رواية لم يكن لي ذنب الفصل الخامس 5 - بقلم نور

شالو الجنازه وطلع بيه للنجف حسنين گلبه محترك على اخته عيونه حمره من البجي ما توقع يجي يوم ويشوف اخته الي ربته بهذا  المنضر ضل كاعد يم امه بالسياره وخالد كاعد  على الكرسي الي مقابل حسنين، حسنين ضل يباوع على خالد بحقد انتبه اله خالد بس تجاهله.

مرت 6ساعه وصلو للنجف طبقو السياره يم المغاسل مال الموته شالو الجنازه من السياره دخلوه للمغاسل بعد ما غسلوه شالوه من المغاسل وراح للمكان الي راح يدفنونه بي ام ندئ تبجي وشبكت ابنه شافته
شلون صافن وعيونه حمر وشعره مكوش.

  ضل صافن على الگبر شلون يحفرون بي وبهاي الصفنه اذكر كلشي جان يجمعه وي اخته شلون جانت تلعبه شلون جانت تحاول تعلمه الحرف والأرقام وتخلي كل يوم يتعلم 5احرف

كملو حفر رادو يخلون الجنازه بس حسنين صرخ عليهم "لا لا دفنوه عليك الله عوفوه شوي وياي اريد اسولف وياه  عندي هواي سوالف اريد افهمه منه اريد احجيلي على الشي الي صاله بگلبي اكثر من سنتين فدوه عوفوه"

تجاهلو كلام الطفل ودخلوه للگبر  ، حسنين "لاا فدوهه لاا" سحبته امه وشبكته وهيه تبجي

___________________________________
وصلو للبيت حسنين اول ما وصل راح للغرفه مثل كل مره من يعصب فتح خانته طلع صوره من جان عمره سنين وندى شايلته كام يبجي بحركه

  

كيان بالسجن ما قبلت الشرطه اطلعه وحددو محكمته يوم 2006/10/22.

شاف شخص  ابيض شعره لون شعره بني وطوله وسط وامبين علي بعده شاب ضل علي كيان شافه شلون منزعج يحاول يكعد بس يكش من المكان واضح علي ما متعودعلى هيج مكان.

دخل محمد (الشخص الي ساعد حسنين)علمود يطلع اخو بكفاله من السجن اخو دعمله سياره بسيارته وشكتو علي وسجنو اطه فلوس الكفاله للموضف طلعو اخو من السجن
"يوميه جايبلي مصيبه ما اتوب"

علي "اهوو هم انتٓ هسه شيخلصني منك"
 
"ها هاي يعني فوكاهة زين ما طلعتك"

"هسه راح اضل كلساع تعير بيه طلعتك وطلعتك"رد على اخو بهلشكل لان محمد بكلشي يسويه لازم يطي نصيحه وهوه ما يحب شخص ينصح بي.

طلعو الاثنين من مركزه الشرطه دخلو للسياره ضل يشرح علي شلون بدون قصد دعم السياره وشلون سيارته هم خربت ويردله مصلح.

" كلتلك لا تطلع اليوم بس انت شخص

ما تسمع الكلام شنسوي "

تجاهله علي ضل يفكر بابنه

"اي ما كلتلي شسميت ابنك"

"غيث،حيل عاجبني هذا الاسم شنو رئيك"

"كلش حلو"

وصلو لبيت اهلهم (بيت اهلهم بيت جبير عبالك قصر بابهم ذهبي) دخلو للبيت اول ما دخلو شافهم ابوهم امبين علي جان منتضرهم وخايف على ابنه علي "ها علي خما صار بيك شي"  حجه وي ابنه وهوه متوتر علي

علي "لا بابا كلشي ما بيه مجرد حادث بسيط"

شبك ابنه "خفت عليك عبالي صاير بيك شي

نطق محمد بغيره" ها يعني اني ما تشبكني "
اغار على ابو من اخو

ضحك الاب "هههه هوه اني شعندي غيرهم"

ادنه على ابنه محمد وهم شبكه

فاضلل "هااا جا وانيييي"

راح ركض وشبك ابو

راحو كعدو بالاستقبال فاضل كام يحجي يسولف شلون راح يساعد الناس على تحقق حلمهم بصفته هوه مدير اعمال علي يباوع على محمد ويضحك

بدون سبب.

_____________________________________  
عند حسنين

حسنين بعصبيه"وين رقم الزلمه الي اجه ذاك اليوم".

  
الام"ما اعرف يمكن خليته بخانتك"
  ردت علي وهي تغير لبنته الصغيره سالي

حسنين راح للغرفه  كام يدور على الرقم دور خانتك لكه الرقم راح يدور على تلفون امه جانت نوعيه

التلفون LG  لكه يم الطاوله اخذه ودگ الرقم

   ______________________________________

محمد جان كاعد وي اخوانه وابو يشربون شاي
دك مبايله "الو"جان رقم غريب

   
" عمو اني الطفل الي ساعدتني ذاك اليوم "
  
"هاا شكو صاير وياك شي"

"لا عمو اريدك تاخذني لدار الايتام

"جايك راح علمود اتافهم وي اهلك"جان عباله نفس هذيج المره ضايج علمود مشاكل عائليه وهوه طلع على امل يتافهم وياه.

 
صاح ابو وراه "وين"

"رايح لطفل يريدني اخذه لدار الايتام

بسبب مشاكل اهله ومدري شنو"

ابو"ها "
 

طلع محمد من اهله شغل سيارته ومشه بيه وصل بعد ربع ساعه لان قريب علئ اهله الببت طگ الباب طلعلهم ابنهم احمد "تفضل"سمع صوت امهم وهيه تحجي وي حسنين"شنو تريد بعد تسجني هم بعد ما سجنت ابوك"وهيه تلوي باذانه دخل محمد وخره منه "هاي شبيج وياه ترا جاهل" رد علي وهوه مقهور على حسنين

شهد "اخذه مني بعد ما استحمله ما اريده لعبت نفسي منه. "  

   محمد استغرب منه شلون يعني امي تحجي هلكلام على ابنه " براحتك بعد تعالي وياي   وقعي على اوراق ما يقبلون اله يتاكدون من شخص قريب اله"

"جايه "
راحت ركض لبست حضرت نفسه

شبگ محمد حسنين بعد ما شافه شلون

صاف على امه باسه على راسه وسئله
" وين ابوك"شافه ابو مختفي

حسنين "بالسجن"

استغرب محمد ونطق"وليش بالسجن شمسوي"
  

نطق حسنين وهوه دموعه تنزل "انسجن بعد ما نتحرت اختي"

محمد ضاج علي ورجع شبگ حسنين "الله يرحمه"

  "ويرحم موتاك"

حمد راد يواسي حسنين شوي "اي هسه راح اخذك لدار الايتام عدهم العاب وكلشي عدهم حلويات بكل انواعه".

" ما احب العاب احسه تافه "

  محمد استغرب منه شلون يعني بهلعمر ويعتبر هاي الاشياء الي الاطفال يتمنوه احسه مختلف حيل عن الاطفال واعي.

"زين انت مسجل بالمدرسه؟"
شهد اجت بعد ما جهزت روحه ونطقت "لا ما   مسجل"

محمد هز راسه بمعنى (نعم)وطلع يشغل سيارته
كعد حسنين يمه وام حسنين وره وصل بعد نص    ساعه.

دخلو للدار اطوهم الوراق وقعت الام على الوراق استقبلو الجهال حسنين فرحه بصديقهم الجديد كلهم فرحانين ما عدا 5اشخاص امبين متكبرين وشايفين روحهم على الجهال عمارهم من بين 10_13سنه. محمد "اي شي يصير بي گلولي".
 

طلع محمد وام حسنين للسياره وصل محمد شهد لبيته وهوه رجع لبيت اهله دخل ضايج على حسنين دخل شاف علي كاعد بالاستقبال وابو لازم ابن علي(غيث)  دخل حط ايده على وجه وضل يباوع على ابو
 

ابو" شبيك ليش ضايج"

"نقهرت على هذا الطفل امه تبرت منه"

ابو "ليش ما يجيبه عندك"

محمد "ما فهمت"

"اقصد تربي وي ابنك انس"

"هاي اليردله الشغله تفكير"

ابو"براحتك بعد"

صاح الاب على ابنه الثاني(علي) "تعال اخذ ابنك

اني راح اطلع اجيبلك عشاء" شاف انس يلعب وحده "تعال جدو وياي نجيب عشاء" لبس انس حذاء وكض ايد جده ومشه وياه

______________________________________
دار الايتام

كعد حسنين بجربايته وضل يباوع شلون الغرفه مرتبه ومرسوم على الحيطان كارتون توم وجيري مطلعين بالتلفزيون سبونج بوب ضل يباوع وي الجهال شوي ودخل ولد للغرفه عمره 12 شاف حسنين كاعد ضل يباوع علي نضره غرور

كعد يم جربايت حسنين ونطق"اهلك ميتين

"لا"

"ليش اجيت اهلك ملو منك وشمروك هنا؟"
 
حسنين نضر اله ونطق"شعليك"

حامد"شنو شعلي "وطك راس حسنين بيده

لوء حسنين ايد حامد وكاله"وخر مني احسلك"

"وخر ايدككك وجعتني"

"طبك مرض انت الي بديت "

 " اوكفلي لا ما اشكي عليك وخليهم يطلعوك"

وخر ايده من حسنين بصعوبه وطلع من الغرفه

حسنين جاهله ولف راسه ونام

   يتبع

ها اطوني رائيك بالبارت

اخلي البارت قصير هيج لو اطوله؟

   بايي