رواية معتقل الصحراء الفصل الثاني عشر 12 - بقلم الكاتبه أم مختار

قرأة ممتعة بس لا تنسون التصويت و التعليقات

#معتقل_الصحراء ٩
#بقلم_ام_مختار
#دنيا_غانم

مناسك _نمت بيومها ما ادري بأي شي
وايامي هنا حلوه فوگ ما تصورون حلوه وقت ما نحب نسبح
اروح وي ام شمس اسبح وجنت اتوسل المره من تطلع اني ادخل وتنتظرني
تضحك عليه جانت

ام شمس _يعني  هسا همه لو رادو يدخلون اني امنعهم

_اووف خاله فدوه خليني هيج مطمنه

ام شمس _روحي سبحي اني هنا ما اتحرك ولا خطوه

_ادخل اسبح والماي حياة
فعلا وجعلنا من الماء كل شي حي
احس روحي تردلي
والاكل صبا اربعه وعشرين ساعة تطبخ اسألها ولج وين تودين  الاكل
تگلي اعوض ايام  الحرمان
ايام الجانو  ينطوني طول اليوم تمرتين واذا تعاقبت وحده

مناسك _بيا سجن

_عوفي السجن ما يحتاج تعرفين اسمه

مناسك _ما گتيلي  شنو تهمتج

_والله ماكو تهمة بس اني جنت راكوصه وشردت
لزكوني بتهمة ودخلوني

_راكوصه!!
يعني جنتي بملهى تشتغلين

_اي بنادي ليلي يا اختي اثقفي

_ههههههه مو ابوي جان من يعصب يگول بنات الملهى احسن منجن فا حفظتها

_ابوج خوش رجال الله ياخذه

_ههههههههههه
هنا لهذا السجن رجعتلي الضحكة الفاقدتها من سنين
صارت عصريه اجوي الضباط ركضو البنات ما جانو يأذوهم بالعكس يسولفون وياهم اذا اجه اكل من اهاليهم يجيبوهن
اذا رادو شي يسوو للمساجين يعني شفت ضباط
عكس ما عشت قبل سنتين
ناس طيبه عدها مخافة الله بس يحجون وي الكل الا وياي مرات من اباوع اشوفهم يباوعولي بس مو بنظره غلط لا بس يباوعولي ليش ما اعرف
الضابط عصام راح ما شفنا بس نزله وحده
واني متونسه  اباوع للبنات شلون يلعبن  وشلون يغنن
شفت اطباء دخلو للسجن استغربت
شايلين بأيديهم جنط  مالت ادويه او لقاحات شايفتها اني
بس ما اجوي يمنه دخلو للسجن بس للاداره

_شنو هذولي خاله

_هذولي يجون كل فتره يسوولنه تحليلات او
خاف وحده شكو بيها مريضه
او اي شي  يصير يجيبوهم

_خوش والله مهتمين  هواي بيكم

_لأن ويانه ناس مثلج

استغربت من ردت عليه ام شمس هيج ناس مثلي يعني شنو؟

_يعني ناس وراها حلوگ

_دخيل بختج خاله فهميني اني فهمي على گدي

_يعني عدهم ظهر ماماتي

_صفنت بيومها بوجهة يجوز خمس دقايق او اكثر
ضحكت  هههههههههههه صدگ ضحكتيني خاله الله يسعدج
خاله اني امي وابويه ما يدرون عني وهسا صرت مسجله بأعداد الوفيات بعد يا ظهر يا بطن
على گولت مياسين  احنه حتى ريش ما ورانه

_متأكدة؟

_طبعا

_لعد خليج  متأكدة

مناسك _جانت ام شمس ما تقل عنهم غموض مرات تغيب ساعات ما اشوفها بالزنزانه ولا بالمصلى
ولا بالساحة
وبهذا الوقت الي تغيب بي تجيني شلغم

شلغم _ما تجين يمنه نسولف ونصلي كلشي نسوي

مناسك _لا شكرََا

شلغم _ولج انتِ شبيج مضحكة تره ام شمس مو مثل ما مصورتها

_فدوه روحي من يمي

_امداج اني اشفق عليج صايره بأيدها

_اهووووو باوعت ساران جايه ركضتلها فدوه
فكيني من شغلم

ساران _شلغممممممم

_اسمي  شذر مووو شلغم

ساران _لا ادخلج للانفراديه والله

_امشي بابا امشي

مناسك _عافتني شغلم باوعتلي ساران

ساران _شلونج هنا

_كلش زينه

_ما تردين شي مناسك

_لا لا كلشي تمام

_مناسك اذا تردين اي شي بالسر نسوي الج

_جنت استغرب ليش هيج  لازگه بيه ليش كل ما تشوفني تگلي تگدرين ترحين تتونسين وي الزلم وبكل سريه مستغربه اصرارها
غيرت الموضوع وگتلها شلون رحمة ومياسين زينات

ساران _اششششش لا جيبين طاري احد هناااا
لا انتِ ويا تنجرين للوكر

_......

ساران _تذكرين الي كتلجيا

_اي

_ خليها ترجية بأذنج مناسك
هنا ما انثق ابني بشررر

_دنگت واني زعت الاول والتالي الام شمس
بس ما معقوله المرأه تبين خوش مرأه وطيبه
هزيتلها راسي ما انثق

ساران _المكان الجنتي بي اذا السانج نطق عنه حرف
يكصو الججج

_ادري والله ادري

ساران _ مرتاحة هنا

_كلش

_تردين ترجعين للمكان الاجيتي منه

_لا

_تمام يلا روحي للزنزانه

_اجيت امشي رجعت صاحتلي
باوعتلها

_ما نثق أبني بشر

_هزيتلها راسي بملل ودخلت دررريت شگد تلحين

ام شمس ويامن تحجين

مناسك _يمه وين جنتي

_هنا

_ما شفتج استغربت

_ملتهيه تحجين وي روحج شنو ويامن تحجين

_ لا هيج شلغم شوي ضوجتني

_اني الها باجر اطلعلها واطيح حظها

_لا فدواتج عوفيها هنوب تزيد ما تنقص

_تعاي هنا يمي ولا تخافين من شلغم
شلغم بس حجي كلشي مسوي

_.....

_شنو ما تحجيلي ما تكمليلي القصة

_ها لا خليها غير وقت

_خليها غير وقت براحتج
نص ساعة على صلاة المغرب توضو وخلونه نروح نقرا شوي قرأن

_طلعنه وياها توضينه و رحنه للمصلى
جان بس هيه عدها قرأن تقرأ بصوت عالي مقطع مقطع واحنه نردد وكأنوا بدار حفظ بس جان الحساس حلو مجرد ما تتلفظ كلام رب العالمين
تحس براحة مو طبيعية
سدت القرأن صلينه بطلعتنه دخلو رتب
ما احدد ضباط  بس اني ما اعرف بالرتب
فا اسميها كلهم ضباط بوقتها
العجيب بهذا المكان
العسكر يروش بكل مكان موجودين
سلمو على ام شمس وكأنوا هيه صاحبة السجن ترحيب حار وهيه ماماتي وماماتي
وهمه يصيحولها  يوم
يضحكون وياها ويشاقون

صبا _ريتني ام شمس

مناسك _ سدو عيونكم  و  تخيلو روحكم بغرفة محكمة جداََ
ودخلو عليكم اسود  جوعانه شنو حساسكم بشنو تحسون
اني احس اضعاف حساسكم  من اشوفهم
بس ما بيدي غير الصمت اخاف يصدر مني رد فعل ويصير الاسوأ

باوعلي الضابط هاي شنو وياكم وحده جديده ام شموسه

ام شمس _اي ويانه  بنوته حلوه اسمها مناسك

الضابط _شنو التهمة

ام شمس _ قاتله زوجها

الضابط _ هاا تمام هسا اني اخليج يوم اي شي تحتاجو بس انطي خبر للبنات

_ان شاء الله

مناسك _رجعنه للزنزانه
صبا ظلت تقلد مشيتهم والبنات يضحكون
ام شمس تباوعلي واني اباوعلها

بمكن نص ساعة واجتي ساران

ساران _مناسك

_نعم

_تعالي

_فتحت الزنزانه وخذتني
كعدوني بغزفة انفراديه
ظلمه او بيها ضوا خافت اشبه بالظلمة
الريحة هنا لا تطاق
فقط كرسي واحد موجود بالغرفة  ما قبلو اگعد عليه گعدت وانتجيت على الحايط دقايق ودخلت ساران و الضابط

_سدي الباب ساران وما اريد احد يدخل علينه

مناسك _ الرجفة ربطت الساني

_شلونج باباتي  مناسك

_الحمد لله بخير

_ العم صياح يسلم عليج

_الله يسلمة  بس منو هذا

_ههههههههههه ذكيه سباعية احنه ما نختار غلط

_.....

_لا تخافين اني من يمهم والدليل الضوا الاخضر و الاحمر

_.....
طلع اسلاحة جان مسدس حطا على حجره
ووجه الفوهه عليه وايده على الزناد
رغم الضوا البسيط بس هيج سوالف مو بس تنشاف لا تنحس حتى لو اعمى من الخوف
احجيلي باباتي شنو صار وياج وانتِ بالمعتقل هناك

_ ما صار شي مثلي مثل هنا

_مناسسسسك

_سيدي مو تگول اني من طرفهم اكيد تعرف

_ما اقصد بعموم الاسبوع الظليتي  بي
اريد نعرف شنو جان يصير بالغرفه من ينسد الباب عليج وعلى القائد

_مو سبوع اولاََ خمس ايام
ما صار شي غير اعتداء وجلد

_احجيلي بالتفصيل

_حجيتلك جان يعتدي عليه
و ضربني

_بالغرفة ضربج

_لا يعني جلدني وبعدها تمرضت

_هم حجالج شي

_شنو هذا الشي

_يعني عن حياته

_لا

_
تره ما نسويلج شي احجي

_جاي احجي ما حجالي شي اصلا اسمه ما عرفته

_مناسك  بينج وبين القائد شي

_مو گتلك   اعتدا عليه
اني فهمت هو شنو يقصد
بس اني ثولت روحي

_اقصد يعني كلج اني احبج او اي شي من هل كلام

_لا

_ اخير سؤال واطلعج بس اذا دريت الجاي تحجي جذب ادفنج بالينابيع

_.....

_شنو الحبوب الي انطاجياهن قائد بالمعتقل

..........

مياسين طلعت مناسك من المعتقل
نحس المكان يخنگ صار،
شگد ما هو يطبك ع صدر هسا سحگنه سحگ
اجوي بنات جدد دخلو مثل دخلتنه هنه ثنين بس
من وخرو عن عيونهن وحده ضحكت وگالت واخيرررررا
واللخ ظلت تبجي ذكرتني بمناسك
هم هيج  ضعيف بس مو مثل مناسك
القائد ظل صافن شوي وظل يباوع الكمال
لا جيبولي هاي الضعيفه انت اخذها
اريد بنات خبره
فتح باب زنزانته وجراها نسدت الزنزانه
ظليت گاعده ما اعرف شريد

صليل _شنو ما تنزعين

مياسين_ اذكرت كلام مناسك تگول كلشي تعودت
الا من ينهشون بلحمي روحي ما تعودت
اني مثلها. الحجيته الها كله جذب بس امثل القوة كدامهن تعودت امثلها
بس من ادخل هنا واشوف صليل الانسان
الي تتجرد منه كل السلبيات من يجي  الليل بس حتى يحصل الي يريده
شلون يغريني  او هو مفكر يغريني
ما يدري  اني هنا بس لجل غايه   او امل
خلعت ملابسي لأتجرد من الفطره  البشريه
خلعتها لكي ارضيه وليسقيي شجرة الامل بداخلي
اغويه حتى اقاوم في هذا العالم البشع
حياتي  الظالمة رغم ظلامها حرِيصة
على البقاء بها

يمكن ساعة او اكثر اسمع كسراني و ذلتي
وبعدها اگوم مثل الشاطره الم ملابسي واستر جسمي هه ما اعرف اصلاََ ليش نلبس هاي الملابس وشنو استر استر اجزاء الكل اطلع عليها
لو يمكن  استرها بس من اثار همجيته على جسدي
الرخيص

صليل _باعي الخدود شلون صارت ادري بيج ارتاحيتي وياي

_ احرك براسي مثلي مثل القطيع
امتثل الاوامره بحجة  اضحك عليه بس العكس صحيح يضحك عليه لأن اثاره هاي وافعاله لو عيشوني بقلب الحرية ما راح انساها ولا ممكن لحضه اتناساها
فتحلي الباب دخلت للحمام اسبح گعدت ابجي
اليف جسمي حيل عسا ولعل تروح هاي الاثار  كرصه الي وطكه على اجزاء جسمي لو قبضة ايده تشبه قبضة العداله الغير عادله
ادخل للحمام  وارجع  الهذيج السنين السوده
نولدت بلا ام
ربتني بيبي اعجز عن وصفها
صارتلي ام بأكثر وقت حتاجيت ام
وصارتلي اب بالوقت الي ابويه جان يتجرع السم
وما يدري اني ويني اصلاََ عايشة ميته

بيبي _ مياسين يا بيبي لا ترحين بعيد  تعاي هنايه يم الباب

مياسين  _دالعب وي صديقاتي بيبي

_مو تبعدين خليج گبال عيوني

_تركتها بدون ما اجاوبها ورحت العب وي البنات
على درجات عتبت بابهم
ووان تو ليلى هنا وان تو تلعب كرة
وان تو بالملعبي
وان تو قف
و الي توگف اول وحده هيه الي تفوز
يجي هو يطوصح تصيحلي صديقتي 
_مياسين ابوج اجه

_اباوعله الحد هسا اذكر يمشي بترنح وصعوبه
اخذ بأيده وادخل للبيت وهو يسبني ويسب بيبي بس احنه جنه عايشيين بالبيت
يدخل وبيبي تتأخر بالاكل شوي مرأه كبيره بالعمر بصعوبه تتحرك
اساعدها بس مو هواي بعدني صغيرونه سبع سنين
حتى بعض الشغلات  ما اطولها
يظل  يصيح ويغلط على بيبي
هيج منج ومن اهلج
تحاول تستعجل ما تكدر قوتها ما اساعدها
يجي للمطبخ ويجرها من شيلتها سوده عليه
وويضل يضرب بيها يضرب الحد ما تخر وتوگع
جنت احاميلها بس لا شيء امام ايده القاسية و
يم گلبه الجلمود
جان يگلها انتِ كله منج انتِ بسببج خسرت حب حياتي
انتِ ظالمه الله يظلمج مثل ما ظلمتيني
طفله صغيره تسمع بس مو كلشي تفهم
يترك بيبي طريحة علي ارض  المطبخ واني امسح على جسمها تگوم بصعوبه تحضني واظل تبجي
واني ابجي وياها
نشكي  العمامي ياخذوها ويعوفوني ابحدي
مو لأن ما يردوني لا يردوني بس اذا خذوني يجيلهم ويظل بالباب يصيح ويغلط ويسب ويفشلهم گبال الناس
_تردووون تحرموني من بنتي  ولكم  ساق...
كو....
ابشع الكلمات يتلفظ بيهن گدام الناس
ظلو يجون ياخذون بيبي ويعوفوني يمه
وبيبي الصبح تنهزم منهم وتجيني تخاف عليه لا يسوي بيه شي
هه من كبرت ظليت اعرف سبب خوفها
جانت تخاف ابويه يسكر ويعتدي عليه
تعاي وشوفي يا بيبي من گد الاعتداءات جسدي
اعتاد روحي ما عادت تقاوم وكأنوا جزء من نظام عملي هو اشباع رغباتهم

خلصت ايامي كلها ابوي يوميا جاي وضارب بيبي
الحد ما تهالكت بيبي ظلت من الضرب لا تگدر تگوم ولا تگعد وهنا اني كبرت ارجع من المدرسه اطبخ الاكدر عليه ومن يجي اصبله ع سريع
صرت سريعة سريعة بكلشي 
بس الخاطر امي الجبيره ما تنضرب
بس هيهات اذا شرب يجي  يطبكني  ويطبكها
المصببه هو سكران بس قوي
ومن يكتلنه يگعد يمنه يبجي ويذكر امي ويظل يخيط ويخربط
ساعة يغلط على بيبي لأن حرمته من امي
و ساعة يغلط على روحة شلون ضرب بيبي واحنه نبجي ويا

_انتِ تستاهلين اليصير بيييج
جنتي تخليها تخبزززز وهيه صغيره ما تحملت روحها  انتِ كح... انتِ جلبه موو ام
تخيلو هذا كله بيبي جانت تسمعه
اني ماجنت اتعاطف ويا او انقهر على ماما لأن بيبي هيه الوحيده الي تحن عليه هيه الوحيده الي بليل رغم اوجاعها تنومني بحضنها و تحجيلي قصص حلوه عن اهلها و ناسها
وتحجيلي عن ابوي قبل لا تتوفه ماما
جان انسان عظيم جان اكثر واحد يحبها لو دخل من الباب صاح جنتي وين وجنة گلبي وين
يقصد امه وامي
يجله ثنينهن كل وحده ينطيها مسواگها
و يبوس ايد امه وراس امي
امي صغيرونه من ازوجها ودللها ابوي بس ما نسه امه  بالعكس دللها وي ماما
بس بيبي جانت تغار تترك كلشي على امي وما تخليها ترتاح من شي الشي حتى لو ابوي بالبيت
تخدم عليها واظاهر من حبلت بيه جان حملها صعب ما تحملت 
صار عمري ١٥ سنه بيومها بيبي كلش مريضه
خذيتها اني وعمي للمستشفى بس من رجعنه ما قبلت تتركني وحدي بالببت وتروح  وي عمي
ظلت يمي جانت الدنيا شتا و مشغله الصوبه بالغرفه حتى ندفه رجع ابويه دخل  الديج للقن  ودخل    انطيته ملابسه ووكلته ونام
ساعه ساعتين وطلع جان بأيده بطل جبير اخضر الحد هسا اذكره
شربه كله ما طول بي رجع دخل علينه
جان يگول كح.... شجاي تسون منو وياجن بالغرفه دفر الباب وفزت بيبي سوده عليه متوجعه من شافها بالفراش نزل عليها غلط  ومسبه حاولت  اصير حاجوز بس هو ما ينگدر جرني وطلعني من الغرفه ونزل على بيبي ضرب ضرب الحد ما فقدت بيبي وطاحت ركضت للشارع اريد عونه من احد زلمه جيرانه جان جاي البيتهم من شافني خطية  خذاني گبل للمستشفى
بس بيبي صار بيها جلطه ونشلت بسبب الضرب الكلته
ولو اشك من ضرب اني اگلهم  من القهر والعذاب اليوميا ينزل عليها من ابويه هيج صار بحالها
خذوها عمامي وظليت وحده اني محد يمي ياخذوني يجي يصيح هناك اظل يمه انتهي ابحدي اكضيها بجي
اگعد بالطرمة رغم الجو بارد بس ما يهمني اگعد  ابجي الحد ما يرجع وبأيده الديج يحطه بالقن  ويدخل
سويتله اكل ونام وهنا ما گدرت بعد اقاوم حياتي وي ابويه والظلم العشنا اني وبيبي  جبت الصوبه و فتحت جلكانها بس فتحته وگلبتها گبال باب غرفة وحرگت الباب كله ما جان ابالي احرگه بس هو لا ردت ثنينه نموت  ونخلص عليمن عايشين النار اكلت البيت اكل بلحضات من شي الشي وهو ظل يصرخ  بالغرفة  الناس اجتي على صريخة وريحة الدخان طلعوني
بس هو ما گدرو يطلعو احترگ
احترگ طلعو مفحم والهاي اللحضه ما منقهرا عليه لأن هو جابني للدنيا ونساني وحتى الشخص الي يحبني دمرا اني شنو ذنبي اذا حكم رب العالمين باخذ امي ليش اني بهذلني
واذا لأن كتلته ادخل النار هم مو شكال النار اني ضكتها وهو عايش واضوگها من اموت بسببه كل حياتي بسببه نار و حتى ماماتي هم اني متأكدة بالنار 
ودخلت سجن الاحداث عمري ١٥ سنه وهسا عمري ٢٢ سنه

صليل _مياسين وينج

مياسين _مسحت دموعي وگمت بدلت وطلعت هياتني اجيت
طلعت ويا هو گدامي يمشي طول بعرض
شعر خفيف لحية ماكو
اباوع الجفه وضخامة ايده المرعبة
فتح الباب ودخلت قبلة للزنزانة
............

مناسك _ دوا فلاونزا جنت مريضه و انطاني

_بس

_اي

_يلااا گومي ساران تعاي اخذيها

مناسك _دخلت للزنزانه عاطت صبا

صبا _كون نسميج مساسك مو مناسك
كد ما ياخذوج ويحققون وياج

مناسك _ الحمد لله على كل حال

ام شمس _ منو حقق وياج

_الضابط المساع اجه

_ها سهله

مناسك _صعدت للجرباية من صعدت حسيت تعبانه حطيت راسي على المخده وكرفصت روحي
صبا  بلشت تطبخ ريحة الدهن مالت التنك
احسها زرفت حاسة الشم  زرف وخلته يحترگ الحد ما ذبت الاكل الجاي تطبخة
حطيت ايدي على خشمي و نمت بعد ما حسيت بأي شي
تكررت الايام هنا ويوميا واحد جاي والنظرات عليه ما اعرف شلون افسرها
وغياب ام شمس تكرر ومن اسألها تگلي اني هنا افتر انتِ ملتهيه وي  البنات وما شوفيني

واگفه بالساحة ودخلو ضباط وسجينات جدد ما   اعرف من اشوفهم شنو اگول احس الدنيا اكثر َاكثر تطبك على روحي
هاي كلنه نسوان وكلنه مسويات مصيبه كلنه علينه ذنوب لو اكو وياي مظاليم اكو ناس وياي ظلم جايبيهن هنا  لو بس اني مظلومة واني صافنه بيهن والبنات راحت تسلم ع الضيوف الجدد
شلغم سوتلي مثل حركة ميار كلش لزمتني من وره بأيدها رأساََ جريت روحي
باوعتلي بنظرة  ما تتفسر
شلونج مناسك

مناسك _ اذا مره لخ مديتي ايدج عليه بهذا الشكل اكسرها الج سمعتييييي

شلغم _هههههههههه هنا انتِ ما تكدرين تسوين شي حدج تحقيق وجاوبين على اسئلة اما كسر وكتل هاي عوفيها المولاتج

مناسك _ مولاتي!! هذا اسلوب ميار
عفتها ورحت يم ام شمس
شوي ودخلنه للزنزانه
صاحتلي ام شمس وبالحجي و تواسيني
ما لگيت روحي الا احجي عن ايام الموقف

مناسك _ ايام الشتا  جانو يطلعونه للساحات
ايام الصيف بالزنزانه تنط روحنه وهمه ما يهمهم
طول الاسبوع اغتصاب الا الاسبوع الي بي شجاع
اذا ما نجرينه معناها اليوم شجاع موجود
يفتح هو الزنزانه ويباوعلي يلا باباتي

مناسك _اول مره شفته تفلت عليه من گلي باباتي
مسح وجهة وكضني من ايدي بكل هدوء ودخلني
گعدني بالزويه وگلي اسسسس الحد ما يخلص الوقت
جان كل شوي لو هو من يمه يطك ويصيح من يمه لو يشمر شي ع الباب حتى تصير هوسه خطية خاف يراقبو ويعرفون هو ما يتقربلنه ويفصلو
جان يدخل ويا اكل ينطيني  نص الوجبه

_شكرََا انت هواي كريم

_كريم بما لديه يجود

_اكل الاكل  بشراهه هو مرات يتركلي الوجبة كامله
ومن يخلص الوقت يضربني على وجهي  عود اثار الاغتصاب وعود اني  قاومت
جان يگلي  صرخي من اضربج شگد  ما بيج قوه  صرخي
جنت ما اقصر اصرخ من اعماق روحي
اما ثاني يوم ياخذون حيف شجاع وكأنوا يعرفون هو ما تقربلي

ام شمس _انتِ بنيه هسا مو

_لا

_وين فقدتي عذريتج مو تگولين وصو عليج بالموقف محد يدنالج

_بأحد السجون احد الضباط انتهك اخير شي بيه

_شنو اسمه

_ما اعرف

_يعني ما سامعه  شنو يصيحوله

_يگولون اسمه القائد هذا كل الي اعرفه

مناسك _سكتت ورجعت گلتلي الله يساعدج

ام شمس _ ما عرفتي منو الي انطه خبر اظلين بنيه

_ما عرفت بس وصو عليه ودائماََ هذا الكلام جان يتردد على مسامعي لا تدنولها بس من دبرها
البنيه بعدها باكر ما اريد نروح كلنه بالرجلين

ام شمس _تتوقعين رضوان وراها

_ممكن وين ادري ما اعرف
سكتت عني واني هم سكتت حطت صبا الطاوه و ريحة الدهن رجعت اذتني
وهل مره ما گدرت  انام كلش
الحد الليل بس بالفراش ذابه روحي نقفلت الاضويه قفلو الزنزانه نص ساعه ما گدرت اني بس نايمه على ظهري واباوع
شوي وحسيت بحركة  من ناحية   جربايه ام شمس گامت اني هم التفتت اباوع وين رايحة
فتحولها الزنزانه بهدوء وطلعت
للفجر دخلت وقفلو الزنزانه گعدت البنات واجتي تگعدني للصلاة اني هذا الوقت  كله ما نمته بس وهمتهم اني نايمه

_خذتنه للمصلى صلينه وگعدت تحجي ويانه

وصبا كل شوي تثاوب

ام شمس _شبيج يا عيني مو حتى اني نعستيني

_بعدني نعسانه اريد اروح انام

ام شمس _اني هماتين نعسانه عود امس كله كضيته نوم

من بعد الي سمعته قفلت حرف واحد ما حجيت
بس شالفايده بعد شهر ونص من تواجدي بمعتقل  الينابيع
بيوم گعدنه على طك العصص ع الباب
يلاااا فحص شامل
گمت وي البنات واني احس بثقل على معدتي اريد اتقيأ

فحصوني وكملولي وطلعنه من المكان للساحة

.......

مياسين _دگ الانذار باوعو الضوا احمر ع سريع بدلو لبس الدولة  و البسطال وطلعو للساحة الامامية

صياح _ صباح الخير

سائد _صباح النور

صياح _اكو بنيه اسمها مناسك تذكرها قائدنا

سائد _اي اذكرها الوديتها المعتقل الينابيع

_حافظها  حفظ عفيه عليك

_لا ما حافظها بس الموضوع ما صارله هواي
المطلوب شنو

مناسك _القائد   يحجي وايدينه ورا
وكأنوا مكلبجات

صياح _ مناسك حامل قائدنا

مناسك _ايديناته رأساََ هدلت

يتبع.....