رواية معتقل الصحراء الفصل الأربعون 40 - بقلم الكاتبه أم مختار

مساء الحب
حسب التصويت ردتو البارت هسا ينزل فـ قراءة ممتعة
#معتقل_الصحراء ٤١
#بقلم_ام_مختار
#دنيا_غانم

مناسك _ گتله الله يوفقكم وشكرََا الك
اريد بس انهي الحدييث راح اتأخر على شغلي
ع سريع عفتهم وصعدت
حضرو السياره وطلعنه المكان قريب على بيتنه من دخلنه شمينه ريحة مو طيبة بالشقه لبسنه  الكمامات ودخلنه اني رحت للغرفه
لگيت محابس و هيج سوالف كلهن اخذتهن هسا مياسين تفرح بيهن ولگيت لوحة حلوه هم اخذتها بس الباقي كله نذب الولد الوياي يشيلون قطع الكبار واني كرسي وما شابه همه من يباوعون الحجمي يبتسمون
البرازيلي جان طويل وضخم بس التشيكي جان قصير بس هم ضخم نخلص شغلنه نصعد بالسياره وللمقر بطلعتي شفت الولد العرب ابتسم و گلي تصبحين على خير

_تصبح على خير وع سررريع طرت بدلت وطلعت للباص رجعت للبيت مياسين خاله على نرويجي
و گاعده تسمعلهم هلووو

_اسسس خلي اسمع

_ووجعه شدشوفين

_مسلسل اسمها فريندس اجنبيه مترجميها نرويجي

_شگد جاي تفهمين

_هواي جاي افهم

_شنو سويتيلنه عشا

مياسين _ اكو فواكة كصصي واكلي

_صددددگ عود مسويتي عشااا

_اييي ما طلعت مالي خلگ

_شنو عدنه بالثلاجة

_سمك سلمون بس

_ نعله عله روحج مياسه عووود صدگ مطالعه

_والله مالي خلگ

_امداج
طلعت السمجة وخليته بمي حار خليتها تذوب و طبخت تمن وگليتها البيوت نظامهم كلهن بيهن
منبه الحريق خطية نصدم المنبه من كثرة الدخان ع سريع طفيت النار وفتحنه الشباك

مياسين _نصدم من عملتج

_متنه جوووع بسببج مو يوميا اني اطبخ شبيجج

مياسين _ مالي خلك داگول

_سكتت عنها ادري ضايجة وما احب اضوجها صدگ  باعي شنو جبتلج طلعتلها الغراض تونست بيهن اجتي تحضني وتبوسني بالعافية لبسيهن صبيت الاكل وگعدنه ناكل اني وياها و هيه غسلت المواعين و عطرنه البيت وگعدنه نباوع للتلفزيون
بلشت مياسين  وياي تشتغل كمنه نروح سوه وبالرجعه هم سوه بس مرات هيه تتأخر ساعه اكثر مني انتظرها

نرجع هلكانين رحمة هاي الفتره ما شايفيها هيه ويانه بس بالاسم استمرينه احنه دراسه وشغل
لحد ما يوم شفناها تلم بغراضها شصايرر

رحمة _طلعلي بيت وحدييي واخيراََ راخ اخلص منجن

مناسك _ ورجاءََ من اطلعين منا بعد لا تراوينه خلقتج

رحمة _ههه اني ميته عليج تره باعيييي
اني ما سويت كل هذااا بس الخاطر مصلحتي جريتجن بس لأن جنت خايفه ما اعرف ابقه وحدي

مياسين _خاااااايفه انتِ تخافين
احجييييي عدللل گولي حقدددد َغيررررره

رحمة _وهم حقد وغيره الي يعجبج گولي بس لا تنسن انتن غبيااااااات

مناسك _اجتي تهمشها مياسين بعدتها خلصتي يلااا تكسحي

_وبنتي من ما دنيتلها حتى بس لا اتعلق بيهااا
واصيرر حره طليقه

مناسك _ وين ترحين جولي بهاي الدنيا مرح
باجرالحساب الاكبرررر
طبطبت على جتفي وگلتلي وانتِ هم لا تنسين الايد الي نمدتلج تعرفين شلون عضيتيها
هههههه لا لا الصحن الي قدمووو الكم تفلتوووو بي

مياسين يااااا وصخة

مناسك _ كلامج صحيح وهسا  يلااا توكلي دفعتها وذبيت غراضها وطلعت

مياسين _جااان خليتيني ابرررد گلبي بيها

مناسك _ حتى تشتكي عليج وتوكلج خراااا بالمحاكم و يمكن اقامة ما تجيج اسكتي افضل والحجته حقيقة هيه نذله واحنه انذل منهااا لأن صدگنه بيهااااا

مياسين _هيه مووو هجمت حياتنه هسااا تتلكاها من الله

مناسك _غلطانه هيه ما هجمت شي ما ضربتنه على ايدنه احنه الي طلعنه بكامل قوانه العقليه ولو اشك بعد عملتنه اكووو عقل

مياسين _نروح الاوسلو ونسأل

مناسك _ههههههه حتى شنووو يعني شسوين رايحة؟؟

_نعتذرر

_ويرجع كلشي تمام؟؟

_يمكن

_لااا مو يمكن يجوز صليل اييي بس سائد لااا

_شمدريچ

_لأن هو اكثر واحد هسا متأذي كل السوا النه واحنه بشنووو جازينه

مياسين _وهيه تحجي نزل دم من خشمها ركضتلها رفعت راسهااا شكووو

_ماكو شي مااعرف هذا وخرت منها و غسلت خشمي
الي يجرح بهذا كله انت يسموووك غداررر
انت الي تحجي بالدين وبالله غدررت
ضيعت كلشي سويته دخلنه المقر الشركة شفت الموظفين مجمهرين شصاير

_گالو بنيه متعاركة بقسم تنظيف ارضيه السجون
ليش لان ما گادره تكمل بالشغل و ما منطيها استحقاقها يعني صاير خلاف
بيومها اجوي علينه ورادو ينقلونه احنه القسم تنظيف السجون
جانو ينظفون الارضيه ويرجعون يخلوله مادة تجديد يعني وسهل بس سجون اني وسجووون من گلولي بقيت ارجف كتلهم اني اخاف ما اشتغل بالسجون لو اموت ومياسين رفضت مع انو العرض صعب ينرفض جان العمل شهرين بس وعلى كل شهر ٥٠ الف كرون يعني تصير من اغنياء النرويج بس عساني اجدي ولا ادخل سجن  بأي شكل من الاشكال  حتى لو بس اوكف بالبوابه ومياسين كذلك رفضت
صاحب الشركة كلها جان يگول هذا العمل صعب نرفضه لأن الشركة القائمة على السجون   دائماََ تدعم المكان الي هو بي
يعني شغلة احترام يريد يخلصلهم الارضيات بأسرع وقت ممكن
جانو ثنين شباب فلسطينين ويحتاجون  بعد ثنين

خلص الشغل وگعدت انتظر مياسين بالباب
طلع واحد من الولد الفلسطينين و سلم اني هم رديت السلام وگعدت
رجع سألني  اني مزوجة او لا
جاوبته ايي مزوجة
اعتذر مني وراح
ابتسمت هذا شيريد يزوجني هههههه
والله بطران عايف الشكرات الحمرات اليموتن جاي عليه اني الراح اخلص

مياسين _ بوو

_ووجع خوفتيني

وين صافنه

وين صافنه هذا الفلسطيني يگلي مزوجة
گتله اي خطيه شكله كام يبجي عليه يگول فاتتني

مياسين _ هههههههههه كليله السروال يخرط الله وكيلك

_يا حقيره كمت اركض وراها وهيه تركض
شلون الجهال منو صار گدامنه حبيب الرحال الي يترجم النه هو وعائلته جان مار من السنتر وسلم

_اهلاََ عمو يا اهلاََ وسهلا

حبيب _شلونكم باباتي شلون صحتكم

_الحمد لله بخير سلمنه على زوجة جانت تبين حبابه وعنده ثنين اولاد وياهم
احنه عفناهم وكملنه طريقنه بس غاب عن نظرنه ركضنه

مياسين والله فشله

مناسك _هسا يگول هذني زعاطيط

مياسين _خلييي يگول هو احنه وين عشنه طفوله

مناسين هيه تمشي قبلي وتحجي
گتلها مياسين هذا صليل
اني جنت امزح بس هيه ركضت ركضه
بحياتي ما شايفه مياسين هيج تركض
دووووگفي اجه البااااص تعااااااي داجذب عليج

مياسين _نعله عله يومج كلت اجه

مناسك _وين يجون انتِ غبيه وين يعرفون احنه وين

مياسين _ صعدي صعدي هذوله تربات صياح

مياسين _ بدخلتنه للبيت فتحت صندوگ البريد
جانت بي ورقه المناسك فتحتها قريتها وبقيت صافنه باوعتلها وضحكت

مناسك _شكووو

مياسين _عزيزتي الملقبة بنيزك لقد تم رفضك لمي جولاتج ورجعي من حيث ما اتيتي

مناسك _لا بشرفج شكوووو

مياسين _طالبيج باجر بمركزززز الشرطه بخصوص الاقامه

_جذاااابه

_والله شوفي

مناسك _ جان طلب المركز شرطة المنطقه الاني بيها الصبح
ما عرفت شلون انام وشنو يردون مني خاف رفض اذا رفض يرجعوني للعراق لوو وين
بقيت گاعده بالصاله الحد الصبح صليت وبدلت وگعدت انتظر الوقت المحدد بالرساله
تمشيت للمركز دخلت سلمته الورقه فلكمن ما فلكمن يعني اهلاََ وسهلاََ
دخلت تقابلت وي شرطية او رتبة بس جانو ما يخافون ولطيفين عكس الي قابلتهم سابقاََ
گعدت وياي بمكتبها ترحب بيه وهذا بلدج الثاني
و احنه فخورين بيج بهاي الفتره القليله گدرتي تحصلين على عمل
الحلو جان افهم كل الي تگوله تقريباََ
سلمتني ظرف ابيض
گتلها سمحيلي افتحة لان كلش متوتره
ضحكت وسمحتلي
فتحته جان قبول اقامتي بالنرويج لجوء انساني اخذو صور وگلولي اسبوع وتعاي للمركز استلمي الاقامه
طلعت من المركز للبيت ركض دخلت وصرخت ميااااااااسه

مياسين _بشررري

_انطوووووني الاقامه وكمت اهوس بنص البيت
وهيه تطبلي على خشبة المطبخ انطووونياها والله والله

مياسين _ وياي السكر ديط نوروي

مناسك _واني هماتين احب النرويج شكرَََا الهم

مياسين _فرحتلها  اضعاف فرحها
تستاهل نيزك

مناسك باعي بالصيف نروح الاوسلو شنو رئيچ

_لااا ما اروح هناك

_خلييي نروح نجرب حضنه شبيججج

_ما ارووووووح گلت

_اهوو خلص نروح البيرگن

_اي ما تبعد عنه غير ساعتين نروح

_مناسك _كمنه نحلم نسافر ونشوف كل الدول
و نصير غنيات
بس هاي الاحلام كلها بيها غصه اهلييي وين
ليلو شصارلها

سائد شلونه بدوني
ام سائد المراه تعبانه شنووو صار بيها هسا
كل هذا يهاجم بكل اوقات فرحي يخلي غصه بصدري

اسبوع واستلمت الجواز مالتي جان لونه مثل الجواز العراقي حالياََ
كلشي بي حلو خالته واباوع واقرا المعلومات
كل شوي اعيد
ومياسين تصيح ناخذه ونروح الرحمة

_ههههههه عوفي رحمة يمعوده

مياسين _ طارت رحمة بعد منوووو يلزمها وصلت المبتغاها

_عليها بالعافيه شدخلنه بيهااا
يوم الالج

مياسين _باعي اذا هذا الشهر ما اجاني طرد الاقامه اشگ جوازج وانهزم

_هههههههه لويش

_اغار مداگدر هههههههه

مناسك _ينطوج مدام نطوني ينطوج قابل اني احسن منج

مياسين _اني ممستعجله المهم ما يطلعوني من بلدهم

مناسك _لا ما يطلعوج
ايام وعزمونه على خطبة احد العوائل  بالنرويج گالو  يسوون حفلة بسيطة باحد القاعات
ترحين مياسه

مياسين _اذا ترحين اروح اضوج اذا وحدي

_نروح بس خلي نشتري ملابس

_نشتري مشخلع

_لااا شنو مشخلع غير مختلط
طلعنه اشترينه فساتين كلش محتشمة
جانت الحفلة يوم سبت بسبب العطله
اتفقنة  وي بنيه عراقية تحفنه وتسويلنه مكياج خفيف
سوينه كلشي وطلعنه للحفلة جانت عائلة نجفية ابنهم ديزوج دخلنه ونصدمنه بالجمال النجفي الشعر والجسم و الترتيب و النزاكة
كلشي حلو اسلوبهن حلو بالملگه رغم احنه ما نروح للحسينيه دائماََ بس من نروح يرحبون بينه عبالك بناتهم جانت الحسينيه لازميها اهل البصره والنجف ومن نگول النجف و البصرة نگول اهل الطيب گعدنه يم البنات الي نعرفهم ودائماََ نسولف وياهم
سالتني حجيه عراقية لابسه العبايه الراس و بيدها العكازه هاي البنيه اليمج مزوجة

مياسين _اني؟

اييي انتِ

_اييي خاله

_يا هنياله

مناسك _سألنها البنات وين زوجج
گلتلهن بينه خلاف و ادعولي نرجع مثل قبل واحسن
البعض دعالها والبعض گلها خيولي دطلكي وزوجي تاج راسه

مياسين _ لا اريده اني هو خوش رجال

مناسك _ مسحت على ظهرها دخل العريس يخبل لبسها الحلقة وركص وياها
اكو مره بعدها شابه هيجي نهايه العشرين
گالت ميستحي على روحة هذااا يركص وياها

مياسسين _وشنوو بيها غير زوجة

_لا عيععععع الزلمة بأفعاله هاي مووو افعال زلم

مناسك _جانت محنكة و هيج شكلها يبين هيه متسلطه

سألتها مياسين شنوو اسمج
كلتلها ام زهراء

مياسين _هاي حياته ام زهراء مووو حياتج هو حرر يركص يدبج يضحك ياكل يبجي لويش تدخلين اذا مقهوره خلي ابو زهراء يركصج

مناسك _هيه حجت هيج واني لزمت ايدها وكتلها گوووومي انتِ مو مال عرس اخليج بالبيت افضل
هذيج بقت تحجي اني طلعت مياسين دفررر

مياسين _موو افعال رجال
الله يساعد رجلها عليها جنها ضابط

مناسك _وانتِ شدخلج

_وهيه ليش مدخلة روحها بيهم ديركصون قابل ده يدعفسها گدامنه

_ههههههههه تعاي تعاي لا ضوجين خلي نرجع للبيت وتوووووبه اخذج مكان وياي بعد
رجعنه نضحك غابت ام سائد عني بالحلم ما اجتني
فتره واجه الطرد المياسين بالاقامه كلش فرحنه
امورنه جاي تتحسن هواي كاعدات دنمشي بالمسار الصح
راحت و صورت هم وعزمتني على لفة روبيان
عباره عن روبيان و بيها خس و بيها شرايح ليمون و صمون بس حيل طيبه

مناسك _ارريددد بعد

_وسمم بعد ماكوو غاليه

_هههههههه اكلج بما انو انطوج الجواز شنو رئيج بالصيف نروح للسويد...

مياسين _الحد الصيف تسفريني العالم كله بخيالج  وبالاخير تگولين ما بيه حيل اسافر

_هههههه اسويها

مياسين _ جان عملي يحتم عليه نرتب الكمبيوترات ونسلمها الاصحابها
او الطرد من يجي نصمغه وننطي السيارة الشحن توصله ما مسموح نلزم التليفون بالشغل
وينطونه نص ساعة استراحة انزل ركض الها اذا لگيتها نگعد سوه ناكل واذا ما لگيتها ارجع المكاني
بنزلتي الهاشفت واحد من الفلسطينين همه بطبعهم اجتنماعيين يحجون ويسولفون مناسك ما تقبل تگلي انهي الحديث بسرعة بس اني استحي
ابتسملي وايش احوالك و اذا تردين شي تدللين
للحضه احسه يحجي عراقي بس بعض الكمات لا مالتهم
سألته العقد مو شهرين شعجب طولتو لو بعدكم ممخلصين شغل
گال نحتاج ثنين ويانه مديلحگون يخلصون

مياسين _موو سمعت اجتي وياكم بنيه
اتضح هيه منهزمة سجون النروج حسب ما واضح مو مثل سجونه زنزانه و ينسد بابها لاا البيبان مفتوحة دائماََ وعدهم حدايق  و عدهم مطبخ همه يطبخون وكلشي بي حتى يتعاملون وي السجناء كلش طبيعي والبنيه الجايه وياهم منهزمه من هذا الشي
ترخصت منه ونزلت المناسك لگيتها تسولف وي زميلها خاله بينهم فد ٧ مترات عبالك راح ياكلها والابتسامه مجرد الحلگ يعرض صحتلها نيززززك

مناسك _ درتلها ههههههههه اجيت
ترخصت من زميلي ورحتلها باعي هساا اجيت شوفي شنو جبتلج

_الله شنو هاي تخبل

_ايي باعي شلون مشتغليها حلو
خليته على رگبتها تجنن

مياسين _البسها من تسفريني

_ههههههههه

مناسك _ اجه عاشور وهنا حلوو بشكل كلش حلو
من اول يوم لبسنه الاسود و رحنه للحسينيه مو بس احنه جنه نروح لا حتى الافغان والخليجين الي جانو يجون بعقد عمل
جانت عوائل سعوديه يجون و يجي شيخ جان النه من السويد من الكويت من لندن يجون
صوت الملايه قوي وحلو يقشعر الابدان الهاي المصيبة وهيه ترويها
كمنه يوميا نروح وملتزمين
ع سررريع نرجع من دوام نبدل ونصعد الباص وننطلق حتى جانو البنات الصغار ينطوهن فرصه يقرن وكأنوا يگولون احنه جيل بعد جيل هذا الشي ما ينسي وتبقهج مجالسنه عامره
اكو بنيه عراقية ويانه مزوجة ايراني
والعكس هم عراقي مزوج ايرانية
جانن من يجن ام زهراء شسوي بيهن
تحجي للعراقية هذوله المجوس وشلون انتِ مزوجة منهم باجر عگبه يذبج وهذوله مو خوش ناس البنيه فقيره ما ترد بس تنقهر و هاي سليطة السان
و الايرانيه تنزل عليها بالنرويجي الحد ما خلتها بعد ما تجي

مياسين _هاااي ما تستحي

_مو ابو عبد الله مزوج مغربيه شوو ما تحجي ويا لو وياها لو لان ابو عبد الله مسؤول الحسينينه والله حرام عليها جايه للحسينيه وطرد بالناس شنو الحسين النه بس الحسين شعار انساني قبل لا تكون قضيه دينيه بس هاي ما تستحي

مياسين _الي يوم رافسه ابطنها ومطلعه البنكرياس  واحشي الها تمن هل عوبه

مناسك _اجينه نطلع جان تگول كولو شكرََا يعودكم الله يتقبل منكم
شبيجن ما تعرفن تحجن شي
اختها اختها حجت عليها گلتلها شنو سالفتج

مناسك _ الله يعودكم

مياسين _ نصيحة اذا ما تغيرين سلوبج باجر بيقين بس انتِ و الملايه و بالاخير الملايه هم تنهزم

مناسك _اجر بيها ما تنجر مياسين ونفتحت اذاعتها بعد شيسكتها
وبسببها المرأه شدت ويانه هو بس هذا المكان احنه نروحله وهيه بقت بس تشوفنه تتخبل
حتى يوم عاشر من طبخو القيمه ونوبه نجفيه تخبل من وزعت انطت للكل الا احنه

مياسين _ويلي يا ابا عبد الله ويگولون اهل الكوفه غداره
همه بمجلسك وما نطتنه حصتنه

مناسك _وللللج عيب خلاص احنه شنوو جايين على اكل

مياسين _ ما جاين على اكل بس هيه ليش ما انطتنه

_ختولي مو بلازم اليوم الحجة نرجع للبيت نحجي وي مولاتي زينب واني اسويلج اطيب طبخ ونهدي ثوابه للامام الحسين يصير اطيب من طبخها

_تگليلي سمج

_اگليلج بس امشي
بطلعتنه شافنه زوجها من شاف ما بيدنه سفري
گللنه اوكفو راح جابلنه اربعه
وانطانه و گال واحد منهن بيهن قيمه مو ينصب منكم تشكرنه منه وطلعنه

مياسين _ ارجع  اكلها رجلج انطانه

_هههههههههههه تموت

خلص عاشور و بالاربعين طلعو بمشون بالمدينة وطبعاََ ناخذ اذن من مركز الشرطة ياله ما يحجون شي بالعكس يجون يحمون الناس وبوقتها الجاليه مو هواي شي ما يتعده الالف لو جمعناهم
خلص عاشور ورجعنه الروتينه
دخلنه للشركة شفنه المدير ضحكته واصله للشارع ابتسمنه ودخلنه شصاير

مياسين _ مو عوايده يضحك

_هههههه يجوز صاير ويا شي مفرحة اليوم
سالت مياسين گلولها نحل موضوع السجن وراح  يكملون الارضيه وهو فرحان

مياسين _صار عندي فضول اشوفه شبي ميت على هذا الموضوع

_يييي فلوووس اذا العقد ب ٥٠  الف كرون  للشهر  شرايج بالفلوس الي هو يحصلها

_ايي طبعاََ

مناسك _ رحت الشقة خلصت شغلي بيها مرات بسبب قلة العمال يدزونه للناس الكبار بالعمر نوديلهم كرسي عكازه نسويلهم الحمام الغربي اذا اكو مشكله نصلحها الاعمال ما جانت صعبة حسب وين حاجتهم  ينقلونه گعدت بره انتظر مياسين
بقيت بالساعة ياله اجتي تركض
هااا واخيراََ
_اخير شي غلفته واجيتلج

_ بعد ما انتظرررج صارلي ساعة هنااا مصلوبه

_اتركيني يهون عليج

_ايي يهون تعبت والله مياسين جاي اهلك اني

_براحتج روحي واني اجي وراج

_يلا هسا گعدي لأن الباص طلع  ننتظر بعد الباص الجاي  ٢٠ دقيقة ويوصل

مناسك _ اجه جهاد علينه انطانه بطاقة دعوة عيد ميلاد بنته واصر نجي و مسويها بحديقة وهوويحب الاصدقاء يجون بنته تفرح ومن هذا الكلام

مياسين _ان شاء الله نجي
بس راح من يمنه كتلها مالي خلگ اروح

_ليشش

_ما بيه تعبانه

_هسا هو العيد ميلاد بعد يومين انتِ من هسا تعبانه بعد يومين عود قرري

مناسك _ثاني بوقت طلعتي من الشغل مياسين تأخرت هواي اتصلت عليها وگتلها يلاا تعبت
گلتلي شوي واجي
گدامي الباص الاروح بي طلع لازم انتظر الباص البعده
قرب الباص الخ يجي وهيه ماكو خابرتها گالت ما اگدر مشغوله روحي
ركضت للباص ركبت وطلعت للبيت بعد ما اگدر انتظر ختولي ترجع بوحده من نزلت ما جان اكو احد بس حسيت اكو واحد يمشي وراي اني مووو گدها و ادور واشوف طفرت للبيت ركض اريد اشوف بس المفتاح وين يتخلى ماكووو ايدي كامت ترعشش رعش واني اقرا ايات قرانية نخبصت خبص الحد ما فتحت الباب وشمرت روحي قفلت الباب و گعدت بمكاني  من الخوفة وعيني على الباب ركضت للبلكونه مقفوله
ما گدرت اسوي شي بقيت بمكاني گاعده اني سمعت وراي رجلين ومجان اكووو احددد
مفتاح الباب تحرك رأساََ قفلته بالسنسله

مياسين _هاااي شبيج

_واخيرررراََ اجيتي متت بدمي ولج
حجيتلها الصار گلتلي تتخيليني

_والله ما اتخيل اني حسيت وراي واحد يمشي اني سمعت صوت الرجلينات

_يجوز حيوان شي احنه ببداية الغابه

_اكلها رجلين تگلي حيوان

_اندررررري ماكو شي امان
هسا عوفي الموضوع وگليلي باجر   شنو راح تلبسين

_اي شي عندي واشتري للبنيه هديه وانتِ هديه ونروح.
بقينه نتفق شنو نلبس وطلعت اني اشتريتلها لعابه و مياسين اشترتلها بيت دزني همه عدهم نظام يغلفون  الهداية غلفتهن ومن رجعنه للبيت صاحت مياسين مالي خلگ اروح.

_لويشش

_ما بيه تعبانه اخذي الهديه وروحي

_ياااا لعد اني هم ما اروح

_لااا روحي عيب اني شوي مالي خلگ انتِ روحي وتونسي عيب من الولد دائماََ يسال ويسلم هسا شيگول

_نجبرت اروح واعوفها لبست لبس كلش عادي واصلاََ بسبب القمصله ما يطلع شي من الملابس وصلت للعنوان جانت حديقة مفتوحة اغلب زملاء العمل جايين سلمت عليهم وشفت البنيه   تخبللل تخبل عبال لعابه واظاهر امها مو عربية لأن شگره و خدودها يموتن و العيون زرگ مثل البحر
انطيتها الهداية وعايدتها
وتعذرت من جهاد لأن مياسين ما گدرت تجي وهاي هديتي وهديتها هو مسويلها عيد ميلاد رهيب كيك و كب كيك و عصاير مثل الهسا نشوفه بالاعياد الميلاد وهيه على الكرسي تطفر ببدلتها السمائية  وبيدها شمعه مالت سنو وايت
تحسرت ليلو هسا صارت سنه واكثر سوولها عيد ميلاد لو نسوها شنو صار بيها بغيابنه
گدرو يهتمون بيها لو ماتت من جوع
هذا اكثر موضوع مأذيني واني صافنه بالبنيه الولد التشيكي الي وياي جابلي ورقه وگلي هاي انطونياها الج
ورقه عاديه بيضه مطبوكة طبكتين فتحتها جان بأيدي تليفوني وكع من ايدي مكتوب بالورقه يا طيف مُر ومَر
التفتت ماكو احد رجعت للولد سألته منوو انطاك هاي الورقه گلي رجال
گتله شلون شكله گلي طويل و ضعيف
هذا مو سائد،، سائد طويل وضخم
اخذت الورقه وطلعت من المكان
الباص تأخر اني عيني على الشارع هاي مستحيل واحد غيره يعرررفها يعني سائد ندل مكانه
اتصلت مياسين اجيت افتح الخط ايدي تررجف وگع مني التليفون رجعت خليت البطاريه اتصل بيها ما ترد بصعدت الباص اتصلت بين ما خليت الكارت حرگت التليفون عليه حرگ
الباص هوسه عطله وهمه بالعطل ماكو احد يبقه بالبيت وكلها سكاره ما جاوبتها بسرعة
الحد ما وگفت لزمت بالباص وجاوبتها

انييي بالباص راجعة بس انتظررررريني  اوصل شبيج

مياسين _لحگيني مناسك  لحگيني لج وصلني مسج مكتوب يا محطة گلبي

_فصلت  كمت ما احس شكو حواليه دست دگمة الباص ونزلت بالمحطة القبل بيتنه

مياسين _موووو داحجييي ويااااج

مناسك _سدددي الباب ولا تفتحي هياتني راح اوصللل طكيتها ركض بنص الليل للبيت تعديت محطة الباص مالتنه داريد ادور ناحية الغابة ظلمه والرسالة الي  بأيدي ومياسين و المسج الوصلها كفيله تخليني اوگع  من طولي

سائد _ليشش تركضين اكووو واحد مخوووفج
يا طيف مُر ومَر

يتبع.....

لنا لقاء غداََ بأذن الله