رواية لو انك لم تعد ..... الفصل السادس والعشرون بقلم نورا ناصر

#لو_انك_لم_تعد.
بقلمي *نوره* ..

كرم ... عفت البيت ورحت الغير محافضه اشتغل بعقد .. كانت تمر الايام عليه صعبه تعودت على غرور كلش. حتى مشاكلها وطناكيرها صرت اشتاقلها افرح من تتصل بيه ادوس ع قلبي وماارد افرح من امي تكولي يوميه تتصل تسال عنك .. ردت ادبها شويه وردت احس بحبها .الي. واختبرها وبنفس الوقت كلش ضايج من سوايتها ..
اشتاقيتلها كلش اليوم يمر عليه عمر وهي بعيده عني قررت قبل ولادتها اصالحها كنت احسبلها يووم يوم وشوكت تدخل بشهر جديد .. وبفارغ الصبر انتظرها تولد حتى اروح اشوفها ..
انقطعت عني كامت متتصل بيوم خابرت امي ...
الو ها ماما شونج
هلا حبييبي بعد عيني انت شونك
بخير اسأل عنج
اني زينه شوكت تجي
عن قريب اجي ان شاءالله
اي ياريت والله علاوي شونه
زين كل يوميه اشوفه خواله يتصلون بيه كام واشوفه عود من تجي هم جيبه النه مثل كل مره
اكيد يوم اكيد مكتيلي شونها غرور
زينه بخير
دتتصلين بيها
اي ومرات اروحلهم اني وزيد اجيب ملوكه يمنه
متسال عني
والله صراحه متسال هالايام ماادري ليش كافي زعل مرتك حامل وتعبانه ارجعلها ياابني ميصير وهي اكيد هسه عرفت غلطها وبعد متعيدها
اي يوم اكيد مراح يبقى هيج الوضع كلشي يتغير
اي هم هسه بالكوت عرس رضا يوم الخميس
صدوك اشو محد گلي
اي هم عزمونا كلنا ودزوا النا بطاقة دعوه .. بس العرس هناك حيصير ..
اوك ماما احتمال اجي قبل عرس رضا ..
هلا بيك عيونك دير بالك على روحك
ماشي وانت هم الله وياج
سديته من امي راسا خابرت رضا ..
الو رضا شونك
هلا ابو علي شونك انت
الحمدلله بخير تمام الاهل شونهم
الحمدلله والله تمام
شنو سمعت زواجك قريب اشو معزمتني
لا كروم شون مااعزمك دزيت بطاقه لاهلك وكتلهم يبلغوك هم ولو العرس بعيد عليكم ..
ميخالف ان شاءالله اجي بدربي الكم .. بس انطيني العنوان
هو قريب ع بيتنا كبل وان شاءالله ادزلك العنوان بمسج
اوك شايف الف خير ابو حمودي تستاهل وسلمني
يوصل انتظرك تجي ان شاءالله
اي اكيد يلا الله وياك ..

يعني بعدهه ماجايبه ..
حضرت كل شي وسافرت لبغداد يوم ثاني رحت شفت ابني .. علي وبعدها رحت للبيت سلمت ع امي وزيد وصعدت فوك دخلت للغرفه .. تذكرت غرور بعدها بيها ريحتها ... شوكت ارجعها تعبت .. وبقيت اتساءل شبيها ..
زيد ميروح ولاامي .. بس اني حضرت نفسي واتصلت بولد عمامي كم واحد كالوا يرحون .. رحت وياهم
اول مادخلت استقبلونا ورحبوا بينا شفت رضا اجه سلم باركت اله وهمس باذنه اريد اشوف مرتي كال هسه اسويلك درب . راح واجه بيده .. طفل .. تفاجئت يمكن ابن احد من بيت عمامه .. خلاه بيدي باوعت بنيه .. كلي جبتلك بنتك بدل امها .. بوقتها لادري ضجت لاادري فرحت جابت واني ماادري اخذتها بيدي رغم ثاني مره اصير اب بس هسه هالمره تختلف هي من الحب .. ضجت لان مادريت بيها جايبه بس هم صوجي المفروض طول هالفتره اسأل عنها واخابرها واعرف اخبارها
الكل كال اشو مكلت صارت عندك بنيه ومن هالحجي
شون اكوللهم ماادري ضحكت وسكتت اخذتها بشقه وبضحك ..
مر اليوم بين العرس والهوسه مشفت غرور ابد كلما اكول الرضا اريد اشوفها يروح يرجع مغلس عرفت متريد تشوفني وعرفت صار الها 4ايام من جايبه
ومحاجيه حتى لامي .. رجعت من العرس ورحت البغداد كلش ضايج ومتردد اخابرها بقيت كم يوم جبت ابني للبيت قضيت ويا وقت وبالي يم بنتي هم بعيده عني ومشفتها بس يوم واحد
كملت اجازتي ورجعت الشغلي ..
كل عشرين يوم انزل 5ايام .. ع مرتين اروح لبيت عمتي اشوف ريم الزغيره بس مااشوف غرور .. عرفت زعلانه بس منو المفروض يزعل .. واني هم زودتها مااسئل عنها ظليت ..

غرور .. ماردت اشوفه تنازلت هوايه وتوسلت اكثر بس بالي يمه اتمنى اشوفه وادوس ع نفسي اصلا هو مو رايدني عليش اطلعله واتفشل ويردني
كلما يجي مااطلعله اجه ع مرتين واني ابيت اهلي ماطلعت بس شاف بنته وخلالها فلوس

بفد يوم امي ورضا ومرته معزومين ابيت خالتي كلولي امشي اني بروحي مكتئبه .. وبنتي هي نحسه مااخذت ممه اله صدري كلت لامي روحوا انتوا اني مااكدر اطلع
لج جم دوب تبقين هنا وحابسه ع نفسج تره كرم يريدج ميصير هيج مره ثانيه اذا اجه اطلعي سلمي عليه كافي
مااريد ماما هو لو يحبني جان يسال عني بالفون ع الاقل وبعدين اني تعودت بدونه وخلص
رضا .. هو كل مره يسال عنج مكافي زعل شتردين منه يبوس رجلج وبدلي وامشي ويانه لتظلين محبوسه
لا من حجيكم هذا خوش الي نفس الي اطلع وياكم
جيهان (زوجة رضا) حبي غرور طلعي والله غيري جو طلعتنا متسوه بدونج
طلعوا حبي انت عروس اطلعوا اتونسوا اني تعلمت ع الوحده واخذوا ملك ونسوها وياكم
بدلوا الصبح وطلعوا .. اني بقيت وحدي بالبيت بدلت الريم و نومتها وكعدت ارتب البيت خلصت كل شي شفتها نايمه اطب اسبح كبل لاتكعد بسرعه طبيت سبحت وطلعت نشفت شعري ع نص كعدت تبجي رضعته شبعت كعدت اباع الها دتكبر عمرها 40يوم هسه صارلي 6اشهر بعيده عن كرم مليت من حياتي حييل ..
شويه اندكت الباب عفت ريم بفراشها تلعب لبست شالي وطلعت منوو صحت
انيي ..
فتحت الباب .. شفته كرم ظليت صافنه تراجعت ليوره كم خطوه /. طب وسد الباب وراه ..
بقيت اباوعله ومطنكره .. معرفت شحجي ولاهو بس اكو لهفه اكو شوك اكو حنين .. ابينا ..
كال اريد اشوف بناتي ممكن ..
باوعتله .. اي ممكن ودرت امشي باتجاه البيت
طبيت طب ورايه .. بقى بالهول رحت جبت اله ريمه شالهه وباسها وهو واكف واني واكفه ومنصيه راسي
كال بعد وحده وين رفعت وجهي كتله ملك راحت وي امي والعرسان معزومين
جان اكو مثل المرجوحه مال طفل اخلي بيها ريم بالهول خلاهه بيهه
واجه يمي كال والثالثه باوعتله منو بعد الثالثه
كال انت
شبيه
اقترب يمي وحضني
اخذني احتاجلك منفى الوطن موكل شي اذا مو شابكك واغفى
وبوسني ع راسي
مشتاقلج
دموعي وكعن كتله كذاب لو مشتاقلي متعوفني كل هالفتره انت اكيد متحبني اكيد ناوي تتركني وتطلكني
ولج
ماحبيتج حتى اتركج حبيتج حتى نبقى العمر كله سوه ايامي ببعدج جانت عدم جانت رماد مالهه اي طعم احبج غرور وراح ابقى لاخر يوم بعمري احبج

غرور ...واني بحضنه سم الله على عمرك بعد عمري
فدوه سامحني تنذكر ومتنعاد والله

اشش حبي كافي مثل مكلتي تنذكر ومتنعاد
كعدنا نسولف شون كضينا ايامنا بعاد عن بعض

وسولفتله ع ولادتي وع كل شي كتله توقعت خلص بعد متريدني شهد كالت حترجع وئام
وانت الفطيره اكيد صدكتيها وظليتي تدكين وتلطمين صدكتها اي بس مادكيت ولطمت بس انقطعت عنك ومااسئلت عنك بعد ..

موتيني بانقطاعج عني
حكرتك مثل ماانت حاكرني ..

ترجعين ويايه اليوم ..
ايي ارجع اليوم بعد مااتحمل بعيد عنك
بس يرجعون اهلي اكوللهم وارجع
بقه يمي كمت سويت اكل النا اني ويا بقه هو يم ريم شالهه عني واني اسوي الغدا ..
سويت النا دجاجه ع التمن
هو كاعد يمي بالمطبخ ع الكرسي وريمه نامت وخلاها بفراشها
الله شكد مشتاق الطبخ ايدج
اوف سوده عليه اي والله ماادري جان اطبخ وادزلك لبيت اهلك من تجي بس ماادري شوكت تجي
ههههه منا وهيج كل عشرين يوم اضوك طبخج
شنو كل عشرين يوم
غير يخلص العقد يله وخاف اجدده هم
رحت كعدت بحضنه ليش تجدده بعد
خاف تتوكحين وتأذيني اجدده وابقى بعيد عنج شون هالمره
لا والله اتوبه اتوبه اذا اذيك
لعد كبري عقلج وصيري ادميه
مممم زين وشون وي شهد
خلي يخلص العقد بعد سنه واقل النص تقريبا اصبري بيها احاول اقنع اهلي نقسم البيت
ماشي بس والله مراح اكدر اصبر ع بعدك
شون تحملتي هالفتره الفاتت تحملي
جنت ميته مجنت عايشه ...
تغدينا اني ويا وبعدها جوي اهلي وفرحوا برجعتنا
بيومها اخذني ورحنه .. لبيت اهله بقينه ع هالحال
كلما يروح يوديني لاهلي بالعشرين يوم اموت بليا اريده يمي ماخلصت السنه ونص اله بعد ماطلعت روحي حاولت شكد مااكدر ماازعله ابد كبرت عقلي شفت الويل ببعده اشتاقله احتاجله الاطفال يحتاجوا
خلص العقد وبقه يقنع زيد وامه ع قسم البيت..
كوه قبلوا سمعت اشكال الحجي من شهد شرطوا علينا ناخذ الطابق الفوك .. والهم الجوه قبلنه سوا الي بي مطبخ بس هو بالاصل بي حمام غرفة ريم صارت للبنات وغرفتي بقت الي وارتاحيت من شهد
خالتي مرات يمي ومرات يمهم وماكو فرق
ابنه الكرم جان يجيبه يمنه بين فتره وفتره حلو حباب ومووكح
ويحبنا وكلش متعلق بكرم ويتمنى ياخذه بس يكول مااريد احرمه من امه .. واحرمها منه بس اذا تزوجت اخذه

بس بقى جرحي النازف والي مايندمل ريم اختي
مانسيتها بيوم ابدا والوم الزمن الحرمني منها
بقت بنتها كبال عيني وبنتي ع اسمها بس مكانها بالقلب والروح ...
انتهت ...