رواية #ما_بيننا_كان_اعظم الفصل الثالث والعشرون 23 - بقلم اسراء الجميلي

#ما_بيننا_كان_اعظم
الفصل الواحد و العشرين و الاخييييير
#بقلمي_اسراءالجميلي

ابوية : و الله احنه النه الشرف بس الرأي الاول و الاخير يبقه لـ وردتي خيال ..
باوعت الابوية تفاجاءت بكلامه معرفت شنو اگله ..
بس دموع الفرح الي ملت عيوني و بدت تجري مثل جريان النهر العذب ..
چانت اكبر دليل على الاحساس الحلو الي بداخلي ..
رحت بخطوات سريعه على ابوية لان هو چان بـ بداية الصالة و اني بـ نهايته ..
هو من شافني جاي باتجاه گام عليه ..
حضنته بكل ما املك من قوة ..
اخيراً حبيبي حربي و الرجل المثالي في حياتي رجعلي ..
باباتي رجع مثل ما كل بنية تتمناه ..
نسيت كل الي سواه وياية ..
اتذكرت بس انو هذا سندي و اماني ..
بهذا الحضن الگاه الحنان الي ماكو بكل الدنيا ..
ما اهتميت منو موجود و شنو ممكن يگولون عليه ..
نعم كلشي بحب الام و الاب و العائلة يزهر ..
في يوم ما ابويه طفه كلشي حلو بيه و بلحظة رجعني وردة مفتحة ..
بعدها فزيت على صوت الهلاهل ..
انداريت عليهم لگيت دموع الفرح مالي عيونهم و اكو الي ما سيطر عليه و نزلت ..
اجه ايهم تشكر من والدي و وعد يخليني بعيونه ..
و اني اباوع على احلى و اغلى رجلين بحياتي ..
طبعاً ابد ما نسيت عامر و تمنيت وجوده وياية بهاي لحظات الفرح المو طبيعية بحياتي ..
اتفقوا على الامور الثانوية ..
لان باللمور الاساسية بابا رفض يطلب شئ ..
گلهم اعتبروها بتكم و الي تجيبوه او تنطوه الها يمثلكم انتوا احنه معلينه بيه ..

بعد ما راحوا خابرت عامر و بسمه حچيتلهم كلشي ..
عامر يگلي لازم اجي ديربالچ يتم شئ بدوني ..
اريد اكون شاهد على العقد ..
و الله يا ريت خوية ..
زين انتوا شوكت قررتوا تتزوجون ..
بعد شهر و طبعاً بابا ما يرضى عقد الى قبل يوم العرس ..
ههههه اي ادري بالوالد حريص كلش ..
زين هسه گلي شوكت تجي ؟
لا حبيبه خليها مفاجاءة احلى ..
هههه فدوة المفاجئاتك الحلوة ..

رغد عرفت من اقاربنه و اتصلت تهنيني من تلفون ماما اكيد ..
و فرحتلي كلش ..
سالتها : شلونچ وي ام حسام ..
هههههه خيه هي كلش زينه بس ما توصل لاظفرچ ..
هههههه لعد شلون زينه ..
تغير صوتها يشوبه الاشتياق الي ..
ماكو بمعزتچ خوخه ..
الله يخليچ حبيبتي ..
و زوجها شلونه وياها ؟
حقچ و الله متگولين اسمه ..
مراعاني رغد ابد رغم توسلاتي و كل الي سويته اله كسرني بالاخير ..
فدوة الربچ بس اريد اعرف السر البينچ و بين مهند ..
ههههه و الله عرفت گلت معقولة الدودة مالتچ تبقه لسه صابره ..
خيه هي صابرة بس صاحبتها امفلفله ..
هههههه خوش خلي احچيلچ .......
لا عفية لا تگوليها وچ هذا شلون خلف اثنين و هسه حامل بالثالثة ؟
شنو قصدچ يعني ؟
يعني شلون صبر و هيچ قيمر و عسل يمه ؟
هههههههه حبيبتي يحبها مگدر يشوفها بيه ..
اصلاً حتى ما حاول بس بالاخير اذاني بشغلة للموت ما انساها لهذا ما اگدر و لا اريد انطق اسمه ..
شسوه ؟
حچيتله على اسوء ليلة بحياتي ..
اتخبلت : عزه بعينك مهند صبرت كومة ليش هيچ خربت  صبرك بجيفه و قذاره ؟
حظي حبيبتي ..
الحمدلله چنت اتمنى ارجع كما انا لـ أيهم ..
زين انتِ حچيتي الـ أيهم على كل الي بينكم ..
حبيبتي ايهم ميقبل احچيله فتفوته عن حياتي السابقه ..
يگلي ماضي و انتهى و راح ..
و الله شريف ربي يحفظه الچ حبيبتي ..
و يحفظلچ ابو عدولة مناوي تخاوي ؟
اي نوينه و هسه اني بالرابع ..
حبيبتي بالتمام يا رب ..
يوم الالچ حبيبه ..
چنت اخاف اگلچ هيچ قبل خاف تزعلين ..
تالي طلعتي انتِ گاطعه النسل بلا مانع ..
ههههههه اي صح ..
بقينه نسولف بالساعة لحد ما امي رادت تلفونها تحچي وي خواتي ..

بعد كم يوم اجه ايهم جايبلي تلفون اليه ..
دخلنا للهول گعدنه ..
اثنينه على القنفه الطويله ..
لزم اديه و يحچي ويايه ..
تدرين لسه احسني عايش بحلم ؟
اني لوما هذا الحلم چان قلبي ما بقه يدگ كل هاي السنين ..
حبيبتي انتِ و احلى ما صار و راح يصير بحياتي انتِ ..
تدري ايهم اني من شفتك حبيتك بس چنت عايشه بنارين ..
لان ادري بابا خالني بأسم ابن عمي ..
نار احبك و بعدها افقدك و اتأذه ..
او نار ما احبك و اضيع فرصة الحب و اندم ..
اووو النيران الي چانت تاكلني كومة وحدة چويتها اقوى من اللخ ..
و اني صابر و اتگلب على النارين ..
كل يوم اخاف تحبين ابن عمچ و تنسيني ..
الغيرة اكلت روحي قبل قلبي ..
و بديت اذبل شوية شوية ..
من عرفت بيچ مسجونة ..
لحظة لحظة ..
انت چنت تدري بيه محبوسة ؟
طبعاً ليش امچ و امي يعرفن يضمن شئ على بعض ؟
ههههه لا و الله ابد ..
اي كمل حبيبي ..
من عرفت محبوسة طمئنيت انو انتِ بعيده عنه و خفت نار الغيرة بداخلي شوية ..
گمت يومية اتوسل بربي يحلها و اخلص ..
نزلت راسي و هو يحچي دموعي وصلت طرف عيني بس ما ردتها تنزل ابد ..
مردت يشوف اي دموع بعيني ..
رفع راسي بيدي ..
ابد ما اريد راسچ ينزل و ايهم وياچ ..
صدگي ميجي يوم احد يهينچ مدامني اشم الهوى ..
ابتسمت ..
اريد راسچ دوم مرفوع ..
الي صار بيچ انتِ ما مسؤولة عنه ابد ..
و اني اعلم بي خطوة بخطوة ..
صح ..
الي صار انجبرتي عليه ..
اي صح ..
اول معرفت بموعد عرسكم چنت ميت قهر ..
اصلاً تمنيت اموت و لا اشوف اليوم الي تفرحين بيه و اني حزين ..
گلت معقولة هنت عليها و حتنساني ..
الى ان اجيتيني بيوم العقد ..
مصدگت نفسي من شفتچ ..
عرفت شگد تحبيني و تريديني بحيث نسيتي اهلچ و ابوچ ..
اتذكرتيني اني و بس ..
فگلت لازم اصير اگد هذا الحب و ابقه وفي الا ..
و بلحظتها تأكدت غصبچ على هاي الزواجه الگشرة ..
هههه اي و الله گشرة ..
و من گتلچ اتزوجج لو تزوجين عشرة ..
چنت احچي صدگ و الله ..
لعد ليش ثاني يوم العرس جرحتني بكلامك ..
اني بشر خيال ..
ياشر بيده على نفسه ..
ادمرت من شفتچ وياه ..
عرفت بدقيقتها كل السُبل الچ انگطعت ..
بس بديت أحبچ بگد الطرق الي فكرت بيها حتى اوصلچ مرة لخ ..
و انتِ بعيده اسأل عليچ و اعرف كل اخبارچ يا روحي انتِ ..
صدگني اني معشت وياه اي حياة ..
اني چنت ميته وياه ..
و وياك ردتلي الروحي ..
اصلاً احنه حتى مچنه...........
رفع ايده اليمنه و سد حلگي بيها ..
فدوة ما اريد اعرف شئ بينكم ..
اتقرب و هو يحچي ..
شميت انفاسه عبالك مثل العطشان و على غفله اجته شربت ماي روت كل جزء بجسمه ..
صارت مباراه بينه منو نفسهه يصير اسرع ..
احبچ خوخايتي يا روحي من هالدنيا ..

سمعنه خطوات احد جاي ..
ابتعد عني و نزل راسه ..
اني بقيت جامده بمكاني اسمع جملته تنعاد بأذني ..
لچ شلونچ خوخه ؟
انداريت لان ظهري چان على الباب ..
لگيت عامر گمت عليه التافت رجلي عثرت ردت اوگع ..
لزمني ايهم من وره ..
ركضلي عامر لزمني همين ..
حضنته و احسني اسعد خلقه ..
ايام فرحي صارت متنعد ..
نستني كل قهري و همي ..
لچ ها من نلگه احبابه نسه اصحابه ..
بعدت نفسي عنه ..
هههههههه لا ابد لان اني احبكم اثنينكم ..
ضحكوا و سلموا واحد على الثاني بقوة و حرارة ..
لحد يگول الحزن هواية ..
شگد ميكون هواية لحظة وي اي شخص نحبه و نعزه تنسينه كلشي ..

مرت الايام بسرعة و چان بيتنه مليان هوسة جهال عموري ..
هيومي و خوخه الصغيره ..
و بدت تحضيرات العرس و احلى شئ بسومة و خواتي يمي ..
مگدرنه نجتمع اني و ايهم وحدنه ابد بعد ما انطاني التلفون ..
بس يومية نبقه نحچي بالتلفون لحد ما يگول الله اكبر ..
نصلي و انام ..
عرسي هذا چان الاول ..
نسيت في يوم ما اتزوجت ..
كل تفاصيله اتذكرها و احبها ..
لحد ما صار يوم العرس لبست بدلة كلوشة بسيطة بـ تول عليها لولي ناعم صاير على شكل قلب من يم الصدر ..
مقبطة كلها للرگبه ..
و شعري سويته تسريحه ليورة و لبست فوگاه حجاب لفيته على شعري من وره مثل التوربيني ..
فوگاه تاج رفيع ناعم ..
الدواغ نازل من وره قصير لحد الخصر ..
حذاء ابيض بيه لولي صفح بالجهة اليمنه بيه شوية علووو ..
من دخل ايهم الصالتنه وسط فرحت الكل ..
و هلاهلهم و گولاتنه العراقية ..
بدت الرجفة بكل جسمي ..
رجفت الفرح و السعادة ..
و اجه بابا سلمني اله ..
اخذني ايهم و مشينه ..
حياتي چانت مُره و سكرها حبي لـ أيهم ..
چان الاحساس الوحيد الي متملكني ..
ايهم يمي و ايدي متوسده ذراعة ..
رافعه راسي ب فخر مثل ما علمني ..
لان الي احبه و يحبني صار الي و صرت اله ..

وصلنه البيتهم و الطبل صار بصدري يدگ ..
صعدونه فوگ وصلونه الغرفتنه ..
اول مسدوا الباب علينه حضني ايهم و شمني ..
افيش يا ريحة هلي ..
و اني حضنته بنفس القوة من رگبته ..
ما اعرف شگد بقينه بحضن بعض ..
دفعني باوع على عيوني ..
بقيت اباوع عليه بعدها نزلت عيوني ..
فدوة اروح الخطوات الخجلان اني ..
هههه خلينه نصلي حبيبي ..
اي و الله تدرين نسيت ..
اروح للحمام اتوضه و ارجع ..
اخذ الخاولي مالته و بجامه طلعها من الكنتور ..
اني نزعت البدلة بسرعة و لبست مال النوم الي جابته الي بسمه من الامارات ..
چان كلش حلووو لبست فوگاه الروب ..
و طلعت توضيت يم المغسلة الي بصف الحمام ..
و رجعت بسرعة للغرفه ..
اجه وراية شعره مبلل ما ممنشفه زين ..
بس طالع يجنن تمنيت اركضله و احضنه لو لا الخجل الي تملكني و گعدني بمكاني ..
يلا خوخايتي نصلي ..
فرشت السجادات و بدينه نصلي ..
كملنه صلاة شالهم خلاهم على الطابورية ..
و طفه الضوه و اتقرب عليه ..

اه يا بعدچ الدمرني خوخه ..
تدرين شنو احساسي عبالك هستوچ متخرجة من المعهد و السنين ما مرت عليچ ..
البعد عني حلاچ اكثر ..
چنت دومي افكر راح اشوف هاي اللحظة وياك لو تبقى بس حلم ..
الله يقدرني و اسعدچ و اعوضچ عن كل لحظة الم مريتي بيها ..
ربي ميحرمني منك و لا من وجودك بحياتي يا كل حياتي ..
اتقرب عليه شوية شوية لحد ما صارت شفافي بعد عن شفافه شعره ..
احبچ ..
و وياها بوسه نستني كلشي ..
بسته بكل ما املك من مشاعر اله ..
اول حب بحياتي صار الي و بين اديه ..
و بعدها شالني و وداني على الچرباية و عيونه ما فارگت عيوني ..
اتمددنه على فراشنه التفت عليه استند على ايده اليسره و اتقرب عليه باسني من گصتي و گلي ..
احلى هدية من الله اليه انتِ ..
بعدها فقدت الاحساس بالوقت و بكل شئ ..
مسمعت غير بس انفاسنه و دگات گلوبنه المتمازجة سوة ..
و بقينه بهذا احساسنه لحد ما حسيت بالم غريب ..
حبي اله كان اكبر من المي فتحملته ..
ابتعد عني فجاءة ..
خيااااال انتِ بعدچ بنية ؟؟؟؟؟؟؟؟؟؟
شنو ؟؟؟
رفعت نفسي رجعتها على الچرباية و تغطيت بالچرچف ..
شلون مدا افتهم ..
لبس هدومه على السريع ..
باعي خيال ..
و يأشر على الچرباية ..
انتِ بنية فوگ السنتين وياه و بنية ..
گمت ابچي ما اعرف من الفرح ما ادري من المفاجأة ..
ما ادري انت منطيتني فرصه احچيلك شئ ..
گعد على الجرباية و اتقرب عليه لزمني من جتفي ..
اسكتي حبيبتي و احچيلي و فهميني !!!
حچيتله كل الي صار وي مهند و هو فاتح حلگه عليه بحرف ما نطق ..
و حچيتله على يوم اغتصبني مهند ..
بدت علامات الغضب تظهر على وجه من عرف مهند شنو سوالي ..
بعدها بده يضحك ..
ههههههه و اللچ هذا نصب عليچ ..
هذا ابد ما ممتقربلچ احلف عليه اني ..
يعني شلون و الفراش الغرگ بدمي ؟
هاي ما اعرف شلون سواها ..
بس الي اعرفه حبيبتي بس اليه ..
حضني قوي جعصني ..
يممممممه فديتچ اني ..
و اللچ لو انطيچ عمري مو كافي على الي سويتي انتِ ..
بقيتي صاينه حبي رغم كل القهر و الالم الي شفتيه ما استسلمتي يوم ..
رغم زواجج بقيتي اليه ..
ايهم زواجي حرام و حتى مهند سأل و هاي چانت احد الاسباب الي مخلته يتقرب مني ..
من غير حبه الـ ريم ..
بس تدرين خيال طلع شريف ..
باوعتله بتعجب ..
غيره واحد حتى لو ميحبچ ياخذچ و خلص ..
بس الظاهر صدگ خاف الله بيچ من ما ردتيه ..
بقيت ساكته ..
احبچ يا نبض قلبي و دگاته ..
احبك اكثر ..

مرت الايام و احنه في سعادة و فرح مينوصف ..
كلها عرفت بأني عذراء منتظره حبيبي ايهم ..
اكو من صدگ و اكو من كذب بس الدليل چان عندي و عند ايهم ..
اتصلت رغد عليه تباركلي ..
سالتني كومة اساله و شلونچ ما لونچ ..
سكتت شوية ..
احچي رغد شعندچ ؟
شلون چانت اول ليلة الچ وي ايهم ؟
شنو هاي شنو هالسؤال يمعوده ؟
العفو من هيچ سؤال بس اني عرفت شغله البارحة و مدا اگدر اضمها عليچ ..
شنيه خير ؟
مهند حاچي الـ محمد كلام غريب فأريد اعرف صح لو غلط ..
يابه متحچين فتيتي افادي ..
خصم الحچي مهند يگول ما ماخذچ ابد ..
ههههههه و اللچ اي عرفت بس شلون ما ادري ؟
مو اني عرفت كلشي ..
حچتلي الي صار ..
بعدين من مغمه عليچ مهند مقهور عليچ هالگد ما ضربچ ..
بس باقي بقلبه انتِ مراديته ..
فبس علمود يحرگ قلبچ جايب المعقم الاحمر الي من يوم عرسچ ..
ذابه على الفرشه جو رجليج ..
لا بعرضچ صدگ تحچين ؟
بقيت مصدومة : بس ليش هيچ شلع قلبي ..
شگد حرام عليه ..
و الله ليش ما ادري خيه ..
يجوز يريد ينتقم لرجولته الضربتيها بوري سنتين ..
ههههههههه و الله ضحكتيني ..
يلا المهم بقاني الـ أيهم ..
لوما العيبه چان خابرته اشكره ..
تريدين اشكره ابدالچ ..
لچ لاااااا عزة بعينچ دا اتشاقة وياچ ..
كملنه كلامنه و سلامنه و سديت التلفون بفرحة غامرة روحي ..

عشنه سوة مثل كلشي بالدنيا ممتزج و باذن الله و لا يوم نفترگ ..
چان من يرجع من الشغل و يبدي يحجي على شغله اذا اقاطعه عادي عنده يبقه يسمعني و هو يضحك ..
ايهم حافظ كل حركاتي و شنو احب ..
ايهم من يصير بيه المرض الشهري اشوفه واگف فوگاية شايل چيس مي الحار و البروڤين ..
ايهم من نروح مطعم يگلي تريدين فوتشيني مو ؟ لو اليوم شيش طاوق ..
و سلطة سيزر مو حبيبتي ؟
ايهم من مشيتي و اني دا استتقبله اباب البيت يعرفني ضايجة لو فرحانه ..
ايهم يعرف لو شماكون ضايجة منه يگدر يراضيني بطبطبه على جتفي و بعدها حظنه تنسيني ضوجتي ..
ايهم يعرفني بادق تفاصيلي و اعرفه بكل ذرة بيه ..

عشت احلى ايام بحياتي وياه و ما زلت ..
صح الله ما رزقنا اطفال لمدة سنتين بس بعدين عوضنه بـ أثنين واحد بعد الثاني ..
علي و عمر زادوا الحلاة بدنيتنه ..
صدگ جانت ايام عسل من حلاوتها ..
انطيته بيها كلشي ..
عقلي و قلبي و روحي و جسمي و كل ذرة بيه ..
و انطاني بالمقابل ذني و اكثر ..
كلامنه چان كلش قليل ..
لان نفهم بعضنه من اول كلمه باي جملة انريد انگولها ..

ايهم اختارني و اختاريته من اول نظرة ..
يعرف عيوبي و اختارني ..
يزعجني مرات و اختاريته ..
اضوجه و اختارني ..
يصخرني كومة و اختاريته ..
اني و ايهم اختارينه بعض كل يوم و للابد عبالك خلت الارض بس احنه بيه ..

النهاية.........................................................

اتمنى اكون وفقت بسرد احداث حياة خيال و كل ما مرت بيه ..
و كنت عند حسن ظنكم ..
دمتم لي مشجعين ..

يا ريت اعرف شنو اكثر موقف حبيتوا بالقصة كلها و اكيد انتوا متابعين متميزين و حافظيها كلها مثلي ؟؟؟

طبعاً اثنين من متابعاتي بالواتباد عرفوا سر مهند ..
فارجوا منهم بس يدخلولي على الخاص حتى اعرف اذا عدهم فيس او لا و اسوي مثل ما اتفقت وياكم بالفصل الفات ..
بروفايلهم يصير بروفايل الگروب و صفحة الواتباد ..
اهنيهم لان گدروا يقرون افكاري هههههه ..

masar1122@
DaliaGhanem5@

احبكم كلش لولاكم ما ابدعت