رواية معتقل الصحراء الفصل الخامس عشر 15 - بقلم الكاتبه أم مختار

#معتقل_الصحراء١٢
#بقلم_ام_مختار
#دنيا_غانم

مناسك _من سمعت اسم ام شمس رأساََ كتلها
ام شمس؟؟

_اي ام شمس ليش

_وصفيها الي

_مره تطلع بحدود الخمسين سنه شوي تارسه بيضه تلبس حجاب

مناسك _ عدها جرح كبير بوجهه

مياسين _ ما اذكر

مناسك _شنو حجت وياج

_ما حجينه بشي بس بقت تحجيلي هيه شسوي هنا وهيه ضايجة هنا عدها ولد مسافر رادتني ادعيلها وحجيتلها شلون دخلت للسجن واهلي ما يردوني بعد

_تحسرت مياسين وسكتت

_سائد تسمعني

صليل _اذا سائد ما يسمعج منو يسمعج جدي النايم بالگبور

سائد _ اسمعج اسمعج

مناسك _يحجي ويون
هاي ام شمس نفسها الگتلك عليها

سائد _هاي ام كح... منووو انتو سامعين بيها

صليل _اني رايح للينابيع گبل ما سامع بوحده اسمها ام شمس

جاهد _ولا اني  سامع بيها

مياسين _سكتت مناسك شوي ورجعت گالت والله هيه نفسها هيه هم كالت رحت للاحداث يوم واحد
و گالت اجيت للوكر يوم واحد

سائد _ هاي تستقطب البنات اليردوها تجيب قرارها من الاخير شلون حضرتج كتيتي الاول والتالي

مناسك _والله ما حجيت شي عنكم

_بس گلتي جنت بنيه وهذا الرادو يعرفوو

مياسين _ سكتت مناسك وعن الهدوء
بدو يونون جثثهم ثگيله وايديهم شايله كل الوزن اني منهم اصرخ بكل ما بيه من وجع بس يجوز يستحون

صليل _ المثل وضعنه يحب من خرا بالحب

سائد _ مووو سلطان گلبييي انيييييي ليشششش تريدني احجي وافتح جروووووحي كلهن ليششش ما تخليني ملصممم وساكت

صليل _مو سلطان كلبك دكلها موووو احس جتفي راح ينخلع

مناسك _ لأن  الضغط على ذرعانك حاول برجليك توصل الاطراف البير الانت بي وارفع ولو شوي تخفف الضغط

صليل _والله وطلعت حج تفكر عبالي مخ ماكو

مناسك _.....

جاهد _ هسا شنوو نبقه بالوكر لو شنووو

سائد _باجر يرجعنه للمعتقل غصباََ ما عليه
صياح ما يتناوش وي التل هسا
واحنه هنا

جاهد _سواها قبل بدونه ما يسويها هسا ليش

_اول مره ما سواها بدون ما اني  علمته شيسوي
وين يعرررف يسوي شي بدوني اني ايدي ورجليه ويجي يوم اكطع نفسي منه و اريد اشووووفه شيسوووي

رحمة _وليش ما تسويها ليشش خالنه نتحمل كل هذاااا

سائد _.....

مناسك _جاوبها ليش ما تسويها ليش احنه جاي ننداف برجليكم ليش ما تخلص نفسك من صياح وتخلصنه والله هذا التعذيب ما ينحمل بس مدري شلون روحنه جارررعة

_وامييي كلولي اني لو امي لو اني طلعت روحي وجاب امي هنا تتحمل امي نازكة ترفه ما تحمل

رحمة _هو خلي يحمي امه  انت  انت جاهد شنو عندك شو ما عندك احد تخاف عليه  سويلنه حللل 

جاهد _ لا عنديي عندي ناس اخاف عليها اكثر من روحي

_منووو

_سائد وصليل

زهير _واني اخ الكح......

جاهد _من جابني صياح للمعتقل وطمعني بفلوس و يخلصني من الضياع الجنت بي
واجيت وشفت المعتقل ما قبلت بس ما خلاني اطلع وتمردت وردت بكل الطرق اطلع وجابني للوكر بيومها صليل و سائد ما خلوني نجرو وياي للوكر و جانو يشيلون عني التعذيب لأن اني بعدني مو صاحب بنيه قويه و يخافون اموت بيديهم
همه لا جانو يوكلوهم زين اني اذا اكلت وجبه باليوم نعمة من هذا جسمي ما جان يحمل هذا كله وشالو عني
والشال عني بضيگتي
ينشال على الراس طول العمر

صليل _كواو.... بجيتوني مدري بلت على روحي

سائد _ ادري شلون الك نفس تضحك واحنه بنص الخرا

صليل _محسسني شي جديد الخرا صار عشر سنين بي احنه وتعايشنه ويا وعرفنا وحفظنا
بس الما نعرفه ضحكتنه وسالفتنه خليني اسوي الاريده مثل ما انت رجليك بالخره وتعوعي
جاي يدكون على اصابيعي وانت تصيح مناسك انتِ زينه
من انعل شيب ابوك وابوها

مياسين _بوقتها الكل ضحك على كلامه
يجوز من الهلاك الي وصلوله تخبلو
او يردون ينكرون الواقع الي همه بي  ما اعرف شنو افسر حالتهم

سائد _ متوجعه

صليل _ اذا ما البس احمر من يذبحوك ما اطلع صليل حاطيهن بماي متروس حياية وانت تصيح متوجعة

مياسين من سمعنه حيايه كلنه البنات السبعة فرد صرخة ما سكتنه وحاولنه نطلع من الماي بس هيهات

سائد من اكول انت مطي تلومني ليششش حجيت مناسسسسك لا تخافين هاي حيايه ماي ما تسوي شي بس يردون يرعبوج ركزي وياي

مناسك _طلعووووني عليكم الله طلعووووني بعد ما بيه فدوووه

سائد _اسسس باعيلي سمعيني نعله علي روحك صليل

صليل _هيه حية قابل اني شگلت

سائد _هذني ما يأذن بس يردون يخوفوج

مناسك _طلعنيييي سائد

سائد _گادررر و ما سويتها وديتج الاحسن سجن عدهم و گلت يصير شي واطلعين لا بد يصير شي
ورجعتيلي واني مربط ما كادر افك قيدي انييي مو انوب انتِ

مناسك _وهو يحجي نفتح الباب شغلو الاضويه اني سديت عيوني ما اريد اشوف شنو بالماي
اسَمع يطلع ع سررريع ع سررريع طلعهم

........

ساران _ منو طلع مناسك منا

صبا _ما نعرف اجوي ثنين اخذوها وراحوو

ساران _ ركضت اتصلت على سجن سيادة الضابط
سائد اتصلت مره مرتين ردت عليه الاء

الاء _نعم منو وياي

_سجن الينابيع اريد احجي وي سياده الضابط سائد

_ما موجود حالياََ طالع لواجب

ساران _ سديت الخط بدون ما اجاوب وانتظرت بس اخلص الشفت مالتي واطلع
ع سريع اجرت تكسي الشارع حيفا
من وصلت هناك لبست عبايه راس وشوي غطيت وجهي شفت محل بقالة سلمت عليه وسألته عمي اسئل عن شخص اسمه روكان تعرفه

_اهلاََ وسهلاََ وصلتي وصلتي يا اهلاََ وسهلاََ
يا اهلاََ وسهلاََ اخذاي وَصلني البيته دگيت الباب ماكو جواب رجعت ادگ الباب ماكو جواب
بقيت اسئل بالماره كلها گالت هذا بيته
بقيت گاعده بالساعتين الحد ما وگفت سياره يم الباب كمت على حيلي

نزل هو وويا ثنين

روكان _ تفضلي

_اني من طرف سائد ابن صياح
لزمني من ايدي ودخلني ما انتظر ندخل بالباب حجه كولي العندج

_يسلم عليك ويگلك نفذ الجنت تنتظره
خليت الورقه بأيده وطلعت هو طلع قبلي اصلاََ

مناسك _وهو يفكون قيودنه اسمعه يكل السائد نفسكم طويل بهاي الدنيا

سائد _ قصدك مهماتنه وياكم ما خلصت هاا جماعة التل اجوكم

جاهد _ فكونه وطلعونه من سراديب احنه اول مره نشوفها ونعرف بيها خوارير ماي عبرنه منها وطلعنه
ما اعرف وين المكان الطلعنه منه وشگد  يبعد عن السجن لأن مشينه هواي بس طلعونه
بس شفنه النور ضربونه على راسنه بعد ما حسينه بالدنيا

سائد _فتحت عيوني بالمعتقل مالتنه اييي هنا احس بالامان هنا احس روحي مسيطر
راساََ گمت اباوعلها نايمه و رجليها متلفات دم
ركضتلها مناسسك الاء
صيحولي الاء

الاء _ حاضر سيدي

_شبيها شنو جاي تنزف

_لا بس العاده الشهريه عليها
و كل المستلزمات منتهيه بدلتلها لا تخاف

سائد _فتحت عيونها تباوعلي من شافتني خاله بحضنهي رأساََ بعدت روحها
من باوع للمكان احسها مثلي رتاحت
الاء اخذيها سبحيها وغيرولها ملابسها و سولها اكل خلي ترتاح
شالتها الاء اباوعلها ناعمة اقارنها بكل النسوان المرت عليه هيه الانعم والاترف
هيه الاضعف

++يا كوكبي ويا جميع افلاكي
يا مجهر عيوني و جرم روحي الساطع
يا نجمة استقرت في يسرتي
واظأت عتمتي
لا تبتعدي يا مجرات الكون بناظري ++

الحد الليل احنه  كاعدين  بغرفة الاكل ننتظر نسمع الاخبار

دگ الانذار احمر لا ركضنه ولا لبسنه معروف منو اليجي هسا دخلو الغرفه الطعام
صياح يترأسهم ضحك صليل

صياح _هساا رتاحيت سلمت الوكر الروكان ارتاحيت

سائد _ ارتاحيتو

جاهد و صليل والولد هزو راسهم

سائد _اذن ارتاحينه

صياح _والله لأخليك تتمني الموت

سائد _وما انوله مووو

صياح _هاااي خلتك تتمرد اذا ما احرگ روحك بيهاااا ما اطلع صيااااح

_سويهاوشوفي هاي المره الوكر المره الجايه كل المكانات الازمه والما يدرون بيهااا

_نسيت امك

سائد _......

صياح _ام بين ايديه ادزلك راسها بجيس زبالة

سائد _......

_لا تنساها خطيه ما تستاهل

صليل _ شرايكم نتفق اتفاق ونخلص من هذا الجاي يصير كله

عدنان _شنو هذا الاتفاق

صليل _ وجهت نظري الصياح مجاهل عدنان
اذا اريد نقضي عليهم من صدگ لازم ندخل الشك بينهم
عمي صياح اخذ البنات واحنه مكملين الي تريده
واحنه ندري كلمتك هيه الاولى والاخيره وما ممكن كلمة غيرك تعلى على كلمتك

صياح _اييي هذا الحجي الصح

سائد _بشررط البنات كلهن يرحن للينابيع

_انت اذا عبالك بالينابيع امان فاا غلطان

_بما انو غلطان خليهن بالينابيع

رحمة _اني اريد ابقه هنا

جاهد _باوعتلها وخزرتها الكل يروح للينابيع

مناسك _ ربطو عيونه وصعدونه بالسياره تقرب مني وهمسلي هاي المره اذا تحجين شي اني اخلص عليج خليج بالينابيع وخليني اشوف طريقة اطلعج بيها
اذا ادري صاير شي من وراي اعلگج والله اعلگج

سدت باب السياره اتكرر المشهد كله عليه

اسمعه يگله حاسب الطريق جم ساعة اذا ما وصلو بالساعات المحدده للينابيع انت الخسران

تحركت السياره خلت مياسين ايدها بأيدي ورحمة بالجهة اللخ

رحمة _هانت والله هااااانت وقربت

مياسين _ موتنه مووو
رحمة _اسكتيي انتِ

وصلنه للينابيع نزلنه البنات باوعلي

هو هذا الينابيع

مناسك _اي واذا شفتي ام شمس و عرفتيها ما تحجين كلمة

مياسين _متفقين

_لازم نعرف شنو فلمها هاي ام شمس

_لازم
دخلن الصديقات التلاثه للينابيع

مناسك شافتني ساران من بعيد ابتسمتلي

ام شمس ركضتلي وحضنتني انتِ زينه ما بيج شي ما سوولج شي

مناسك _اضيعني هاي الانسانه بتصرفاتها
اكبر عقل تفره باوعت المياسين اشرتلي بأيجابيه
كتلهم اريد ارتاح
اخذو مياسين و رحمة مثل ما سوولي بالبداية حجولهن وكلولهم البنات كلولهم اريد وحده وي لخ ما اريد نبتعد عن بعض ترجينه ساران ساعدتنه
بقينه بنفس الزنزانه بس وحده تنام بالارض لأن ماكو اسره
صاحت مياسين اني اكيد اني الانام بالارض
قابل يوميه وين انام على خشب صندل
انطيناها احنه بطانيه و مخده وفرشت وصاحت
اليوم يعني محد يگلي انتِ تخبلين الله
نسيت كل التعذيب والله

ام شمس _بس انتِ تخبلين

مياسين _ من اخذوني الحجاب لبسته لان شعري من فوگ كله ماكو وخرتلها الحجاب وراويتها وهسا هم اخبل

ام شمس _.......

مياسين _ما اگول بس حسبي الله ونعمه الوكيل بالمايخاف ببنات الناس ويخاف على ولده

ام شمس _.......

مناسك _يلا نامو ارتاحو
اخذتني ساران فتحت اللفاف عن ايديا و عالجتني
بس ما تحجي وياي
اني اسفه

_انتِ ثوله كتلج الف مره لا تحجين

_والله طكت روحي من سكوت

_سكتي دهر ونطقتي كفررر يا عوبه
اسكتييي هنا ما تعرفين منو وياج منو عليج يجوز اني بنفسي مووو وياج

مناسك _ انتو ناوين تخبلوني تره انا بقيت بطرك العقل

ساران _اذا تكدرين تمثلين انتِ مخبله افضل
لأن اليدخل سجونهم ما يطلع صاحي وهذا مناهم تره شيسون بيكم بالبلد لا دفع ولا نفع

مناسك _ هو احنه شنو شفنه من دنيتنه حتى لا دفع ولا نفع

_شفتوهم هذا كفيل يخليكم من اعداد الموتى وهسا گومي وانسيني و واذكري ما انثق ابني بشر

_هزيت راسي وهاي المره اني رددتها يكمن مليار مره ما نثق ابني بشر

رجعت للفراش باوعلي رحمة ومياسين

صار الفجر كامن اابنات يصلن رحمة راحت مياسين غطت راسها ونامت من رجعن سوت الاكل صبا و بالضحك والشقه ام شمس رادت تجرجر رحمة

_تحبين تكليلنه شنو قضيتج

مناسك _باوعت الرحمة ومناسك من فراشها گامت

مياسين _كتلت مره بعمرج هشمتها تهشم بطاوه  خو ما عدكم طاوات هنا

صبا _ يااا صدگ

مياسين ما تصدكين اطيها طاوه وشوفي

مناسك _ نعدت من صليل لا محال

رحمة _ اباوعلها تحجي بأنفعال وتحرك بأيديها ودفر برجليها المره خترعت منها

ام شمس _صدك عود كاتلتها بطاوه

رحمة _هزيت براسي بمعنى اي

مياسين _شنو سويتن اكل بالله

صبا _كل خير سويت بيض و هاي اجبان وبيض سلگته هم

مياسين _بيض طك بطاوه لا حول الله صيحولنه واحد يشيل طاوات احنه نخاف على ام شموسه

ام شمس _ههههههه لا تخافين عليه هيه مره وحده نموت ونخلص

مياسين_ اشوفج مره مؤمنه وتصلين وتصومين كلش حلو
تنهدت من كتلها هيج
ردفت بس اول مره اشوف مؤمن عمره طويل عادتاََ الانسان الزين بسرعة يسلمها

مناسك _مياسين شجاج

مياسين _ها جذبت مو هاي امي بس ولدتني راحت بقيت وابوي كعد على كلبي الحد ما انا وديته بطرد

رحمة _وركعنه من ضحك لا عبالك امس متعذبين و لا عبالك هموم الدنيا على راسنه هيه هم المرأه بعد ما سألت
العصر اخذونه نشوف الضباط اجوي وقت دخلتهم

مياسين _احنه شايفين ضباط اتوقع اتوقع جميع الكليات العسكريه مرت علينه

مناسك _هههههههه

مياسين _بحيث انا بخاطري اشوف زلمه عادي بدون نجمات وخطوط

ام شمس _الله يفك شدتكم وطلعون وتشوفين الي يحلالج

مناسك _فتحت ايديها و صفكتهن وكلتلها

_منين من الكح.... التارسات السجون

مناسك _من عملتها انا صحت الصبا نطلع نشوف الضباط  بعد شيسكتها مياسين طلعنه ومفت منهن اجتي شلغم تتلوه رايحة تشوف الضباط

رحمة _ هاي البنيه شايفتها جانت ويانه بالسجن

_يا سجن

_ شرق العاصمه جان هسا عوفي اسمه هاي جانت وياي

مناسك _لزمت ايد رحمة وهيه رايحة تريد تحجي وياها همستلها
اذا دزولنه ام شمس انتِ دزولج شلغم

_اي و الله هم جانو يصيحولها شلغم
هنا حتارينه بأمرنه ليش احنه بالتحديد
كعدتهن وباوعتلهن
هسا الي متأكدة منه همه ياخذون البنات الي ما وراهم اهل
مثلي انا محد سأل عني
ومياسين عمامها اجوي للسجن وكلولها لا تسألين علينه اصلاََ
ورحمة اهلها لو يدرون بيها وين يكتلوها
اذن هذا شنو يوضح

رحمة _همه يقرون كل الملفات وعلى اساسها يختارون

مياسين _زين جثثنه وين يعني اقصد اني وياج محكومات اعدام ما سلمو جثثنه الاهالينه

مناسك _ معقول محد سال عن جثتي يعني محد حتى اهتم بجثتي ما جان بخاطرهم يزوروني يبجون على گبري

رحمة _ هسا انتِ ما مقهوره لأن اسمج صار باعداد الموتى وانتِ عدله مقهوره محد دور على جثتج
من زينها من جثه الدشداشه العليج اسمن منج

مناسك _هههههه نعديتي شنو

رحمة _ولج فوكاها  تكلها بطاوه كتلتها
. مياسين _اصبرو يا عيني خليني افهم يعني هسا احنه مختارينه لا لا مو مختارينه منكينه تنگايه

مناسك _بالضبط و الي جانو يدزوها شلغم و ام شمس للبنات

_ليش ماخذوني اول ما احجي ام شمس

_لازم نسألهم هاي الاسأله مو نسأل روحنه

_يجوز لان جنت قاصر؟؟

_ما ادري هيا المهم حذرو منهن

مياسين _بقينه نسولف الحد ما صارت صلاة راحن يصلن ودخلنه للزنزانه خلو  الاكل كعدنه ناكل رحمة سألت ام شمس خاله ما تحجيلنه انتِ شوي عن حياتج

مياسين _اي و الله ما مليتي بس تسمعين للناس احجي

مناسك _خزرت مياسين

ام شمس _حياتي هه اني من سافر ابني ما عادتلي حياة

_ابنج شنو جان يشتغل

_بالدوله يعني موظف بالدوله

_وليش عافج

_شلت الجريمه عنه وعافني

_وبنتج

_اخخخخ اكلو اكلو ما اريد اقهركم

قبل عشر سنوات
..................

_هااك يوم هاي لفة ضمها اذا جعت تاكلها

_ هههههههه يوم اني رايح للعسكريه مو للمدرسه
هناك ينطونه اكل وكلشي

_ميخالف يوم والله بالي يبقه يمك اخذها

_اخذتها اخذتها بستها من راسها وطلعت تركض وراي تباوعلي عبالك اخير مره تشوفني فوتي فوتي بعد اني رايح

ام شمس _الله يحفظك وليدي وين والله  َاشوفك عريس و تمليلي هذا البيت كله جهال

_ها راح سائد

_اي راح وانت ما تريد تطلع

_لا سويلي ريوگ عندي اجتماع وي عدنان و الجماعة

_صدگ اليوم اريد اطلع اسوگ خليلي فلوس

_تدللين جم ام سائد عدنه

_لبست الكوستم القهوائي وسويت شعري بيرمن و لبست ذهبي و طلعت واني اتمشى بازقة بغداد الجميله الكل ورده بيها تفوح منها ريحة غير شكل
وحيطان البيوت حنينه مثل اصحابها و البيبان
الي اذا تعديت من يمها تشوفه طرمة جيرانك
لأن جانت بَوقتها الاخلاق عاليه عكس البيبان
والشوارع النظيفة زمن يليق بأسم بغداد اجرتلي تكسي و طلعت افتر ب الاسواق جان الكل منطقة سوق
حي العدل و المنصور وهواي اسواق
بغداد ومن اگول بغداد بوقتها تترصدها كل الناس و تباوعلها بعيون حسوده لأن جانت تضرب الامثال ببغداد
بغداد الام الحنونه الي احتضنت الشعب بجميع اطيافه وقومياته واختلافاته تطلع
تشوف الشعب رغم اختلافاته  البيئية بس الكل يحمل نسبة عاليه من الثقافه و الوعي
الي لابسة عباة ما تختلف عني غير بكلماتها الحنونه
والي لابس قاط ما يختلف عن الي لابس دشداشه عرب غير بملابسة
والكل مقاومة رغم الصعاب
شفت بالسوگ فانيله حياكة صوف لونها حبري
حلوه تلوگ السائد ولو وليدي شنو يلبس يلوگله

شنو ارهم عليها بنطرون قماش لو شنو هياته لكيته عيني دادا هذا بيش
جانت الشغلات ما تتعده الميتين و خمسين و ٢٥ و النص دينار والدينار
شتريتله ملابس وشتريت الاكل الي يحبه جان يحب الدولمة البغداديه حامضه هواي
ويحب ع ريوگ باگله بالدهن ويعصر فوكها ليمون
شتريت كلشي ورجعت للبيت احضر الاكل بعدت الكرسي عن طاوله الطعام و گعدت ارتب واقسم بالخضروات و خليت ملابسه على القنفة حتي من يجي ويشوفهن يفرح
حضرت گدر  الدولمة وكعدت انتظره ماكو تأخر
رفعت تليفون الارضي وتصلت بصياح ماكو رد 
رجعت تصلت هماتين  ماكو
جبت دفتر الارقام و اتصلت بزوجة عدنان جاوبتني هلو حبيبه شلونج ان شاء الله بخير
فدوه العينج عدنان موجود شو اتصل ب صياح ماكو و سائد تأخر

_ لا و الله عيني عدنان الحد هسا ماكو بس صليل رجع ماما صليل تعال حبيبي

_الو السلام عليكم

بعد السلام والقلق كتلني ماما طلع وياك سائد

_اي خاله اخذه عمي صياح و گالَ راجعين للبيت

_سديت الخط والقلق ماكلني اكل يارب سترك
يارب ابني بحمايتك يارب ما عندي غيره لا تفجع كلبي بي
يارب اخذني اني وعوف ابني يعيش
اللهي استودعتك سائد يا من لا تضيع ودائعة
بقيت اردد بالادعية و الساني يلهج بذكر الله
دخل صياح وحده
لعد ابني وين

_اليوم راحي يبات يم صليل

_قبل شوي اتصلت بيهم مو يمه

_ها اي قبل شوي وديته طلعت اني ويا نفتر

_خليني اتصل واطمن گلبي نار عليه

لا تتصلين هسا نايم باجر الصبح وراهم روحة للكلية خطيه شو تعاي شنو هل حلاوه كلها

_بوقتها ضحك عليه بكلمتين واني صدگت وين ادري متخفي وره هذا القناع وحش كاسر

تعده يوم ويومين وايام وبعد ما شفت ابني ولا انطيته الملابس الي شتريتهن الى سألته وينه
يجاوبني عنده تدريب

_اي شنو جديد هذا تدريب مو دائماََ عدهم تدريب وهماتين يجون يومين ب الاسبوع

_ايي هسا ميكدرون يجون الدوله محتاجتهم

_خوش الله يوفقه اذا رحت گوله امك تسلم عليك ومشتاقتلك هواي لو گدرت اتصل بيها

_خوش خوش

_والسبوع صار شهر والشهر صار تلاث اشهر
ويوميا عذر الحد ما اني بنفسي رحت للكلية وسألت عن ابني استغربو مني من سألت
جاوبني

_ خاله تعبانه بيج شي تردين اخذج للمستشفى

_لا خاله مابيه شي بس جاوبني وليدي هنا اجيت اشوفه

_لحضه صبريلي خلي اسأل
اتصلت بلحضتها والي اتضح بعدين اتصل على صياح هو كل فكره اني مجنونه لأن صياح گايللهم ابني سوه حادث و رجله نقطعت وايام العسكريه جان الي بي خيط غلط ما يرضون بي مو رجل مقطوعه وبعده صياح بأسم سافر حتى الدوله تعالجة
رجعت للبيت لطمت الحد ما مليت
الساعة ١٢ بالليل گاعده بالطرمة يم شجراتي
جان من يدخل ويشوفهن يگول يوم هذني حلوات مثلج
اوو يوم زعلان تهتمين بيهن اكثر مني
والله يا يوم احبهن لأن انت تحبهن
وينك يا يمه لويش عفت امك گلبها نار عليك
دخل صياح يصيح لويش رحتي وهمه عدهم تدريب سري وما يگدرون ينطوج معلومة امشي وياي تركي هذا البيت تخبلتي  بسببه خلي  نغير جو كلها ١٥ يوم ويرجعلج شنو هو زعطوط ضابط هذاا ضابط
گلب والده ورافض كل قضاء وقدر يصير صدكت بي
ونسيت الله ارحم الراحمين ارحم مني على ابني
و وثقت بأنسان اقل ما يقال عنه منزوع الگلب  لم  ملابسي بسرعة البرق وطلعنه اني ويا الاطر اف بغداد هناك عنده بيت وهاي اول مره اشوف هذا البيت او اعرف عنه

صياح اهوو نسيت اجيب اكل رايح اجيب اكل واجي  رتبيلنه بس الفراش بين ما ارجع

_خوش مو تتأخر
دخلت للبيت مهجور متهالك هذا البيت يقبض الروح وين الونسه بي واني احجي وي نفسي

نفزعت من الباب ما ندگ لا خلعوو الباب هو اصلاََ متهالك خشب طلاكتين خلعو الباب  كله

شرطه جيش بس شافني كلبجوني و عتوني من ايدي ما مصدگه شنو تهمتي هيج بقيت اصيح

_الهتمة قتل بنتي شمس
واني بس سائد عندي الله ما رزقني بغيره

صبا _ خاله خاله ام شمس گومي
اجالج اتصال لويش دتبجين

_لا ماكو شي اذكرت ماضي قبل عشر سنين

يتبع....
شلونكم ياحلوين بعد القفلة