رواية مجرد حاله.. الفصل السابع 7 - بقلم Shaimaa Gonna

  الفصل السابع:-
_________
مجرد حاله))روايه
___________
بقلمي/وعد يحيي البكري:-
_______________________
جلس انس في كافيتريه الجامعه في صباح اليوم التالي كان من الواضح علي ملامحه الضيق الشديد و التوتر
شعر بأحدهم يجر المقعد الذي امامه و يجلس فرفع عيناه ليجدها فرح بابتسامتها البريئه الواسعه:-
-صباح الخير
تنهد وهو يجيبها ببرود:-ازيك يا فرح؟
نظرت له بتعجب وقالت بمرح:-ما تقوم تقتلني احسن مالك ده انا حتي مشفتكش من امبارح الصبح!
قال انس بعصبيه:-امال مين الي نورني في بيتي بليل
صمتت فرح قليلا ثم قالت ببطئ:-ايه؟هو انا جيتلك امبارح؟
استوعب انس مسرعا انها نست ما حدث البته فقال مسرعا بارتباك:-لا لا ا...ا...لا
-لا بالله عليك يا باسم لتفهمني انا اكيد جتلك و ...جتلي الحاله صح؟
تضايق كثيرا انها تقول باسم رغم كل شئ الا انه اشاح بتفكيره بعيدا وهو يقول:-لا يا فرح لا و الله
صمتت مصدقه اياه ثم قالت:-بس قلي هو الكلام الي انا سمعته ده صحيح ولا ايه؟
انس:-كلام ايه؟
فرح بابتسامه ملائكيه:-هتتقدملي؟
نظر حوله بارتباك ثم قال:-هه؟اه
صفقت فرح بسعاده:-انا بحبك اوي
انس:-شكرا
عقدت حاجبيها بضيق:-انت مالك النهارده؟
تنهد وهو يقول:-مليش....انا قايم
قالت وهي تقف:-اجي معا..
انس:-لا!
قالها بعصبيه شديده فنظرت له باستفهام
قال محاولا ان يبدو طبيعيا:-هروح اقف مع شله ولاد و كده
فرح:-ممم..
شردت فرح بحزن شديد و التمعت عيناها بببريق الدموع...
((محدش هيحس بيا و لا حتي انت يا باسم..اه لو تعرفوا احساس البني ادم و هو بيسأل الناس انا عملت ايه امبارح....اه لو تعرفوا احساس البني ادم و الناس بتحكيلو عن الي عمله و هو بيسمع مش مصدق..اه لو تعرفوا احساس البني ادم لما ينسي الاشخاص الي قدامه و يعدوا يفكروه اه لو...))
...:-روحتي لحد فين؟
انتبهت فرح و قد شعرت ان الدموع خانتها و تساقطت ع وجنتيها الموردتين فرفعت اصابعها النحيفه تمسحهم و هي تنظر للذي امتثل امامها
فرح:-هه؟
عادل باسما:-روحتي لحد فين؟
قالت فرح بهدوء:-هههه لا دي شويه افكار
جلس عادل وهو يقول:-خير يعني حبيب القلب سايبك ليه؟
تضايقت فرح من طريقته وقالت بكبر:-مرضاش اني اقف مع ولاد و مشي يقف شويه معاهم لوحده كلها ربع ساعه و هيخدني ع المحاضره
ضحك عادل وهو يهز كتفيه قائلا:-انس واقف هناك مع ياسمين علفكره
فرح بغيره:-ليه؟؟
عادل:-معرفش....اكيد كلام خاص بدل وزعك
فرح:-اهدي شويه يا عادل كده او كده هو هيتقدملي و خد معاد من اخويا
عادل بدهشه:-ده مش بيلعب بقه؟
فرح:-افندم؟
عادل:-لا مفيش مفيش
قامت فرح واقفه:-انا ريحه اشوفهم كده و جايه
**ياسمين:-يا ربي!!...طب و بعد ما عرفت الكلام ده من سلمي اختك هتعمل ايه
انس:-هبعد
ياسمين:-ازاي انت ادبست رسمي و هتتقدملها
انس:-مش عارف بقي يا ياسمين بجد هي كمان عرفت
ياسمين:-خلاص يا عم خليك انت في اللعبه دي لغايه ما الي سلمي قالتله يحصل و اهو بالمره تكون ساعدتها انها تخف
قال انس بضعف:-و انا؟
ياسمين بقلق:-انس....هوا انت....يعني...يتحبها؟
انس:-انا؟لا لا انا رايح ال...
فرح مقاطعه من الخلف:-يلا يا جماعه المحاضره بدأت
امسك انس بكفها و حاول ان يمحي ضيقه:-يلا
مشت ياسمين خلفهم تنظر لايديهم المتشابكه..وتبتلع ريقها
__________________________________
....:-بس انا لسه مش فاهم....سلمي قالتلك ايه
انس:-يا سيدي هتعرف في الاخر
...:-ايه يا انس هي روايه بوليسي؟
انس:-عشان يكون فيها اثاره بس
....:-يشفيك يا رب
كان هذا صباح اليوم التالي عندما تقابل انس مع محدثه و اخذ يكمل له ما بدأ
...:-طيب يا سيدي كمل دي مبقتش مستشفي دي بقت مكتبه المعادي
انس بابتسامه هادئه:-و هي ايه اخبارها؟
....:-الحمد لله حالتها مستقره
انس:-الحمد لله......اكمل بقي..
_________________________________
وقف انس شاردا في شرفه شقته بينما دخلت له سلمي تقف الي جانبه بهدوء و ثبات وجدته صامتا للغايه و يبدو حزينا حتي انه لم يلحظ دخولها
كادت ان تتحدث و تلفت نظره لوجودها لولا انه تحدث فجأه:-
-صعبانه اوي عليا...من ساعه ما قلتيلي نهايه كده و انا حاسس بضيق ايه ذمبها انها تعيش كل ده؟و في الاخر....
صمت قليلا و تنهد:-ذمبها انها حبت حد اوي و اتعلقت بيه و اتاخد!ذمبها ان اهلها مفقوش الا متأخر
كان قد عاد للتو من منزل فرح بعد ان تقدم لها برفقه سلمي
انس:-كنت بقول ان الموضوع ممكن يقلب جد و جواز و حب و هي تعيش حياه طبيعيه و تخف بفضلي و انا يكون معايا وحده في وفائها لكن لما عرفت نهايه القصه قررت استني النهايه براحه اهو ع الاقل هتكون كويسه بس انا؟.... بس الصبر هو الموت البطيء
ارتفع حاجبا سلمي في دهشه من حزنه و حديثه المحبط و لكنها لم تتحدث او تعلق بشيئ و قد صارحت نفسها ان انس قد تعلق بفرح عكس توقعها و لكنها لا تستطيع الاعتراض فهي شخصيا لم تقابلها سوي مرتين و احبتها... و عندما تقدم انس لها شعرت فرح ببعض التعب لانها تعلم ان سلمي ليست اخت باسم و لكنها تقبلت الامر و صمتت
و لكن فرح كانت تبتدو طيبه كالاطفال فأحبتها سلمي كثيرا!
انس:-انا داخل انام...بس قوليلي يا سلمي هو الكلام ده بيحصل ع مدي بعيد و لا قريب
سلمي:-مش شرط ممكن قريب جدا اقرب من توقعنا و بعيد جداااااا ابعد من توقعنا
انس:-خايف ادعي يكون قريب اتحرم منها..و خايف ادعي يكون بعيد اكون اتعلقت بيها مثلا و اتعب....تصبحي ع خير
سلمي:-و انت من اهله
ثم قالت هامسه لنفسها:-بس هو انت لسه هتتعلق بيها؟انت اتعلقت خلاص...
____________________________________
فرح بهمس:-تاكل فشار؟
انس:-لا
فرح:-تاخد بيبسي؟
انس:-لا
فرح:-طب في شبسي...
انس:-هههههه يا بنتي ركزي في الفيلم بقي
وهنا وصل الي مسامعهم صوت رجل من خلفهم:-
-يا جماعه وطوا صوتكوا مش هينفع كده!
انس:-حاضر احنا اسفين
فرح بضحك:-هههههههه اسفين يا صلاح
انس:-يا بت بس
كانا يجلسان في احدي السينيمات معا و كان معهما ياسمين و احمد و سلمي ايضا
فرح:-اعععععععع ابن المعفنه
انس:-ههههههه الله يخربيتك الراجل اتقتل و بتشتمي؟
فرح:-بص اتقتل ازاي اصلا والدم بيخرج من بقه كأنه مضخه
شعر انس بالاشمئزاز من تعبيرها وهو يقول:-انتي مقرفه علفكره
فرح:-عارفه عارفه مش كنا دخلنا رومانسي
انس:-ااه و عياط و مناديل مش كده
جائهما صوت نفس الرجل:-
-لا لا مش ممكن كده حضرتك انا فعلا مش عارف اركز
انس:-ياعم اعد ع جمب يعني هتركز في مستقبلك
-الله الله...انت واضح كده نفسك تتضرب
وقف انس و هو يجذب فرح:-و لا اضرب و اضربك يا سيدي انا سيبهالك
احمد:-انتو ريحين فين
فرح:-احنا برا متخفش يا احمد
خرجت فرح برفقه انس و قد اتسعت ابتسامتها
فرح:-كده احسن!هههههههه يلا بقه نطلع نركب مركب نفسي اركبو
انس:-لا عيب يا فرح احمد...
قاطعته و هي تفتح سيارتها:-يلا يلا
ابتسم هو يقول:-مجنونه رسمي
ثم ركب الي جانبها:-انا؟انا اركب عربيه بمبه
قالت و هي تنطلق:-مهو انا قلت اسيب عربيتك عشان يعرفو يروحو
انس:-المفتاح معايا هههههههههه
فرح:-ههههههه احسن
_________________________________
خرج احمد و سلمي و ياسمين بعد انتهاء الفيلم و كانو في غايه السعاده فقد أمتعم الفيلم كثيرا الا ان هذه السعاده لم تدم طويلا
احمد:-اده راحو فين دول
ياسمين:-هتلقيهم في كافتريا السينما او حاجه
سلمي:-انا هروح اشفهم
غابت سلمي عن انظارهم
احمد:-أ...ياسمين؟
ياسمين:-نعم
احمد:-ممكن معاد من والدك
ياسمين:-ليه
احمد:-ههه هيكون ليه يعني
ياسمين:-ماشي هشوف
تضايق كثيرا من اجابتها المقتضبه و كاد ان يتحدث لاولا ان سرق سمعه حديث سلمي
-مش موجودين
ياسمين بتعجب:-اده صح!! و كمان فين عربيه فرح؟
اخفت سلمي ابتسامتها عندما فهمت ما يحدث
احمد:-يا ولاد ال.....ماشي! يلا نروح احنا المفاتيح معاكي يا انسه سلمي
سلمي:-لا...مع انس!
احمد:-انا غلطان اني مجبتش عربيتي.....تاكس!
________________________________
كانت فرح تقف مع انس يتسامران علي الكورنيش كانا في غايه السعاده و ان يشوب بعضا من الحزن ع نفس انس
انس:-اخوكي بيرن
فرح:-متردش
انس:-مينفعش يا فرح عيب بقي
و قبل ان يضغط زر الاجابه سحبت فرح الهاتف
انس:-هاتي الموبايل
قالت وهي تظهر لسانها:-لااا..
قال انس وهو يقترب:-هااتي يا فروحه بقي
فرح ترجع الي الخلف:-نو!
انس:-ههههههه بقلك هاتي احسلك
نزلت من فوق الرصيف لا شعوريا:-ههههههههه لا
شعرت باضاءه عاليه موجه عليها فنظرت الي جانبها
انس:-فرح!حاسبي!حااااااااااااااااااااااسبي..
اقترب انس محاولا انقاذها بسرعه بينما فرح تنظر بوجوم شديد الي السياره
****فلاش باك******
فرح:-بااااااااسم انا هنا...
باسم من الاسفل:-طالعلك أهو ومعايا ورد
ثم اشاح به وهو يقترب ليعبر الشارع بحماس
فرح:-هههههههههه طب....بااااااااااااااااااسم!حاااااااااااسب حاااااااسب
و اظلمت الدنيا...!
___________________________________
....:-سكت ليه يا انس كمل كمل
انس:-ريقي نشف من كتر الكلام و صدعت خليني ادخل للي جوا دي اشوفها
....:-لا مليش فيه الحته دي بس
وقف انس قائلا:-العب بعيد هرش ميا!
نظر له بغضب:-انت رخم يا عم
انس و هو يبتعد:-هشوفها و اجي
...:-انا جي معاك..