رواية لؤي وهمسه بقلم الحساب مغلق | كاملة
قيّم الرواية:
لا توجد تقييمات بعد
من أحداث الرواية
السلام عليكم اني لؤي كلية طب مرحلة اولى جامعة البصرة عندي اخوان 2اصغر مني وليد خامس علمي واحمد ثالث متوسط وبنية وحده مرام خامس ابتدائي احنه عائلة عشائرية والدي شيخ عشيرة معروف فد يوم جنت طالع لسوك بسيارة ابوية وبالشارع كدامي صار حادث فلزمت بريك عالسريع السيارة الوراية انظربت بسيارتي نزلت ونزل ابو السيارة الثانية وكام يغلط ويصيح ويضرب بسيارتي واجه زنكني من ملابسي ويغلط ويصيح التمت الناس البشارع يمعود مصار شي الحمدلله على سلامتكم وهو ابد نار وتطلع من عيونه وهو اسمر طويل ضخم يخووف ظربني بوكس على عيني انغمى عليه فتحت عيني بالمستشفى التعليمي وابويه وامي وعمي على راسي وامي تبجي وهمه يتحمدون لله عالسلامه يمه اني زين لاتبجين بس عيني مشدودة يمه شكو ابويه - كال وليدي عينك اللي ضربك عليه عمت والولد هسه بالسجن الناس الجانت واكفه لزموه واجت دورية واخذوه والناس الواكفة شهدت انو هو تعدى عليك واهله اجو يردون نحلها بفصل وان شاء الله...
