رواية #ما_بيننا_كان_اعظم الفصل السادس عشر 16 - بقلم اسراء الجميلي

#ما_بيننا_كان_اعظم
الفصل الخامس عشر
#قصص_اسراءالجميلي

اسمعيني اكمل ..
و لا انتِ تريديني ..
چان يلزم ايدي اليمنه بيده اليسره ..
و لزم حنچي بيده اليمنه و جعصه قوي ..
طبعاً هو صاير على جهتي اليسرة ..
اني ك رجال ما ارضى اخذ مرة مو الي اعشگه ..
و لا اخذ مرة متريدني ..
بنفس الوكت مدامچ رافضه معناها زواجنه باطل ..
و اني گايلچ هالكلام قبل ..
بس مال عينچ تزوغ منا منا ..
مد ايده حط اصابيعه بعيوني ..
افگسهم و حق الي خلقچ و خلقني ..
حاولت ارفع راسي ..
و تذكرة قوتي وين راحت ؟
حاولت احچي بعياط ..
اني مسويت شئ شبيك انت ؟
بس صوتي مدا يطلع قوي من خوفي ..
دفعني بقوة على راسي رگعني بتاج الچرباية ..
ااااايييييي اذيتني ..
ضحك بحقارة ابد مشايفتها منه ..
بعدچ مشايفه مني شئ ابد ..
صوني عشرتي مثل ما صاين عشرتچ ..
لان و حق الله اشوفچ الي مشايفته و لا سامعته بحياتچ ..
رجعت حاولت اغبي نفسي ..
اني مدا افهم انت شنو تقصد ؟
عاط بحلو حسه ..
طبعاً محد يسمعه من ورى الموسيقى العالية ..
سمعتينيييييبي زييييييين لو لااااااا ؟
هد حنچي و اديه ..
و لزم راسي بأثنين ايده و ضغطه من يم اذاني ..
خلي كلامي ترچيه بأذانتچ اثنينهن ..
و الله و الله و الله و روح امي العزيزه الغالية ..
انسه كلشي ..
لا اذكر اهل و لا عشره و لا گرابه و لا حتى دين ..
اذا بنظرة خنتيني ..
اهنا فار دمي شنو يتهمني بالخيانه ..
هو اصلاً زواجه مني حرام ..
شخونك انت شدا تحچي اني اشر...............
كافي لچ بلا حچي زايد ..
بعدني ممكملة جملتي عافني ..
طلع فتح الباب و سدها قوي ..
اكيد الكل مسمعوه ملتهين بفرحهم و اني ملتهيه بضيمي ..
بس اني وگف قلبي لحظات ..
شلون من نعطس و قلبنه يوگف ..
و ربنا الرحيم يرده يشتغل ..
رجع اشتغل بس مو بدگته الاولية ..
بقيت بالفراش اباوع فوگ على البنكة ..
اشوف ريشها ٣ تفتر و دنيتي تفتر وياها ..
عساك بنار جهنم تحترگ ..
اكيد اكو بيه مكان الك و الامثالك ..
اووف استغفرلله ..
بس اني ما اريد ادعي عليه خطيه ..
دخلت بسمه ..
ببدلته البنفسجية الفاتحة الطويله المگسمه على جسمها الحلووو ..
شايلتها بأثنين اديها و اطرگع بالكعب ..
شبيچ حبيبتي اسم الله عليچ ؟
بديت اضحك عبالك مخبله ..
گمت احچي بصوت و اني بكامل وعيي ..
شفت شفت حب العمر ..
شفت الي صبرت على كلشي الخاطره ..
شفت الوحيد بالدنيا الي علمني شلون اعيش و ليش اعيش ..
شفت.......
وچ منو شفتي ؟
شفت ايهم بسمه ..
و بعده يحبني ..
شلون عرفتي ؟
و اللچ اكو واحد ميعرف روحه ..
وچ اكو واحد ميعرف دگات قلبه شوكت تنصه و شوكت تعلى ..
وچ اكو واحد ميعرف عمره الحلووو ..
على كيف يمعودة حتموتين ..
اه لا لا اسم الله عليه ما اريد اموت ..
اريد اعيش حتى بس اشوفه ..
وچ وگف گبالي عيونه تگلي مو بس احبچ ..
عيونه حچت ويايه ..
بس خطيه جواها اسود ..
مقهور على فراگي حتى الليل مينامه ..
ايبااااااخ ..
لزمتني من گصتي ..
شبيچ حبيبتي حرارتچ مرتفعه ؟؟؟
وچ و الله حچت ..
اي عيني و شگلچ ..
گلي : اني كذبت من كتلچ اگدر اعيش بلاياچ ..
بلاياچ كلشي بحياتي ناقص ..
و بوجودچ كلشي ما اريد غير حبچ ..
زين شلون سمعتيه خيه ..
اني اسمعه شگد متصير بينه مسافات ..
اني اسمع روحه شنو تگلي مو السانه ..
و الروح اصدق من اللسان ..
الله على خيالچ الله يشفيچ ..
بابا كافي عاد موتي بداخلچ ..
حتى تعيشين لا تموتين بالحيه ..
ميموت بداخلي ابد ..
من چان فراگه على باب بيتي ما موته ..
اموته هسه !!!
اني اتعلق بأي خيط ذكرى يجي ابالي و اقوية و اثخنه ..
بسمه اني ابساطة ما اريد انساه ..
دخل عامر ..
وچ شبيچ خوخه ..
خاف خلص موسمچ خيه ..
ضحكنه اني و بسمه عليه ..
گومي گومي يلا البيت انترس وسخ خو بس مرتي تسويه ؟
بسمه : هههههه شنو انت تريد تمثل دور الاخ ..
اي اني اخوها الحمش ..
اقصد اخو مرتي ..
اني : لا حبيبي انت وردة لا تگول هيچ ..
اتقرب عليه ..
شلون صرتي خوختي ؟
الحمدلله ..
ديلا كومي الناس سالت عليچ اكثر من بسمه ..
هاهاها كذاب ..
ايا حقيرة اني اكذب ..
اي انت ..
دگومي لان مهند گال الابوية بعد ساعة تروحون ..
اوووف رجفت ايدي ..
هااا صدگ وين نروح ؟
غير ترجعون البيتكم ..
اي صح عبالي ابات اليوم اريد اساعد بسمه ..
لا هو گله كلكم تروحون يگول كافي صار الها ٨ ايام يمكم ..
اي صح هواية ..
لعد خلي اگوم ..
بسمه : خاف بعدچ تعبانه حبيبتي ..
لا هاهيه صار كومة اهنا اني صرت احسن ..
خوش لعد ..
طلعت وياهم لگيت مهند و ابوية گاعدين بالهول ..
چانت بس عيون ابوية ترعبني ..
هسه انضافتلها عيون مهند ..
اصلاً ما اريد اباوع عليه ..
رحت شوية وگفت بالصالة ..
بعدها رجعت اشتغل بالمطبخ ..
ربي يهديك و اطلگني و اخلص ..
صدگ بعد ساعة مثل مگال عبالك موقت ..
يلا خيال روحي صيحي خالتي و البنات ..
هااا اي حاضر هسه ..
حتى ما باوعت على عينه ..
صعدنه بالسيارة ..
حلو گعدوني بالوسط ..
الطريق كله كلما اباوع على المراية الوسطية الگدام السايق ..
اشوفه يباوعلي و مخنزر ..
وصلنه للبيت الطريق صار سنة ..
نزلت ريم نزلت راساً وراها ..
فتت للمطبخ و ركض صعدت الغرفتي وصلتلها الهث من سرعتي ..
بس بدلت و چان يفوت مهند ..
بعياط يحچي ..
عبالچ من تصعدين ركض مراح الحگچ ..
احچيلي بسرعة شعندچ وي ايهم ؟
يلاااااااا
هو يحچي و يتقرب و اني ارجع وره ..
صار بظهري الكنتور ..
لزمني من رگبتي ..
احچي و اللچ ..
دموعي گامت تكت ..
و الله ما عندي شئ وياه ..
لچ لعد ليش هيچ چنتي تباعين عليه ..
بقلبي : اي الحمدلله ممنتبه عليه يباوعلي ..
گمت احچي و اشهگ ..
و الله ماكو شئ اتذكرت ايام الطفولة من راحوا الاطفال يفتحون الباب ..
و الله اتحصرت على ايامي من چنت طفلة ..
و داعت امي اتحصرت على الراح و بعد ميرجع ..
دموعي چانت نار على خدودي ..
وخر ايده و انطاني ظهره ..
استغفرلله استغفرلله استغفرلله ..
اسمعيني يا مره اني ما شاك بيچ ..
بس حقي عليچ لان انتِ عرضي ..
اندار عليه و يضرب على صدره ..
عرضي اني فهمتي ..
زواجنه صوري حقيقي ..
انتِ عرضي ..
ابچي و احچي ..
و الله اعرف و حتى لو مو زوجتك ابقه عرضك انت ابن عمي ..
اعرف و الله ..
عفية اني ليش دومي مظلومه ؟
جاوبني الله يخليك ؟
بقه ساكت ميجاوبني ..
يباوعلي و صحوة ضمير بعينه ..
ليش ابوية ظلمني و انت هم ..
اني مظلمتچ اني ردت اعبش وياچ رجال و مره انتِ رفضتي ..
قصدك نعيش جسدين بلا روح ..
سكت و گام يباوع بالگاع ..
بعدين تشبع من الجسد ..
و ترجع تزوج الروح ..
ااشر على اتجاه السويت مالهم ..
گعد على طرف الچرباية و بقت رجله عدله ..
يمكن صح لان ريم هي روحي ..
و شگد چنت احبچ مثل اختي شگد كرهتچ من صرتي مرتي ..
طول الوكت احاول اتأقلم على وجودج اهنا ..
بس مگدرت ابد ..
و مرتاحيت بحياتي الا من رجعت ريم بيها ..
بداخلي اگول : يعني انت تحچي عن حبك عادي ..
بس اني على نظرة گلبت الدنيا عليه ..
شلون دنيه ..
حلال عليك حرام عليه ..
گتله : الله يجعلك مرتاح دوم ..
مشيت من يمه رحت للكومدي جريت كلينس من العلبه مالته ..
مسحت دموعي ..
اريد انام ..
يعني تطرديني من غرفتي ؟
رجع بلحظة لاسلوبه الحقير المستفز ..
العفو مو هذا قصدي ..
لعد تسكتيني قصدچ ؟
و الله مو قصدي اي وحدة بيهم ..
بس تعبانه و الله ..
گام يطلع ..
ديلا يلا انهمدي ..
ساعة السودة الي جمعتني بيچ ..
دفعني و طلع من الغرفه ..
اعوذ بالله من غضب الله ..
جريت نفسي جر على فراشي ..
و رجعت افكر بايامي و احلامي ..
زين اني صدگ شفت الحب بعينه لو دا اخدع نفسي و اقشمره ؟
زين هو يحبني مثل گبل لو لا ؟
اذا يحبني ليش فرط بيه ؟
ليش عافني وحدي ؟
ليش ميهمه شنو يصير بيه ؟
ليش راح واخذ وياه الروح والامان والضحكه و الونسة
راح وخله كلشي بيه مريض ..
زين اقتل كلشي يخصك بداخلي قبل متروح ..
صار ليلي وحشه ..
والسهر ادمان ..
وكل حچايه يحچيها غيره توجع و تلچع مثل الچوية ..
ما ادري الومه لو الوم ابوية لو مهند لو نفسي ..
لو الوم الايام الي دا تخليهم بدربي ..
اتمنى افقد الذاكرة ..
يا ريت افقد الذاكرة و مترجعلي بعد ..
نمت و اني بتعب حتى باحلامي و نومي ..
مرت الايام و راحت و مشت و مهند تزيد قسوته و انانيته ..
حتى ريم صارت معاملتها اليه استفزازية و حقيرة ..
بسبب هو : الرجال من يحترم مرته گدام الناس حتى امه متگدر تتجاوز عليها ..
اما اذا ميحترمها اصغر نفر بالعائلة يهينها و يأذيها بسببه ..
مرة گاعدين سوة على العشه ..
كملنه اكل دنگوم ..
مهند : عندي خبر حلو الكم ..
ابوه : اي يابه يا ريت فرحوني ..
مهند : يابه ريومه حامل ..
ابوه : ايييييه هي هاي الاخبار الحلوة ..
ربي يتممها عليك يابه و تولد بالسلامة ..
اني صايره بين ريم و خالتي ..
خالتي لزمت چتفي ..
يوم الالچ حبيبتي ..
حچت ريم بصوت ناصي بس اني سمعتها ..
غير اول شئ ياخذها يلا يحبلها ..
و هو همين براس الميز سمعها ..
باوعت عليه بنظرة اخخخخخ شگد احتقرته لان گايللها ..
تمنيت لو مشايفته طول حياتي ..
حسيت قلبي غرگ بدمي ..
و عبالك اني طايفه بس على الگاع و جلادته مو على البحر ..
و صارت تنميله غريبه بجمسي وصلت حتى للساني ..
اريد انطق الحروف اختفت ..
اباوع على حلوگهم شلون يباركولهم ..
و اني كأني طفل امه هستوها تعلمه الكلام ..
مممببببررررووووككك ..
طلعت المبروك متقطعه ..
كلها باعت عليه بنظرة عطف ..
بس هو يا عيني على صلافته ..
ههههه شبيچ اتمتمتين ؟
ما بيه شئ ؟
جاوبته بثقه عرفت الله قوة لساني بلحظتها ..
اريد اروح الاهلي ..
خير منو حيتزوج اخاف عمي ..
گاموا يضحكون كلهم ..
اني جاوبته بمنتهى الهدوء ..
لا محد يتزوج ..
بس مشتاقة الـ امي ..
زين لعد خلي اخوچ يجيج ..
ليش مو انت توديني ؟
مثل ما تودي ريم ..
لا تقارنين نفسچ بريم ..
عمي : مههههننننند ..
عاط عمي مهند خنس و لا حرف ..
و مرته وجها صار احمر ..
تحول من لون الفرح بكلمة مهند الى لون الخوف بعيطت عمي ..
اداركت الموقف ..
فهمت قصدك لان بيتهم خوطتين و اني لازم سيارة ..
عمي هدئ صوته ..
گمت من الميز و گامت رغد وياية ..
عمي : گومي ريم وياهم ..
مهند : مو حامل ميصير ..
عمي : ليش الطفل متعلگ بعلج ؟
لا مو هيچ بس اول طفل ..
ريم : لا حبيبي لا يظل بالك ما بيه شئ ..
تنعوصت كالعادة السخيفه مالتها ..
اجتي رغد بصفي تقلدها : لا هبيبي لا يدل بالت ما بيه تي ..
ههههههه وچ كافي ..
و الله اصلاً ميحتاجون طفل هيه موجودة ..
ههههه كافي عاد حنفجر من الضحك و كلها تسألني ..
عمي : بابا خوخه ..
نعم عمي ..
باچر حظري نفسچ اني اوديچ الاهلچ ..
لا عمو ماكو داعي اخابر عامر ..
لا بابا عادي وي طلعتي حضري نفسچ بالعشرة ..
باوع على مهند بتهديد : خو عندك اعتراض هنودي ..
هااا اني لا عادي ياب خلي تروح ..
و رجع يحچي وي محمد علساس ميهمه الموضوع ..
محبيت اعاتبه و لا اگلها ليش گتلها لان الكلام ميفيد ابد ..
ثاني يوم گعدت من وكت غسلت و حضرتلي هدوم و نزلت جوة ..
مهند : اي اليوم التنبل حس من وكت لان بيها خواره ..
اني : مهند ترى كلامك مو حلوو اني وين رايحة غير بس الاهلي ..
الي تخور الي تفتر من مكان المكان ..
حچيته بتشديد على كل كلمه ..
ريم : يعني شنو قصدج اني اخور ؟
باوعتله بابتسامه خفيفه ..
ليش مو گاعدة رغد ليش ما اخذت على نفسها ..
صير عندچ ثقه بنفسچ بابا ..
ههههههه ..
حسيت بنصر بسيط على جملتها مال البارحة ..
مهند : خيال روحي احسلچ اريد ارتاح ..
حاضر ..
دا اروح چان اتقرب من اذنها ..
عود اسالي نيشاني منين اجه ؟؟؟؟
هههههههه
مهند : شگلتيلها خيال ؟
حچاها بنفاذ صبر ..
گلتلها الله يتمملچ بالخير ..
لان البارحة انصدمت تدري متزوجه صار سنتين و ماكو طفل ..
احچي و كلش واضح للسامع استهزائي ..
صاحني عمي همزين : يلا يابه تأخرت ..
مع السلامة مع السلامة ..
و شليع للسيارة ..
رحت وي عمي و اني في قمة السعادة حسيتني بامتحان و اخذت عشرة من عشرة ..
نزلت و شكرته العمي ..
سلمت عليهم كلهم و فرحت بشوفتهم ..
تدرون بيتنه صاير احلى بوجود بسوم ..
چان تتقرب عليه ..
عندي خبر كلش يهمچ ..

فالقصة كلام يجرح

السلام عليكم ورداتي ..
ارحب بالميتين متابعه الجدد ..
و اگلهم بأذن الله تستمتعون ويانه يا رب ..

شنو تعتقدون الخبر ؟
و اكثر جملة عجبت حضراتكم شنو ؟