رواية معتقل الصحراء الفصل الخامس وثلاثون 35 - بقلم الكاتبه أم مختار

صباح الخير صارلي بالربع ساعة احاول
انشر مااكدر بسبب الابلاغات
اتمنى منكم تعلقون شگد متكدرون و التصويت هم متنسو قراءة ممتعة

#معتقل_الصحراء ٣٤
#بقلم_ام_مختار
#دنيا_غانم

اقتربي هذه ليلة مُناي
و لهفة قلبي النابض بحبك

صليل _ هسا واكفه بعيد عني ليشش

مياسين _انتظر السيد يرجع يكول جذبنه عليكم ما عقدنه يلا كلمن الغرفته 

صليل _ خطيه الله يرحمة جان
تقربت منها وهيه تضحك عليه

مياسين _عبالك اول مره تسويها

صليل _اذا اكلج هاي اول مره احسها تصدكيني

_اييي اصدگ اني هسا كلشي اصدك
تقرب لزم راسي  بثنين ايديا طبع بوسه على جبهتي

صليل _ صرتي الي  يا بنيه
رجعت بستها من خدها الايسر صرتي الي
يا مسكن هذا الگلب
بعدها طبعت بوسه على الخد الايمن
صرتي الي يااا مياستي

مياسين _ ايي صرت الك
اخذني بأيده للفراش ذب تشيرته واجه يمي ضمني الصدره

اقتربي و اتركي اثار أحمر شفاهك
على ارجاء جسدي
اقتربي وتصالحي مع شفاهي بقبلة طويله
حتى الموت
........

مناسك _ طلعو وهدء البيت رحمة عازله روحها عنه  ام سائد المرأه لو تقرا قرأن لو تسبح
لو تصلي دائماََ تردد مالنه غير الله لو شما نبتعد يردنه اله رد جميل

لبست عباتي وطلعت اشتري من المحل اليمنه ضايجة وين اروح كمت اطلع ضوجتي بالاكل 
اشتريت برجعتي اسمع طبه ع درج قويه وكأنوا واحد جاي ينزل بكل سرعته
و النعل قبل بسوريا مثل القبقاب يطلع صوت قوي
صعد صارت رحمة گدامي جاي تطفر على الدرج

رحمة _انتِ وين جنتي

مناسك _وانتِ شدخلج  عفتها وصعدت
هاي مخبله تريد تنزل الطفل بعد خيبتج
تردين تنزلي شنو ذنبه
عفتها وصعدت خليت الحلويات واكلناها اني وام سائد مع الحذر كل شوي اگلها السكرررر

_خيولي السكرر باجر ميته خليني اعيش هاي الجم يوم مثل ما اريد

_ هههههه

ام سائد _ ماما مناسك ليش تاركة سائد خطيه
هم يريد من يرجع من الشغل يشوفج تستقبلي الله يساعدك تبتسمين بوجهه

_خاله حتى لو اريد البيه ما جاي يساعدني

_شنو الي  بيج

_بيه تفكيرر اسود بيه نفسيه تعبانه
ما اعرف شلون افكر دائماََ افكاري هجوميه دائماََ ابرر التصرفاتي من اضحك بوجهه احس روحي جاي اسوي غلط من احجي ويا احس يضحك عليه

_جربي اليوم من يجي جربي اتجاهلي هذا الحساس وشوفي وين توصلين الحد اخر نفس وتعاي يمي

_يعني شلون

_يعني اليوم من يجي لبسي ثوبج الحلو و خلي مكياج من رحمة ولبسي حجاب حلو طلعي ابتسمي بوجهه وگليله  الله يساعدك حاولي تلمينه الحضنج سويله اكل صلي روحي يمه نامي
ووين  ما تحسين روحج بعد ما تكدرين تعاي يمي

_.....

_ما اريد ابني يتيه بهاي الدنيا بعد واني تره ما اطول بس انتِ باقية يمه واريدج تصيريله حبيبه
لو تعب من هاي الدنيا يجي يمها يشكيلها مو يشكي يم غيرج منج

مناسك _ دائماََ توصيني بي عبالك عمره اشهر مو رجال مشورب و شعره خالطه الشيب بس اعذرها تخاف عليه خطيه  بس هيه متدري دتوصي روح متهالكة

الساعة ١٢ اخذت فراشها و نامت بالصاله شجااي تسوين خاله

_اليوم عاجبني هنا انام

_لا فدوه يعني انتِ جاي تغصبيني

_لا و الله روحي سوي الي كتلج  عليه وين ما تحسين روحج بعد ما تتحملين تعاي انومج. بحضني وانعل ابو السائد بس جرربي

مياسين _كلاامها صحيح جررربي

_واذا فشلت يم اول نظره

مياسين  _دائماََ ترجحين الفشل ليشش
النجاح حليف الاقوياء ترره

مناسك _واني موقويه

مياسين _واكعه من عين نفسج طيح الله حظج فوگ ما هو طايح
خاله هاي مو مال  عيني واغاتي  هاي هيج

مناسك  _لزمتني من ثوبي ودخلتني للغرفة انطتني تراك هيه مشتريته لا تستغربون مني اني حتى طلعه ما اطلع اشتري من اگول متهالكة انيي متهالكة  احس روحي عجوز بالسبعين من عمري

مياسين _لبسي هذا التراك وهسا اجيج
رحت الرحمة دخلت وين خاله مكياجج

رحمة _شنو هو احتلال

مياسين _ عفتها وراي  و رحت افتش بالجنطه الي معلكة لكيت بيها هواي شغلات  حتى ملقط مال حواجب اخذتهن وطلعت هيه تدردم عساج ما سكتي
گعدت  يمها حواجبها ثخان
باوعتلها باجر نروح اني وياج نحف

ام سائد _ها يوم وين وصلتي

_وصلت الحواجبها خاله ثخان

ام سائد _شغليلي الضوا و جيبيلي خيط خليني احفلها

مياسين _تعرفين تحفين

_اي تعلمنه بالسجن

مياسين _حفيلي اني هم

_بس تنامن بحضني لأن اتعب

_انام حتى جوه رجليج بس حفيني مو شواربي صارن اثخن من شوارب صليل

مناسك _نزول عليج

مياسين _حفتلها وهيه كل شوي  تطفر رحت للمطبخ جبت السجين ونومتها بحضنها  بس تحوسين ادجج وادخل بيجن  سجن سوري ع الاقل الاغتصاب يصير شااامي

مناسك _ههههههههههه
خلصتي بطلعان الروح يمكن ساعه ونص يحفن بيه ومياسين راحت تركض الرحمة جابت ملقط واجتي وهذيج وراها  تصيح عليها
وهاي تضحك عليها
سون حواجبي خفيفات  كلش بحجة الموديل متت قهر على حواجبي بس طلعت المع
غسلت وجهي بماي بارد لان ورم ورم
كعدتني مياسين مكيجتني رتبت شعري وطلعت كل شوي اباوع  بالمراية نفسي ثگل كلشي بيه يگلي خلصي هاي المسرحية
نسيتي  الحبوب نسيتي سوالفهم واني اگول ميخالف صبري صبري
هو يجي قبل الصلاة واني گعدت انتظر

سائد _دخلت امي نايمه بالصاله شصاير يا ساتر

ام سائد _الله يساعدك يوم

_ويساعدج لويش هنا نايمة.

_مرتك جوه تنتظرك يلاا روح

سائد _تننظرني ع سرريع ذبيت الحذاء ودخلت هيه گامت تثاوب لابسه التراكسود و تجر بي من كل جهه

مناسك _الله يساعدك

سائد _ ويساعدج

مناسك _ تقربت منه بالگوه حضنته

سائد _ راح التعب كله

مناسك _ انتظرتك هواي

سائد _ منتظرتني صغيرونتي لو ادري اجيج ركض

_جوعان

_لا لا تعاي يمي

مناسك _ ما تريد تبدل

_ما اريد شي اريدج يمي بس تعاي
گعدت على الفراش وخليتها بحضني

مناسك _ ههههههه ضعت

سائد _حلاتج وانتِ  هيج ناعمة گليلي شنو هذا الجمال شنو هل الحواجب و العيون

مناسك _خالتي حفتني حلو

سائدد_ انتِ بلا شي حلووه وتحفين وتسوين تصيرين اجمل وحده بهذا الكون كله

_هيج تشوفني صدگ

_ ياريت تشوفين الي بگلبي

_يعني ما يضوجك ضعفي و شعري التعبان والفراغات و بشرتي التعبانه

سائد _ يزيدنج جمال

_......

سائد _لزمتها من حنجها تقربت بستها
هيه رأساََ گامت وين.

_ اروح يم خالتي

سائد _ ما سويت شي اني بس ماقاومت  شفايفج

_ميخالف اروح اروووح

_ بدت ترجف وتكرر الكلمات روحيي
بس تعاي تعاي ما اطلعين بتراكج خليج هنا اني رايح

مناسك _ لزمته من ايده مداكدرررر والله
جسمي كله ينتفض

سائد _مو بلازم اني ما مستعجل على شي 
بس نبقه نحاول موو

_ايي نبقه نحاول

_ مسحت على راسها لا ترجفين يا رجفة گلبي
يلا اذن خلي نصلي

مناسك _ لبست وطلعت باوعتلي ام سائد هزيتلها براسي

ام سائد _مو شكال يوم

سائد _ سمعتها تحجي وي امي فتحت الباب يووم
لا تجبرووها خلوهاا براحتها الكاتبة الله يصير

مناسك _ هو صدگ هيج يحبني لووو يضحك عليه كفيله هاي الجملة ترجعني النقطة البداية
استمرينه هيج نحاول رغم محاولاتنه قليله لأن هو ما نشوفه بس قبل صلاة الصبح يصلي ينام ويگعد يطلع للشغل
كمت اضوج من هذا الشغل شنو من شغل هيج هاي الناس هلگد تصور موو طبيعي

سائد _مو بس صور و نطلع نصور حفلات نصور اعراس يعني كلشي اليطلع ذابه عليه الرجال

_بس ما تتعب

_هلااك  من انام ما احس بالدنيا كلها
بس شنسوي لازم نطلع منا

_نطلع ان شاء الله
البده يخاف  سائد الاخبار الوصلت بعض المقربين لسياده الرئيس طلعو من البلد
والاغلبيه تگول سوريا و البعض يگول الاردن
قلل طلعتنه بس الاكل ابدد ما قصر بي من يدخل يحير شنو يجيب النه الكل ما ينسه احد و
بعز تعبه من يجي واسويله اكل يدخل وياي للمطبخ يكصص وياي الزلاطه
يغسل الخضرا او يحضر كلاص الجاي

ام سائد _هاا يوم صرنه ندخل للمطبخ

سائد _ يمه ترفه اخاف على اصابيعها احس الصحن اقوه من ايديها

مناسك _لا عاد مو الهاي الدرجه

سائد _ اخذت الصينيه منها خليتها گدام امي يلا خلونه ناكل لگمه قبل الصلاه
تعاي تعاي يمي هناا

جاهد _ صباح الخيرر يابه شنوو صوتك شعلوه

صليل _ليگلك كاعد بسوگ گول ناااس نايمه طركاعه

سائد _صلاة توجهو الربكم تره الحزبيين منورين سوريا

صليل _ هيج والله والزملي واحد الا اطلع القضا والمضا بي

جاهد شسوي مثلاََ

صليل _ ما اسويله شي بس احف شعر صدره

سائد _ ولك انت من تشوف واحد تركض مثل الزيطه يا تحف يا تلگط

مناسك  _نسولف ونضحك و طلعت رحمة كالبركان

رحمة _ تفضل قميصك وصخ عليه قلم حمره تريد اغسله الك لو نخلي هيج

مياسين _بدون حتى ما يلتفت الها جاوبها
لا خلي باجر خاف نعيد الكره ويتوصخ عود باجر غسلي

رحمة _تگول ما تغارين عليه عبالييي تحبني ومأمنه طلعت من بنيه لبنيه

جاهد _ انطيني الخبزه سائد يابه عاشت ايدج مناسك شنوو هذا الاكل الطيب

مناسك _اباوعلها ثارت

رحمة _تريدني اخلصك مني انيي راح اخلصك مني

مناسك _دخلت لبست وهمت تريد تطلع

جاهد _ بس الباب سدي وراج 

مناسك _ختامها كامت تبجي وتحجي عليه وتشكي للولد منه ومن  بروده

سائد _كاافي يا خوي حامل البنيه

جاهد _لا تخاف ما تريده جاي تحاول بكل الطرق تنزله بس سبحان الله كل الطرق ما فادت

رحمة _ اكيددد هذني حجلك وگللك  داريد انزله

مياسين _هيييي لا ادخلينه على شنو نگله  ما عنده عيون مثلاََ ويشوف

صليل_ سددددي حلكج مياسين
بيناتهم همه يحلوها كلمة ما اريد اسمع

جاهد _ما احتاج اشوووفج اني احسسسج رحمممة احسسسج ادري هاي الميزه ما عندج لأن احساسج ميت

صليل _كاافي يمعود اذن

جاهد _ بلا زحمة مناسك ما تسويلي كوب جاي اريد اصحصح وراي شغل

_حاضر دخلت احمي الجاي اباوع ايديه ترجف
هاي خصله من خصال نفسي الضعيفه اي عركة تصير اكوم ارجف  حتى لو مو يمي ايديه تبقه  تنكث رجليه ما يشيلني اخاااف

سائد _خليت الصينيه شفتها گاعده  بالمطبخ شكوو مو يمج السالفة ليش خايفه

_لا لا ما خايفه هسا اجي
صبيت الجاي وانطيته الجاهد توضيت ودخلت للغرفه اصلي

سائد _ مووو وكت انتفاظاتك
لان البنيه حامل والطفل طفلك غصباََ ما عليك تنعدل

جاهد _ دنعل ابوها لابو هذا الطفل

صليل _ يعني انت تريده يبقه مثلك تايهه بالشوارع يوكع بصياح لخ ويسوي بي مثل ما سوو بيك لووو مثلنه تريدد تصير اببب ظالم وتدمررره شوف ولك جاهد مشاكلك ابعدها عن الطفل ابنك الك انتتت لا الها ولا الاي واحد بهذا الكون عينك شيلها  وخلي ابنك بمكانها

جاهد _تعبت منهاااا ما گادررر اخذ قراررر

صليل _اي قرار هسا ما تاخذ انت
ولو تعبت ميل علينه يا خوي احنه عكازتك طول الدهر

جاهد _مديتله ايدي لعد كوميني صوله

صليل _اخاااف

سائد _من شنو يمه

_اضعف گدام عيونها الجاهده واوگع بحبها

جاهد _ههههههه تعاي انطيني بوسه على هاي سوالفج التطلعني من تعبي

_عيع زين شواربك وتعال ابوسك معط

جاهد _اوووي دادا 

مياسين _ شجااي يصير

صليل _روحي صلي انتِ لا تدخلين بيني وبين صاحباتي

سائد _نجب لك

صليل _ گومي صلي سائده لا نيزك  تنزل عليك كالنيزك
عفتهم ودخلت للغرفة  مالتنه گاعده  تصلي وتقرا بصوتها الحلو سوره الفاتحة من ادخل تنصي صوتها
عليي خليني اسمع السوره بصوتج
ترجع ترفع صوتها  تجويدها هوااي حلو
سلامات بعد راحت هسا كله قال الله وقال الرسول موو

مناسك _ منه ومنك صالح الاعمال
ايي عندك مانع

_لا عمي انا كل مانع ما عندي بس مانع حمل

مياسين _شنو

_تعاي تعاي سوالف كبار لا تدخلين بيها

مياسين _ تقربت منه باسني من شفايفي حيل
و صاح هسا تقبل الله منه ومن الوادم اجمع
اگلك  امس گعدتني واني نايمه شربتني ماي لو يتروالي

_اني گعدتج لاا

_ياا و الله يمكن حلمانه گعدتني ونطيتني ماي

_ اثار التعب هاي

مياسين _يمكن

الصبح طلعو والله  للشغل و صليل هم طلع بعد خلصنه

جاهد _ صباح الخير

_صباح النور

جاهد _وين تحبين نروح

_اليوم بدي  روح على حمص وبدي ظل بمزرعتي  شي يومين وبدياكون معي

جاهد _ تگدرين تعفيني

_لشو

_رحمة وحدها وتعرفين وضعها وهيه ما تدري اشتغل وياج

_ راح ننبسط كتير هونيك وانت بدك تطلع للخارج راح يجو ناس كتير هنيك راح يدفعو كتير

_ خليني بس انطي خبر للولد وارجعلج

_مافي مشكله لما نطلع بقول للسواق ياخدك وين ما بدك

_تمام
بدلت خلت مكياجها الحارس الثاني موجود وهم تسولف وتضحك ويا بس وياي تختلف
اخذت كم جنطة  وياها وصندوگ صغير
جاااهد

_نعم

_هيده صندوق مجوهراتي خلي عندك هلق اجي

_تمام
بقيت شايل الصندوگ واباوعلها جان يشبهه الصناديگ الاثريه القديمة بس هو جديد بس الدزاين مالته هيج
هسا اذا اخذه وافلت  مو يفك كل عقدنه ونطلع منا

نادين _وين رحت

_هههههه معك

_شو عجبك الصندوق

جاهد _والله للامانه حلو بس مو احلى من الي بداخله هههههه تفضلي

_اذا بدك خود الصندوق و روح حلال زلال عليك

_مو اتهور واخذه

_هههههه ما احلى حكياتكون هيك فيها رجوله

_شكرََا وانتو اهل الرقه والدلع
صعدنه السياره وكفوني قريب حي الزيتون تمشيت الصليل وگتله ينطي خبر السائد و رحمة يگلولها اي شي يجي ابالهم
رجعتلها صعدت السياره ونطلقنه الحمص
اظاهر  عدهم هناك حفلة جبيره بالمزرع
وصلنه جانت محافظة حلوه عرفت من خلال كلامها هيه من اكبر مدن سوريه
وعدهم فد شي مهم
وكفنه يم مزرعه جبيره حيل جبيره
نفتح الباب رحبو بيها جان  صاحب البار موجود
نزلت وهو اجه عليها حضنها ونورتي حبي وحياتي ومن هاي السوالف
محضرلها طابق خاص بيها

نادين _الحمايه بدياها خليهون  معي

_شو بدك فيها خليهن هون مع الشباب

_لااا انا حمايتي معي

جاهد _قلقت تعا وما تعا واحنه بين هاي المعمعه
بالاخير مشت كلمتها قابل اكو زلمه يفرض رأيه على مرأه صعبه
البيت بنائة كلش حلو قصدي القصر
دخلنه جنطها للغرفه
طلبت من الحارس الثاني يكلهم يحضرولها اكل
طلعنه اني وياها للبلكونه

نادين _ هاي المزرعة. كلياتها لألي

_ما شاء الله
ربي يزيدج

_هههههههه وفي بعد وحده هون بحمص لكن ولا حدا بيعرف مكانه

_ليش

_ لأنو حياتي مانه حلوه بحن للماضي ايام ما كنت انسانه بروحله حتى كون انسانه ولو ليوم واحد

_بتخافي من محمود

_محمود لازم تكون عبد لألو حتى تعيش
بس تفكر تعلى ولو خطوه
يخلص عليك

جاهد _لما اجينه نشتغل عنده هدد الولد بالسلاح

_ بعرف

محمود كأنوا سمعت اسمي

نادين _ههههه كنت اقول محمود كتيرر حنون تعا حبيبي تعا شوف المنظر شو حلو

_لكن انتِ احلي

جاهد _باوعلي وگلي شسوي هنا

نادين _انا قلتلو ظل هون

_اهاا

جاهد _اني اترخص ست

_الله معك

_حسيت  بغرابه من علاقتهم و بس طلعت سمعت صياحهم گلت علگت  طلعت يم الحمايه بره

بدت السيارات تجي بدت الناس تدخل نسوان وزلم عشيقه زوجة ما اعرف بس غفير من اشكال والعياذ بالله يعني يناسبوني هههههه
احنه نفتر بالمكان ما نبقه  واگفين وكل شوي يجن ينطونه اشي حلويات اشي اكل
عصير محرم احنه تعودنه من دخلنه سجن  صياح المحرمات ممنوعه يردون جسمنه يبقه بكامل قوته اكلنه دائماََ صحي
فـ هذا الشي مو مهم عندي
اشتغلن الاغاني و رقاصات دخلن يركصن
و طلبو عرض من نادين بس هيه رفضت
اني وگفت اباوع

_شوو نادين يلا عرض بدنه

نادين _ انا صاحبة الحفلة ماني رقاصه

جاهد _انتبهت المحمود اشرلها تصعد هيه رفضت
رفض قاطع طلعت افتريت بالمزرعة نغلقت اصوات الاغاني رجعت دخلت للقصر لگيتهم واكفين يمها بقيت  واكف خاصه الحارس الثاني  قريب منها

_بدنه نادين ترقص هلق

نادين _ما برقص

محمود  _شوو في

_ما بررررقص

جاهد _الي يم محمود ضربها كف بكل قوته
جريته  من قاطة سگطته   خليت خشمه يخر دم صرت گدامها محمود رفع علينه السلاح
خلي....... هذاا
سلاحك ما يخووووفني واذا واحد منكم مد ايده عليهااا  اكسررررها هذاك طلع من المكان

نادين _خلاص  جاهد بدي روح من هون

محمود _ما حدن يروح قفلو البيبان

جاهد _خليج وراي ومالج  دخل
قرب المسدس عليه عيني عليه ودفرته على العوره خليته يركع عوجت ايده وجريت السلاح طلعت كلها مسلحة الاخوه هنا كلها شهرت سلاحها بوجهي

نادين _خلااااص  جاهد اعطي السلاح لمحمود

محمود _هيده الوصخ الجديد ما هيك

جاهد _ انت الوصخ

نادين _بيكفيي

جاهد _ اني راح اذب السلاح بس بالاول تطلع نادين والحارس والسواق وبعدها اني اطلع

نادين _ ما يعملو  اشي نروح كلياتنه سوه

جاهد _متأكده

_اييي متأكده ما يقتلوك هوني

جاهد _ طلعنه من القصر ركبنه السياره على فندق

نادين _ شكرََا

_علي شنو غير هذا واجبنه

نادين _ ما كنت مفكره تعمل معي هيك
ما حدن يهتم لرقاصه

جاهد _عايشنه  الكوا.... الحد ما خلونه  نتعاطف حتى وي الرقاصه همستها همس
دخلنه للفندق هيه دخلوها بس اني لا ما عندي اوراق گلتله احجز منك الفندق  كله ما قبل ولا ساعدنه كتلها ابقه بالسياره
خلتني بالسياره

الحد الصبح اني نايم بالسياره
فزيت  على صوتها ولمسات ايديها
ما بدك تفطر

جاهد _ اني مو صايم ههههههه

نادين _شو بتسمو  الفطور

_ريوگ

_ريوك

_لا تحجين عراقي خلينه شعوب متأخيه اشقاء نحب بعضينه انتِ مو مال عراقي

_ههههه تعا نفطر وبعده نروح لجامع  النور

_الجامع  النور تقبل الله منه
تريگنه وطلعنه الجامع  النور مكان تراثي
وعرفت بهاي المدينه سبع بوب واقرب باب النه باب الرستن الرستم هيج شي مكان حلو بعدها  طلبت من السواق نرجع لأن كلشي تفركش على گولتهم وصلنه للشام وهيه طلبت مني ارتاح وانطتني فلوس هواي و المبلغ جبير الدرجة حاليا اكدر اني ورحمة  نطلع الاوربا  وطلبت مني باجر بالليل اجيه
اجرت تكسي بوجهي السائد  اكيد هسا بالشغل

حاسبت التكسي ونزلت لگيته

سائد _انعل ابوووك لابو جابك وووين رحت

_رحت وي المعلمة غير

_يمعود لا هنوب تصير مصيبه شبيك

_ما صار شي هسا تفضل هاي الفلوس وخليني  اروح للبيت تعبان هلكان

سائد هاي شنو هاي هواي

_اي انطتنياهن لأن امس دافعت عنها

سائد _كلنه ندافعلها اذا تنطي هلكد فلوس

جاهد _ههههههه انت ضمهن خليني اروح ارتاح
عفته ورجعت  للبيت دخلت رحمة مخوصره وين امس جنت

_ما كلولج الولد

صليل _لا  كتلها صديقة واكع من السكلة و منكسره رجله ورايح ويا هو هم خطيه مثلنه جاي  هارب بوحده وجاهد راح يساعده

جاهد _هذا هو مو كلج

رحمة _ هاا

مناسك _تفتر رحمة شاكة بجاهد خاصه وهيه شافت القميص دخلت للمطبخ ودخلت وراها
اذا شاكه بي طلعي ورا وشوفي وين يروح
ببساطه

رحمة _ والله خوش فكره سهله يا جاهد

مناسك _بعض الاحيان احنه نگول ينطقك ملك
بيبيتي هيج تگول

صليل _ يا ساتر مجتمعات ولجن شتردن تسون تاخذن بثارجن

مناسك _ بعد ما نگدر نسويها مياسين تموتنه

مياسين _ لا هذا الحب بعد ما اگدر

صليل _مدامي الحب ما تجين للغرفة

مياسين _شتريد

_ ندرب على صلاة الليل

مناسك _كمت اضحك على صامت
ما يعرف يسكت  وحجيه بالقلم العريض جاوبت مياسين

_لا شكرََ اليوم اروح انام يم مناسك
بحجايتها نفتح  الباب دخل سائد

صليل _تگول مرتي اليوم اروح انام يم مناسك

سائد _ منو تنام يم مناسك عيني كلمن ينام بحدوده لا تخلوني اصوت بالعماره  وهسا وين جاهد

صليل _دخل للغرفه
اظاهر هو وام ابنه متعاركين

رحمه _لا  ما متعاركين

سائد _فتحت الباب لگيته  متمدد
شنو مسوي  انت

_ما سويت شي غير اني حمايه وضربوها ودافعت عنها

_محمود رجعني ويگول باجر ثنينكم الصبح اريدكم

جاهد _اي باجر يدلل علينه

سائد _باجر راح ناكل خره ولا عبالك بس هيج سياره راقبتني من طلعت الحد ما وصلت وما كدرت اضيعهم

جاهد _ اني اروح باجر النادين وراها نروحله

سائد _لاا باجر نروحله قابل شيريد يسوي

جاهد _نروح قابل محمود اصعب من صياح وربعه
.......

مناسك _ دفعتني خالتي للغرفه شوي ودخل

سائد _تعااي تعاي حضنيني ولج لا اموت وما شابع من هذا الحضن

مناسك _ ليش تحجي هيج صاير شي

_لا واني احرك بأيدي انتبهت هيه تحمي وجهه
عبالها راح اضربها
انتِ خايفة مني؟؟

_لا

_ مناسك لا تحسسيني انتِ خايفه مني لأن اكره روحييي

لا والله مخايفه

_انطيني بوسه اذا مخايفه
وهيه جاي تبوسني بخدي
فريت وجهي وخليتي شفتي على شفتها

لا اتذوق قطعة السكر تلك
ولتخفف لي  مرورة الحياة

مناسَك _ما صار بيناتنه غير بوسه وحضنه ما اكدر اكثر من هيج
بس ذب تشيرته وگلي تعاي نامي بحضني
نمت للصبح نومة ثگيل بس كل ما يفز ينزل ثوبي ويقربني الصدره و يغطيني ويرجع ينام
اني مگدرت انام بس اراقب حركاته

الحد الصبح گعد بدل و گعد جاهد
وصليل وطلعو
اقل الخمس دقايق طلعت رحمة مبدله وطلعت وراهم

يتبع.....