رواية لـم تسمعني الفصل الرابع والعشرون 24 - بقلم الكـاتبه: ‏ࢪنــ♥⑅⃝𝄞ـو♥︎𝑅𝑒𝑛𝑜

كاتبه رنا حسن.....
الانستا 1[ keraz.2003 ]
الانستا2{ anoo._.2003 }

﴿-------------------------------------------------------﴾
المهم رديت بس مغوركه عيوني
رجعت احضن حياطيني
رجعت وروحي توجعني
واحس بس غرفتي التكدر تواسيني
بجيت من المخده لاخر احلامي
لحد ما غوشت عيني
﴿-------------------------------------------------------﴾

كمال :اخخخ يايمه اببببنننججج كسررنييي
بهل أثناء طلع دكتووور وجه مايبشر بل خيرر
ركضت بخطووات صعبه ومتعبه

حجييت ومانكر لخوف اكل كلبي لأن اعرف حالتها مو زينه بسبب ضررب الي حصلته

دكتوورر بشررر بنيتي شلووونها احلفك بكل شخص عزيز عليك

دكتور :مع الاسف حالتها كلشش مو زينه عدها ارتجاج قوي بل دمااغ وكسوور هوواي بضلوعها و

كمال :حجييت وحسس نفس ماكدر اسحبه
ايي وو شنو كمل شبيها بنيتي

دكتور :خليكم اقوه من هيج متعرضه لضررب كلش قووي وعمود لفقري كلش تعبان عدها ويجوز إذا ضلت عايشه ماتكدر تمشي واحتمال 8 من

100تعيشش لبنيه منتهيه ماضل عضم صاحي بيها
وعدها ارتجاج بل دمااغ كلش قووي واحتمال إذا ماكعدت منا الأربع وعشرين ساعه تدخل بغيبوبه لو تنشل وماعدكم غير الدعاء سوينا الي علينا ولباقي عليكم ادعولها

وربي يكومها بسلامها
اني اترخص بويه

كمال :ضليت متجمد ماكدر احجي معقوله تمووت وتعوفني ؟
لا لا حته تفكيرر ماكدر افكرر بيها لا هديل ماتعوفني اجتي امي حضنت راسي واني صررخت بعلوو صوتيي

ولجججججج يممممه ابننننجججج كسرررروني
يايييمممه اخوووي وسنددد ضهررري كسررررني
ولججج يمممه كلبيييي يوجعني يايممه كلبيييي

ام كمال:احجي واني ابجي ومحترك كلبي
ولكككككك يمممه سودده عليه ولكك يمهه شبيي اخووك ولكك شمسوووي فهمننني غيييرر اعررف اخوووك شعليي ؟

كمال :رفعت راسي الها واني مكسوور حجيت بكلبي شكوول ؟اكول ابنننج كسررني ؟لو شكوول
بس لازم تعررف حته لو تتاذه بس لاتضل مخدوعه ببنها

اخخخخ يايمه شحجييلج شكوول تعال خويه شاهين احجيلها حته ماعندي حييل احجي شكوول اخوووي عينه علا مرتي وخطفه وضربها هيه بس سمعت هيييج ضرربت حييل علا صدررها وكالت

ام كمال:يعععع يمممه شمالك تخبلت هاذا اخووك ولكك يممه مايسوويها شبييك يممه هاذا اخييك زغيرون لا لا فارس ميسويها لايمه لاتشك بخيك

كمال :خووويه شاهيين سمعها بصمات بنيتي وهيه تبجي وشلون يضرب بيها اخخخ ولجج يمه تمنيتها من غررب مو من اخويه

اجه شاهين فتح جهازه وشغل بصمات الي بجهازه واني اسمع احسس ناارر بكلبيي شسووي شسووي اخخويه كسرني ببنيتي اباوع علا امي بس عيونها

تجرري ماحجت شي باوعت علا شاهين وكلت خويه كاففي يبست كلبي طفيي دررت وجي علا امي بعدهي تبجي رفعت راسها شافتني نزلت دمعتي وهيه صاحتت بحرركه

ام كمال:يااااااتعبببييي بيييك يافارس هييج ولكك اجاززي تعبي وتعب اخووك ولكك شمسوويلك ولكك شدعي علييك ونت من لحمي ودمي

ولككك يمممه صخمت وجيي ولكك يممه هييج جازيني ولككك هاذا اخييك ولك شلوون انطاك كلبك تضرب هل فررخه ولك ماتتحمل ضرررب ماتتحمللل

كمال :ضلت تصيح وهيه محروك كلبها وتضرب بوجها وبصدرها ماتحملت خذتها بحضني وبوس برأسها اريدها بس تسكت اخاف يصير بيها شي بثواني ماحسيت بيها وكعت عطت بصووت

وخووف ولججج يمممه لكم شاهييين الحكني
اجووي دكاتره خذوها واني طلعت روحي خوفي علا امي وخوفي علا هديل شويه وطلع دكتور كال

دكتور :لحمدلله علا سلامتها صارت عدها جلطه خفيفه بس لاحكناها حاولو تهتمون بيها هل فتره وسكر كل شويه يصعد عدها لاتضغطون عليها مع سلامه

كمال :مشكوره دكتور تعبناك

دكتور :هاذا واجبي بويه

كمال :عافني وراح ضليت منتضر يومين مرت وبنيتي ماكو من اسوء الاسوء حسيت روحي تزوهرت

مابيدي شي اسوي احسس نارر بكلبيي مستحيل تطفه فد يووم اخخخخ يبن امي هييج تكسرني ؟
بشنو مقصر وياك فهمني ليش ولكك ليشش اتعبلك

وخليك بنص كلبي ونت تخلي خنجر بكلبي ليشش

ولكك ليشش اجاني شاهين محترك كلبه عليه
حضني وضل يطبطب علا ضهري ويكول

شاهين :هددي يخووي هددي مو زين عليك خليك قوي ادعيلها لاتسوي هييج ادعيلها حته وكوم بسلامه صلي أقره قران الها بس لاتحرك بكلبك تره

هيه محتاجه الك لازم من تكعد تشوفك قوي لاتضعف حته تكدر تطلعها من هل حاله الي هيه بيها كوم خويه كووم لاتضل مكسور تره والله عليت كلبي من اشوفك هيج من يمي انكسر كووم خويه

كمال :هزيت راسي وكتله جيبلي واحد من الولد خلي ارووح لكربلاء ازوور ودعيلها اطلبها من ابو الفضل يرجعها الي وعرفه ميخيب ضني اعرفه

خلي واحد ياخذني ماكدر اسوق خويه استعجل ونت ضل هنا كلشي يصير ياخويه طمني فدوه اروحلك طمن كلبي

شاهين :هزيت راسي ورحت صحت محمد كالي خويه اني اخذه وصدك ضليت انتضر مر يوم ثاني وهديل ماكعدت ودكتور كال حالتها ماتبشر لحد ما خابرني كمال

__________________

كمال :طلعت متوجه المولاي ابو الفضل العباس عليه السلام ومولاي الحسين عليه السلام اعرفهم ميردوني خايب ويرجعولي بنيتي دخلت واني مكسوور ومطعون من ابن امي ولكم ابن امي

تعرفون شنو ابن امي مفروض سندي بل حيات بس هوة سوه خله عينه علا بنيت روحي ودمرني واذاها يريد يموتها حته يحرك كلبي مثل ماحرك كلبي علا

وليدي الي بعده ماجه للدنيا وحرك كلبي علا تعب هل سنين وكل ذكرياتي بيه ولي هوة بيتي اي بيتي مكسور ضهري واني اشتغل ولم فلس فلس حته

اسوي هل بيت سويته بدم كلبي وفرحت بيه ويه بنيتي وكلشي حلو بيه ذكرياتنا كلها بي وهوة شنو سوه ؟
هههه اخخخ يبن امي حرركه ايي حرركه بدم بارد حرركه ولكم اخويه حرك بيتي وكلبي وكلب مرتي

وبنيتي ولكم اخويه هاذا خسرني الطفل الي جنت منتضره كل هل سنين من حب حياتي هييج بسبب حقارته ونانيته يمووت والله لو شاهين مسويها ولا هوة لو شاهين اتحمل بس اخويه هاذا ماعندي غيره بهل دنيا ماعندي كبرته وتعبت علي هيجج يجازيني

اخخخ يافارس كسررتك جبيرره ياخويه موو هيجج كالوها لخووه مو هييج وين ضميرك من سويت هيج بيه شنو شعورك لكككك انت مو صاحي والله مو

صاحي هيييج.تسوووي بيه والله مو صاحي تخبلت ضليييت اصييح بل حضره ولازم الشباك وابجي وارجف والعالم بس تباوع عليه وتبجي علا حالتي حقها تبجي حقها ابن امي هاذا ابن امي من لحمي ودمي كسرني شبقه للغريب حقها لعالم تنقهر تبجي

تتشمت بيه حقها ضلييت ادك علا راسي وكلبي ارريد بس ارتاح اجويه لولد يلزمون بيه حته ماضرب علا كلبي وراسي يردون بس اهدء ماكو اجه رجال جبيرر امبين عليه وجه نوراني
كالي

سيد حسين :هدي بويه هدي محد يستاهل وداعتك يابويه محد واخووك عقابه يم ربكك كلشش جبيررر كوم بويه كووم صلي ودعي لمرتك ترجع سالمه وعيونك الي بجوها وحرككو كلبك عليها ترجع بخير بس كوم مو حركت كلبي والله لعضيم
حركته حسبي الله ونعم الوكيل علا كل شخص يغدر اخو أو ابوو كوم بويه

كمال. :باوعتله بحزن وكسره اني محتاج واحد صدك يحجي وياي هيج محتاج شخص ينطيني الامل محتاج شخص يخليني اقوه لخاطر هديل مو لخاطر.شخص لخاطرها لازم اكون زين حته اذا كعدت اكدر انسيها الي صار بس اخخخ شنو الي تنساء شنووو اني ماكدر انسه هيه شلون تنسه وآثار الضرب ول حرك زين زين اكدر اعالجها بل اثار بس اثار الي بروحها شلون بيها شلووون
مسحت وجي بيدي وكمت ويه لحجي رحت بصفه صرنا نصلي سوه صليت صلاه الام البنين وصلاه الزياره ودعيت من مولاي يكعدها سالمه دعيت وعيوني ماتوكف اني زلمه مشورب مابجي مفروض بس بجيت بجيت هديل تستاهل انزل دموعي الها شكثر ضلمتها شكثر ضربتها طردتها اذيتها شگيت بيها بسبب اخوي اخخخ كلمت اخوو توجع روحي روحي توجعها

كملت صلاه وكعدت ادعي شويه وحجه رجال وكال

سيد حسين :شوف بويه كلنا انغدرنا بس كل شخص گسرته تختلف هسه انت تكول ابن امي وابويه كسرني وهيج سوه زين اني شسوي تعرف اني ابني ابني الي طالع من ضهري كسرني وكبرني الف سنه هسه انت تشوفني عبالك زلمه جبيرر وعمري بل 50صح ؟
لا بويه غلطان عمري بعده 39 بس من القهر هيجج كبرت وشيبت من وره ابني مو زين مني عايش لحد الان بسببه خسرت زوجتي ولي هيه أمه توفت من الصدمه حب عمري خسرتها بسبب ابنا وحقده وانانيته انت اخوك وهيج اسوي اني شسوي فهمني يابويه ميصير هيج خليك قوي هاي الحيات مرات ابنك الي يكسرك مرات ابوك اهلك اصدقائك كلها تغدر بأي لحضه بويه بس مو كلهم مثل بعض ذاك من ذاك الي تلكي علا نياته
فخليك يابويه قوي وكوم ارجع المرتك لأن اذا كعدت ومالكتك راح تتعب أكثر خليك قريب عليها وحاول تنسيها كلشي وتعوضها خليك سند الها وهيه سند الك الدنيا ماتسوه تحقد وتاذي روحك واخوك الله الي يجازي ويأخذ عقابه

كمال:صدك لو يكولون الي يشوف مصيبت غيره تهون عليه مصيبته اخخ صعبه الي مخليهم بنص روحك وكلبك يغدروك صعبه حييل
احم زين عمي إذا مو تدخل شنو سوه ابنك ؟

سيد حسين:شوف بويه ابني الي كسرت ضهري عليه لعب عليه وسجل كل افلوسي باسمها ولبيت ولمحلات وكلشي خلاني علا لحديده وره ماخلص أخذني اني ومريتي وشمرنا بل شارع وخله جماعتها وصويحباته وياء بل بيت يتونسون
ماكلك جرحني لا والله كسرني دمرني اني الزلمه خلاني امشي مدنك راسي ودمعتي بعيوني
مريتي ماتحملت تسمع كلام العالم من يكولون ابنهم شمرهم هاي لحجايه جبيره وتكسر الضهر
ومرت اخوي الي ضلينه عايشين يمهم فتره
يابويه هم كامت تحجي حقها تريد تاخذ راحتها بيتها واني ماردت اصير ثكيل علا اخوي ونتخارب
ف خذت مريتي وجيت هنا اكو بيت كلش ازغيرون قريب مريتي باعت الذهب الي عدها وشترينا دبرنه امورنا بيه لحد ماسمعنا ابنا مشربينه مخدرات وكاتل بنيه وكاتل روحه أمه ماتحملت تضل ام من الصدمه ماتت اخخ بويه كسرو ضهري بعمايلهم
وهاي اني كدامك حلفت مازوج ومخلصها بين الحرمين ازور ورجع البيتي عايش علا ذكرياتي وياها والحمدلله يابويه الي اريد تفهمه العالم كله بأي لحضه يغدر هاذا ابني وغدري وتحملت وهاذا اني الي يشوفني عبالهم شايب عمري بل 50وهمه مايدرون القهر كبرني واني بعدني بعمر 39
المهم بويه الي اريد أوصله الك الدنيا ماتسوه ونت عندك أهل وزوجه لازم تكون قوي حته تحميهم واذا اخوك ضيع تعبك ربك مايضيعه ونشالله اني ادعيلك الله يريح كلبك وبالك يالله بويه كوم ارجع لمريتك تحتاجك هسه كوم بويه وخليك قوي وبين فتره وفتره سير عليه دائمن تلكاني هنا واذا مالكيتني هاذا عنواني *********
هلا بيك بكل وكت علا راسي

كمال :سالم راسك بويه سالم راسك وربي يحفضكم وممنون منك علا كلامك كلش ريحني ونشالله بس تتعافه بنيتي ومريتي اجيكم وكلشي تحتاجني اعتبرني ابنك وهذا رقمي يمك صار وهسه اني اترخص بويه خلي ارجع للمستشفى

سيد حسين:الله وياك بويه محروس باسم الله وزهره توصل سالم وتلكه مريتك سالمه الله وياك بويه

كمال :ودعته ورحت من يمه اشتريت علگ اخضر وزورته وكتبت بيه اسم هديل وطلعت بره

وطلعت بره واني شويه مرتاح وحس شويه كلبي برد بسبب امامي وسيدي ومولاي الحسن والحسين عليه افضل الصلاه والسلام
وكلام الزلمه الجبير كلش ريحني
المهم طلعت وتصلت علا شاهين
شويه ورد حجيت وكلت
الوو شاهين بشررر

شاهين :هلا بويه والله ماعرف شكلك خويه خلي ايمانك بالله جبيرر وتعال وتفاهم ويه دكتور لحد الان ماكو شي جديد

كمال :خويه لاتخوفني كفيلك الله مابيه حيل صدمه كول صاير شي ؟

شاهين :خويه مرتك لحد الان عايشه بس كلام دكتور ماعاجبني تعال ونت تفاهم وياء ماكدر اكولك ونت بل طريق اخاف تتهور ويصير بيك شي
بس تعال ويصير خيرر

كمال :لاتخبببلننني مررتي ميصيررر بيهاا شي ميصيرر سديته بوجه وطلعت اركض واني بيدي العلگ الاخضر وماضل دعاء ماقريته بداخلي
سويت الطريق بساعه ونص بدال ساعتين ونص
وصلت واني مخنوك وكلي خووف من الي راح يصير تخبلت ماعرف شسوي اموت بدونها اموت
هديل كلشي الي وخاصه الي صار وياها بسبب اخوي ماكدر اتحمل لو اشرب من دم فارس مارتاح ابد مارتاح نارررر تضل شاعله بكلبي طول عمري
ياخويه كسرتك ماتنسي دخلت واني الهث وكوه اجر النفس دخلت واني أتأمل اطلع وهيه وياي
اجاني شاهين بخوف اول ماوصلني حضني بجيت اي بجيت أني الزلمه بجيت مو عيب من ابجي ومن بجيت بجيت علا وحده ترخصلها عيوني ودموعها
وحده تروحلها فدوه عيوني ونضرها بجيت لأن هديل تستاهل ابجي عليها حضني شاهين وهوة من شافني ابجي تكابل وياي وصار يبجي اي اي بجينا نكسرنا هديل معزتها بكلبنا جبيرره مانتخيل حياتنا بدونها جانت بكل مكان ويم اي شخص مخليه سوالف وشغلات حلوه مثل ملامح وجها الي بل نسبه الي حيات ثانيه ضليت كاعد علا ركبتي وهوة يطبطب علا ضهري باوعت علي وعيوني تتوسله حجيت
ب بنيتي شلونه امي امي شلون صارت

شاهين :اول مادخل اجاني يركض بلهفه وخوف
اخخخ ياصاحبي شصار بيك شصارر والله كاسر ضهري ضل يبجي وخلاني ابجي علا حاله وحالتنا اخخ يافارس دمرتنا ولك شنو ستفاديه خسرت اخوك وامك وبيتك وكل اصدقائك وغير هاذا كله خليت هل لبنيه المسكينه تحارب وتصارع الموت شنو ذنبها ؟اخخخ وشكثر توجع الاخخخخ منكم حسبي الله ونعم الوكيل
حجيت وصوتي رايح نفس حالتها خويه نفسها وللاسوء وامك شويه شويه جاي تتحسن لحمدلله بس انت خليك قوي ياخويه والله هديت حيلي ماكدر اشوفك هيج والله ماخذ قوتي منك كووم خويه كووم كومته وكعدته علا لكرسي شويه وطلع الدكتور

كمال :كومني شاهين وكعدني علا كرسي وشويه
واجاني دكتور كمتله اركض واني أتأمل يكول كلام يفرحني بس بكل مره يكسرني أكثر
ب بشر دكتور بشرر والله هديتو حيلي بشررني فدوه

دكتور :خويه والله اعرف وضعك ومقدر ضروفك ومن كل كلبي اتمنه زوجتك تصحه بخير وسلامه بس مابيدي شي كلشي عليه سويته بقت يم ربك ادعولها بس بويه الامل ضعييف حييل لأن هواي مرت عليه هيج حالات يسموها. موت السريري
يعني زوجتك دخلت بغيبوبه وصار الها كم يوم يعني ماكو امل تعيش اعرف صعبه بس هاي الحقيقه زوجتك حته لو ينبض كلبها بس هيه
ميته سريرين........

.

.

.
اعررف مقصرره اعررف 🙈😔💔اتمنه اعوضك بهل بارت انتضروني بارت جديد لاتنسوون التصويت ⭐
وتعليقاتكم بين لفقرات وشاركو لقصه حته تصعد
ودعو الله يريح كلبهم وكلبي لأن حيل هل فتره تعبانه نفسيتي حته مجاي اكدر اكتب الكم بسبب ظروفي ونفسيتي تعبانه ومتاذيه والله يريح الجميع ودعتكم بالله بنياتي ♥️

توقعاتكم شنو حيصير ؟💔