رواية مباراة انتقام "كامله" الفصل السادس والعشرون 26 - بقلم Eman Hemdan

هل يظن هكذا أنه يعاقبني ، لماذا فعل ذلك لن أسمح له أن يرحل هكذا
بسهولة مازلت لم أعاقبه على كسر يدي حتى ، وفجأه يظهر  ورنا وهي تسنده
تحت أنظار والدها و والدتها  ، نظر له والده بلوم ، فهم علموا أنه ليس من كان يلعب
بسبب صراخ ندى الذي إفتعلته بعد إصابة فارس، الجميع علم ذلك .

خرج الطبيب ، ركضت ندى ناحيته والجميع لحق بها ، قالت ندى بخوف
-هو كويس عامل إيه حالته دلوقتي . 
أجابها الطبيب : 
- إطمنوا  الرصاصه جت في الكتف مش حاجة خطيرة
قالت ندى بتساؤل :
-يعني الحركة مش غلط عليه ؟
أعاد حديثه مرة آخرى :
-بقولك في الكتف متقلقيش
قالت ندى بجدية :
-يعني لو ضربته هيبقي خطر عليه ؟
نظر  الطبيب للباقي بدهشة ،إنفجر الباقي في موجه من الضحك،  ويرحل الطبيب وهو يقول :
-لا مش خطر بس إضربي في أي مكان معدا الكتف .
دلفت ندى غرفة فارس ، وجدته نائم فقالت وهي تقترب منه :
-فارس أنا أسفه كل إلي حصل كان بسببي ، لو مأصرتش إني اكمل مكنش حصل ليك حاجة ، بس متقلقش إصابتك خفيفه
أمسكت يده بإحكام قائلة :
-عوزاك تقوم بسرعة عشان أعرف أخد حقي منك كويس
فتح فارس عينيه لينظر لها ، ثم يقول بسخرية :
-على فكرة الكلام مبيبقاش كده ، المفروض كلامك يكون دافع عشان أصحى .

نظرت له ندي بغل وقالت :
-طب بطل تتفرج على أفلام هندي كتير هتلحس نفوخك، وكمان أنا مليش في شغل المحن بتاع الروايات والأفلام ، وبرضو مش هسيب حقي.
نظر فارس لذراعه وذراعها فالإثنين كانوا بالجبس  ، قال:
- واضح إننا هنفضل في جبس على طول بكلامك دا .
وصل صوت ضحكات من خلفهم ، ذهبت ندى إلي أبيها ثم جلست أمامة وقالت
-مش قولتلك هنكسب .
نظر لها بعتاب وفخر :
-مع إني زعلان عشان خبيتي عني ، بس من النهاردة، هتعيشي حلمك وهتلعبي كاراتيه
بس في مكانك الصح مش بلبس أخوكي .
ضمته ندة بشده وهي تبكي ، فقال فارس بتذمر ، فمن المفترض المشهد يكون من نصيبه :
-على أساس إنك ملكيش في الجو دا، ثم بعد إذنك يا خالي ، أنا عاوز أتجوز بنتك ، وعارف إنك موافق   فيلا نقرأ .
نظرت له ندى بحقد وقالت  : 
-دانا الي هفتح دماغك دلوقتي أنا أصلاً مش موافقة .
إقتحم توفيق الغرفة وهو يصيح بغضب :
-أنت فاكر يا منصور إنك كسبت أنا الي كسبت ومش هتاخد إبني مني أنا إلي فوزت
أنت قاعد على كرسي وأنا على رجلي ، أنت مشلول وأنا إلي عملت فيك كده وأناإلي هدمركوا كلكوا انت وأبنك وبنتك ، هقتلكو زي ما قتلت نورا وعماد
وهكسب ، عشان أنا الكسبان ، أنا إلي كسبت .
ظل توفيق يقهقه بشكل غير طبيعي ، فجاءت الممرضة مع بعض رجال الأمن وحقنوه بمخدر حتى لا ياذي أحد أو نفسه ، وتم ترحيله لمشفي للأمراض العقلية

جلست ندى بجوار فارس وهي تمسك يده ونظر لها بحزن و قال محاولة نسيان الماضي :
-أعتبر كده إنك موافقة
نظرت له ندى بإبتسامة حزينة لأجله ، ثم أومئت برأسها ، فقال بسخط :
-ما كان ابوكي هنا منطقتيش ليه وقتها ، كان زمنا ملمومين دلوقتي
دفعته ندى من كتفه المصابة فتأوه بألم ، فقالت بمرح :
- هتفضل فصيل
قال بغيظ ثم تسأل بهمس :
-أنا برضو ، مقولتليش بتحبيني ؟
لتمسك قلم وتخط
" لقد ربحت عشقي في مباراة إنتقام "
أحتضنها  فارس بيده السليمة وهو يقول :
- معدتش هيكون للكره والإنتقام مكان في حياتنا ، وهفضل أحاول أكسب
حبك أكتر لكن في مباراة عشقنا  .

تمت بحمد لله

رواية مباراة إنتقام
إيمان حمدان

البيدج للكاتبة إيمان حمدان بأسم
(قصص وروايات بقلمي إيمان حمدان )
وجروب (قصص وروايات إيمان حمدان)
الأعمال السابقة
جحيم الإنتقام
وكان للحب بقية
شلة مجانين قصف جبهه
عقار الافاعي
خلف قناع الخوف
أريده رجلًا
عشقت روح
مباراة إنتقام
بينهما ذكري ( الجزء مرتبط ب جحيم الإنتقام وشلة مجانين و مباراة إنتقام)
مشتركة في كتاب( لا سرمدية للأقدار )
و (كتاب ما بين الغفوات )
و كتاب (على ثرى الوطن )
تتوفر الروايات على جروب الفيس الخاص
قصص وروايات إيمان حمدان
وعلى صفحة الخاصة بالوتباد
وpdf