخوها هي هتفهم ده وهتتقبلوا بعدين ما تقلقيش اتنهد واتكلمت بهزار وانا بنكشه ـ عمري ما اقلق وانت معايا يا كوكي ابدا ـ كوكي !! قالها بضحك

ـ ماشي يا ستي ـ الله هو انا مش من حقي ادلعك ولا ايه قرصني من خدي ـ لا من حقك يا لمضة بس لما حد يشوفك بتقولي لي كوكي وانا كرم سالم محمد اكبر رجل اعمال يشوفه بيتقاله كوكي بيقولوا عني ايه ـ وايه يعني بنتك وبراحتي قرصني من خدي وهو بيحضني ـ براحتك يا قمر براحتك ابتسمت وانا بشدد من حضنه -اما عند أوَاب دخل اوضته اخذ دش وفرد جسمه على السرير وهو بيفتكر الاحداث اللي حصل وبيفتكرها افتكر عيونها غمض عيونه اوي وهو بيستغفر

ـ مالك ياأوَاب اهدى كده في ايه مش معقول تأثر فيك بسرعة دي اتنهد وهو بيقوم وبيمسح على وشه ـ ما هو مش معقول اخد خطوه بالسرعه دي بعدين انا لسه ما اعرفهاش ليه قلبي متشدد لها بالطريقه دي ليه حاسس بنار بتقيد جوايا لما شفت أيهم بيبص لها امبارح ما هي لازما تتحجب بقى يا ربي وانا مالي........ يا الله -ـ كده خلصت الاكل هطلع بقى علشان اخلي كرم ياكل كانت هاتمشي بس إسراء وقفتها ـ خديجه استني

وقفت مستنيه تعرف هي عايزه ايه قربت منها حطيت ايديها على كتفها وهي بتطبطب عليها ـ أنتِ كويسه ابتسمت لما فهمت قصدها ـ ايوه يا إسراء كويسه ما تقلقيش مهما تكون هي بنته وهو محتاجها جنبه وهي محتاجه ابوها وانا ما اقدرش امنع بنت عن ابوها ابدا كمان البنت ملهاش غيرنا ما تنسيش ان اهل امها رفدوها بعد ما اتجوزت من كرم حاليا انا هبقى كويسه لما كرم يبقى كويس

اتكلمت بحزن عليها ـ بجد ربنا يريح قلبك زي ما بتريحي قلوبهم يارب انا فهماك وحاسه بشعورك ان شاء الله كرم يتفهم ده وعلاقتكم تتحسن اكثر من كده ابتسمت ـ علاقتنا متحسنه يا إسراء ما تقلقيش كرم ونعم الزوج ومديني كل حقوقي ومش مقصر معايا في حاجه ـ بس ما حبكيش زيها يا خديجه ـ وانا مش طالبه انه يحبني زي اي حد يا إسراء كفايه انه بيهتم بيا ودي عندي بالدنيا انا هطلع دلوقتي عشان هو محتاج اكل عشان ياخد الدواء

ابتسمت بهدوء ـ ماشي يا حبيبتي -كنت قاعده مع بابا بضحك وبهزر معاه لقيت الباب بيخبط قمت فتحت ـ طنط خديجه اتفضلي ابتسمت لي بهدوء ـ عرفتي اسمي منين ابتسمت ـ بابا حكى لي عنك اتفضلي... هاتي عنك ـ لا يا حبيبتي ما تتعبيش نفسك دخلت وحطت الصينيه على الكومودينو اللي جنب السرير بصيت لبابا واتكلمت ـ يلا عشان تاكل عشان انت محتاج تاخد الدوا ـ طيب انا هسيبكم على راحتكم بقى قلتها بتوتر لأنها اكيد عايزه تتكلم معاه

سمعت صوتها ـ لا ادخلي خليكي عامله حسابك في الفطار عشان تاكلي مع باباكي ابتسمت بهدوء بجد زي ما بابا حكالي عنها انسانه لطيفه قربت منهم وقعدت اكل معاهم ـ طنط خديجه انت ما بتاكليش كويس قلتها وانا ملاحظه ان هي ما بتاكلش كويس من ساعه ما قعدنا ابتسمت لي ـ لا حبيبتي انا باكل ـ طب هو عيني عينك كده ما انا شايفاكي ضحكت عليا وبابا كمان ضحك ـ خلاص يا ستي حقك عليا هاكل كويس ـ خلاص ماشي انا اكلت الحمد لله هقوم انا بقى عن اذنكم

استاذنت ومشيت لما مشيت بابا اتكلم معاها مسك ايديها ـ شكرا يا خديجه ـ على ايه بس يا كرم ـ على معاملتك معاها ـ وأنت كنت متوقع مني اني اعملها غير كده ـ بالعكس انا عارف طيبه قلبك وكنت متوقع منك كده واكثر من كده كمان بس انا بتشكرك على اللي بتعمليه بجد معايا وبعتذر منك لو في مره حسيتي اني جرحتك أو....

قاطعته ومسكت ايده اللي ماسك ايديها بيها واتكلمت ـ ما فيش حاجه من اللي بتقولها دي حصلت يا كرم ولا مره جرحتني ولا مره قللت مني وما فيش داعي للشكر هي زي ما هي بنتك هتكون بنتي ان شاء الله ابتسم وهي بعدت أيدها وهي بتتكلم بحزن ـ يمكن ربنا بعتها لي عشان احس بالامومه شويه يمكن عشان ما بخلفش بصله تاني واتكلمت ـ ما تقلقش عليها بنتك في عينيا يا كرم ـ مش قلقان طول ما أنتِ معايا يا خديجه -في الجنينة

بعد ما غيرت هدومي لبست فستان واسع باكمام طويله فردت شعري قعدت الف في الجنينه وانا بشوفها قد ايه حلوه بسين وورود وقاعده شكلها حلو قوي..... الله... ايه المرجيحه الحلوه دي روحت وركبتها الامن كان واقف كانوا بيبصوا لي وانا مستغربه فجأه لقيت أوَاب جاي وهو متعصب وما اعرفش قال لهم ايه بس مشاهم وقرب مني نزلت من المرجيحه لما لقيته قرب و وقفت قدامه اتكلم بعصبيه طفيفه وضيق ـ ممكن افهم اللي بتعمليه هنا

اتكلمت بضيق واستغراب من طريقته ـ ليه هو في مشكله ولا ايه ـ يا هانم الرجاله واقفه عماله تبص عليكي وأنتِ فرده شعرك ومبسوطه بيه ـ يعني مشكله في شعري خلاص هلمه ما تضايقش نفسك قلت كده وانا بلم شعري كحكه لقيته بيحاول يهدي من اعصابه وهو بيمسح على وشه اكثر من مره ـ يارب اديني الصبر يارب الهمني الصبر يارب بصيت له باستغراب اتكلم ـ هي المشكله انك تلميه ـ أمال

لقيته قرب مني بصيت عليه التوتر اتكلم وهو عيني في عينه ـ أنك تلمي جمالك ده كله يا اما مش هيحصل خير تطلعي وتتحجبي فورا و...