رواية لم يكن لي ذنب الفصل الثامن 8 - بقلم نور

حبيت. عـَيناك، وأنا أقل الناظࢪين أليها"

غيث لزم ايد حسنين وباوع بعيون حسنين ونطق"شلون يعني اگول هيج تقبله لنفسك انو تكول هيج شي لاهلك اكيد لا حط مكانك بمكاني خليني بس ارجع كلتلك ما اجيب طاريك"

عقد حواجبه حسنين وخر ايد غيث متجاهل كلامه وضل يفكر شيسوي شوي ونطق"غسل وجهك واني راح انتضرك بالسياره نروح للمول"

غيث ضل يباوع على حسنين باستغراب "ما اريد مولل رجعني لاهلي اشتاقيتلهم اريدهم ماا اريد الم...

نزعج حسنين من كلام غيث الزايد وخله ايده على حلكه" شبيكك شكد ترغي اغسل وجهك وانچب"

غيث احس بحرج ود يعرف شنو الي بال حسنين وليش يريده ياخذه للمول فجاه، "انچب اني ما احجي هواي"

حسنين تجاهله شاف بطل ماي محطوط على الميز مال الطعام مشه جاب بطل المي ولتجه لغيث ونطق"فتح ايدك"

غيث فورن فتح ايده حسنين ضل يصب ماي لغيث ومركز على ملامحه وبياضه، غيث يغسل مرت ثواني حسنين راد يطلع من الغرفه تارك غيث يعدل بدگم قميصه غيث من شاف حسنين ديطلع نطق"حسنين لا تعوفني وي هذول اخاف"

دار على غيث ورفع حاجبه"على شنو تخاف ولد وشكبراتك اني بگدك جنت حتى ابوي يخاف مني ومن مشاكلي"(يقصد ابو، محمد) وبگلبه يحجي غير شكل"شحده ليوصلك غير ادفنه وهوه عايش"

غيث ضاج من كلامه ونطق "اهوو واني شعلي بيك ما كلت شي هذول يخوفون وهاي كملت خنطلع سوه"

طلعوا من الغرفه حسنين شاف جماعته كاعدين لازمين مبايلاتهم وغسان يطبخ اول ما شاف حسنين وغيث الي يمشي وره حسنين جنه بزنه وفرق الطول بينهم نطق بفضول"ها شنو الوضع"

حسنين وخر الجكاره من حلكه ورد"من ارجع افهمكم
طلع من بيت شغل سياره التاهو وغيث كعد يم الكرسي الي بصفه متوتر حسنين ركز على توتره الزايد بس تجاهله

_________________________________________

الجد نرفع ضغطه وطاح بسبب قلقه على حفيد ومحطط بالفرش ويمه علي(ابو غيث) حاط ايده على راسه وجه للكاع محمد اخو اجاهم بعد ما سمع لخبر كعد يم علي يحاول يهدي شوي صاح لملاك بعد ما شافه واكفه يم الباب "ملاك جيبيلي ماي"
ملاك هزت راسه (ملاك تصير بنت عمه غيث ضاله بيت جده لان امه منفصله على ابوه وعنده اخت وحده) راح عباس وراه شافه تخلي ماي بالكاسه اخذ الكاسه ونطق"اني راح اخذ الهم انتَ راح للغرفه نامي ما نايمه من البارحه بسبب متحانج" ملاك تفاجت من تصرف عباس وردت"ما اكدر انام خايفه على غيث خوف صاير بي شي" تجاهله عباس وراح مطي لكاسه لاعمه ملاك ضاج منه كونه تكره شخص يجاهله
_________________________________________

مرت ربع ساعه وصل للمول نزل غيث وحسنين،غيث ما يعرف شنو الوضع بس بعد سمع كلام حسنين واثق منه راح يساعده دخل للمول شاف حسنين محل للملابس دخله وغيث وراه اخذ قميص جوزي ومطي لغيث يجربه غيث مستغرب "شنو هاي مو حلو" حسنين رجع القميص بعصبيه ونطق"البس شلون ما جان رايحين نرجعك مو نسوي عرض ازياء"

غيث نحرج وضاج حسنين شاف ابو المحل يباوع على صدر غيث الي (الدكم قميصه البيض الفوق طايحه) سحب قميص اسود بعصبيه واطه لغيث سحب ايد غيث ودخله للغرفه (مال تجارب) ادخل وياه بدون وعي ونطق "انزع ولبس" غيث يباوع بصدمه "شلون يعني انزع" (جان بقصد شلون ينزع وهوه يمه)، حسنين سحبه غيث ونزعه "هيج تنز-ع" اهنا استوعب بعد ما شاف جسم غيث ضل صافن غيث شاف صفنته صاح بعصبيه "ابنن القندره اطلععع"

طلع حسنين حس بحراج بسبب تصرفه كعد على كرسي قريب منتضر غيث مرت ثواني قليل طلع غيث من الغرفه لبس القميص الاسود لي طالع علي يشگ شك حسنين اول ما شافه رجعه للغرفه "شنو هاي مو حلو عليك"

غيث رفع حاجبه ونطق"لا والله حلو وبعدين انت مو كلت شلون ما جان"

حسنين "ديله روح اختارك بنطرون على گدك"

غيث تجاهله ومشه يباوع على المحل شاف قميص

نفس هذا بالضبط عجبه اخذه واطه لحسنين"هاك هاي البسه انت يطلع حلو عليك"

حسنين راد يتجاهله بس ما احب يحرجه واخذه اطه لابو المحل "هاك حطه بعلاكه"

غيث تنطكر"ليشش ما جربتهه"

حسنين جاوبه برود"مالي خلك"

طلعوا بعد ما ختار غيث بنطلون لبسه ملابسه بالمحل وحسنين اخذ ملابس غيث القديمه شمرهن بالزبل وغيث ما اهتم اريد بس يرجع لبيت اهله طلع من المول وحسنين شغل سيارته ونطق"راح اخذك لاهلك واكلهم شفته واكف يم المدرسه واخذته ورحنه للمول والمسبح نتونس شي اخر يوم متحان مو تجفص وتحجيلك كلمه زايده"

غيث باوع علي ونطق"ما اكول شي بس رجعني"
مرت ثواني غيث كرص حسنين من ايده

حسنين ما وجعته حيل بس يحب الدراما "كواد ليش تكرص"

غيث گلب عيونه وجاوبه "اشوف جاي اتحلم لو لا"

حسنين ابتسم على تصرفات غيث ونطق "واني شدخلني اكرص"

غيث حس بنحراج عدل شعره ورد"هم صدك"

وصلوا للبيت نزل حسنين من السياره ونزل غيث وراه مشه ودگ حسنين جرس الباب "

البيت صنطه وكئيب كانه واحد ميت عدهم والكل كاعد بالاستقبال منتضرين اتصال من الشرطه ندك الجرس طلعت ملاك تفتحه اول ما فتحته تفاجت وصرخت "غيثثث" خلت كل الي بالبيت يكومون على حيلهم، غيث ابتسم ودفع حسنين من كدامه ودخل للبيت ابو تفاجه بيه بدون مقدمات كام من مكانه وشبكه "وينن جنت ولك طك گلبي عليك" الكل فرحان من شافوا غيث

دخل حسنين باوع على الاب ونطق"جان وياي شفته واكف وكفت سيارتي وصحتله وياي ما قبل يصعد بس اني جبرته ردت نتونس شي اخر امتحان"

الاب ابتسم وجاوبه"زين ليش ما دكيتو علي خليت بالي علي اله شويه جان نجلطت وخابرنه على الشرطه خلينهم يدورن ويانه "

حسنين "نسينه ما توقعنه يصير الوضع هيج"

غيث باوع على حسنين اول ما سمع جاب ابو طاري الشرطه ضل يفكر باحسنين خوف الشرطه تشوف الكامرات وينكشف حسنين "اخابرهم كلهم كلهم لكينه"

الاب"اي هسه بس ادخل لجدك خلي يشوفك نرفع ضغطه "

طلع حسنين من البيت عباس ومرتضى مستغربين شلون غيث وي حسنين ومن شوكت همه هيج اصلا علاقتهم ملاك شافتهم يباوعون استغربت منهم وراحت وكفت وياهم تباوع ونطقت"حتى اني عجبني هيبه من يمشي" نزعج عباس منه ونطق "انچب وروحي نامي"

ملاك"ما انامم اليوم اريد اعدل نومتي "

عباس رد عليه بتسامه"سامعين هاي الكلمه هواي هسه شوي وراح تنامين وتكعدين ساعه2"

تجاهلته وراحت لزمت مبايله تراسل بنت خاله (فاطمه) وتسولفله على كلشي صار

طلع غيث من الغرفه بعد ما شاف جده وشبكه راح ملتجي للمطبخ شاف امه تطبخ وزوجت عمته وياه "جوعاننن" نطقه وهوه حاط ايده على بطنه.

ردت زوجته عمته بابتسامة "اصبر جاي اصبلك"

عمته(اخت ابو، ام ملاك) شافته واكف وحاط ايده ويصيح جوعان اجت وطكته على طيييبت گلبه
ونطقت"اويليي ترف"

غيث توجع من طكت عمته وصاح "اخخ شنو هاي ايدج عمه عبالك مال خباز"

عمته رد علي "انچب لكك روح اكعد على الكرسي وراح اجيبلك اكلك اني وراح اصور وانشره حاله"

ضحك على عمته ونطقت"علياء ما تكعد راحه"

عمته كضت اذنه بخفه ونطقت"ولك شنو تصيحلي باسمي لا ما اكول لابوك"

غيث " لا لا بعد ما اعيده "

غيث

فهد(الي يحبه غسان صديق حسنين)

غسان

يتبع

رئيكم؟