الفصل الثامن

رواية معجزة الزين الجزء الثامن 8 بقلم أسماء علي معجزة الزينرواية معجزة الزين الحلقة الثامنة _باباكِ عايش يا سارة! _عايش! إزاي؟! لا أنا شُفته، بابا مات! ضيقت عيني بإستغراب من كلامها وحركت إيدي علي وشها، وقلت: _طب ممكن تهدي وأنا هوديكِ عن باباكِ عشان تطمني عليه؟! _بس.. _ما بسش يا سارة! لما تشوفي باباكِ هتصدقي كلامي. بصيتلي لبرهه بدون إنفعالات ملامحها هادية وعينيها زايغة بس الحزن بادي علي الإتنين.

قربتها مني بألم من حالتها وطبعت بوسه علي جِبينها بهدوء، وضمتها ليا بحب، وهمست بهدوء وأنا بحرك إيدي علي رأسها: _حقك عليَّ يا سارة، والله لأدفعه تمن اللِ عمله ده غالي، وده وعد مني ليكِ. هي فضّلت الصمت ومتكلمتش إطلاقاً، أنا مش عارف إيه اللِ حصل خلاها بالحالة دي!! ولا هي قالت علي باباها كده ليه؟ أنا لازم أعرف عشان أقسم بالله ما هحله إبن….. ده. شِلت سارة اللِ في عالم تاني هي شاردة في اللاشيء بهدوء مُريب

ومستسلهة وساكتة بطريقة مُخيفة. خرجت من المكان اللِ سارة كانت فيه وطلعت لقيت مُراد واقف مستنيني. الموضوع أطلع أسهل ما يكون، شكله كان عارف إن أنا عرفت المكان عشان كده سايبلي كام راجل من رجالة العِره هنا. ولسبب غامض سايب سارة وعمو عز هنا! بيلعب معايا! ومالوا نلعب بس علي طريقته المرداي! _زين! عمك عز في العربية، حالته مش افضل حاجة لازم يروح المستشفيٰ. إتنهدت بهدوء، وقلت: _حالاً نروح! وإفتكرت حاجه، فقلت:

_لقيت اللِ قلت لك عليه؟! _لا وكمان شغاله! رفعت حاجبي بإستغراب شديد وهزيت رأسي بتفكير الحوار مش هيعدي بالساهل وبس ومالوا، أنا عايزه يجيب آخره. _يلا نتحرك، وبعدين نشوف الحوار ده. قلتها وأنا بشاور علي الخروج من المكان هز مراد رأسه بهدوء، وخرجنا. خطفت نظرة لِ سارة قبل ما أحطها في العربية.. كانت غَفت، نامت يروحي! شكل اللِ حصل مش سهل لإن دموعها اللِ علي خدها ما بتقولش غير كده

وملامحها المرهقة وعيونها الزايغة وحالتها اللِ مش مُبشرة بالخير مش هتعدي بالساهل، وأقسم بالله ما هتعدي بالساهل. حطتيها في العربية، ونيمتها براحه علي الكرسي طبعت بوسه علي جبينها بشوق ومسكت إيدها بهدوء وطبعت بوسه عليها وبعدين وضعتها جانبها بإهتمام. وبصيت لِ عمي بهدوء وإبتسمت، بادلني نفس الإبتسامه بس بتعب. قفلت الباب من عند سارة وإتجهت لِ عمي، مسكت إيده وبوستها بإحترام وقلت بقلق: _إنت كويس يا عمي؟!

_الحمدلله يا زين، الحمدلله يا بني. وحرك رأسه علي سارة بقلق، وقال: _سارة مالها؟ حاولت أهدي من قلقه، وقلت بهدوء: _هي بس نامت من كُتر الإرهاق والتعب اللِ مَرت بيه. _يعني هي كويسة؟! _أيوة يا عمي، إطمن! وكمان ساعات هتلاقيها زي الكتكوتة الشطورة بتطنطت قدامك في البيت. إبتسم بهدوء، ورتب علي إيدي بإمتنان، وقال: _شكراً يا زين، لول… _عمي!!!! الكلام ده ما يتقاليش، إنت عارف إن ده واجبي

إنت وسارة ملزومين مني، إحنا أهل قبل ما نكون نسايب. _إبن أبوك فعلاً يا زين، ربنا يبارك فيك يا حبيبي. _تسلم يا عمي! قفلت الباب بهدوء، وبصيت لِ مراد بإبتسامة اللِ بادلني نفس الإبتسامة وهو بيرفع حاجبه بتسلية. ضحكت بخفة، وشغلت العربية وقبل ما أتحرك خطفت نظرة للكتكوتة بتاعتي.. اللِ كانت غاطة في نوم عميق ملامحها جميلة بطريقة واو سارة جمالها هادي مش أوفر برئية زي الأطفال كتكوتة زي ما بقول. والحجاب زادها جمال والله

قرب باباها منها بهدوء وحضنها بشوق. غمضت عيني بهدوء كمحاولة أتمالك أعصابي وكده وأفكر نفسي إن ده أبوها عادي يا زين عادي!!! إتحركت بهدوء وبعد دقايق وصلنا المستشفيٰ، أصريت علي عمي عشان ينزل نطمن عليه ونعمق ليه جروحه بس هو كان مصمم إننا نروح وهناك هنعمل كده، بس أنا كنت عايز أطمن علي صِحته فأصريت عليه أكتر لحد ما إنصاع ليا ولِ كلامي. ومكنش ينفع أسيب سارة في العربية لوحدها، فَـ راح مُراد مع عمي عشان مكنش ينفع مُراد برضو

يفضل مع سارة في العربية، وكده كده حجة حلوة عشان أكون مع سارة لوحدى. سارة مش محتاجة دكتور حاليا سارة محتاجة تأخد شاور بارد وتتغذي حلو وبعدين تأخد دواها وترتاح ساعات وتشوف باباها وهتبقي فُله. معرفش الشيء اللِ مرت بيه من غيري في الساعات دي بس هعرف، و لما أعرف أقسم بالله بضعف الألم هيكون العذاب بس الصبر. أخدت أنا مكان عمي جنب سارة بعد ما نزل ودخل المستشفيٰ، شدتها لحُضني وأنا بدقق في ملامحها بحب

كلها أيام عرفت تجيبني فيهم، عرفت تأخد المكانه الأكبر في قلبي وان مكانتش كلها عرفت تأخد تفكيري وإهتمامي وكل ذرة إنتباه فيا عرفت تخترق الجدار الضخم من غير أي مجهود اللِ محدش عرف يخترقة بعد ما بذل كل مجهوده بس سارة غير طبيعاً غير من جهة تانية خالص! جُه عمي ومُراد، وأنا مازالت مكاني قررت ما قومش ومراد يسوق مكاني وعمي يقعد مكان مُراد ولو علي كاريزمتي قدامهم وهيبتي فداها عامةً، المهم تكون جانبي ومعايا و… في حضني!

قالي مُراد إن والد سارة بخير بس سوية إرهاق لإنه مكنش بياخد دواه بجانب بعض الجروح اللِ كان في جسمه ووشه، وغير كده جانب التغذية مكنش كويس وكذلك الإضاءة كل ده الدكتور اللِ قال عليه لِ مُراد. حمدت ربنا جوايا إن كل حاجه تمام وتعريضها إن شاء الله بسيط. بس السؤال دلوقتي، هننزل مصر ولا هنفضل هنا؟ * * * _يعني إيه يا زين! _يعني هنتجوز يا سارة. بصيتلي بتعجب كبير، وكإني من الصبح قاعد اكلم في حيطة. هنتجوز! يجدع!

ردت فعل سارة لو كانت واخده الموضوع هزار بس هي عارفة إن انا مليش في الهزار علي الأقل في الموقف اللِ احنا فيه دلوقتي. بلعت ريقها بتوتر، وقالت: _وهو مفيش غير الحل ده! _لا! وبعدين انا قلت لك إن ده جواز مؤقت، يعني لحد ما نلاقي باباكِ ونطمن عليه. وقربت قعدت قصادها علي الكرسي، وقلت بهدوء غامض: _هي كلها أيام يا سارة، أيام هتحدد مستقبلنا كُلنا. ضيقت عينها بإستغراب، وقالت: _مستقبل مين؟ _إنتِ وباباكِ… وفضّلت الصمت ومكملش،

هي ملاخظتش إن أنا قطعت كلامي وأنا قاصد هي مفكرة إن كده خلصت كلامي، هزت رأسها بموافقه رغم عدم إقتناعها، وقالت: _يعني إحنا هنتجوز عشان تحميني، لحد ما نلاقي بابا وبعديها نطلق؟ _إممم! إتنهدت بحيرة، وقالت بقله حيلة: _ماشي، ماشي يا زين، نتجوز. _وتيجي لما تشوف أبوها تقول زين اللِ خليٰ وزين اللِ عمل لا يا غالية قوليها بنفس صافية كده عشان ربنا يفتحها في وشنا. بصيتلي سارة بتعجب، وبعدين ضحكت وقالت: _لا متقلقش يا سيدي،

أشوف بابا بس وأنا هقوله علي كل حاجه وإزاي اجبرتيني علي الجوازة دي. _هيٰ أول القصيدة الكُفر باين عليها. ضحكت سارة، وقالت: _عيب يا سيد تقول إكديه، إنت مع أُختك سارة برضو. _هيٰ من أولها أُختي؟! يا صلاة الزين. ضيقت عينيها بترقب، وقالت: _إحنا مش هنتجوز ونفضل إخوات زي ما إحنا؟! هزيت رأسي بتأيد مزيف، وقلت: _أكيد، أكيد! _المهم يا زين، آخر الليلة دي لو حصلي حاجة عفريتي هتطلعلك في كل مكان تروحه، حتي كوابيسك. _يا ستير يارب،

وعلي إيه بناقصها الجوازة يا أخت سارة. قلتها بنبرة مرحه وأنا بشوح بإيدي ضحكت سارة، وقالت: _لا ما أصل تم صدور القرار مع توقيع الفرمان يا سي زين! * * * _بابا!! _سارة! إهدي، ده كابوس يا حبيبتي! كُنا آخر الليل وسارة مازالت نايمه وعمو عِز دخل يرتاح بعد ما آكل وأخد شاور وأخد العلاج بتاعه وكمان لما يأس من عدم صحيان سارة بس قال يشوفها الصُبح لإنه مش هيرضيٰ يصحيها. كنت علي الكرسي جنب سريرها بعد ما أخدت شاور وغيرت هدومي

وغبلني النوم وأنا براقبها. وفقت علي صوتها.. قربت منها بسرعة، وقعدت جنبها وأنا بحاول أهديها! _بابا! بابا يا زين! _إهدي يحبيب عيون زين باباكِ بخير، وحتيٰ نايم في الأوضة اللِ جنبنا. وميلت جسمي مسكت كوباية الماية، وقربتها منها، وقلت: _سَمي الله وأشربي يا سارة. هي كانت بتتنفس بسرعه وصوت نفسها كان عالي حاولت تمسك الكوباية بس إيدها كانت بتترعش. مسكت إيديها، وقربت الكوبايه ليها، وقلت: _إشربي يروحي. شربت، وبعدين هديت شوية

وكانت منزلة نظرها لتحت ومغمضة عيونها بتوهان. رفعت رأسها وبصيت ليها بهدوء، وقلت: _سارة. فتحت عيونها بهدوء، قلت: _إنتِ أفضل؟ هزت رأسها بِـ “آه”، إتنهدت براحه، وقلت: _في حاجة بتوجعك؟ _لا، بس رأسي بتلف! _قِلة آكل، دلوقتي أجيب ليكِ تاكلي وبعدين تأخدي أدويتك، وتأخدي شاور عشان تفوقي. هزت رأسها برفض، وقالت: _لا، مش عايزة آكل. _مفيش لا يا سارة، أنا مش باخد رأيك، إنتِ كده كده هتاكلي

عشان دواكِ وعشان إنتِ لو إتحركِ هتقعي من طولك. كانت لسه هتعترض، قلت: _مش عايز جِدال في حاجه تخصك يا سارة. وقربت طبعت بوسه علي جبينها، وقلت بهدوء: _خمس دقايق وهكون عندك متتحركيش، تمام! هزت رأسها بخفوت، إبتسمت بهدوء وقمت عشان أجيب الآكل للكتكوتة. حضرت ليها الأكل عشان أنا زوج صالح وبعرف أطبخ وبيريح حبيبت عيوني عشان تعبانة حتي لو مش تعبانة برضو. طلعت الأوضة، وفتحت الباب بس ملقتش سارة علي السرير. ضيقت عيني بإستغراب،

ودخلت حطيت الصينيه علي الترابيزة ودورت عليها في الأوضة.. ولقيتها خارجة من الحمام بعد ما أخدت شاور باين. قربت منها وسندتها بحب، وقلت: _قُمتِ ليه؟ رفعت رأسها ليا، وقالت بخفوت: _روحت أشوف بابا، بس لقيته نايم فَـ سبته وجيت أخدت شاور عشان أفوق. _إرتاحتي لما شوفتي عمي! _جداً. قالتها بتنهيدة طويلة بتعبر عن مديٰ التعب اللِ كان جواها. _يلا عشان تأكلي! _زين! _سارة مش عايز جدال كتير. إتنهدت، وقالت: _بس تاكل معايا.

_حاضر، هاكل معاكِ بس يلا! وبدانا نأكل فعلاً، أنا كنت جعان جداً حقيقي لإني ماكلتش من الصُبح، أو من إمبارح مش فاكر حقيقي. خَلصنا آكل وسارة أخدت دواها وسرحّت انا طبعاً زوجها الحنون شعرها. زوجتي الكتكوتة تعبانه بقي، _ها يا سارة هتنامي؟ _آه! هزت رأسها بسرعه شكلها مش عايزة تنام بس هتنام لسبب مجهول. طفيت الأنوار، ووقفت قصاد سارة وقلت: _ممكن أنام جنب الكتكوتة ولا مش ممكن! إبتسمت سارة بتوتر، وبصيت لي وبعدين هز رأسها، وقالت:

_ممكن، أكيد! _شكراً، كده كده كنت هنام. ضحكت سارة، وقالت: _ولو العفو يا سي زين، أحرجني تواضعك علفكرة. ضحكت بصوت عالي، وقلت: _متتحرجيش، أنا زي زوجك برضو. _والله! أتعامل عادي يعني! _المرة الجاية بقيٰ. _عيوني. _يسلمولي. إبتسمت بخفة ونامت وأنا كذلك. نمت جنب كتكوتي العسولة شوفتها بخير وشوفت ضحكتها وإبتسامتها العسولة قبل ما أنام هعوز إيه من الدُنيا بعد كده. * * * _سيد أخويا! _أختي فاطمه! _وحشتيني أوي يا سيد.

_وإنتِ كمان يا سارة إنتِ نسيتينا يا بت! كنت أنا ملك ورزونه بنتكلم وحشوني أوي والله بجد. _مقدرش والله، بس الغربة يا خوي. _يقطعها يا خيّتي. _إوعك كده يا ملك، خلينا أسلم عليها. _رزونه عامله إيه؟ وحشاني أوي والله. _وإنتِ كمان والله يا سارة البيت ضلم لما مشيتي. _هنحور، دي الكهربا اللِ قطعت! ضحكت بغيظ، وقلت ل رزان: _رزان إضربها علي قفاها المش محترمه دي. ضربتها رزان فعلاً علي غفلة وملك إتصدمت من الضربة، بصت لها رزان، وقالت:

_سارة اللِ قالت إضربيها. _ولما أشتمكم دلوقتي هتكونوا مبسوطين! _إيزي إيزي، ما إنتِ مهزقه! _طب نلم روحنا، عشان لسانا ماسك نفسه بالعافية. _عيوني يا سيد يا خوي. _المهم يا بت يا سارة! _خير يا بت يا ملك! _هو أنا مقولتلكيش علي الحتة الجديدة؟ _لا مقولتليش! _مش إحنا هنشتري فساتين جديدة! _لية؟ _عشان أخُتنا عروسة مثلا! _أُختنا مين؟ قلتها بتعجب وغباء في نفس الوقت. _توقعي كده! _ما هو أكيد مش إنتِ! ضحكت رزان جامد عليا،

بصتلها ملك بطرف عينها، وقالت: _ضحكتك أوي يا رزونه! _أوي اوي يا ملوكه. ضحكت عليهم بحب، ياريتهم كانوا معايا يلا قدر الله وما شاء فعل. _ثم نِحف قصف جبه شوية يا أخت سارة عشان نعرف نأكل عيش الله يسترك يعني. ضحكت، وقلت: _حاضر، بس مين برضو العروسة! _رزووووونه! _بجد! بتهزريييي؟ _اعرفك عشان أهزر معاكِ يا بت. _يا ست إنتِ روحي دلوقتي! بجد يا رزان! _شوف البت بتكلمني إزاي! إنتِ يا بت يا سارة! _آه يا سارة، عُبالك!

_إنتِ يا بت يا سارة؟ _حصل إمتيٰ الكلام ده؟ _من يومين كده! _إنتِ يا بت يا سارة! _يومين كاملين ومتقوليلش يا جزمة. _إنتِ يا بت يا سارة! _عايزة إيه؟ قلتها بزهق وصوت عالي، ضحكت رزان بصوتها كلها وهي بترجع لورا، بصيتلي ملك، وقالت: _أقولك علي العريس! ضحكت علي ملك، وقلت: _يا شيخه منك لله، روحي. _حبيبي كلنا مننا لله. _طب مين العريس يا رزان؟ _أنا اللِ هقول، محدش يتكلم غيري. قالتها ملك بحدة مصطنعه، _اي حدي يقول! _توقعي مين؟

_هتقولي ولا أقفل في وشك! بصيتلي ملك بصت ابله نظيرة كده وقالت: _هقولك، بس بمزاجي. _قولي! _يوسف! _يوسف مين؟ بصت رزان وملك لبعض بإستغراب وبصيتلي ملك، وقالت: _يوسف يا سارة يوسف إبن عمك جميل! فتحت عيني بصدمه وأنا بستوعب الإسم، وقلت: _يوسف!!!! _يا تريٰ إيه القادم؟ هل زين وسارة هيطلقوا؟ وهل زين بيحب سارة فعلاً! وهل رزان هتبقي ليوسف؟ ولية سارة إنصدمت بالخبر؟ هل سارة بتحب يوسف؟؟؟؟؟