لم اخلق لرجل سواك الفصل التاسع وستون 69 - بقلم ايزابيل

#بقلم إيـزابيـل
#الفصل الخمسين
#لم اخلق لرجل سواك
.
السليمانيه _٢ ضهراً
روح

ايامي أمر من المر ماعرف الليل من النهار كاعده بالغرفه الي انطتهه الي ام اركان ووما اطلع منهه..

عيوني صارت تغوش ووتاخذ فتره طويله يلا توضح عندي الرؤيه شكد ما بجيت..

كل يوم اني انام وواكتم شهكاتي حتى ما اسمعهم اي والله كل يوم صار روتين عندي.

راح اطب شهر ال ٤ ولحد هسه مشايفه قسور ولا سامعه منه مكالمه..!

اي مرت كل هل مده واني وحيده،،،.
..
اليوم الضهريه تعبت من النوم ووكعدت بطني صغيره وومبينه مسجت وجهي حيل الدموع لازكه علي..

نزلت رجليه من الجربايه ووكمت اتمشى بالغرفه الضلمه..

طبعا اركان بس هو وامه ماعندي لا اخت ولا اخوان بس متزوج وومرته يم اهلهه..

ندك باب الغرفه رحت فتحته طلعت ام اركان ضهره محني ووبيدهه عوچيه تتكئ عليهه وجهه ابيض كله نورر ووخدودهه حمررر وولابسه نضارات صغيره وموديلهه قديم مربعات
..
همه اكراد من السليمانيه،،،

بس يحجون عربي لان ام اركان اصلهه من الجنوب
وعاشو فتره زينه بالبصره.

كالت بلكنه مگسره
: لويش حابسه روحج بالغرفه

ابتسمت : لا بيبي بس تعبانه شويه

:من اول يوم اجيتي هنا انت،، تعاي ووياي

هزيت راسي برضى وفرح ووطلعت امشي وراهه وهي تتمشى على كيف النمله اسرع منهه،،،

عدهم حديقه جبيره عباره عن خضار وورد بجميع الاولوان تشرح النفس بس اني مطالعه بيهه غير مرتين وبليل من ينامون من احتصر كلش..

اطلع افرغ الي بلكبي،، جانت فارشتهه ومخليه صينيه بيهه جاي واستكانات ووكاسه بيهه جوز.
ووسله خوص معجنات كيك وفطاير وولحم بعجين صغير....

شكد مرتبه ووروحه حلوه كعدت وواني ساعدتهه
كعدت بصفهه اتذكر اول ماجيت وحالي حال ووممغمى عليه من كد ما تعبت بالطريق،،،

هي عبالهه تخبلت وتصيح على اركان بالكوردي...
عبالهه تزوجني على زوجته هي كلش تحب جنتهه بس بعدين فهمهه وواني من ارتاحت كعدت وحجيت وياها..

تأسفت مني ووخلتني بحضنهه وونومتني يمهه
ولا انسي ذيج الايام ولا ممكن تروح من بالي..

شلون الغريب وكفلي والگريب ذبني واتبره مني..

حطت كدامي استكان ووبنصه جوزياه ووصبتلي
ريحته تموت الهيل مختلط ووي طعم ورق الجاي
وومنطي طعم رهيب..

ووخلتلني بصحن الاستكان فطاير ابتسمت
: شوكت سويتيهن ذني

: مو اني هاي جوارينه دزتلي

: ها كلش طيبات

ضلينه نحجي سألتني على اهلي واني مندمجه اسولف الهه،،

رفعت نظري على باب الحديقه الي يصير عباره عن حداد وومبي اي حاجب عن الشارع،،بس عالي واحنه كاعدين بعيد يعني منبين،،،

شفت اركان يتمشى ناحيه الباب وبصفه واحد
ممبينه ملامحهم بس عرفته اركان من شعره الطويل يعني شعره لأذنه،،.

ركزت بلي بصفه طوله ووجسمه احس شايفته وي مادري وجهه مامبين شمس عاليه ووبعيدين علينه..

همست:اكولج بيبي هاي اركان ويا واحد خل ندخل جوه..

شربت جاي وكالت بعدم اهميه
: لا جوز واحد من ولد عمه

عدلت الشال على راسي وملابسي،، ودنكت اخوط بالجاي صوتهم صار قريب علينه ودخلو للحديقه..

رفعت طرف عيني ووشفته ملتفت بوجهه على اركان ووماعرف شيكول اله وويبتسم،،،

يبست اطراف مامصدكه فركت عيوني رؤيا وضحت اكثر حسيت برجليه ترجف ودموعي تغزو عيني،

شجابه من بعد هالمده شنو كعد من النوم وتذكرني..

لو جان مصدك انو اني ميته ووهسه يلا صحى..

بلعت ريكي تعبت اصيح تعبت اعاتب واعارك..
ضليت ساكته لحد ما وصلو ليمنى سمعت تنهيدته الطويله وووام اركان عبالك تعرفه كامت علي ووحضنته وتصيحله وليدي..

جنت منزله عيني على الكاع ولا شفته ولا لمحته اصلا استغليت وكفت ام اركان كدامي..
واختفائي عن انظاره كمت على حيلي وولتفتت ووتمشيت بكل سرعه عندي ليجوه.

اسمع ام اركان تصيحني بس مجاوبتهه وعبالك مداسمع طبيت للغرفه وواني مبرطمه ومتضايقه ووصدري متخنك اريد ابجي بس دموعي عبالك تجمدت ضلت محاوطه بؤبؤ عيني ورافضه تنزل..

كعدت على طرف الجربايه وولزمت بطني مغصتني،، تقريبا ربع ساعه ودخلو الجوه اسمع صوته وولهفه كلبي تزيد..

اسمعهم يكلوله اسبح ارتاح ووام اركان كالت اله ادخل بغرفه روح،،،.

ماكو ثواني و انفتح الباب حتى مالحكت امسح دموعي باوعلي بنظرات عطف مليانه اشتياق..

مسحت وجهي بردان دشداشتي نزع حذائه بالباب ودخل كعد بصفي على الجربايه بينه كم شبر..
همس بصوت تعبان : شلونج..

دنكت وضحكت بسخريه

روح : ليش اجيت!

قسور : اجيت اتونس، شنو ليش اجيت؟

صحت وونداريت علي : اييي ليش اجيت احسب صارلي شكم شهر اني هنا؟ ماشفت حتى خيالك مكالمه منك ماكو اني نسيتك وواتأقلمت هنا انت هم انساني مثل ماجنت ناسيني كل هل اشهر هاي...

قسور :شجاي تخربطين انت! عرفتلي شصار حتى هيج تتهجمين عليه؟

زفرت نفس : قسور اسكت رجاءً ماريد اعرف اي شيء لا عنك ولا على ذولاك الچلاب..

اجيت اكوك عنه جرني من معصم ايدي وحضني بقوه انهد كلشي بيه جام صامد فتح جروحي ووعيوني نهمرت دموع لا ارادياً وشهكاتي ونشغاتي تعالت..

ضربته بهدوء على كتفه واني اكور ايدي
:يعني همه تبرو مني انت هم تتبرى مني والله حسيت روحي طلعت ووحيده ووضايعه وحامل هم وماعرف شسوي استحي اطلع استحي اكل..
سجن جنت بسجن..

مسح على شعري وباسني براسي
: ان شاء الله كلشي خلص

اتبعدت عنه :شنو يعني!

مسح وجهه ووكام على حيله : خل اسبح وواجيج ونسولف

هزيت راسي جان جايب ويا جنطه صغيره طلع منهه قميص وبرموده وودخل للحمام مال الغرفه
شويه ووطلع جنت بعدني كاعده على طرف الجربايه هي مال نفر وواحد..

تمدد عليهه ووصاخ اخ بتعب حط ايده على كتفي ووجرني سحبني بصفه وخلا راسي على ايده وويتلمس بوجهي..وشعري.

قسور : ورا مامر اسبوعين على روحتج هدء الجو كلهه طالبت بجثتج بس اني كلت الهم ذبيتهه بچول..

عمتي من سمعت تخربطت ووكعت ركضنه بيهه للمستشفى نشلت رجليهه.. وضلت بالشهر لابسه اسود عليج وتبجي ماتحملن اضل ساكت كلت الهه على كلشي طلعنه اني وياها خارج البيت وحجيت الهه..

نخمش كلبي عليهه ونعصرت عصر شهكت
: شنووو نشللللت شبيههه

:مابيهه شيء نشلت رجليهه ان شاء الله عمليه ووترجع احسن. من قبل اني حاجز. الهه بـ لبنان يم دكتور مختص اعصاب

بجيت عليهه احس اني سبب كلشي صار بيهه من ورايه راحت رجليهه..

شهر كامل الحقراء ساكتين على عملتهم لحد ما لكيت الموبايل مالتج بكنتور قمر

فتشته ولكيته فارغ مابي شيء بس مكالمات من رقم غريب ورا كم يوم قمر تخبلت تدور ووتصيح صديقتي ضامه موبايلهه يمي الي يلكه
موبايل ينطينيا.

ماحجيت وبقيته يمي بيوم بالدوام ملتحق والموبايل وياي اجت رساله بيهه اسم قمر فتحته..

جريده طويله من نفس الرقم المجهول،،

كاتب بيهه قمر مو كلتيلي بس تدزلي الصور وونفضح روح احولك الفلوس راح يمر شهرين ووانت مغلسه ووكل يوم تكولين باجر وباجر..

واخوج علي الجذاب على اساس يشغلني ويا وواجي بالبصره بس هم كلشي ماشفت منه..

مو والله ماتصعب عليه اروح اشهرهكم
روح ماتت ووصورهه انتشرت وسويتو التردونه بعد شكو

ليش تستهينون بيه خل يحجيلك قسور منو اني
اذا متعرفوني...

راسلته على اساس قمر وكتله علي عنده شغل ومايكدر يجيك تعال للبصره وونتشاوف وانطيك فلوس ماكدر احولهن..لان اهلي يسألوني وين وديتيهن..
على الاقل من اطلع وانطيهن الك من ارجه اكلهم ضاعن...

ماقبل بالبدايه بس اقتنع بقت روحي تفور على جيته للبصره اريده هسه گبل باجر جسمي كله يحكني مو بس اديه علي وواريد ابتلي بالخلفه..

بيومهه رجعت للبيت ساكت بس حتى ماتصير ضجه ووعلي يروح يحاجي وانكشف...

انتضرته يجي وجان بوقتهه موعد التحاقي خابرت الهم وكلت العصر اجي والضهر طلعت لمؤمل..

انطيته نفس العنوان الي اخذته الج تتذكرينه؟ صحراء چوله ومابيهه طير الطاير..

جان موجود ووواكف مثل التايهه ووخايف بس شافني ركض راد يفلت جنت بسيارتي صاعد.
مشيت ورا وضربته تكسرت رجلي.

وضل يصرخ بس منو يسمعه محد،،
..
كتلته لحد الموت بس قبل كلشي خليته يعترف
وكال هذا الموبايل جان لروح وواني من طلعت من السجن جان عندي اتصال وياها..

كتله شنو اتصال وياها

كال يعني جنت احاول وياها بس. هي تهدد بيه بيك ورا فتره رجعت هي راسلتني على اساس روح..

واني ادري بيهه مو روح من طريقه كلامهه كشفتهه واعترفت كالت اني بنت عمهه وانطتني خطهه ووطلعلي هذا الرقم.. ردت اعرف منو...

المهم ضليت احجي وياها وواحجيلهه عن روح ردت افضحهه وافضحك..

سولفت كل سوالفهه القديمه وكلت الهه صورهه عندي ماصدكت...

كلت الهه والله صورهه عندي موزعهن على موبايلاتي ووموبايلات اصدقائي اذا انطيهه الج تفضحينهه..

كالت اي اني اكرهه
..
ورا فتره يمكن اخوهه شايفهه تراسلني وشاك بيهه هي حاجيتله كلشي وهمين اتصل عليه ويريدني ادز الصور
..
قبل كلشي فتشت جيوبه يمكن بيههن تلث موبايللات اخذتهن وورجعت شبعته دك لحد ما ضل ينزف ومايكدر يكوم لان رجلي تكسرت.

عفته ورحت بنفس اليوم رجعت للبيت لزمت قمر وعلي ووثنينهم سحلتهم وخليت قمر تحجي كلشي الابوهه الشفيه ووالحبوبتي ووتوسلو بيه ما افضحهه...

عمي حسين دنك على رجلي يبوسهه ويكلي اموتهه خلاص بس لا تفحضنهه..

علي طردته من البيت بعد ما اخذت حيفي منه قمر خليت ابوهه هو الي يعاقبهه صدكي وثقي بالله صريخهه سمعه سابع جار حتى من الدرج شمرهه.

وعمامج البقيه كلهم تخبلو عليهه وونقلوهه للمستشفى ويردون يعرفون شنو الي خله عمي حسين يسوي هيج..

ضحكت بسخريه :اي هاي قمر قابل روح..

وضليت ساكت مو ومحجيت بس لان عمو حسين باس رجلك؟

: لا فحضتهم فضيحه دزيت على شيوخ عشيرتنه نفسهم الي طالبو بدمج وحجيت كدامهم..

محد منهم تجرء يجذبني بعد ما عمي حسين اعترف بلسانه..
..
بعت البيت الي بصفهم وواشتريت واحد بصف صديقي الي ببغداد مو مالته وباعه الي.. .

تنهدت : وماكلت الهم عليه؟
: عمتي بيوم الفضحتهم هي حجت وماصدكو كالو الدم والشال مالتهه وغضبك بلحضتهه.

ووين وديتهه.. ماحجيت التفاصيل بس كل الي كلته اني مافرط بطفلي ومرتي علمود حجي كاله السانكم الزفر..

ابتسمت ودفنت راسي بصدره
..
انتضرت صلاه الفجر ساعه ساعه توضيت ووطحت بين ادين ربي اشكر وواتحمد وابجي من كل كلبي فعلا حسبي الله ونعم الوكيل طلعت حقي ووالله محد ينظلم مدامك موجود ووفوكنه..

شافني قسور ووكعد كدامي وواني بالمحرم خلصت وزحفت ليمى كدامه لزمت ادي..
ووشهكت : ماعندي غيرك انت امي وابوي وواهلي ووسندي..

قسور : ورب محمد اغلى واعز من دمي ياروحي..

اباوع على دموعه عالقه ببياض عينه وكبريائه مانعهه تنزل غمضت عيوني بأدي وبست جفونه..

همست بصوت خامل : اريد نبدي بدايه جديده بعيده عنهم..

قسور : ان شاء الله

ابتسمت : تدري الي ببطني ولد

قسور : شلون عرفتي

: عندي احساس اضافا اله كشفت عليه جاره ام اركان هي جده وكالت ولد..

وونفس اعراض حملي السابق..

ابتسم :كلشي يجي هلا بي
..
ضلينه يومين طلعنه سفره وي اركان وامه لاحد مصايف السليمانيه وهي سوت جدر دولمه ووبرياني وواجواء تخبل فرحت حيل كل شويه مباوعه القسور وواشوفه شلون متغير والشيب تارس راسه انمرد

مانستحق الي صار بينه

ووثاني يوم طلعنه الفجريه من السليمانيه بعد ما ودعناهم طول الطريق يسألني شلونهم وياج؟

واني اجاوبه بـ يجنون ثنينهم ووامه حنينه كلش تحسسني اني بنتهه و تخاف عليه ووتقلق ومتنام اذا متنومني وومن بطني توجعني اله تسويلي علاج بيدهه ووتشربنيا يلا يهدالهه بال

كال نطلع للبصره نجيب عمتي ملابسج ووننطلق البغداد

:الحمدالله يعني عمتي راح تجي ويانه البغداد!

: اي طبعا تعيش يمنه ليش وين تردين اخليهه يم عمامج الهتليه

:لا اصلا هذا احسن شيء تسوي

رحنه للبصره نمت اربع مرات بالسياره الطريق كسرني تكسر بقيت كاعده بالسياره كال ابقي اني انزل اجيب عمتي واجي..

كتله شنو مانرتاح من السليمانيه للبصره للبغداد

قسور :لا نرتاح بس مو بهالبيت الاكشر

بقيت كاعده بالسياره ومغمضه عيوني اريد انام
وهو نزل شويه وفتحت عيوني بهدوء من حسيت احد قريب عالسياره فتحت عيوني ونصدمت من شفته عمو حسين وودريد وراهم ابو قسور..

رجفت بخوف ووحضنت نفسي... همه باوعولي بخزره وتخطوني دنكت راسي طلع قسور متجرئو يباعوله ولا بنص نظره ووابتعد عن السياره فورا

عمتي خطيه على كرسي متحرك من شافتني رادت تطفر من يمه فتحت الباب ونزلت عليهه

دنكت عليهه وحضنتهه خطيه هي شبعت بجي وتتلمس بيه ووتهمس بيني وبينهه
: ولج ماصدكت والله ماصدكت كلت قسور مايسويهه وهي بعز شبابهه ووبريعان عمرهه.

جنت ادري بي مايفرض بروحه يابعد روحي

بست راسهه : فدوه الكلبج امي انت..

قسور : يابه اصعدو يا وكت هالسوالف هسه..

صعدهه ليوره وواني كعدت يمهه ماقبلت اعوفهه وطول الطريق حاطه راسي علي رجليهه ووابجي بسكوت وهي تسألني عن ابني..
..
جاب النه غده واكلنه بالسياره لان عمتي صعبه عليهه النزله وونمنه بفندق على طريق بغداد
الفجر كمنله طريقنه وبالسيطره..

تلكانه وواحد مبين بغدادي من شكله ولبسه اجه يمنه وصعد بصف قسور..

قسور : الله بالخير

ميمون : الله بالخير

قسور :شنو الاخبار

ميمون : كلشي جاهز من الخيط للابره

قسور : لا صدك

ميمون : وداعتك اغاتي مااغشك اني يلا دوسلهه يمعود شنو تمشي ٦٠ شبيك بابا

قسور : ههههههههه شكو مستعجل عندي مره حامل ماامشي سريع كلشي يصير..

ميمون : بابا تدري بعد ساعه عقدي واني عايف الحلاق ووبدلتي بالمكوي ووجايك.

قسور : هاي شوكت شو مادري اني

ميمون : لا كتلك ووبطلعان الروح حصلتهه رحت مشيه للعماره ووياي شيوخ..

قسور: ههههه لك كمون خلصت النسوان شنو..

: القلب وما يهوى

: اي ابن النعال يدور الصعب
..
اني ساكته ووعمتي نايمه ووصلنه جانت منطقه زينه ببغداد تلث بيوت حسب ماعرفت وواحد مال اهل ميمون والي بصفه مالي ميمون ووالثالث النه

نزلنه من السياره وهو ساعدنه الولد ابد مقصر..
البيت مأثث ونضيف وكامل..

ذبنه قسور وكال انتو ارتاحو اني اروح وي ميمون عيب ووبدل على السريع وراح ويا بقيت اني لابيه اكوم اعزل الهدوم وولا بيه اكعد تعبانه بس منعسانه فتمددت بصف عمتي وبقيت انتظره
..
جمانه
حجه واحد من الشيوخ :يابه نسمع رأي البنيه وونقره الفاتحه ونحدد المهر بالمبلغ الي تطلبه هي...

نصدمت شلون ووشبسرعه! ومعقوله اقتنعو اهل انس؟

بقيت ساكته بابا هو الي حجه بس همه اصرو يسمعون مني واني كلت موافقه بهدوء ووخليت وكمت بقه بابا يتفق ووياهم لحكتني امي تباركلي

رغم فرحي بس خايفه خايفه من همام ورده فعله؟ اكيد مراح يسكت اوف شوكت اخلص اطلع من هم ادخل بالثاني

وصدك متجذب الخبر بليل توني دانام وخابرني يصيح ويصرخ

همام: لج ليش هيج فهميني شنو الي يخليج ترفضيني مو خوش رجال! ناقصني شيء! لو ما استاهلج كلهه تدري بيه جنت ابو نسوان ووميمر اسبوع اذا ما اصاحب اقل شيء ثنين بس من شفتج وكف بيه الزمن الزين والموزين عفته علمودج..

تكسرين كلبي ليش بشنو احسن مني دكتور ميمون..

همست : محد احسن من احد بس الظروف هي الي تقرر تدري كلش زين اني وياك طريقين مستحيل ننجمع بس ضليت مصر ووتفتر وراي وتسويلي مشاكل وبقيت ساكته ومحجيت بس لان ماريد أذيك

لحد ماووصلت نفسك لهل نقطه مابيدي شيء عليك ورجاءً هاي اخر مكالمه اسمعهه منك..

صوتي يبجي جان
: جمانه

سكتت رجع ذب حسره بصوت بس الف اه صوت متكسر متقطع

: ولج ووالله احبج
: الله يوفقك

وغلقته بوجهه ثواني وودكت عليه فاديه ذبيت الهه كولشي بكلبي لحد مارتحيت وهي خطيه مقصرت دعتلي الله يوفقني وباركت

وكالت لو بيدي اجي
..
توني حطيت راسي على المغده بعد صراع نفسي طويل دخلت بموچه حلم غريب

لزمت ووجهه بثنين اديه : اني وياك كلشي نتخطاه سوه

كض ايده الاثنين : انتِ الي مو الغيري

: الك مو الغيرك

: يعني ماراح تعوفيني

:اني وعدتك اذا رجعت احسن من قبل فاني سند الك ووياك حبيبه وزوجه وصديقه وكلشي بس اذا بقيت مستمر بالي دتسوي فمستحيل اكدر اكمل وياك.

ابتسم:جومانه اني اعوف الدنيا كلهه علمودج

: هههههه هذا كلام بس كلت هيج سابقاً ووعدتني ورجعت مثل قبل..

همس :مو بيدي

: تتذكر شكد تعبت يلا حصلتني وماستسلمت؟

هز راسه

: اي خليك على علم اذا ماتغيرت راح اروح من ايدك وراح ترجع النقطه الصفر فحارب نفسك علمودي..

تنهد ووتقرب علي يريد يبوس شفايفي حطيت ايدي على صدره ودفعته : ماتخطي ولا خطوه اذا ما تتغير..

: مجاي اتحمل انت كبالي وما اكضج، روحي مجمره عليج

: كلشي بالصبر يُنال
..
فزيت مثل المخبله عركانه لا والله سابحه بعركي ارجف شنو معناه هذا الحلم! ومنو الي جان بالحلم..

ميمون لو همام!؟

عاجزه افسر اي شيء عقلي تلخبط كمت اخذت ابني ورحت الامي دكيت الباب عليهه طلعت

جمانه : يمه خلي انام يمج

: اسم الله شكو

: ماكو بس تحلمت وواريد انام يمج..

سمت عليه ووقرت آيات على راسي ودخلنه اني وانس ووابويه كام من فراشه مرعوب شكو..

رباب : الزعطوطه مالتك حلمانه واجت يمنه

ابتسمت كام عليه لزم وجهي بثنين ادي
: شبيج باباتي

: هههه مابيه شيء

: اذا على موضوع الزواج ف من باجر مستعد اخابرهم وواكول ماكو قسمه اهم شي رضاج ماريدج تروحين مغصوبه والدمعه بعينج حاجيني ماقابله!

: لا بابا مو ع هل سالفه والله بس اني حلمت حلم مزعج

: هاهيه نامي يله
وباسني بخدي فرشت يم جربايتهم بالكاع ونمت
..
ثاني يوم اجتنه ام ميمون وواخته شافني ووانطني فلوس علمود الجهاز ومدري شنو وحدد الخمس يوم العقد.

اني مردت حنه ولا عرس نعقد شيخ وورا فتره نعقد محكمه..

تمنيت روح موجوده ونطلع نجهز اني وياها بس اخابرهه مترد اخبارهه مكطوعه كلش..

اشتريت كم شغله ضروريه ووكم قطعه للطلعه واكثر شيء للبيت..

حجزت صالون وواشتريت قفطان ابيض بي شغل ذهبي للعقد

وبيوم العقد الصبح كعدت خنكه بصدري بس مقاومه اني عادي عندي لا فرحانه ولا متضاايقه

بس متردده اخذت انس ويايه للصالون ورحنه

تأخرت شويه يمهه ووهو هم اتأخر ورا الموعد بساعه يلا اجه وواني بقيت انتضر ببرود..

حسب كلام النسوان جنت طالعه حيل حلوه
خاصا انو ملامحي كبرانه وبارزه اكثر بأول زواج الي جنت صغيره كلش،،،

عقدنه ووصوت الهلاهل سووه صدى جنت مخليه شال ابيض على راسي ومدنكه امه اجت يمي تبوس بيه ووتطش فوك راسي جكليت..

ووتشوف الاقاربهه بيه هاي مره ميمون شوفنهه جنهه لعابه وصغيرونه تخبل.

متعجبه شبيهه مادري بس يمكن جانت تضرب بسامير لان اكو وحده بنيه تطلع ب ٣٠ بنت خاله يمكن تباوع بخزر..

اجه هو جان لابس نيلي وبيجي حيل فرحان لبسنه الحلقات باسني بكصتي وولزم ايدي حيل
متوتره جانت علاقتنه رسميه متوقعت توصل لهنا..
.
اتذكر من كلي تقبلين بيه وتشبعيني چرك..

ابتسمت لا ارادياً باوعلي
: ضحكينه وياج

: تذكرت من كتلي على الچرك

: الله حشبع چرك من هالادين الحلوه

نصيت بخجل
..
طلب نكعد وحدنه ووسبقني للاستقبال نزعت الشال ووفردت شعري الاسود المسرح ودكيت الباب علي ودخلت ماما حطت بأيدي صينيه كيك وعصير..

جان لقائنه حيل جامد هو يباوع ووصافن ووبس. يعض بشفته وويبلع بريكه وواني احير وين اخلي عيوني..

لحد ما اجه ببالي ذاك الشيء المزعج ونطقت
: اريد اكولك شيء
🖤🖤🖤🖤🖤🖤
ايزابيل