لـم تسمعني الفصل الثامن والعشرون 28 - بقلم ‏ࢪن⑅⃝𝄞و︎𝑅𝑒𝑛𝑜

فراشاتي لاتنسوون التصويت ⭐⭐

مزروعات بكلبي انتو

عن لسان كمال 💔

اني اكدر انتقم واخذ بديه ثاري
بس حساب الزمن هوة راح يطفي ناري
وبعد احساب الضمير وحتقار الناس منكم
هذه ابسط حكم عادل ورحمه اهون من ضلمكم والنهر متوكفة صخرة والنهر متوكفة صخرة
وانا مثل النهر امشي وما اخلي الدمعة جمرة وانعمي وماشوف كلشي وصامد بوجه الرياح
وشامخ بأصعب جراح ولما يضعف بحبة
شلون ميشوف النجاح

______________________

كمال :كومني شاهين وكعدني علا كرسي
وشويه

واجاني دكتور كمتله اركض
واني أتأمل يكول كلام يفرحني بس بكل مره

يكسرني أكثر
ب بشر دكتور بشرر والله هديتو حيلي بشررني فدوه

دكتور :خويه والله اعرف وضعك ومقدر ضروفك ومن كل كلبي اتمنه زوجتك تصحه بخير وسلامه

بس مابيدي شي كلشي عليه سويته بقت يم ربك ادعولها بس بويه الامل ضعييف حييل لأن هواي

مرت عليه هيج حالات يسموها. موت السريري
يعني زوجتك دخلت بغيبوبه وصار الها كم يوم

يعني ماكو امل تعيش اعرف صعبه بس هاي الحقيقه زوجتك حته لو ينبض كلبها بس هيه
ميته سريرين

كمال : لا لاااااا ماتمووت فهمتتت ماتموووت
درت وجي متخبل ضليت اهز بكتاف شاهين وصيح

لككك شاهييين ماتموووت ماخليها تمووت هييج مغدووره من اخوووي ماخليهاا سووي شييي فدوه سوووي شاهييييين اني انيي مو اخووك سوي شي ورجع ابنيتي والله امووت ماكدر ولككم سوولي جاره تريح كلبي راح اتخبل

انت انت مو دكتور مفروض اسوي شي شنووو تكوول ميته سريرين هاا شنوو ماتتت
هديل ماسويها وتعوفني ماتعوفننييي

دكتور :مايصير اسوي هييج يا خويه شبيدنا عليها كلشي نكدر نسوي سويناء ونشالله بلكي تستجاب

للعلاج ودعائكم هل يومين واذا ماستجابت
مأكول بس الله يعوضكم

كمال :احسس مابقه عندي عقل بعد هل كلامم عيطت بعلو صوتي وكلت ماكوووووو

تعووووووويض عنننن حبيبتتييي فهمتتت محدددد يعووضني ارريدها هييه والله احررك دنيا هيه ولي بيها اذا صار بيها شي عفتهم وطلعت

وماعرف وين طلعت احس روحي ضايع بدونها لا الي مكان ولا الي حضن ولا الي بيت يجمعني بيها ماعندييي شي الله لايوفقك فاررس كلشيي يخصها حرمتني منه وهسه ترريد تحررمني منها اجه

شاهين ورايه يركض هاذا الوحيد الي يستاهل اسمي اخو وصديق وابن عم وسند الي من بعد الله يوكفلي بكل شداتي ومصايبي الي مفروض ابن

امي وابويه الي يوكفلي بيها بس مأكول غير مع الاسف علا هيج وكت صار بيه البشر ياكل بعافيت وحيل اخو وهله بسبب انانيته

ضليت افتر بل حديقه ماعرف وين اروح اجه شاهين خله أيده علا كتفي وعيونه حمرر مال واحد تعبانه ومانايم ومقهور اعرف بيه مقهور علا هديل

لأن كلها تحبها وبنفس الوقت مقهور عليه وبسبب فارس الي معتبرينه اخونا الزغير الي بأقرب فرصه طعنه بنص ضهرنا
بهل لحضه ماتحمل حجيت

شاهين إذا غالي عليك خليك يم امي وبنيتي بين مارجع ماطول

شاهين :خيرر خويه وين رايح كول اجي وياك ماعوفك وحدك بهاي وضعيتك ماكدر ارتاح من اعوفك وحدك

كمال :تسلم خويه ماتقصر بس هل مره اريد اضل وحدي شويه وبنفس الوقت اريد أمر علا هاذا لگ***** ارجع تربيته وعندي شغله اكملها

ورجعلك تمام خويه ماطول ولاتجي وياي الله وياك عفته ورحت حته ماخليته يحجي شي لأن اعرفه ماراح يقبل اروح وحدي ف ستعجلت

وطلعت بسرعه شخطت سياره ومشيت بكل ماعندي من سرعه وصلت للمركز نزلت وحس نارر تطلع من عيوني علا القهر الي خلاني أعيشه

وكلشي سواء بيه وعلا كل ضربه ضربها ل هديل بدون رحمه ارريد ليوم اطلعها من عيونه اريد أعلمه شلون يرفع أيده علا بنيه بعد

دخلت تلكوني اصدقائي يتحمدولي علا سلامتي ويسائلون علا زوجتي اخخخ يافارس هييج ياخويه تخليني اتفشل كدام ناس بيك ونزل راس

اخخ ياخسارت تعبي بيك وياحيفف كلشي سويته الك سلمت عليهم سلام سريع ودخلت لغرفت محمد

ومانصدم من وجودي اعتقد شاهين بلغه راح اجي اول ما دخلت اجاني خله أيده علا كتافي وسلم وحجه

محمد :احم خويه باع اعرف كلبك محترك ومستحيل يتعافه جرحك من فارس بس ياخويه

انت مفروض هسه تكون يم مريتك مو يم هاذا لعارر بس هل مره ماراح امنعك وخليك تدخل

تحجي وياء بكل هدوء وسأله ليش هيج سوه واذا استفزك شسوي سوي بس لا تتهور وتاذي هوواي

مأكول مايستاهل بل عكس يستاهل اكثر من هيج بس مو علا موده علا مودك لأن اذا اذيته راح

يعتقلونك واعتقد انت مو مال تعتقل هسه لهاذا سبب ياخويه سيطر علا روحك ولاتنطي فرصه يفرقكم مره ثانيه تمام خويه متفقين ؟

كمال :هاهيا خويه بس ماضمن الك اعصابي
بس انت اذا شفتني فقدت اعصابي تعال علي اخذه من ايدي قبل لاسوي بيه شي

محمد :فووت خويه الله يريح كلبك

كمال :عفته ودخلت وطبعن اول مره ماخلوني
بس من شرحت الهم الموضوع عافوني علا راحتي

المهم دخلت شفت فارس اخخ يافارس يعني عاجبك هييج صار بينا يعني ضيعت نفسك

وخسرتنا وضيعتنا وياك علا شنو ؟
علا اشياء مو الك

دخلت بكل هدوء كعدت علا كرسي مقابيله وصايره بنصنا طاوله خشبيه رفع رأسه شافني ضل

يباوعلي. بتك عين لأن عين ثانيه هديلي دمرتها اله بل ماشه بعد ميكدر يشوف بيها بس بتك عين
باوعلي بنضره ماعرفت افسرها نضرت ندم

نضرت تأمل أطلعه نضرلي نضره وكانو جان يفحص ملامحي إذا جان بيها شي او لا تجاهلت نضراته وكعدت بهدوء ردت احجي وياء بهدوء

بدون ضرب لأن ماخلالي حييل اتعارك وياء كعدت يممه وحجييت ولغصه واضحه بيه

احم راح أسألك بس كم سوال ونت جاوبني
بدون لف ودوران فهمتتت

فارس :م مفه وم

كمال :ماسمعت احجيي عددل لاتصيرر مثل نسووان خاييف من ضرربه احجي عددددل

فارس :فهمتتت فهمتتت

كمال :اششش لاتسوووي دوور المضلوم المنفعل فهممت وجاوب علا سوالي ليش سويت كل هاذا بينا ودمرتنا وكسرتنا يعني عاجبك الي وصلنا اله؟

يعني عاجبك دمرت هديل وتعرفها لو تموت ماتصير الك ليش سويت هييج جان حافضت عليه

يعني ماوكفت بعينك كلشي. سويته لخاطرك ماقدرت تعبي ماوفيت للعشره ماكلت هاذا اخوي

ابن امي وابويه عشت عمري وياء بينا زاد وملح ومن نفس الدم ماكلت هاذا اخوي عاف كلشي

وضل يشتغل عماله حاله حال الحيوووان حته يوفرلي حيات حلوه ودراسه نضييفه وكلشي

احتاجه يعني ماقدرت لا تعبي ولا تضحياتي لكك وداعت عيونها علا مودك اذب نفسي بنص المووت بس انت شسويت سويت العكس ذبيتني بنص

المووت وشلون مووت هههه جااي تموتني علا البطيء ليش ياخويه ليش فهمني شنو شي الي

سويته حته هييج اجازيني بشنو قصررت وياك ؟
اححججيييليييي لاتسككككت يعنننني عاجببك وضعي عاجبك خلييت اخووك يمشي ومدنك رأسه وناس تتشمت بيييه

فارس :ماعاش الي يشمت بيك انت ماغلطت حته تنزل راسك اني الي غلطت اني

كمال :ضربت على طاوله بكل قوتي وصحت ونتت على منووو محسوووب غيررر عليييه انتت

اخووويه يعنني من تغلططط علييي تنحسبب بس انت اسووويت غلطت وبحق منوو ؟

بحقي اني بحق اخوك تغلطط يعني شلون ماتفشل واني اشوف ناس تتشمت وتكول اخو كسره ولككك
لو
غرريب ميخالف بس غلطت ويه اخووك ويه اخوووك يعني شلون ترريد ناسس ماتتشمت بيه

شلوون تريد ناسس ماتضححك علييه لككك فااررس شحجي شكووول لككك حته ماينطيني

كلبي ادعي علييك ونت بكل برود كسررتني فهممني ارريد اصير حقيررر مثلكك ارريد اكسررك ارريد اذيك احجيي فهمني شنو من كلب عندكك

لكك تفففف علا كل لحضه تعبت بيها عليك وتففف علا ساعه الي عرفت بيها انت اخووي لكك

ماستحيت من خليت عينك على زوجتي تعرفني اجكد احبها وتحبني ليشش كسرتنا ببعض هاا ليش ؟

يعني ماكو نسواان انقررضت بسس هددديل وفوك هاذا كله تسوي لعبه قذره مثلك ودخلني سجن

وتخطفها لكككك حته شيطان مو مثلكك الله واكبر عليكك شنو من شيطانن انت

شنوو ذنبي يصيررر عندي هييج اخخو سا******
لو الله ماخذني ولا عشت هل ايام

فارس :اسم الله عليك يومي قبل يومككك

كمال :ضرربت على طاوله حييل وعطت بوجه لكككك انت تضحككك علييه تسوووي روححكك

خاييف عليييه ونت أكبر حقيررر لككك مو انت نفسسك الي دمرتني وجنت تهدد هدديل تموتني لو اني غلطان ؟

هههه لككك شنوو من بشرر انت كل الي سويته وبعدك مستمر تمثل بتمثييلك لخايس بس فهمنننني

وين ترريد توووصل هاااا ويينن
شنوو تريده بل ضبططط بس فهممني

فارس :ماريد منك شي والله يحفضك ويسعدك بس الي أريده هديل لأن والله احبها وماعيشش بدونها ماكدر افهمني اني احبهاا اريد تكعد ووتنام بحضني

كمال :احس نارر تطلع من عيوني على كلام الي اسمعه قبل لايكمل كلامه لزكته بووكس وكعته من الكرسي وحجيت بتحذير

اياك ثم اياك تجيب اسمها علا لسانك القذر وهدديل مكانها بحضني فهممت مستحيل تقبل بحيوووان مثللك مرريض وغدر اخو وأمه

فارس:لككككك اني احبهااا مو بيدي افهمني ولو مو انت بحياتنا جانن حبتني لككك كله منككك حته ماتخليني المسها

كمال :بس كال هييج هجمت علي ضلييت اضررب بيه بوكسات مثل المجنون لأن صدك حررك كلبي وعصابي ضليت اعيط وكول

لككككككك شنوووو تلمسسسها غيرررررر زووجتي
غيررر اكسرررر ايددددك وحق محمددد بس تلزم

طررف ثووبها والله ثم والله محدد يخلصك.من ايدي فهممممت هديييل بس الي محدد يشممها ويوصل الها غيررر والله اذبحه علا ايدي كل

حييوووان مثلككك يوصل الها لو ياذيها وادعي بس.خلي تكعد بخيرر وتحجيلي كلشي اعرف اصرف وياك واذا كالت مسوي بيها شي او

غالط.بحقها بغير الضرررب يافارس وداعت
امي وداعت عيونها محد يخلصك مني حته لقانون مايخلصكك مني وحق ربك اخلييك تتمنه لمووت

وماتلكاء وررجع ارربييك وخلييك تعررف منو. ربك ومنووو نبييييك فهمممممت لووووو اعييدددلك

دنك رأسه وماحجه اي شي اي حقه مايحجي ليش سوايته تنحجي شنو يكول بعد إذا هوة مامقتنع

بروحي احنا شلون نقتنع بيه بعد المهم عفته وطلعت شايطه روحي

شغلت سياره وطلعت توجهت للمستشفى
خلص يوم جديد وبده يوم وهديلي ماكو عيطت بحركه

ولجج جايي تهددين حيلي بهاي نوومتجج كعديلي
ولجج اريد اسمع سوالف لحلوه وضحكتج

وعركاتج وكلشي يخصجج اريد أعيشه من جديد كافيي نومم اكعدي مو يبستي كلبي كعديلي بنيتي

امي ضلت تبجي علا حالي وشاهين اخخ ياشاهين أكثر من اخو وصديق مكسور علا كسرتي
ضلينا منتضرين تكعد مر 14يوم علا نومتها

وليوم دخلنا 15يوم واني روحي مزوهره عليها بهاذا ليوم دكتور كال خلال أربع وعشرين ساعه إذا ماكعدت نفقد الأمل وكل هاذا ماخليته كتله استمر

بل علاج وجكد مايكلف عيوني انطيهن

بس لاتقصرر ابدد شنو يكلفك سوي وأبد لاتفكر بل فلوس بس رجعها بخير وعافيه والك مني هديه

اطلعلك جوواز وخليك تعمر علا حسابي بس خلي ترجع بنيتي لحضني وكلشي عندي اخذو بس خلي امي ومرتي بخير ماريد شي من هل دنيا

ضليت افتر وكو حساس بداخلي ماعرفت افسره بس احساس يوجع كلبي وبنفس الوقت خلاني متوترر حييل

شويه وماحسيت غيرر دكتور اجه يركض هوة ول ممرضات يعيطون ويكولن

دكتوور :بسررعه جيبوو جهاز تنفس وباقي الاجهزززه كلبها جااااي يوككف بسرررعه تحرركوو

كمال :كالل هيييج لو تخببلت ضليت اضررب علا راسي وصييح دخييلك يابو فاضل لاتكسررني بيها

دخيلك ياعلييي لاتاخذها من حضني امي ضلت ادك وتلطم وشاهين ضل خال أيده علا رأسه ويتحسب علا فارس واني اخخ يا اني كلشي يوجع

بروحي احسس سجيين بنص كلبي كل ماتنفس وتحررك تلجمني شسوووي حته ارتاحح عييطت
عيطه واحد
محتررك كلبه وعاجز مايعرف شنوو يسوي

ولككككككممم ماتموووت ماتمووووت ولججج هدديل ضليت اضررب بل باب ارريد بس يفتحه ماكو هززيت المستشفى هزز بصووتي لحد ما فتحت الباب الممرضه وكالت

ممرضه :لوسمحت خلينا نشتغل شغلنا لمريضه حالتها مو زينه

كمال :بس سمعت هييج دفعت الباب ودخلت شاهين راد يلزمني ماكدر ودكتور من شافني شلون محترك كلبي هز رأسه ب معنه عوفو

تقرربت منها وحس روحي توجعني علا منضرها وبشرتها صايره عباره عن لوون ازررك من الضررب

ياووووجع كلببي ياهدديل ولججج اكعددي كاافي هديتي حييلي والله ماضوجج بعدد بس كعديي

كافيي موتيني كافييي عسا اني مكانجج عسا لوجع بكلبي ولا بيججج ولججج وداعت اميي

امووت بدوونجج ياعليييي بحق فاطمه الزهراء عليها السلام ردها الي يا محمد ياعلييي ياحسن

ياحسيين ياربي دخيلك لا تأخذها مني والله امووت ياربي بيش احلفك ردها الي

دكتوررر من شاف حالتي انهارر وياي
وضل يصيح ويتحررك مثل المجنون يريد

بكل طريقه تصحه كعدت واني ادك ولطم علا
راسي بعد مابيه حيل اخسر عزيز هوة اني شعندي

غير امي وهديل واخويه وشاهين وهسه خسرت اخويه وطعني ماريد اخسر بنيتي مارريد ياربي

دخيلك لاتكسررني بهل لحضه تذكرت الدعاء
الي دائمن هديل تقراء الي وتقراء من توكع بشده

بسرعه خليت ايدي علا كلبي وصرت أردد بصوت هادء ويرجف بس اريد اطمن كلبي

- اللهم فوضتك أمري كله
- فجمله خير بما شئت
- وجعلني يارب ممن نضرت إليه فرحمته
- وسمعت دعائه فاجبته
- اللهم لاتجعل ابتلائي في جسدي
- ولا في مالي .ولا في اهلي
-وسهل علي ماستثقلته نفسي
-اللهم اني توكلت عليك فأعني
- وفقني واجبر خاطري
- جبرأ انت وليه
- يارب ادعوك بعزتك وجلالك
- ان لا تصعب لي حاجة
- ولا تعظم علي امرأ
- ولا تحن لي قامه
- ولا تفضح لي سرأ
- ولا تكسر لي ضهرأ

ضليت أردد بل دعاء ودكتوور شويه عينه عليه وشويه علا هديل وجاي يخليلها تنفس وكل شويه يضغط علا صدرها اني بعد ماتحملت المنضرر

عيوني صارت عباره عن غوواش بسبب لدمووع خليت اديه علا وجي وغطيت عيوني بديه وضليت

أردد بل دعاء لحد ماصار جوو هدوء رفعت راسي دكتور باوع عليه وضحك تقدمم بتجاهي وطبطب علا كتافي وكال

دكتور :الله يحفضكم بويه عمري ماشفت هييج شخص يحب حرمتو ويخاف عليها مثلك وعبن

ربك يحبك بكل مره ينقذها الك ولاتخاف رجع وضعها تحت السيطره بس ننتضر شوكت تكعد ونت روح غسل ورتاح وجك صار أصفر مو زين

كمال :الله يحفضك دكتوور ماتقصرر وداعت امي هديل مو مجرد زوجه لا والله أحسها تصعد وتنزل ويه انفاسي ماكدر اعيش بدونها غلاتها ومعزتها

مثل امي وأكثر صارت الي وتمنى تسمحلي
اكعد يمها شويه وحجي وياها تعبتتت بدونها

دكتور :انشالله جاي نسوي الي نكدر علي وبحيل الله ترجعلك احسن من قبل وهسه اخليك شويه يمها وتطلع لاتضل هواي خليها ترتاح
يالله اني اترخص عندي مرضه منتضريني

كمال : الله وياك دكتورر ماقصررت
عافني وراحح ضلييت اباوع عليها شلون
رايحه بالف نوومه مو سابع نومه تقربت منها

رفعت خصلت شعرها شميتها تقرب أكثر صرت
اوزع بوساتي بكل مكان بوجها وبكل مكان بيه

جرح وآثار ضرب ابوسه تقرب خليت راسي علا رأسها وطاحت دمعه من عيني مباشر علا عينها قربت ايدي ومسحت دمعتي

رحت سحبت كرسي قربته يمها خليت راسي قريب يم رأسها ولزمت أيدها ضليت اباوع علا الجروح الي بركبتها احسس نارر بكلببي اخووي ولككم

اخووي هييج مسوي بيها اخوي الي جنت اشوفه ملاك هييج طلع شيطان ويضحك عليه اخخ ياهديل كل جرحح بيج صار اضعافه بكلبي

ضليت اباوع علا لجرووح ماعرف شلون غفييت
وماعرف اجكد مر وكت فزيت علا شي يتحرك بيدي كعدت مرعوب اباوع هديل علا نومتها

ومحد بل غرفه رجعت باوعت علا ايدي ماكو شي
بس ايد هديل بيدي ضليت اباوع شويه وصارت لحركه باوعت اصابيع هديل تتحرك وتضرب بصابيعي تخبلت

كمت مفزووع وعيطت
هدددددديل تسمعييينيي بنيتي ررددي صررت اضررب بخدودها ماكو صيحت دكتوووور ويينكك

دكتوووور ماكو ركضت فتحت الباب صار مقابيلي شاهين مخروع من صريخي كال

شاهين :خيرررر ولككك شكووو هدديل بيها شي ؟

ام كمال:يمممه بنيتي شبيييها

كمال :يممممه روحححي رجعتلي ولجج يممه حرركت ايدهاا ولككك شاهيييين ارركض جيييب دكتوووووور راح شاهين ثواني وجاني دكتوور.

يركض هوى وممرضات وياء دخل وكال

دكتور :بويه خليك بل باب ميصير خلي نشوف شغلنا

اني
ماحجيت شي من فرحتي كعدت بلكاع وخليت راسي علا لحايط وعيوني مغمضه بهل أثناء

حسيييت كلشي بجسمي رجفف انفاسي ثكلت وماعندي حييل احرك ايدي واني اسمعها تصررررخ وتكوول

هديل :لاتتضرررررربننيييي لاتتتضررررب يمممممه ساعدينيييييي كمالللللللل يتببع.......

.

.

.
فراشاتي لاتنسوون التصويت ⭐⭐
وشاركو لقصه حته تصعد أكثر مابقه شي وندخل
100الف مشاهده ++هل فتره عندي ضروف هواي ماكدرت انزل بارت وصراحه ماعندي واهس انزل بارت لأن تفاعل كلش قليل ميسويلي واهس بس من شفت كلامكم لحلو ونتضاركم ماتحملت كلت ميخالف يدللون وهسه بارت 2550كلمه وكولو شويه وماكدر اطول لبارت أكثر لأن هاي لبارتات الاخيره انتضروني ب بارت جديد استودعتكم فراشاتي 🤍😔🤍
.

.
_______________________
- سبحان الله .
- الحمد لله .
- لا إله إلا الله .
- الله أكبر .
- لا حول ولا قوة إلا بالله .
- سبحان الله وبحمده .
- سبحان الله العظيم .
- اللهُم صلِّ وسلم على نبينا محمد .
- ربِّ اغفر لي ولـوالديّ .
- اللهُم إنّك عفوٌ تُحِب العفو فأعف عنّا .
- الله الله ربّي لا أُشرك به شيئًا .
- أستغفر الله العظيم وأتوبُ إليه .
- اللهُم ثبّت قلوبنا على دينك .
- اللهُم ارزقنا حُسن الخاتمة .
- لا إله إلا أنت سبحانك إني كنت من الظالمين .
- اللهُم إني أسألك الهُدى ، والتقى ، والعفاف ، والغنى ، والفوزُ بالجنّة ، والنجاةِ من النّار .
-حسبي الله ونعم الوكيل علا كل من ضلمني
-اللهُم أحسِن خاتِمتَنا وتوفّنا وأنتَ راضٍ عـنَّـا.

.

.

.

لاتنسون تضيفون حسابي الانستا راح انشر الكم هواي شغلات حلوه مثلكم 😔🤍