رواية لم يكن لي ذنب الفصل الحادي عشر 11 - بقلم نور

صباحاً.

كعد حسنين شاف غيث بعده حاضنه راد يكمل نومته لان جان حاس بشعور راحه وعاجبه الوضع جاب البطانيه وحطه عليهم علمود لحد يشوفهم ضل يشبك بغيث رن مبايله صوت النغمه عاليه غيث وهوه نايم عقد حاجبه شافه حسنين گبل نصه جهازه ورجع غيث لفراشه بهدوء وكام طلع من الاستقبال علمود يرد على الاتصال.

"هذا ليش ما كاعد يرد"
نطق غسان هوه يلبس بجواريبه ضل يتصل على حسنين مره الثالثه.

عقد حسنين حواجبه وجاوبه
"ها ها شبيك خبصتني".

جاوبه غسان برود وهوه يشغل بسيارته"يمعودد وينك شوكت نروح لبغداد ".

"اي هسه بس خلي اتريك".

غسان تحرك بسيارته BMW وضل مركز بالطريق وصل للبيت الي موجود بي فهد فتح الباب شاف البيت عباره عن هدوء شاف باب الغرفه مسدود عرف فهد بعده نايم ما حب يزعجه راح للثلاجه اخذله ماي.

كعد فهد من نومه عشطان حيل كايم من الغرفه ورايح للمطبخ شافه غسان وهوه يمسح بعيونه نطق فهد برود"عشطان" ابتسم غسان على وضعه صبله ماي بالكراس واتوجه لفهد "هاك" اخذ فهد كراس الماي شربه دار عينه على غسان"من شوكت انت هنا".

"هسه اجيت وراح يجون الجماعه مثل ما كلتلك راح نروح لبغداد ".

فهد اتچه للقنفه كعد ونطق"وليش نروح ".

مشه وراه غسان وكعد هم علئ القنفه وجاوبه"خطبه صاحبنه بدر".

فهد خله ضهره على القنفه نطق بتعب"ما اريد اروح اريد ابقه اهنا".

غسان راده ياخذه وياه ويطقمون بالملابس بس بعد ما اكدر يجبره "براحتك ".

اتصل علي حسنين "اكلك الولد الي جبته البارحه يروح؟".

جاوبه غسان وهوه يباوع على فهد "لا ما يروح يريد يبقه بالبيت".

كام فهد من مكانه راح للحمام علمود يغسل وجه.

حسنين عقد حواجبه وجاوب برود"مدري ليش ما مرتاحله ".

انزعج غسان شوي"شبيك شاده وي الولد امبين خوش ولد".

جاوب حسنين برود وتحذير" نشوف بله بعد كلشي يصير انت الي راح تتحمل المسؤوليه".

همم غسان سد الخط صاح على فهد "اني راح اطلع اجيبلك ارويك".

تجاهل فهد صياحه البيت ممل ما عنده شي يسوي ومل من جهازه هم كعد على القنفه منتضر غسان.

_______

كعد مرتضى شافه اخو حسنين نطق"شعجب كاعد من الصباحيات".

جاوب مرتضى وهوه يعدل بشعره"شبعان نوم وانت وين رايح".

"راح اروح لبغداد خطبه صديقنه".

مرتضى"ياهو منهم ".

" بدر الي ذاك اليوم عزمته عدنه".

همم مرتضى راح غسل وجه بالسنك اتجه لحسنين كعد على الكرسي راد يتريك وي اخو شوي ونطق وهوه لازم التوس يحط بي جبن "اكلك اني يمكن راح ابات هم اريد اروح وي جدو وعباس للمزرعه مالت جدو.

باوع علي حسنين وجاوبه"ليش تريد تروح? ".

رد مرتضى وهوه ياكل "والله هيج ضايج".

دخل غيث للمطبخ اخذله ماي شاف حسنين ومرتضى يسوالفون تجاهلهم وراد يرجع يكمل نومته.

حسنين يباوع علي من بعيد ضل يفكر بالبوسه الي اخذه من غيث البارحه ضل يسائل بگلبه"معقوله ما حس واني شجاني البارحه ليش سويت هيج.

كام حسنين من مكانه علمود يروح لبيت اهله يسبح ويحضر نفسه شغل التاهو واتوجه لبيت اهله يفكر بغيث وهوه يسوق حس على حاول يتجاهل افكاره ويركز بالطريق.

______

دخل غسان خله الريوك بالمطبخ شافه فهد ونطق"اني راح اسوي روح اكعد"ابتسم غسان مشه بالعكس وابطئه وهوه مبتسم ويباوع على بدر وهوه يحضر بالريوك كعد على القنفه شغل التلفزيون.

فهد حضر الريوك سوه بيضه بالزبده والجبن وحضر الشاي والصمون خلهن على الميز الطعام "تفضل".

غسان"اويلي معدل لو بنيه جان ازوجتك"
فهد يباوع علي بومباستك سايد اي.

جاوبه غسان بضحكه خفيفه"لا لا اشاقه اشاقه.

جاوب فهد متجاهل رد غسان غير الموضوع "غيرت رئي اريد اروح وياك لبغداد".

جاوب غسان بابتسامة خفيفه "كمل اكلك ونطلع نشتري ملابس الك ما عنده ملابس".

كملوا اكلهم فهد غير ملابسه لان ملابس غسان طويله علي ما يكدر يطلع بيهن لبس ملابسه الي البارحه غسلهن طلع من الغرفه لابس حذاء غسان منتضره بسيارته اتجه اله وصعد يم غسان.

وصلوا للمول شاف غسان محل ملابس ولادي دخله ودخل وراه فهد اخذ ملابس 10تراكات 5شورتات و5قميصات حسهن مناسبات لفهد فهد يباوع علي ومستغرب"هاك شوفهن على كدك ".

رد فهد باستغراب"هاي شنو كاعد تفتح محل لو تشتري شدعوه ".

جاوبه غسان "اني علمودك جبتهن اخذهن".

فهد باوع علي غسان ونطق"لا ما اكدر ".

غسان "اخذهن لا تفشلني يله ".

فهد احس باحراج شوي "تمام"
شافهن طلعن على كده دفع غسان الحساب طلعن 125الف دخلوا لغير محل محل يبيع ملابس مناسبات اخذ غسان ملابس اله ولفهد طلعوا من المول لازم غسان الغراض الي تشتراهن ما خله فهد يلزمهن لان اثگال.

___________
ميسان /عواشه

وكف حسنين سيارته بالبيت الي يشتغلون بي جماعته نازل من سيارته بملابسه الاسود وعضلاته واضحات لابس نضاره سوده وحذاء اسود دك الباب فتحله فهد الباب دخل حسنين وقف بنص الصاله ونطق"وين غسان".

جاوبه فهد برود وهو يعدل بقميصه "بالحمام كاعد يسبح".

همهم حسنين كعد على القنفه منتضر غسان، فهد راح للغرفه يعدل بنفسه وينشف شعره المبلل طلع غسان لاف الخوالي على خصره اول من طلع شاف فهد، فهد مستغرب وصافن على عضلات بطن غسان اخذ غسان الملابس الي محطوطه على الجربايه فهد طلع من الغرفه منحرج بدون سبب سد باب الغرفه بقوه.

شاف حسنين استغرب "هاي شبيك ياهو الي يركض وراك".

رد فهد باحراج ورد بتكذيب"اال لا هيج امم عشطان اريد مي ".

تجاهل حسنين تصرفات فهد الغريبه ضل يصفح بمبايله صور ايده وهوه لابس ساعدته الذهبيه حط الصوره استوري.

بعد مرور ثواني طلع غسان من الغرفه شاف حسنين سلم علي ونطق بضحكه " هاي شطالع ولك فخامه فول".

ابتسم حسنين اله ونطق"ايي الولد يروح لو شنو"

رد غسان "ايي يروح يله خنمشي ساعه 12 ما نحلك"
طلعوا الثلاثه كعد فهد وره وحسنين وغسان ليقدام(حسنين الي يسوق) شغل غسان اغاني هادئه طلع اغنيه عايض (اسمه لماح)ضل مندمج وي الغاني طول الطريق فهد نام سد غسان الاغاني وضل مركز على الطريق

ملابس حسنين

غسان

فهد

وصلوا لبيت صديقهم دخلوا سلم عليهم دخلهم لبيته كعدهم بالاستقبال راد يصور فهد البيت بهدوء بس سمع حسنين صوت الصوره نطق"شصور? ".

فهد" هيج ردت احطلي استوري".

رد غسان على حسنين ياخي شبيك دخلي يصور ذكره.

همهم حسنين شاف بدر واضح علي ضايج وما كاعد ينطق اي كلمه نطق حسنين "شنو شو ضايج ولا عبالك خطبتك اليوم شنو البنيه على حب لو شنو".

رد بدر وهوه مطنب" يمعود غير مغصوب البنيه ابوي خذاهة فصليه ويريدني ازوجه غصب".

استغرب حسنين جان اعباله انو صديقه خطب على حب"وشلون قبلت بسهوله وعلى يا اساس يغصبك? ".

رد بدر برود"شسوي بعد غير ابوي ويريد مصلحتي".

تجاهله حسنين لان يعرف اذا رد علي راح يدفع بدر على ابو باي طريقه.

مرت ثواني سئل بدر حسنين "شعجب ما جبت مرتضى اخوك وياك?".

باوع حسنين علي ورد" راد يروح وي جده وابن عمه للمزرعه شعجب تسئل علي".

بدر"ها هيج مجرد سئلت"

استغرب حسنين منه تجاهله ضل يباوع على فهد وغسان الي يحاول يوكل فهد من الحله الي قدمه بدر بس فهد يوخر حلكه منه بابتسامة ويكله لاا ضل حسنين يحجي بقلبه "هاي شبيهم واحد تخبل اول ما شاف فرخ واحد مطنب على ضيمه" فتح جهازه دخل على تيك توك يشوف حساب غيث الي نشر روحه وهوه يلعب ببجي وحاط اغنيه ستار ضحك علي.

شافه غسان غمزله ونطق"ايي شعجب فاتح حلك اليوم ".

______

نايم بجربايته يلعب بجهازه اجتله دخل ابو علي سد ابو باب الغرفه كعد على حافه الجربايه ونطق" بعد اسبوع للدوام ما كلوك على النتائج يا يوم يطونه"

نطق غيث"لا ما كالوا اتوقع وي المدرسه يطونه "

همهم ابو ونطق بابتسامة "ايي شنو تتوقع نتائج بنصف السنه ناجح راسب?.

رد البتسامه لابو" لا والله حاس روحي ناجحح توقعن فوق 90 بس خايف من الفيزياء اتوقع درجه ناصيه"

حط ابو ايده على راس ابنه ونطق "عادي حبيبي اهم شي كون ناجح"

دخل مرتضى "غيثثث خديجه تحب..." سكت بعد ما شاف عمه ابتسم عمه "كمل شبيه خديجه".

مرتضى بتوتر" ها ا اقصد خديجه تروح ويانه للمزرعه ".

فهم عمه بس تجاهل الموضوع باوع على ابنه ونطق" اي تروح وياهم لو لا خديجه تروح"غمز لغيث.

نطق غيث"لا ما اروح "
دخل على الانستا شاف حسنين ناشر صوره الساعه تفاعل بقلب وكام من مكانه.

نفس الساعه مالت حسنين.

يتبع

شرايكم

شنو تتوقعون للبارت الجاي