رواية لـم تسمعني الفصل التاسع 9 - بقلم الكـاتبه: ‏ࢪنــ♥⑅⃝𝄞ـو♥︎𝑅𝑒𝑛𝑜

كاتبه رنا حسن.....
الانستا 1[ keraz.2003 ]
الانستا2{ anoo._.2003 }

/*/*/*/*/*/*/*/*/*/*/*/*/*/*/*/*/*/*/*/*/*/*/*/
مرات تحصل بالصدف 🥀
نضرات بيني وبينه 🥀
وأصفن وأحير وأرتبگ 🥀
يا لون هذا بعينه 🥀
/*/*/*/*/*/*/*/*/*/*/*/*/*/*/*/*/*/*/*/*/*/*/*/

هديل :شويه وباوعت شفت لغررفه ضلممه
وصووت غرريب بيهة صحتت مننو منوو محد جاوب شويه ونجرريت من رجليه حييل وكعت بلكااع ضلييت اصررخ من لوجع احس بطني تتكطع

واصييح كمالللللل طففلي رااح كماللللل بس ماكوو
اسمع بس صووت واحد يضحككك
واني اصررخ ملخت روحي ماكوو شخص يرد عليه ولغررفه ضلمه ماشوووف
ضلييت املخ بوجي وابجي
شويه وحسيت شخص يضرب علا خدي اسمع صوت بس مو واضح
شويه شويه وعيت علا نفسي
فتحت عيوني بقوه اشوف كمال فوك راسي
واضح بوجه لخوف
التفتت يمين ويسار لكيت روحي علا جربايه
وكلشي طبيعي باوعت علا كمال وحجيت وشفايفي ترجفف
ك كم كمال ط طفلي

كمال :اششش بوويه كابووس كابووس

هديل :ل لا وربي كمال سمعتته يضحكك
س سحبني من رجليهة وك وكعني

كمال:شش بنيتي ماكو شي ولج هديتي حيلي ومابقيتي عقل براسي
تخبلت من سمعتج تصرخين مالحكت اوصل لغرفتج

ام كمال:اسم الله يمه هاذا حلم سمي بالله
ورجعي نامي وباجر اخذج للدكتوره وشوفي طفلج
لاضلين تبجين مو زين عليكم بهل ليل

هديل :ماا ماريد انام وحدي ابقوو يمي

كمال :روحي يمه اني ابقه يمهة روحي

ام كمال:ولك يمه انت هم ارتاح تعبت ليوم

كمال :هوة الي عده جاهله مثل هدوش شلون يرتاح ولج يمه حته من يصير عندي جهال ماتعب بيهم لئن امهم تكفي وتوفي صايره طفله صرت استحي أكول مرتي كله بنيتي أكول وره سوالفهة

ام كمال:ههه الله يديمكم يمه

...ولد هدوش لاتعبين ابووج امووتج هاذا وليدي من يوم يومه متعوب وهسه انتي مفرفحه كلبه

هديل :ههه حاضر يمه بس كوليله لايعوفني وحدي يعرفني اشوف كوابيس وخاف

كمال :بويه ماعوفج ماعوفج وحق من انزل القران

هديل :هزيت راسي وبكيت ساكته طلعت عمتي
بقه كمال يباوعلي بحيره واني مفرفح كلبي تفرفح
بسبب لحلم وبسبب هل حقير الي سمعته يضحك علا أوجاعي
يارب ماعندي غيرك يارب ماريد يمس طفلي اي اذيه هاذا ثمرت حبنا وتعب هل سنين
ماريد اخسره بعد هل صبر حته اشيله بحضني
ياربي ماعندي ابعد عندي وعن عائلتي كل شخص يحاول يدمرنا قاطع صفنتي كمال وهوة يكول

كمال :بويه وين صافنه

هديل :احم افكر بل حلم اخاف يتحقق ونبي اموت

كمال :اششش بوويه شهل حجي هاذا كتلج حلم
نشالله ماكو شي

هديل :نشالله 😔حجيتهة بنكسار

كمال :احجيلي لحلم سولفي لاضلين ضامه بكلبج مو زين عليج

هديل :بديت اسولفله علا لحلم وهوة يسمع ويهز برأسه ويكول اي
لحد ماخلصت عافني وراح للباب قفله واجه تقرب يم جربايه وكال

كمال :لايضل بالج انسي لحلم وماكو زلمه ابن زلمه ياذيج لا انتي ولا طفل فهمتي
يالله بنيتي شطوره سويلي مكان حته انام

هديل :هههه ضحكت علا سوالفه واحب من يكول بنيتي احس بأمان وراحه

احم سويتله مكان اجه تقرب كعد علا جربايه
باعتبار احنا مزاعلين أو هوة بس مزاعل وياي ومايصدكني ضال بعيد عني مو مثل قبل لمهم نام علا جربايه بل حافه واني تمددت تغطينا وسألته
احم كمال لشوكت نبقه هيج لااحنا طايرين ولا ضالين ماتحمل تعاملني بهل برود ماتعودت عليك هيج تتصرف

كمال :بويه اريد انام عوفي هل سوالف وخلي بالج
اني ساكت ومتحمل بس علا مود الي بطنج لو مو هوة من زمان وديتج بيت اهلج وانتي تعرفين أكثر مني اهلج يكرهونج واذا وديتج ميتعبون نفسهم
بثواني يموتونج واني ماريد تتاذين لهاذا سبب جبتج بيت اهلي

هديل :كمال لويش مصدكني وربي ماخنتك ولا فكرت بغيرك

كمال :اثبتيلي هاذا شي وثبتي انتي ماخنتيني
ورجع مثل قبل واحسن وياج بس انطيني دليل إثبات اي شي

هديل :كمال وداعت عيونك ولك انت
انت ابن روحي شلون اخونك ماكو رجال يملي عيوني غيرك واذا تريد أثبات يجي يوم ولكنه إثبات وخليك صدكني هسه اني حالي حالك مصدومه وجاي ادور علا الي جان سبب

كمال :هاهيا نامي ومن تلكين دليل تعالي تصبحين على خير

هديل :ماردت اطول بل كلام
احم ونت من أهل خيرر
انطاني ضهره
شويه وحسيت أنفاسه انتضمت عرفته نام
ضليت اتكلب ولوب شويه شويه خليت ايدي
علا بطني وغفيت ........

صباحآ....

فزيت حسيت بحراره تلفح وجي
فتحت عيوني شفته كمال
لازم ايدي ومخلي رأسه علا مخدتي قريب حيل عليه
رفعت ايدي ضليت العب بشواربه
اعرف بيه هاي لحركه دغدغه

كمال :بويه وخري ايدج خلي انطمر

هديل :يمه وحيد كلبي بعده نعسان

كمال : استغفرالله العظيم

هديل :اووي فديت اكولك باباتي
انت دوم تستغفر بسببي وتحصل حسنه
اني همات احصل حسنات من اخليك تستغفر

كمال :يالله لعقل لعقل
بويه انتي مخبله لو بس ناويه تخبليني

هديل :ياا هسه اني شسويت غير داسالك

كمال :اشوو وخري من يمي افضل اكوم نعسان
ولا اضل نايم يم وحده طفله ولا دور راح صير حامل هسه اني اربيج اربي ابني فهميني

هديل : راح تحبه أكثر مني ؟؟؟

كمال :يااخو زينب صبرني

هديل :اهووو هاذا شبي مايتحمل لا شقه ولا كلام
عافني وراح خاف صدك راح يحب طفل أكثر مني
ونبي اموته غير شحده ضليت ادردم ويه روحي
شويه وذكرت ليوم اروح للدكتوره طفرت من مكاني بسرعه رحت طلعتلي ملابس ودخلت سبحت وطلعت مشطت بسرعه نزلت لكيت كمال وفاروق

..احم صباح الخير

كمال وفاروق ...صباح الورد

عفتهم ورحت للمطبخ اساعد عمتي

شسمه صباح الخير عمه

ام كمال:صباح الورد يمه تعالي ساعديني حته نخلص ونلحك نروح للدكتوره

هديل :حاضر عمه بديت نحضر خلصنا وبديت اوديهن للصاله خلصنا كعدنا ناكل شويه
وحجه كمال

كمال :فاروق ليوم عندك شغل؟

فاروق :لا ماعندي شي كاعد بل بيت

كمال:لعد وصل هديل وامي للدكتوره ليوم
موعدهم اني عندي شغله ضروريه ماكدر اتاخر عليهة

هديل :بلعت غصتي ودنكت اكل وحجي بكلبي
يعني هاذا حبه زين ليوم ميريد يجي وياي ويشوف ابنه هوة شنو ذنبه ؟

ام كمال:ولك يمه عوف شغل هسه تعال شوف وليدك

كمال :يمه اشوفه مره ثانيه ماطايرين بس هسه عندي شغله مهمه ماكدر اعوفهة
بس اخلصهة وره اسبوعين اني اخذهة ونشوفه

ام كمال:هاهيا يمه سوي الي يريحك

فارس :كمال شنو هاي شغله مهمه الي اهم من شوفت ابنك وماعرف بيها ؟

كمال :لاضل سربت ماكو شي اهم من شوفت ابني
بس ماكدر اروح ليوم عندي شغله من اخلصهة اكولك عليه دير بالك عليهم يالله اني اترخص
بويه هدوشتي تردين شي

هديل :باوعتله بنكسار وهزيت راسي ب معنه لا
ورجعت نزلته ودمعتي بعيني ماريد يشوفها
تقرب عليه رفع راسي وكال

كمال : وحق من انزل القران
هاي روحتي علا مودكم لاتفكرين اكو شي اهم من شوفت ابني الي منتضره سنين وداعت
دموعج الي تحرك كلبي علا مودكم لازعلين
وعوضج وداعتج

هديل :هزيت راسي وحجيت واني وابجي وشفايفي ترجفف
روح الله وياك دير بالك علا نفسك
بأس راسي ولتفت علا فارس
وكال امانت الله ورسوله عينك عليهم

فارس هز رأسه كمال طلع واني كمت لميت
المواعين غسلتهن كلهن رحت بدلت لبست تنوره
وقميص ساده بيه بروشه
نزلت شفت فارس يباوع عليه من فوك ليجوه
بلعت ريكي وحجيت

احم خلصت

فارس :روحي صعدي بين ماقفل لباب وجي
اني صعدت قبلج

هديل :هزيت راسي ومشيت شويه وستوقفني صوته وهوة يكول

فارس :ليوم غير ههههه حضرولي رواحكم

هديل :بلعت ريكي من حجه هيج يعني شنو قصده
لاحضت نفس ضحكت هاذا لولد الي شفته بل حلم
معقوله هوة نفسه زين لويش ياذيني
عفته ورحت تركض للسياره خايفه ورجف
شويه وجه صعد شغل سياره وطول طريق هوة يباوعلي من جامه ويغمزلي
واحد سز الحمدلله وصلنا حيل فرحانه واخير راح اسمع صوت دكات كلبه
دخلنا اخذنه باص شويه وصاحوو اسمي
دخلت اني وعمتي الي فتحت كامره اول مادخلت
تريد صور دكات كلبه

دكتوره :تفضلي ماما كعدي علا سديه

...كعدت رفعت قميصي وماعرف شنوو خلت علا
بطني وضلت تفرك بيه وتلعب بل جهاز مال فحص
شويه وكالت مستعده سمعين صوته
احم اي اي حجيته واني جسمي كله يرجف من
فرحتي
شغلته وبديت اسمع دكات كلبه اوووي فدييت
هل صووت ياروححي

دكتوره :ماما تردين تعرفين جنس الجنين

...اي

دكتوره :الف مبروك بيج ثنين ذكر

هديل :بقيت مصدومه ش شنوو تووم

..اي ولد شتردين بعد

ام كمال:كلللللللوشششش يبعد حيلي يايمه
واخيرآ راح اشوف ولدك ياكمال ولك مريتك حامل بتوام ولد شتريد بعد ولك هاي صار عندك 2جهال ويه مرتك 3

هديل :ضحكت من كل كلبي ودكتوره ضحكت علينا
عرفت عمه صاعده اتصال كام ويه كمال
عابتله يعني اذا يصعد اتصال لويش ماجه

ام كمال:هاج يمه زوجج يريد يحجي وياج

هديل :اخذت جهاز واني ارجف
اول ماشافني كال

كمال : اروح فدوه لهل وجه يبعد بيتي

هديل :يبعد حيلي

كمال من حيلي علا حيلج يا اول ذنوبي واول حسناتي

هديل :لويش ماجيت ونبي حتاجيت تكون
يمي مو مال احجي وياك برساله وتصال حجيتهة
واني ابجي وشهك

كمال :لاتسولفيلي علا حزنج اني افهمج وماعليج من المسافه حته لو نحجي برساله اني يمج

هديل: ياعيون كلبي ودفو ضلوعي

كمال :ياجمره كلبي

يتبععععع......

.............................................

لاتنسوون تصوتون وتتفاعلون
تصويت ⭐⭐⭐⭐⭐⭐
قفله لطيفه ماريد اهبطكم خليها
لهبطه علا بأجر