الفصل الثاني عشر

رواية لقيت نفسي معاك الجزء الثاني عشر 12 بقلم وعد محمد لقيت نفسي معاكرواية لقيت نفسي معاك الحلقة الثانية عشر –يوسف ..يوسف نزلني بابا واقف “متتخيلوش الخضه اللي كنت فيها بعد ماخدت بالي من وجوده ويوسف اتفاجئ من نبرة صوتي وانا بقوله ينزلني ” نزلني وبعدها سندت عليه وشوفت بابا وهو داخل من غير ما يعمل اي رد فعل ودا رعبني اكتر وطلعت .. كنت بطلع السلم بصعوبه عشان رجلي كانت كل شويه بتلمس الارض فابتوجع ..يوسف رن الجرس

اتفاجئت أن ماما اللي فتحت الباب . ‘ كده تقلقي قلبي عليكي بالشكل دا؟ كانت بتقولها وهيا بتبص للجبيره وترجع تبصلي تاني ..شدتني لحضنها –والله ما كنت اقصد يا ماما يوسف اتكلم بهدوء في محاولة منه انه يطمن ماما = متقلقيش يا طنط ..الدكتور طمنا وقال انه تمزق ف الاربطه ومن اسبوع لعشر ايام كله هيرجع احسن من الاول ان شاء الله. دخلنا البيت لقينا جدو وتيتا قاعدين في الصالون وبابا قاعد علي الكرسي لقيته بصلي كده وقال

ـ حمدالله على السلامه –الله يسلمك جدو وتيتا جريوا عليا وحضنوني جامد ـ انتِ كويسه ي حبيبي ..حاسه بإيه ؟ –كويسه والله يا جدو منا قدامكوت اهو وزي الفل كل دا وانا لسه واقفه جمب يوسف وسانده علي ايده ..ومش مستعده للحظه واحده انه يبعد خطوه مش عايزاه يسيبني دلوقتي ابداً .. تقريبا حس بيا والا مش عارفه ولاقيته قال = الدكتور قال راحته تامه ورجليها متلمسش الارض ..لو ينفع ادخلها علي سريرها ؟

ـ اه اه يا حبيبي اتفضل .. تعالي هوريك اوضتها وبالفعل دخلت الاوضه ونمت علي السرير وجدو خرج ويوسف كان رايح يسيب ايدي ويخرج لقاني ماسكاها جامد ومش عايزه اسيبها فبصلي لقي الدموع في عنيا علي وشك اني اعيط = فيه اي ..اي اللي حصل ؟ ..حسيتي بوجع طب لنا خبطتك وانتِ سانده ؟

“الدموع بدأت تنزل من عيني وهو واقف مش عارف يعمل اي قلقه وهو بيسألني ونبرة صوته خلوني عايزه اعيط اكتر .. مش مرتاحه في وجود بابا زي منا مرتاحه معاه مش عايزاه يمشي ويسيبني الوقتي ..مش مستعده اسمع خناقهم تاني نبرة صوت بابا كانت خاليه من اي مشاعر لدرجه كبيره اوي عكس ما كنت مع يوسف مش عايزاه يسيبني ” –متمشيش = طب اي اللي حصل ؟ ..اهدي انا جمبك اهو. –مش مرتاحه في وجوده يا يوسف = هو مين ؟ –بابا

قولتها وانا حاسه بوجع كبير اوي يمكن داري علي وجع رجلي حاليا .. للدرجادي وصلني اني مبقاش مرتاحه في وجوده ؟ بصلي وهو مستغرب ومش فاهم = ازاي ..ضايقك في حاجه ؟ مترددتش لحظه واحده اني احكيله –طول عمري بحاول ارضيه مهما عملت بيشوفني مليش لازمه بتحكم فيا علي طول ..جو البيت وحش اوي يا يوسف هو ممكن ياخدني معاه هناك تاني ؟ = اهدي اهدي بالله عليكي كفايه عياط هتتعبي والله . –مش عايزه امشي . = هقول لجدو ومش هتروحي في اي حته

جدو كان قاعد قدام الباب في الوش فيوسف شاورله ..وجالنا = هو والد سلمب هياخدها وهو مروح يا جدو ؟ ـ شكل دا اللي هيحصل متعصب من ساعة ما جه لاحظ دموعي اللي لسه ما نشفتش واتكلم بققلق ـ مالك يا حبيب جدو ..اي اللي حصل ؟ يوسف اللي بدأ يتكلم تاني = ينفع ياجدو تخليها تقعد هنا لحد ما تخف الدكتور قال ان اي حركه غلط دلوقتي ممكن رجليها تورم ومش بعيد دا يحصل لو قامت او وهيا مع باباها .

ـ بس دا باباها ..ومش هيرضي تفضل ولا هيتفهم دا هيفكرني مش عايزها تروح معاه = حاول يا جدو ـ هحاول ..تعالي نطلع يلا ونسيبها ترتاح . كان قايم وبيسحب ايده مني براحه عشان يمشي شددت عليها اكتر ..فمسكها وبصلي = متقلقيش مش هسيبك تمشي . “هديت ..اه لو يفضل جمبي علطول ”

ساب ايدي وخرج وانا فضلت قاعده لوحدي الغريبه اني مش بفكر في حاجه الوقتي اللا فيه وفي كل لحظه كان فيها معايا انهارده ..اه الشوكولاته افتكرتهاا دورت عليها بعيني لقيته سايبها علي الكومود اللي جمب السرير اخدت الشنطه الاي فيها وببصلها وانا مرسوم علي شفايفي طيف ابتسامه لما افتكرت اللي حصل عشان يجيبها ”

سامعه كلامهم برا وجدو بيحاول يقنع بابا اني افضل ويوسف كمان كان بيحاول معاه عشان يسيبني اقعد لحد ماخف بس بابا كان رافض بشكل كبير اوي ..وبعد وقت من المحاولات وافق ..حسيت بفرحه وكأني نجحت في امتحانات ثانويه عامه والله سمعت يوسف وهو بيقول لجدو انه هيدخل يسلم عليا قبل مايمشي = ابسط ياعم .. مش هتروحي في اي حته . –بجد شكرا يا يوسف ..شكرا علي كل حاجه عملتها معايا انهارده.. مش عارفه من غيرك الوضع كان هيبقي ازاي

= والله ولا اي حاجه وبعدين كان لازم ابقي جمبك ليه لازم ..كنت عايزه اسأله وكمان اسأله عن الاعتراف اللي كان بيتكلم فيه مع مراد بس ملحقتش قرب مني شويه وقالي بصوت اقل ما يقال عليه انه هادي = ينفع اقولك حاجه فضل ساكت ثواني كأنه بيحارب نفسه..حسيته متوتر ومش علي بعضه فقلقت.. –امم = كنت ناوي أقولها بعدين..بس واضح إن بعدين دي مبتجيش. = انا بحبك .

” لا يا جماعه دي مش علامة تعجب دي انا الوقتي ..مش عارفه اتنفس اصلا ملامح الصدمه علي وشي ودقات قلبي سريعه اوي وكأني كنت بجري وانا متحركتش من مكاني . قالها ومنتظرش مني رد رجع مكانه وقالي = خللي بالك من نفسك كويس اوي ..وانا هتطمن عليكي كل شويه وسابني وخرج لا استني كده بس انت قولت ايه ؟

دا قال بيحبني بجد قال بيحبني ..يا فرحة قلبي والله انا اقل حاجه ممكن توصف اللي انا حاسه بيه الوقتي اني فرحانه ..علامات الصدمه مفارقتش وشي ثانيه وحده قطع اللي انا فيه دخول بابا وبدأ يتكلم ‘ انا معدتش اللي حصل من شويه ومش هعديه بالسهل كده بس مراعي انك تعبانه الوقتي ..لينا كلام بعدين ” كلامه ولا اثر فيا ولا عمل اي حاجه انا اصلا مش فاكره هو قال ايه ..يوسف قالي بحبك ؟

“يعيني البنت اتجننت بمعني اصح يا رب كلنا نتجنن زيها بقي ” خرج من الاوضه ..ومن البيت كله وماما دخلت سلمت عليا ومشيت هيا كمان وبعدها بقي تيتا دخلت ” قوليلي بقي.. هيجي يطلب ايدك امتي ؟ نعم !! لقراءة الفصل التالي : لقراءة الرواية كاملة اضغط على : (رواية لقيت نفسي معاك) مدونة كامومنذ 22 ساعة 0 4 دقائق