رواية لم يكن لي ذنب الفصل السابع عشر 17 - بقلم نور

بَحر عَينيك هَامت كل أشواقِي،
يَاسَيد الحسنِ هَل تَنوي إغرَاقي؟.

حط غيث فراشه يمه نام حسنين من شاف غيث سحبه يمه غيث استغراب بس تجاهله اجه اباله سكران ما يدري بروحه شبكه حسنين اقوه نايم غيث بحضنه.

كعد غيث من النوم وخر روحه من حسنين وادهم كاعد على القنفه ويباوع عليهم بنضره حقد صعد غيث لغرفته سبح وغير ملابس

نزل من الطابق الثاني شاف عمته وبته ملاك تتريك وتتمكيج وبيده مرايه ابتسم ومرتضى وعباس كاعد يتريكون كعد يمهم يتريك.

حسنين طلع بعد ما كعد من نومه وشاف غيث مو يمه غسل وجه وطلع لبيتهم لابس ملابسه وطلع لشغله يتعرف على فريق عمل يشتغلون وياه.
(مدير اعمال)

دخل لشركته شاف هواي ناس واقفين يم غرفه مكتبه دخل لمكتبته كعد على الكرسي وضل يدخلوله واحد وره الثانيه اختار فوق ل5اشخاص احسهم مناسبين يكون وياهم فريق وحجالهم من باجر يبدي مشروعه وياهم ضل كاعد هذا اليوم بدون عمل فقط يختار اشخاص.

غيث يرسم شخابيط بنص المحاضره عاط باسمه المدرس لان ما مركز وياه بالمحاضره

"ليش ما مركز وياي ما عاجبكم اطلعوا"

سكت غيث طرده المدرس من المحاضره اتجه ضهره يم حايط قاعته.

هم شاف زهراء رحاله وطلع نفس السبب

نطقت "هيه شركز وياك غير وجهك يطير العافيه"

جاوبه غيث بضحكه "اي وعلي"

"دتعال خنروح نشربنه قهوه شي"

كعدوا الاثنين بكافتيريا الجامعه يشربهم بقهوتهم ويلعبون اسئله.

سئلت زهراء غيث" منو صديق المفضل من الولد"

جاوبه "امم اكيد ولد عمي عباس ومرتضى وحسون"

"قصدك حسنين?"

همم غيث وباوع علي.

"منيتي اعرف هذا منو دائما اسمع اسمه منك اريد اشوفه حلو لا"

"عندي حسابه الانستا"

"بله راويني"

رواهة استورياته اله.

"اويلي يخبل"

باوعت على غيث ونطقت مره ثانيه "بس انت احله"

ابتسم غيث وهيه هم ورجعوا لعبتهم مرت دقائق رجعوا لمكانهم الي جانوا بي ضلوا ينتضرون المحاضره تخلص زهراء ضلت تصور بالمكان ونتشر استوريات وتحشش على المدرس.

كملت المحاضره طلع مرتضى وهوه يتاوه شاف غيث وزهراء سوه رحالهم ونطق
"اخخ شنو هاي شكد يحجي هذا راسي كام يوجعني"

جاوبه"وياريت يشرح عدل"

"اي والله"

اجتمعوا الشله اتجهو لكفتريا ملاك تعدل بحمرته وعباس حركه علمود تخرب
"ااا حقيرر"

حط بحمره بحلكه عباس وهوه يضحك.

"يعع شسويتي"

جاوبته وهيه تمسح بوجه"تستاهل"

ضحكوا الكل ما عدا عباس باوع عليهم صفح واخذ الحمره وحط بوجه غيث وغيث رده اله استوعبوا الي سوو بعد ما شافوا اشخاص يباوعون عليهم ويضحكون نحرجوا اخذوا الكلنس وضلوا يمسحون بوجهم.

نطق غيث"ديله خنروح الجامعه راح تفرغ واحنا كاعدين هنا"

طلعوا الشله من الجامعه نفس الروتين ملاك وعباس بسياره ومرتضى وغيث براجتهم الناريه ودع غيث زهراء قبل لا يروح وهيه هم.

وقف غيث يم السوبر ماركت.

سمير كاعد يشتري لامه دونت من محل معجنات علمود امه مشتهتن وهوه ياخذ الدونت من صاحب المحل اجه طفل صغير باك الدونت وركض ركض وراه صاحب المحل وسمير صاح صاحب المحل حرامي.

طلع غيث من السوبر ماركت بعد ما اشتره جبس وببسي شاف اشخاص يركضون وره طفله بيده دونت باوع باستغراب لازم الطفل وقف سمير وصاحب المحل.

"ابوس ايدك عوفني جوعان"

"عوفوا لولد شتردون منه"

صاحب المحل"هذا جاهل حرامي باك الدونت من الزلمه "

تبدلوا غيث وسمير النضرات لبد الطفل وره غيث نطق غيث وهوه مقهور على الجاهل

"عمو سامحه وعوف الولد هوه باك غراضك لان جوعان هوه طفل صغير ماكو داعي تحاسبه واني راح ادفع فلوس لدونت الك واني تكدر تجيب غيرهم"

طلع عشره من جيبه"هاك خذ هاي ولا تعاقب الولد لان خطيه ومحد يساعده"

تعدلت ملامح سمير بعد ما فهم اتجه للصاحب المحل والناس الي رادوا يساعدونه

"تكدرون ترحون شكرا على المساعده"
ولتفت لغيث.

ابتسم غيث ونطق لطفل"محد راح يركض رواك بعد روح اكل "

جاوبه لطفل"شكرا"

ابتسم سمير على تصرف غيث

لتفت غيث اله ونطق"شكرا وهاي العشره وباي"

تجاهله سمير واتجه لسيارته استغرب غيث واحس بانحراج رجع العشره بجيبه لابس الخوذه وركب دراجته.
_______
ساعه 8بليل

غسان لابس ملابسه لان عده موعد وي خطيبته ما قابل يسوي الموعد بس علمود امه بس طلع من غرفته فرحت امه بعد ما شافته مجهز علمود موعد وي شريكة حياته.

طلع من البيت ومشه وراه امه علمود تسد الباب ركب سيارته اتجه لمطعم الي خطيبته عاجبه ومطعم دائما تطلب منه وتشتري منه وصل لمطعم دخل اشخاص قليلن كاعدين بي اختار طاوله يكعد بيه هوه وخطيبه كعد منتضر خطيبته.

فهد تعبان حيل ما كاعد يلحك نص الاشخاص الي يشتغلون بمطعمه ماخذين اجازه اليوم واخذ دورهم بالشغل بالتنضيف المطعم وتنضيف الميز وغسل اماعين ويساعد الشيف اشر لمراد علمود يروح يشوف طلب الزبان.

باوع على الزبون ونصدم بعد ما عرفه هوه غسان حاول يسوي الوضع طبيعي وفقط زبون ياخذ طلبه ويوخر منه.

دخلت خطيبه غسان وابتسامته بوجه ونطقت"اسفه اتاخرت عليك".

"عادي"

وقف مراد يمهم ونطق"شنو تحبون اطلبون"

جاوبته خطيبه غسان "امم جيب معكرونه بالمشاميل وبيزا وانت غسان حبيبي شنو رايد تطلب"

غسان مستغرب من مراد يباوع علي بكلامه حجي هواي وسؤالات راد يترك كلشي ويسئله على فهد وين صحه على روحه جاوب على حبيبته
"ااا...وياج"

استغربت خطيبه شوي"تمام حبيبي"

وخر مراد منهم "اوفف شجابه هنا"
شاف فهد راد يطلع

".. اوكف وين رايح"

باوع فهد باستغراب"يعني وين رايح غير علمود انضف المطعم ما تشوف كاعد يتوصخ "

"لاا اوكف"

تجاهله فهد كعد ينضف بالميز الي جانوا بي اشخاص انتبه غسان علي باوع على فهد بصدمه مرت ثواني تقرب فهد للميز الي قريب على غسان شاف فهد غسان تبدلوا النضرات وگلبهم ادگ.

"حبيبي شبيك شو مو طبيعي".

لتفت لخطيبه وباوع مره ثانيه لفهد شاف فهد عافه وركض لحمام كام يلحكه وقفته خطيبته
" وين شكو".

رجع لكرسيه "هيج ماكو شي"

فهد ايده على كلبه باوع على روحه بالمرايه غسل وجه وباوع لوجه مره ثانيه
"شلون معقوله نساني بسهوله واني الي كل ليل بالي علي وما اكدر انام بسببه صح الي سويته كلش غلط بس ما جنت متوقع هيج شي جان عندي امل نرجع بس لاسف واضح ماكو بعد اي امل معقوله جان يضحك علي حالي حال الاشخاص الي رتبط وياهم معقوله حبني بس علمود شهوته.

" ليش ما كاعد تاكل اكل عمري "

"ما مشتهي"

"بس هاي من ايدي"

نطق بعصبيه "كلتلج ما اريد"

كام بعصبيه دفع لحساب وطلع استغربت خطيبته منه راحت وراه.

"اوكف وين"

"لبيتي يعني وين"

صعدت خطيبته ونطقت "وصلني وياك لبيت اهلي"

خلص حسنين شغله واختار هم كم اشخاص يبدي شغله وياهم طلع من مكان شغله وصله لبيت اهله فتحله مرتضى الباب سبح وغير ملابسه ونزل يتعشه وي اهله يتعشه ضلوا ياكلون بهدوء نطق حسنين قاطع الصمت الي بينهم
" من باجر راح انقل لبيتي الجديد يردلي اجر كم اشخاص يساعدوني بتضيف البيت ونقل الغراض الجدد"

جاوبه ابوه"ميحتاج تجيب اشخاص غربه ولد عمك اخليهم يجون باجر واخوك وياهم هم"

"تمام خوش فكره"

نطق مرتضى "والجامعه"

جاوبه ابو"اخذلكم اجازه"

غيث كاعد بالقنفه وابو يرزل بيه "هاي شبيك ليش هيج تسوي وي مدرسك غير لازم تحترمه هاي جامعه مو مدرسه وتتصرف هيج تصرف وي مدرسك"

"هوه ما يشرح عدل وبس يصيح وينعس ومن يشرح يلعثم بالحجي ولعبان النفس"

"ميخالف ابني مو هاي ولد عمك مو وياك استحمله وياهم واني حطلك مدرس مخصص الك بدرسه"

جاوب ابوه برود"تمام "

الام"هيه هاي ابنك بالمدرسه كضه بس يشرد من المدرسه ويسوي مشاكل بالمدرسه ونقلنه من وره مشاكله وجامعه شمتوقع بعد يسوي"

تجاهلهم غيث وصعد لغرفته

جاوبه علي "هوه صدك مدرسهم هذا مو زين وما يعرف يحجي هوه وياي من يسولف ما يعرف يحجي حقهم يشتكون منه"

"هوه ابنك مدلل دللته هواي ويتمضيق حتى ما يعرف يحترم امه وعمامه يشتكون منه"

"ترا الولد كلشي ما مسوي همه مدري شبيهم وياه وخاصتن انت عقتدي للولد اتمنى بيوم اشوفج متفاهمه ويا لو جانت ريت.."

باوعت بحقد بعد ما عرفت راد يجيب سيره حبيبته القديمه "كمل شتريد تكول"

"معقوله تقارني بوحده رخيصه نفس هاي انت لازم تشكرني وتحمد ربك علي لو مو اني جان هيه متزوجتك ويوميه وي ولد وانت ما تدري مو خانتك شكو تذكر اسمه دائما وراويتك صوره وي حبيب قلبه"

"كافي شيماء مالي خلك غيري السالفه"

"جاوبني"

"دكافي البنيه ماتت والله يرحمه ولا تنسين جان حامل بابني وما اكدر اتخطى ابني منه مات قبل لا يتولد هم لو جان موجود جان هسه بكد غيث"

"اا.. اي بعد ماكو داع.. ي نجيب اسمه وانت هم مو كل شوي تذكره"

"ديله جهزي عشاء لغيث ودزيله لغرفته وكليلي عمك رايدك تشتغل وي ابنه حسنين باجر ينقل لبيته وخذلكم اجازه"

.
.
.
.
.
.
يتبع

اسفه على التاخير.

شرايكم؟

ملاحظه سمير ركزو شوي علي شخصيه شوي مهم بالروايه

البارت الجاي كلش راح تحبوا هواي تحمسوا راح يصير الي بالكم🤭.

باي احبكم.