رواية ليالي رمضانية الفصل الثاني والعشرون 22 - بقلم عبد الرحمن الرداد

ابتسم الشيخ وتابع بيانه وهو يقول: - وأخيرا وصلنا زي ما بيقولوا للبسكوتة.. وصلنا للصدقة.. الصدقة سرها عظيم جدا وسبب كبير جدا لزيادة البركة والرزق والسعادة في حياة الإنسان. تخيل كل ليلة من الليالي دي تتصدق ولو حتى بمبلغ بسيط جدا حسب استطاعتك. تخيل لو صادفت بصدقتك دي ليلة القدر؟! الصدقة في الطبيعي ليها مفعول ساحر طيب تخيل بقى الصدقة في ليلة القدر؟! ده أنت ممكن تتنقل من مكان لمكان تاني خالص ومن حال لحال تاني خالص. تخيل كمية البركة والسعادة والخير اللي هيصيبوا حياتك. أقسم بالله أي شيء في الدنيا لو صرفت عليه فلوسك بتنقص إلا الصدقة. مهما تطلع من فلوسك وتتصدق بفلوس أكتر كل ما فلوسك هتكتر مش هتقل، والله ده حقيقي ومفيش حد جرب ولقى غير كدا. كل ما تتصدق بفلوس أكتر كل ما تلاقي الفلوس دي رجعتلك أضعاف مضاعفة ومش بس كدا ده جاي معاها بركة وسعادة ويسر وخير لا ينتهي. قال رسول الله ﷺ: "ما نقص مالٌ من صدقةٍ"