رواية مابغيتك بالحرام ولا بالظلام مابغيت الا أخوك ياغنى يصير خال ولدي الفصل السابع 7 - بقلم Khalek Poetess

مابغيتك بالحرام ولا بالظلام مابغيت الا أخوك ياغنى يصير خال ولدي / بقلمي؛كاملة - صفحة 2صهيب : لحظة لحظة وش قصدك املاك مشعل ؟
مشعل : مالك شغل
ضحك صهيب ب سخرية : هذا التعبان ؟
'
بعد ثلاث ايام .
خضع مشعل ل العلاج الطبيعي وبدى يقدر يمشي شوي شوي ، ليان تأقلمت واستوعبت المضووع بمساعدات من عزيز وطلبت شوفة اختها ، وغنى ماعنها اي اخبار .
'
مشعل وهو يشوف نيلوڤر طالعة من الحمام قرب بخوف : تحبيني ؟
نيلوڤر بخوف : شفيك ؟
مشعل : تحبيني ولا ماتحبيني ؟
نيلوڤر : خوفتني اي احبك
مشعل يرمي عليها شنطتها : اجل قومي معي
نيلوڤر : على وين ؟
مشعل : لو تحبيني بتوافقين تروحين معي على جهنم
سحبها مع يدها وهو يركب السيارة ويرجف خايف من الخبر يوصل ل نيلوفر وهو ماخلص الموضوع .
'
في صالة البيت
جلس صهيب بهدوء : كملت اسبوع مانعرف لها ارض من سماء
عزيز وهو فاقد الامل : حتى الشرطة عرفوا يدهم من الموضوع يقولون نبحث عن ابرة في كومة قش مافيه اي طرف خيط نقدر نمسكه نبحث فيها ندور ب نفس الدائرة على أنفسنا
صهيب بهدوء : وهم صادقيين
ملاذ وهي خانقتها العبرة : يعني كيف ؟ معد فيه غنى نقول لها باي باي ؟
صرخ نايف : اذا انتم فاقدين الامل انا مافقدت انا احلم فيها كل يوم تصرخ فيني تقول لا تخليني بموتي تحتضر وهي تناشدني تقول تراني حولك وهي جمبي ولا اقدر اوصلها والله ماخيب املها فيني زيكم " وطلع ل الحديقة بقهر وهو يجلس على الارض تعب من الكوابيس اللي كلها تتعلق ب غنى من صوتها اللي يقطع القلب وهي تناديه وترجياتها يحس فيها ولا يدري وينها اكثر شي يقهره شد على العشب وهو يقطعه بقهر مع احساسه ب العجز ".
'
انصدمت وهي تشوف وين جايبها مشعل لفت عليه بصدمة : المحكمة !
نزل مشعل وهو يأشر لها تنزل ، نزلت ب استغراب وتوجهوا ل قسم ب عقود الزواج دخلوا وعرف شخص واحد مشعل قرب وعطى مشعل الكرت وهو يبتسم : هذا موعدكم تفضلوا
سحبت يدها من مشعل بقوة : وش السالفة ؟ كاني اطرش بالزفة
مشعل بتنهيدة : نيلوفر موافقة تتزوجيني ؟
'
شافتها وهي تحط ملابسها ب الشنطة تنهدت ب آلم : مصرة تروحين وتتركيني ؟ باقية زعلانه مني عشان ماعلمتك عن اختك اللي كانت وصية ابوك ماعلمك لين يطلب اخوه اجمعكم تلمويني على رغبة ميت مالي منه الا السمع والطاعة
شادن : الظفر مايطلع من اللحم ماقدر أخلي اختي لحالها
الجدة بآلم : ب السرعه حبيتي اختك اللي من يومين وتركتي جدتك اللي عاشت حياتها تحت رجلك تدور رضاك وتجفينها صرتي ترفعين صوتك علي وتكسريني فيني بكلامك نسيتي اني ادميه احس تدفيني عن طريقك وارجع انتظرك بالليل واطمن عليك نسيتي كل شي وعاقبتني على شي مو بيدي
لفت شادن بصدمة من كلمة جدتها هي فعلا شلون نست فضايلها عليها ؟ حمتها من عمانها حمتها مايصير معها زي ماصار مع ليان وفرت لها كل شي وتعاملها كذا ؟ ياويلي من الله ، قربت تضم جدتها وحطت الجدة يدها بينهم وبهدوء : ابد روحي يابنيتي شوفي حياتك خذيتي اللي تبين الحياة الهنية والتربية الزينة والراحة وكل مالذ وطاب ويوم انشد ظهرك كسرتيني " ناظرتها ب ابتسامة مكسورة " علمته الرماية فلما اشتد رمحه رماني روحي يابنتي معد ابي منكم شي .
شادن ببُكاء : والله ماروح واخليك
الجدة : روحي ل الظفر والحلم وانا الغريبة صح ؟ خليني اموت بحسرتي كلها يومين واموت وش بقى فيني وتذكري ماسويت ب ليان كذا الا بطلب من عمك مو بكيفي
وطلعت وطاحت شادن على سريرها تبكي من الحرة وشلون طاوعها قلبها وشلون ؟
'
نيلوفر بعصبية : وش ناقصيني ساحبني بالسر والخفاء وبتتزوجني بدون محد يدري ليه ؟
مشعل بتعب : والله خايف افقدك والله انا خايف تشرق شمس بكرة وانتي مو معي ان هبطت طائرة السعودية على اراضي نيويورك اليوم انتي بتروحين من يدي
خافت نيلوڤر من كلامه سكتت تفكر هي ماتقوى بدونها شهر وهو في غيبوبة عاشت ب هم ماذاقته قبل بحياتها كيف لو خلاها ، بتردد : طيب واصحابي ليش مايدرون ؟
مشعل : مافيه وقت بعدين حزينين على غنى بيرفضون 100 مرة انا نملك " شد على يدها " تكفين خلينا نعيش حياتنا لو مرة مابقى بالعمر كثر مامضى .
خطت رجلها داخل القاعة ل تصبح حرم " مشعل الوليد ".
'
عزيز بتفكير : مو قالت انا قريبة منكم ؟ يمكن ب الدور الثالث مو هي مرة شافت واحد يدخله ويوم شافها هرب يمكن المجهول الثاني
صهيب نقز : صحيح بس شلون ندخله ؟
دخل من برا وكان سامع كلامهم رمى عليهم مفاتيح الدور الثالث بهدوء : يالله تفضلوا
لفوا بصدمة : انت لك الدور ؟
مشعل بسخرية : اي انا من بيكون غيري ؟ تشكون فيني تفضلوا ياعُمري انت وياها
سحب صهيب المفتاح وصعد وكلهم وراه الا مشعل اللي جلس بالدور الثاني ينتظرهم ينزلون .
ناظر نيلوڤر اللي ناظرتهم بخوف هي ماتدري سوت الصح ولا الغلط ؟ بس محد له حق يلومها لان هذي حياتها وبس !
'
ملاذ وهي تنزل بخيبة : مالقينا شي
مشعل وهو يتفرج على التلفزيون : الثقة العمياء ياحبايب قلبي مشكلة
نايف يقرب منه بعصبية : وش تقصد ؟
مشعل بابتسامة : فتح عيونك زين زين زين وبتلقى كل شي واضح
عزيز : شوف سالفة الالغاز وحياة واوامر من مجهول تعبنا كرهنا حياتنا شفنا الويل منكم ! ريحونا وقلنا وش تبي فينا ؟
مشعل : انا وعدتكم بعلمكم كل شي بس لين تجيبون لي غنى اللعبه ماتكتمل بدون احدى اطرافها
رن جواله رد وهو يعدل جلسته : هاه بشر ؟ ، حلو تمام يعطيكم العافية زي ماتفقنا ، مع السلامة .
صهيب بعصبية : اقسم بالله انك تدري عن غنى
مشعل ابتسم باستفزاز : انا مشعل بن الوليد مو حيا الله اغرقك واطلعك ناشف " مشى وهو يدنن بطمأنية وهو يهمس باذن نيلوفر " زوجك مغرور وش نسوي ؟
ابتسمت غصب .
'
في بيت الجدة .
ابتسمت شادن وهي تشوف ليان ترتب اغراضها في غرفتها بعد ماقنعتها تجي تعيش معها ب بيت جدتها ، ماراح يخسرون شي واستغربت من سرعة موافقة ليان
شادن : بسالك ليان بس لا تفهميني غلط ليش وافقتي تجين تسكنين عندي ؟
ليان : لاني مشتاقة ل اجواء العائلة ، الحياة قصيرة مافينا نقضيها هم وزعل على غيرنا خلاص لهم رب يعاقبهم هذي حياتنا من حقنا نعيشها طول ب عرض ونستانس
شادن : اول مرة تصيرين حكيمة
رمتها ليان ب تيشيرتها وهي تضحك
'
صحى من النوم متكسر شاف الساعة 7 ونص الصباح ، تمدد وهو ياخذ جواله ويطلع لهم ب الصالة شافهم يفطرون .
نايف : صهيب ماخذ شاحن امس وينه ؟
صهيب : راميه ب غرفتي رح دوره لين تلقاه
نايف يناظره ب طرف عين : يالوصخ " دخل غرفته وهو جاهل ابتسامة مشعل "
نايف : يع يع وش هالمزبلة كلها اوراق ماشاف غرفتي يدخل الكأس يطلع بعد سبع شهور على الاقل اكل اهون من اوراق الحين وش بلقاه ؟ جلس على الارض يتحسسها يدور شاحنه بين هالزحمة ابتسم وهو يمسك سلك الشاحن اللي كان طلع نصه ونصه تحت السرير سحبه واستغرب عالق رفع المفرش وهو ينزل براسه يطل صرخ صرخة سمعها اخر الدنيا من قوتها ، انتفضوا من صرخته ودخلوا يركضون شافوه بالزاوية واقف وهو يرجف وشفايفه زرق ووجهه اسود وعيونه حمر ويعض اصابعه من هول اللي شافه
عزيز بخوف على حاله : بسم الله على قلبك اذكر الله وش فيك ؟
قرب مشعل وهو يقرأ عليه المعوذات ويضمه ويستودعه الله وبدى يهدى شوي شوي ويبكي بحضن مشعل .
ملاذ بخوف وهي تبكي من شكل نايف المخيف : وش فيك تكفى انطق
نايف يالله الحكي يطلع منه وهو متشبت ب تيشيرت مشعل : غ غ ن ن ى
كلهم بصوت واحد : شفيها ؟
صرخ بألم والمشهد ينعاد عليه ويأشر تحت السرير : هنا
كلهم باستثناء صهيب : نعم ؟
نقز عزيز وهو يدف السرير من قلب طاح على رجله وهو يشوف غنى اشبه ب الجثة عيونها شبه مفتحة وفمها ازرق ومخيط 3 غرز وملابسها ب حالة يرثى لها ووسخة وكلها ضرب وتكفيخ وجسمها مورم وتسبح ب دمها والدم جامد وله ريحة كريهه وكان له فترة طويلة
صرخوا ملاذ ونيلوفر من الروعة ضمهم مشعل وهم يخفون وجيهم ب حضنه من هول اللي يشوفونه كان حالها اشبه ب افلام الرعب يصعب على الكافر يشوف حالها وكلهم متاكدين 100٪‏ انها ميته مستحيل هذا انسانه عايشة .
سحب مشعل ملاذ ونيلوفر ونايف وداهم غرفة نايف وقفل عليهم ودق على سلطان يجي بسرعه ، صعد سلطان اللي كان اساسا تحت يبي يحاكي مشعل .

مشعل : لازم احد يجلس معهم حالتهم مو طبيعيه
سلطان : مالنا الا عزيز
مشعل : صحيح هو اقواهم انا باخذ صهيب وانت عليك الباقي
سلطان : لا توصي حريص " ودخل الغرفة "
دخل مشعل وقرب عند صهيب اللي كان طايح على ركبه بصدمة ودموعه بعيونه : والله ماذبحتها بس ضربتها شوي
مشعل مقدر حالته : طيب تعال معي
صهيب ب بكاء : لا توديني زيهم مابي اروح هناك والله يضربوني
مشعل بنفسه : حسبي الله على من كان السبب الله يغفر لك يابوي ذنب هالولد " ابتسم " طيب حبيبي انا بوديك بيتي فوق ماتبي ؟
صهيب صعد معه وهو بدون روح مصدوم من نفسه كيف يسوي كذا ؟
'
دخل مشعل غرفة صهيب وهو كبده تقلب من اللي يشوفه بس مجبور يصمد شوي .
سلطان : الشرطة لازم يصير عندها خبر
مشعل بهدوء : ان طلبنا الاسعاف بيكبر الموضوع بيوصل ل سجن صهيب 10 سنين
سلطان بعصبية : جزاه واقل من جزاه بعد والله ل اطلع حق بنت اختي من عيونه ، انا ماصدقت القاها ابي اشبع منها يحرمني منها
مشعل يناظرها باستحقار وهو يكلم رجاله يدخلون الطاقم الطبي الخاصيين ب مشعل ويسعفون غنى ب البيت بدون مايطلعونها
سلطان : صاحي انت ؟ مستحيل ينفع تتداوى بالبيت لازم مستشفى
مشعل بهدوء : ومن قال ماوديتها ؟
سلطان بصدمة : شلون يعني ؟
'
في دور مشعل .
يضرب راسه ب الجدار وهو ب صراع بينه وبين نفسه : كيف تسوي كذا ب حبيبتك يامجنون ؟ غنى لو تموت انت تلحقاها غرتك العزة ب الاثم هي ماتت ومو مسامحتك كيف بتعيش بتتعذب روحك طول حياتك
دخل يده بشعره وهو يصرخ وقطع شعره ب تعذيب وعنف .
'
بعد 3 ساعات
رئيس الطاقم وهو يفصخ القفازات : عقمنا الجروح وخيطنا اللي يحتاج خياطة وضمدنا رأسها وننتظرها تبدئ تصحصح عشان نتأكد اكثر حد الحين واحنا متأكدين هي مو ب وعيها " سكت بتردد "
سلطان ب فرحه : يارب اهم شي حية هذا اكبر نعمة " استوعب شكل الدكتور " وش صاير ؟
الدكتور : باين انها مضروبه ب منطقة حساسة بالرأس اكثر من مرة وممكن اثرت على الخلايا الدماغ وعشان نكون واضحين ممكن تتوفى هالخلايا وتسبب شي خايفين منه " الموت دماغيا " تعيش تحت الاجهزة يعني الموت ارحم لها وهي جلست اسبوع فاقده الوعي تصحى بدون اسعافات اولية وبدون اكل وشرب ممكن يسبب الشلل
صرخ عزيز بغبنة وهو يضرب صدره : الله لا يوفقك ياصهيب جعلني ابشر فيك ب ضعف اللي قاعده تعانيه يارب
مشعل يقرب منه بخوف : ياعزيز انت الوحيد اللي محتاجك معي لا تضعف تكفى ، كلن بياخذ جزاه والله العظيم ماخلي احد يتلذذ بعذابها
عزيز بقهر : في ذمتك ماتخلي حقها يروح هبًا منثورا
مشعل : اقسم بالله ماكون رجال ان خليت حقها يروح ثق فيني طلبتك انا محتاجكم قويين
بعد عن عزيز وهو يسمع صراخ غنى ، قرب منهم : وش صاير ؟
غنى وهي خانقتها العبرة وتصارخ : ماقدر امشي ماقدر رجلي ماحس فيها انا وش فيني وش سويتوا فيني
تغير وجهه الدكتور : هذا اللي كنا خايفين منه انقطاع الاوكسجين لمدة طويلة ومناعتها ضعيفة خطير ، الله يرفع عنها " خذ الطاقم وطلعوا "
غنى تناظر مشعل وهي ترجف : خلتوني كذا صح ؟ مارتحتوا لين انشلت رجولي صح
مشعل قرب بهدوء وهو يضمها : والله ل اوديك اخر الدنيا ماراح تضلين طول حياتك كذا
غنى وهي ترجف وبصراخ : الله لا يسامحكم لا دنيا ولا اخرة ياليتني مت ولا ذقت ه المر
ماتحمل سلطان منظرها قام وهو يركض ل المكان المحبوس فيه صهيب يبي يذبحه وياخذ ب ثأر بنت اخته ويبرد حرتها ، وقفوه رجال مشعل اللي كانوا واقفين عند الباب اللي حاجب عنهم صهيب اللي كان يسكر اذنه بقوة يمنع صراخ غنى يعذبه وهو يبكي .
'
بعد 8 ايام .
وقف يتأملهم وهو جالسين يقنعون غنى تأكل وهي بكرسيها المتحرك ساكته بهدوء من يوم صار اللي صار وهي ماتكلم احد وعيونها ب الارض ماتناظرهم وكانها تعاقب صهيب ب سكوتها اللي كان يموت ب اليوم الفين مرة .
مشعل قرب بهدوء : خلاص مو لازم تاكل الاكل قدامه متى مابغت بتشهتي خلوها على راحتها
نايف : مستوعب انت شتقول ؟ بتموت علينا
مشعل : محد يموت قبل يومه
صهيب قرب بعصبية : انطم ولا تتجرأ تتفاؤل عليها ب الموت
رفعت عيونها ل اول مرة من صار الحادث قربت ب كرسيها المتحرك ل صهيب وتفلت بوجهه وضغطت الاصنيصر وصعدت فوق
ماقد يكبت مشعل ضحكته اقدر مات من الضحك ووجهه صهيب طايح من الفشلة حتى ماله وجهه يرد .
لحقها مشعل فوق وشافها داخله جناحه ابتسم ودخل : وش تسوين ؟
غنى بهدوء وهي ماسكة جواله : بكلم سلطان
مشعل يجلس على التسريحة : وش تبين فيه ؟
غنى : خالي ومكفول فيني بروح معه مابي اعيش مع ناس غُرب اكثر ناس موتني بالامس واليوم ينافقون ب انهم خايفين علي
مشعل بهدوء : كم بتجلسين عنده ؟
غنى : سنة سنتين ثلاث سنين ويمكن ل الابد مابي شي يربطني فيكم من جديد
مشعل يأخذ الجوال من يدها : اذا انتي تقوين على البُعد انا اموت والله
انضرب الباب بهدوء دخلت نيلوڤر : يبونك تحت
هز راسه وخذ عربية غنى بينزلها
غنى بحدة : اتركني اعرف انزل ب نفسي " ونزلت ب الاصنصير "
ناظر نيلوفر بيأس : من صار اللي صار ونفسيتها تعبانة
نيلوفر وهي تنزل : الله يلوم اللي يلومها
نزلوا ل الشباب تحت ووصلت معهم غنى
عزيز : انت وعدتنا اذا صحت غنى بالسلامة تعلمنا احنا وش بلانا معك
مشعل بهدوء وهو يحسم النهاية : مستعدين كلكم تسمعون الحقيقة ؟ ماراح انطق لين الكل يوافق
الكل باستثناء غنى : اي .
غنى ببرود : بس انا مابي اسمع
لفوا عليها بصدمة ماصدمهم رفضها كثر ماصدمهم صوتها اسبوعين فاقدينها وحشوهم كثير
نايف : مو هذا اللي كنتي تبينه ؟ تنكشف الحقيقة ونرتاح
غنى : اذا ارتحت انت غيرك يتعذب " سكتت شوي " ومافيه شي بدون مقابل
صهيب بحب : لو تبيني عيونك عطيتك مو عشان الحقيقة عشانك انتي
حطت عينها ب عينه اجبرته يخضع ل عيونها حركت حُبها العظيم ب قلبه : ساعد نفسك
ناظرها باستغراب جاهل معنى جملتها ؟
مشعل : قصدها اطرد صهيب الشرير من نفسك تعالج ورجع صهيب الرجال اللي يفتخر فيه قبل المرض
صهيب بهسترية من كرهه ل مرضه : علمتوهم ؟ اكرهك " ضرب صدره بالجدار " انا مو مريض مو مريض مابي يطقوني مابي يحرقوني
قرب مشعل بهدوء يطمنه : ماراح يصير اي شي من اللي تقوله انا بكون معك خطوة ب خطوة بس ساعدني وساعد نفسك تبي ينعاد اللي صار مع غنى مع اي شخص ثاني ؟
صهيب يسكر اذنه ويجلس على الارض : لا انا مو شرير والله هو مو انا انا ماسوي كذا اكرهه
قربت ب عربياتها منها ب حنان وهو تمسح على شعرها : تبي ارجع امشي على رجلي ؟ تبي ناسس حياة حلوة تبي نكشف سرنا ونرتاح تعالج وانا تعالج احنا نستاهل حياة افضل
صهيب : لا كذابة بعدين تتركيني تخافين مني
غنى : اذا تعالجت ماراح اخاف منك " همست ب اذنه ويدها ب يده " ابي عيالي يقبلون على الدنيا وابوهم ب خير ابي احطهم ب حضنك وانا متطمنة
ابتسم صهيب وبدا يستجيب ل طلب مشعل بعلاجه : بس لا تخلوني لحالي ؟
مشعل بابتسامة : محد راح يخليك يالله مشينا .
قام صهيب ب سعاده من كلام غنى المعنوي وطلعوا سوا ل مستشفى " العلاج النفسي ".
ملاذ بصدمة : وش صاير ؟ كانا اطرش بالزفة
غنى بتنهيدة : صهيب مريض ب انفصام الشخصية
صرخوا : كيف!
دخل عليهم سلطان وهو مستغرب اندماجهم التام مع غنى .
غنى : ابتدئ المرض من كان صغير بسبب الفقر والتشرد وعلاجه رجال خير لان كان سهل ب بداية المرض بس يحتاج ادوية ضد الاكتئاب عشان اغلب اللي نفس حالته يفكرون ب الانتحار ، تشافى وكان فيه نسبة 40٪‏ يرجع له لانه ماخضع ل علاج نفسي وضروري الدافع النفسي وسببه الاول " الاسرة " لازم يكونون حوله وهو مقطوع من شجرة كبر وهو فيه هوس خوف من المرض لما حبني حبني بكل شخصيته الثنتين صهيب الانسان الصافي وصهيب الانتقامي كل واحد فيهم طمعان فيني بدا الانتقام يسيطر عليه ويخضع ل المرض مره ثانية قبل مايصير حادث مشعل انتبهت عليه بس ماقدرت استنتج لان مالي خبرة ب المجال
قاطعتها نيلوفر : كيف خضع ل المرض مره ثانية بيوم وليلة لما حبك رجع ؟
غنى : طبعا لا لكن لما صديته ورفضته كان ضعيف سمح ل نفسه بالانهزام والتفكير ب الادمان والانتحار وكانت ذكريات طفولته تحاصره كلها ساعدت انه يخصع ل المرض مرة ثانية
سلطان باستغراب : وش اللي لاحظتيه من تصرفاته ؟
غنى : كان يهلوس كنت اشوفه يضحك ويسولف بس ماعنده احد كان يتخيل اشخاص بسبب المرض ، كنت جالسة معه مره وقام وهو يقول طيب جيت انصدمت قلت ايش ؟ قال ماتسمعين نايف يناديني وكان نايف ب الجامعة اساسا سكت وحاولت استنتج قد ماقدر وانتبه ل حركاته
سلطان بتفكير : حتى لما سالناه انت سويت كذا ب غنى ؟ كان يبكي وصراع بينه وبين نفسه كان يهزم شخصيته الانتقاميه ويعترف ب جريمته وبعد شوي تتنصر الشخصية الانتقامية ويقعد يبرئ نفسه من الذنب
حط عزيز يده على راسه وهو يجلس بصدمة : وش كنا عنه كل هالفترة ؟ ليش مالاحظناه ؟
جت بتتكلم غنى وقاطعها سلطان : خلاص يكفي كثير عليهم كل هذا يالله مشينا ترتاحين معي وبعد يومين تجي تسلمين عليهم
غنى بهدوء تقوم من الكرسي وهي تلبس شنطتها من الكنب ، صرخوا كلهم بصدمة وملاذ اللي غمضت عيونها من هول اللي تشوفه
غنى : خير وجع فجعتوني
عزيز : انت اللي فجعتينا والله وين اللي منشلة رجلها ؟
غنى تناظره بطرف عين : بسم الله علي
نايف يفرك عيونه بتكذيب ل اللي يشوفه : غنى ترا راسي ملنحس تكفينا ريحنا وش السالفة ؟
غنى : كانت قرصة اذن ل صهيب وبنفس الوقت دافع يخليه يتعالج عشاني لان وعدته المثل ب المثل
نيلوفر : مو انقطع الاوكسجين عنك كيف باقي كل شي فيك سليم ؟
غنى : لما انخطفت لحقني مشعل وسوينا هذي الخطة بسيطة ، كانوا رجال مشعل يراقبون صهيب شافوني ب غرفته لما خطفني كان كل يوم يجيني مشعل لما يطلع صهيب بس بدون مايمسح الآثار عشان مايشك ويسعفني والطاقم اللي جاء من طرف مشعل محفظهم الكلام وانا سويت المسرحية اني انشليت ابي ابرد حرتي فيه الالم اللي حسيت فيه ماكان شوي " تكلمت ب الم " انا انكسر عندي الحوض وانكسر كتفي اليسار ولولا مشعل بعد الله كان انا انشليت بعد كان لازم يتعاقب بتأنيب الضمير زي ماعذبني
سلطام خايف على نفسيتها ضمها من على جمب : خلاص حبيبي مشيناا يالله
غنى سندت راسها على صدر سلطان ودموعها على خدها : قاعده اموت ومحد يحس فيني تعبت اكتم تعبت .
سلطان يبوس راسها : والله لا اعوضك ياعين سلطان
ركبوا السيارة وهو عازم النية ، اتصل على مشعل .
'
صحت ليان من النوم وهي تتمغط دورت شادن استغربت مالقتها جمبها .
ليان بصدمة : لا يكون نزلت من دوني تفطر الخاينة ؟ " نزلت تركض وهي تصارخ باسم شادن شافتها على طاولة الفطور تفطر وهي تضحك والجدة تبتسم ، تخصرت بعصبية " خير اكل من دوني ؟
شادن تضحك : والله توني انزل الحين
ليان بنظرات شرانية تناظرها : جعله مايحدر " باست راس جدتها " وانتي ياحلوة هنت عليك مخليتني نايمة وانتم تاكلون ؟
الجدة تضحك : اللي يسمعك يقول الاكل يطير الحمدالله النعمة موجودة
ليان : حتى ولو انتي تعرفين ماحب يفوتني اكل
شادن : مدري وين يروح الاكل ذا اللي تاكلينه انا من الريحة بس اسمن
ابتسمت الجدة وهي تكمل فطورها على ليان وشادن اللي عطوا البيت روح ب هواشهم وضحكهم ومحبتهم وليان كيف تقبلتهم وصارت كانها تعرفهم من زمن .
'
غنى باستغراب : وين بروح ؟
ابتسم سلطان : بترجعين ل ديرتك ، ديرة العز والسلام ديرة ابو فهد
غنى بصدمة : بنروح السعودية ؟
سلطان : ايه بتسلمين على خوالك وبترجعين
غنى ضمت يدها بخوف : بس مدري
سلطان يضغط على يدها : لا تخافين الكل يبيك متشوق لك وانا معك بتحبينهم والله
غنى : بس كذا بنمشي الحين ؟
سلطان : لا طبعًا مالقيت حجز الا بعد 6 ساعات والحين برجعك تسلمين على الشباب لان مشعل رفض تروحين بدون مايودعك
ابتسمت براحة وهي تسمع كلامه .
'
في بيت الشباب .
دخلت غنى بصدمة من الصراخ اللي واصل الشارع
صرخ عزيز بقهر ودموعه بعينه : كيف تأخذها مني كيف ؟
مشعل بعصبية : استح على وجهك وش اخذها منك هي زوجتي ب الحلال بعدين من سمح لك تدخل غرفتي
عزيز بسخرية وهو يبكي : ليه خايف اشوف عقد زواجكم يالمحترم
مشعل يمسك اعصابه : شف ياعزيز انا ساكت لاني احبك واغليك ولا ابيك تنجرح مني فرجاءً طس عني لا تطلع شياطيني
عزيز يصرخ وعروقه بانت من الحرة : انت كيف تتجرأ تتزوجها وانت تدري اني اموت ب هواها
مشعل بصراخ وهو يكسر الطاولة اللي قدامه : ترا اللي تتكلم عنها زوجتي انقلع لا اذبحك
سلطان يسحب مشعل لبرا لا يذبح عزيز ، وغمزت غنى لنيلوفر تصعد فوق ، ضرب عزيز المرايا الكبيرة بيدها وهو يصارخ بضيقة : الله ياخذني وش لقيت من هالدنيا ؟ بحياتي ماطمعت ب احد بحياتي كثر ماحبيتها وطمعت فيها اول مرة احب لما حبيتها مالي سند مالي اهل مالي اب ولا ام ولا اخت اول مرة اجرب شعور الحب معها عايش حياتي لحالي لا اصدقاء لا احد بس انا 23 سنة قضيتها مع نفسي لما طلعت على الدنيا نطق هالقلب باسم نيلوفر وياخذها هالخسيس مني
غنى بهدوء : نايف
لف عليها بحزن على حال عزيز : هلا
غنى : خذ اخوك محد بيكون احن عليه منك هالفترة
نايف : انا وانتي واحد
غنى : لا فيه فرق بين اخوك الاصل وبين اخو الدنيا
نايف بصدمة : كيف يعني ؟
عزيز بصدمة ودموعه على خده : ترا اللي فيني مكفيني لا تزودين علتي
غنى : والله العظيم انتم اخوان من البطن طلعتوا انتم تؤام ، عن اذنكم خالي ينتظرني برا .
وطلعت مافيها حيل بعد اللي شافته تجلس ب البيت اكثر طلعت وهي ناوية تخطؤ الخطوة الجاية وتروح ل السعودية روحة بلا رجعة .
سلطان استغرب يوم شافها : ماراح تجلسين معهم ؟
قربت منه بهمس عشان مايسمعها مشعل : لا ودني ل صهيب بعدين نمشي
سلطان : زين يابابا يالله انتظرني بالسيارة " لف على مشعل " انتبه لا تتهور
مشعل بسخرية : تذكر لما كنت اقول اخاف على عزيز من الدنيا ؟ هذا اللي كنت اقصده زواجي من نيلوفر هو حلمه وانا سلبته منه بس والله ماسلبته بكيفي " ضغط على راسه " هي من محارمه كيف يتزوجها؟
سلطان : لا تتهور وتقوله اصبر لين يشفى صهيب وبعدها يحلها ربك .
ركب سيارته وتوجهه ل المستشفى .
'
كان جالس بخوف وهو يتفرج على الغرفة البيضاء كان من كلام الرجل اللي يساعده يخوف من المستشفى وانرسخت الفكرة ب باله خاف ان هالشيء يأثر على العلاج
الدكتور بابتسامة : اذا كنت متعاون باذن الله خلال 6 شهور وانت مافيك الا العافية
صهيب بفرحة : صدق ؟
الدكتور : اي والله وهذاني سعودي جاي خصيصًا عشانك
انطق الباب وطلت براسها الممرضة : يوجد زائر لدى صهيب
ابتسم الدكتور : مابعد كملت 24 ساعة وزيارات يالله انا استأذن
طلع الدكتور ودخلت غنى وفز صهيب بفرح
قربت غنى بهدوء : بروح السعودية بنام بحضن اهلي بشم فيهم ريحة امي بتنفس هواء ديرتي بشوف ناس من اصلي وفصلي باكل وبشرب مع ناس يربطني فيهم الدم
صهيب ضغط على يدها : ارجعي لي لا تخليني والله اموت
غنى : ‏ومشيت من غير ما اوجعك او ارد لك نفس الالم وبقيت احبك نصفي رضاء ونصفي قهر
صهيب بخوف : اخاف ماقوى على بُعدك اخاف الدنيا تشقيني اخاف اتعذب بحسرتي ولا القى لي صدر ابكي عليه
مسحت على راسه بحنية : ‏بشيل الحمل لو تشكي بكون الأم وإنت بالحُضن ابني
باس يدها وعيونه تشع ب الأمل من كلامها المُحفز ابتسمت له وطلعت ل المطار ، كانوا متأخرين ل الاسف ويالله لحقوا وركبوا بسرعة القت نظرة اخيرة على المدينة وهي تودع نيويورك اللي ضمتها 23 سنة ب احضانها شهدت على كل لحظة ضيم عاشتها كانت ظهرها بغربتها واخيرًا راحت تتجرد من هالغربة اذا ضمتها ديار المملكة الحبيبة .
بعد 12 ساعة .
صحت سلطان تخبره بانهم هبطوا طول الرحلة ماقدرت تنام خايفة من الخطوة الجديدة اللي اقبلت عليها بقوة واصرار ومافكرت بعواقبها ب 12 ساعة رسمت احداث لقاءها الأول مع خوالها بيحبونها؟بيكرهونها؟ نزلت وكان ب استقبالهم خالهم محمد ابتسمت وهي تبوس راسه وهو يهلي ويرحب فيها
محمد بفرحة : تو مانورت الرياض ب قدوم بنت الغالية جعلها بالجنة اشرقت شمسها وامطرت سماها وانبت ارضها
سلطان : العقل وش فيك يارجال قلبت شاعر ؟
محمد : من شوفة الغالية مابقى فيني عقل