لـم تسمعني الفصل الثلاثون 30 - بقلم ‏ࢪن⑅⃝𝄞و︎𝑅𝑒𝑛𝑜

فراشاتي لاتنسوون التصويت
وتعليقاتكم بين الفقرات ⭐

مزروعات بكلبي انتو

______________________________________

انا الخواف يادنيا
انا الخواف من كلشي
لو احلم حلم مو زين
انا ارجف كبل رمشي
ادك بالباب الف دكة
وافز بليل الف فزة
وتعز روحي
وكول للخوف ظل بلبيت
وانا امشي
انا الخواف يادنيا
انا الخواف من كلشي
______________________________________

كمال : باوعت عليه وحجيت ولغصه واضحه
بصوتي حجيت
شيصير لو اخوي ماغدرني ؟
شيصير لو ماخلاني اعيش هل يوم ؟
شيصير لو ماضييع تعبيي ودمرر فرحتتي ؟
شيصيرر لو مادخلني للسجن ومووت اطفالي ؟
شيصيرر لو ماضررب مررتي وحرمها تصير ام ؟
شيصير ولككك شيصيرر لو صاان العشرره ولخوه ؟
اخخخخ عفتته مكسوور عليه أكثر مني عفته ودخلت مهدود حيلي توضييت ودخلت للحضرررت
وعيطتت بصوووتي الرايحح

جيييييييتككك يامولاييي لاترررردني ارريدك
تبررررد كلبببي ليييوم فدددوه اررروحلككك
رفعت اديه ورجفتهن يبجي العدوو عليه
لزمت الشباك ودموعي ينزلن ماكدر الزمهن

هاذا ابن امي الغدرني حقي ابجي ومو عيب
الزلمه يبجي لان اني هم بشر حالي حال الباقين
انكسر وضعف وتعب وحقي ينهد حيلي وابجي
على غدر اخويه وعلى اطفالي وعلى زوجتي

ضليت ادعي من كل كلبي وايد لازم الشباك بيها
وأيدي الثانيه ادك بيها على كلبي اريد يهدء جرحي
اريد تبرد ناره ارريد ارتاححح يامولاي لاترردني
فدوه اروحلك والله نهد حيلي مابيه اتحمل بعد
جسمي كام يرجف كعدت مهدود حيلي بس ابد

ماعفت ال شباك ضليت حاط راسي على شباك ومجلب بي بيدي شويه وحسيت ايد نحطت على
كتفي رفعت راسي شفت شاهين عيونه حمرر
ابين جان يبجي حقه مكسور مثلي لأن جان يعتبر

فارس اخو وبنفس الوقت يشوف حالي ينكسر عليه
شيتحمل بعد نزلت راسي وهوة كعد يمي وكال

شاهين :خويه والله اعرف بحالك وعرف شكثر
مكسورر بس مو زين عليك ونت قبل فتره صارت
بيك ذبحه بل قلب مو زين ياخويه زين فكر بيه
فكر بامك بزوجتك ياخويه منو الهم غيرك ؟

لا تكلي انت اني ماكدر اغطي عن غيابك روح شوف امك مكسوره مثلك وأكثر حاول
تنطيها لقوه حته لاتخسرها روح شوف زوجتك
شلون مكسور حالها روح حاول تفرحها حته
لو بشي بسيط حاول ترسم ضحكه على وجها

لاتخليها باصعب فتره بحياتها حاول تنسيها
كل الي عاشته مو تعوفها وتنكسر وياها
حاول تصبر عليهم تخفف وجع كلبهم ساندهم ياخويه

كمال :رديت بنكسار زين واني !
منو يخفف وجع كلبي ويساندني ؟
منوو يصبرر عليه منوو يبرد كلبي ؟

شاهين :خليت عيونه بعيونه وحجيت بغصه
الك الله ياخويه الك الله واهل البيت يبردون كلبك
دك على كتافي وكام رفع أيده ودك على شباك
ودك على كلبه وكال

كمال :الامان يا صاحب الزمان
طلعت وحسيت نفسي شويه رتاحيت
وغصبن عليه قويت نفسي على مود امي وزوجتي
ولخاطر شاهين ماله غيري ولخاطر نفسي حته
اكدر اعيش لأن الي صار صار بعد ميفيد اتعب

روحي اخوي غدرني وغصبن عليه اعيش مو اول
ولا اخر شخص انغدر بس مو بيدي شي صعب
اخوك يغدرك لو غريب مايكسرني مثل ماهو اخوي
بس بعد ميفيد لحجي صعدت بسياره شاهين

ولاف على أيدي علك اخضر اشتريته قبل لادخل
زورته وياي على مود هديل دعيت ربي يبررد
كلبها ويبرد كلبي وكلب امي
وطلعت ويه شاهين وصلني للمستشفى دخلت
بست راس امي الي تعبت وبين عليه الكبر
من صدمت فارس

ردت عليه بتعب وكلت شاهين يرجعونا للبيت
حته ترتاح ومارفضت لأن جانت محتاجه راحه
عفتهم ودخل لهديل

هديل اخخ يا هديل صافنا على سكف وبس دموع
تسيل هدت حيلي والله مابقالي حيل حته اشوفه
بهل وضعيه تعبت واني اشوف عائلتي مدمره بسبب اخويه ومابيدي شي حته اكدر اسوي
تقدمت الها بحذر ومن انتبهت عليه اجيت

مسحت دموعها تقدمت يمها ومسحت دموعها
بل علك اخذت من ايدي وضلت حاطته على كلبها
عفتها ثواني ورجعت حجيت

كمال :جوعانه ؟

هديل :اي والله حييل جوعانه فدوه طلعني منا
اريد ارجع لبيتي واكل هنايا ماحس بشي

كمال :هزيت راسي بتعب وطلعت سويت ورقت خروج وكلشي كملته ودخلت ساعدتها وطلعنا
توجهنا للبيت وطول الطريق ساكتين وصلنا لبيت استقبلتنا امي باحسن طريقه حته تغير من نفسيه هديل ومشت الايام

وهديل بسبب الي تعرضت اله صارت ماتحجي
وتخاف وبسرعه تفز إذا صار صوت حته لو كاعده وسوي حركه أو صوت يمها خفيف تكمز خايفه

صارت منعزله ومتحجي هواي صارت انسانه ثانيه
بسبب الضرب الي تعرضت اله حته اني من اريد
احضنها تخاف مني عبالها اريد اضربها واني امووت الف مره من اشوفها تخاف مني

حاولت اخذها على اكثر من طبيب نفسي بس متقبل تكول اني مو مريضه بس اريد اصير ام واذا صرت اصير بخير ومثل قبل ارجع اعيش طبيعي
زين هسه شلون افهمها ماتكدر تصير ام ؟
بسبب

الضرب الي تعرضت اله ؟
وماكدر اضل ساكت عن حالتها ضليت انتضرها
لشوكت تضل هيج بتصرفاتها مر شهرين

على لحادث وهديل عايشه بس جسد بدون روح
لا تضحك اكلها قليل مخلصتها نوم وكل شويه تكعد
خايفه بسبب لكوابيس واني صبري خلص بعد ماكدر اتحمل اشوف حالتها وامي هم تعبت

تمرضت أكثر من مره وصار بيها سكر وسكرها
تعبها وغيرها حيل ضليت حاير بين امي ومرتي
وثنينهم مو زينين وضعهم واني تعبت خلصت طاقتي اني هم اريد من يهتم بيه
اني هم مثلهم مكسور ومتاذي
لشوكت اضل هيج لازم ننسه ونعيش
اذا نضل نقهر بروحنه

بسبب فارس نموت من وكت
حاولت وحاولت إلى أن شويه تعدلت نفست امي
وهديل صح مو مثل قبل بس شويه احسن تسولف شويه وتسكت ومرات تصفن وتضل تبجي وحدها
تعبت واني اقنع بيها تتعالج بس ماكو فايده
عبالك تحجي ويه لحايط تضل بس صافنه عليه
ومن اكمل كلامي تكلي ماروح

وتخليني أشيل روحي وركعها من القهر
المهم خليت راسي وغفيت بعد تعب يووم طويل بين شغل ولبيت ولقهر فزيت بليل
على صوت دنيا ترعد باوعت مالكيت هديل يمي
كمت مخروع طلعت اركض ماكو ركضت للمطبخ
لكيتها واكفه وفاتحه شباك المطبخ تبجي وتدعي

هديل :يارب بحق محمد وال محمد ريح كلبي
بحق موسى بن جعفر عليه السلام خليني اصير ام ياربي تعبت والله تعبت اريد اعيش شعور الام لاتحرمني منه واني شكثر مضلومه ياربي عوضني لعوض جميل بحق نبيك

( محمد صلى الله عليه وسلم)
وخذ حقي من كل شخص دمرني وصلني لهل حاله
ربي ربي حقي يم البشر ضايع يمك مايضيع رجعلي حقي وبرد كلبي بتحقيق امنياتي

باثناء ماتدعي سمعت صوت جهازي يتصل بسرعه
كمزت ولتفت عليه شافتني صرخت عبالها غريب
ركضت عليها اخذتها بحضني اهدي بيها وبوس برأسها لأن أن هدت وضلت تناشغ بصوت ناصي
كومتها من حضني وخذتها للغرفه وجهازي نخبص خبص بل اتصالات

كعدت هديل وخذت جهاز قريت اسم شاهين باوعت
بقلق وتفكير شعنده يتصل بهل ليل مو من عادت ؟
رديت بخوف وكلت الوو

شاهين :وين جنت رحمه ربك صار ساعه اتصل

كمال :خيرك شكو بهل ليل صاير شي ؟

شاهين :هوة شنو الي ماصاير تعال الحكلي راح اموت من وره اخوك العار

كمال :بس سمعت اسم اخويه عصرني كلبي
حجيت بقلق اصاير شاهين احجي ؟

شاهين :خويه اتصل عليه صديقي من داخل حراس السجن وكالي صايره عركه جبيره
وخوك فارس من ضمنهم وبيهم واحد مصاوب
واحتمال يموت وماعرف منوو بس الي عرفته

اخوك ياقاتل يا مقتول .......يتبع

.

.

.

هلوو بنات شلونكم شخباركم ؟
طبعن عذروني لانو مجاي انزل بارت بسبب ضروفي ونفسيتي تعبانه وقفت القصه بس نشالله
هل يومين اختمها الكم حبيت انزل الكم هل بارت الخفيف لحد ماكمل بارت الاخير وختم قصتنا
وتمنى تعذروني ونشالله اعوضكم باشياء حلوه مثلكم بس والله ضروفي اقوه مني ف تركتها بس هسه رجعت اقوه من قبل ونشالله اختم هل قصه وأبدي بقصتي الجديده الي حتكون اقوه من هل قصه بعد واكيد راح تحبونها بس شنو اريد حماس هوواي لانو ماتتفوت هل قصه المهم حجيت هواي
اشوفكم بل بارت الاخير استودعتكم الله
🖤🖤🖤

____________________

.- سبحان الله .
- الحمد لله .
- لا إله إلا الله .
- الله أكبر .
- لا حول ولا قوة إلا بالله .
- سبحان الله وبحمده .
- سبحان الله العظيم .
- اللهُم صلِّ وسلم على نبينا محمد .
- ربِّ اغفر لي ولـوالديّ .
- اللهُم إنّك عفوٌ تُحِب العفو فأعف عنّا .
- الله الله ربّي لا أُشرك به شيئًا .
- أستغفر الله العظيم وأتوبُ إليه .
- اللهُم ثبّت قلوبنا على دينك .
- اللهُم ارزقنا حُسن الخاتمة .
- لا إله إلا أنت سبحانك إني كنت من الظالمين .
- اللهُم إني أسألك الهُدى ، والتقى ، والعفاف ، والغنى ، والفوزُ بالجنّة ، والنجاةِ من النّار .
-حسبي الله ونعم الوكيل علا كل من ضلمني
-اللهُم أحسِن خاتِمتَنا وتوفّنا وأنتَ راضٍ عـنَّـ