تحميل رواية «ما لم يخبره القلب» PDF

_شكلك وحش وانتي بتتصوري يعني ولا فلتر ولا حقيقه

_الاه شوف الواد جماله مقوي قلبه

_الواد!! انا دكتورك في الجامعه الي احنا فيها دي لو مش واخده بالك يعني

_ هتعملي فيها دكتور كمان دانا شوفتك وانت بتاخد الحقنه وانت صغير وعمال تصوت وورمت

_ ليليان وطي صوتك وقولتلك متجبيش سيرة الموضوع دا تاني احنا هنا طالبه ودكتور ابن عمك في البيت ماشي يحلوة

_طب يلا شوف طريقك بقا يا دكتور

ليليان وعز ولاد عم عاملين زي القط والفار من وهما صغيرين ناقر ونقير وعلي طول خناق متربيين في قصر عيلة الصفواني.

ليليان مشيت ودخلت المحاضره

_ازيكو يبنات مشوفتوش احمد

ردت ملك صاحبة ليليان

_ايوا يا ليلي هو لسة خارج كان بيدور عليكي برضو عشان فونك مقفول

_ايوا فصل شحن طب معاكو شاحن

احمد دخل في نفس اللحظه

_ اي يحبيبتي فينك عمال ارن عليكي فونك مقفول

_معلش يا احمد فصل انت عامل ايه

_كويس دلوقتي بقا لما شوفتك

_ ماخلاص يا احمد متبقاش ملزق

_ملزق! انتي مينفعش معاكي رومانسية خالص خالص

_طب يلا يلا علينا مين يا بنات

_ دكتور عز يستي انا مش فاهمه ازاي مش عارفه تخليه يظبطنا في الدرجات

_يظبط مين دا هي بنت عمه ومشيلها المادة مرتين

كلو ضحك ودخل عز..

وبدأ يشرح

اثناء شرحه ليليان كانت ماسكه الموبايل بتحاول تفتحه

_ليليان!!

_ايوا يا دكتور

_انا كنت بقول ايه دلوقتي

_امم.. سوري مكنتش مركزه

_ اه جميل طب سوري بقا اتفضلي برا والمره الجايه تركزي

بصت ليليان لعز بغيظ وخدت شنطتها وخرجت

ركبت العربية وفضلت مستنيه عز ( بيروحو سوا)

جه عز وركب العربية

_ ممكن افهم اي الي انت عملته دا عيب بجد يعني كل مره تحرجني قدام زمايلي وتعمل حركاتك الي ملهاش لازمه دي

_وانتي مكنتيش مركزة ليه

_عشان مش عايزة اركز انا حره هو انا اتكلمت ولا عملتلك ازعاج في محضرتك

_ وانتي تقدري اصلا؟!

لفت ليليان وشها وسكتت

ودور عز العربية ومشيو وصلو القصر

دخلت ليليان متعصبه بتدبدب في الارض ومسلمتش علي حد وطلعت اوضتها

بينما كان قاعد ام عز وام ليليان وجدتهم

اتكلمت ام ليليان

_ايه دا مالها يبني اتخنقتو تاني

_متشغليش بالك يمرات عمي هي دماغها ناشفه كدا علي طول طمنيني عليكي انتي عامله ايه

اتكلمت ام عز

_ طب متزعلهاش تاني يا عز ليليان طيبه وانت عارف

_بس لو تهدي علي نفسها شوية هتبقي عسل عسل يا امي ولله

طلع عز اوضته بينما ليليان في اوضتها بتكلم احمد وبتعيط في الفون

_اانا مش عارفه هو بيكرهني ليه كدا كل شوية يعمل حاجة تدايقني

_اهدي بس يا ليلي انا هتجوزك واريحك منو اخر مره هيشوفك فيها في فرحنا

_بجد يا احمد هتتجوزني

_بجد نخلص بس الجامعه وهاجي اتقدملك علي طول

_ يارب يا احمد يارب عشان انا زهقت اوي ولله

كان عز واقف ورا الباب وهو معدي سمع المحادثه الجميله دي

خبط عز قفلت ليليان بسرعه ودخل

_اي بتعيطي ليه كدا و قفلتي بسرعه ليه كنتي بتكلمي مين

_ مش بعيط وبعدين انت مالك بكلم مين

_مالي ايه انتي اتجننتي هاتي تليفونك دا

_سيب يا عز

_طيب علي صوتك وخليهم يطلعو ويشوفو هما كنتي بتكلمي مين ولا تحبي اجيبلك جدك

_لا جدو لا يعز

_طيب براحه اهو وبهدوء هاتي تليفونك يا ليليان

خد عز الفون بتاع ليليان وفتحو ولقي اخر مكالمه من احمد

رن عليه

رد احمد الأول

_اي يحبيبتي قفلتي في وشي ليه

_قفلت في وشك يا روح امك عشان انا جيت ولو لقيتك بتكلمها تاني ولا لمحتك هكسر وشك

قفل احمد

وقعد عز علي السرير جمب ليليان وهي بتعيط وخايفه

_ بصي انا مش بكرهك انتي زي اختي ياليليان وبخاف عليكي وصدقيني الواد دا بيلعب بيكي ولا بيحبك ولا هييجي زي ما بيقولك دا كداب وزمانه عملك بلوك دلوقتي

اتكلمت ليليان وهي بتمسح دموعها

_لا احمد بيحبني بجد ومش هيسبني

_ طب يستي هنفتح ونشوف دلوقتي لو معملش ليكي بلوك هجبلك الي انتي عيزاه حالا

شدت ليليان من عز الفون وفتحته بسرعه عشان تثبت لعز انه احمد مش كداب بس لقت انو فعلا عملها بلوك

بص عز ليها ومداش رد فعل تدايقها وقالها بهدوء

_ انا بحميكي يا ليليان مش باذيكي حتي لو بينا خناقات كتير هتفضلي اختي الصغيرة

بعد ما خرج عز من الأوضة وقف لحظات قدام الباب.

كان لسه سامع صوت عياط ليليان من جوه.

تنهد بضيق وسند ضهره على الحيطة.

هو عارف إنها زعلانة منه، وعارف إنها شايفاه السبب في اللي حصل، لكن في نفس الوقت كان متأكد إن أحمد ماكانش مناسب ليها.

مرر إيده في شعره بعصبية.

_عنيدة… عنيدة بشكل يجنن.

نزل الجنينه الواسعة اللي كانت محاوطه القصر.

الجو كان هادي، والشجر متزين بإضاءات صفراء خافتة.

فضل يتمشى شوية وهو سرحان.

افتكر يوم ما كانت ليليان عندها سبع سنين ووقعت من العجلة.

كانت بتعيط بشكل هستيري وساعتها شالها وجري بيها للمستشفى.

ومن يومها وهي كل ما تقع أو تتخانق مع حد تروح تشتكيله.

ابتسم غصب عنه.

_كبرت وبقت تتخانق معايا أنا شخصيًا.

هز رأسه ودخل القصر تاني.

طلع أوضته وغير هدومه وبعدها نزل الجيم الخاص بالقصر.

بدأ يتمرن بعنف وكأنه بيطلع كل عصبيته في التمرين.

لكن رغم كل ده، صورة ليليان وهي بتعيط ماكانتش بتفارق دماغه.

في نفس الوقت كانت ليليان قاعدة على سريرها.

ماسكة الموبايل وبتبص على شاشة المحادثة الفاضية.

دخلت على حساب أحمد من حساب تاني.

لكن فعلاً كان عاملها بلوك.

بدأت دموعها تنزل من جديد.

_إزاي قدر يعمل كده؟

كانت مصدقة كل كلمة قالها.

كل وعد.

كل مرة قالها إنه بيحبها.

كل مرة قالها إنه هيتقدملها بعد التخرج.

حست بإهانة كبيرة.

مش بس لأنه كدب عليها.

لكن لأن عز كان صح.

وده أكتر شيء ضايقها.

رمت الموبايل على السرير وقامت وقفت قدام المراية.

بصت لنفسها شوية.

وشها كان محمر من العياط وعينيها متورمين.

_أكيد شكلي وحش أوي.

مسحت دموعها بسرعة.

كانت رافضة تنزل العشا بالشكل ده.

فتحت الدولاب وطلعت بيجامة جديدة وغيرت هدومها.

بعدها فضلت قاعدة قدام التسريحة تحاول تخفي آثار العياط.

وعلى سفرة العشا بعد ما الكل بدأ ياكل، الجو كان مليان كلام وضحك.

الجدة كانت بتحكي موقف حصل معاها الصبح مع الخدم.

والكل كان بيضحك.

حتى ليليان حاولت تبتسم وتندمج معاهم.

لكن الجد لاحظ إنها مش طبيعية.

كان طول الوقت متابعها بنظراته.

ولاحظ كمان إن عز كل شوية يبصلها يتأكد إنها بتاكل.

اتكلم الجد بهدوء:

_بقولك يا ليليان.

رفعت رأسها.

_نعم يا جدو؟

_لسه بتحبي الحلويات زي زمان؟

ضحكت الجدة.

_دي كانت بتستخبى تحت الترابيزة وهي صغيرة عشان تاكل شوكولاتة.

ابتسمت ليليان لأول مرة بصدق.

_ماما كانت بتحرمني منها.

_عشان سنانك كانت كلها هتبوظ.

ردت أمها وهي بتضحك.

ضحك الجميع.

حتى عز ضحك وهو فاكر الموقف.

بصتله ليليان بغيظ.

_بتضحك ليه؟

_عشان فاكر لما سرقتي الشوكولاتة وحطيتي التهمة فيا.

_وأنت أخدت عقاب مكاني.

_للأسف.

ضحكوا كلهم.

كان قاعد علي رأس السفره الجد جمبه الجده والعم الاكبر ابو عز وام ليليان ويليه العم التاني ابو ليليان وام ليليان بعدين عمتهم وجوزها واخر حاجة عز وليليان

واثناء الاكل والحديث والهزار اتكلم الجد

_عامل ايه يا عز

_الحمدلله يا جدو بخير

_مش ناوي تسيبك مالجامعه وتيجي تمسك شركه مالشركات بدل ما يمسكها غريب

سكت عز شوية بعدين قال

_ لا ولله يا جدو يعني سبق واتكلمنا في الموضوع دا وقولت اني حابب مجالي جدا

_طيب يبني ربنا يوفقك

بعدين بص ل ليليان

_عامله اي في دراستك يا ليليان

_الحمدلله يا جدو

_ مالك حاسس انك فيكي حاجة

_لا انا كويسة بس مرهقه شوية مالجامعه الصبح

غير عز الكلام

_وانت يجدو عامل اي بما انك عمال تسالنا

ضحك الجد وقالو

_ الحمدلله يا سيدي كويس عايزك يا عز بعد العشا نقعد مع بعض شوية

_ عنيا حاضر

خلص العشا وكلو طلع علي الاوضه بتعته وراح عز ل جدو زي ما طلب

خبط عز ودخل بعد ما اذن ليه جدو بالدخول

_ تعالي يا عز

دخل عز البلكونه الواسعه الي كان واقف فيها جدو وقعدو علي الكنبه

_ بص يا عز انا مش هعيشلكو كتير يبني

_اي يجدو دا الي انت بتقوله ربنا يديك الصحه

_انت عارف ان انت الوريث الشرعي لعيلة الصفواني عمك مخلف ليليان بس وانت الولد الوحيد في العيله انا شايف من مصلحة العيله تتجوز انت وليليان عشان الورث ميطلعش برانا

_ايه يا جدو الي انت بتقوله دا ليليان مين الي اتجوزها دي اختي

_لا مش اختك يا عز ليليان بنت عمك وينفع تتجوزها عادي ومتربيه معانا

_متربيه معانا ايه يا جدو دانا الي مربيها

_طيب وانا بقولك دا لمصلحة العيله ولمصلحتك انت كمان مش هتلاقي زيها

_لا يجدو مش هتجوزها

_كتب الكتاب يوم الجمعه الكلام خلص!

_ كتب الكتاب يوم الجمعه الكلام خلص!

طلع عز من اوضة جدو ودخل اوضته هو وقفل الباب برزعه

فتح الفون ورن علي ابوه

_ ايوا يا بابا عايزك في موضوع فاضي دلوقتي

_اي يعز خير ايوا يبني هستناك في الجنينه تحت

نزل عز وقعد علي الكنبه في الجنينه مستني ابوه فات خمس دقايق وجه ابو عز

_اي يبني خير صوتك مدايق ليه وانت بتكلمني

_ جدي عايز يجوزني ليليان انت عارف الموضوع دا!

_ ايوا قالي

_قالك! ومقولتليش ليه

_قالي انو هيقولك بنفسه .. وقبل متتعصب جدك بيفكر صح بدل ما انت تجبلنا واحدة من برا العيله ويبقي ليها مالورث

_ورث ايه الي بتتكلمو عنو كل دا عشان الفلوس اتجوز بنت عمي عشان الفلوس انتو مدركين بتقولو ايه انا مش موافق علي فكرة ليليان اختي

_ مش اختك يا عز بص يا عز… جدك بيودع اتجوز ليليان ولما يموت اتجوز الي انت عايزها يعم

_اه يعني جواز ورث يموت نورث اطلقها

_لا مش هطلقها خليها واتجوز عليها الي عايزها

_وانت شايف يعني ان ليليان البنت الي هتسكت دي تاكلني وتاكلك

ضحك ابو عز

_عندك حق ولله شرسه البت دي بس اسمع كلامي واعرض عليها الموضوع قولها هطلقك بعدين اي حاجة ومش يمكن يبني ترتاحو مع بعض

_لا ميمكنش مش هيمكن انا وليليان مستحيل

_تصبح علي خير ياعز فكر في الموضوع

طلعو والكل نام

(صباح يوم جديد في قصر الصفواني)

نزل عز

_صباح الخير نساء الصفواني

ضحكو ام ليليان وام عز وجدتو

_تعالي يبني افطر

_لا انا متاخر متشوفي بنتك يا ام ليل

هتأخرني كل يوم كدا

_حاضر هطلع اشوفها اهو

طلعت ام ليليان خبطت الباب محدش رد

فتحت لقت ليليان اغمي عليها وواقعه علي الارض صوتت كلو طلع

جري عز عليها فضل يفوقها وكان باين عليه الخضه وكلو لاحظ شالها ونيمها علي السرير وعملها الاسعافات اللازمه في حالة الاغماء

فاقت ليليان وكان باين علي وشها العياط وتورم عينها

اتنهد عز اول ما فاقت

_الحمدلله خضتينا عليكي يا ست ليل انتي… انتي كويسة تحبي نروح المستشفى

_لا لا انا تمام

اتكلمت ام ليليان

_طيب يبنتي هنسيبك ترتاحي

طلعو كلهم وقفلو الباب

_روح انت ياعز شغلك

_لا انا هقعد النهاردة معاها

_ما كلنا معاها يبني روح شغلك هتعطل نفسك

راح عز الجامعه وكان مش بيهزر زي عادته مع الطلاب بتوعه

وراحت صاحبة ليليان الي هي ملك

_ازي حضرتك يا دكتور عز

_ازيك يا ملك اتفضلي

_كنت عايزة اعرف هي ليليان كويسة كلنا بنكلمها من امبارح مبتردش ومجتش النهاردة كمان

_اه ليليان كويسة هي تعبانه بس شوية متقلقوش عليها

_طب ممكن نزورها

_اه طبعا تنورو بس بلاش دلوقتي هي مبتحبش حد يشوفها تعبانه انا هبقي اكلمها واقولكم تيجو امتا وقت تكون بقت احسن شوية

خرجت ملك من مكتب عز وراحت ل احمد

_ انت مش هتكلمو ولا اي يا احمد مش انت ناوي تخطبها بعد الجامعه

_ انتي اتجننتي ولا اي دا لو عرف ان انا هيخليني اعيد السنه

_انت جبان يا احمد

ملك مشيت

عز عمال يرن علي ليليان ومش بترد

خلص بدري ومشي

وصل القصر

_اي يا ماما ليل صحيت

_مش عارفه يبني هي مالصبح في الاوضه هي زعلانه منك من امبارح ولا اي

_لا لا انا هطلعلها

طلع عز وخبط مردتش

_ يا لولتي افتحي انا جيت

….

_علي فكرة انا عارف انك سمعاني ولولتي دا بيضحكك وزمانك عماله تضحكي ف ايه بقا افتحي او قوليلي افتح عشان كدا كدا هفتح

_افتح يا عز يا رخم

فتح عز وكان في ايدو كيس حلويات ليليان بتحبها

_عايز ايه

_بصي جبتلك ايه يا ستي كل الاسناكس الي بتحبيها اهي بصي حتي الحاجات الي بتفرقع في البوق الي كنا بنجيبها زمان واحنا صغيرين

ضحكت ليليان وبصت ل عز

_اي الحنيه دي كل دا عشان تعبت انت اول مرة تجبلي حاجة يعز

_ظيطي بقا جبتلك مره في عيد ميلادك

_مره اه عيد ميلادي ال 11سنه وامك الي جبتها وقالتلك تديهالي عشان منظرك قدام صحابنا الي ف المدرسه

_خلاص بقا قلبك ابيض افتحي الحاجات دي وهتأكليني منها ها

_كمان لا خدهم يحبيبي مش عيزاهم متشكرين

ضحك عز

_بهزر يستي خلاص بالهنا والشفا…

عايز اكلمك في موضوع كدا

فتحت ليليان كيس شيبسي

_خير

_جدنا الي هو جدك وجدي

_مالو

_قالي اتجوزك

شرقت ليليان وفضلت تكح

_تتجوزني!!

بعدين ضحكت

_تتجوزني ايه يا عز اي الكلام دا دانت قد ابويا

_ابوكي ايه يما فوقي كدا هما 8 سنين مش قصه

_بتتكلم بجد ياعز جواز ايه يبني احنا اخوات

_ولله قولتلو

_قولتلو ايه انت باين عليك وافقت

_لا بس هو مش مستني موافقه منتي عارفه جدك دا بيقولي كتب كتابنا الجمعه

_الجمعه دي انهي يعني كدا فاضل اتنين وتلات واربع وخميس

_والجمعه بقا هنتجوز

_لا انا مش موافقه

_ولا انا يعني محسساني هموت عليكي بس مضطرين عشان في قصة ميراث كدا وجدك بيودع اصلا

ابويا قالي اطلقك لما جدك يموت

_وافرض ممتش

_ممتش اي يا ليل هو هيخلد يعني دا خلاص مش بعيد يموت السبت

_واحنا مالنا يعني بالقصه دي

_بصي يا ليل انا مش هلمسك كدا كدا متقلقيش هطلقك وانا ملمستكيش هو نتجوز بس كدا ونرضي العيله دي وخلاص لما جدك يموت بقا نطلق

_مش هتلمسني وعد يعني

_نامي يا ليل نامي وهاتي الكيس دا انا غلطان

خرج عز من اوضة ليليان وراح ل جده

خبط واذنله جده بالدخول

_ازيك يا جدي

_اي ياعريس

_انا كلمت ليليان في الموضوع

_اه قالتلك اي

_موافقه

_شوفت يبني بتحبك

_ يعني بتحبني جدا يا جدي

ضحك الجد وخرج عز

بعد مرور اربع ايام

جه معاد كتب الكتاب

كان عز واقف تحت في الجنينة اللي متوصلة بالبهو الكبير بتاع القصر، لابس بدلة سودا ومضايق من الدنيا كلها.

كل شوية يبص في ساعته ويرجع يبص للسلم.

أبوه خبطه في كتفه.

_ مالك ياض؟ شكلك رايح تتعدم.

_ والله يا بابا لو بإيدي كنت ههرب.

_ متأخر ليه كده؟

_ اسأل العروسة.

في اللحظة دي نزلت سارة من العربية.

أول ما دخلت القصر جريت على جدها.

_ وحشتني يا جدو.

_ وانتي أكتر يا بنتي.

سلمت على الكل لحد ما وقفت قدام عز.

_ إزيك يا عز؟

_ الحمد لله.

_ بقى دكتور قد الدنيا أهو.

_ أهو بنحاول.

وقبل ما تكمل كلامها…

الكل بص ناحية السلم.

ولثانية المكان هدي.

ليليان كانت نازلة.

فستان أبيض طويل نازل بنعومة لحد الأرض، الخصر محدد بشكل بسيط، والأكمام شفافة شوية، وشعرها الأسود سايباه على ضهرها.

وشها كان هادي على غير عادتها.

مفيش خناقات.

مفيش رغي.

مفيش دوشة.

عروسة وبس.

عز رفع عينه عليها…

واتصدم.

دي ليليان؟

بنت عمه المجنونة؟

اللي طول عمرها بتخانقه؟

فضل باصصلها كام ثانية من غير ما يحس.

لدرجة إن أبوه لاحظ.

_ اقفل بقك يا عريس.

بصله عز بسرعة.

_ نعم؟

_ نعم إيه… هتدخلنا في عين.

ليليان وصلت آخر السلم.

وأول ما بصت لعز لقت عينه عليها.

_ بتبصلي ليه؟

_ هو حد بصلك؟

_ آه أومال.

_ متخيلة نفسك أوي.

_ طب ابعد عينك عني.

_ يا ستي حاضر.

لكن الحقيقة إنه مكنش قادر يبعد عينه فعلًا.

لأول مرة يشوفها ست كبيرة.

مش البنت الصغيرة اللي كان بيشد ضفايرها وهي عندها عشر سنين.

ولأول مرة يحس إن الجوازة دي بقت حقيقية

ولأول مرة يحس ان الجوازة دي بقت حقيقية.

خلص كتب الكتاب

_بارك الله لكما وبارك عليكما وجمع بينكما في خير

كلو سقف وزغرط واشتغلت الاغاني

بص عز ل ليليان

وجاي يحضنها

_مبروك يا عروسة

استغربت ليليان مالحضن وهو بيحضنها قرصتو في جنبو

_اااايه يا جماعه سمعونا زغروطه

وخلص كتب الكتاب بالمناسبة كان كتب كتاب وفرح

طلعو اوضتهم الي كانت متجهزة ليهم

دخلو الاوضه بصت ليليان لعز

_هما ما صدقو ولا ايه وبعدين انا مأكده علي الناس الي كانت بتحط العفش في الاوضه ان يحطو سريرين هو اي الهبل دا

_اي الهبل دا فعلا ميصحش تنامي علي الارض

_مين دي الي تنام علي الارض انت الي هتنام علي الارض

_انا ايه انا ضهري واجعني انتي اتجننتي

_وهي الاصول مراتك هي الي تنام علي الارض

_ولله يا ليل لو هنمشيها اصول ومراتي ف انا حقي اتحرش بيكي دلوقتي وتنامي جكبي غصب عنك

_ااه انت باين عليك اتجنيت بقا ادخل غير في الحمام عشان هغير انا في الاوضه الفستان كبير

_يستي ماشي اتفضلي

دخل عز الحمام وغيرت ليليان الفستان ولبست بيجامه عليها هلو كيتي لونها بينك

وطلع عز من الحمام لابس شورت وتيشرت

_خلي بالك انا مبنمش ب تيشرت بس عشانك بس

وبعدين اي الي انتي لبساه دا بينك ودباديب

_امال البسلك قميص نوم احمر

_ماتلبسي

_طب اتلم يلا ونام علي الكنبه ولا شوف هتنام فين

_هنام علي السرير انا عايزة تنامي جمبي نامي مش عايزة اتفضلي نامي علي الكنبه انتي كلك متر ونص الكنبه هتاخدك

_انت رخم ياعز بجد

طب حط المخدات دي وسطنا

_يبنتي مش هلمسك نامي بقا متصدعنيش

حطت مخده بس وسطهم ونامو

تاني يوم الصبح كانو في حضن بعض

_اوعااا

صحي عز محضوض

_ في ايه

_انت وخدني في حضنك ليه انت اتجننت

_انا امتي وازاي وفين مش انا

_مش انت امال امي جت حضنتنا في بعض ومشيت

_جايز

ضربت ليليان المخده في وش عز

_انا هقولهم بليل يجيبو سرير

_اااه ويقولو عليا ايه بقا ايه

_ايه

_يقولو عليا لمؤاخذه بقا صح بقولك ايه يا ليليان انا دماغي وجعاني وعايز اشرب قهوة حلي عني دلوقتي

_وانا يعني ماسكه فيك متمشي

دخل عز الحمام يغير هدومه وغيرت ليليان هدومها

الباب خبط دخلت ام ليليان وزغرطت

_مبروك يا عريس مبروك ياعروسه احلي عرسان في الدنيا ماشاءالله

ضحكت ليليان

_خلاص يماما ما كلو عارف يعني مش الحب كان مولع

_هو فين

_ في الحمام

_ها طمنيني

_اطمنك اي يماما عيب الكلام دا

_يبنتي انا امك عايزة اطمن عليكي

خرج عز وهو بيضحك

_صباح الخير يحماتي

_حماتك اي يواد دانا مربياك.. بصو انا محضرلكو الفطار انا وامك كلو تحت اهو مستنيكم يلا هسبقو انا متتاخروش

نزلت ام ليليان

وضحك عز

_سمعتكو علي فكرة

_سمعت ايه

_مش هقولك

_انجز يا عز

_قالتلك طمنيني صح

خدودها احمرت وبصت الناحيه التانية

_عز خلاص يلا ننزل

نزلو وكلو كان مستنيهم علي السفره(الجد علي راس السفرة والعمام ومراتتهم وزيادة عليهم سارة الي جت مالسفر)

نزلو وكلو بصلهم واتكلم الجد

_اهلا بالعروسين صباحيه مباركه عليكم

_وعليك يا جدي

كلو بارك ليهم وقعدو علي السفره يفطرو واتكلمت سارة

_وانت يا عز ناوي تسافر وكدا علي فكرة مجالك مطلوب جدا برا

_احم.. لا مش ناوي اسافر زي مانتي شايفه استقريت خلاص اهو

وبص ل ليليان ومسك ايديها

_ايوا ايوا

ضربت ليليان عز رجلو برجلها وكملو اكل

خلصو اكل وطلعو اوضتهم

_هي سارة عنيها منك ولا اي

ضحك عز

_بتغيري ولا ايه

_اغير ايه انت مجنون بكلمك عادي صحاب

_لا يستي سارة اي الي عنيها مني وبعدين المهم انا عيني من مين

_من مين

_من الدنيا

ضربت ليليان عز في كتفه

_طب انا زهقانه يا عز

_وانا ولله بقولك ايه بتعرفي تلعبي بلايستيشن

_لا بس علمني

_تعالي طيب

قعدو يلعبو ويهزرو لحد مالليل جه ونام عز وليل واقفه في البلكونه ما زالت زهقانه

_عز.. عز.. عز اصحي ايه عربية نص نقل نايمه

_عايزة ايه

_قوم عيزاك في كلمه

اتعدل عز من علي السرير

_خير

_عايزة انزل

بص عز في الفون

_تنزلي ايه يمجنونه الساعه 3 الفجر

_ايوا منا كنت نفسي اتجوز عشان انزل الفجر ونصيبي بقا جبني ليك يلا يعز الله يخليك

_نامي يا ليل نامي

_هعيط يعز يرضيك اعيط

_نامي يا ليل بطلي محن

_يرتني اتجوزت طبيعي زي باقي البنات واحد بيحبني وبحبه واول ما اقوله اي حاجة يرضي عشاني مش عش…

_البسي يا ليليان

_الله بجد يارب يخليك و..

_البسي قبل ما ارجع في كلامي

قامت ليليان بسرعه ولبست شورت وتيشرت بنص

_اي ملبستيش ليه

_اهو

_اهو ايه مش فاهم هتنزلي كدا

_ ما دا لبسي يعني هو جديد عليك

_ ااااهه لا يقلب جوزك لبسك زمان بح خلاص زمان دا دلوقتي انتي حرم عز الصفواني يعني تتفضلي زي الشاطره تروحي تجيبي عبايه من امي ولا امك تلبسيها اه وهاتي طرحه

ضحكت ليليان

_ اي الي انت بتقوله دا انا راحه احج

_ اه يلا يا حاجه لاما مفيش نزول

_ طب هما نايمين مينفعش اصحيهم

طب وسعي كدا وفتح عز دولاب ليليان

وجاب بنطلون سويت بانتس واسع وتيشرت بكم واسع

_البسي دول

_ اي دول اولا السويت بانتس علي تيشرت ضيق عشان هو واسع

_ وانا بقول يا دول يا يلا ننام

_ طيب خلاص هتنيل البسهم

لبست ليليان ونزلو بالعربية وشغلو اغاني شيرين الي بتحبها ليليان وهي شعرها بيطير من الهوا في العربيه وعز ماشي علي سرعه 200

_انا مبسوطه اوي ياعز

ولاول مره عز ينبسط ب انبساط ليليان وانو حاسس انو مسؤول ب انبساطها دا

_ طب يستي يارب دايما

وفجأه عربية شباب جت تزنق عليهم

_حطي الحزام

_ هما بيعملو كدا ليه

_حطي الحزام وانزلي بقولك

حطت ليليان الحزام ومرة واحدة العربية خبطت للاسف في الجزء الي قاعدة في ليليان والضرر الاكبر من الحادث كان عندها

فاق شوية عز ولقي ليليان جمبه حالتها خطر اتصل بالاسعاف بسرعه وخدوها

_ ليليان فوقي.. فوقي بالله عليكي

وكان باين خوفه عليها

_ حضرتك مين

_ انا جوزها.. بسرعه بسرعه

راحو المستشفي وحالتها كانت خطيره واتنقلت علي العنايه المركزة

اتصل عز ب ابوه وعمه الي هو ابو ليليان وجم بسرعه

_ وانتو اي ينزلكو دلوقتي

_ احنا مش صغيرين يعني يبابا ما ننزل في اي وقت

_نطمن عليها الاول ربنا يسترها

عدا وقت

نده عز للممرضه

_ ينفع ادخل لمراتي

_ للاسف الدكتور مانع دلوقتي بس اول ماتفوق هننقلها لاوضه وتقدرو تشوفوها

روحو وقالو لباقي العيله وطبعا كلو اتفاجأ واستنو للصبح عشان يروحو كلهم تاني المستشفي واكتر حد كان باين عليه الزعل هو عز اول مره يخاف اوي كدا

دخلو المستشفي وكانت ليليان اتنقلت للاوضه وفعلا راحو ليها

فتح عز باب الاوضه ودخل بسرعه مسك ايد ليليان وباسها

_ حقك عليا

ليليان كانت نايمه وفاقت اول ما عز مسك ايدها

_ اي الي حصل ياعز

_ متشغليش بالك بالي حصل هتبقي كويسه ان شاء الله متخفيش

اتكلمت ساره

_ عز بيحبك اوي يا ليليان يبختك بيه ياريتو جوزي انا الف سلامه عليكي

كلو سكت وبص لسارة

اتوترت سارة أول ما خدت بالها من اللي قالته، وحاولت تضحك وهي بتقول:

_ أقصد يعني… ربنا يخليهولك يا ليليان، واضح قد إيه خايف عليكي.

بصتلها ليليان باستغراب، لكن تعبها خلاها تسكت.

أما عز فكان مركز مع ليليان ومش مهتم بأي حد تاني.

_ عاملة إيه دلوقتي؟ في حاجة وجعاكي؟

_ شوية بس… دماغي تقيلة.

_ الدكتور قال إنك هتبقي أحسن قريب إن شاء الله.

دخل الدكتور في اللحظة دي.

_ الحمد لله، الحالة مستقرة دلوقتي، لكن محتاجة راحة كام يوم وممنوع أي مجهود.

تنفست العيلة كلها براحة.

_ الحمد لله.

بعد شوية خرج الكل يسيبهم يرتاحوا، وما فضلش غير عز قاعد جنب السرير.

بصتله ليليان.

_ عز.

_ نعم؟

_ أنت كنت بتعيط؟

اتعدل بسرعة.

_ أنا؟ لا طبعاً.

_ كداب.

سكت شوية.

_ خضتيني عليكي بس.

أول مرة تسمع منه الجملة دي بالشكل ده.

_ للدرجة؟

_ أكتر مما تتخيلي.

نزلت عينيه للأرض وكمل بصوت هادي:

_ لما شوفتك قدامي ومش بتردي عليا حسيت إن الدنيا كلها وقفت.

سكتت ليليان وهي باصة له.

_ كنت فاكرة إنك متضايق من الجوازة أصلاً.

ابتسم ابتسامة صغيرة.

_ وأنا كنت فاكر إني متضايق.

_ يعني إيه؟

رفع عينه ليها.

_ يعني اكتشفت إن وجودك جنبي بقى أهم مما كنت متخيل.

اتسارعت دقات قلب ليليان وهي بتحاول تداري ارتباكها.

وفجأة فتح الباب ودخل الجد.

_ الله! هو أنا جيت في وقت غلط ولا إيه؟

قام عز بسرعة وقف

_ لا يا جدي، مفيش حاجة.

ضحك الجد.

_ أيوة أيوة، وأنا لسه صغير ومش فاهم.

احمرت وشوش الاتنين