رواية معاناتي بسبب يتيم الفصل العاشر 10 - بقلم Renad.m

باااااااارت مفاجئ

#معاناتي_بسبب_يتيم
بقلم رونق
#بارت١٦
ﻣﺴﺎﺀ ﺍﻟﺨﻴﺮ ﻣﺘﺎﺑﻌﻴﻨﻲ ﺍﻻﻋﺰﺍﺀ ﺍﺗﻤﻨﻪ ﻟﻜﻢ ﻗﺮﺍﻩ ﻣﻤﺘﻌﻪ
🌺 ﻣﻌﺎﻧﺎﺗﻲ ﺑﺴﺒﺐ ﻳﺘﻴﻢ 🌺
🌹 ﻟﻠﻜﺎﺗﺒﻪ ﺭﻭﻧﻖ 🌹
ﻭﺟﺎﻥ ﺍﺷﻮﻑ ﺻﻔﺎﻭﻱ ﺍﻳﺪﻩ ﺗﺠﺮﻱ ﺩﻡ
ﻭﺍﺣﺪ ﻣﻦ ﺍﻟﺠﻬﺎﻝ ﻋﺎﺿﻪ ﺑﺲ ﻣﺎﺫﻱ ﻛﻠﺶ
ﺍﺟﻮ ﻳﺮﻛﺴﻮﻥ ﻭﻟﻴﺚ ﻭﻳﺎﻫﻢ
ﻟﻴﺚ ﻛﻠﺐ ﺍﻟﺪﻧﻴﺎ ﻭﺿﻞ ﻳﺼﻴﺢ ﻋﻠﻴﻪ ﻛﺪﺍﻡ ﺍﻟﻜﻞ
ﺫﺏ ﺍﻟﺼﻮﺝ ﺑﻴﻪ ﻳﻜﻠﻲ ﻟﻴﺶ
ﻣﺎﺗﻨﺘﺒﻬﻴﻦ ﻉ ﺍﻟﻄﻔﻞ ﻭﺿﻞ ﻳﺮﺯﻝ
ﻛﺎﻟﻪ ﻏﻴﺚ ﺷﺒﻴﻚ ﻭﻳﺎﻩ ﻫﻴﻪ ﺷﻌﻠﻴﻪ
ﻃﻔﻞ ﻳﻠﻌﺐ ﻭﻣﺘﺸﻮﻓﻪ ﻣﻠﺘﻬﻴﻪ ﺑﺎﻟﻌﺸﺎ ﻭﺍﻟﺠﺎﻱ
ﻛﺎﻟﻪ ﺷﻜﻢ ﻭﺣﺪﻩ ﻏﻴﺮﻩ ﻣﻴﻜﻮﻣﻦ ﻟﻠﻤﻄﺒﺦ
ﺗﻔﺸﻠﺖ ﻛﺪﺍﻣﻬﻢ ﻧﻘﻬﺮﺕ ﺣﻴﻞ
ﻭﺍﻟﻠﻪ ﺑﺎﻟﻲ ﻳﻤﻪ ﺑﺲ ﻣﻠﺘﻬﻴﻪ ﺑﺎﻟﻤﻄﺒﺦ
ﻛﻠﻪ ﻣﺎﺭﺿﻪ ﻋﻠﻴﻪ ﻋﻤﻲ ﻭﺧﺎﻟﺘﻲ ﺣﺠﻮ ﻋﻠﻴﻪ
ﻭﺭﻩ ﺷﻮﻱ ﺭﺍﺣﻮ ﺑﻴﺖ ﻋﻤﻬﻢ ﺳﻮﺩﻩ
ﻋﻠﻴﻪ ﻭﻟﻴﺪﻱ ﻓﺮﻓﺤﺖ ﺭﻭﺣﻪ ﻛﻮﻩ ﺳﻜﺖ
ﻃﻠﻌﻪ ﺍﺑﻮﻩ ﻭﻳﺎﻩ
ﻭﺭﺍﻩ ﺍﻋﺘﺬﺭﻭ ﻣﻨﻲ ﺍﺑﻮﻩ ﻭﺍﻣﻪ ﻛﺘﻠﻬﻢ ﻋﺎﺩﻱ
ﻫﻢ ﺣﻘﻪ
ﺩﺧﻠﺖ ﻟﻐﺮﻓﺘﻲ ﻣﺘﺖ ﻗﻬﺮ ﺑﺴﺎﻉ ﺩﻣﻌﺖ ﻋﻴﻮﻧﻲ
ﺍﻧﻘﻬﺮﺕ ﻛﻠﺶ ﻭﻧﻬﻀﻤﺖ ﻛﻞ ﺍﻟﻲ ﺳﻮﻳﺘﻪ ﻻﺑﻨﻪ
ﻭﺳﻮﻳﺘﻪ ﺍﻟﻬﻢ ﻣﺎﻏﺰﺭ ﺑﻲ ﻭﻳﺮﺯﻟﻨﻲ
ﻛﺪﺍﻡ ﺍﻟﻌﺎﻟﻢ ﻣﻦ ﻛﺜﺮ ﺍﻟﻘﻬﺮ ﻧﻤﺖ ﺏ 1 ﻭﻧﺺ
ﻣﻮﻋﺎﺩﺗﻲ ﺑﺲ ﻣﻦ ﺿﻮﺟﺘﻲ ﻣﺎﻛﺪﺭﺕ
ﺍﺑﻘﻪ ﻛﺎﻋﺪﻩ ﺣﺘﻪ ﺻﻔﺎﻭﻱ ﻣﺎﺟﺎﺑﻪ ﻳﻤﻲ
ﺍﺟﺘﻲ ﻫﺪﻯ ﻛﻌﺪﺗﻨﻲ ﺍﺳﺤﺮ ﻣﺎﻛﻌﺪﺕ
ﻛﺘﻠﻪ ﻣﺎﺷﺘﻬﻲ ﺗﻮﺳﻠﺖ ﻣﺎﺭﺣﺖ ﻭﺭﺍﻩ
ﺍﺟﺖ ﻓﺮﺡ ﺻﺎﺡ ﻏﻴﺚ ﻣﺎﺭﺣﺖ ﺍﺑﺪ
ﺩﺯﻭﻟﻲ ﺍﻛﻞ ﻭﻣﻲ ﻣﺎﻛﻠﺖ ﻛﻠﺸﻲ
ﺑﺲ ﺷﺮﻳﺖ ﻣﻲ ﻭﺭﺍﻩ ﺻﻠﻴﺖ ﺍﺟﺖ ﻫﺪﻯ
ﻟﻜﺘﻨﻲ ﻣﺎﻣﺎﻛﻠﻪ ﻛﺎﻣﺖ ﺗﺤﺠﻲ ﻋﻠﻴﻪ
ﻭﺍﺧﺬﺕ ﺍﻻﻛﻞ ﻭﻃﻠﻌﺖ ﻭﺭﺍﻩ ﻣﺎﺟﺎﻧﻲ
ﻧﻮﻡ ﺿﻠﻴﺖ ﺍﻓﻜﺮ ﺑﺎﻟﻲ ﺟﺎﻱ ﺷﻮﻳﻪ
ﻭﺍﺟﺎﻧﻲ ﺻﻔﺎﻭﻱ ﻧﻴﻤﺘﻪ ﺑﺤﻀﻨﻲ
ﻛﻮﻩ ﻧﻤﺖ ﻛﻌﺪﺕ ﺍﻟﺴﺎﻋﻪ ﺏ 3 ﺍﻟﻀﻬﺮ
ﺑﺲ ﻣﺎﻃﻠﻌﺖ ﻣﻦ ﺍﻟﻐﺮﻓﻪ ﺣﺘﻪ ﺍﻟﻐﺜﻪ
ﻳﺪﺧﻞ ﻟﻐﺮﻓﺘﻪ ﺻﺎﺭﺕ ﺏ 3 ﻭﻧﺺ ﻃﻠﻌﺖ
ﺻﺪﻙ ﻃﻠﻌﺖ ﻟﻜﻴﺘﻪ ﻣﺎﻣﻮﺟﻮﺩ
ﻟﻜﻴﺖ ﺧﺎﻟﺘﻲ ﻣﻮﺟﻮﺩﻩ ﻭﺗﺮﻳﺪ ﺗﺴﻮﻱ
ﻓﻄﻮﺭ ﻫﻴﻪ ﻭﺍﻟﺒﻨﺎﺕ ﻏﺴﻠﺖ ﻭﺍﺟﻴﺖ
ﻭﻳﺎﻫﻢ ﺳﺎﻟﺖ ﺧﺎﻟﺘﻲ ﺷﻨﻮ ﻧﺴﻮﻱ ﻓﻄﻮﺭ
ﻛﺎﻟﺖ ﺑﻜﻴﻔﻜﻢ ﺍﺗﻔﻘﻨﻪ ﻧﺴﻮﻱ ﺗﺒﺴﻲ

ﺩﺟﺎﺝ ﻭﺗﺸﺮﻳﺐ ﻭﺗﻤﻦ ﻭﺯﻻﻳﻂ ﺑﺪﻳﺖ ﺍﺷﺘﻐﻞ
ﻭﻣﻨﺪﻣﺠﻪ ﻧﺴﻴﺖ ﺷﻮﻳﻪ ﻭﺻﻔﺎﻭﻱ ﻳﻠﻌﺐ
ﻳﻤﻨﻪ ﺧﻄﻴﻪ ﺍﻳﺪﻩ ﻣﺘﺎﺫﻳﻪ ﻣﻦ ﺍﻟﻌﻀﻪ
ﺟﺎﻥ ﻋﺪﻧﻪ ﺧﺒﺰ ﻣﺎﺧﺒﺰﺕ ﻣﺎﻟﻲ ﺧﻠﻚ
ﻛﻠﺶ ﺣﺘﻪ ﺍﻟﺒﻨﺎﺕ ﻻﺣﻀﻦ ﻫﺬﺍ ﺍﻟﺸﻲ
ﺫﺍﺑﺘﻪ ﻉ ﺍﻟﺼﺎﻣﺖ ﺍﺟﻪ ﻏﻴﺚ ﺷﻢ ﺍﻟﺮﻳﺤﻪ ﺗﺨﺒﻞ
ﻛﺎﻝ ﺍﻭﻳﻠﻲ ﺭﻭﺍﺋﺢ ﻃﻴﺒﻪ
ﺧﺮﺭﺭﺭﺏ ﺟﻌﺖ . ﺷﺎﻑ ﻣﺴﻮﺑﻦ
ﺗﺒﺴﻲ ﺩﺟﺎﺝ ﻭﺍﻻﻛﻞ ﻛﺎﻝ ﻳﻤﻴﻢ
ﻭﺍﻧﺘﻀﺮ ﺍﻟﺨﺒﺰ ﺍﻟﺤﺎﺭ ﻭﻻﺗﻨﺴﻴﻦ ﺧﺒﺰﺗﻲ
ﻣﻜﺴﺒﻪ . ﻛﻤﺖ ﻟﺨﺎﻃﺮﻩ ﻋﺠﻨﺖ
ﺷﻜﺪ ﻓﺮﻕ ﺍﻟﺘﻌﺎﻣﻞ ﺑﻴﻦ ﻏﻴﺚ
ﻭﻟﻴﺚ
ﻏﻴﺚ ﻣﺮﺡ ﻭﺿﺤﻮﻛﺠﻲ ﻣﺜﻞ
ﺫﺑﺖ ﺍﺧﻮﺍﻧﻲ ﻭﺍﺫﺍ ﺯﻭﺟﺘﻪ ﻣﺘﻮﻓﻴﻪ
ﻣﺎﻳﺤﻘﻠﻪ ﻫﻴﺞ ﻳﻌﺎﻣﻞ ﺍﻟﻨﺎﺱ
ﻣﻌﻘﺪ ﻛﻤﺖ ﺍﺿﻮﺝ ﻣﻨﻪ 😕
ﻛﻤﻠﺖ ﺍﻟﺨﺒﺰ ﻭﺍﺫﻥ ﺷﺮﺑﺖ ﻟﺒﻦ
ﻭﺗﻤﺮ ﺑﺲ ﻭﺍﻟﺒﻨﺎﺕ ﺩﺯﻭ ﺍﻻﻛﻞ ﺿﻠﻴﺖ
ﺑﺎﻟﻤﻄﺒﺦ ﺍﻋﺰﻝ ﺑﺎﻟﻤﺎﻋﻴﻦ ﻳﺪﺭﻭﻥ ﺑﻴﻪ
ﻣﺎﺷﺘﻬﻲ ﻫﺴﻪ ﺑﻌﺪﻳﻦ ﺍﻛﻞ ﺑﻘﻴﺖ ﻋﺰﻟﺖ
ﺍﻟﻤﻄﺒﺦ ﻭﺳﻮﻳﺖ ﺟﺎﻱ ﻣﺎﻭﺩﻱ ﺍﺷﻮﻑ ﺍﻟﻤﻌﻘﺪ
ﺑﻲ ﺣﺎﻟﻪ ﻟﻮ ﻳﻤﻮﺕ ﻣﺎﻳﺪﺧﻞ ﺍﻟﻤﻄﺒﺦ
ﺗﻜﻮﻝ ﺍﻣﻪ ﻣﻦ ﺯﻏﺮﻩ ﻳﻜﻮﻝ ﺍﻟﻤﻄﺒﺦ
ﻟﻠﻤﺮﻩ ﻣﻮ ﺭﺟﺎﻝ ﻣﺜﻞ ﻃﺒﻊ ﺍﺑﻮﻩ
ﻋﻜﺲ ﻏﻴﺚ ﻭﻳﺎﻧﻪ ﺑﺎﻟﻤﻄﺒﺢ ﻳﺸﻤﺸﻢ ﺑﺎﻻﻛﻞ
ﺿﻠﻴﺖ ﺍﺗﻬﺮﺏ ﻣﻨﻪ ﻣﺎﺭﻳﺪ ﺍﺷﻮﻓﻪ
ﻳﻮﻡ ﻣﻦ ﻋﺪﻫﻢ ﺍﺟﻪ ﻟﻴﺚ ﻭﻳﺎﻩ ﻣﺮﻩ
ﺟﺒﻴﺮﻩ ﺷﺒﻜﺖ ﺻﻔﺎﻭﻱ ﻛﺎﻣﺖ ﺗﺒﺠﻲ
ﻋﺮﻓﺘﻪ ﺍﻡ ﺯﻭﺟﺘﻪ ﺧﻄﻴﻪ ﻛﺴﺮﺕ ﺧﺎﻃﺮﻱ
ﺑﺠﺖ ﻫﻮﺍﻱ ﻭﺣﻘﻪ ﺑﺘﻪ ﻣﺎﺧﻠﻮﻩ ﺗﺮﻭﺡ
ﺑﻘﻮﻩ ﻟﻠﻔﻄﻮﺭ ﺍﺣﺘﺎﺭﻳﺖ ﺷﺎﺳﻮﻱ
ﻓﺮﺷﺖ ﺍﻟﺴﻔﺮﻩ ﺍﺷﻜﺎﻝ ﺑﻴﻪ
ﺷﺎﻓﺘﻨﻲ ﺷﻠﻮﻥ ﻣﻌﺘﻨﻴﻪ ﺑﺼﻔﺎﻭﻱ
ﻛﺎﻟﺖ ﺍﻟﻠﻪ ﻳﺮﺿﻪ ﻋﻠﻴﺞ ﻧﻬﻠﺔ ﻧﻬﻠﻪ ﺑﺎﻟﻴﺘﻴﻢ
ﻛﺘﻠﻪ ﻻﺗﻮﺻﻴﻦ ﺣﺮﻳﺺ ﺑﻌﻴﻮﻧﻲ ﻣﺨﻠﻴﺘﻪ
ﻛﺎﻟﺖ ﺍﻟﻠﻪ ﻳﻮﻓﻘﺞ ﺣﺒﺎﺑﻪ ﻛﻠﺶ
ﺗﻮﻧﺴﻨﻪ ﺑﺎﻟﻜﻌﺪﻩ ﻭﻳﺎﻩ
ﻳﻮﻡ ﻓﻄﺮﻧﻪ ﺑﺮﺍ ﻭﻳﻮﻡ ﻋﺰﻣﻮﻧﻪ
ﺑﻴﺖ ﺧﺎﻟﺘﻬﻢ
ﻭﻳﻮﻡ ﺑﻴﺖ ﻋﻤﻬﻢ
ﻭﻳﻮﻡ ﺍﺟﻮﻧﻪ ﺑﻴﺖ ﺧﺎﻟﺘﻬﻢ ﻓﻄﻮﺭﻫﻢ
ﻳﻤﻨﻪ ﻛﻌﺪﺕ ﻣﻦ ﻭﻛﺖ ﺑﻴﻮﻣﻪ ﺳﻮﻳﺖ
ﺗﺸﺮﻳﺐ ﺩﺟﺎﺝ ﻭﺗﻤﻦ ﻭﻣﺮﻙ ﺑﺎﻣﻴﺎ ﻭﺩﻭﻟﻤﻪ
ﻭﺳﻤﺠﺘﻴﻦ ﻛﺒﺎﺭ ﺷﻮﻳﺘﻬﻦ ﻭﺳﻮﻳﺖ
ﺑﻴﺬﻧﺠﺎﻧﻴﻪ ﻭﺟﺎﺟﻴﻚ ﻭﺭﻣﺎﻥ ﻭﺭﻭﺑﻪ

ﺳﻮﻳﺖ ﻋﺼﺎﻳﺮ ﺑﺮﺗﻘﺎﻝ ﻭﺑﻄﻴﺦ
ﻭﻧﻮﻣﻲ ﺑﺼﺮﻩ ﻭﺯﺑﻴﺐ ﻭﺗﻤﺮ ﻫﻨﺪ ﻭﻟﺒﻦ ﻭﺳﻮﻳﺖ
ﺑﻜﺎﺳﺎﺕ ﺍﻭﻝ ﻃﺒﻘﻪ ﻣﺤﻠﺒﻲ ﻭﻓﻮﻛﺎﻩ ﺷﻌﺮﻳﻪ
ﻭﻓﻮﻛﺎﻩ ﻛﺎﺳﺘﺮ ﻭﻓﻮﻙ ﻗﺴﻢ ﺟﻮﺯ
ﻣﻄﺤﻮﻥ ﻭﻗﺴﻢ ﻣﺒﺮﻭﺵ ﻭﻗﺴﻢ ﻫﻴﻞ
ﻭﺳﻮﻳﺖ ﻟﻠﻴﻞ ﺑﺴﺒﻮﺳﻪ ﺍﻟﺒﻨﺎﺕ ﻳﺴﺎﻋﺪﻧﻲ
ﺑﺲ ﺍﻟﺤﻤﻞ ﺍﻟﺜﻜﻴﻞ ﻋﻠﻴﻪ ﻋﺠﻨﺖ ﻣﺎﻗﺒﻠﺖ ﺧﺎﻟﺘﻲ
ﻛﺎﻟﺖ ﻧﺠﻴﺐ ﺧﺒﺰ ﺣﺎﺭ ﻛﺘﻠﻪ ﻻﻣﺎﻋﻨﺪﻱ ﺷﻲ
ﻋﺠﻨﺖ ﻭﺑﺪﻳﺖ ﺍﺣﻀﺮ ﻛﻠﺸﻲ ﻣﺎﺧﻠﻴﺖ ﻧﻘﺺ
ﻫﻤﻪ ﺍﺟﻮ ﻫﺬﺍ ﺍﻟﺤﺠﻲ ﺍﻟﻤﻄﺒﺦ ﺭﺗﺒﺘﻪ ﻣﺎﺧﻠﻴﺖ
ﺍﻱ ﻫﻮﺳﻪ ﺑﻲ ﺩﺧﻠﻮ ﺳﻠﻤﻮﻭﻭ ﺍﻧﻲ
ﻣﻔﺮﻏﺖ ﺍﺭﻭﺡ ﻳﻤﻬﻢ ﻣﻠﺘﻬﻴﻪ ﺑﺎﻟﻤﻄﺒﺦ
ﺑﻴﻮﻣﻪ ﺧﺒﺰﺕ ﻣﻦ ﻭﻛﺖ ﺣﺘﻪ ﺍﻟﺤﻚ ﺍﺻﺒﻠﻬﻢ
ﻗﺒﻞ ﻻﻳﺎﺫﻥ ﺣﻀﺮﺕ ﻃﻮﺱ ﺷﻮﺭﺑﻪ
ﻭﺗﻤﺮ ﻭﻋﺼﺎﻳﺮ ﻭﻟﺒﻦ ﻭﻛﻼﺻﺎﺕ
ﻭﺩﺯﻳﺘﻬﻢ ﺍﻟﻬﻢ ﺍﻟﺸﻲ ﺍﻟﺤﻠﻮ ﺑﻴﻬﻢ ﻳﻜﻌﺪﻭﻥ
ﺳﻮﺍ ﻣﺎﻛﻮ ﺗﻘﻴﺪ ﺍﺫﺍﻥ ﻓﻄﺮﻭ ﻭﺻﻠﻴﻨﻪ ﻭﺭﺣﺖ
ﻏﺴﻠﺖ ﺍﻻﻣﺎﻋﻴﻦ ﺍﻟﻲ ﻓﻄﺮﻭ ﺑﻴﻬﻦ
ﻭﺭﻩ ﺳﺎﻋﻪ ﺗﻘﺮﻳﺒﺎ ﺑﺪﻳﺖ ﺍﺻﺐ ﺍﻟﻔﻄﻮﺭ
ﻓﺮﺷﻮ ﺍﻟﺴﻔﺮﻩ ﻭﻛﺎﻣﻮ ﺍﻟﺒﻨﺎﺕ ﻳﺸﻴﻠﻦ ﺍﻻﻛﻞ
ﻣﻦ ﺩﺧﻠﺖ ﻭﺷﻔﺖ ﺍﻟﺴﻔﺮﻩ ﺻﻠﻴﺖ ﻉ ﺍﻟﻨﺒﻲ
ﻣﻨﻀﺮ ﺍﻟﺴﻔﺮﻩ ﻳﺨﺒﻞ ﻟﻜﻴﺖ ﺍﻟﻜﻞ
ﻳﺎﺧﺬ ﺻﻮﺭ ﻟﺴﻔﺮﻩ ﺟﻠﺒﻮﻟﻲ ﺍﻛﻌﺪ
ﻭﻳﺎﻫﻢ ﺍﺳﺘﺤﻴﺖ ﻭﻛﻌﺪﺕ ﺻﺎﺭﺕ ﻛﻌﺪﺗﻲ
ﻣﻘﺎﺑﻴﻞ ﻟﻴﺚ ﻣﺎﻛﺪﺭﺕ ﺍﻛﻞ ﺷﻠﺖ ﺭﺍﺳﻲ
ﻟﻜﻴﺖ ﻋﻴﻨﻪ ﻋﻠﻴﻪ ﺑﻌﺪ ﻣﺎﻛﻠﺖ
ﺍﻟﻜﻞ ﻣﺪﺡ ﺑﺎﻻﻛﻞ ﻭﻛﺎﻟﻮ ﻋﺎﺷﺖ ﺍﻳﺪﺝ
ﺍﻟﻪ ﺍﻟﻌﻘﺪﻩ 😏 ﻳﺎﻛﻞ ﻭﻳﺴﻜﺖ ﻭﺍﻧﻲ
ﻫﻢ ﻣﺎﺭﻳﺪ ﺭﺍﻳﻪ ﻣﺘﻌﺠﺒﻴﻦ ﻉ ﺧﺒﺰ
ﺍﻟﺒﻴﺖ ﻻﻥ ﺧﺒﺮ ﻣﺨﺒﺮ ﻳﺠﻴﺒﻮﻥ
ﺗﻜﻠﻪ ﺧﻴﻪ ﻫﻨﻴﺎﻟﺞ ﺟﻨﺎﻳﻨﻲ ﻣﺎﻳﻘﺒﻠﻦ ﻳﺨﺒﺰﻥ
ﺗﻬﺮﺑﺖ ﺑﺤﺠﻪ
ﺍﻟﺠﺎﻱ ﺍﻧﻲ ﺍﻟﺠﺎﻱ ﻣﺴﻮﻳﺘﻪ ﻭﻣﺤﻀﺮﻩ
ﻟﺴﺘﻜﺎﻳﻦ ﺑﺲ ﺭﺩﺕ ﺍﺧﻠﺺ
ﺑﺲ ﻫﻞ ﻣﺮﻩ ﺻﻔﺎﻭﻱ ﻣﺎﻓﺎﺭﻛﺘﻪ ﻣﺎﺭﺩﺕ
ﻳﺮﺯﻟﻨﻲ ﺑﻌﺪ ﻭﺍﻟﻠﻪ ﺍﺫﺍ ﻋﺎﺩﻩ ﻭﺯﺭﻟﻨﻲ
ﺑﻌﺪ ﻛﺪﺍﻡ ﻭﺍﺣﺪ ﻣﺎﺿﻞ ﺩﻗﻴﻘﻪ ﻳﻤﻪ
ﺻﻔﻴﺖ ﺍﻟﻤﻄﺒﺦ ﻭﻏﺴﻠﺖ ﺷﻜﻮ ﻣﺎﻋﻴﻦ
ﻭﻛﺪﻭﺭﻩ ﺍﺳﻤﻊ ﺿﺤﻜﻬﻢ ﻭﺷﻘﺎﻫﻢ ﻭﻳﻦ
ﻭﺍﺻﻞ ﺍﺿﺤﻚ ﻉ ﺿﺤﻬﻢ
ﺗﺎﺧﺮﻭ ﻳﻠﻪ ﻛﻤﻠﻮ ﻛﻞ ﺷﻮﻱ ﺍﺭﻭﺡ ﻳﻤﻬﻢ
ﺧﺎﻟﺘﻬﻢ ﺿﻠﺖ ﺗﺤﺠﻲ ﻟﻴﺶ ﻣﺎﺍﻛﻠﺘﻲ ﻛﺎﻟﺘﻠﻪ
ﻣﺎﺷﺘﻬﻲ ﺑﺪﻳﻨﻪ ﻧﺸﻴﻞ ﻟﻤﺎﻋﻴﻦ ﻻﺣﻀﺖ

ﻭﺍﺣﺪ ﻣﻦ ﻭﻟﺪ ﺧﺎﻟﺘﻬﻢ ﻋﻴﻨﻪ ﻣﻨﺰﻟﻪ
ﻣﻦ ﻋﻨﺪﻱ ﺷﻔﺘﻲ ﻧﻔﺴﻲ ﺧﺎﻑ ﻃﺎﻟﻊ
ﻣﻨﻲ ﺷﻲ ﻣﺎﻛﻮ ﺑﻌﺪ ﻣﺎﻭﺻﻠﺖ ﻳﻤﻬﻢ ﺍﺑﺪ
ﺩﺯﻳﺖ ﺍﻟﺠﺎﻱ ﺑﻴﺪ ﻓﺮﺡ
ﺍﻟﺘﻬﻴﺖ ﺑﺎﻟﻤﻄﺒﺦ ﻛﺎﻣﻮ ﺍﻟﺒﻨﺎﺕ ﻭﻳﺎﻧﻪ ﺟﻠﺒﻮ
ﻳﻐﺴﻠﻮﻥ ﻟﻤﺎﻋﻴﻦ ﻣﺎﺧﻠﻴﻨﺎﻫﻢ
ﺑﺪﺕ ﻫﺪﺓ ﺗﻐﺴﻞ ﻣﺎﻋﻴﻦ ﻭﺍﻧﻲ ﺍﺻﻔﻲ
ﺍﻟﻤﻄﺒﺦ ﻭﺑﻨﺎﺕ ﺧﺎﻟﺘﻬﻢ ﻭﺟﻨﺘﻬﻢ ﻳﻤﻨﻪ
ﺑﺪﻳﺖ ﺍﻋﺎﻧﻲ ﺍﻟﻜﻞ ﻛﺎﻡ ﻳﺴﺎﻝ ﻣﺎﺻﺎﺭ ﻃﻔﻞ
ﺻﺎﺭ 4 ﺍﺷﻬﺮ ﻣﻦ ﺯﻭﺟﺖ ﻭﻣﺎﻛﻮ ﺷﻲ
ﻛﺘﻠﻪ ﺍﻻﺭﺯﺍﻕ ﺑﻴﺪ ﺍﻟﻠﻪ
ﻭﺭﺍﻩ ﺍﺟﻪ ﺍﺑﻦ ﺧﺎﻟﺘﻬﻢ ﻟﻠﻤﻄﺒﺦ ﺳﻮﻩ
ﻧﻔﺴﻪ ﻳﺮﻳﺪ ﺟﺎﻱ ﺑﻌﺪ ﺍﻧﻲ ﻣﺎﻫﺘﻤﻴﺖ
ﻛﻠﻲ ﻣﻦ ﻳﻤﺞ ﺣﻤﻲ ﺍﻟﺠﺎﻱ ﺣﻤﻴﺘﻪ
ﻭﻛﻠﺖ ﻟﻬﺪﻯ ﺻﺒﻴﻠﻪ ﻭﺍﻧﻲ ﻃﻠﻌﺖ ﻣﻦ
ﺍﻟﻤﻄﺒﺦ ﺍﺭﻳﺪ ﺍﺧﻠﺺ ﻣﻦ ﻋﻴﻮﻧﻪ
ﻛﻠﺖ ﻫﺴﻪ ﻃﻠﻊ ﻣﻦ ﺍﻟﻤﻄﺒﺦ ﺭﺣﺖ
ﻭﺟﺎﻥ ﺍﻧﺼﺪﻡ ﺑﻲ ﺑﺎﺏ ﺍﻟﻤﻄﺒﺦ
ﻛﺘﻠﻪ ﺷﺒﻴﻚ ﺍﻋﻤﻪ ﻛﺘﻠﻪ ﺛﻮﻝ ﺣﺘﻪ ﺛﻮﻝ
ﻭﻋﻔﺘﻪ ﻭﺭﺣﺖ ﺣﺴﻴﺘﻪ ﻣﺘﻘﺼﺪ
ﻭﺭﻩ ﺻﻔﻴﻨﻪ ﺍﻟﻤﻄﺒﺦ ﺣﺘﻪ ﺍﻟﻤﺴﻠﺴﻞ ﺭﺍﺣﺖ
ﻋﻠﻴﻪ ﻣﺸﻔﺘﻪ ﻭﺭﺍﻩ ﻛﻌﺪﻧﻪ ﺑﺎﻟﺼﺎﻟﻪ
ﻭﻫﺬﺍ ﻛﻞ ﺷﻮﻱ ﻧﺎﻁ ﻳﻤﻨﻪ ﺻﺪﻙ ﺿﺠﺖ
ﻣﻨﻪ ﺍﺧﺮ ﺷﻲ ﻃﺒﻴﺖ ﺑﻐﺮﻓﺘﻲ ﺍﺭﻳﺪ ﺍﺧﻠﺺ
ﻣﻨﻪ ﺷﻮﻱ ﻭﻃﻠﻌﺖ ﻛﻠﺖ ﻓﺸﻠﻪ ﻫﺴﻪ ﺷﻴﻜﻮﻟﻮﻥ
ﻋﻠﻴﻪ ﻣﻨﻌﺰﻟﻪ ﺑﺲ ﺷﻨﻮ ﻫﻞ ﻣﺮﻩ ﻛﻌﺪﺕ
ﻣﺎﺗﺤﺮﻛﺖ ﻣﻦ ﻣﻜﺎﻧﻲ ﻭﻣﺎﻫﺘﻤﻴﺘﻠﻪ
ﻭﺭﺍﻩ ﺩﺯﻳﺖ ﻫﺪﻯ ﺟﺎﺑﺖ ﺑﺴﺒﻮﺳﻪ ﺍﻧﻲ
ﻣﺨﻠﻴﺘﻪ ﺑﻤﺎﻋﻴﻦ ﺑﺎﻟﻔﺮﻥ ﻭﺻﻔﺎﻭﻱ ﺑﺤﻀﻨﻲ
ﻧﺎﻡ ﺣﺒﻴﺒﻲ ﺍﺟﻪ ﻟﻴﺚ ﺻﺎﺡ ﻭﻳﻦ ﺻﻔﺎﻭﻱ
ﻛﺎﻟﻮﻟﻪ ﻧﺎﻳﻢ ﻛﺎﻝ ﻧﻴﻤﻲ ﺑﻔﺮﺍﺷﻪ ﻻﻳﺎﺫﻳﺞ
ﺍﻟﺸﻲ ﺍﻟﺤﻠﻮ ﺑﻴﻪ ﻣﻦ ﻳﺠﻴﻨﻪ ﺧﻄﺎﺭ
ﻳﺘﻌﺎﻣﻞ ﻭﻳﺎﻱ ﻃﺒﻴﻌﻲ ﺑﺲ ﺫﺍﻙ ﺍﻟﻴﻮﻡ
ﻣﻦ ﺑﻴﺖ ﻋﻤﻪ ﻋﺪﻧﻪ ﻋﻠﻤﻮﺩ ﺻﻔﺎﻭﻱ ﺗﻬﺴﺘﺮ
ﻛﻠﺖ ﻟﻔﺮﺡ ﺗﺎﺧﺬ ﺻﻔﺎﻭﻱ ﺗﻨﻴﻤﻪ ﺑﻔﺮﺍﺷﻪ
ﻻﻥ ﺭﺟﻠﻲ ﺧﺪﺭﺕ ﺟﺬﺏ ﺍﻧﻲ ﻣﺎﺭﻳﺪ
ﺍﻛﻮﻡ ﺑﺴﺒﺐ ﻫﺬﺍ
ﺗﺎﺧﺮﻭ ﻣﺎﺭﺍﺣﻮ ﻛﻮﻩ ﻳﻠﻪ ﺭﺍﺣﻮ
ﻣﻦ ﺭﺍﺣﻮ ﺍﺟﻮ ﻟﻮﻟﺪ ﻏﻴﺚ ﻛﺎﻝ ﺟﻌﺖ
ﺭﺩﺕ ﺍﻛﻮﻡ ﺍﺳﻮﻳﻠﻪ ﻣﺎﻗﺒﻞ ﻛﺎﻝ ﻟﻬﺪﺉ
ﺍﻧﺘﻲ ﻛﻮﻣﻲ ﻻﻥ ﺭﻳﻤﻪ ﺗﻌﺒﺖ ﻫﻮﺍﻱ ﺍﻟﻴﻮﻡ
ﻛﺎﻝ ﻭﻟﺞ ﺍﻟﻜﻞ ﻳﺤﺠﻲ ﺑﻌﺸﺎ ﺍﻟﻴﻮﻡ
ﻓﺪ ﺷﻲ ﻛﺘﻠﻪ ﺑﺎﻟﻌﺎﻓﻴﻪ ﺑﻬﻞ ﺍﺛﻨﺎﺀ . ﺍﺟﻪ

ﻟﻴﺚ ﻛﺎﻝ ﺍﻧﻲ ﻫﻢ ﺟﻮﻋﺎﻥ
ﺳﻮﺗﻠﻬﻢ ﻫﺪﺉ ﺍﻧﻲ ﺗﺮﺧﺼﺖ
ﻭﺩﺧﻠﺖ ﻟﻠﻐﺮﻓﻪ ﺍﺟﺖ ﻫﺪﺉ ﺗﺮﻛﺾ
ﻭﺭﺍﻱ ﻛﺎﻟﺖ ﻻﺣﻈﺖ ﻋﻼﻭﻱ ﺍﺑﻦ
ﺧﺎﻟﺘﻲ ﻋﻴﻨﻪ ﻋﻠﻴﺞ ﺧﻠﻲ ﻳﻮﻟﻲ ﺗﺮﻩ
ﻫﺬﺍ ﻣﻦ ﺩﻭﻥ ﺍﺧﻮﺍﻧﻪ
ﻋﻮﻳﻨﺠﻲ ﺧﻮﺵ ﺳﻮﻳﺘﻲ ﻭﻋﺠﺒﻨﻲ ﺗﺼﺮﻓﺞ ﻭﻳﺎﻩ
ﻣﺘﻌﻤﺪ ﻣﻦ ﺍﻧﺼﺪﻡ ﺑﻴﺞ
ﻳﺒﺎﻭﻉ ﻣﻦ ﺍﻟﺒﺎﺏ ﺑﺲ ﺍﺟﻴﺘﻲ ﻃﻠﻊ
ﻭﺍﻟﻠﻪ ﻟﻮ ﻳﺪﺭﻭﻥ ﺑﻲ ﻟﻮﻟﺪ ﺟﺎﻥ ﺫﺑﺤﻮ
ﻉ ﺍﻟﻘﺒﻠﻪ
ﻛﺘﻠﻪ ﺧﻠﻲ ﻳﻮﻟﻲ ﺩﻭﺭ ﻣﻦ ﻳﺠﻲ ﻣﺎﻃﻠﻊ
ﻛﺎﻟﺖ ﺍﻭﻙ ﺍﻧﻲ ﺍﺳﺪ ﻣﻜﺎﻧﺞ
ﺑﺲ ﺗﻌﺎﻟﻲ ﺍﻟﻴﻮﻡ ﺍﻛﻠﺞ ﻓﺪ ﺷﻲ
ﻭﺍﻟﺴﻔﺮﻩ ﺗﺨﺒﺶ ﺩﺯﻳﺘﻪ ﻟﺼﺪﻳﻘﺎﺗﻲ
ﻛﺎﻣﻦ ﻳﺒﺠﻦ ﻃﻴﻦ ﺩﺍﺧﻠﻪ ﻭﻳﺎﻫﻦ ﺑﻜﺮﻭﺏ
ﺷﻮﻓﺘﻨﻲ ﺍﻟﻤﺤﺎﺩﺛﻪ ﺗﻜﻠﻬﻦ ﻫﺬﺍ ﻃﺒﺨﻲ 😂😅
ﻛﺎﻡ ﻳﻀﺤﻜﻦ ﻋﻠﻴﻪ ﻣﻌﻠﻘﺎﺕ ﻫﻮﺍﻱ ﻉ ﺍﻟﺴﻔﺮﻩ
ﺑﺲ ﺍﻟﻜﻞ ﻣﺪﺡ ﺑﻴﻪ ﻋﺮﺿﻦ ﻳﺪﺧﻠﻨﻲ
ﻭﻳﺎﻫﻦ ﺑﺎﻟﻜﺮﻭﺏ ﺑﺎﻟﻤﺎﺳﻨﺠﺮ ﺑﺲ ﺻﺪﻳﻘﺎﺕ
ﻛﺎﻟﻦ ﻫﻢ ﻧﺘﻌﺮﻑ ﻋﻠﻴﻪ ﻭﻫﻢ ﻧﺘﻌﻠﻢ ﻣﻨﻪ ﻃﺒﺦ
ﻭﺭﺍﻩ ﺍﺟﺖ ﻓﺮﺡ ﻭﻣﺴﻮﻳﻪ ﺍﻛﻞ
ﻭﺟﺎﺑﺘﻪ ﻭﺻﻔﺎﻭﻱ ﻛﻌﺪ ﻭﻳﺎﻧﻪ
ﺍﺷﺘﻬﻴﺖ ﺑﺒﺴﻲ ﻃﻠﻌﺖ ﺑﺜﻼﺟﺘﻲ ﺑﺒﺴﻲ
ﺑﺎﺭﺩ ﻭﻛﻌﺪﻧﻪ ﻧﺎﻛﻞ ﻭﻧﻀﺤﻚ ﻭﻧﺴﻮﻟﻒ
ﺷﻮﻱ ﻭﻧﺪﻛﺖ ﻟﺒﺎﺏ ﻃﻠﻊ ﻏﻴﺚ
ﻛﺎﻝ ﺧﺮﺭﺭﺭﺭﺏ ﺧﻴﺎﻧﻪ ﻣﺤﺪ ﻳﺬﻛﺮﻧﻲ
ﻛﺘﻠﻪ ﺳﺘﻮﻙ ﺍﻛﻠﺖ ﻛﺎﻝ ﺗﺼﺮﻑ ﺍﻻﻛﻞ ﻭﺭﺍﺡ
ﻻﺯﻡ ﺍﻛﻞ ﻭﻳﺎﻛﻢ ﻛﻌﺪ ﻭﻳﺎﻧﻪ ﻣﺎﻛﻞ ﻫﻮﺍﻱ
ﺑﺲ ﻉ ﻭﺍﻫﺲ ﺑﺲ ﺷﻨﻮ ﺿﺤﻜﻨﻪ ﻭﻳﻦ
ﻭﺍﺻﻞ ﺳﻤﻌﻨﻪ ﺻﻮﺕ ﻟﻴﺚ ﻳﺼﻴﺢ ﺻﻔﺎﻭﻱ
ﺍﻟﺸﻴﻄﺎﻥ ﻃﻔﺮ ﻻﺑﻮﻩ ﺭﻛﺾ
ﻭﺭﺍﻩ ﺟﺒﻨﻪ ﺑﺴﺒﻮﺳﻪ ﻭﺍﻛﻠﻨﻪ ﻟﻤﻪ ﺣﻠﻮﻩ
ﻭﺻﻴﺖ ﺍﻟﺒﻨﺎﺕ ﻣﻴﻜﻌﺪﻭﻧﻲ ﻣﺎﺭﻳﺪ ﺳﺤﻮﺭ
ﻭﺭﺍﻩ ﺍﻧﺴﺤﺒﻮ ﺍﻟﺒﻨﺎﺕ ﻭﻏﻴﺚ ﻛﻤﺖ
ﻏﺴﻠﺖ ﻭﺍﺟﻴﺖ ﻣﺪﺩﺕ ﻳﺒﻮﻭﻭﻭ
ﻇﻬﺮﻱ ﻣﻮﺗﻨﻲ
ﺻﺪﻙ ﺍﻟﻴﻮﻡ ﺗﻌﺒﺖ ﻭﻛﺎﻋﺪﻩ ﻣﻦ ﻭﻛﺖ
ﺑﺎﻭﻋﺖ ﻟﺴﺎﻋﻪ ﺏ 1 ﻭﻧﺺ ﻧﻌﺴﺖ ﻛﻠﺶ
ﻭﻗﺘﺖ ﺍﻟﻤﻨﺒﻪ ﻗﺒﻞ ﻟﺼﻼ ﺑﺲ ﺍﺷﺮﺏ ﻣﻲ
ﻭﻧﻤﺖ ﻛﻌﺪﺗﻨﻲ ﻓﺮﺡ ﺟﺎﻳﺒﺘﻠﻲ ﻟﻔﻪ
ﻛﻮﻩ ﻭﻛﻠﺘﻨﻴﺎﻩ ﻭﺭﺍﻩ ﻛﻤﺖ ﻏﺴﻠﺖ
ﻭﺷﺮﺑﺖ ﻣﻲ ﻭﻗﺮﻳﺖ ﻗﺮﺍﻥ ﻭﺻﻠﻴﺖ
ﻛﻞ ﻳﻮﻣﻴﻪ ﺗﻘﺮﻳﺐ ﺍﻗﺮﻩ ﺟﺰﺀ ﻓﻮﻙ ﺍﻟﺠﺰﺀ
ﺑﺲ ﺍﻟﻴﻮﻡ ﻣﺎﻟﺤﻜﺖ ﻻﺍﻟﻤﻐﺮﺏ ﻗﺮﻳﺖ ﻭﻻﺍﻟﻔﺠﺮ
ﻭﺭﺍﻩ ﺭﺟﻌﺖ ﻧﻤﺖ ﻛﻌﺪﺕ ﻉ ﺻﻮﺕ ﻣﺼﻄﻔﺊ
ﻳﺒﺠﻲ ﻃﻠﻌﺖ ﻟﻜﻴﺘﻪ ﻳﺒﺠﻲ ﻭﺭﺍﻩ ﺍﺑﻮﻩ
ﻗﺸﻤﺮﺗﻪ ﻛﻮﻩ ﻭﺍﺧﺬﺗﻪ ﻭﻳﺎﻱ ﻛﻮﻩ ﻧﻮﻣﺘﻪ
ﻧﻮﻣﺘﻪ ﻣﺘﺨﺮﺑﻄﻪ
ﺑﺪﻩ ﻏﻴﺚ ﻟﻮ ﻋﻤﻲ ﺑﻠﻴﻞ ﻳﻄﻠﻌﻨﻪ
ﻧﺸﺘﺮﻱ ﻣﻼﺑﺲ ﺍﻧﻲ ﺍﻃﻔﺮ ﺍﺷﺘﺮﻱ ﻟﺼﻔﺎﻭﻱ
ﺍﺷﺘﺮﻳﺘﻠﻪ ﻟﺒﺴﺘﻴﻦ ﻭﺍﻧﻲ ﻫﻢ ﺍﺷﺘﺮﻳﺖ
ﻭﺍﻟﺒﻨﺎﺕ ﺍﺷﺘﺮﻥ
ﻗﺮﺏ ﻳﺨﻠﺺ ﺭﻣﻀﺎﻥ ﺍﺣﻨﻪ ﺑﺎﺧﺮ
ﺍﺳﺒﻮﻉ ﻣﻦ ﺭﻣﻀﺎﻥ
ﺑﺪﻳﻨﻪ ﺗﺠﻬﻴﺰﺍﺕ ﺍﻟﻌﻴﺪ ﻭﺗﻨﻀﻴﻒ
ﻛﻤﺖ ﺍﻧﻀﻒ ﺑﻠﻴﻞ ﻣﺎﺧﻠﻴﺖ ﺷﻲ
ﺑﺎﻟﺒﻴﺖ ﻣﻨﻀﻔﺘﻪ ﺍﻟﻤﻄﺒﺦ ﻏﺴﻞ ﻣﻦ ﻓﻮﻙ
ﻟﺠﻮﻩ ﻻﺧﻠﻴﺖ ﺍﺭﺿﻴﻪ ﺟﺪﺭﺍﻥ ﻛﺎﻭﻧﺘﺮ
ﺛﻼﺟﻪ ﻣﺠﻤﺪﻩ ﺑﺲ ﻫﺎ ﺍﻫﻢ ﺷﻲ
ﻋﻨﺪﻱ ﺍﻏﻴﺮ ﺷﻲ ﺑﺎﻟﻤﻜﺎﻥ ﺣﺘﻪ ﻳﺠﺬﺏ ﺍﻟﻨﻀﺮ
ﺍﻟﺒﻨﺎﺕ ﻭﻳﺎﻱ ﻣﺎﺗﺮﻛﻨﻲ
ﻳﻮﻣﻴﻪ ﺷﻐﻠﻪ ﻛﻀﻴﺖ ﺣﺘﻪ ﺍﻟﻔﻄﻮﺭ ﺑﺪﻩ
ﻳﻘﻞ ﻣﻮﻣﺜﻞ ﺑﺎﻟﺒﺪﺍﻳﻪ
ﺫﺑﻴﻨﻪ ﺣﻤﻠﻨﻪ ﻉ ﺍﻟﺒﻴﺖ
ﺍﺧﺮ ﺷﻲ ﻗﺒﻞ ﺍﻟﻌﻴﺪ ﺑﻴﻮﻣﻴﻦ
ﺳﻮﻳﻨﻪ ﻛﻠﻴﺠﻪ ﺗﻔﻨﻨﻪ ﺑﺎﻻﺷﻜﺎﻝ ﺗﺨﺒﻞ ﺳﻮﻳﻨﻪ
ﺑﺲ ﺣﻴﻞ ﺗﻌﺒﺖ ﻧﻜﻄﻢ ﺿﻬﺮﻱ
ﺑﻠﻴﻠﻪ ﺍﻟﻌﻴﺪ
ﺭﺣﺖ ﻟﻐﺮﻓﻪ ﺍﻟﻤﻌﻘﺪ
ﻻﺯﻡ ﺍﺳﻮﻱ ﺗﻐﻴﺮ ﺑﺲ ﺧﺎﻑ ﻣﻴﻘﺒﻞ
ﻏﺜﻪ ﺑﺪﻳﺖ ﺍﻧﻀﻒ ﺑﻴﻪ ﺑﺲ ﻻﺣﻈﺖ
ﺷﻲ ﺍﻧﻮ ﻛﺎﻡ ﻳﻘﻔﻞ ﻛﻨﺘﻮﺭ ﻣﻼﺑﺲ
ﺯﻭﺟﺘﻪ ﺑﻜﻠﺒﻲ ﻛﻠﺖ ﻃﺒﻪ ﻭﺟﻊ
ﻣﻴﺘﻪ ﻉ ﻣﻼﺑﺴﻪ ﺍﺣﺘﺎﺭﻳﺖ ﺷﺎﻏﻴﺮ
ﺑﻴﻪ ﻣﻜﺪﺭﺕ ﺍﺗﻼﻋﺐ ﺑﻴﻪ
ﺑﺲ ﺑﺪﻟﺖ ﺍﻟﺒﺮﺩﻩ ﻭﺍﻟﻔﺮﺷﻪ ﻭﻋﻄﺮﺗﻪ
ﺩﻭﻡ ﺍﻻﻟﻮﺍﻥ ﻓﺮﺷﺎﺗﻪ ﻏﺎﻣﻘﻪ ﻃﻠﻌﺘﻪ ﻓﺮﺷﻪ
ﺩﻳﺒﺎﺝ ﺣﻠﻮﻩ ﺗﺨﺒﻞ ﻓﺮﺷﺘﻪ ﻭﻟﻜﻴﺖ
ﻭﻋﻨﺪﻱ ﺑﺮﺩﻩ ﻟﻮﻧﻪ ﻣﻘﺎﺭﺏ ﺍﻟﻪ
ﻋﻨﺪﻱ ﺗﺤﻔﻴﺎﺕ ﺍﻧﻲ ﻫﺪﻳﻪ ﻫﻮﺍﻱ ﺿﺎﻣﺘﻬﻦ
ﺟﺒﺘﻬﻦ ﺧﻠﻴﺘﻬﻦ ﻣﻮ ﺑﻜﺜﺮﻩ ﻻ ﺑﻨﺰﺍﻛﻪ
ﻛﻠﺖ ﻫﺎﻱ ﺷﺒﻴﻪ ﻫﺴﻪ ﻳﻮﻝ ﻫﺎﻱ ﺗﺘﻠﻮﻛﻠﻲ
ﺭﺣﺖ ﺭﺟﺘﻬﻦ ﺧﺎﻑ ﻋﺒﺎﻟﻪ ﻣﻴﺘﻪ ﻋﻠﻴﻪ
ﺑﺲ ﻭﺍﻟﻠﻪ ﺍﻧﻲ ﻭﻱ ﺍﻟﻜﻞ ﻫﻴﺞ ﺍﺳﻮﻱ
ﺍﻟﻤﻬﻢ ﺷﻐﻠﺖ ﺍﻟﺘﺒﺮﻳﺪ ﻭﻃﻠﻌﺖ
ﻫﺬﺍ ﺍﻟﺤﺠﻲ ﺣﺘﻪ ﻏﺮﻓﻪ ﻏﻴﺚ ﻣﻜﻤﻠﺘﻪ
ﻭﻏﺮﻓﻪ ﺍﻟﺒﻨﺎﺕ ﻭﻏﺮﻓﻪ ﺧﺎﻟﺘﻲ
ﻭﻋﻤﻮ ﻭﺍﻻﺳﺘﻘﺒﺎﻝ ﻭﺍﻟﺼﺎﻟﻪ ﻛﻠﺸﻲ
ﻛﻤﻠﺖ ﻭﻫﺎ ﻻﺯﻡ ﺍﻏﻴﺮ ﺷﻲ
ﻭﺭﺍﻩ ﺩﺧﻠﺖ ﻟﻐﺮﻓﺘﻲ ﺻﻔﺎﻭﻱ ﻃﻠﻌﻪ ﺍﺑﻮﻩ ﻭﻳﺎﻩ
ﻫﻤﺰﻳﻦ ﺣﺘﻪ ﺍﺷﺘﻐﻞ ﺑﺮﺍﺣﺘﻲ ﻏﺮﻓﺘﻲ
ﺗﻔﻨﻨﺖ ﺑﻴﻪ ﻻﻥ ﺷﻲ ﺭﺍﺟﻊ ﺍﻟﻴﻪ
ﻃﻠﻌﺖ ﺗﺤﻔﻴﺎﺕ ﺟﺪﺩ ﻭﺑﺪﻟﺖ ﻫﻮﺍﻱ ﺷﻐﻼﺕ
ﻭﻏﺴﻠﺖ ﻣﻼﺑﺲ ﻭﺍﻟﻔﺮﺷﺎﺕ ﻭﺍﻟﺒﺮﺩﺍﺕ
ﺍﻟﻮﺻﺨﻪ ﺍﻓﻴﺸﺸﺸﺶ ﻫﻨﺎ ﺭﺍﺣﺘﻲ ﺍﻟﻨﻔﺴﻴﻪ
ﻣﻦ ﺷﻔﺖ ﺍﻟﺒﻴﺖ ﻧﻀﻴﻒ ﺍﺭﺗﺎﺡ
ﻭﺭﺍﻩ ﻃﻠﻌﺖ ﻭﻳﺎﻫﻢ ﻛﺎﻋﺪﻳﻦ ﻛﻠﻬﻢ
ﺗﺎﻛﺪﻭ ﺑﺎﺟﺮ ﻋﻴﺪ ﻃﻠﻌﻮ ﺍﻟﻔﻄﺮﻩ
ﻭﺍﻟﻜﻞ ﻓﺮﺣﺎﻥ ﻗﺮﺭﺕ ﺍﺭﻭﺡ ﻟﻬﻠﻲ
ﺛﺎﻧﻲ ﻳﻮﻡ ﺍﻭﻝ ﻳﻮﻡ ﺧﺎﻑ ﻳﺠﻮﻫﻢ
ﺧﻄﺎﺭ ﻟﻮ ﻧﻄﻠﻊ ﺍﺟﻪ ﺻﻔﺎﻭﻱ ﺑﻴﺪﻩ
ﻋﻼﻛﻪ ﻣﻼﺑﺲ ﻣﺸﺘﺮﻳﻠﻪ ﺍﺑﻮﻩ
ﻭﺣﻠﻮﻳﺎﺕ ﻭﻣﻼﻋﻴﺐ ﻭﺍﺟﻪ ﻣﻜﻴﻒ
ﺍﻟﻐﺜﻪ ﻛﺎﻝ ﺣﻀﺮﻱ ﺻﻔﺎﻭﻱ ﻭﻱ ﺍﻻﺫﺍﻥ
ﺍﺧﺬﻩ ﻭﻳﺎﻱ ﻟﻜﺘﻠﻪ ﻣﺎﺷﻲ
ﻋﺮﻓﺘﻪ ﻳﺎﺧﺬﻩ ﻻﻣﻪ
ﺧﺎﻟﺘﻲ ﻛﺎﻟﺘﻠﻪ ﻳﻤﻪ ﺧﻄﻴﻪ ﺗﺒﻬﺬﻝ ﺍﻟﻄﻔﻞ
ﻣﻨﻮ ﺍﻟﻪ ﺑﺎﻟﻄﺮﻳﻖ
ﻭﺍﺯﺩﺣﺎﻡ ﻛﺎﻟﻪ ﺑﻴﺒﺘﻲ ﻭﻳﺎﻧﻪ
ﺍﻃﻤﻨﺖ ﺷﻮﻳﻪ ﺍﺭﺗﺎﺣﻴﺖ
ﺭﺣﺖ ﻧﻴﻤﺖ ﺻﻔﺎﻭﻱ ﻣﻦ ﻭﻛﺖ ﺷﻔﺖ
ﺍﻟﺴﺎﻋﻪ ﺏ 11 ﻛﻮﻩ ﻧﻮﻣﺘﻪ ﻣﺎﻣﺘﻌﻮﺩ ﻳﻨﺎﻡ
ﻣﻦ ﻭﻛﺖ ﻭﺍﻧﻲ ﻫﻢ ﻧﻤﺖ ﻭﻳﺎﻩ ﻛﻌﺪﺕ
ﻗﺒﻞ ﺍﻟﺼﻼ ﺑﺪﻟﺖ ﻟﺼﻔﺎﻭﻱ ﻭﻫﻮﻩ ﻧﺎﻳﻢ
ﻃﻠﻌﺖ ﺍﺻﻠﻲ ﻛﻠﻲ ﺟﺎﻫﺰ ﺻﻔﺎﻭﻱ ﻛﺘﻠﻪ ﺍﻱ ﻛﺎﻝ
ﻭﻳﻨﻪ ﻛﺘﺎﻩ ﻧﺎﻳﻢ ﻛﺎﻝ ﺟﻴﺒﻲ
ﺟﺒﺘﻪ ﺍﻟﻪ ﻭﻧﻄﺘﻬﻴﺎﻩ ﻭﻫﻮ ﻧﺎﻳﻢ
ﺳﻮﺩﻩ ﻋﻠﻴﻪ ﻛﺴﺮ ﺧﺎﻃﺮﻱ
ﺭﺟﻌﺖ ﻟﻐﺮﻓﺘﻲ ﺍﻧﺎﻡ
ﺻﺪﻙ ﻋﻘﺪﻩ ﻭﻏﺜﻪ ﺑﺎﻟﺠﺬﺏ ﻣﺎﺳﻠﻢ ﻋﻠﻴﻪ
ﻭﻻﻋﺎﻳﺪﻧﻲ 😏😏
ﻳﺘﺒﻊ