رواية لم اخلق لرجل سواك الفصل السادس عشر 16 - بقلم ايزابيل

#بقلم إيـزابيـل
#الجزء الثالث عشر
#لم اخلق لرجل سواك
..
بناااااااات النشررررر بين يوم ويوم + لان رمضان دانشر بوقت متأخر ورا ميخلص بالنهار او بليل ان شاء الله واسفه البارت جان لازم يكون اطوول من هيج بس استعجلت بي 
..
- كان حباً ضخما، إنتهى برسالة نصية فجراً .

ضليت صافنه ب الكلام هاي صورة بابا مخليهه الي برطمت بحزن ووكعدت ب الكاع خليتهه على وجهي وانوح بسكوت..

يعني راح؟ ليش راح وعافني بهيج وقت اكثر وقت محتاجته بي بعد كل الي صار اختفى بلمح البصر..

وكأنو كان طيف او ملاك بعث بنفسي الراحه والطمأنان واختفى مسحت وجهي بكفوف اديه

وين راح رجع للبصره؟ زين ليش ماكلي خليت ايدي على خدي ووصفنت بالحايط ابجي بصمت وحدي..

وكأني اعاتب حيطان بيته ووابجي مادري شكد ضليت كاعده بس افكر بي وواباوع للصوره واذرف دموع..من دون ملل

نمت بمكاني طلع الصبح والشمس دخلت عليه من الشباك تضرب براسي تمغطت بتعب ووكمت..
غسلت وجهي وطلعت من بيته امي ماموجوده..
باوعت للساعه ب ١١ ونص

كلت قبل لااروح للدوام خل اخابره بلكي يطلع بعده ببغداد جريت موبايلي واتصلت علي.. خطه
مغلق نصدمت بي اكثر معقوله غلقه متقصد..

شكد ضجت منه كمت سبحت ووبدلت ملابس المدرسه ووطلعت صارلي هواي غايبه..
َ...
جمانه

: شنو

: اطلعج منا واوصلج لبيت عيالج بخير وسلامه بس بشرط واحد؟

بللت شفايفي وهزيت راسي بأي

همام : تعرفيلي وين مخلين صلاح

: منو صلاح؟

: ابن عمي وومخطوف عندهم وحابسينه كل الي اريده منج تعرفيلي مكانه وين..

: واني شلون اكدر اعرف

رفع طرف حاجبه وكال وهو يهز براسه
: لا تكدرين تكدرين

بلعت ريكي

: اذا موافقه حتى من هسه احضر الطلعتج وباجر اعتبري نفسج ببيتكم واني كد كلمتي

كال وهو يكوم : اعوفج تفكرين

خليت شعري ورا اذني بتوتر : موافقه

ابتسم بأنتصار وكال : هاهيه حضري نفسج بليل نطلع بس ديربالج غيرنه يعرف بهالموضوع..

هزيت راسي خله وطلع خايفه حيل اذا عرفو شلون واني شلون اكدر اعرفله مكان صلاح..
بشنو ورطت روحي ياربي.

بطني موتتني من الوجع بس تعبت من البجي..
وهو شلون هيج يخاطر معقوله هلكد مهتم الابن عمه حرت ووالحيره دوختني..بحيث بالي ماكادر يصفى..

لليل تقريباً بـ ٣ اني نعسانه بس مقاومه ماريد اغفى ويجي ويغير رائيه بقيت انتضره ماكو..

كلت اكيد يقشمر عليه قهرني حيل حتى تعبت من الكعده اخر شيء طخت الخمسه يلا اجه..

فتح الباب بكل هدوء ماعرفته ب البدايه لان لابس قميص وبنطرون اسود ولاف يشماغ ابيض وواسود على ركبته وومصعده على خشمه...

كلت بكلبي شنو رايحين نختلس بنك اشرلي براسه اكوم سندت اديه عالكاع وكمت هو طلع واني ورا بينه مسافه متر تقريباً..

همست : شلون اطلع بدون ما اخلي شيء ع راسي..

ندار عليه وبس عيونه مبينه وضلمه خزرني بقوه : وقتهه هسه! مو مهم امشي

خوفني اضطريت اسكت مديلي ايده ترددت بس من شفته يباوعلي بحده خليت ايدي بأيده.. جرني بسرعه ورا...

طلعنه من البيت مثل الحراميه يركض وويركضني ويا طلعنه بره باب البيت لاكتنه حديقه ماعرف بستان ماجنت اشوف بس خضار واشجار
وويتخاطف من بيهن واني ويا الهث رجليه بدون نعال من طلعت حافي ومالحكت البس شيء اخذني ركض وادوس برجليه على كلشي بالكاع ضلمه وماشوف ويدخل بكفي انواع واشكال...

اغصان شجر بالكاع ووتمر يابس عبالك حصووو وطين اشكال الوان

همست بتعب :على كيفك عفيه بطني توجعني..

: هاي وصلنه

وكفنه مقابيل سياره سوده عاليه كال اصعدي عفت ايده وواتمشيت فتحت الباب الخلفي تعكت من فوك ب السياره وسندت نفسي وذبيت روحي ب الكشن تنهدت بألم وخليت ايدي على بطني..

صعد ليكدام ووذب اليشماغ وطرح نفس عالي ذبه يمه ب المقعد البصفه باوعلي بالمرايه ووكال
: ها

بلعت ريكي : بعد ما اتحمل

حرك السياره بسرعه ووسرعته اذتني اكثر..
لزمت ضهري من ورا حجه من دون ما يباوع الي
: عندج موبايل

بلعت ريكي : جان عندي بس من جبتوني لهنا ضاع

: وشلون راح اتواصل وياج

عقدت حواجبي : بخصوص شنو

كال بملل : صالح

: اها دخلي اعيش اول

وكف السياره بقوه اختضيت كلي حاول يبين الي غضبه  : لا لا فهمت غلط والله بعدني عند وعدي..

: نشوف
..
الدنيا ضلمه ووالهوى يدخل من السياره عالي حيل يلاعب شعري ووعيوني وووجهي رجعت راسي ليوره ومغمضه عيوني وودموعي توكع بهدوء من الجهتين..

هو هادئ وبس يسوق ماطلع منه اي صوت شويه ووكفنه بعد شارع عن بيت عيالي : انزلي واذا سئلوج شلون اجيتي كولي شردت.. ومن تعرفين شيء عن صالح خابريني على هذا الرقم.

وفتح ال جكمجه طلع ورقه ووقلم وكتب رقم ووذبه يم الگير مديت ايدي واخذته

ونزلت امشي ووواتعثر دنيا فجر ووالسماء زرگه شخط السياره ووصوتهه وصل الاعماق اذني...

ضليت امشي أخر رجل وواقدم رجل تعبي فاق المحدود ووجبال على ضهري اجر بروحي جر..

ووصلت للفرع الي بي البيت جان اشوف ثنين واكفين ملثمين وبيدهم اسلاح من شافوني نصدمو اني رحت اركض وابجي وواشهك وواناشغ حالتي جانت تبجي الكافر..

صرت ام ال ١٠٠٠ سنه ولا عبالك كل عمري ١٧ بهذنيي الايام الي بقيتهن يمهم احس روحي
تهشمت وتآكلت ووداخلي صفر امل ووكل دعائي انو اموت واخلص..

عثرت بطابوكه صغيره صارت جوه رجلي شكت الجلد وونزع دم ووكعت على وجهي وبطني نركع ب الكاع.. بقيت كاعده بمكاني واصرخ وووواحد دخل للبيت يصيح بيهم واحد ركض عليه
ََ..
روح

صافنه ب الدرس ووبالي مشغول ب جمانه ووين هسه هي وليش اخابرهه ومترد خاف زعلانه عليه.

شمسويتلهه اني معقوله مضوجتهه بدون مادري
بعد ما اخلص الدرس اروح الهه للبيت واشوف شبيهه وليش ماجاي تجيي للمدرسه..

تنهدت وفزيت لمن صاحت عليه المدرسه..

: وين صافنه

روح : اا وياج ست

خزرتني ورجعت تكمل الدرس اوي شكد حقنه اني روحي ماطايقتهه جان اخر درس بس دك الجرس خليت الجنطه بجتفي ولزمت كتبي بأيدي وطرت..

واني امشي ب الشارع جانت بحدود ال ٥ العصر..
شفت ثنين من الولد الي يلزمون خطوط مال طلاب واكفين ويباوعون..

واحد منهم كال  كلمه ابد مو حلوه صحت بوجهه : دنجب لك ادبسززز

جان يباوع لصديقه ويضحك
: شوف منو يحجي اضاهر احنه منعجب..

صكيت على سنوني بعصبيه ووعيوهي دمعت عفته ومشيت يصيح وراي وويحجي كلام قتلني وذبحني..

باوعت لجهتي اليمنى جان اشوف المدرسه نفسهه تباوعلي من فوك ليجوه بقرف وواشمئزاز
شبيهه هاي بس لا عبالهه اني الي تحارشت.. شلون عالم..
..

طلعت بوجهي لبيت جمانه سألت لجوارين كالو
راحو للعماره رجال هذا البيت نقتل بنص الليل ووزوجته راحت وي اهله..

عبالك صاقعه ووكعت فوك راسي عزا بعيني اذا صدك شحالج حبيبتي جمانه شصاير بيج هسه
وين جنت اني ياربي...

شلون هسه شلون اطمن عليههه والله تعبت تعبت
بمنو افكر واشيل هم بقسور بجمانه بأمي وعمايلهه
..
مديت ايدي لجيب صدريتي ووطلعت صوره بابا
بستهه ووخليتهه على عيني رحت كعدت على الرصيف ووشلت شعري بأثنين اديه بقله حيله..

خطفت من يمي سياره بسرعه بحيث المي الي بالشارع ودعسه التار طار عليه صرخت بفجع وورفعت راسي ركزت برقم السياره وموديلهه..

صخام مؤمل هاي سياره مؤمل اي اي متاكده الف مره صاعده بيهه خفت حيل كمت ارجف واطك عضم بعضم وكفت بسرعه نكتت ملابسي وطرت للبيت..

فتحت الباب ودخلت شفت امي بيدهه كوب جاب وتفتر تشرب بي وتباوع للساعه من شافتني ذبته فورا وصاحت :وين جنتي ها؟ وبعدين شنو هاي الملابس! وين جنتي

صحت بصوت عالي : والله مثل متشوفين لابسه ملابس مدرسه وجنت اركص ب الملهى..

: ادبسززز وماعليج عتب

: اي ديلا يلا على اساس انت شلونج لا تحاجيني بهالصيغه او بالاحرى بعد ماريد اسمع صوتج ولا الج سلطه عليه وماتدخلين لا بطلعتي ولا بدخلتي انت مو امي واني متبريه منج...

: خلاج تتقوين عليه ووفرعنج ورااااح مووََ اييي هي هاي غايته اجه حتى يخلينه وحده تاكل بالثانيه مو هو هذا منى اهله ووحبوبته..

ورفعت راسههه ليفوك وتصيح : ارتاااااحوووو ياكو*** ياحقراءءءء شيشتوههه عليييه وخليتوههه تكرهنييييي روح عساك بكبر يطمك اليوم كبل باجر ياقسور ياابن النذله..

كتفت اديه : اي طبعا تدعين علي مو كشفج وكشف خيانتج وجذبج طبعا متردينه وتكرهييي بسسس ابشرررج كرهي الج ماله علاقه بقسور لا اصلا من اول ما نخلقت اني مامعتبرتج ام لان عمرج وحياتج ماحسستيني بهالشيء.

اني ما مات ابوي بس لا ماتتت امي هم يتيمه ام واب يامدام وجودج وعدمه وحد ورايحه اكعد بشقه قسور لا عبالج ابقالج هنا..

عصرت صوره ابويه بس اصابيعي ودخلت لغرفتي قفلت الباب ووطلعت الجنطه الم بملابسي بعصبيه..

سمعت صوت رجل امي اجه ووكال الهه شبيج وشبيهه روح تصيح..

: روح راح تعوف البيت وتطلع

: شنو تعوف البيت وين كاعدين احنه بتكساس خل تنجب وتكعد لا اكسر ضهرهه..

استفزني كلش رفعت اصبعي من مكاني ووعطت
: اسمعنييي لك انت وكلامك بعرض الحايط ودنعل ابو ابوك لابو الجابك علينه وخل رجال يوكف بوجهي.

سحلت الجنطه ووفتحتت الباب هو واكف مثل الثور عيونه بكصته

: وخررر عني

تقرب عليه وأشر براسه : ارجعي

: مارجع وخر من كدامي ترا تشوف شيء عمرك كله ماشايفه وتعرف اني منووو..

لزمني من شعري القصير ووجرني بقوه لزكني ب الحايط احس تفلشت وواعضامي تكسرن وكعت للكاع ووهو رجع عليه جرني من ملابسي ووكعلي راشديات خشمي طك دم ترس وجهي.

وامي مكتفه اديهه ووتباوع علي احتركت حرك والنار شعلت كلبي كمت اشيل بروحيَ واركعهه ب الكاع صحت بقوه : معقوووووله انتتتت امممم انت امممم رجلج ديضربني كبال عينججج وانت ساكته الله اكبرررر على. رراسسجججج

الله اكبر دنكت راسي ووابجي وعاصره صووره بابا بقسوه وهو مخلي حذائه فوك راسه ويكلي بس تحجين ادووس راسج..

اندر على امي وينبهه بيهه انو ماطلع مسحت وجهي ووكفت على حيلي جريت الكرسي مال الطاوله امي شافتني وفتحت عيونهه بصدمه رادت تحجي بس مالحكت ضربته على ضهره
رأساً صرخ ووكع على ركبته جريت جنطه المدرسه حطيتهه بكتفي وومال ملابسي وعبرت من فوكا وطلعت اركض
..
فتحت باب شقته وودخلت قفلته ورحت كعدت على الدجه الي دائما نكعد عليهه اني ويا.

برطمت وامسح بالدم وابجي ليش عفتني ليش بامس وقت اني احتاجك بي معقوله قمر اهم مني وتعوفني وتروح علمودههه..

مو شفتني تغيرت على ايدك مو شفتني ارتاح وياك والله ما اسامحك وراح اضل اكرهك دامني عايشه..

وخاف يجي فد يوم ننجمع بي اكص الساني ولا احاجيك صار الغروب واني بعدني على نفسي كعدتي.

كلت اذا ما اكوم ف البجي ماكو مفر مني خليت ودخلت بدلت ملابسي وسبحت خشمي مورم ووايدي توجعني..

دخلت الغرفته فارغه تصوصي ذبيت نفسي على الجاربيه وبقيت لليل اتكلب اريد انام ماكدرت..
جعت حيل...

اتذكرت العصير والكيكه الي اشتريهن من الحانوت وما اكلتهن كمت طلعتهن من جنطه المدرسه.

شربت شويه من العصير والكيكه اكلتهه كلهه..
ونمت
..
جمانه

فتحت عيوني ببطئ وتمغطت رائساً حطيت ايدي على بطني شفتهه عبالك فاشه وماكو طفل
نفجعت رفعت راسي درت يمنى يسرى جان اشوفهم متجمعين فوك راسي..

بلعت ريكي :وين ابني

كالت ام اسعد: الحمدلله جبتي ولد اسعد ووكاعد كمر اسم الله علي بس بالخدج لان بنيته ضعيفه
لان جايبته بشهر السابع

خنزرت عليهه وورجعت ذبيت راسي على المخده
حسره بكلبي ووهم لو طلعته يغلف الكره الارضيه...

بللت شفايفي سألني ابو اسعد
: شلون طلعتي منهم وشجابج للبيت

: شردت منهم

كال ابن عمه : وين اندليتي البيت وهاي المسافه كلهه اجيتيهه مشي.

صحت : كافيييي تسألون وانتو سببب الصاررررر بيه مشاكلكم اني الي بتليت بيهه واني الي دفعت ثمنهه

دفنت راسي ب المخده وواشهك وابجي بكل حيل عندي وومخليه اديه على راسي كل ماتذكر ذيج الايام تنقبض روحي
..
فاديه

كعدنه الصبح ووجمانه ماجانت موجوده نكلب البيت رأساً على عقب اخوي سلمان الي هو الجبير وونعتبره قائد هذا البيت والمسؤل عنه..

وكف بنص الهول ويصرخ اني من المحجر واباوع
هو ورهف اختي واحد يكبس والثاني يرفع
: ميه الفففف مره نبهت لا تعوفنهه وحدههه لا تغفلن عنههه شلوووون طلعتتتتتتت شلوووووون فهمونييييي

صيحو همام همام ويييين

كلهه ساكته رفع راسه ليفوك وباوع عليه خزرني واشرلي انزل بعيونه بلعت ريكي ونزلت اقدم رجل وأخر الثانيه ووكفت مقابيله كال
:وينهه

توترت وبين عليه هل شيء :مم ما اعرف

: احجييي

: كتلك ماعرف

: كولي وروح ابويه ماعرف

دمعت عيوني : لا تضغط عليه فدوه

صك على سنوووونه بعصبيه وورفع ايده راد يضربني راشدي بس صوت همام استوقفه
:عوفهه سلمااان.

باوعت علي ووابجي اشرلي براسه اصعد فوك
رحت اركض سويت الدرج شبختين اسمع كلامهم
عبالك واحد راح يضرب الثاني بس الله الستر..

سلمان: انت طلعتهه مووو اي اعرف سوالفك انت دوم ضاربنه ب العرض والي براسك تسوي

همام : انت شتريد؟ صالح يرجع مو!

سلمان :اييي چا شريد اني غير ادور مصلحتنه اريد اخذ حق اختك وونرجع ولدنه سالمين غانمين..

همام : اختنه اخذنه حقهه وانت تعرف كلش زين شلون اسعد ما مات عبث ووصالح يرجع واخذهه من هل شارب..

سلمان : هماممممم

خله ايده على چتف سلمان : ثق بيه ولو لمره وحده

عفتهم ودخلت لغرفتي قفلت الباب من اول ما صار الي صار قرررت اقتل روحي واخلص من هالهم والعار هذا بس ربي واكف بين عيوني..
..
لان اني مذنبه ولا جمانه مذنبه ثنينه صرنه لعبه بأيد اسعد دمرنه

جنه اني واسعد نخبل وومن الطفوله حبنه ومقررين نتزوج بس هو كل ما اجه يخطبني رفضو اهلي والسبب لان اهلي واهله عداوه ومن زمان اجدادنه جانو متعار
..
جمانه
طلعت من المستشفى وابني بقى هناك كالو اسبوعين يلا يطلع..

جنت مقرره بس ارجع اكول الاهلي اخابرهم يجون ياخذووني بس سالفه ابني ووهمام وكفني بدربي..

عافوني بغرفه ووحد شاده راسي بشال وولابسه دشداشه عريضه بقيت اكثر الاوقات وحدي ياهو التجي اسأله محد من اهلي خابرني وكلهه تكول لا..

واسألهن على موبايلي يكولن ماكو اني حتى ماتذكر وين ضيعته بيوم الي خطفوني...
 
دخلت ام اسعد شافت دشداشتي القديمه الي اجيت بيهه مشموره على الكرسي جان تجرهه وتحاول تنكتهه يمكن تريد تغسلهه..

وكعت الورقه مال الرقه تخبلت عززا بس لا تشوفهه نوب هو كاتب اسمه عليهه كلبي كام يدك مليار دكه.. يتبع
🖤🖤🖤🖤🖤
ايزابيل