تحميل رواية للعشق فتنه بقلم جيجي pdf

واقف راجل في 60 وبيحفر قبر.... وقف قدامو شاب في العشرين وقال بضيق...

لمين مين القبر ده يا ابويا.. عم تحفر القبر في الليالي ليه مين مات !!

صابر... ده لاختك يا عامر...

عامر... يا ابويا الله يباركلك ما تعملش كده اهدى بس وليها حل ..

صابر.. اختك خطيت وحبله فى الحرام.. جابتلنا العار...

عامر... يا ابوي اختي عقلها على كده... دى حتى ما عارفاش ايه اللي حصل عشان تحبل.. كانت قاعده فرحانه فوق ومزقطه انها هتخلف... وانت هنه بتحفر قبرها.... القبر ده مش مكان لاختي... مكان للواطى اللي ضحك عليها واستغلها...

صابر.. بقولك ايه انا هصلي الفجر وادفنها... وولو انت اتكلمت نص كلمه هدفنك جارها.....

عامر... يا ابويا وهتقول للناس ايه بس لما تدفنها حيه.. استهدي بالله... كده نتفضحو...

صابر.. هدفنها بالحياه لحد ما تموت وتفطس... بعدين ابقى اطلعها ونقولوا ماتت.... وندفنوها تانى..

عامر شاف ان ما فيش فايده من الكلام.. طلع بسرعه على فوق... وكان فى بنت 17 سنه بملامح جميله جدا قاعده على السرير بدموع.. عامر قرب منها وقال...

فتنه قومي يلا... تعالي معايا...

فتنه بحزن... اجي معاك فين...

عامر.. بعدين يلا قومى... مش وقته دلوك...

واخد اخته ومشي بيها.... وبقى يمشي في طرق بعيده وشكلها غريب.... فتنه بصت للمكان وقالت....

ايه المكان المعفن اللي انت واخدني فيه ده !!

عامر بسخريه... معفن... اهو احسن من القبر اللي بيحفرهولك ابوكى....

فتنه... هو القبر ده كان ليا جد... يعني ابويا كان بيتكلم صوح لما قالي انه هيدفني عايشه... ما كانش بيهزر وياي يعنى !!

عامر... مش وقته... مش وقت اشرحلك حاجه دلوك...

فتنه... انا مش عارفه ابويا بيكرهني ليه... هو انا اول واحده اجيب عيل يعنى...

عامر... بس انتى مش متجوزه يا فتنه..

فتنه... واذا يعني عادي... هو لازم اتجوز يعنى... انتو لازم تحشرو نفسكم.. انا ممكن اجيب ولد من غير ما اتجوز...

عامر ضرب على وشو بضيق وقال... والله ما انتى فاهمه حاجه في الدنيا دي.... تعالي...

و راحو لبيت بالخشب وقدامه البحر.. عامر قال بتعب....

اخيرا وصلنا..

فتنه... الحمد لله... انا نفسي اتقطع من كتر المشي... ايه ده ده عامله زي الغابه... الحمد لله اللي وصلنا عايشين...

كان واقف شاب في ال 20 بيصلي.... وقفو شويه يستنوه بس طول... عامر قال بزهق...

ما تخلص يا عم انت بتصلي التراويح...

الشاب خلص صلاه...سلم وقال...

اللهم يا رب العالمين ومجيب السائلين...

عامر شدو من ايدو وقال...

انت لسه هتدعي فز...

الشاب..... مش تخليني اخلص صلاه...

عامر.. صلاه ايه دلوك يا مؤمن !!

مؤمن.. العشاء تخيل قاعد بالعشاء للساعه 12:00 بالليل .. حتى ما روحتش اميت الناس فى الجامع.. جدتى مش راضيه تدخلني... عشان اروح الحمام واتوضا واصلي مش راضي حتى تدينى شبشبى... والله اضطريتي اتوضى في البحر.. وامشى حافى بتقول عليا حرامي...

عامر... بقولك ايه سيبك من جدتك.. شايف البنت دي انا عايز اخليها عندك امانه...

مؤمن... ههه صاحب العقل يميز... بقولك مش عارف ادخل تقولي خلي عندك دي... دا انا كنت بفكر اخد بعضى واجي عندك بس الجزمه جوه...

عامر... افهم مش وقتك... والله العظيم انت لو عارف اللي حصل معايا مش هتقول كده..

مؤمن.. طب خلاص خلاص انت هتبكي.. يمكن جدتى ربنا يهديها وتفتحلي الباب..

وبص لفتنه وقال...

اقعدي هنا.. بس هي تبقالك ايه يعني !!

عامر.. اختى وحصل موضوع كبير قوي.. هبقى اقولك عليه بعدين.... دلوك خلي بالك عليها اوعى تطلع كده ولا كده...

وميل عليه وقال...

البنت دي اوعى تروح منك حته... دى عقلها على قدو.. بس ما تخافش هي بتعمل كل اللي تقول عليه بالحرف.. لو قلتلها خليكى في مكانك... ممكن تاخد ٣ ايام مكانها.. دي مش هتعذبك خالص.. يلا انا ماشي...

مؤمن... في رعايه الله وحفظه يا صاحبي...

وبص لفتنه وقال.. مساء الخير..

فتنه.. مساء النور..

مؤمن... انتى نسيتى تجيبي طرحتك...

فتنه.. انا مش بلبسها اصلا...

مؤمن.. ليه انتى مش مسلمه...

فتنه.. الحمد لله مسلمه.. بس .. ما حدش قلى البسها...

مؤمن.. ماشي..

وبقى يخبط على البيت.. ويقول...

جدتي.. جدتي في ضيفه هنا معلش تفتحيلي الباب عشان تدخل تنام شويه...

قالت من جوه... يا مؤمن... الحق يا واد.. الحرامي جه تاني... تعالى بسرعه..

مؤمن... يا جدتي حرام عليكى بقى.. بتنادى عليا امسكنى.. افتحى بقى...

فتنه.. جدتك دى هبله هو الحرامي هيخبط ليه بس..

مؤمن.. هيستاذنها قبل ما يسرق لتكون حاجه مهمه اللى هياخدها ولا حاجه... افتحى الباب بقى عيب كده...

فتحت ست فى السبعين دى بدريه جدت مؤمن وقالت...

انت بتزعقلي !!

مؤمن.. لا يا ستي والله انا ما اقدرش..

بدريه... مين البنت دي انت اتجوزت من ورايا !!

مؤمن.. لا اتجوزت ايه يا جدتي بس.. دي تبع واحد صاحبي.. وهتقعد عندك شويه كده... ضيفه يعنى...

بدريه.. انتى متجوزه !!

فتنه بحزن.. يا ريت يا حاجه والله... لو كنت متجوزه ما كنتش سبت الدار..

مؤمن كان بيبصلها باستغراب.. وبدريه قالت...

طب ما تتجوزو...

مؤمن.. احم.. بعدين ياجده.. دخليها دلوك وبعدين الكلام دا...

بدريه.. ادخلو.. يجيبولك عشا ولا اتعشيتي..

فتنه.. والله لو مش هتعبك يعني.. وعندك عشا تجيبيلي حاكم انا ميته من الجوع...

بدريه.. يا كبدي.. انا هنام وانت جيبلها اكل تاكل...

ودخلت اوضتها.. ومؤمن بقى يجيب الاكل ويحطو لفتنه على الترابيزه... وهي بقيت تاكل بسرعه وقالت...

اممم.. عارف.. اني من ساعه ما الدكتوره قالت ان انا حبله.. وانا ما خطيتش لقمه واحده في بوقي..

مؤمن كان ماسك الطبق وقع من ايده اتكسر...واتجمد مكانو وهو بيبصلها كأنو شاف شبح

الفصل الثاني من هنا

٢....عارف.. اني من ساعه ما الدكتوره قالت ان انا حبله.. وانا ما خطيتش لقمه واحده في بوقي..

مؤمن كان ماسك الطبق وقع من ايده اتكسر...واتجمد مكانو وهو بيبصلها كأنو شاف شبح...

فتنه.. اسم الله عليك.. ما تمسكش الطبق من تحت لما يكون فيه حاجه سخنه... عشان هتلسع يدك امسكه من فوق...

مؤمن.. م.. مي... مين حامل.. ها... مين..

فتنه... انا..

مؤمن.. انتى كيف... ازاي.. ليه.. يعني انتى مش بتقولى انك مش متجوزه...

فتنه... هو انا كل ما اقول لحد انى حبله يتجمد كده.. انت كمان مش فرحان !!

مؤمن بغضب.. افرح بايه.... بأنك حبله في الحرام...

فتنه.. حرام... لا والله مش حرام.. انا ما سرقتش عيل حد.. هو جي في بطني لوحده...

مؤمن.. ج.. ج.. جه لوحده كيف !!

فتنه بحزن... انا اقولك انا كنت تعبانه.. روحت الدكتوره.. عملنا التحاليل.. قالت انى حامل.. انا فرحت بأنى هجيب عيل العب معاه.. بس ابوى زعل وقال انه هيدفني عايشه.. فكرتو بيهزر... بس حفرلى قبر وقال بتى ماتت... مع اني والله ما عملتله حاجه.. اصلا انا بعملو الشاي.. وبغسله رجله لما بيرجع من بره.. وبغسل الهدوم واكويها... مش عارفه عملت ايه.. لو اخويا اللي كان هيجيب العيل كان اتحزم ورقصلو.. بيقولو نفسى اشوف عيالك... بس انا حالف يموتنى...

مؤمن.... انتى هتاخديني في دوكا ليه.. الله يخرب بيتك يا عامر.. استني بس علشان انا تقريبا فهمت غلط... استغفر الله العظيم.. حاشه لله نرمى المحصنات.. اعوذ بالله.. انتى مش متجوزه هتجيبى عيل كيف...

فتنه.. هو لازم اكون متجوزه عشان اخلف..

مؤمن.. هو مش لازم يعنى... بس هو شرعا في دين الاسلام لازم تكوني متجوزه عشان تحبلى.. والا يبقى ولد حرام.. وخطيه كبيره...

فتنه.. اه انت شكلك.... من بتوع حرام وحلال كتير... عشان فارش مصلايتك بقالك ٣ ساعات اربعه بتصلي.. ده انا نومت وانا واقفه... انت بتصلي بكام صوره في الركعه..

مؤمن بغضب... انتى مال امك انتى... استغفر الله العظيم...

فتنه... مش هتاكل معايا..

مؤمن... لا عمرى ما اكل معاكي من طبق واحد ابدا.. استغفر الله...

فتنه... عنك ما اكلت... هنام فين انا...

مؤمن... الاوضه دي...

فتنه راحت الاوضه.. ومؤمن اتصل بعامر وقال...

انت يا عامر الكلب... ايه اللي اختك بتقوله ده.. كيف يعني كده... اختك..

عامر... لم نفسك ياض... دى اختي.. انا قلتلك ان عقلها على قده.. في واحد ابن حرام احنا حتى ما عارفينوش مين.. هو اللى عمل كده... ابويا حالف لا يقتلها... بنسالها من هنا للصبح مين ابوه... مين اللي عمل كده ما عارفاش حاجه... بتقول انو جه لوحده في بطنها.. حتى ما عرفاش جه كيف... وانا مش عايز ابويا يموتها .. جبتها عندك لحد اما القى الواطى اللى عمل كده... وانا هاجى اخدها...

مؤمن .. لا حول ولا قوه الا بالله.. دلوك ابوك لو عرف انها هنه.. هيعلقنا احنا الاتنين...

عامر.. لجل خاطر النبي اعملها خدمه انسانيه... وخلى بالك عليها...

مؤمن... ربنا معاك يا صاحبي... هقول ايه بس...

وقفل وقال.. دلوك جدتي اخدت اوضه.. والبنت دي اخدت اوضه.. انا هنام فين دلوك..

ونام على الكنبه اللي في الصاله... في نص الليل قامت فتنه لقيته نايم على الكنبه... نامت قصاده.. هو شدها عليه بنوم.. في صباح يوم جديد.... فتح عيونو لقيها نايمه جمبو.. زقها من على الكنبه وقعها على الارض.... وقال بغضب.....

انتى ايه اللي جابك جاري. استغفر الله العظيم.. توبه يا رب توبه...

فتنه... ايه ده يا عم.. انت بتزقنى ليه... كسرت عضمي..

مؤمن.. انا هكسر رقبتك.. انتى ايه جابك هنه اصلا...

فتنه بحزن... انا خفت انام لحالي... شوفت كابوس...

بس مؤمن قال بمقاطعه.... انتى عبيطه يا بت انتى.... ما تعمليش كده.. ما تاجيش جارى ومتلمسينيش حرااااام بتفهمى من فين.. انا لو لقيتك قريبه منى تانى هعمل منك صوابع كفته سمعتى... ما تلمسينيش... وما تجيش جاري...

ومشى وهو بيقول..... استغفر الله العظيم...

واخد هدومو وراح على الحمام...

وفتنه ضمت رجليها وفضلت تعيط...

عند عامر كان واقف مع صابر اللى بيقول بغضب...

انطق ياض البنت راحت فين !!

عامر... ما قلتلك ما اعرفش يا ابوي.. ما اعرفش..

صابر... انت لتضحك عليا.. انت اللي هربت اختك لما لقيتني هموتها...

عامر.. مش يمكن هربت لحالها..

صابر.. دى هبله... ايه عرفها تهرب لوحدها...

عامر... ولما انت عارف انها هبله عايز تموتها ليه.. القبر ده مش هيتدفن فيه غير اللي يستاهله يا ابوي..

صابر... ماشي... انا عارف زين كيف اخليها ترجع...

وسابو ومشى.. جات سمر مرات عامر وقالت...

وديت اختك فين بس.. دى ما تعرفش تصرف نفسها.. لتبلى نفسها فى مصيبه ولا حد يعملها حاجه...

عامر... ما تقلقيش يا سمر... دى عند أئمن حد.. عارف كويس قوي قيمه الامانه... أئمن مكان ممكن تكون فيه.. بيديكى روحو وما يخليكيش تاخدي امانه حد مديهالو...

سمر.. يا للدرجه دي...

عامر.. واكتر... ده شيخ الجامع.. متمسك قوي بالدين... وبيخاف ربنا.. وعارف قيمة الامانه...

عند مؤمن.. طلع من الحمام وبيقول...

انا قسيت عليها قوى... البنت امانه عندي بس ايه اللي خلاني اقولها كده..

وراح على اوضتها وبقى يخبط بس جات جدته وبقت تضحك وتقول..

مين مرتو قرطستو.. ونزلت من غير ما تسالو...

مؤمن بتوتر.. م.. مين.. مين مرتو نزلت من غير اذنو !!

ابدريه.. هههه انت مرتك نزلت وانت فى الحمام...

مؤمن... اه مرتى... انتى شوفتيها وهى نازله !!

بدريه بضحك.. اه مرتك زعلت وسابت البيت وراحت عند ابوها... قلتلها انت رايحه فين يا بنت ما فيش حريم تنزل من غير اذن جوزها... قالتلى....انا طلقتو....

مؤمن.. لا حول ولا قوه الا بالله..

وفضل يجري وبقى يدور عليها.. ويقول...

يا رب يا رب اجمعها.... يا رب انت جامع الناس في يوم لا ريب فيه... اجمعها رب العالمين... يا رب.. يا فتنه... انتى يا بنت الناس... يا ربي...

بس قطع كلامو لما لقى دم على الارض

الفصل الثالث من هنا

٣....مؤمن بتوتر.. م.. مين.. مين مرتو نزلت من غير اذنو !!

ابدريه.. هههه انت مرتك نزلت وانت فى الحمام...

مؤمن... اه مرتى... انتى شوفتيها وهى نازله !!

بدريه بضحك.. اه مرتك زعلت وسابت البيت وراحت عند ابوها... قلتلها انت رايحه فين يا بنت ما فيش حريم تنزل من غير اذن جوزها... قالتلى....انا طلقتو....

مؤمن.. لا حول ولا قوه الا بالله..

وفضل يجري وبقى يدور عليها.. ويقول...

يا رب يا رب اجمعها.... يا رب انت جامع الناس في يوم لا ريب فيه... اجمعها رب العالمين... يا رب.. يا فتنه... انتى يا بنت الناس... يا ربي...

بس قطع كلامو لما لقى دم على الارض.. بق يجرى على اثرو لحد ما لقاها قاعده في الارض... وبتقول...

اه انا ما لسه صغيوره... خسارتى تبقى رجلى مكسوره..

مؤمن جرى عليها بخضه وقال.....

ايه اللي في رجلك ده... وريني كده !!

فتنه... رجلي عورتها قزازه هنه.. وعماله تجيب فى الدم ومش راضيه تسكت....

مؤمن... انتى ايه اللي طلعك من البيت بس...

فتنه... عشان انت زعقتلي.. عشان نومت جارك.. انت قرفان منى !!

مؤمن... لا مش قرفان بس حرام.. حرام المراه ما ينفعش تبات مع راجل اجنبى عنها...

فتنه... يه هو انت مش مصرى !!

مؤمن... لا يعني غريب.. مش ابوها ولا اخوها..

فتنه... لا عادى... سمر بتنام جار عامر... وما حدش قال حاجه..

مؤمن.. مين سمر !!

فتنه.. سمر مرت اخويا عامر...

مؤمن.. دى مرته..

فتنه.. اوف.. اوف بقى.. لازم تبقى متجوزه عشان تنام جمب حد.. ولازم تبقى متجوزه عشان تخلف... خنقتوني والله..

مؤمن.. انتي تخنقى تسع بلاد وامهم.. تعالي قومي معايا..

فتنه... انا مش عارفه ادوس على رجلي.. رجلي باظت..

مؤمن... استغفر الله العظيم يا رب.. طب.. بصي.. انا.. انا هشيلك وامري لله..

فتنه مدت اديها وقالت... بس اوعى توقعني..

مؤمن.. مش هوقعك ان شاء الله..

وشالها وكانت بتبصلو بنظرات جميله ومحاوطه رقبته بأديها.. مؤمن كان بيحاول يهرب بنظراته.. بس كانت نظراتها ما يتهربش منها ابدا.. حمحم.. وبص قدامو وحطها على الكنبه... وبقى يحطلها حاجات على رجلها ويربطهالها وقال....

بتوجعك !!

فتنه.. ايوه قوي... بتوجعني قوى...

مؤمن اتنهد حزن على حالتها وقال...

انا اسف حقك عليا.. ان انا زعقت... انا جزمه..

فتنه هزت رجلها بدلع وقالت.. وحمار..

مؤمن ابتسم وقال... وحمار.. ايه الكابوس اللي شفتيه خوفك وخلاكى تاجى جمبى !!

فتنه... شوفت ابويا بيخنقني بالمخده... وبيقول انا خاطيه وفاجره.. هو يعني ايه فاجره..

مؤمن.. دي بتتقال على المراه العفشه..

فتنه.. عفشه.. انا شكلي عفش..

مؤمن.. لا مش شكلها وحش.. هي يعني طبعها وحش.. بتعمل تصرفات مش حلوه... حجات حرام... تلبس لبس مش حلو.. وتسهر مع رجاله... حاجات كده.. فاهمه حاجه !!

فتنه هزت دماغها ب لا..

مؤمن.... انا قلت كده بردك...

فتنه... عارف عنيك بتدوخ... تحسها كيف موجة البحر...

مؤمن بتوتر من كلامها.. اه.. انا.. احم..

بس جات بدريه وقالت.. ايه ده انت صالحت مرتك..

مؤمن.. هو انا قولتلك قبل انها مش مرتى..

بدريه.. انتى يا بنت ما عندكيش كرامه.. مش هو زعقلك.. وقولتى هترجعى عند ابوكي..

مؤمن... ما تخليكى محضر خير يا جده...

بدريه.. انا لو منك ما كنتش اتصالحت.. عارفه انا زمان لما كنت متجوزه وكان جوزي عايش...

مؤمن.. الله يرحمه..

بدريه... مره زعقلي واتخنقنا انا وياه... سبتله البيت ورحت ناس ابويا.. فضل ياجى اقوله والله ما انا راجعه.. جيه وبقى يبكي تحت البيت... اقوله انسى نجوم السما اقربلك مني.. اما تعرف قيمتى ابقى ارجعلك...

فتنه... وعمل ايه !!

بدريه.. جاب مركب في النيل تحت بيتى.. وبقى يغنيلي على حسب الريح.. ما يودي الريح... ما يودي..

فتنه.. دى مش بتاعه عبد الحليم حافظ...

مؤمن.. ايه مين ده !!

فتنه.. مغني بس من ايام الابيض والاسود..

مؤمن بصدمه... والله.. جدتى قالتلى ان الاغنيه دي جدي كاتبهالها.. شوفى بقالها كام سنه بتضحك عليا..

فتنه... عشان انت مغفل..

مؤمن.. انا مش بسمع اغاني..عشان حرام...

فتنه... وانت كل حاجه عندك في الدنيا حرام.... حرام تكون معايا لوحدينا... وحرام اقعد بشعري.. وحرام اسمع اغاني.. وحرام اجيب عيل من غير ما اتجوز.. ايه اللى مش حرام عندك !!

مؤمن... حاجات كتير حلال.. يعني بدل ما بتسمعى اغاني اقري قران... مثلا بدل ما تمشي بشعرك.. البسي الطرحه حجاب شرعي جميل... بدل ما تجيبي ولد في الحرام من غير جواز.. اتجوزي واحد قدام الناس كلها يبقى جوزك حلالك.. تجيبه عيل منه.. يصرف عليه.. وتربوه تربيه زينه انتى وابوه....

بس لقى فتنه بتضحك.. قال...

انتى بتضحكي ليه !!

فتنه.... لا عشان كلامك حلو قوى.. عارف انا عمرى ما حد قالي حرام وحلال ما سمعتهاش قبل كده... اصل انا امي ماتت من زمان... وابويا مش بيقولي حاجه... بيزعق بس اعملي دي.. اقوم انا اعملها وانا ساكته... واصلا هم مش بيطلعوني من البيت عشان البس طرحه... وكمان محدش بيكلمني.. فى حجات انا عرفتها لوحدي... لما كنت اسال على حاجه كانو يقولو عيب.. كنت اسرق تلفون اخويا واسأل عليها جوجل... عن هدومى يعنى وحجات تانيه كده..

مؤمن.. احم.. امم فاهم... بس ده غلط المفروض يقولولك الغلط من الصح والحرام من الحلال...

فتنه.. علمنى انت لو ينفع...

مؤمن.. ياسلام بس كده.. عنيا..

بس بدريه قالت.. انتو مش مصدقين ان جوزى غنهالى ولا ايه.. بتتوشوشو ليه !!

فتنه... لا طبعا انتى كدابه علشان دي اغنيه عبد الحليم..

مؤمن.. عيب تقوليلها كدابه دي قد جدتك.. عيب تقولي لوحده كبيره كدابه..

فتنه.. اسيبها تكذب عليا يعنى... لما حد يكدب عليك وانت عارفه انه بيكذب وتسكت... كانه بيكب عليك جردل ميه بتلج...

مؤمن..لا بس من باب الذوق تسيبيها تكمل كلامها.. وايه كمان يا جدتي..

بدريه.. هو كان قاعد يتحايل عليا كده وناس البلد كلها اتلمت تحت البيت... يقولولو انت بتعمل ايه يا عبد السميع.... يقول عايز مرتى... انا كنت فاكره انه رجعني عشان بيحبني... بس لا.. اصل انا لما مشيت كان قلبي جامد من يومي... سبتله ابوك كان عيل... وما كانش في اياميها بامبرز ولا حاجه.. زلوطلو الدنيا بقى... وعايز يتسبح.. وعايز يغير... وعايز يرضع.... وعايزين ياكلوا... وعايز يشرب.. وهو كان ابيض يا ورد ما بيعرفش يعمل ولا حاجه...

مؤمن... الله يقرفكم...

بدريه... فهو رجع بقى عشان ياخدنى.. اه ذكريات..

ومشيت...

مؤمن.. ذكريات عره...

فتنه بضحك.. ظريفه قوي المره دي...

مؤمن بص شويه لضحكتها الجميله... ازاي ممكن حد ياذي البراءه دي.. بس فاق لنفسو وقال...

استغفر الله العظيم يا رب.. يلا مع السلامه بقى انا هروح اصلي الضهر واجي...

فتنه.. ما تصليه هنا...

مؤمن... لا انا امام الجامع لازم اروح كل فرد اقيم الصلاه في الجامع.. امبارح بس عشان جدتي حبستني..

فتنه... انا ممكن اطلب منك طلب...

مؤمن... اه تفضلى...

فتنه.. ممكن تجيبلي حاجه حلوه وانت راجع...

مؤمن... اه طبعا عايزه ايه !!

فتنه... اي حاجه... عايزه حاجه تتاكل يعني...

مؤمن... حاضر...

ومشى.... وخلص الصلاه واتصل بعامر وقال..

ايه لقيت حاجه !!

عامر.. مش لاقي انا هتجنن عمال اقلب في اللي دخلوا البيت... واللي طلعوا من البيت... ما فيش حد وهي كمان مش بتطلع عشان من البيت... يعني اللى عمل كده واحد من البيت نفسه...

مؤمن... طب انتو ما عندكمش رجاله غير انت وابوك... ما تاخذنيش في الكلمه... استغفر الله العظيم... مش بنشك في الناس... بس... في حد يعني قرايب مرتك جي حداكم البيت.. اخوها ولد عمها .. ابن خالها.. أو قرايبكم انتو... وانت بره !!

عامر... انا كيف ما فكرتش في الموضوع ده... هسالها يمكن..

مؤمن.. انت اهبل حد يسال مرته كده... لا ما ينفعش طبعا انت حاول يعني تعرف بادب.... بعدين المتهم بريء حتى تثبت ادانته... ما تخربطش الدنيا.. يمكن ما يكونش حد منهم... يلا سلام عشان انا وصلت البيت...

ودخل وقال... الله ايه الاكل الحلو ده...

فتنه... انا طبخت...

بدريه... انا حبيت مرتك قوي... اه والله بتعمل كل حاجه.. شوف عملت الوكل... ونضفت البيت.. دي عملت كل حاجه... كملو جميلكم بقى وجيبولى عيل كده انا العب بيه...

فتنه... خلاص كلها شويه وياجى ما تقلقيش...

ومسكت ايد مؤمن وقالت...

اقعد كل يلا..

بس شدت اديها وقالت...

معلش اسفه نسيت ومسكتك..

مؤمن... ماشي...

وقعدوا اكلوا سوا... بالليل كان قاعد في الجنينه جات فتنه وقعدت جنبه وقالت...

فين الحاجه الحلوه اللي جبتهالي..

مؤمن.. اه نسيت.. فى جيب الجلابيه.. جبت شوكولاته ما عرفتش انتى بتحبي ايه فجبتهالك العيال بتحبها..

فتنه.. عيال.. مقبوله منك..

مؤمن... لا ما اقصدش...

فتنه.... ولا تقصد انا عاوزه حد يعاملنى زي العيال... عارف انا معيشتش زي العيال ولا لعبت... زى منيره بنت حكمت.. ابويا مش بيخليني اروح العب معاها...

مؤمن... عندها كم سنه منيره دي !!

فتنه.. 7:30

مؤمن بسخريه... ياه راجل ظالم...

هو انتى يعني اللي في بطنك ده مين ابوه.... مش انا عندي اب انتى كمان عندك اب.. اللي في بطنك بقى مين ابوه !!

فتنه.. مش هتفرق اي حد.. خلي ابويا ابوه... اوعامر.. ولا انت... عايز تبقى ابوه خليك ابوه...

مؤمن... انت بتنقى بطاطس... انا مش عايز ابقى ابوه..

تؤ... سؤال محرج بعض الشيء... بس انتى عارفه هو جه ازاي...

الفصل الرابع من هنا

٤..مؤمن... انت بتنقى بطاطس... انا مش عايز ابقى ابوه..

تؤ... سؤال محرج بعض الشيء... بس انتى عارفه هو جه ازاي...

فتنه... ما انا قلتلك اللى حصل... كان المفروض اسال الدكتوره...

مؤمن.... لا ما تساليش حد... انسى...

فتنه.. حلوه الشيكولاته دي باين عليها غاليه..

مؤمن.... بالهنا والشفا... بتبصيلي كده ليه !!

فتنه.... شكلك حلو قوي...

مؤمن.. ما ينفعش تقولي لشاب ان شكله حلو... عيب..

فتنه.... طب انا شكلي حلو !!

مؤمن... استغفر الله العظيم.. الله لا يوفقك يا عامر.. انت لو بعتلى شيطانه ما كانش هتغويني كده.. بصى هو زي ما انتى ما ينفعش تقوليلي ان انا حلو.. انا كمان ما ينفعش اقولك ان انتى حلوه...

فتنه بفرحه.. يعني انا حلوه... ماشي.. ماشي.. حلوه انا حلوه..

مؤمن.. عارفه شكلك هيبقى احلى.. لو لبستى الحجاب..

فتنه... بيقولو بيخنق...

مؤمن... بالعكس ده جميل قوي.. عارفه لو بستيه هتحبيه جدا...

فتنه اجرب..

تانى يوم.. مؤمن كان جايبلها هديه... فتحت الهديه وكان.. درس وطرحه...

فتنه.. الله جميله قوي.....

مؤمن... لما هتلبسيهم هيبقوا احلى...

فتنه دخلت ولبست الدرس وطلعت وقالت...

مش عارفه الف الطرحه...

مؤمن قرب.. وبقى يحاول يلفلها الطرحه من غير ما يلمسها.. ولفهالها.. وكان شكلها طالع تحفه.. قال..

بسم الله تبارك الله...

فتنه بصت في المرايه وقالت..

طالعه حلوه.. اه صح نسيت ما ينفعش تقول ان انا حلوه..

وعدا اسبوع وكان مؤمن بيعلمها كل حاجه عن الدين.. وبقى يصلى فى البيت معاهم عشان تتعلم الصلاه.. وكانت لابسه الطرحه والعبايه.. وكانت مبسوطه جدا معاهم.. وفى يوم كانو بيصلو جماعه.. مؤمن كان واقف بيصلي وجدته وفتنه بيصلوا وراه... خلص صلاه وكان قاعد بيدعي.. واتفاجئ بفتنه بتقول...

يا رب.. انت عارف اني ما عملتش حاجه تزعلك مني.. ولا حتى تزعل ابويا.. انا مش عارفه ايه اللي حصل.. خلي ابويا يصالحني يا رب... وانا هعمل كل اللي هو عايزو...

مؤمن التفتلها وقال...

عارفه يا فتنه... انا عارف انه كان غصب عنك هو اكيد فرض نفسه عليكى... بس ربنا ان شاء الله هياخدلك حقك من حباب عينيه...

فتنه.. انت بتدعي على مين !!

مؤمن.. اللي عمل فيكى كده.. صح انا مش عارفه.. بس ربنا عارفه...

فتنه.. انت بتتكلم بالالغاز... وانا مش فاهمه منك حاجه..

مؤمن... هى الفتره الاخيره دي.. قبل ما تعرفى انك حامل بشهر... ما حصلش فيها حاجه غريبه اختلفت عن باقي الايام اللي قبلها... حد قرب منك ضايقك.. قالك كلام غريب..

فتنه.... لا اصلا انا مش بشوف حد... انا ما عملتش حاجه تزعل حد..

مؤمن.. ربنا هيبرئك قدامهم.. ان شاء الله.. عارفه زمان فى عهد الرسول عليه الصلاه والسلام... حدثه حادثه اسمها الافك... ناس اتهمو السيد عائشه ام المؤمنين رضي الله عنها... قالوا انها.. اعوذ بالله كانت مع صحابي... ربنا نزل ايه في القران الكريم برئها فيها.... طبعا انتى ربنا مش هينزل ايه في القران الكريم يبرئك فيها... بس ان شاء الله هيبرئك بطريقه تانيه.. انا مش عارف ازاي حد يقتل البراءه دي...

فتنه... انا بحبك قوي.... وبحب كلامك... كلامك بيريح قوي... انت كمان بتريحنى... يا ريت... يا ريت ابوي كمان يسمع كلامك ده... كنت اقول يا ريتني ما روحت مع سمر... بس دلوك مش عاوزه ابوى يصالحنى.. عشان افضل معاك...

مؤمن... روحتى فين مع سمر !!

فتنه.. الدكتور ما هي كانت رايحه الدكتوره اصلا.. وانا تعبت.. قالتلي تعالي معايا.. روحت معاها عملنا التحليل طلعت حبله... يا ريت كانت سمر اللي حبله مشى انا... طالما اللي متجوزين عادي... انا عمري ما اتمنيت ازعل حد..

مؤمن... ايه.. طب وسمر كان عندها ايه...

فتنه... ما عارفاش محدش بص في تحاليلها اصلا.. لما الدكتوره قالت كده... ابويا قعد يزعق.. وكان عايز يموتنى..

مؤمن.. ازاي عامر ما فكرش في الموضوع ده..

وتصل بعامر وقال...

ولا بقولك ايه.. بكره الصبح تجيب مرتك وتيجي معايا..

عامر.. اجى انا.. ليه مرتى !!

مؤمن... اكيد يعني مش هعاكسها..

عامر... انا ما قلتش كده... بس يعني مالك بيها..

مؤمن... اما تاجي هقولك مش هينفع في التليفون..

وقفل معاه تانى يوم.... كانو واقفين عند الكتوره...

وفتنه بتقول ببكى...

اه خدو دم تانى...

مؤمن... معلش هجبلك عصير.. وحجات حلوه مكانه...

عامر.. مؤمن انت عارف بعد الامل اللي اديتهولي ده.. لو فتنه طلعت حبله هعمل فيك ايه !!

مؤمن... ان شاء الله... هيطلع اللى انا بفكر فيه صح... عشان انت بقره ما بتفكرش... لو كنت فكرت من اول يوم ما كانش حصل اللي حصل...

فتنه... كويس انو ما فكرش... والا ما كنتش شفتك.. عارف احلى حاجه حصلت في الدنيا دي كلها.... ان انا شفتك.. رغم البلاوي اللي انا فيها دي كلها.. بس احلى يومين فى دنيتى... اللي انا عشتهم معاك... عارف لو قارنتهم بحياتي كلها... هيطلعوا احلى منها كلها...

عامر... افندم.. ايه ده !!

مؤمن.. احم... ما فيش حاجه..

عامر... ما فيش ما فيش حاجه ازاي.. البت عنيها بتطلع قلوب... ايه اللي بيحصل...

مؤمن بلهفه... اهى الدكتوره جت... خير يا دكتوره...

الفصل الخامس من هنا

عامر.. مؤمن انت عارف بعد الامل اللي اديتهولي ده.. لو فتنه طلعت حبله هعمل فيك ايه !!

مؤمن... ان شاء الله... هيطلع اللى انا بفكر فيه صح... عشان انت بقره ما بتفكرش... لو كنت فكرت من اول يوم ما كانش حصل اللي حصل...

فتنه... كويس انو ما فكرش... والا ما كنتش شفتك.. عارف احلى حاجه حصلت في الدنيا دي كلها.... ان انا شفتك.. رغم البلاوي اللي انا فيها دي كلها.. بس احلى يومين فى دنيتى... اللي انا عشتهم معاك... عارف لو قارنتهم بحياتي كلها... هيطلعوا احلى منها كلها...

عامر... افندم.. ايه ده !!

مؤمن.. احم... ما فيش حاجه..

عامر... ما فيش ما فيش حاجه ازاي.. البت عنيها بتطلع قلوب... ايه اللي بيحصل...

مؤمن... اهى الدكتوره جت... خير يا دكتوره...

الدكتوره... ابدا الانسه فتون.. نقص فيتامينات معينه كده انميا وحاجات بسيطه يعني تيجي فى شهره بالكتير... المدام سمر حامل فى شهرين... هنكتبلها ادويه طبعا عشان تقدر تستمر..

مؤمن... سيبك من سمر وحملها وادويتها... فتنه حامل..

الدكتوره... لا حامل ازاي يا استاذ بنقول انسه.. اتفضلو معايا عشان اكتب لكم الادويه..

مؤمن سجد وقال..

يا رب الحمد لله... اللهم لك الحمد والشكر..

وبقى يحضنو بعض هو وعامر وعامر قال..

فاضل ابويا ازاى هنقنعو !!

مؤمن... هنروح المستشفى اللى انتو عملتو فيها التحاليل ونعرف ازاى ده حصل... يلا..

وراحو سوا... الدكتوره.. بجد اسفين.. لغبطه غير مقصوده.. كتبت اسم فتون مكان سمر..

عامر بغضب.. اسفين.. لا معلش امسحو بيها قفاكم.. انتى عارفه ابويا كان هيموتها.. احنا عايزين دليل لبرائتها...

الدكتوره... انا ممكن اجى معاك واشرح لوالدك..

مؤمن.. لا خلاص بس خدو بالكم.. اللغبطه دى كانت هتدفع تمنها روحها.. يلا يا عامر...

وطلعو على بيت فتنه.. صابر اول ما شافها اتقدم عليها بغضب.. وهى اتخبت ورا مؤمن..

صابر... لقيتو ده الكلب اللى خطيت معاه...

مؤمن.. بتك ما خطيتش اتفضل بس هنشرحلك..

صابر بغضب.... تشرحو.. تشرحو ايه !!

مؤمن... بدء يحكى لصابر كل اللى حصل من اوله لاخره.. وقال...

ولو على الناس ما حدش يعرف انها كانت عندى.. لان هى اصلا ما بتطلعش.. بنتك ما وطتش راسك يا عمى والله..

صابر بغضب.. يعنى ايه كنت هموتها فطيس...

مؤمن.. يبقى تشد بتك تحت دراعك..... وتعذبل من شيطانك..

بدريه .. وتشد ودانك... هههه حلوه..

صابر.. مين دى !!

مؤمن.. احم.. جدتى..

عامر..انت جبتها معانا ليه دى !!

مؤمن بص لجدتو وقال..

جدتى يلا..

بدريه... شوفو انا عارفه ان حفيدى ما يسترش.. وكل شويه بيزعل مرتو.. بس هو بيحبها..

صابر.. هو مؤمن متجوز.. بتقول ايه دى !!

مؤمن... لا مش متجوز جدتى بتقول اى كلام... يلا سلام..

وطلع من البيت.. بس جريت عليه فتنه وقالت...

هتسيبنى وتمشى !!

مؤمن... هرجع تانى...

فتنه... انا عاوزه اشوفك تانى...

مؤمن.. وانا عاوزك معايا لاخر عمرى...

فتنه... يعنى ايه !!

مؤمن.. هى جدتى كانت بتخطبك بس عكت.. مصره انك مرتى مش عارف ليه... بكره هجيب عمى.. واجى اتقدملك... واخدك على سنة ربنا ورسولو.. قدام الخلق كلها...

فتنه... وانا هستناك.. فعلا كلامك عن ربنا طلع صح... هو برئنى.. وعوضنى.. جاب البلا ولما صبرت عوضنى بيك.. وانا اكتفيت بيك...

مؤمن.. وانا كمان هكتفى بيكى عن العالم كلو بس لما اتجوزك وتبقى حلالى... سلام يا اجمل ما فى الايام..

تمت