معتقل الصحراء الفصل التاسع وأربعون 49 - بقلم أم مختار

قراءة ممتعة لا تنسون التصويت و التعليقات

#معتقل_الصحراء ٤٠
#بقلم_ام_مختار
#دنيا_غانم

مناسك _ عيني على الفندق اكوو شي غلط
احنه شدنسوي رحمممة هاااي واحنه ما لازم نكون وياها بس كل هذا تبخر بصوت من رحمة وهيه تگول يلااا صعدي راح يطلعووون واحنه َواكفين هنااا
صعدت وياها وتحرك السايق المحطة القطار هنا الثلج كارثه و الجوو يمووووت ع سريع دخلنه محطة القطار

مناسك _وهسااا شراح تسوووين ووين نروح

رحمة _اصبررري عندي الخارطة خلي نباوعلها
ونأشر على مدينه نحجزلها

مناسك _منين جبتي هاي الخارطه هاي جانت عد سائد

_اخذتها من غراض سائد بدون ما يدري

مناسك _ جريتها من ايدها شغلاته ليششش تاخذيهن ما يصيررر تاخذيهن هو ما يحب احد يدنه الشغلاته

مياسين _نفعلت مناسك هجمت على رحمة
خلاااص مناسك

مناسك _احنننه ما لازم نبقه هناااا مياسين لاززززم نرجع

رحمة _ووووين ترجعين اذا رجعتي هسااا سائد يذبحححج غيرر بس يدري بيج انهزمتيي

مناسك _ هاااي ورطتنه واحنننه غبيات

رحمة _انييي شدخلني

مياسين _اذا تردين ترحين روحي وحدج اني ما اروح هو ما يريدني ما يريد مني طفل

مناسك _ تخيلي لو وحده من عدنه عدها بعد طفل او حامل بهذا الطريق جااان شنووو صار

مياسين _.....

مناسك _ تدرين سائد جان يمشي حاافي ماكوو حذاء من جوه رجله و من گتله اشتري گلي ما تكفي الفلوس
تدرين سائد طووول الطريق يضحي بروحة الخاطرنه خلييي نرجع مياسين

مياسين _اذا نرجع يذبحونه

مناسك _خلي يذبحني ولا انطي بي فدوه خلي نرررجع

رحمة _تندلين مكان الفندق

مناسك _.....

مياسين _اني حتى لو اندل ما ارجع هو گلي تكسحي واني طالعه من حياته

مناسك _ تندمت بمحطة القطار وبعد ما يفيد الندم لا اعرف ارجع ولا تصح الرجعه اذا عرف سائد يگلب الدنيا صدگ يمكن يذبحني عيني على باب المحطة و احجي
ومياسين لزمت ايدي وتبجي

مناسك _السوووينا غلططط

مياسين _ هو ما يريدني

_غلطانه احنه الي ما نريدهم
بعد السوو النه احنه الغدرنه بيهمممم

_والحبوب وليش ضمووو علينه لوو نسيتي

مناسك _ بقيت حايره بين امرين اني ظالمه لو مظلومة اذكر السوا الي والنه كلنه اگووول ظلمته ارجع اگول ليش ما حجو عن الحبوب
دخلو للمحطة عائله الزوجة محجبه ركضتلهم رحمة اشوفها من بعيد تحجي وياهم واني اباوع المياسين هاااي باعت اختهاا مياسين مااا تبيعنه

مياسين _خلااااااص

_ والله لنعض الاصابع ندددددم

مياسين _داگولج ما يردونه

مناسك _.......
اجوي وياها و اخذونه للحجز حجزلنه للمدينة نفسها الراح يرحولها وتبعد منا ١٠ ساعات وبعد اقل ال ٢٠ دقيقة ينطلق القطار ع سريع طلب اسامينه و انطته الفلوس جانت لافتهن بخيط وجانن دولار هو اخذهن ودفع بكارت صغيرون بالاول ما عرفنا صعدنه القطار وتحرك اباوع المياسين وهيه تباوعلي

رحمة _ شبيجنننن

مياسين _المفروض احنه نرجع

رحمة _نزلن اذا تكدرن

مناسك _اجت تحجي مياسين سكتتها خلاااص
بعد الحجي ما يفيدددد

مياسين _هيه الضحكت علينه بكلامها

مناسك _انتِ گلتيها بس بصوره مؤدبة احنه مضحكه

مياسين _بس همه هم ضمووو علينه ليششش

مناسك _خلاااص بعد ما يفيد الليش
الطريق كله ما نشفت دموعي مو مبرر
بس الندم اكلنيييي ليشش استعجلت ليش حجيت وي رحمة
ليش گمت وياها ليش سمعتلها
ليش سكتت كل هاي الفتره ما حجيت ليش هسااا جمعناهن وحجيناهن ليشش هيج شوينه
اني احجي واجلد بروحيي
وبعد الف سؤال وبين الزحام الصار بجمجمتي
عقلي ما قاوم وطلب الرحمة من النوم
والنوم رحم اجفاني ونمت
فزيت على لمسات مياسين وهيه تگلي گووومي وصلنه

_صارلنه شگد بالطريق

_١٠ ساعات

_گمت وياها بالگوه امشي نعسانه بعدني مشبعانه نوم ركزت وعرفت اني بعدت عن البيت وهسا ليلو بجت واكيد هسا عرفو
شنووو صار بي من عرف اني تركته
باوعت المياسين خلي نرررجع

_ووووين ترجعين

_سائد ما يستااااااهل فدوه مياسين خلي نرجع للمدينة الجنه بيهااا

مياسين _ ما ارجع اخاااف صليل لوو رجعت يمووتني

_ميخالف نعتذر منهم

_شلووون نلگاهم

مناسك _ من نوصل الشلون نلگاهم اسكت
رحمة ما انطت مجال وسلمتنه للشرطه الي بالقطار اخذونه بالسياره ما جانو مؤذين او سولنه شي بالعكس هواي لطيفين
بقينه بمركز الشرطه تقريباََ ساعة ودخل رجال مو كلش كبير بالعمر يعني بداية الاربعين عراقي
سلمنه عليه جاوبنه

_ وعليكم السلام اهلاََ وسهلاََ
بقه يحجي وياهم ورجع باوعلنه
انتو عراقيات

رحمة _ايي
بقه يحجي وياهم َيرجع يسألنه

حبيب _شنو اسمائكم

_انطينا الاسماء

حبيب _شلون دخلتو

_تهريب من الدول وصولاََ الهنا

حبيب _راح ياخذوكم الكمب راح تبقون بي فتره وبعدها نشوف شنو يسوون وياكم اني المترجم لا ينشغل بالكم ان شاء الله الامور طيبه

مناسك _طلعنه بسياراتهم اخذونه المكان اشبه بالگراج السيارات طوابق بي خيم انطونه كل وحده خيمه و انطونو ملابس وانطونه اكل وكلشي نحتاجة انطو النه جانت الاعداد مو هواي بس جانت اكو عوائل عراقية وافغان وترك و خليط الحمامات مشتركة وي كل هدوله الناس دخلت للحمام جان غربي اول مره بحياتي اشوف حمام غربي ما عرفت استعمله شنوو نشوي بي هذا اذا اگعد خاف اوكع بهاي الحفره النگره طلعت باوعتلي مياسين شبيج

مناسك _حمامهم مو مثلنه.

_يعني شنو

_يعني هيج باعي

مياسين _عزااا هذا شلون ينگعد

_استغفر الله امشيي بابا الله يجعلها اخر اهمومنه

مياسين _ اشتاقيت الصليل

مناسك _ضربتها على صدرهااا انجببييي انتِ ثوله صدگتي بيه و جريتج وقبلتي وهسااا بسبب ثولي وزعلج احننننه هنا يم رحمة بواگه الزلم

رحمة _انييي ما ضربت احد على ايده انتن من كيفجن اجيتن صح لووو اني غلطانه

مناسك _لا والله صح كلامج وشنو يصير بينه نستاهل لأن احنه غبيات وانتِ مكاره عرفتي تضحكين علينه عفتها ورجعت للخيمه طبعاََ الخيم مرقمة جان رقم خيمتي ٣٠
سألنه الناس احنه المحافظة الي بيها شنو اسمها
گالو كرستيان سند تبعد عن عاصمة النرويج ١٠ ساعات العوائل العراقية جانو يجون يساعدونه
الي مقدمين لجوء سياسي
اخذو ب ٦ اشهر الاقامه
جان اكو رجال اسمه عبد الله گال
من تقدمون قدمو لجوء انساني

رحمة _لويش عمو

_گولو احنه مضطهدين بالعراق اذتنه الحكومه
لان اذا تقدمون لجوء سياسي لازم معارضين للدوله يعني تهتفون ضد الدوله الدوله تريد تقتلكم ويردون دليل احنه اهل حفر الباطن يدرون بينه
الطاغيه يريد يعدمنه انطونه اللجوء انتو شنو دليلكم فـ قدمو انساني افضل

مناسك _سياسي انساني
كل هذا ما جان هامني ولا بعيني ولا فرحت
كلشي تبخر سديت خيمتي عليه وكرفصت روحي بالفراش هسااا گعد و ما لگاج هسااا شنو گال
باعتني مثل ما صياح باعه للسجون
نهزمتي منه ووهو جان ينهزم من اذيته الدنيا الج
وجع صاب روحي وما فارگني
رغم جانو العراقيين دائماََ موجودين وبناتهم وعوائلهم جداََ طيبين ويساعدونه
تعده اليوم الاول و صار يومين وتلاثه وسبوع
واني بيه شي يگول بعدهم نايمين رجعييي ولا تكسرين سائد
بس بعد ما يفيد دخلونه مدرسة ندرس بيها اللغة النرويجية اظافة الهذا بالمدرسة كل اسبوع اكو معلم مغربي يدرسنه اللغة العربية يوم واحد بالاسبوع
ماكو شي نلهي روحنه بي بقيت اذبح روحي ع دراسة اربعه وعشرين ساعة خاله راسي بكتبي و ادرس واطلع للشارع اسمعهم شلون يحجون احاول اوصل اللكنتهم
ما جنت احاول الخاطري لااا
اريد انهزززم اريد اخلص من ضميري اريد انهزم بعقلي الباطن التعبني من التفكير
انطونه شقة وهاي الشقة تصير ببدايه الغابه
يعني اكو بيوت بس متفرقه وكل بيت وبيت
سياج البيوت جانت ببداية الغابه
بالليل تصير ظلمه بس اكو اضويه على شارع
اني من يصير الليل اسد البيبان والبلكونه واگعد ادرس ساعة ساعتين تلاثه الحد ما اخووه

مياسين _راح تنهزمين بالدراسه طول العمر

مناسك _ ليلوو هسااا شلونها زينه تشرب يعرفولها لو ماتت هسا

مياسين_....

مناسك _هذيج الفوگ ضحكت علينه اني بالله غاسله ايدي مني انتِ شبيجججج صدكتيني

مياسين _ليشش ضم عليه

مناسك _شلت الكتاب و ذبيته عليها دنعل ابو هاي العيشه لابو الخلفه لابو المانع لابووووووو الزمن الذبانه على رررررحمة لابووو ابويه الخلاني مااا اعرف شي بهااااي الدنيا
لابوووو روحي الصايره مضحكه الرحمة

مياسين _كاااافي
جرت الكتاب من الارض فتحت باب البلكونه وطلعت لحضات ودخلت ادري بيها تخاف من الظلمة سدت الباب و البرده ودخلت الغرفتها قفلتها

مناسك _شكرََا takk
شكرََا جزيلاََ توسن تاك

انا ياي
انت دو
اردد الكلمات البديت احفظها
ونمت

مياسين_ يوميه ينعاد عليها الكابوس بالليل وتفز مرعوبه ما تكمل نومتها اظل گاعده للمدرسة من اسألها شنووو الحلم ما تجاوبني
هاا هم كابوس

مناسك _ مو اقوه من الكابوس الدنعيشه روحي نامي ماكو شي باجر ورانه مدرسة
الصبح من السته البس البنطروني و بلوزتي وقمصلتي والف اللفاف على رگبتي و كتبي واطلع
الجو باررررررد النروج وما يعرف البرد بس سكانها
موقف الباص جان مسافه عن البيت اطلع انتظر الباص هناك يجي واصعد جان اكو كارت للطلاب بس للبيت الي يبعد مسافه جبيره عن المدرسك احنه نبعد هواي بس مو المسافه المقرره فـ الكارت مالت الباص ما يشملنه
اول ما اجينه فهمونه هاي كارت الفلوس
وهمه ينزلون بي فلوس و نشتري الشغلات
ببداية جيتنه جنه نخجل نروح نشتري بالكارت
نگول شنو هذا وبي فلوس بس من نشتري و يتم سحب الفلوس نضحك مطورين هواي من نقارن بالعراق يثقل صدرنه لأن احنه اصلاََ بالعراق اغني من عدهم بمليارات المرات بس وين ندثرنه بسبب سوء التخطيط
خليت كارت و اشتريت كرواسونه و حليب اكلتهن ودخلنه للصف اجتي المعلمه

‏God morgen
تختلف كتابة ولفظ عن الانكليزي
يلفظوها من گو مورن واني افررح من افهم و انطق مثلهم
بس ضميري ما يخليني اكمل هاي الفرحة
ويذكرني بالسويته واكوم اكل بروحي
يمكن اني افضل وحده بالصف حتى افضل من رحمة ومياسين واني هواي ممنونه الضميري
بسبب هروبي منه اني الافضل
المعلمة جانت كلشش طويله بس من تدخل تضحك الحد متطلع تضحك بوجهنه عبالك جهالها مو بينه حتى مزوجات و عدهم اطفال كبار يعني كبار بالعمر لاا عبالك اطفال صف اول هيج تضحك
لميت كتبي واقلامي

مياسين _وين رايحة

_للبيت

_شسالفة من اجينه الهسا حابسه نفسج بالبيت بس للمدرسة و للناف ترحين

مناسك _مالي خلگ عفتها وطلعت ادري هيه مالها شغل بس اني مقهوره على نفسي لأن ضحكت عليها بالكلام وهيه صدگت ونجرينه وره وحده خااااينه وره وحده طلعت مااا اهتمت البتها
انتظرنه الباص بالموقف
گالت رحمة اني اليوم رايحة اشتري ملابس الناف ساعدني تردون تجون وياي نتونس

مناسك _ روحي تونسي وحدج وخلي اذكرج عسا ولعل شوووي ضميرج يأذيج تركتي بنتج العمرها شهر وشوي بمدينة تبعد عنج ١٠ ساعااااات وهيه مريضه الحليب ما تشربه مثل الناس

رحمة _ابووووها احسن الها منييي اني ما افيدهاااا

مناسك _ باجر من تكبر گليلها ابوج احسن مني الج
اجه الباص صعدت وگعدت اجتي يمي مياسين

مياسين _ خلاص خلي نتعايش دتأذيني وتأذين نفسج

مناسك _ درت وجهي للجامه وسمحت لدموعي تنزل

مياسين _ليشش تبجين

مناسك _كلشي ديهاجمني حتى الا شتياق

مياسين _ وگعت بحبه وضعفت گدام هذا الفراگ
جنه نظن روحنه اقوياء ونتركهم ونعيش سعداء بدونهم بس الفراگ وغيابهم عن ناظرنه گلب الطاولة علينه وخلانه الحلقة الاضعف
نزلت مناسك هزيله بالگوه تمشي وبصعوبه تفتح الباب دخلت الغرفتها بعد ما طلعت

مناسك _تعدت الايام واحنه على وضعنه كلشي ما تغير بس رحمة شافت حياتها وانا گتلها انتِ الصح انتِ ما حبيتي جاهد وخلصتي روحج
بس بالمكر والخداع َتركتيلج طفله يمه

مياسين _ اليوم خاله ام محمد انطتني عنوان الحسينيه اليوم مسوين مولد للاولاد مطهرينهم ومحتفلين بيهم

مناسك _ بعيد العنوان

_اي ناخذ الباص رقم ١٤٣ ونوصل

_خوش نروح

رحمة _اني طالعه وي البنات رايحين المطعم
اذا تأخرت لحد يتصل عليه

مياسين _اذا رفعت التليفون وتصلت اطلع بت المو خوش ادمي

رحمة _بعد احسن

مناسك _بدلت وطلعت
احنه هم بدلنه وطلعنه بالباص تحاول تلاشيني مياسين لزمت ايدها قووووية بت ابو الديوجة

مياسين _هاي جانت كلمته كلشي يذكرني بي
بس نمثل القوه

مناسك _نرجع الاوسلو ونسأل هناك لابد نوصل الهم

مياسين _ونروح شنو نگلهم.

_نگلهم غلطنه واحنه بشر مو معصومين

مياسين _.....

مناسك _ ماااا اريد بعد افارگه اريددد ارجعله

مياسين _اخاااف ارجع يذبحني صليل ادري بي

مناسك _ تبيدني من تگلي اخاف هو اني قوتي اخذها منها وهيه خايفه شيبقه بيه
وصلنه للحسينيه جانت عباره عن بيت جبير و قاسمي نصين نص للرجال ونص للنساء وبالمدخل حسب ما وضحولنه يطبخون صعدنه نزعت القمصله اني لبست قميص طويل و بنطرون
و حجابي بس من دخلت لگيت البنات بدلات و فاتحات الشعر و مكياج

مياسين _عبالنه يبقون بالحجاب

مناسك _عادي نتعلم
الحسينيه قائمه على الرجال يعني همه يجمعون من كل عائلة مبلغ و كل شهر يدفعون الصاحب البيت وهم الدوله تساعدهم بالايجار تقريباََ نصه ع دوله لأن هاي معتقدات وديانات جداََ يحترمون هذا الشي حتى الكنيسة جانت تساعد الحسينيه
تنطي مبلغ من الايجار بدت تصلي على محمد وال محمد الملايه ودخلو المطهرين ملبسيهم الثوب العربي و هيه بدت تقرا المولد و امهاتهم فرحانه بيهم ويصفكن و يركصن الهم طرت غلى مسامعي جملة هم تشيلين طفلي
باوعت المياسين هيه هم خطيه تباوعلي

_شبيججج

_ما بيه رفعت ايديه اصفك وكلماته كلهن اجمعن مثل الكابوس عليه
ما تحملت طلعت من الحسينيه

مياسين _نرجع احسن شكلج تعبانه

مناسك_ اي نرجع افضل

مياسين _ بقت مناسك هيج بس الدراستها حتى وياي حجيها قليل
بعد فتره اكتشفنه عدها موهبه الطبخ بسوريا مجانت تطبخ احنه نطبخ هسا لا هيه تطبخ واكلها طيب هواي
وخاصه من تسوي على سريع ومن وره خشمها
يطلع يخبل ههههههههه هاي سر الكهنه مووو

مناسك _اكلي ولا تتبطرين گولي همزين طبختلج
والا روحي مالي خلگها

مياسين _ هسا هاي شنو

_حميس روبيان و هذا تمن وسويت صلصه و هاي الخضرا بعد شنو تردين

مياسين _لا يابه شنو اريد تعاي بس خلي نتزقنب

مناسك _اليوم الثلج حالف يطمنه

مياسين على طاري الثلج امس نركعت على وجهي همزين ما نكسرت

مناسك _ شفتهم يخلون بأحذيتهم شي بالمدرسة حتى ما يزلكون لازم نشتريهن

مياسين _ما نطلع ونسوگ هم

_بهذا البرد بطرانه خلي يجي الصيف ونطلع

مياسين _ مثل الدب انتِ هو يطلع بس بالشتا و بالصيف ينام انتِ عكسة

رحمة _السلام عليكم

مياسين _وعليكم السلام

رحمة _الله الريحة طيبه

مناسك _تعاي اكلي

_لا عيني اني هسا راح ابدل واطلع معزومة على مطعم وي اصدقائي

مناسك _ الله وياج
خوش اكلنه خازوق منها هيه متونسه واحنه هناا الصفنه اخذت نص عمرنه

مياسين _ خليت ايدي بأيدها خلاص خلي ننساهم بعد مستحيل ننجمع بيهم ولا همه اليردونه بعد السوينا خذلناهم لازم نكون گد الفعل الفعلنااا

مناسك _ اريد ارجع ما احبة و گليلي هذااا الكلام انييي دامووووت مياسين عبالي انييي ما احبه عبالي الاسوي اله من باب الاهتمام لأن هو مهتم بينه طلعت انيي واگعه ببحب گلبه وغرررررگانه
ومحد راح يطلعنيي وراح يبقه وجع بگلبي الاخر يوم بعمريي

مياسين _ انتِ هسا اكتشفتي انييي من زمان حبيييت ضعف الي تحسين بي احس

مناسك _اني احجي وهيه تنجلد وياي
عطت بيهااا كله منج لووو بوقتهااا لازمتني

مياسين _بعددد ما يفيد اللوووو شوينه السوينا ونستاهل هذا الوجع هسااا
صار الليل ودخلت مناسك تنام بالي يمها ما دتنام زين بقيت سهرانه بالصاله ساعتين ونفتح الباب هاااا گعدتي

مناسك _ ايي اجيت يمها وتقرفصت ونمت على جتفها

مياسين _شبيج

مناسك _ تعبت وهيه تعبت عليه ادرررري اني غلطت وبعدت ليشش تجي وتعتب

مياسين _منوو التعبت

مناسك _يوميه اروح للفراش دانام حالي حال البشريه وتجيني ام سائد بالحلم تگلي اني مووو أمنتج على أبني ليشش ما صنتي الامانه
ويوم تجي لابسه اسود ويوم ابيض ويوم تضحك ويوم حزينه وترددلي هاي الجمله راااااح اتخبل

مياسين _ هلگد ما تفكرين بيهم

مناسك _ ما اريددددها تجيني بأحلامي خلاص اريددد ارتاح ولو شوي

مياسين _ تعاي نامي بحضني نيزك

مناسك _لا حضنج خايس

مياسين _بقينه نضحك ونبجي وين ما نهرب نلگه روحنه بشباكهم واگعين بحجيهم بگعدتهم
هيج خلصت الايام بدونهم
رحمة كمنه نشوفها بالگوه
تعدت ست اشهر مناسك هيه الاقوه باللغة
بس احنه هم نعرف قدمنه على الشغل گالو نختبركم ياله تمت الاختبارات
مناسك هيه الي جابت اعلى علامات
اظافه للغة الانكليزيه
وعربيتنه صارت تمام كتابه وقراءة عكس السابق ما جنه نعرف شي
الناف ننتظر منه اتصال في حال لگه شغل النه
ومناسك بهاي الفتره بقت تطلع للشارع وتحجي وي الناس و حرمت بالبيت نحجي عربي كله نرويجي بس اذا عصبت تغلط بالعربي
وترجع تغلط بالنرويجي

مناسك _ اتصلت عليه المسؤولة گالت باجر الصبح نريدج بالناف

مياسين _شغل ياله شغل

مناسك _هههههههه ياريت والله طكت روحي من البيت بقيت طول الليل اختار شنو البس لازم لبس حلو ومحترم رغم همه اخر اهتماماتهم الملابس الصبح لبست بنطرون اسود و قميص بلوزه جوزيه ام الرگبه طويله وعريضه حياكة
وكوت اسود وحجابي وطلعت دخلت للناف الاعداد مو هواي هو كل النرويج مليون و ٤٠٠ نسمه وي الاعداد الي دخلت نرويج من ٩٧ الى السنه الاني بيها ما صارو مليونين اجتي المسؤولة
گو مورن گومورن دخلت للغرفه
تتحاور وياي اني ع سريع اجاوبها
گلتلي لغتج هواي تمام احنه نحب الانسان المجتهد ونفتخر بي وانتِ سباعية همه دائماََ يشجعونه بكل مكان
انطتني عنوان گلتلي ترحين الهاي الشركة فرع التنظيف همه اكيد سابقاََ متفقين وياهم
كتلها اروح هسا ضحكت

گلتلي بكيفج وقت ما تحبين ترحين اخذته وگبل طلعت للسنتر نزلت و رحت للعنوان جانت رشكة ضخممممه جبيره حيل ولو اذكر اسمها الاغلبيه الي بأوربا يعرفوها لان بيها افرع كلت للعامل وين فرعي اشرلي ورحت دخلت الرئيس القسم رحب بيه و نمشي ونحجي
وضحلي العمل من بعد الساعه ١٢ الظهر الى ٨ بالليل عملنه جان الكبار بالعمر من بعد ما يتوفون اذا محد يريد غراضهم احنه نروح ناخذ الي نريده والي ما نريده نكسره ونذبه او مثلاََ ناس ما تريد اثاثها ولازم يفرغون الشقه هيج يسون
مباشره العمل همه حددو بعد ٥ ايام گتلهم تمام بطلعتي شفت هواي ناس الاشكال مو شگر
سمعت عرب يحجون طلعت من الشركة ورجعت للبيت فرحانه دگيت الشباك الي على صفحة الغابة و صحت المياسين ميسووووو تعاااالي

مياسين _داسويلي اكل و اسمع صَوتها بره ع سريع لبست حجابي وطلعت شنووو

_انطوووووووني شغل شغللللللل

_ههههههههه مبروك

_انيي فرحانه بنفسي اول مره بحياتي داسوي هيج فررررحانه هواي

_الله يدومها الفرحة

رحمة _هاي شكووو هرجتو المنطقة

مناسك _هرجنه الغابه قصدج

رحمة _شكووو.

_انطوني شغل

رحمة _وليشش انتِ انطوح اول احنه شنو مثلاََ هم عنصرين هذوله

مناسك _ ضاجت وعصبت

مياسين _ولا حبتلنه خيرررر

مناسك _ختولي خلينه فرحانين
بعدها بيومين عطله و رحمة طنكرت الا تجيب اصدقائها للبيت

مناسك _هذولي شنو اصدقائج بنات ولد

_خليط

مياسين _خلطوج ان شاء الله بخلاطه
يعني تجيبين ولد للبيت شنووو تخبلتي

رحمة _هذا بيتي مثل ما هو بيتجن

مياسين _لاااابيتي ولا بيتج هذا بيت الدوله وبس يجوووون اطيح حظج كدامهم وبالنزويجي هم

رحمة _اني راح اروح للناف واشتكي عليكم واخليهم ينطوني بيت وحدي

مناسك _تسوووين فضل
وبقينه يوميا حرب وي رحمة الحد ما اتصلت عليها المسؤوله مالتها وانطتها موعد مقابله
و الحمد لله مياسين هم

مناسك _اني طالعة اتصلي عليه اذا توفقتي بالمقابله وفرحيني

مياسين وين رايحة

_اليوم اول يوم دوام وما اريد اتأخر وياخذون عني نظره مو حلوه

مياسين _الله وياج ادعيلي

مناسك _الله يوفقج
لبست حذائي وطلعت للباص صعدت وگبل للسنتر
دخلت للشركة انتبهت الاغلبيه مو نراوجة
مو جنت بس اني لا جان وياي ولد برازيلي هم جاي وولد من التشيك
اني من العشره رحت الساعه ١٢ رئيس العمل سلمنه المفتاح وانطو للبرازيلي السياره وطلعنه للشقه
مناسك الجبانه رايحة وي ثنين ولد للشقه حتى يطلعون كلشي بيها
بقيت اقرا قرأن خايفه منهم
صعدنه بالمصعد همه اصلاََ ما يباوعون ولا يحجون
صعدنه للشقه التهو همه يدورون واني بقيت اباوع الاثاث يجنن ونظيف لويش ما يردون ينطو الغيرهم
بس جانت الاتفاقيه الي ما تردو ذبو من البلكونه ويجون همه يشيلو و الي تردو اي شيي اخذو ركضت اني للغرفه فتحت الجرارات اكو صندوگ فتحته فارغ اخذت بس الصندوگ جان حلو والساعة الي معلگه حلوه هم اخذتها بس والباقي بلشنه ناخذه ونذبه وهمه يحملون خلصنه الشقة كلهااا صفيناها من كلشي بيها اكو گلدون زرع بالباب والزرعه ميته اخذته ورجعنه للمقر سلم المفتاح ورجعت الساعة ٨ للبيت اذكرت مياسين ما اتصلت بس لا صار شي
اتصلت ماكو
دخلت للبيت هدوء مياسه
طلعتلي مكفشه شبيج شصايرر

_تعاركنه اني ورحمة وتضاربنه

_يااا لويش

_هيه دازيها الشغل تنقل فواكة للمدارس
واني خلوني يمج بقسم الكمبيوترات

_اي ولويش ضربتج مو لگت شغل بعد شتريد

_تگلي محظوظات اني ذبوني بتلفات الدنيا وانتن بالسنتر
كتلها على نياتكم ترزقون طفرت عليه بس والله جبتها بطراك من هذا اليبرد الگلب

مناسك _ تدرين هسا اتضحلي رحمة من جرجرتنه
مو خوفاََ علينه بس خبث ما تريدنه نبقه وي الولد

مياسين _ابووووس ايدج انييي لا كل شوووي تلجمين گلبي

مناسك _ وانتِ بأي قسم شغلوج ولويش ما اتصلت عليه

_من رحت اقابل رأساَ اخذت العنوان وطلعت للشركة اجيت ابشرج بنفسي گلولي طالعه
بقيت افتر بالشركة اني فوگاج بطابق
على الكمبيوترات و تغليف الطلبات

_اييي همزين يمي بس انتبهتي كلهم مو نراوجة

_اي وسألت ولد افغاني ليش
يگلي النراوجة ما يتحملون هذا الشغل ثگيل بس الاجانب يجون يشتغلون

_اي و الله اليوم تگطعت ايديه خطية الولد كسرو الجربايه واني بقيت اذب شوي شوي

مياسين _ تدرين واني طالعة شفت ناس تحجي عربي ما گدرت ما اسلم وأسال انتو منين طلعو فلسطين

_يا خطية الله يرزقهم

_امين يارب

مناسك _ذبيت ملابسي ودخلت اسبح
روتين يومي بس حلو من اشتغلت حسيت نفسي افضل اكو شي بهاي الحياة صارلي حلو
بس تبقه الفرحة مو كامله بسبب الي سويته

نمت ومثل كل يوم افز وهيه توصيني بأبنها
لو تعاتبني گعدت بالصاله بقيت شوي بدون ما احس على روحي نمت ما كعدت غير على صوت المنبة سديت الساعة وطفرت بدلت وطلعت
واني ادخل مقر الشركة وگفوني ثنين شباب سألوني من وين عرب
كتلهم من العراق رحبو بيه ومجدو بالنظام لان ضرب اسرا#ئيل واحنه اهلك هون لو اي اشي بتريدي نحن في الخدمة تشكرت منهم اجيت امشي گلي وين تشتغلين.
گتله قسم التنظيفات
هو جاوبني اني في قسم ارضية السجون
توقفت هنا اكو سجون
گلي لا القسم الي جوه هو تابع لترميم ارضيه سجون المدينة او السجون المدن القريبة

يتبع.....
تابعوني علي الانستا بنات منزله غش هنا 😁😁
اذا معدكم الانستا راسلوني خاص هنا ع الوتباد و ادزلكم الرابط