سمير… انتى لازم تمشى من هنا يا صبا والا هيقتلوكى ابو نذار قالب عليكى الدنيا… مش هتقوليلى قتلتى نذار لى يا بنتى
صبا بحزن… بابا لو سمحت خلاص انا مش قادرة اتكلم فى الموضوع ده… ولو عاش هتطلق منو انا مش هفضل مع الحيوان دا ولا دقيقه واحده
سمير… يا رب ما يموتش يمكن تتحل… اصلا المشكله ان ابوه عايز روحك قصادو وانا صعب جدا احميكى هنا وخصوصا لو مات
صبا.. يعنى اى
سمير… يعنى هو دلوقت فى المستشفى بين الحياه والموت بس لو مات هيقتلوكى ما فيهاش كلام انتى لازم تسيبى هنا وتمشى يا بنتى بسرعه انا خايف عليكى انا مش قادر اقولهالك بس انا مش هعرف احميكى سامحينى
صبا.. بابا انت بتقول اى انا هروح فين
سمير… عند عزيز النمس ضابط فى الجيش متقلقيش اهو انتى مع ده مستحيل حد ياذيكى هتكونى فى ائمن مكان فى العالم ده الشخص الوحيد اللى هيحميكى
صبا… طب واى اللى هيتم لو مات
سمير… ان شاء الله ما يموتش انا هقوم اكبر محامين وهنطلعك منها وابوه هنحاول ناخد عليه تعهد انو ميقربلكيش بس لحد ما نشوف اللى هيتم لازم تروحى من هنا
صبا…. ماشى يا بابا عشانك بس انما انا مش خايفه منهم ولوو رجع الزمن هقتلو تانى
سمير…. تمام يلا خدى شنطتك ويلا انا هخليه يستناكى فى محطتهم بسرعه يا صبا
صبا حضرت شنطتها ونزلت…. فى مكان تانى فى الصعيد فى سرايا ابو فضل النمس كان نازل شاب بطله قويه جدا وعيون حاده وقال…
صباح الخير
امو… صباح العسل يا ولدى
مروه مرات اخوه…. كيفك يا عزيز تعال افطر
عزيز… لا انا نازل انبهكم بس.. بصو بقى فى بنت جايه هنا ضيفه عزيزه جدا بنت سمير بيه ابو العزم عارفين يعنى اى
امو.. اه
عزيز… طب زين فضايح معاوزش جورس قدام البت لجل النبى بلاش خصوصا خنقاتكم سوا
مروه.. ماشى
عزيز… وانتى ياما انتى ومروه بلاش تشبطو فى بعض قدامها تمام
مروه.. هى اللى بتغلط فيا والله
امو… فيكى وفى اللى جابوكى يا قليلة الربايه
عزيز.. ياختى يا جماعه بقول بلاش كده لجل النبى انتو اى مش على ملتو
امو… لا اله الا الله محمد رسول الله خلاص متقلقش مش هنعملو حاجه قدام البنيه
عزيز… وعد والعهد مسؤل
مروه وامو… وعهد الله هنشرفك متقلقش
عزيز… تمام اتفقنا
وطلع وراح المحطه بتاعت القطر…. ونزلت صبا من القطر وكانت لابسه منطلون ضيق وبلوزه مفتوحه شويه من فوق ونضارة سودة وشادها شنطة هدومها وراها… عزيز بصلها وبلع ريقه بارتباك وقال…
احيه ده هيبقى مرار وراكب جرار
وقرب منها وقال… انسه صبا يا رب يكون لا
صبا… اه انا صبا مين حضرتك
عزيز… عزيز النمس
صبا… اه اهلا وسهلا
عزيز… اتفضلى
واخد شنطتها وطلعو فى العربيه ووصلو السرايا وكان عزيز ماشى قدامها وبيقول…
اتفضلى اتفضلى متقلقيش خالص انا عيلتى هادين جدا وراقين على فكرة مش عشان فى الصعيد لا خالص احنا هدوء اى ورقى اى هترتاحى جدا عندنا زيرو ازعاج اتفضلى اتفضلى بيتك ومطرحك
وقفو على الباب بدهشه اما لقو مروه بتقول..
انتى زعلانه وغيرانه منى كمنو اتجوزنى غصب عن عنيكى يا حماتى
سعاد.. عين مين يالعينك تطلع من وشك
مروه… عينك انتى يا حماتى
ناجى اخو فضل… يجماعه مش كده عيب قولنا هنستر الواد قدام ضيوفو وزمانهم على جيه
مروه… اسكت انت يا جوزى يا ود امك ماشى بشورتها لا بتهش ولا بتنش
صبا… دول اهلك
عزيز بحرج.. مع الاسف… فى اى
مروه .. اه جيه تعال احضرنا
عزي بضيق… يحضرلك عزرائيل مش قولتلكم اتسترو
مروه… انا كنت كنت قاعده مع جوزى فوق
عزيز… اممم
مروه… فى اوضتنا
عزيز.. اممممم
مروه… كنا قاعدين لحالنا يعنى كان بيتحرش بيا وبيبوسنى يعنى
عزيز بضيق…. عرفت خلاص والله فهمت من اول جمله
مروه.. فجاه كده لقيت امك فوق راسى من غير ما تخبط ولا تكح ولا تعطس حتى ينفع كده بربك
سعاد… اخبط لى وانا داخله اوضة ولدى ده ولدى انا اللى جيباه… قال البيت بيت ابونا والغرب يطردونا استاذن منك لى
مروه.. عشان قاعده مع جوزى
سعاد… جوزك ده ولدى دا انا كنت اغيرلو اللباس عشان مكانش فى حفضات على ايامو
عزيز… احيه
مروه… هو كبر وبقى شحط وبعدين انا انا مش بتك
سعاد… انتى تتفلقى اشيل همك لى شالوكى اربعه
عزيز… بس بس الله يخربيتكو اسكتو
مروه…. انا اصلا ماشيه رايحه عند امى
سعاد… فى داهيه انتى وامك بتاعت الاعمال السفليه يا عيلة عرر
عزيز راح عند ناجى وقال… انت واقف كده ليه ما تتصرف قول حاجه
ناجى… انا بصراحه النهارده ما ينفعش اغلط مرتي لان امى غلطانه وكمان انت عارف امك لو غلطتها هتقتلني
عزيز.. يا اخي ابقى راجل مره واحده في حياتك
ناجى.. يا اخويا ابقى انت راجل وقول لامك انها غلطت
عزيز… هقولها هو انا هخاف زيك
وبص لمروه وقال… بس يا بنت سيبي الشنطه دى يلا اطلعي اوضتك فوق اصلا انت الغلطانه
مروه.. انا
عزيز.. ايوه طبعا غلطانه غلطانه عشان في حاجه في الاوضه اسمها ترباس بيقفلوا بيه الباب من جوه امال هي الاوضه عاملينها ليه واتصرف عليها قد كده فلوس
مروه… وهي كيف تدخل كده
عزيز… تقفلي بابك عليكى وامشى عدل يحتار عدوك فيك اطلعى يلا خدى الشطه دي معاكى
مروه… عندك حق المفروض اقفل الباب من جوه
ناجى… ابو الرجوله يا اخوى
سعاد… انت بتقولها تقفل الباب من امك
عزيز.. اسكتي بقى اسكتي حرام عليك هتشليني
سعاد… مين الحلوه دي
عزيز.. توك شفتيها دي صبا بت سمير بيه ابو العزم
زيزو جاب البنت واهلو اتسترو اخر ستره