رواية لم اخلق لرجل سواك الفصل الحادي والسبعون بقلم ايزابيل

#بقلم إيـزابيـل
#الفصل الاخير
#لم اخلق لرجل سواك
...
روح

ضوجه وددنيا االليل وقسور لحد هسه مجاي من العقد مال ميمون عفت عمتي نايمه ووكمت افتر بالبيت صعدت للسطح جانت الستاره ناصيه..

وكفت عليهه طبكت سياره ونزل منهه قسور ووميمون..

ميمون منصي راسه بتعب ونازع رباطه والستره بيده ووقسور يمشي موازي اله دك على چتفه وماعرف شكله بعدين افترقو من شفته ووكف بباب البيت وويدك بي..

نزلت اركض جنت توني سابحه وومبدله دشداشه حوامل كلوش بعد تعب البيت والتعزيل...

جان ممر اضلم طويل ضيق يأدي للباب ووكفت خلفه ووهو دخل نزع حذائه بالباب وابتسملي..
فتح اول دكمه من قميصه رفعت طرف حاجبي
: شنو حتنزع هنا ترا اكو غرفه..

ميل راسه بملل : لج تعبان كوه وواكف على رجليه

لزمته من معصمه وجريته بهدوء جنت امشي بحذر من كبرت بطني تعودت مامشي سريع،،،

دخلت للغرفه وودخلته خلفي ووهو يتثاوب ويفرك بعيونه جان مشتغل ضوه احمر بالغرفه..

طبعاً كامله كنتور جربايه ميز مرايه البيت كله مأثث مثل ما كال صديقه من الخيط للأبره..

جريته من ياخه قميصه الابيض عليه ووبلشت افتح دكم قميصه وهمست : اني اساعدك..،

زفر نفس ببتسامه ولزم اديه دنك باسهن..

روح : تدري بابا قبل لا اروح للسليمانيه اجاني بالحلم وكال وصيته عليج منو جان يقصد!؟

رفع طرف حاجبه
:بالصغر ابوج جان دائما يوصيني عليج.

: اي اتذكر كتلي من تاخذني نلعب بابا يكولك لترجع وروحي مو وياك

: اشش انت روحي اني وبس

ابتسمت وونصيت راسي

: اليوم البيت مال زوجه ميمون مدري وي شايفه اتذكر جاي قبل بس شوكت ناسي

: اخاف جنت تعرف اهل البنيه

: ناسي يمعوده هو بمنطقتكم ترا

:صُدك اي اخاف ما من يمه وولتنسه انت كعدت فتره زينه بمنطقتنه

نزلت القميص عن اكتافه وهو نزعه لتفت داروح اجيبله ملابس من الكنتور
جرني من ايدي ووحضني من ضهري
: مشتاقلج

: اي وعفتني اشهر متنعد بالسليمانيه

: قابل بطران غير علمودج وعلمود الطفل لو واحد منهم شاك بيه قبل لا اكشفهم جان انت هسه موجود كبالي!؟

: بس،،،

قاطعني سحبني عليه وباسني بهدوء احس شفايفي اشتعلت بيهه حرار اشتياق على لهفه على خجل

لمساته جانت توصفلي وتحسسني بحبه الي ورغبته بأمتلاكي بهاليوم تحديداً.

نسه ان هو تعبان ووجان نايم على نفسه..
اخذني اله بكل قوه بحيث مصار يحس بأي شيء..
..
استرجعت ذكرياتي ويا بسلاسه ملفات ونفتحن كدام عيني همس بأذني : انت روحي ووالي

رجعت حجيت بنفس نبره صوته بصوت انعم
: ما انخلقت الغيرك

..
وجانت ليله حافله بالذكريات ثاني يوم الصبح قسور طلع من الصبح ماعرف وين بس سمعته يدك باب ميمون الي بصفنه لزك.

كعدت عمتي وحضرت الريوك وطلعتهه من غرفتهه بالكرسي شافتني وابتسمت
: اليوم الوجهه منور

نصيت بخجل ربتت على ايدي ورفعت راسهه للسما : الله يخليكم ويحفضكم يارب عينك على هاليتيمه واهدي عليههه..

دنكت عليهه من ورا بست خدهه : فدوه اروحلج اني..

تريكنه وفتحت الهه التلفزيون ضلت تكلب بي واني عزلت ورتبت كم شغله للضهر رجع قسور

: وين جنت؟
:جان عندي شغل وي ميمون بسرعه الغده

:شنو شغليش!

: راد يختار غرفه نوم ورحت ساعدته باجر تجي زوجته

:ها ولعد ليش مو هي اختارتهه يعني هلكد ذوقكك حلو

: موبعينج اني

: لا اقصد مو المفروض هي تختار!

:يابه شبيج يكول تعبانه ماتكدر تطلع وهمه سووو العرس بسرعه.

: ها الله يهنيهم

: صدك حضري نفسج ترا باجر همه معزومين يمنه

: يا

:اي والله

: ليش هيج قسور مو تدري اني تعبانه وماكدر اتحرك ووالحمل مأذيني بيه حيل عزايم وحتى محد وياي يساعدني

ضاج عليه وكلب وجهه : شهالحجي الولد مفضل عليه من راسي لرجليه وباجر يجي هو ووزوجته لبيتهم معقوله ما نعزمهم ماعرفتج هيج. وهمه نفرين قابل عشيره

: والله مو نحاسه لو شيء بس تعب

: خلص هاهيه اني اجيب اكل من بره

ابتسمت : خوش حجي

اتنهد : اهم شي راحتج.

رحت صبيتله غده تغده ونام للعصر كعد خدرت جاي ووكعدنه يم عمتي نشرب ونسولف حاجيته بخصوص المركز كال عارضه للبيع وبس ينباع اشتريلج وواحد هنا قريب على البيت ووننقل الغراض هنا وورا متولدين تداومين براحتج..

متوقعت راح يسمحلي ارجع اكمل بس صدمني هسه وطرت من الفرح بحيث الجاي نگلب على ايدي ولو ما امسحه بثوبي جان حركني.

قسور: شهالثول دنتبهي
روح :والله من فرحتي نثولت

قسور : الي يسمعج يكول جنت حابسج بسجن ابو غريب

روح : لا والله فديتك فري انت كلش فري

قسور : هههههههه ملعونه الحقيره

اباوعله وابتسم ووادعي الله يحفضه الي ويضل هيج كون وميتغير..

بليل صعدنه بالسطح اني ويا فرشنه ونمنه ووغنالي بصوته ياگمر عندي حبيبه احلى من كل البنات... غارت الحوريه منهه

وبكل مره انطرب وكأنو الاول مره اسمعهه اجه ثاني يوم برمشه عين ومالكيت نفسي غير غركانه بالتحضيرات قسور جاب ثنين صواني وواحد قوزي لحم ووالثاني مندي دجاج،،،

واني حضرت مرگات صفره وحمره وزلاطه ولبن
ومن كملت دخلت سبحت ووطلعت لبست فستان
قماشه شلون ال گشمير خفيف ردن كامله ووتبدي الكلوشه من الصدر..
اصفر وبي ورد صغار احمر مال حوامل،،،.

باوعت على قسور بالبرموده الجوزي والبدي الكريمي : هاي ليس مبدلت!

كال بملل وهو يذب نفسه عالجربايه
: هاي شبيج قابل ماشايف ميمون

: واذا مرته راح تجي وو... لالا ابقى هيج لتبدل ماكو داعي

عقد حواجبه : اثبتي على رأيي حبي

: شسوي اذا تبدل تطلع تموت وواني اخاف عليك من العيون هو هيج وودافكر شلون اسويلك اخفاء من يجون

ضحك بقوه وجهه صار احمر
: لا بالله

: اي وداعتك

: لعد خل اكوم ابدل

خنزرت علي كام على حيله وويضحك كرص خدي ووباسني بهدوء بمكان الكرصه: احبج روحي

ابتسمت : واني هم
..
طلعنه رحت چيكت على الاكل ووخدرت قوري الجاي وحضرت حلويات الضيافه وقسور خابرهم

: وين صرت يمعود شحال ما بيتك بصف بيتي هاي اي هنا الحجي دكول اني يم اهلي..

ههه ماشي يلا منتضرك

روح :ها شگال؟

قسور :هسه راح يجون

صبيت استكاين الجاي ووجهزت صحون الضيافه كلت القسور خليهن بالاستقبال جانن صحن بقلاوه وصحن معجنات..

نخبصنه وكل شويه وداخلل للمطبخ خوما ناقصج شي ترا حيوصلون حتى الاكل ضاگه
كال خاف مو طيب..

رغم المطعم نعرفه ثقه بس هو مايرتاح ووقلق
..
وبعد انتضار نص ساعه ندك الباب دخلت خليت شال على راسي ووكفت خللف باب المطبخ بي جامات اكدر اباوع عالكلدور..

فتح الباب قسور دخل اول شيء ميمون جان حيل مرتب وولبسه انيق ووشكله هم ووالبنيه الي ويا مشفت وجهه بس طولهه وجسمهه مبين مال وحده عمرهه ١٨ ١٩ لابسه فستان مورد شيفون لحد حجل الرجل ووكعب ابيض نازك.

قسور واكف كدامهم فمشفت وجهم دخلو للاستقبال شويه ودخل كال تجين تسلمين
: اي طبعا كلي فضول اشوف العروس انتظر البس الشال

خصم عيونه رحت على مرايه الهول لفيت الشال ووطلعت امشي بصفه كلي رغبه بالتعرف عليهم

دخلنه جانت البنيه منصه راسهه ووماعرف شتسولف وي ميمون رفعت نفسهه وباوعت تجمدت بمكاني ثلجت كلي ومن الصدمه فكيت حلكي كامت عليه تضحك
: هههههههههه روح

بلعت ريكي : جمانه

ركضت عليه حضنتني وتضحك بفهاوه ووممصدكه عطت بكل حركه
: متزوجه وجايه البيتي خطار وواني اخر من يعلم ووتحضنيني هم بله وخري وخري....

دفعتهه اني فشلت قسور كرصني من ايدي

جمانه : هههههه واني شمدريني

همست : كافي يالفطيره بس تضحكين
قسور : اي اكول وي شايفهه هاي

لزمتهه من معصم ايدهه ورفعت راسي ووحجيت بغضب : من رخصتكم

اخذتهه سحل وهي خطيه لابسه كعب كوه تمشي فتحت باب المطبخ ذبيتهه بعصبيه ودخلت

روح: وين جنتي هااا وين جنتي راح يصير سنه وانت موبايل مارفعتي وواتصلتي وهسه تسلمين عليه بكل صلافه اجت ايام انت اكثر انسانه احتاجيتج بيهه وصوتج ماسمعته.

دمعت عيونهه : والله والله اتصلت على موبايلج ووعلى موبايل قسور ومحد منكم يرد عبالج رحتي عن بالي مادري شبيج مابيج بس بكل صلاه ادعيلج.

دنكت راسي ودمعتي طفرت شهكت
: جمانه اني تدمرت تعبت حيل بيني ووبين الموت شعره وحده بس الله لطف بحالي..

جمانه : بعد عمري جنت حاسه صاير بيج شيء شسوي لا انت الداريه شصار بيه ولا اني داريه مابيدي شيء..

مسحت وجهي ووهمست
: اشتاقيتلج

: واني هم

:اشتتاقيت للايام الي تتتحمليني بيهن وتركضين وراي مثل الطلي حتى تراضيني وتنطيني اكلج وتجيبلي لفات وعصير لان تدرين امي ماتسويلي شيء من اطلع للمدرسه..

هي تبجي واني ابجي وثنينه ماسكتنه ونناشغ لحد ما دخلت عمتي اتفاجئت ووراح كلبهه عبالهه صاير شيء وبعد ماعرفت واني حجيت الهه رزلتني تكلي صديقتج جايتج هيج تسوين بيهه..

: هههه شفتي عمه رزلتني كدامهم

روح : تخاف عالكرامه تنسحل كدام الدكتور

جمانه : هههههه لعد شعدنه غير الكرامه

روح : صحيح تعالي احجيلي شلون صار هيج ومنين عرفتي

تنهدت وهزت راسهه اخذتهه وطلعنه للصاله..
كعدنه نحجي وكالت الي شلون شافهه وعجبته ووخطبهه و زواجهم جان بس حتى هي تخلص من همام

روح : اي ومسوه شيء بعد!

جمانه : لا اخابر فاديه تكلي كلفني أدور اله على عروس

: اي يتهني احسن من ما يسويلج مشاكل

رغم حجتلي هواي بس حسيت اكو بعد جزء مفقود وماحبيت اضغط عليهه عفتهه براحته..

رجعنه يمهم وقسور لعب بيه لعب يهمسلي جاهل شهالتصرف واني مغلسه اخذت راحتي وياهم وجمانه منطلقه تضحك وتسولف واني ماقصرت.

ميمون هواي ينحب ووهواي متحمل شقه قسور الثكيل صبيت الهم الغده وتغدينه كلنه عالسفره وحده بس عمتي خطيه وديت الهه بصينيه وحدهه..

مكيفه اني وكل شويه اندس بجمانه وواهمس الهه صرتي يمي اشبعي شوف مني..

سألتني عالحمل

روح : شيب اهل اهلي شوكت يطلع مادري

:هههههه ولد لو بنيه

: ولد وحنسمي اسد

: شنو مالكيتي غير اسد مو حلو

عناد بيهه صحت عالقسور
: ابو اسد عيني من يمك اللبن

جمانه : هههههههههه طاح حضج
..
بقوه يمنه ساعه ورا الغده وراحو جان يوم حيل ممتع ومليان صدمات ولحد هسه احط راسي عالمخده وواكول شهل صدفه هاي
.
استقرت حياتنه مبدئياً جمانه بين يوم ويوم العصر لو هي تجيني لو اني اروح الهه وابنهه مموتني كد ما وكح يجي يكسر الغراض ويطلع بس اني ما استحي احجي بوجهه طك بطك.
كلت الهه بعد اذا جبتي وياج اطردج انت ويا..

وهي الفطيره تضحك
..
عمامي بعد ماسمعت منهم اي خبر ولا اريد اسمع
قسور نقل دوامه ببغداد وصار نزول يومي يعني يروح الصبح يرجع العصر..

حجزو هو وعمتي للبنان وراحو على العمليه جنت توني خامس شهر وتعبانه فدنوب ووعافني وحدي بس جمانه تجي تباب يمي هو وزوجهه..
الي خطيه ابد ماقصر..

ومرات اني اروح ونضل سهرانين للصبح اني وياها
نفرغ هموم البعض والي انتبت اله حيل تحب فاديه وومتعلقه بيهه كل شويه خابرت.

ومن تشوفني اضوج اتسده الوتيه ١٠ ايام وورجعو طلعت العمليه بسيطه وناجحه الحمدلله بس عمتي مرجعت تمشي مثل قبل على عكازه يلا
يلا الحمدلله احسن من ماكو
..
فاديه

حياتي هادئه وعاديه ملله ووروتينيه يطلع الصبح للدوام يرجع الضهر احضر اله الغده يتغده ينام ويكعد المغرب يطمن على صحه الطفل واذا محتاج مراجعه طبيب ياخذني للدكتوره وونتعشه برا وكله يوكلني تكه كباب
وميقبل غيرهه..

ووفيتامينات قيامه اخذ كل فتره جايبلي شكل
وميقبل اتحرك ولا خطوه..

مشاعري عاديه تتحرك من يتقربلي وترجع تتجمد من يبتعد..

كل طاقتي السلبيه افرغهه وي جمانه بحيث حتى رهيب متفاجئ ويكولي شنو الي صار وحبيتيهه هلكد..

بيوم رحت لبيت اهلي زياره نص ساعه ووسألت رهف بكل وضوح : ليش جنتي تحرضيني ضد رهيب صارحيني ترا راح زمن البزونه المغمضه!

وهي جاوبتني بصريح العباره بكل حقد وغضب وصوت عالي :جنت اريدج تتطلكين لان صادق ابن عمج اتكفل بس تطلعين من بيت ذولاك الناس هو يتزوجج.

رفعت طرف حاجبني: صادق! لعد وين جان من اخواني رادو يموتوني اول سالفه الاغتصاب هسه تذكر؟

:لا بس ماتوقع ينطوج لأهل اسعد الحقير الله لا يرحمه

خبلتني يعني صادق جان يحضرهه عليه يريد يتزوجني؟ لو يسجني يمه ويطلع حيفه بيه لان هو جان اكثر واحد متحلف الي،،

رجعت خايبه الامل معقوله ذوله اهلي؟ وهاي اختي مستحيل اصدك ماكو هيج اهل يتمنون ويسعون بالشر البتهم..

وصلت للبيت محبطه اول ماصار رهيب بوجهي حاجيته : اني شنو بالنسبه الك!

عقد حواجبه : نعم!

:مشاعرك شنو تجاهي؟

زفر نفس : عوف الحب خلينه عايشين بهدوء

: ماكتلك حبني كتلك شنو مشاعرك عندي واني شنو اعنيلك..

مسح على لحيته ويهز براسه خله ايده على فتحه الصايه وجرني جنت ما لابسه جواها ملابس لان هي ثخيه اصلا..

من عتهه بقوه تكطعت اول تلث دكم وطلع نص جسمي باوعلي بحده : زوجه وشريكه فراش ووام ابني هذا انت بحياتي… يعجبج اكمل

هزيت راسي بالرفض ودموعي وكعت مادري على شنو ابجي انتهت قصتي ولحد هالحضه ماعرف شريد عبالك سالفه اسعد بيه كطعت كل وايرات كلبي وعقلي بحيث خلاني مشتتته ووضايعه..

دفني ووجردني من مشااعري لدرجه ماحس بأي شيء

نكتبت النقطه بعد نهايه سطر حكايتي ولا ازال لهل يوم عايشه ويا مثل ماوصفني بالضبط...
..
جمانه

لحد هسه اتذكر بيوم عقدنه
طلب نكعد وحدنه ووسبقني للاستقبال نزعت الشال ووفردت شعري الاسود المسرح ودكيت الباب علي ودخلت ماما حطت بأيدي صينيه كيك وعصير..

جان لقائنه حيل جامد هو يباوع ووصافن ووبس. يعض بشفته وويبلع بريكه وواني احير وين اخلي عيوني..

لحد ما اجه ببالي ذاك الشيء المزعج ونطقت
: اريد اكولك شيء

هز راسه ويستمع الي

سولفت اله عالحلم ووكتله مره شفتك وورا حايط المستشفى ووماعرف شجنت تشرب..حتى مو جكاره ولا نركليه

تنهد : باعي جمانه احنه بدينه المشوار وماريده يبدي بكذب وواحد يستغل الثاني..

اني بمراهقتي صادقت شله طايشين وجنت اقلدهم بكلشي يسوووونه بس حتى ما يضحكون الشله عليه..

جانوو يدخنون يزنون يصادقون يتعاطون ويشربون حبوب كبسله..

واني جنت بس حتى احاول اثبت نفسي كدامهم
ادخن وواخذ حبوب كبسله..

مراهقتي كلهه عشتهه هيج لحد ما لزمني ابوي ووحبسني ووسكطني ووتوبني بس ماكدرت منعه عني بس بقه جسمي ياكل بيه اكل تخبلت عقل ماضل براسي..

وجنت مقبل على سادس ووزاري فقررت اروح دكتور نفسي وفعلا رحت ولحد هالحضه اني اروحله ومستمر بالعلاج.رغم طبت.

هواي ساعدني حتى بدراستي ووجان بكل وقت يحفزني وينصحني وجهني ووعلمني اصلي ووادعي الله ووكلي من يجيك شعور الرغبه اتخيل نفسك مزنجل وماتكدر تكول وراح تضل ثابت بمكانك،،،،

ووماجذب عليج ذاك اليوم واحد منهم اصدقائي سامع بيه وبعملي بالمستشفى واجه زارني ووحطلي هذا بجيبي ومن راح فتحته ووشفته..

والله اول مره اسويهه من بعد ١٠ سنين مادري شنو الي صار وخلاني استسلم وواخذ منه جرعه بسيطه بس والله بنفس اليوم تطهرت ووطلبت العذر من رب العالمين وتندمت ووسولفت للطبيب النفسي وهو كلي ابتعد عنهم علمود تبقى مبتعد عنه..

بقيت مصدوَمه واباوع اله بخذلان
: ليش مكتلي اول ماجيت خطبتني وقبل لا اصير زوجتك

: لان ماحسيته موضوع يستاهل واني تندمت ووممن المستحيل اعيدهه،،

هزيت راسي كلشي بيه واكف ماعرف شكول احزن عالحضي لو افرح لان واجهه هيج شيء وواتخطاه
وويخاف من الله ويحسب اله حساب..

كمت عفته ووصافنه ووالدمعه تلالي بعيني..
شحشوف بعد اذا رجع علي شلون! اعض اصابيعي الندم والله.

يمه عز بعيني ووابني يربى يم هيج وواحد لا دخيلك يالله شهل بلاء..

بس هو تايب! دايخه ومسطوره وماعرف شسوي..
وكعت نفسي بمتاهه مالهه مخرج،،،.

غلقت موبايلي و ماجاوبت عالتصالاته حتى مارحت ويا نختار اثاث الغرفه..
مخنوكه ووماعرف شسوي..

ووثالث يوم عقدنه الصبح جان المفروض يجي ياخذني اني لليل كله مانايمته وواباوع على ابني واشهك

دخلت عليه امي ونصدمت وتحججت بأنو شلون راح اعوفكم اخواتي ناي وضي ماعافني ابد وايلول تخابر من كندا وتبجي تكول دتكبرين يوم ورا يوم ومو يمج اني..

واتكطعت من كل جهه
..
صعدت بالسياره انس بقه يم اهلي عساس باجر يجيبو اول شيء رحنه الاهله امه وواخواته حيل مكروهات وبينن على حقيقتهن بس ساكته عنهن..

وبعدين كال نروح نتغده يم بيت صديقي واهله زعلو علي لان محضرين ذبايح بس ما اهتم
..
بعد مارجعت من بيت روح بليل هو طلع واني عدلت ملابسي بالكنتور ووشفت ملابس النوم
مالي واهس بأي شي جريت ثوب نوم ستن طويل وردانه تعلاكه لون اسود.

لبسته ووكفت كدام المرايه امشط وسرحانه سمعت صوت باب البيت نفتح وخطوات تتقرب على الغرفه..

دخل وباوعلي بأندهاش رغم جان كلشي بيه بسيط شافني ضايجه جر كراسي وكعد مقابيلي واني على ميز المرايه.

: شبيج ضايجه

مجاوبته رجع كرر السؤال نترت
: برأيك الي عرفته عنك ميستحق اضوج

: حبي هذا ماضي وانت مالج حق تحاسبيني على ماضي ووكتلج ايام مراهقه ومتتكرر ووانطيتج وعد ووعد الحر دين واذا شفتيني رايح بدرب الفسوق الج كل الحق تسوين الي يعجبج..

ادري بيج خايفه على انس شاهد الله احبه مثل ابني وواكثر ومادام انت امه فأخاف عليه مثل روحي ثقي بالله اني رجال امشي بدربي وكل همي المرضى مالتي والعمليات ووطريق الله وطريقج..

من بعد الي كاله مكدرت احجي شيء،،،

كام عليه وكف فوك راسي والاول مره يكون قريب مني لهل درجه تخربطت دنك راسه وهو وواكف واني كاعده وباسني بلطف تضاربت مشاعري وونبضات كلبي تسارعت..

الاول مره احس بهيج شعور قربه مني جان حيل مختلف ومميز بهدوئه وعرف شلون يترك اثر بيه.

بهل لليله سلمت كلشي الرب العالمين ووكلته على امري و بديت حياتي الجديده...

ميمون جان فعلا رجال والنعم منه ووماكلي فديوم على عينج حاجب ولا مشى بطريق سيئ ولا سمعت عنه خبر مو حلو كل الي اسمعه عنه
انو هو يوميه ينجح بعملياته وويزيد هيبه وحضور بين كادر الاطبائه بالمستشفى الي يشتغل بيهه...

خلاني اتعلق بي لحد ما بديت احبه وواعيش يومي حتى اسعده وواسعد انس اكعد من الصبح انضف وهو يكون رايح لشغله ميحب يكعدني يتريك بالمستشفى..

واني بدوري اكعد احضرله غده يعوضه عن الريوك وبكل مره يشكرني وويكلي اول مره اكل هيج اكله طيبه..

اهتم بأنس ووما حسسه بفرق يشتريله يطلعه يلعبه يكله بابا،
ولا حقا بين ليله من الليالي واني نايمه بحضنه سألته شلون خليت اهل اسعد يوافقون..

وكال كلت الهم الغو النفقه مال انس الي تدفعونهه وواني اجيبه الكم كالشهر وبس يبلغ هو يختار عند منو يعيش

واني حجيت هيج لان هو مامحتاج لفلوسهم واني موجود وروحته كل شهر يمهم ماراح يضرج بشيء اضافا على انو من يكبر اكيد ما راح يتخلى عن امه الي ربه بحضنه لعالم مايعرف عنهم شيء،،،

صدمني بحكمته وتفكيره البعيد وشلون يحسب حساب للامور.

وماكو كم شهر مر عالموضوع ووسمعنه بوفاه ام اسعد حيل نقهرت وواخذت انس ورحت الفاتحه
جانت فاديه على باب ولاده

وسبحان الله ولدت هي ووروح بنفس الشهر
ونخبصت بينهن ثنينهن فاديه جابت بنيه سمتهه زمرد وروح جابت ولد سمته اسد.

موتتني بي تطب وتطلع ترا ديربالج تخلفين بنيه ماخذهه الابني،، اني ازوجه من بنات الضباط وي قسور منحب بنات الدكاتره..

واني اضحك عليهه هي تتشاقهه واعرف بس قسور يكلي معليج بس جيبي بنيه وواكبعهه براسه غصبا ماعلي ياخذهه..

وفعلا وراهن بشهر حملت وصارت عندي بنوته سميتهه رسل اوكح من انس ميمون كل يوم يكبر بعيني بعد ماشفت حبه للاطفال واهتمامه بيهم.

وحبه الي حتى من نتعارك ميصيح عليه كدامهم ولا يحاسبني يكول اريدهم يحترموج وويحترموني ويعرفون علاقتنه مبنيه على الود

من بعد ماماتت ام اسعد محد بقى يطالب بشوفه انس فرتاحيت من هل ناحيه..

همام تزوج بس لحد هسه ماعنده اطفال ميجي بفرع بغداد فقط يشتغل بفرع الي بالعماره.

َومرته حبابه وحلوه شوفتنياهه فاديه،،،

وكان من الممكن ان تكون الي حكايه ويا..

بس الرجل الي مانخلقت الغيره اني ام اولاده اليوم... النهايه

اذا اكو شيء نسيت اذكره وبقه مجهول عندكم كتبولي بالتعليقات وواضوح الكم وشكرا لحسن المتابعه وصبركم عليه واخيرا من بعد تعب تم ختم الروايه هاي الاذيه مع احترامي الجمانه😁🙏

بتاريخ الاربعاء ١٨ /8
الساعه ٢:٤١

🖤🖤🖤🖤🖤
ايزابيل