رواية #ما_بيننا_كان_اعظم الفصل الأول 1 - بقلم اسراء الجميلي

مساء الخيرات على عيونكم الحلوات ..
هذا مشهد من القصة :
( فكرة جديدة استنبطتها من احدى كاتباتنه الغاليات )
اذا يعجبكم حتى استمر و ابدي النشر قريباً ..

بسبعة اخوية عامر ..
اباوعله شلون فرحان هو و عروسته ..
ضحكتي بوجهي و حسرتي بقلبي على حالي ..
لا حسيت بعرس و لا بدله و لا فرحه ..
عفتهم و رحت للمطبخ شفت كم ماعون على السنگ ..
گلت خلي اطلع حرگتي بيهن ..
السنگ يصير گبال باب الشارع ..
اندگ جرس الباب راح واحد من الجهال فتحها ..
دخل أيهم ..
ياااااااابه سنتين صارالي مشايفه ظله انوب وجه و طوله المهيوب ..
اه يا قلبي المشلوع و باقي يمه ..
اديه بقت بلا حركه ..
لازمه الماعون و الجلافة ..
المي يجري و تجري وياه ايامي الحلوة ..
الموتوه اهلي ..
و تروح من ايدي و ايده ..
دموعي تنزل ..
ديسد الباب و شافني ..
بقه صافن عليه ..
لازم الباب بيده و ملتفت عليه ..
عيونه انترست دموع الرجولة الي متنزل ..
ما اعرف شگد مشه من الزمن و مر ..
بس تمنيتني ابقه واگفه عُمُر ..
اشو راساً وجه تغير لونه و وخر عينه مني ..
انمدت ايد مهند سدت البوري ..
باوعت عليه متفاجاءه ..
رجلي گامت متشيلني متت خوف ..
لزمني من زند ايدي اليمنه ..
تعاي ويايه بسرعة ..
صوت الديجي اختفه من اذني ..
صار ابداله وشه قوية ..
جرني دا امشي وياه شفت ابوية گبالي ..
انتبه على وجهي و شاف وجه مهند معصب ..
خيركم ؟
سمعت صوته وگعت و محسيت على نفسي الا و اني بغرفة امي ..
شبيچ ماماتي اسم الله عليچ ؟
باوعتلها ..
عبالك الساني معگود ما اگدر اجاوب ..
سمعت ابوية ..
خير يابه شجاج ؟
خاف حيشرف ولي العهد و يضرب على چتف مهند الواگف گبالي ..
عيونه ما يتفسر الي بيه ..
مدري خوف مدري اهتمام مدري عصبيه مني ..
لا عمي لا ..
بس هيه منامت البارحة زين و من الصبح گعدت على الشغل ملحگت تاكل زين ..
ابوية ضاج ..
هااا اكلي يابه مو زين عليچ ..
بلعت ريگي و جاوبته بخوف و تردد ..
حاااااضر بابا ..
رفعت ماما راسي دتشربني مي ..
اجه تقرب عليه ..
اخذ گلاص المي من ايد امي قبل متوصله الحلگي ..
لا عمه عوفيها اني اشربها ..
روحي لضيوفچ عيب ..
اي صدك گومي ام ثامر ..
خلي انشوف العالم ..
امي بقت تباوع عليها و عليهم ..
عرفته يريدنه نبقه وحدنه ..
حچيت بصوت يرجف ..
روحي ماما مهند يمي ..
طلعوا سدو الباب ..
بقلبي اجاك الموت يا تارك الصلاة ..
اتقرب عليه ..
جر راسي بقوة ..
اشربي بت عمي ..
شششششكراً ..
شبيچ ترجفين ؟
مممممممابيه ..
رجع راسي على المخده ..
حچه و هو يصك على سنونه ..
اسمعيني زين يا زينة البنات !
اشرتله براسي نعم ..
انتِ مرتي بالقانون و الشرع ..

هذا مشهد من القصة باذن الله سـ أبدا بنشرها يوم الخميس القادم